Author: Amrita KC

अमृता के सी ( रोनी )
काठमाडौँ /६४ औँ सहकारी दिवसको अवसरमा चैत २० गते बुढानिलकण्ठ नगरपालिकाले बुढानिलकण्ठ मन्दिरमा बृहत सरसफाइ कार्यक्रम आयोजना गरेको छ। जिल्ला सहकारी संघ काठमाडाैँ र नगर सहकारी समन्वय समितिको समन्वयमा बुढानिलकण्ठ सहकारी शाखाबाट बुढानिलकण्ठ मन्दिर परिसर सरसफाई तथा सहकारी संस्था भेला चियापान कार्यक्रम सम्पन्न भएको हो ।

कार्यक्रममा नगर प्रमुख उद्धव प्रसाद खरेल, उप- प्रमुख रमा देवि राई , जिल्ला सहकारी संघ अध्यक्ष ज्ञान बहादुर तामाङ्, जिल्ला सहकारी संघ संस्था उपाध्यक्ष सिता ढकाल लगायत नगरपालिकाका विभिन्न शाखा प्रतिनिधिहरु, नगरभित्र सुचिकृत सबै सहकारी संघ संस्थाहरुका पदाधिकारीहरुको उपस्थिति रहेको थियो ।
शुक्रबार बिहान ७:०० बजेबाट सुरु भएको “मर्यादित व्यवसाय र प्रविधिमा सहकारी” नाराका साथ नगर सहकारी समन्वय समितिको समन्वयमा बुढानिलकण्ठ सहकारी शाखा र नगरमा सुचिकृत सहकारी संस्थाहरुको बाक्लो उपस्थितिले बुढानिलकण्ठ मन्दिर परिसरमा बृहत सरसफाई गरी सहकारी संस्था भेला साथै चियापान समारोह आयोजना गरी सहकारी दिवस भव्य रूपमा मनाएको थियो।

अमृता के सी ( रोनी )
काठमाडौँ, चैत २०/बूढानीलकण्ठ नगरपालिकाकाे न्यायीक समितिले आर्थिक वर्ष २०७७/०७८ मा १४ वटा मुद्दाहरू उपर न्याय निरूपण गरकाे छ । यी १४ मुद्दाहरू मध्य ८ लाइ मिलापत्रबाट छिनाेफानाे गरिएकाे छ भने ६ वटा मुद्दाहरूलाइ सम्बन्धित वडा कार्यालय र जिल्ला अदालतमा पठाइएकाे छ ।

नगरपालिकामा दर्ता हुन आएका मुद्दाहरूमा गैर कानुनी निर्माण,मानाचामल, असुरक्षित निर्माण संरचना भत्काउन, सार्वजनिक बाटाे कायम, गैर कानुनी टाेडफाेड, घरेलु हिंसा र छिमेकीलाइ असर पर्ने गरी घर निर्माण,घर जग्गा फुकुवा, नक्शा पाश बिना बनाएकाे पर्खाल भत्काउने र घर बहाल भराइ घर खाली गराउने समेतका मुद्दाहरू रहेका छन् ।

न्यायीक समितिले आफ्नाे अधिाकरक्षेत्र भित्र पर्न आएकाे स्थानिय मुद्दाहरुको विषयमा हप्ताको दुई दिन; मङ्गलबार र शुक्रबार सबै पक्षलाई राखेर मुद्दाको सुनुवाई र मेलमिलाप गराउदै आएकाे छ ।

