Category: रोचक खवर

काठमाडौं । साउन पहिलो सातायता कोरोना भाइरसको संक्रमणको ग्राफ उकालो लागेको थियो । जसले गर्दा निको हुनेको तुलनामा थप हुने संख्या बढी थिए । आज भने पछिल्लो २४ घण्टामा कोरोना संक्रमित भन्दा कोरोनालाई जित्नेको संख्या धेरै भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४९९ जनाले कोरोना भाइरसलाई जित्न सफल भएका छन् । यससँगै अब नेपालमा डिस्चार्ज हुनेको संख्या १५ हजार ८१४ पुगेको छ ।

यस अवधिमा थप हुने संक्रमितको संख्या भने ३७८ थियो । कुल संक्रमित २२ हजार ५ सय ९२ रहेको छ । मन्त्रालयका अनुसार शनिबारसम्म १० हजार ७९२ जना मानिस क्‍वारेन्टीनमा बसेका छन् । अब देशभर सक्रिय संक्रमितको संख्या ६ हजार २०६ रहेको छ । मुत्यु हुनेको संख्या ७३ पुगेको छ । कोरोना भाइरसले अहिले सबैभन्दा धेरै प्रभावित पर्सा बनेको छ ।

काठमाडौं । नेपाल प्रहरी अनियमिताका अनेक काण्डमा फसिएको छ । त्यसमा सुन एउटा प्रकरण हो । प्रहरी फेरी अर्को सुन काण्डमा फसिएको छ । मंगलबार १३ गते प्रहरीले काठमाडौंको कमलादीबाट १५ किलो सुन र दुई थान हतियार बरामद गरेको समाचार सार्वजनिक गर्यो । समाचार लगत्तै महानगरीय प्रहरी परिसर काठमाडौंका प्रमुख एसएसपी श्याम ज्ञवालीले पत्रकार सम्मेलन आयोजना गरे । उनले पत्रकार सम्मेलनमा भने बरामद भएको १५ किलो धातुमध्ये आधा किलोमात्र सुन रहेको र बाँकी साढे १४ किलो सुनको जलप लगाएको चाँदी रहेको उल्लेख गरे ।

सो सामान पानीपोखरी नजिकै रहेको कृष्ण पाउरोटी चोकबाट बरामद भएको र बा६च ५५१९ नम्बरको स्कोर्पियो गाडीबाट सामान फ्याँकेर गाडी फरार भएको जानकारी प्रहरीले गराएको थियो । यो सामानसहित दुई थान पेस्तोलसमेत बरामद भएको थियो । यो घटना रहस्यमय बनेपछि बुधबार महानगरीय प्रहरी कार्यालय रानीपोखरीले वरिष्ठ प्रहरी उपरीक्षकको संयोजकत्वमा उच्चस्तरीय छानविन समिति गठन गरियो ।

सुरुमा महानगरीय अपराध महाशाखाका प्रमुख एसएसपी दीपक थापाको संयोजकत्वमा ५ सदस्यीय टोली गठन गरिए पनि पछि थापालाई संयोजकबाट हटाइयो र महानगरीय प्रहरी कार्यालयका प्रवक्ता एसएसपी सुशीलकुमार यादवको संयोजकत्वमा समिति गठन भयो । प्रहरीले पत्रकार सम्मेलनमा दिएको नम्बर झुटो सावित भयो । स्कार्पियो उपत्यकाबाटै पक्राउ पर्यो । यसको नम्बर प्रहरीले नै झुटो दिएपछि अपराधीलाई लुकाउन खोजेको आंशका प्रहरीमाथि पुग्यो । उता, नवलपरासीबाट तीन जना व्यक्ति पक्राउ परे, जसले सुनसहित उक्त धातु फ्याँकेका थिए ।

प्रहरीले भारतीय नागरिक देवान पटेल, विजय पटेल र निलेश सखियालाई पक्राउ गरेको हो । प्रहरीले शुक्रबार चाँदीमा सुनको जलप लगाएर ढिक्का बनाउने कालिगढ मनिष मल्लिकलाई पनि नियन्त्रणमा लिएको छ । ती जना व्यक्ति भारततर्फ भाग्न प्रयोग गरेको ट्याक्सीका चालकलाई सेत प्रहरीले नियन्त्रणमा लिएको छ । यता, सुन फ्याँकेर भागेको भनिएको स्कोर्पियो गाडी भने ललितपुरमा भेटिएको छ । उक्त गाडीको समेत स्वरुप परिवर्तन गरिएको छ । प्रहरीका अनुसार यो गाडी बाराका इन्साद हुसिनको नाममा रहेको छ ।

