Category: रोचक खवर

काठमाडौं । त्रिभुवन विश्वविद्यालयले प्रधानमन्त्री केपी शर्मा ओलीको सवारीका बेला हिलो माथि कार्पेट बिच्छ्याएको भन्दै भएको प्रचारको खण्डन गरेको छ ।

त्रिभुवन विश्वविद्यालयका कुलपतिसमेत रहेका प्रधानमन्त्री केपी शर्मा ओलीलाई हिँड्न कार्पेट नभई प्लाइउड बिच्छाइएको विश्वविद्यालयको दावि छ ।

बुधबार त्रिविको ६०औ वार्षिकोत्सवका अवसरमा विश्वविद्यालय परिसर पुगेका प्रधानमन्त्रीलाई हिड्न हिलोमाथि कार्पेट ओच्छ्याइएको तस्वीर भाइरल भएको छ ।

उपकुलपतिको कार्यालय र सरस्वती मन्दिर उद्घाटन गर्ने क्रममा बाटोमा हिलो भएकोले कुलपति हिँड्न सजिलो होस् भनेर प्लाइउड बिच्छाए पनि सञ्चार माध्यमले रातो कार्पेट लेखेर गरिमालाई धमिल्याउन खोजेको त्रिविद्धारा बिहीबार जारी विज्ञप्तीमा उल्लेख गरिएको छ ।

त्रिवि रजिष्ट्रार कार्यालयबाट सूचना अधिकारी दीपक शाहीले बिहीबार प्रेस विज्ञप्ति निकाल्दै प्लाइउडलाई रातो कार्पेट भनी भएको प्रचारप्रति त्रिविको ध्यानाकर्षण भएको उल्लेख गरेका छन् ।

त्रिविले हुँदै नभएको घटनालाई लिएर अतिरञ्जित गरेको समेत दाबी गरेको छ। त्यसो त स्वयमः प्रधानमन्त्रीले समेत मिडियाले मिसनमा लेखिरहेको भन्दै रातो कार्पेट बिच्छ्याएको विषय सत्य नभएको बताए ।

उनले राजधानीमा आयोजित एक कार्यक्रममा बोल्दै विषादी परिक्षणका विषयमा भारतीय दूतावासको पत्रका बारे आफूलाई थाहा नदिएकाले जनतासामू आफु लज्जित हुनु परेको समेत गुनासो गरे ।

काठमाडौं । प्रधानमन्त्री केपी शर्मा ओलीका प्रमुख सल्लाहकार विष्णु रिमाल आइतबार बिहान गरेको टुइटका कारण दिनभर विवादित रहे ।

दिनभर सामाजिक संजालमा उनको जमेर आलोचना भयो भने संचारमाध्यममा पनि उनी छाइरहे । टुइटले आम सर्वसाधारण मात्र आक्रोसित भएनन, स्वयमः नेकपाका नेता कार्यक्रताले पनि यस टुइटको खुलेर आलोचना गरेका छन् ।

टुइटमा रिमालले भनेका छन्, ‘भनिन्छ, छौंडाहरू आफैं चलमलाउँदैनन्, कसैले छोड्छन्, दुख दिन्छन् , यी छौंडाहरू आफैं चलमलाएका हुन् की कसैले छोडेका ?’

खासगरी बोक्सी प्रथासँग जोडिने छौँडा शब्द प्रयोग गर्दै टुइट गरेछि रिमाल विवादमा तानिएका हुन् । शनिबार नेकपा संसदीय दलको बैठकमा आफ्नै सांसदले सरकारको चर्को आलोचना गरेका थिए ।

त्यसको भोलीपल्टै प्रधानमन्त्रीका प्रमुख सल्लाहकारको अत्यन्तै विवादास्पद टुइट आएपछि आइतबार राजनीतिक वृत्त बहसमा उत्रियो ।

संसदीय दलको बैठकमा सरकारले निर्णय गर्द पछि हट्नै गर्ने र एक पछि अर्को विवादास्पद निर्णय गरी जनतालाई चिढाएको भन्दै सरकारको खुलेर आलोचना गरेका थिए ।

काठमाडौं । काठमाडौं उपत्यका धुलो मुक्त भएको र अब मास्क लगाएर हिड्न नपर्ने प्रधानमन्त्री केपी शर्मा ओलीको अभिव्यक्तिमाथि कांग्रेस सांसद रंगमती शाहीले आपत्ति जनाएकी छिन् ।

बिहीबार प्रतिनिधि सभा विकास तथा प्रविधि समिति बैठकमा प्रमुख प्रतिपक्षी दलकी सांसद शाहीले काठमाडौंमा मास्क लगाउनु पर्छ या पर्दैन रहेछ भन्ने बारे जान्न आफूसँगै स्कुटरमा बसेर यात्रा गर्न चेतावनी दिइन् ।

