Category: रोचक खवर

काठमाडौं । सरकारले चीनसँग नेपालको सीमा विवाद नरहेको स्पष्ट पारेको छ । यसअघि केही संचारमाध्यमले चीनसँग विभिन्न स्थानमा सीमा विवाद रहेको समाचार प्रकाशित गरेका थिए । यसलाई नियतवश प्रकाशित गरिएको भन्दै सामाजिक संजालमा आलोचना समेत भएको थियो ।

खासगरी भारतसँगको सीमा विवाद चर्किने समयमा हरेक पटक चीनलाई समेत जोडेर नेपालमा समाचार प्रकाशित हुने गरेको छ । परराष्ट्र मन्त्रालयले बिहीबार विज्ञप्ति जारी गरी सीमा विवादसम्बन्धी समाचार कृषि तथा पशुपन्छी विकास मन्त्रालयको एक रिपोर्टका आधारमा प्रकाशन भएको तर कृषि मन्त्रालयबाट त्यस्तो प्रतिवेदन अस्तित्वमा नै नभएको जानकारी आएको उल्लेख गरेको छ ।

कृषि मन्त्रालयका अनुसार सीमासम्बन्धी विषय आफ्नो क्षेत्राधिकारमा नपर्ने जानकारी आएको समेत परराष्ट्रको विज्ञप्तिमा बताइएको छ । हराएको भनिएको ३७ र ३८ नम्बरको सीमा स्तम्भ हुँदै नभएको समेत स्पष्ट पारेको हो । प्राकृतिक अवस्थितिका कारण दुई देशबीचको सहमतिमा मै स्तम्भ नराखिएको परराष्ट्रले स्पष्ट पारेको हो ।

नेपाल र चीनबीचको सीमा सन् १९६१ अक्टोबर ५ मा दुई देशबीच भएको सीमा सम्झौताले निर्धारण गरेबमोजिम नै रहेको उल्लेख गरेको छ । सीमासम्बन्धी केही समस्या देखिएमा दुई देशबीचको समझदारीमा समाधान हुने परराष्ट्रको विज्ञप्तिमा लेखिएको छ ।

कृषि मन्त्रालयले समेत बिहीबार विज्ञप्ति जारी गरी नेपाल र चीनबीच सीमा विवाद भनी उल्लेख गरिएको समाचारमा आधार बनाइएको प्रतिवेदन मन्त्रालयबाट प्रकाशित नै नभएको उल्लेख गरेको थियो ।

मन्त्रालयले उक्त समाचारको खण्डन गर्दै प्रतिवेदन यस मन्त्रालयबाट प्रकाशित नै नभएको र सोसम्बन्धी विषय मन्त्रालयको कार्य क्षेत्रसमेत नभएकाले भन्दै समाचारमा सत्यता नरहेको उल्लेख गरेको थियो ।

काठमाडौं । नेपाली कांग्रेसको असहमतिका कारण नागरिकता विधेयकमा आज पनि सहमति जुट्न सकेन् । संसदको राज्य व्यवस्था तथा सुशासन समितिले विदेशी बुहारीलाई नेपालमा बिहे भएको ७ वर्षपछि मात्र नेपालको नागरिकता मिल्ने प्रस्ताव गरेको थियो । नेपाली कांग्रेसले भने विदेशी बुहारीलाई सात वर्षपछि मात्रै अंगीकृत नागरिकता दिनुपर्ने प्रस्तावको विपक्षमा उभिने निर्णय गरेको छ ।

बुधबार बिहान बसेको कांग्रेस पदाधिकारीको बैठकले सात वर्षपछि विदेशी बुहारीलाई अंगीकृत नागरिकता दिने संसदीय समितिको प्रस्ताव नमान्ने निर्णय गरेको हो । कांग्रेसको तर्क अहिलेकै प्रावधान हुनुपर्ने रहेको छ ।

बुधबारै बसेको संसदको राज्य व्यवस्था तथा सुशासन समितिमा समेत कांग्रेसले सोही प्रस्ताव दोहोर्याएपछि निर्णय हुन सकेन । वर्तमान प्रावधान अनुसार नेपाली नागरिकसँग बिहे गरेर आएपछि उसले चाहेको बेला अंगीकृत नागरिकता लिन सक्ने उल्लेख छ ।