उता, शुक्रबार नै अनुसन्धानका दौरान प्रहरी जवान प्रशन्न श्रेष्ठको कोठाबाट प्रहरीले एक किलो पहँलो धातु फेला पारेको छ । उनी यस काण्डमा संलग्न रहेका प्रहरी हुन् । महानगरीय प्रहरी बृत्त दरबारमार्गमा कार्यरत प्रहरी जवान प्रशन्नको बुढानीलकण्ठस्थित डेराबाट उक्त धातु बरामद भएको प्रहरीले जनाएको छ । यससँगै यो काण्डमा समेत प्रहरीले षडयन्त्रपूर्वक घटनालाई दवाउन खोजेको भेटिएको छ । प्रहरीकै मिलेमतो घटना घटाइएको र अपराधीलाई भगाउन प्रहरीले नै सहयोग गरेको खेखिएको छ ।

अनुसन्धानमा संलग्न प्रहरीका अनुसार यो प्रकरणको स्थान समेत प्रहरीले नक्कली बताएको पुष्टी भइसकेको छ । सोहीकारण महानगरीय प्रहरी बृत्त, दरबारमार्गका प्रमुख, प्रहरी नायव उपरीक्षक रञ्जन दाहाललाई यतिबेला केन्द्रमा राखेर अनुसन्धान भइरहेको छ । उनले माथिल्लो तहलाई ढाँटेर घटनाको विवरण सार्वजनिक गरेको खुलेको छ ।

काठमाडौं । काठमाडौं उपत्यकामा कोरोना भाइरसको संक्रमण बढ्दो क्रममा छ । उता, काठमाडौंकै सडकमा भने मानिसहरुको भिडभाड सामान्य अवस्थामा जस्तै पुगिसकेको छ । केही समुह निरन्तर प्रदर्शनमै छन् । उनीहरुविरुद्ध भने सरकारले कारवाही थालेको छ । काठमाडौंका विभिन्न स्थानबाट इनफ इज इनफका अभियन्ता शुक्रबार पक्राउ परेका छन् ।

दरबारमार्ग, नक्साल, महाराजगञ्ज लगायत ठाउँबाट ४५ जनाभन्दा धेरै अभियन्ता पक्राउ परेको बताइएको छ । नेतृ रन्जु दर्शनासहित आलोक सुवेदी, सौरभ कार्की, पवन मल्ल, नवराज उप्रेर्तीलगायत पक्राउ परेका छन् । उनीहरुले आज बालुवाटार घेराउको कार्यक्रम राखेका थिए । सरकार विरोधी प्रदर्शनका लागि बालुवाटार जाने क्रममा अभियन्तालाई बाटोबाटै पक्राउ गरिएको हो ।

कोरोना रोकथाममा सरकारले प्रभावकारी कदम नचालेको भन्दै उनीहरु आन्दोलनमा छन् । पीसीआर परीक्षण बढाउनुपर्ने, क्वरेण्टीनको व्यवस्थापन राम्रो बनाउनुपर्ने, विदेशबाट आएकाको स्वास्थ्य तथा क्वरेण्टीनमा बस्नका लागि उचित प्रबन्ध मिलाउनुपर्नेलगायत माग उनीहरुको छ । सरकारले भने यसरी गरिने भीडभाडले कोरोनाकै संक्रमण बढाउने भन्दै समुहमा भेला नहुन आह्वान गरिरहेको छ ।

काठमाडौं । प्रधानमन्त्रीको पक्षमा भन्दै नेकपाका केही कार्यकर्ता अहिले सडक आन्दोलनमा उत्रन्छन् । त्यसलाई प्रधानमन्त्री केपी शर्मा ओलीले समेत साथ दिएका छन् । बुधबार प्रचण्डसँगको छलफलमा प्रधानमन्त्रीले सडक आन्दोलन नरोकिने बताएका थिए ।

अचम्म त प्रधानमन्त्रीले नै सडक आन्दोलनलाई समर्थन गर्दै युवालाई सडकमा आउन आह्वान गरेपछि यसले प्रधानमन्त्रीको सत्ता मोह र हठ प्रदर्शन झनै उदांगो पारेको छ । यसै सन्दर्भमा सत्तारुढ नेपाल कम्युनिस्ट पार्टी (नेकपा) का दोस्रो तहका नेताहरुले सडक प्रदर्शन र आरोप प्रत्यारोप रोक्न नेतृत्वसँग माग गरेका छन् ।

बिहीबार दोस्रो तहका नेताहरुले सिंहदरबार छलफल गरेका छन् । उनीहरुले सामाजिक सञ्जालमा भइरहेको आरोप प्रत्यारोप र सडक प्रदर्शनले वातावरणलाई थप झटिल बनाइरहेको निष्कर्ष बनिकालेका छन् ।

अब नेता घनश्याम भुषालले दुबै अध्यक्षलाई भेटेर दोस्रो तहका नेताको सन्देश सुनाउने छन् । नेकपा स्थायी कमिटी बैठकमा प्रधानमन्त्रीको राजीनामा माग भएपछि ओलीको समर्थनमा सडकमा प्रदर्शन भइरहेको छ ।

