काठमाडौं । कोरोना भाइरसको इपिसेन्टर अमेरिकामा यस भाइरसको कहर जारी रहेको छ ।
विश्व स्वास्थ्य संगठनको पछिल्लो तथ्यांक अनुसार अमेरिकामा पछिल्लो २४ घण्टामा कोरोना भाइरसको संक्रमणकै कारण १९ सय मानिसले ज्यान गएको छ ।
२४ घण्टामा अमेरिकामा १८ सय ९७ मानिसको ज्यान गएको बताइएको छ । यहाँ एक दिनमै थप २९ हजार ९ सय ३६ नयाँ संक्रमित फेला परेका छन् ।
अब अमेरिकामा कूल संक्रमितको संख्या ४ लाख ३० हजार पुगेको छ। अमेरिकामा मृत्यु हुनेको संख्या १४ हजार ७ सय ३८ रहेको तथ्यांक छ ।
अमेरिका पछि स्पेनमा मृतकको संख्या बढेको छ। पछिल्लो समय इटलीमा भने मृत्युदर घटेको छ । चीनले भने कोरोनाबाट मुक्त भई मूख्य प्रभावित शहर वुहान नै लकडाउनबाट खुला गरेको छ ।
स्पेनमा मृत्यु हुनेको संख्या १४ हजार ७ सय ९२ पुगेको छ । यहाँ पछिल्लो २४ घण्टामा ७ सय ४७ जनाको मृत्यु भएको छ ।
यस मुलुकमा संक्रमितको संख्या १ लाख ४८ हजार रहेको छ । इटालीमा १ लाख ३९ हजार ४ सय २२ मा कोरोना संक्रमण भएको छ ।
इटालीमा सर्वाधिक १७ हजार ६ सय ६९ ले ज्यान गुमाइसकेका छन्। २६ हजार ४ सय ९१ जना उपचारपछि निको भई घर फर्किएको इटलीले जनाएको छ ।
फ्रान्समा पनि कोरोना संक्रमितको संख्या १ लाख १३ हजार ९ सय ५९ पुगेको छ । १० हजार ८ सय ६९ जनाले संक्रमणबाट ज्यान गुमाइसकेका छन्।
देश जर्मनीमा पनि संक्रमितको संख्या १ लाख १३ हजार २ सय ९६ जना पुगेको छ । यहाँ २ हजार सय ४९ जनाको ज्यान गइसकेको छ ।
विश्वभर कोरोना भाइरस संक्रमणबाट ज्यान गुमाउनेको संख्या ८८ हजार ४ सय ५ पुगेको छ।
बिहीबार बिहानसम्मको तथ्यांक अनुसार १५ लाख १३ हजार ३ सय ४ जनामा कोरोना संक्रमण पुष्टि भएको छ।
त्यस्तै, ३ लाख २९ हजार ७ सय ३१ जना उपचारपछि निको भएका छन् । नेपालमा कूल ९ जनामा संक्रमण देखिएको छ । त्यसमध्ये १ जना निको भएर घर फर्किएका छन् ।