कांग्रेसले नयाँ कानुनमा समेत सोही व्यवस्था राख्नुपर्ने अडान लिएको छ । कांग्रेसले प्रावधानमा असहमित राखेपछि संसदको राज्य व्यवस्था तथा सुशासन समितिमा नेपाली नागरिकसँग विवाह गर्ने विदेशी महिलालाई ७ वर्षपछि मात्रै अंगीकृत नागरिकता दिने विषयमा बुधबार पनि सहमति जुट्न सकेन ।

अंगीकृत नागरिकता प्राप्त नभएसम्म आर्थिक, सामाजिक र सांस्कृतिक अधिकार उपभोग गर्न पाउने गरी स्थायी आवासीय अनुमति पत्र दिने प्रस्ताव समितिको छ । नयाँ प्रावधानमा सत्तारुढ नेपाल कम्युनिस्ट पार्टी (नेकपा)को भने समर्थन रहेको छ ।

कांग्रेसले नमानेपछि सुशासन समितिले नागरिकता विधेयकमा सहमति जुटाउन सरकारलाई पाँच दिनको समय थप गरेको छ । नेपाली नागरिकसँग विवाह गर्ने विदेशी महिलालाई अंगीकृत नागरिकता कसरी दिने भन्ने सम्बन्धमा विवाद जारी रहँदा २ वर्षयता विधेयक रोकिराखेको छ ।

काठमाडौं । शनिबार प्रतिनिधिसभाबाट संविधान संशोधन विधेयक सर्वसम्मतिले पारित भएको छ । नेपालको प्रतिनिधिसभामा २ सय ७५ जना सांसद रहेका छन् । त्यसमध्ये शनिबार २ सय ५८ जनाले संविधान संशोधनको पक्षमा मतदान गरे । यो संख्या संसदमा तत्कालिन उपस्थित संख्याको शतप्रतिशत थियो । सोहीकारण विधेयक सर्वसम्मपतिले पारित भयो । कुल सांसदको अत्यधिक बहुमतबाट विधेयक पारित भएको हो ।

भारतले अतिक्रमण गरेको कालापानी, लिपुलेक र लिम्पियाधुरालाई नेपालको नक्सामा समेटेर त्यसलाई संविधानको अनुसूची ३ को निसान छापमा राख्ने विधेयक पारित गर्ने यो ऐतिहाँसिक अवसरबाट १२ जना सांसद चुकेका छन् । त्यसमध्ये एक हुन सरिता गरी । जसले बैठक बहिष्कार गरिन् ।

नेपालको संसदका ४ जना सांसद निलिम्बत छन् । त्यसकारण उनीहरु आउन सक्ने अवस्था थिएन् । सरिता गिरीसहित १२ जनालाई भने भोटको अधिकार थियो । सभामुख समेत सांसद हुन्छन् । तर, उनले भोट हाल्न पर्दैन । विधेयकमाथि मतदान गर्न छुटेका सांसदमा अमृतादेवी अग्रहरी, गोपालबहादुर बम, दुलारीदेवी खत्वेनी र धनबहादुर बुढा रहेका छन् ।

संसद सचिवालयका अनुसार नागेन्द्रकुमार चौधरी, प्रमोद शाह, शिवकुमार मण्डल, सूर्यनारायण यादव, सूर्यबहादुर केसी, हरिबोल गजुरेल, सरिताकुमारी गिरी र ज्ञानकुमारी छन्त्याल समेत भोट हाल्नबाट छुटेका हुन् ।

काठमाडौं । जनता समाजवादी पार्टी, नेपालले निसान छापमा रहेको नेपालको नक्सा परिवर्तन गर्ने प्रयोजनका लागि हुन लागेको संविधान संशोधन विधेयकको पक्षमा मतदान गर्ने भएको छ । सरकारले संसदमा पेश गरेको नेपालको संविधान संशोधन दोस्रो विधेयकको पक्षमा मतदान गर्ने निर्णय पार्टीले गरेको छ ।

जसपा पदाधिकारीको शुक्रबारको बैठकले नेपालको संविधानको अनुसूची ३ संशोधन गर्न संसदमा प्रस्तुत भएको ‘नेपालको संविधानलाई संशोधन गर्न बनेको विधेयक’को पक्षमा मतदान हाल्ने निर्णय गरेको हो । दलको उक्त निर्णयसँगै अब सांसद सरिता गिरीतर्फ निसाना केन्द्रित भएको छ । उनले संविधान संशोधनको विपक्षमा प्रस्ताव दर्ता गरेकी छिन् ।