अमृता के सी ( रोनी )
काठमाडौँ,चैत १०/शिवपुरी राष्ट्रिय निकुञ्जमा आगलागी भएको छ।निकुञ्जको गोकर्णेश्वर नगरपालिका वडा नं ३ साबिक बालुवा गाबिस १ खण्डमा आगलागि भएको हो । मंगलबार करिब ४ बजेको समयमा स्थानियले आगलागी भएको देखे लगत्तै सेना तथा प्रहरी पुग्नु अगाडि नै आगो नियन्त्रणमा लिने प्रयास गरेका थिए।स्थानिय सुन्ताखान युवा क्लबका अध्यक्ष हरिबोल बिष्ट र अमर भण्डारीको नेतृत्वमा स्थानियहरु आगो नियन्त्रणमा लिन अग्रसर भएको स्थानिय श्रोतले बताएको छ ।
सुन्ताखान युवा क्लबका अध्यक्ष बिष्टले नै सुन्दरीजल ब्यारेक स्थित सेना,शिवपुरी राष्ट्रिय निकुञ्ज, मुहान पोखरी खानेपानी समिति र स्थनिय प्रहरीलाई खबर गरेका थिए।स्थानिय बासी र सुरक्षाकर्मिहरुको सहायताले करिब २ घण्टामा आगो नियन्त्रणमा लिएको प्रहरीले जनाएको छ। आगलागीबाट वनस्पतिको नाश भएपनि कुनै पनि जंगली जनावरलाई असर नपरेको जानकारी बिष्टले विश्व न्युजलाई दिए।

काठमाडौँ /बुढानिलकण्ठ नगरपालिका वडा नं ११ मा डिप बोरिङ सुरु गरिएको छ। स्थानिय कपन गुम्बा उत्तरमा रहेको शिव मन्दिर मार्ग टोल सुधार समितिमा डिप बोरिङ्को सुरुवात गरिएको हो ।

चैत्र ६ गते वडा नम्बर ११मा शुरु गरिएको उक्त खानेपानी निमार्ण आयोजनाबाट उक्त क्षेत्रका २५३ घरधुरी लाभान्वित हुने वडा अध्यक्ष राजु अधिकारीले जानकारी गराए।

वडा कार्यालयको २० लाख बजेटबाट डिप बोरिङ करिब १५० मिटर खनिएको अधिकारीले बताए।वर्तमान परिस्थितिमा बस्तिहरु बढेसंगै खानेपानीको बढ्दो मागलाई पुरा गरि खानेपानीको सुविधा उपलब्ध गराउने वडाको पहिलो प्राथमिकता अन्तर्गत सबै क्षेत्रमा खानेपानी विस्तार गरिने समेत अधिकारीले बताए।

अमृता के सी ( रोनी )

काठमाडौँ /बुढानिलकण्ठ नगरपालिकामा हाललाई कोभिड -१९ विरुद्धको खोप अभियान स्थगित गरिएको छ । नगरपालिकाले चैत्र ४ गते एक सूचना प्रकाशित गर्दै हाललाई खोप अभियान स्थगित गरेको जानकारी दिएको हो ।

स्वास्थ्य शाखाका प्रमुख कुमार दाहालले सूचना जारी गर्दै अर्को सूचना नआए सम्मका लागि अभियान स्थगित गरिएको जानकारी दिएका हुन् । नेपाल सरकार स्वास्थ तथा जनसंख्या मन्त्रालयबाट पुन निर्देशन प्राप्त भए पछी दोश्रो चरणको खोप अभियान सुरु गरिने समेत नगरपालिका द्वारा जारी सूचनामा जनाइएको छ।

सूचना :-

अमृता के सी ( रोनी )

काठमाडौँ /लायन्स क्लब इन्टरनेसनल डिस्ट्रिक ३२५ ए १ अन्तर्गत लायन्स क्लब अफ काठमाडौँ जर्नी र नेपाल मेडिकल कलेज ट्रेड युनियनले संयुक्त रूपमा आयोजना गरेको रक्तदान कार्यक्रम सम्पन्न भएको छ।चैत १ गते आइतबार गोकर्णेश्वर वडा नम्बर ८ स्थित अत्तरखेलको नेपाल मेडिकल कलेज प्राङ्गणमा भएको रक्तदान कार्यक्रममा ७१ जना रक्तदाताले रक्तदान गरेका छन्।सो कार्यक्रममा नेपाल रक्तसञ्चार सेवा भक्तपुर शाखाको प्राविधिक सहयोग रहेको थियो।

