पोखरा । कोरोना भाइरस संक्रमणको आशंकामा बागलुङमा अहिले द्रुत परिक्षण (र्यापिड डाइगोनोस्टिक टेष्ट) जारी रहेको छ । आइतबार र्यापिड टेस्टले पोजेटिभ देखाएको एक नमुना अन्ततः नेगेटिभ सावित भएको छ ।
६५ वर्षिय महिलामा पोजेटिभ देखिएको थियो । काठेखोला–६ मा कूल ५७ जनामा गरिएको परिक्षणबाट एक महिलामा पोजेटिभ देखिएको थियो ।
र्यापिड टेष्टका क्रममा पोजेटिभ देखिएपछि उनको स्वाब थप परीक्षणका लागि पश्चिमाञ्चल क्षेत्रीय अस्पताल पोखरा लगिएको थियो ।
पोखरामा पिसिआर मेसिन मार्फत गरिएको परीक्षणमा उनको रिपोर्ट नेगेटिभ आएको जिल्ला स्वास्थ्य कार्यालय बाग्लुङले जनाएको छ ।
आइतबार नै स्वाब टेष्टका लागि पोखरा पठाइएको थियो । रिपोर्ट सोमबार दिउँसो आएको हो ।
र्यापिड टेष्टमा गरिने परीक्षण ६० प्रतिशत मात्र विश्वसनीय विज्ञहरु बताउँछन् ।
ठूलो संख्यामा टेष्ट गर्दा किट मार्फत र्यापिड टेष्ट गरिन्छ । र्यापिड टेष्ट गर्दा पोजेटिभ देखिए पिसिआर मेसिनबाट टेष्ट गरेपछि मात्र भेरिफाई गर्ने गरिन्छ ।