तर, प्रधानमन्त्रीले स्थायी कमिटि बैठक भने लगातार स्थगित गराइरहेका छन् । उनी बैठकमा समेत आउँदैनन् ।
नेकपाका दोस्रो तहका नेताहरुले पार्टी एकतालाई जुन सुकै हालतमा जोगाउनुपर्ने तर्क गरेका छन् । यसका लागि दुई अध्यक्षबीच समझदारी कायम गरेर अगाडी बढ्नुको विकल्प नरहेको उनीहरुको भनाई छ ।

काठमाडौं । प्रधानमन्त्री केपी शर्मा ओलीलाई जनताप्रति उत्तरदायी बन भन्दै केही दिन अगाडी एक स्वतन्त्र अभियान शुरु भयो । इनफ इज इनफ अभियानबाट युवाहरु स्वतःस्फुर्त रुपमा सडकमा आइ सरकारको ध्यानाकर्षण गराएका थिए । त्यसबेला सरकारले प्रहरी लगाएर शान्तीपूर्ण आन्दोलनमा दमन गरेको थियो । अश्रु ग्यास र पानीको फोहोरा हानेर तमासा देखाइएको थियो ।

उक्त आन्दोलनको माहौल सुक्नै नपाउँदै सडकमा प्रधानमन्त्री केपी ओलीको समर्थनमा भन्दै जुलुस देखिन थालेका छन् । चोकचोकमा केही दर्जन मानिस भेला भएर प्रधानमन्त्रीको समर्थन र पार्टी भित्रैकै अन्य नेताको विरोधमा नारा लगाउँछन् ।

प्लेकार्डमा प्रधानमन्त्रीको देवत्वकरण गरिएको हुन्छ । एकतर्फ शीर्ष नेताको पहलमा वार्ताबाट समस्या समाधानमा प्रयास जारी रहँदा सडकमा भइरहेको यो तामासालाई भने धेरैले नौटकींको संज्ञा दिएका छन् ।

आफ्नै नेता सरकारमा रहेको, आफ्नै पार्टी भित्र सरकारका कामको व्यापक आलोचना भइरहेको, प्रधानमन्त्रीमाथि नेताहरुमाथि गम्भीर धोकाको आरोप लागिरहँदा उनको समर्थनमा भन्दै निस्किएका जुलुसले प्रधानमन्त्रीको तानाशाही शैलीको झल्को फेरी एकपटक दर्शाएको छ ।

कोरोनाको वेवास्ता गर्दै सडकमा प्रधानमन्त्रीको जयजयकार किन ? भन्दै आइरहेका प्रश्नको भने जवाफ स्वयमः प्रदर्शनकारीसँग समेत छैन ।

काठमाडौं । नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठ (प्रकाश) ले प्रधानमन्त्रीका पछिल्ला गतिविधिले आफ्नो स्वार्थका लागि पवित्र संस्थाहरुलाई विवादमा तान्ने प्रयास भइरहेको संकेत गरेका छन् । राष्ट्रपतिलाई महाअभियोग प्रस्ताव ल्याउने भनेर झुटो प्रचार गर्दै उक्र संस्थालाई विवादमा तान्ने काम भएको उनको भनाई छ ।

टुइटमार्फत आफ्नो प्रतिक्रिया सार्वजनिक गर्दै उनले आफ्नो स्वार्थका लागि अनर्गल प्रचार नगर्न र राष्ट्रपतिलाई विवादमा नतान्न आग्रह गरेका छन् । प्रधानमन्त्री केपी शर्मा ओलीले शनिबार साँझ मन्त्रीहरुसँगको छलफलमा आफूलाई प्रधानमन्त्री पदबाट हटाउने र राष्ट्रपतिविरुद्ध महाअभियोग लगाउने षडयन्त्र भएको बताएका थिए ।

उनले अब पार्टी विभाजनको संघारमा पुगेको संकेत गर्दै कित्ताकाटका तयार रहन समेत आग्रह गरेका थिए । प्रवक्ता श्रेष्ठले भनेका छन्, राष्ट्रपतिको विरुद्ध महाअभियोग प्रस्ताव ल्याउने अनर्गल झुटा प्रचार कसैले नगरौं । राष्ट्रपति संस्थाको अवमुल्यन नगरौं ।’

राष्ट्राध्यक्ष राष्ट्रपति सम्मानित संस्था भएको भन्दै श्रेष्ठले यो गरिमामय संस्थालाई कसैले पनि आ–आफ्नो स्वार्थका लागि विवादमा नतान्न आग्रह गरेका छन् । उनले महाअभियोग ल्याउने प्रस्तावको झुठो प्रचारमा राष्ट्रपति स्वयंको पनि ध्यान जाने विश्वास व्यक्त गरेका छन् ।

