काठमाडौं । शेयर बजारमा सुधार आएको छ । पछिल्ला दुई दिनमै १२० अंकले घटेको बजार सोमवार दोहोरो अंकले बढेको हो ।
विहीवार ४९ अंक र आइतवार ७० अंकले ओरालो लागेको नेप्से सोमवार ३२. २२ अंकले बढेर २५४६.०९ विन्दुमा पुगेको छ ।
नेपाल स्टक एक्सचेन्जका अनुसार त्यसदिन २२७ कम्पनीको ४ अर्ब ५४ करोड २३ लाख ४५ हजार २७१ रुपैयाँ बराबरको ९४ लाख ७१ हजार ३११ कित्ता शेयर किनबेच भएका छन् ।
आज कारोबारमा आएका १३ समूहकै परिसूचक हरियाली भएका छन् । धेरै कमाउनेमा फाइनान्स र विकास बैकका लगानीकर्ता रहेका छन् ।
बैंकिङ समूहको शेयर १३ अङ्कले, विकास बैंकको एक सय ५७, होटलको ४१ फाइनान्सको ५७ ,माइक्रोफाइनान्सको ६५ र जलविद्युत् समूहको शेयर ८२ अङ्कले बढेको छ ।
यस्तै उत्पादन समूहको शेयर ६२ अङ्कले, जीवन बीमा समूहको एक सय २२ अङ्कले, निर्जीवन बीमा समूहको २६ र अन्य समूहको शेयर ३१अङ्कले बढेको छ ।
एक कम्पनीको शेयरमूल्यमा उच्च वृद्धि भएको छ । शेयरमूल्य बढ्ने कम्पनीहरु मेरो माइक्रो फाइनान्स रहेको छ ।
यसको शेयरमूल्य १० प्रतिशतले बढेको छ । एक्सेल डेभलपमेन्ट बैंकको मूल्या ९.५५ प्रतिशतले बढेको छ । त्यस्तै, आज जनउत्थान सामूदायिक लघुवित्त र न्यादि हाइड्रो पावारको शेयरमूल्यमा उच्च गिरावट आएको छ ।
आज जनउत्थान सामूदायिक लघुवित्त कम्पनीको शेयरमूल्य करिब ६ प्रतिशत भन्दा बढीले घटेको छ ।
यस्तै, कारोबारको आधारमा आज सबैभन्दा बढी कारोबार नविल बैंकको भएको छ । यस बैंकको आज १७ करोडभन्दा बढीको कारोबार भएको छ ।