कार्यक्रममा गोकर्णेश्वर नगरपालिका प्रमुख सन्तोष चालिसे, प्रमुख प्रशासकीय अधिकृत राम प्रसाद आचार्य, नगरपालिकाका प्रमुख सल्लाहकार दिपक रिसाल, नगरपालिकाका प्रवक्ता एवं वडा नं ८ का वडा अध्यक्ष मनोज कुमार ढुंगाना ,पुर्व डिस्ट्रिक गभर्नर एबम हङगर रिलिफ मल्टीपल डिस्ट्रिक कोर्डिनेटर लायन कुमार राज सुवेदी, लायन उमेश ढुंगाना ,नेपाल मेडिकल कलेज आधिकारिक ट्रेड युनियनका अध्यक्ष किरण केसी, परिवर्तनशिल महिला समाजकि अध्यक्ष लक्ष्मी पुडासैनी, समाजसेवी भावना ठकुरी,लायन जयराम बिष्ट,गोकर्णेश्वर नगरपालिका खेलकुद विकास समितिका अध्यक्ष संजय लामा लगायत आयोजक संस्थाका पदाधिकारी सहित स्वास्थ्यकर्मी र रक्तदाताको उपस्थिति रहेको थियो।कार्यक्रममा रक्तदाताहरुलाई प्रमाण पत्र वितरण गरिएको थियो ।

बढ्दो रगतको अभाव पूर्ति गर्ने उद्देश्यले कार्यक्रम आयोजना गरेको लायन्स क्लब अफ काठमाडौँ जर्नीकी अध्यक्ष रोजीना बिष्टले जानकारी विश्व न्युजलाई दिइन्।
बिष्टले धेरै जना रक्तदाताहरुले रक्तदान गर्न इच्छा देखाए पनि स्वास्थ्य लगायतको कारणले गर्दा रक्तदान गर्न नसकेको जानकारी गराउदै रक्तदान जीवनदान,रक्तदान महादान,रक्तदान पुण्यकाम भन्ने मुल मन्त्रलाई आत्मसात गर्दै रगत दान गर्ने तथा कार्यक्रमलाई सफल बनाउन सहयोग गर्ने सबैलाई क्लबको तर्फबाट धन्यवाद दिएकी छिन्।

अमृता के सी ( रोनी )
काठमाडौँ,फागुन २९/टोखा नगरपालिका वडा नम्बर १ मा एक युवक मृत अवस्थामा फेला परेका छन्।शनिबार बिहान टोखा स्थित मालुङ्ग साङ्गला ढलान सडक नजिकै रहेको बाँसको झाँङ्गमा एक युवकको शव फेला परेको हो।मृतकको साथबाट मोरङ्ग बेलबारी स्थायी ठेगाना आशिष लिम्बुको नाम र वर्ष २५ रहेको परिचयपत्र फेला परेको प्रहरीले जनाएको छ।मृतकको मुखबाट रगत बगेको र शरिरमा निलडाम रहेको हुँदा हत्या भएको हुनसक्ने आशंका भएको प्रहरीले जनाएको छ भने प्रहरीले थप अनुसन्धानको काम अगाडी बढाएको छ ।

अमृता के सी ( रोनी )

काठमाडौं,फागुन २९/लायन्स क्लब इन्टरनेसनल डिस्ट्रिक ३२५ ए१ अन्तर्गत लायन्स क्लब अफ काठमाडौं जर्नी र नेपाल मेडिकल कलेज ट्रेड युनियनको संयुक्त आयोजनामा बृहत रक्तदान कार्यक्रम हुने भएको छ।आगामी चैत्र १ गते आइतबार बृहत रक्तदान कार्यक्रम हुने भएको छ।

लायन्स क्लब अफ काठमाडौं जर्नीले हरेक तीन महिनामा विभिन्न संस्थाहरु संगको सहकार्यमा रक्तदान कार्यक्रम गर्दै आएको छ।

