काठमाडौं । आज नेपालबाट रुसले आफ्ना नागरिकलाई फिर्ता लैजाने भएको छ । रुसको रोयल फ्लाइट एयरलाइन्स बिहान काठमाडौं अवतरण गर्दैछ ।
जहाजले लकडाउनपछि नेपालमा अडकिएका नागरिकलाई रुस फिर्ता लैजाने रुसी दूतावासले जनाएको छ । जहाज १ बजे काठमाडौंबाट फिर्ता हुनेछ ।
यो जहाजको उडान मस्कोसम्मको हो । उक्त जहाजले काठमाडौंमा रहेका १ सय ४३ यात्रु लिएर जाने बताइएको छ ।
लकडाउन र अन्तरराष्ट्रिय उडानमाथिको प्रतिवन्ध लम्बिएसँगै नेपालमा फसेका विदेशी नगरिकलाई मुलुकहरुले धमाधम फिर्ता लगिरहेको छन् ।
यद्दपी रुसले ढिला गरी आफ्ना नागरिक लगेको हो ।