काठमाडौं । बेलायतबाट फर्किएपछि पनि घरमै लुकेर बसिरहेका एकै परिवारका तीन जनामा कोरोनाको लक्षण देखिएको छ । उनीहरुको र्यापिड टेष्टमा पोजेटिभ रिपोर्ट आएको छ ।
विदेशबाट फर्किएपछि पनि अस्पताल जचाउन नगएका उनीहरुबारे छिमेकीले प्रहरीलाई खबर गरेका थिए । उनीहरु आएपछि नै छिमेकीमा भने त्रास बढेको बताईको छ ।
उनीहरु पेप्सिकोलास्थित सनसिटी अपार्टमेन्टमा बस्दै आएका थिए । अहिले तीन जनालाई नै अस्पतालमा भर्ना गरिएको छ ।
उनीहरु आमा, छोरा र बुहारी रहेको बताइएको छ । उनीहरुलाई पाटन अस्पतालमा भर्ना गरिएको छ ।
पीसीआर विधिबाट नमुना संकलनका लागि उनीहरुको थ्रोट स्वाब लिइएको अस्पतालले जनाएको छ ।
उनीहरु २८ दिनअघि बेलायतबाट आएर बसेका थिए । तर, अस्पताल गएका थिएनन् । लक्षण बढ्दै गएपछि छिमेकीले खबर गरेका हुन् ।
सनसीटीको ब्लक एमा उनीहरु बस्ने गरेका थिए । अहिले अर्पाटमेन्टलाई प्रहरीले आफ्नो नियन्त्रणमा राखेको छ ।