सोही कार्यक्रमको निरन्तरताको क्रममा पुन चैत्र १ गते नेपाल मेडिकल कलेज ट्रेड युनियन संग मिलेर नेपाल मेडीकल कलेज आत्तरखेलमा रक्तदान कार्यक्रम गर्न लागेको लायन्स क्लब अफ काठमाडौं जर्निकी अध्यक्ष लायन रोजिना बिष्टले बताइन्।
आइतबार नेपाल मेडिकल कलेज अत्तरखेलको प्राङ्गणमा बिहान १० बजे देखि अपरान्ह २ बजे सम्म आयोजना गर्न लागिएको सो कार्यक्रममा उपस्थित भई रक्तदान गर्नको लागि लायन्स बिष्टले सबैलाई अनुरोध समेत गरेकी छिन्

अमृता के सी ( रोनी )
काठमाडौँ/१११ औँ अन्तर्राष्ट्रिय नारी दिवस बुढानिलकण्ठ नगरपालिकाको महिला तथा बालबालिका विकास शाखाको संयोजकत्वमा नगरपालिका प्रांगणमा मनाइएको छ। “महिलाहरुको सुरक्षा, सम्मान र रोजगारः समृद्ध नेपालको आधार” नाराका साथ फागुन २४ गते सोमबार विशेष समारोह आयोजना गरिएको हो।

कार्यक्रममा उद्योग बाणिज्य तथा अपुर्ति राज्य मन्त्रि माननिय बिमला बि.क., बागमति प्रदेश सभा सदस्य सिता लामा, संविधान सभा सदस्य शान्ति अधिकारी, मानव अधिकार आयोग सदस्य लिलि थापा, सि.एन.एन. हिरो पुष्पा बस्नेत, बूढानीलकण्ठ नगरपालिका प्रमुख उद्दव प्रसाद खरेल, उप प्रमुख रमा देवि राई, नगर सल्लाहकार सुन्दर पुर्कुटि, नगरपालिकाका १३ वटै वडाका वडा अध्यक्ष, वडा सदस्य, नगर कमिटि सदस्य, प्रमुख प्रसाशकिय अधिकृत बैकुण्ठ सापकोटा, प्रसाशकिय अधिकृत जयराम गजुरेल, नगरपालिका हरेक शाखाका कर्मचारी, विभिन्न राजनितिक दलका प्रतिनिधी लगायत महिला समाजसेवि, महिला सञ्जाल, महिला समुह, एकल महिला समुहका प्रतिनिधीहरुको उपस्थिति रहेको थियो थियो।

विश्वका अन्य देशहरुमा झैं प्रत्येक वर्ष फागुन २४ गते नेपालले पनि अन्तर्राष्ट्रिय महिला दिवस मनाउँदै आएको छ।नेपाल पुरुष प्रधान देश भएकै कारण कतिपय ठाउँमा लैंगिक समानता, लैंगिक विभेद र हिंसा हुने भएकोले सबैलाई सचेतना साथै आफ्नो हक अधिकारको लागि अघि बढ्न प्रेरणा दिदै महिला दिवस मनाउने परम्परालाई निरन्तरता दिन कार्यक्रमको आयोजना गरिएको हो।

अमृता के सी ( रोनी )
काठमाडौं फागुन २२/काठमाडौंको पुर्वी भेगमा रहेको गोकर्णेश्वर, कागेश्वरी मनोहरा र शंखरापुर नगरपालिकाले संयुक्त रुपमा संचालन गर्न लागेको “पुर्वी काठमाडौं नयाँ शहरी विकास आयोजना” ले आज जग्गाधनीहरु र मोहीहरू बिच अन्तरक्रिया कार्यक्रम गरेको छ ।

कार्यक्रममा आयोजना प्रमुख, इन्जिनियरहरु, सम्बन्धित नगरपालिकाका प्रमुख सहित जनप्रतिनिधिहरुका साथै सरोकारवाला जग्गाधनी र मोहीहरु बिच आज गोकर्णेश्वरको जोरपाटी स्थित पिस पार्टी प्यालेसमा छलफल भयो।

