न्युयोर्क
राष्ट्रपति डोनाल्ड ट्रम्पले ६० दिनको लागि अमेरिका आप्रवासन बन्द गर्ने घोषणा गरेका छन् । ट्रम्पले आफूमा निहित कार्यकारी अधिकार प्रयोग गर्दै उक्त घोषणा गरेका हुन् । ट्रम्पको उक्त घोषणापछि आगामी ६० दिनको लागि अमेरिका आउने आप्रबासीको लागि ग्रिन कार्ड जारी हुने छैन । कोरोना भाईरसका कारण लाखौं अमेरिकनले रोजगारी गुमाएको कारण आफ्नो प्राथमिकता अमेरिकन नागरिकको लागि रोजगारी भएको हुँदा तत्कालको लागि अमेरिका आप्रबासन बन्द गरेको ट्रम्पले मंगलवार आफ्नो नियमित प्रेस ब्रिफिङमा बताएका हुन् । यस अगाडि उनले सोमबार आप्रबासन सम्बधी कार्यकारी आदेश जारी गर्ने जनाएका थिए ।
तत्कालका लागि ग्रिन कार्ड जारी बन्द हुने भएपनि अस्थाई कामदारहरु भने अमेरिका आउन सक्ने उनले बताएका छन् । ट्रम्पले ६० दिन पछिको अवस्था मुल्याङ्कन गरेर यो बन्द अवधि थप्ने या फुकाउने निर्णय गर्ने समेत बताएका छन् ।