काठमाडौं । सरकारले आजबाट सकिएको लकडाउनलाई थप ८ दिन लब्याउने निर्णय लिएको छ ।
यससँगै अब ३ वैशाखसम्म मुलुक अहिलेकै अवस्थामा ठप्प रहनेछ । यसै सन्दर्भलाई लिएर प्रधानमन्त्री केपी ओलीले आज देशवासीका नाममा सम्बोधन गर्दैछन् ।
प्रधानमन्त्री निकट स्रोतका अनुसार आज उनले सरकारले गरेको लकडाउनको औचित्य पुष्टी गर्ने प्रयास गर्नेछन् ।
साथै, सरकारले कारोना संक्रमणसाग लड्न गरेका प्रयास र प्राप्त उपलब्धीमा समेत चर्चा गर्ने बताइएको छ ।
सोमबार प्रधानमन्त्री ओलीले देशबासीलाई सम्बोधन गर्न लागेको मन्त्रिपरिषद् बैठकबाट जानकारी गराएका थिए ।
उनले सम्बोधनका क्रममा स्वास्थ्यकर्मीलाई ढाडस दिनेछन् भने लकडाउनको पालना गरी संक्रमणविरुद्ध सचेत रहन सर्वसाधारणलाई अपिल गर्ने भएको छन् । नेपालमा ९ जनामा संक्तमण देखिएको छ ।