बिकास आयोजनाले कागेश्वरी मनोहरा नपाको वडा नम्बर १,२,३,४ गोकर्णेश्वर नपाको वडा नम्बर १,२,४ र शंखरापुर नपाको वडा नम्बर ९ को करिब २६ हजार रोपनी जग्गा एकीकरण गरि नयाँ शहर बिकास गर्न लागेको हो।जस अन्तर्गत फराकिलो सडक,खुल्ला क्षेत्र,खेल क्षेत्र,बाल उध्यान,मठ मन्दिर लगायतका आवश्यक क्षेत्र सहितका आवास क्षेत्र निर्माण हुनेछ।
जग्गाको भौतिक अवस्था अनुसार क,ख,ग, र घ गरि ४ बर्गमा बिभाजन गरेर एकीकृत गर्ने आयोजनाको लक्ष्य रहेको शहरी योजनाकार इन्जिनियर सुमन पाठकले जानकारी दिए।उनी भन्छन् “सम्भाव्यता अध्ययन सकिएपछी छिट्टै आयोजनाले डिपिआर तयार गरि सम्बन्धित नगरपालिकालाइ बुझाउने छ”।

आयोजना प्रमुख इन्जिनियर दिपक श्रेष्ठ कार्यक्रमको प्रष्टीकरण गरेका थिए।श्रेष्ठका अनुसार जग्गा एकीकरण गरेर शहरीकरण भएपछि सम्बन्धित जग्गाधनीलाई जग्गा फिर्ता गरिने छ।जस्मा जग्गाको समूह अनुसार ११ देखि ३३ प्रतिशत जग्गा सम्बधित धनीले कम पाउनेछन् ।

कार्यक्रमा बोल्दै गोकर्णेश्वर नपाका मेयर सन्तोष चालिसेले “जग्गा एकीकरण पछि जग्गाको स्वरुप परिवर्तन भइ हालको भन्दा ३ गुणा सम्म मुल्यांकन बढ्ने र जग्गाको भौतिक अबस्थामा समेत परिबर्तन भइ उत्कृष्ट घडेरी र व्यवस्थित शहरको रुपमा बिकास हुने बताउदै सम्बन्धित सरोकारवालाइ यस आयोजनालाई साथ दिन पनि आग्रह गरेका छन् ।

काठमाडौं/शंखरापुर नगरपालिकाको जहरसिंह पौवामा नगर प्रमुख सुवर्ण श्रेष्ठको अध्यक्षतामा सार्वजनिक सुनुवाई कार्यक्रम सम्पन्न भएको छ।
शुक्रबार जहरसिह पौवास्थित स्थानिय सामुदायिक हलमा सम्पन्न कार्यक्रममा उपप्रमुख शुक्र लक्ष्मी श्रेष्ठ ,प्रमुख प्रशासकीय अधिकृत भोजराज खतिवडा ,विभीन्न शाखाका प्रमुखहरु,वडा अध्यक्षहरु,नगर कार्यपालिका सदस्य,कर्मचारी र नगरवासीहरुको उपस्थिति रहेको थियो।
मणिचुड मिडियाको सहजीकरणमा भएको सार्वजनिक सुनुवाई कार्यक्रममा नगरवासीहरुले आफ्ना समस्याहरु राखेका थिए भने नगरपालिकाले हाल सम्म सम्पन्न गरेका कामहरुका बारेमा जानकारी प्रमुख प्रशासकीय अधिकृत भोजराज खतिवडाले गराएका थिए।कार्यक्रममा नगरवासिहरुबाट सुझाव समेत संकलन गरिएको थियो।

साथै सार्वजनिक सुनुवाई कार्यक्रममा मणिचुड मिडियाले नगरपालिकाका विभिन्न वडाहरुमा गरिएको स्थलगत अध्ययन मार्फत संकलन गरेको सेवाको सन्तुष्टि,सेवाको नियमितता ,सेवाको गुणस्तर आदि विषयमा उठाएका प्रश्नहरुको नगरप्रमुख र प्रमुख प्रशासकीय अधिकृतले जवाफ दिएका थिए।

सार्वजनिक सुनुवाईमा साँखु सम्पदा बस्ति निर्माण,सडक र धुलोको समस्या समाधान ,भूकम्प पिडितहरुको समस्या समाधान,नक्शा पास र निर्माण सम्पन्न गर्दा देखिएका समस्या,काममा हुने ढिलासुस्ती आदिका बारेमा प्रश्नहरु उठान गरिएको थियो।

