कपिलवस्तु । कपिलवस्तुमा आगलागीमा परी ४२ घर जलेर नष्ट भएका छन् ।
कपिलवस्तुको विजयनगर गाउँपालिका वडा नं १ गुगौलीमा शुक्रबार भएको भीषण आगलागीमा ४२ घर पुरै जलेर नष्ट भएको प्रहरीले जनाएको छ ।
गुगौलीस्थित काशीराम यादवको घरबाट सल्किएको आगोले बस्ती नै सखाप पारेको हो । आगलालीले मानवीय क्षति भने हुन भएन ।
गाउँको उत्तरदेखि शुरू भएको आगोलाई हावा चलिरहेका कारण थप फैलन सहयोग गरेको थियो ।
आगलागीबाट करीब एक करोड बराबरको धनमाल क्षति भएको अनुमान स्थानीयको छ ।
क्षतिको विवरण संकलन भइरहेको प्रहरीले जनाएको छ । गर्मी मौसममा तराई भेगमा बढी आगोलागीका घटना हुने गरेका छन् ।