न्युयोर्क
न्युयोर्क राज्यको लकडाउन आगामी मे १५ सम्म कायम हुने भएको छ । गभर्नर एन्ड्रु कुमोले न्युयोर्कमा कायम रहेको लकडाउन आगामी मे १५ सम्म रहने न्युयोर्कको राजधानी अल्बानीबाट बिहीवारको प्रेस ब्रिफिङमा बताएका हुन् । कुमोले अन्य राज्यहरुसँगको सहकार्यमा अहिलेको लकडाउनलाई कायम राखिने बताएका छन् । यस अगाडि तय गरिएको अप्रिल ३० सम्मको लक डाउनलाई मे १५ सम्म बढाउने निर्णय गरेको बताउदै कुमोले भनेका छन् “अहिले हामीले जे गरी रहेका छौं, यसैलाई नियमीत गर्छौ । म यो भन्दा धेरै कम संक्रमित दर भएको म हेर्न चाहन्छु” ।
न्युयोर्कमा कोरोना संक्रमण सुरु भए यता सबै भन्दा कम संक्रमितको संख्या बुधबार देखिएको र आी सि युसम्म पुग्ने र अस्पातल भर्ना हुने बिरामीको संख्यामा पनि निकै सुधार आएको भन्दै उनले छिमेकी राज्यहरुसँगको सहकार्यमा अहिलेको लकडाउनलाई एक महिना लम्ब्याउने बताएका हुन् । यद्यपी कुमोले कुन कुन राज्यले लकडाउन बढाउने सहमती गरेको हो त्यो भने खुलाएका छैनन् । यस अगाडि डेलावर राज्यले मे १५ सम्म बढाउने निर्णय गरिसकेको छ भने न्युयोर्क राज्यमा यस अगाडि नै अर्को सुचना नआउन्जेलसम्म “पुट इन प्लेस” घोषणा गरिएको छ ।
अमेरिकामा ६ लाख ४० हजार २ सय संक्रमित र ३१ हजार भन्दा धेरैको मृत्यु हुँदा न्युयोर्क राज्यमा मात्र २ लाख १४ हजार ८ सय संक्रमित र १५ हजारको कोभिड -१९ का कारण मृत्यु भै सकेको छ ।