अमृता के सी ( रोनी )

काठमाडौं/गोकर्णेश्वर नगरपालिकाको गोकर्ण स्थित महिला संजालको भवनमा फागुन १४ गते देखि लगातार पाँच दिन सम्म संचालित महिला कानूनी साक्षरता तालिम सम्पन्न भएको छ।शिक्षालय नेपालको आयोजनामा सम्पन्न साक्षरता तालिमको समापन गोकर्णेश्वर नगरपालिका उप प्रमुख शान्ति नेपालले गत १८ गते मंगलबार गरिन्।
शिक्षालय नेपालका अध्यक्ष श्याम तन्डुकारको सभापतित्वमा सम्पन्न कार्यक्रममा गोकर्णेश्वर नगरपालिका सामाजिक बिकास शाखा प्रमुख भिमा थापा,गो न पा ४ नम्बर वडा सदस्य जयराम महत,संचारकर्मी बाल मुकुन्द आचार्य,सहयात्रा कार्यक्रमको निर्देशक गोबिन्द रेग्मी,महिला संजालको सचिब अम्बिका निरौला लगायत प्रशिक्षार्थीहरुको उपस्थिति रहेको थियो।
कार्यक्रममा उप प्रमुख नेपालले पुरुष प्रधान समाजको कारण एकाइसौं शताब्दीमा आइपुदा पनि हाम्रो देश नेपालमा महिला माथी विभेद,हिंसा भैरहेकोले तालिममा सहभागी प्रशिक्षार्थीहरुलाई आफ्नो हक अधिकारको लागि आवाज उठाउन साथै अन्याय नसहन र नगर्न आग्रह गरिन्।नेपालले यदि कसैलाई अन्याय भएको छ भने पनि सम्बन्धि निकायमा खबर गर्न समेत आग्रह गरिन्।महिला कानुनी साक्षरता तालिममा सहभागी सबैलाई बधाई तथा शुभकामना दिदै उप प्रमुख नेपालले समृद्ध राष्ट्र निर्माणमा महिलाको भुमिका अहम् हुने भएकोले तालिमले कानुनी ज्ञान बढाउनुको साथै महिलाहरुलाई अघि बढ्न मद्दत पुग्ने कुरा बताइन्।
गोकर्णेश्वर नगरपालिकाको सहकार्यमा संचालित कार्यक्रममा गोकर्णेश्वर नगरपालिकाका करिव ४० जना महिलाहरुले सहभागीता जनाएका थिए।प्रशिक्षक अधिवक्ता सिर्जना बिष्टले महिलाको हक तथा अधिकार,नेपालको संविधानका धाराहरु,महिला हिंसा लगायतको बिषयमा साथै राष्ट्रिय तथा अन्तर्राष्ट्रिय कानुनहरुको बारे प्रष्ट छर्लङ्ग हुने गरि अन्तरक्रिया सहित तालिम दिएकोमा आयोजकले सम्मान गरेको थियो।कार्यक्रममा तालिममा सहभागी प्रशिक्षार्थीहरुलाई प्रमाणपत्र वितरण साथै यातायातको लागि खर्चको समेत व्यवस्था गरिएको थियोे।

काठमाडौं फागुन १३/गोकर्णेश्वर नगरपालिका वडा नं ४ कार्यालय नजिक प्रेसर कुकर बम भेटिएको छ।वडा नं ४ कार्यालयको क्यान्टिन माथि बाटोमा राखिएको अवस्थामा बम भेटिएको स्थानियहरुले बताएका छन् । प्रेशर कुकर बम आज करिब ११ बजे तिर पहिलो पटक देखिएको पनि स्थानियले बताएका छन् ।   

नेपाली सेनाको बम डिस्पोजल टोलिले घटना स्थलमा पुगेर बमलाई निस्कृय पारेको थियो । घटना वारे थप अनुसन्धान भैरहेको छ।थप विवरण आउन बाँकी नै छ ।  