आफू वनस्थली बस्ने र सिंहदरवारबाट बनस्थलीसँग सम्म स्कुटरको पछि बसेर यात्रा गर्दा माक्स लगाउनुपर्छ कि पर्दैन भन्ने पुष्टी हुने उनको भनाई थियो ।

प्रधानमन्त्रीले एक साता अघि अब काठमाडौं मास्कमुक्त भइसकेको अभिव्यक्ति दिएका थिए ।

तर, मेलम्ची खानेपानी आयोजना, सडक बिस्तार तथा अन्य विभिन्न निकायले भत्काएका उपत्यकाका सडक र बेलैमा मर्मत सम्भार नहुने सडकका खाल्डाखुल्डीले गर्दा काठमाडौं धुलो र धुवामा रुमलिएको छ ।

बैठकमा भौतिक योजना तथा यातायात पूर्वाधार मन्त्री रघुवीर महासेठले अबको एक वर्ष भित्रै फरक खालको काठमाडौंको अनुभूति हुने आश्वासन दिएका थिए । आयोजनाहरु कार्यान्वयनको चरणमा रहेको उनको भनाई थियो ।

काठमाडौं । आइतबार भक्तपुरमा ६० वर्षिय सावित्री भट्टराईको हत्यामा आफ्नै छोरीको संलग्नता रहेको प्रहरीले बताएको छ । विवाहित छोरीले नाजायज सम्बन्ध लुकाउन प्रेमीसँग मिलेर आमाको हत्या गरेको निचोडमा प्रहरी पुगेको हो ।

भक्तपुरको चाँगुनारायण बाँसबारीकी भट्टराईको आइतबार घाँटी रेटेर हत्या भएको अवस्थामा प्रहरीले फेला थियो। महानगरीय प्रहरी अपराध महाशाखाको टोलीले सोमबार साबित्रीकी छोरी ईश्वरी भट्टराईसहित चार जनालाई पक्राउ गरेको जानकारी दिएको हो ।

प्रहरीले आइतबार राति धादिङको गजुरीबाट सिरहाका मोहम्मद नौशादलाई पक्राउ गर्यो । उनी भट्टराईका प्रेमी हुन् ।

हत्यामा छोरी इश्वरी र नौशादबीचको नाजायज सम्बन्ध मूख्य कारण रहेको अनुमान प्रहरीले गरेको छ । किनकी इश्वरी विवाहित हुन् ।

२७ वर्षिय इश्वरी र २३ वर्षिय नौशादबीचको सम्बन्धमा आमा तगारो बन्दै आएपछि छोरीकै योजनाबमोजिम आमाको हत्या भएको निष्कर्षमा प्रहरी पुगेको छ ।

प्रहरीका अनुसार नासिदले प्रेमिकाकी आमाको हत्या गर्न भारतबाट दुई जना पेशेवर हत्यारालाई काठमाडौं बोलाएको समेत खुलेको छ ।

प्रहरीले भारतीय नागरिक मोहम्मद रहिश र भोला कुमारलाई हेटौडाबाट पक्राउ गरेको हो । महाशाखा स्रोतका अनुसार विवाहित छोरीको अन्य केटासँगको सम्बन्ध आमालाई मन परेको थिएन ।

त्यसकारण उनी छोरीलाई र केटालाई गाली गर्थिन् । भक्तपुरस्थित शाह गार्मेन्टमा सँगै काम गर्ने यी दुई बीच आमाले अवरोध गर्ने देखेपछि छोरीकै योजनामा आमाको हत्या भएको प्रहरीले बताएको छ ।

इश्वरीका एक छोरा पनि छन् । यी दुइबीचको प्रेम आमाले मन नपराएपछि इश्वरीले आफ्नै खर्चमा प्रेमीलाई दुबई काम गर्न पठाएको तर, उनी लामो समय दुबइ बस्न नसकि पुनः नेपाल फर्किएको प्रहरीको अनुसन्धानले देखाएको छ ।

उनी दुबईबाट नेपाल फर्किएको एक साता भित्रै आमाको हत्या भएको हो । प्रहरीका अनुसार आमाको हत्या गर्ने योजना प्रेमी दुबई र प्रेमिका नेपालमा रहेकै अवस्थामा भएको हो ।

काठमाडौं । मकवानपुर र बाराको सीमानामा पर्ने चुरियामाई मन्दिर छेउमा अवस्थित सुरुङ बनेको १ सय वर्ष नाघेको छ । दक्षिण एशियाकै पहिलो मानव निर्मित दावी गरिएको यस सुरुङको संरक्षणमा हेटौडा उपमहानगरपालिकाले पहल थालेको छ ।