काठमाडौं । शनिबारका लागि डाकिएको नेकपा स्थायी कमिटीको बैठक स्थगित भएको छ । प्रधानमन्त्री केपी शर्मा ओलीले थप समय माग गरेपछि बैठक स्थगित भएको बताइएको छ । अर्को बैठक सोमबारका लागि बोलाइएको छ । अध्यक्षद्वय केपी शर्मा ओली र पुष्पकमल दाहाल(प्रचण्ड)लाई आन्तरिक परामर्श गरी विवाद मिलाउन नेताहरुले आग्रह गरिरहेका छन् ।

यसक्रममा शुक्रबार दुई नेताबीच तीन घण्टा छलफल भएको थियो । आज दुबै अध्यक्षबीच फेरी छलफल गर्ने बताइएपनि छलफल भने हुन सकेन । बरु स्थायी समिति बैठक नै स्थगित गरिएको छ ।

शुक्रबार दुवै अध्यक्षले छलफल गर्ने र शनिबार स्थायी कमिटी बैठक बस्ने शीर्ष तहमा सहमति भएको थियो । शुक्रबारको छलफल बीना निष्कर्ष टुगिएको थियो । प्रचण्ड, माधव नेपाल, झलनाथ खनाल र बामदेव गौतम पक्ष ओलीले पार्टी अध्यक्ष र प्रधानमन्त्री दुवै पद छाड्नुपर्ने निष्कर्षमा छन् । प्रधानमन्त्री भने दुबै पद नछाड्ने अडानमा छन् ।

काठमाडौं । नेपाली सेनाको दुई सैनिक अधिकृतमाथि बर्खास्तीको कारवाही गरेको छ । सैनिक अदालतले दुई जना उच्च सैनिक अधिकारीलाई बर्खास्त गर्ने आदेश गरेको हो । आफुभन्दा माथिल्लो पदका कमाण्डरको लिखित आदेश अवज्ञा गरेपछि उनीहरु सैनिक ऐनअनुसार कारवाहीमा परेका हुन् । एक जना जर्नेल र एक जा कर्णेल बर्खास्तीमा परेका छन् ।

सैनिक सूचना तथा जनसम्पर्क निर्देशनालयले जनाएअनुसार बुधबार बसेको समरी जनरल अदालतलले अनुशासन तथा आचरण सम्बन्धी कसूरमा सहायक रथी सरेन्द्रसिंह रावल र महासेनानी अनिल खड्कालाई कारवाहीको फैसला गरेको हो । सैनिक ऐन, २०६३ अनुसार कारबाही गर्न सिफारिस भएको निर्देशनालयले उल्लेख गरेको छ ।

दुई अधिकृतले सैनिक सुव्यवस्था तथा अनुशासन विपरितको काम गरेको र आफ्नो ओहदा अनुसारको जिम्मेवारी र आचरण नगरेको ठहर गरिएको सैनिकको भनाई छ ।

यद्दपी कसुर के थियो भन्ने चाही खुलाइएको छैन । सेनाले पद्दति तथा प्रणालीमा आधारित संगठन सञ्चालनमा जोड दिँदै पारदर्शिता र जवाफदेहिता कायम गर्ने तथा दण्डहिनताको अन्त्य गर्ने लक्ष्य अनुसार अनुशासन र आचरण विपरित कार्य गर्नेलाई शून्य सहनशिलताको नीति अवलम्बन गर्दै संगठन सुदृढीकरणमा प्रतिबद्ध रहेको उल्लेख गरेको छ ।

काठमाडौं । नेकपा भित्रको अन्तरसंघर्षका कारण संकटमा परेको सरकारका एक मन्त्री योगेश भट्टराईले पुनः एक पटक आस्थामा भरोसा गर्दै आजको दिन राम्रो हुने कामना गरेका छन् । सामाजिक संजालमा स्टाटस राख्दै योगेशले भनेका छन्, ‘सबै दिन राम्रै हुन्छन्, राम्रै मानिन्छन्, बुधबारलाई अलि बढी राम्रो मान्ने नेपाली चलन छ । आज बुधबार आशा छ, परिस्थिति सहि दिशामा मोडिनेछ, धन्यवाद ।’

उनको यो स्टाटसलाई धेरैले रहस्यमय मानेका छन् । बुधबार नै प्रधानमन्त्रीले मन्त्रीहरुसँग परामर्श थालिसकेका छन् । उता, नेकपा बैठकमा प्रधानमन्त्री केपी शर्मा ओलीलाई राजिनाामा दिन सबैजसो शीर्ष नेताले आग्रह गरिसकेका छन् । पार्टीले नै राजिनामा मागेको सन्दर्भमा अझ उनी कमजोर हुने निश्चित छ ।