अमृता के सी(रोनी)
काठमाडौं, फागुन ४। गोकर्णेश्वर नगरपालिका वडा नं ३ सुन्ताखान स्थित पिस एन्जल्स स्कुलको आयोजनामा सरस्वती पुजाको अवसरमा पहिलो पटक शान्ति पुस्तक दान दिवस मनाइयो।गोकर्णेश्वर नगरपालिका प्रमुख सन्तोष चालिसेको प्रमुख आतिथ्यमा शान्ति पुस्तक दान दिवस घोषणा गरिएको हो ।कार्यक्रममा गोकर्णेश्वर नगरपालिकाका प्रमुख सल्लाहकार दिपक रिसाल,साहित्यकार विजय चालिसे,संगितकार एंव प्राध्यापक अचुतराम भण्डारी,बि पि संग्रहालय संस्थापक अध्यक्ष पशुराम पोखरेल,नेपाली कांग्रेस महाधिवेशन प्रतिनिधि राजु सुनार,पत्रकार एंव हास्य कलाकार श्रीकृष्ण सिंखडा,गो.न.पा वडा नं ३ वडा अध्यक्ष राजेन्द्र कुमार भण्डारी,शिवपुरी गाउँपालिका अध्यक्ष रामकृष्ण थापा,समाजसेवी किरण बिष्ट,लायन जयराम बिष्ट,पत्रकार पुण्यप्रसाद गौतम,जनप्रतिनिधि विभिन्न संघ संस्था,क्लब,महिला समूह,बासुरी खल,लगायत नागरिक समाजका बिभिन्न तह र तप्काका ब्यक्तीहरुको उपस्तिथि रहेको थियो।
शान्ति र्‍याली सहित आयोजित कार्यक्रममा नगर प्रमुख चालिसेलाई नागरिक अभिनन्दन गरिएको थियो। कार्यक्रमको सभापतित्व विधालयका संस्थापक प्रिसिपल एंव अधिवक्ता राजेश कुमार बिष्टले गरेका थिए। कार्यक्रममा बिष्टले आफुले जातिय एबम सांस्कृतिक सङ्ग्रहालयका लागि आफ्नो जातिय परम्परागत सस्कृति झल्कने भेषभुषा,भाडाकुडा,पुजासामाग्री,कृषिअाैजार,लोकबाजा, विबाह ,उत्सव ,जन्म, न्बारान, पास्नी,,व्यापार ब्यबसाय आदिमा प्रयोग हुँदै आएका सामाग्रीहरु र किताबहरु संकलन गरि नेपालको एकमात्र पहिलो सङग्रहालय युक्त विधालयको निर्माण गरेको बताएका थिए । सांस्कृतिक संग्राहलय युक्त विधालयको नगर प्रमुखले समुद्घाटन गरेका थिए भने कार्यक्रममा जेष्ठ नागरिक ,साहित्यकार ,लेखक ,सांस्कृतिक कर्मी,समाजसेवी , देशभक्त ,पुस्तक एंव परम्परागत र विविध सांस्कृतिक सामग्री दाताहरुलाई सम्मान गरिएको थियोे।

कार्यक्रममा नगर प्रमुख चालिसेले आफ्नो नगरको चौतर्फी विकास आफ्नै कार्यकालमा गरिसक्ने प्रतिबद्धता जनाउदै संस्कृतिको संरक्षण र जगेर्ना सहित शिक्षाको बिकास गर्ने नेपालकै पहिलो विधालय आफ्नै नगरबाट सुरुवात गर्न पाउँदा हर्षित भएको बताए। समृद्ध राष्ट्र निमार्णको निमित्त शिक्षाको महत्त्वपूर्ण भुमिका रहने भएकोले फागुन ४ गतेलाई शान्ति पुस्तक दान दिवसको घोषणा नगर प्रमुखले गरेका थिए।
कार्यक्रममा शुभकामना मन्तव्य दिने अधिकाश वक्ताहरूले शिक्षा र सिकाइको लागि नमुना विधालय भएको बताउदै हाल कक्षा पाँच सम्म पढाई संचालन हुने विधालयलाई भोलिको दिनमा मास्टर्स डिग्री सम्मको पढाई संचालन होस् भनेर शुभकामना दिए।