१ सय वर्ष पुरानो संरचना भएका कारण यो अब पुरातत्व विभागको स्वामित्वमा पुगिसकेको छ । उपमहानगरपालिकाले भने बाहिरी भागको मात्र काम गर्ने अधिकार प्राप्त गर्छ ।

यो सुरुङमार्ग तत्कालिन राणा सरकारका पालामा निर्माण भएको हो । यही सुरुङमार्ग हुँदै चल्ने गाडीले भीमफेदीसम्म सामान ल्याउने र त्यहाबाट भरीयाको सहायतामा काठमाडौंसम्म सामान लैजाने गरिन्थ्यो । त्यतिबेला काठमाडौंमा चल्ने सरकारी गाडी पनि भीमफेदीसम्म यही सुरुङमार्ग पार गरेका छिरेका हुन्थे ।

त्रिभुवन राजपथ बनेपछि सुरुङमार्गको बीच खण्डमा विष्फोट गराएर भत्काइयो र त्यसैमाथि सडक बनाइयो । सडक छेउमा देखिएका सुरुङका मुखहरु थुनिए । तर, मन्दिर नजिकैको सुरुङमार्गको केही भाग भने अझै सग्लो अवस्थामा छन् ।

तत्कालिन सिभिल इन्जिनियर बिग्रेडियर जनरल डिल्लीजंग थापाले ५ सय मिटर लम्बाइको यो सुरुङमार्ग डिजाइन गरेको बताइन्छ ।

चुरिया सुरुङ सन् १९१७ मै बनेको तथ्यांक रहेको छ । राणाले १ सय वर्ष पहिले नै भित्राएको यो अवधारणालाई त्यसपछिका सरकारले चछ्याउन सकेनन् । फलस्वरुप नेपाल विकासमा निकै पछाडी परिरह्यो ।

काठमाडौं । जेष्ठ नागरिकले विगत ८ वर्षदेखि गर्दै आएको आन्दोलन फिर्ता लिएका छन् । सरकारले आगामी आर्थिक वर्षको बजेटमार्फत वृद्धभत्ता ३ हजार रुपैयाँ पुर्याएको छ ।

आगामी आवमा एकैपटक १ हजार रुपैयाँ वृद्धभत्ता बढेसँगै जेष्ठ नागरिकले आन्दोलन फिर्ता लिएका हुन् । अग्रज समाज नेपालको आह्वानमा ज्येष्ठ नागरिक नयाँ बानेश्वरस्थित यातायात व्यवस्था विभाग अगाडि निरन्तर धर्ना बस्दै आएका थिए ।

समाजले महिला, बालबालिका तथा ज्येष्ठ नागरिक मन्त्रालय समक्ष धर्ना अन्त्य भएको जानकारी गराएको हो । डा. बाबुराम भट्टराई प्रधानमन्त्री रहेका बेला २४ फागुन २०६९ मा समाजले धर्ना शुरु गरेको थियो ।

समाजले ६० वर्ष उमेरमै मासिक रु पाँच हजार भत्ता पाउनुपर्ने, सार्वजनिक सवारीसाधनमा ज्येष्ठ नारिकलाई आरक्षण सिटसहित ५० प्रतिशत छुट हुनुपर्ने, औषधोपचारमा सरकारी अस्पतालमा शतप्रतिशत र निजी अस्पतालले ५० प्रतिशत छुट गर्नुपर्नेजस्ता माग राख्दै आन्दोलन गर्दै आएको थियो ।

काठमाडौं । भूकम्प आउने ठोकुवा गर्दै यूट्यूव च्यानलमा प्रचार गर्ने अर्जुन क्षेत्रीलाई प्रहरीले पक्राउ गरेको छछ । आफूलाई ज्योतिषी बताउने क्षेत्रीलाई प्रहरीले मंगरबार नियन्त्रणमा लिएको हो ।

उनले विभिन्न युट्युब च्यानलमा अन्तर्वार्ता दिँदै भूकम्प आउने ठोकुवा गर्दै आएका थिए । उनको सम्बन्धमा विपदसम्बन्धी अफवाह फैलाएको उजुरी परेपछि प्रहरीले पक्राउ गरेको महानगरीय प्रहरी परिसर, काठमाडौंले जानकारी दिएको छ ।

उनी गौशालाबाट पक्राउ परेका हुन् । क्षेत्रीले यूट्यूव च्यानलमार्फत देशमा राजसंस्था स्थापना हुने र देशमा ठूलो भूकम्प आउने भन्दै सर्वसाधारणलाई त्रसित बनाइरहेका थिए ।