पार्टीले यो प्रस्ताव फिर्ता लिन आग्रह गरेको छ । तर, उनले मानेकी छैनन् । शुक्रबार अध्यक्षद्वय महन्थ ठाकुर र उपेन्द्र यादवको अध्यक्षतामा बसेको पदाधिकारी बैठकले भने सांसदहरुलाई ह्वीप नै जारी गर्ने निर्णय गरेको छ । पार्टीले अब संविधान संशोधनको पक्षमा मतदान गर्न आफ्ना सदस्यहरुलाई ह्‍विप जारी गर्नेछ। शनिबार बिहान ११ बजे पार्टीको संसदीय दलको बैठक बस्दैछ ।

भारतले मिचेको नेपालको भूमि लिम्पियाधुरा, कालापानी र लिपुलेक समेटिएको नयाँ नक्सालाई आधिकारिकता दिने सरकारको प्रस्ताव दुईतिहाइ बहुमतसहित पारित हुने निश्चित छ । किनकी नेकपासहित कांग्रेसले यसको पक्षमा मतदान गर्ने निर्णय लिइसकेका छन् ।

तेस्रो ठूलो दलसमेत यसको पक्षमा आएको हो । सरिता गिरीले संशोधनको सूचना फिर्ता नलिए सांसद पदबाट नभई पार्टीको साधारण सदस्य समेत नरहने गरी निष्कासन गर्न सक्ने चेतावती पार्टीले दिइसकेको छ ।

काठमाडौं । नेपालको निशान छापमा नयाँ नक्सा समावेश गर्ने सम्बन्धमा संविधान संशोधन प्रक्रिया संसदमा अगाडी बढेको छ । यो प्रस्तावमा समाजवादी पार्टीकी सांसद सरिता गिरीले संशोधन प्रस्ताव दर्ता गरेपछि पार्टीमा विवाद शुरु भएको छ । पार्टीले व्यक्तिगत रुपमा दर्ता गरेको संविधान संशोधन प्रस्ताव फिर्ता लिन निर्देशन गिरीलाई दिएको हो ।

बुधबार पार्टीका प्रमुख सचेतक उमाशंकर अरगरियाले विज्ञप्ति जारी गर्दै गिरीलाई संशोधन प्रस्ताव फिर्ता लिन निर्देशन दिएका छन् । उनका अनुसार प्रस्ताव फिर्ता नलिए कारबाही उनीमाथि पार्टीले कारवाही समेत गर्न सक्नेछ ।

सरकारले लिम्पियाधुरासहितको नेपालको नयाँ नक्सा समेटेर निशान छाप संशोधन गर्न पेश गरेको संविधान संशोधन विधेयक खारेज गर्न माग गर्दै गिरीले बुधबार संसदमा व्यक्ति संशोधन प्रस्ताव संसदमा दर्ता गराएकी छन् । उनले स्रोत र प्रमाण नपुगेको भन्दै संविधान संशोधनको प्रस्ताव खारेज हुने पर्ने माग समेत गरेकी छिन् ।

मंगलबार संविधान संशोधनसम्बन्धी विषयमा सबै दलले सैद्धान्तिक सहमति जनाएका छन् । यसमा समाजवादी पार्टीको समेत समर्थन रहेको थियो । सरिता गिरीले पछिल्लो समय दिएका अभिव्यक्तिको नेपालमा खुलेर विरोध भइरहेको छ । उनलाई संसदमा समेत कारवाहीको आवाज उठिसकेको छ ।

बुधबार समेत उनले संसदमा विवादास्पद अभिव्यक्ति दिएकी छिन् । प्रधानमन्त्रीलाई प्रश्न सोध्ने क्रममा उनले निजगढमा सैन्य परेडका लागि किन विमानस्थल चाहियो भन्दै प्रश्न राखेकी थिइन् । जहाँकी निजगढमा व्यवसायिक विमानस्थल निर्माणको तयारी छ ।

