काठमाडौं । सरकारले पार्टीमा बीना छलफल दुई वटा अध्यादेश पारित गरेसँगै राजनीतिक मौहाल गर्माएको छ । यसै सन्दर्भमा नेकपा अध्यक्ष प्रचण्डको आग्रहमा सोमबार साँझ नै नेकपा सचिवालय बैठक बस्यो ।
तर, बैठकले कुनै ठोस निर्णय भने नगरेको नेकपाका प्रवक्ता तथा सचिवालय सदस्य नारायणकाजी श्रेष्ठले जानकारी दिए । उनका अनुसार सचिवालय बैठक बस्दाबस्दै राष्ट्रपतिबाट अध्यादेश पारित भएको जानकारी आयो ।
त्यसपछि छलफलको कुनै औचित्य नै नरहेको उनले बताए । उनका अनुसार बैठकमा सबै नेताले गम्भीरतापूर्वक आफ्नो धारणा राखेका थिए ।
यद्दपी यस विषयमा कसको सरकारलाई समर्थन थियो वा विरोध थियो भन्ने चाही उनले खुलाएनन् ।
उनका अनुसार प्रधानमन्त्री ओलीले अध्यादेश ल्याउनुको औचित्यबारे प्रष्ट पार्ने कोसिस गरेका थिए ।