हालै घोषणा गरिएको सङग्रहालय युक्त नेपालको एकमात्र पहिलो बिधालय हो ।

अमृता के.सि (रोनी )

काठमाडौं / “ सबै मिलि डढेलोबाट वन तथा वन्यजन्तुको संरक्षण गरौँ”भन्ने मुल नाराका साथ डिभिजन वन कार्यालय काठमाडौं अन्तर्गत गोकर्ण सब डिभिजन वन कार्यालयको आयोजनामा एक दिने वन डढेलो नियन्त्रण सचेतना तथा गोष्ठी सम्पन्न भएको छ।कार्यक्रम बुढानिलकण्ठ नगर प्रमुख उद्दव प्रसाद खरेलको प्रमुख आतिथ्यतामा सम्पन्न भएको हो ।
बुढानिलकण्ठ नगरपालिका स्थित कपन भिलेज रिसोर्टमा बुधबार गरिएको उक्त कार्यक्रममा गोकर्णेश्वर नगरपालिका कार्यकारी अधिकृत राम प्रसाद आचार्य,केन्द्रिय कार्यदल प्रहरी डि एस पि रमेश पाल,प्रहरी वृत्त बौद्ध प्र.नि सुरेश सुवेदी,बुढानिलकण्ठ नगरपालिका वडा नं २ प्रमुख राजेन्द्र खड्का,बुढानिलकण्ठ नगरपालिका वडा नं १३ प्रमुख श्रीकृष्ण श्रेष्ठ,यज्ञडोल जगडोल सामुदायिक वन प्रमुख सुदर्शन सिग्देल,गोकर्ण प्रहरी प्रभाग प्र.ना.नि. ज्ञान कुमार कट्टेल,शिवपुरी नागार्जुन राष्ट्रिय निकुञ्ज सहायक संरक्षण अधिकृत सिर्जना श्रेष्ठ लगायतको उपस्थित रहेको थियो । गोष्ठीमा स्थानिय उपभोक्ता समितिहरुका तर्फबाट रातमाटे वन,गाम्चा सामुदायिक वन,गुठ सल्लाघारी वन,पुतली डाँडा वन र शिवपुरी नागार्जुन राष्ट्रिय निकुञ्जका पदाधिकारीहरुले समेत प्रतिनिधित्व गरेका थिए ।
कार्यक्रमको महत्व बारे प्रकास पार्दै नगर प्रमुख उद्दब खरेलले
“विकास र समृद्धि वन संगै जोडिएको भएर डढेलो संरक्षणमा सबैले प्राथमिकता दिनुपर्ने साथै बिग्रीनु भन्दा पहिले बचाउन सक्नुपर्छ भन्दै वन संरक्षणमा स्थानिय सरकारले गर्नुपर्ने सहयोग गर्न तत्पर भएको “ बताए । नियन्त्रित वन डढेलो राम्रो मानिए पनि अनियन्त्रित डढेलोले खतराका साथै पारिस्थिती जन्य प्रणालीमा असन्तुलन कायम हुने जानकारी जिल्ला वन अधिकृत बद्री कुमार कार्कीले गराउदै डढेलो नियन्त्रणको लागी पोसाक र सामाग्री प्रहरी प्रभाग गोकर्ण र प्रहरी कार्यदलका प्रमुखहरुलाई हस्तान्तरण गरे।
कार्यक्रममा हिउँदमा डढेलोको समस्या आउने भएको हुँदा डढेलो लाग्ने कारण सहित रोकथाम तथा नियन्त्रणका उपायहरु बारे भिडियो मार्फत सन्देश दिएको थियो।
आउने दिनमा हुन सक्ने डढेलोको नियन्त्रणको लागि सव डिभिजन स्तरीय आगलागी तथा डढेलो नियन्त्रण सन्जालको गठन साथै नगर प्रहरी तथा नगरदस्ताको परिचालन एंव संमवनय गर्ने निर्णय गरिएको थियो।