धरान । धरानमा उपचारार्थ भर्ना भएका १८ जना कोरोना संक्रमित बिरामी एकै पटक डिस्चार्ज भएका छन् । प्रदेश १ का सुनसरी र झापाका १८ जना संक्रमित कोरोनालाई जित्न सफल भएका हुन् । उनीहरु सोमबार राती डिस्चार्ज भए । बीपी कोइराला स्वास्थ्य विज्ञान प्रतिष्ठान धरानबाट डिस्चार्ज हुनेहरु सुनसरी धरान–१३ कि ५१ वर्षीय महिला र झापाका १७ पुरुष रहेका छन् ।

लगातार दुई पटक पीसीआर परीक्षणको नजिता नेगेटिभ आएपछि उनीहरु डिस्चार्ज भएको प्रतिष्ठानले जनाएको छ । कोरोना जितेर डिस्चार्ज भएका व्यक्तिलाई धरान उपमहानगरपालिकाका मेयर तिलक राई, प्रतिष्ठानका निर्देशक गौरीशंकर साह, सहायक निर्देशक डा. विकास साह लगायतले पुष्पगुच्छा दिएर बिदाई गरे । प्रतिष्ठानमा अझै शंकास्पद ५ जना र संक्रमित ८० जना उपचारका क्रममा रहेका छन् । त्यसमध्ये धेरैजसो झापाका स्थानीय हुन् ।

काठमाडौं । आगामी आर्थिक वर्ष २०७७\ ७८ को बजेटमा शिक्षा मन्त्रालयसम्बन्धी एक विवादित कार्यक्रमका कारण अहिले सरकारको आलोचना भइरहेको छ । सामुदायिक विद्यालयको व्यवस्थापन निजी विद्यालयलाई दिने गरी बजेटमा एक बुँदा समेटिएको छ । सरकारले शिक्षा र स्वास्थ्य क्षेत्रको जिम्मा आफूले लिएर जिम्मेवार अभिभावकत्व निर्वाह गर्नुपर्नेमा निजीलाई जिम्मा दिनु गलत भएको भन्दै आलोचना भइरहेको छ ।

विद्यालय संचालकहरुले समेत सामुदायिक विद्यालयको जिम्मेवारी आफूहरुले लिन नसक्ने बताएका छन् । यससम्बन्धमा आइतबार शिक्षा मन्त्रीले स्पष्टिकरण नै सार्वजनिक गर्नुपरेको छ । उनका अनुसार यो कार्यक्रम शिक्षा मन्त्रालयको होइन । मन्त्रालयले समेटेको समेत होइन । अर्थातः शिक्षा मन्त्री र उनको मन्त्रालयलाई नै थाहा नदिई अर्थ मन्त्रालयबाट बजेटमा विवादित कार्यक्रम राखिएपछि अहिले प्रश्न अर्थमन्त्रीतर्फ सोझिएको छ ।

शिक्षा मन्त्री गिरिराजमणि पोखरेलले बजेट बक्तब्यमा उल्लिखित सामुदायिक विद्यालयको पूर्वाधारसहितका सामग्री र शैक्षिक गुणस्तर सुधारको जिम्मेवारी निजी विद्यालयलाई दिने कार्यक्रम शिक्षा मन्त्रालयको नभएको स्पष्ट पारेका छन् । आइतवार संसद बैठकमा समेत यस कार्यक्रमलाई लिएर सांसदहरुले कडा शब्दमा सरकारको आलोचना गरेका छन् ।

सत्तारुढ नेकपाका प्रवक्ता नारायणकाजी श्रेष्ठले राष्ट्रियसभाको आइतवारको बैठकमा सरकारी शिक्षा प्रणाली ध्वस्त पार्न खोजिएको आरोप लगाए । शिक्षा मन्त्रीले भने बजेट निर्माणका क्रममा छलफल नै नभएको कार्यक्रम आएको दावि गरेका छन् ।

वीरगन्ज । कोरोना कहरका बीच पर्सामा एकै पटक २१ जना डिस्चार्ज भएका छन् । कोभिड–१९ संक्रमित उनीहरुको लगातार दोस्रो रिर्पोट नेगेटिभ आएको छ । सोहीकारण नारायणी कोभिड अस्पतालको एक शाखा गण्डक अस्पतालले मंगलबार राती डिस्चार्ज गरेको हो । गण्डक अस्पतालबाट डिस्चार्ज भएका व्यक्तिलाई वीरगन्ज महानगरपालिकाका मेयर विजयकुमार सरावगी र स्वास्थ्यकर्मीहरुले फूल दिएर विदाई गरे ।

यस अस्पतालमा ६ महिलासहित ३० जना संक्रमितलाई आइसोलेसनमा राखेर उपचार गरिएको थियो । त्यसमध्ये २१ जना निको भए । अब ९ जनाको उपचार भइरहेको छ । यसअघि नारायणी अस्पतालबाट ७२ जना कोरोना संक्रमित निको भएर घर फर्किसकेका छन् । आइतबार १८ जना र सोमबार ४३ जना डिस्चार्ज भएका थिए । मंगलबार सम्म कुल १५५ जनाले कोरोना जितेकोमा अब कोरोनालाई जित्ने बिरामीको संख्या १७६ पुगेको छ ।

पर्सामा ३ हजार ८० जनाको थ्रोट स्वाब नमुना संकलन गरी परीक्षणका लागि पठाइएको थियो । अहिलेसम्म २९ सय ५५ जनाको रिपोर्ट आएको छ । मंगलबार मात्र १ सय जनाको नमुना संकलन गरिएको जिल्ला स्वास्थ्य कार्यालयले जनाएको छ ।बिरामी डिस्चार्ज भएपछि अहिले पर्सास्थित ७० बेड क्षमताको नारायणी अस्पताल खाली भइसकेको छ ।

वीरगञ्ज । नेपालमा एकै पटक १८ जना कोरोना सङ्क्रमितले कोरोनालाइ जित्न सफल भएका छन् । आइतबार राती कोरोना निको भएर वीरगञ्जस्थित नारायणी उपक्षेत्रीय अस्पतालबाट एकै परिवारका १८ जना डिस्चार्ज भए ।

लगातार दुई रिपोर्ट नेगेटिभ आएपछि बिरामीलाई डिस्चार्ज गरिएको अस्पतालले जनाएको छ ।

राती डिस्चार्ज हुनेहरु वीरगञ्ज महानगरपालिका–३ छपकैयाका एकै परिवारका सदस्य हुन् । यस परिवारका ४ महिनाको शिशुदेखि ६६ वर्षका वृद्धले कोरोनालाइ जित्न सफल भएका छन् ।
गत वैशाख २१ गते एक युवकमा कोरोना संक्रमण पुष्टि भएपछि उनका परिवारका सदस्यमा परीक्षण गरिएको थियो ।

परीक्षणका क्रममा उनको परिवारका १७ जना सदस्यमा कोरोना पुष्टि भएको हो । अब नेपालमा कोरोनालाइ जित्ने सङ्क्रमितको सङ्ख्या समेत १ सय नाघेको छ । कुल ६०४ जना सङ्क्रमित भएको नेपालमा १०५ जना निको भएर घर फर्केका छन् । तीन जनाको भने ज्यान गएको छ ।

काठमाडौं । प्रमुख प्रतिपक्षी दल नेपाली कांग्रेसले नक्सामात्र नभइ भुमी नै फिर्ता ल्याउन कुटनैतिक पहल गर्न सरकारसङ्ग माग गरेको छ । काङ्ग्रेसले सुगौली सन्धिअनुसार लिम्पियाधुरापूर्वका सबै भूगोल नेपालको भएको समेत स्पष्ट पारेको छ ।

नक्सामा समेटिएका यी भूभागलाई आफ्नो अधीनमा ल्याउन प्रभावकारी कूटनीतिक पहलको लागि दलले सरकारसँग माग गरेको हो ।

काङ्ग्रेसको पदाधिकारी र पूर्वपदाधिकारी बैठक आइतबार बसेको थियो । बैठकले सुगौली सन्धि र अरू प्रमाणले पनि लिम्पियाधुरापूर्वको भूमि नेपालको रहेको पुष्टि हुने बताएको हो । यी भुभाग नेपालले नै भोगचलन गर्ने गरी भूमि फिर्ताका लागि पहल गर्न सरकारको ध्यानाकर्षण बैठकले गराएको छ ।

सुगौली सन्धि, २०१८ सालको जनगणना, २०१५ सालको मतदाता नामावली, जग्गाको तिरो तिरेको प्रमाणले पनि लिपुलेक, कालापानी र लिम्पियाधुरा नेपालको रहेको पुष्टि हुने काङ्ग्रेसको भनाइ छ ।

नयाँ नक्सा जारीपछि हुने संविधान संशाेधन भने सबै दलको सहमतिमा हुनुपर्ने काङ्ग्रेसको भनाइ छ ।