Category: अमेरिका

काठमाडौं । दक्षिण कोरियासँगको संयुक्त सैन्य अभ्यास नरोकेमा संयुक्त राज्य अमेरिकाविरुद्ध शक्तिशाली जबाफी कदम चालिने भन्दै उत्तर कोरियाले धम्की दिएको छ। वाशिङ्गटन र सउलले सोमवारदेखि तिनीहरूको सबैभन्दा ठूलो मध्येको संयुक्त हवाई सैन्य ड्रिल अभ्यास आरम्भ गरेका छन् जुन शुक्रवार समाप्त हुने बताइएको छ। उत्तर कोरियाले पनि त्यस्ता कतिपय ड्रिलहरूको जबाफमा भन्दै हालैका हप्ताहरूमा शृङ्खलाबद्ध रूपमा क्षेप्यास्त्रहरू प्रक्षेपण गरेको बीबीसीले जनाएको छ ।

प्योङयाङले सन् २०१७ पछि पहिलो पटक परमाणुअस्त्र परीक्षणको तयारी गरिरहेको भन्ने गुप्तचर सूचनाहरूका माझ यी गतिविधिहरू भएका छन्। उत्तर कोरियाको विदेश मन्त्रालयले एउटा वक्तव्य जारी गर्दै भनेको छ, ‘यदि अमेरिकाले गम्भीर प्रकृतिको उक्साउने खाले सैनिक गतिविधिलाई निरन्तरता दिन कायमै राखेमा उत्तर कोरियाबाटे अझै शक्तिशाली जबाफी कदम चालिनेछ ।”यदि वाशिङ्गटने आफ्नो सुरक्षा चासोलाई नसुहाउने खालको कुनै गम्भीर गतिविधि चाहँदैन भने उसले यस्ता अनुपयोगी र अप्रभावी युद्ध अभ्यासहरू तत्काल बन्द गर्नुपर्छ। होइन भने, अगाडिका सबै परिणामहरूको सम्पूर्ण जिम्मेवारी उसैले लिनुपर्छ।’

भिजिलन्ट स्टोर्म नाम दिइएको हालको सैन्य अभ्यासमा सयौँ लडाकु विमान सहभागी छन् र तिनीहरूले दिनको चौबीसै घण्टा नक्कली आक्रमणको अवस्थाको अभ्यास गरिरहेका छन्। अक्टोबर महिनाको आरम्भतिर वाशिङ्गटनले उत्तर कोरियालाई चेतावनी दिइएको अर्थमा बुझिएको कदममा उस्को परमाणुअस्त्र भएको विमानवाहक लडाकु पानीजहाज युएसएस रोनल्ड रेगनलाई कोरियाली प्रायःद्वीप नजिक परिचालन गरेको थियो।

उक्त पानीजहाज पनि केही नौसैनिक युद्ध अभ्यासमा संलग्न भएको थियो। सउलले उक्त सैनिक पानीजहाजको ूविरलै गरिनेू परिचालनलाई उत्तर कोरियाबाट हुने भड्काउने खाले गतिविधिहरूलाई कडा रूपमा जबाफ दिइनेछ भन्ने दक्षिण कोरिया(अमेरिकी संयुक्त गठबन्धनको अठोटलाई अभिव्यक्त गरेको भनेको थियो। हाल उक्त सैन्य पानीजहाज फिलिपिन सागरमा सक्रिय रहेको छ। अक्टोबरमा प्योङयाङले आफूहरूहरूले गरेको क्षेप्यास्त्र प्रक्षेपण दक्षिणमा गरिन सक्ने परमाणु हमलाको दुरुस्तै अभ्यास भएको बताएको थियो।

त्यस क्रममा दक्षिण कोरियाका सैन्य अखडा, बन्दरगाह र विमानस्थलहरूमा हमला गरिएको अवस्थाको अभ्यास सफलतापूर्वक सम्पन्न भएको दाबी गरिएको थियो। सेप्टेम्बर महिनामा उत्तर कोरियाली नेता किम जङ(अनले प्योङयाङ अब ूपछाडि फर्कनै नमिल्ने गरीू परमाणु शक्ति सम्पन्न राष्ट्र भएको घोषणा गर्दै आफूमाथि आक्रमण हुनुपूर्व नै अरू विरुद्ध परमाणुअस्त्र प्रयोग गर्न सक्ने गरी देशका कानुनहरूमा फेरबदल गरेका थिए।

उक्त देशको पहिलेको नीति आफूविरुद्ध हमला भएमा मात्र परमाणुअस्त्रको प्रयोग गर्ने भन्ने रहेको थियो। यो वर्ष उत्तर कोरियाले क्षेप्यास्त्र परीक्षणहरूको सङख्या पनि बढाएर हालसम्म चालिसवटा भन्दा बढी क्षेप्यास्त्र प्रहार गरिसकेको छ। संकट पर्ने गरी विभिन्न प्रतिबन्धहरूको सामना गरिरहेको भए पनि प्योङयाङले सन् २००६ र २०१७ को बीचमा ६ वटा परमाणुअस्त्र परीक्षण गरेको थियो।

वासिङटन डिसी । ब्लूमबर्गले विश्वका २५ धनी व्यवसायिक घरानाको सूची सार्वजनिक गरेको छ। तीमध्ये प्रमुख ५ जनाको सूची यसप्रकार रहेको छ:

२२४ अरब डलरको मालिक बालमार्ट चलाउने वाल्टन परिवार पहिलो नम्बरमा परेको छ। आम्दानी यति धेरै भएर पनि यो परिवार अमेरिकाको नर्थवेस्ट अर्कान्सास सहरमा बस्छ।

अमेरिकाकै मार्स परिवार दोस्रो नम्बरमा छ। यस परिवारको कुल सम्पत्ति १६० बिलियन डलर छ। मार्स परिवारको मुख्य व्यवसाय कन्फेक्शनरी र पेट केयर हो। यो संसारको सबैभन्दा ठूलो पेट केयर उत्पादन कम्पनी हो। अहिले मार्स परिवारको पाँचौं पुस्ताले कारोबार गरिरहेको छ।

तेस्रो नम्बरमा कोच इन्डस्ट्रियल घराना रहेको छ। यो परिवारको कुल सम्पत्ति १२८ अरब डलर छ।

फ्रेडरिक कोचले पहिलो पटक १९४० मा ‘वुड रिभर आयल र रिफाइनिङ कम्पनी’को स्थापना गरेका थिए। अहिले यो परिवारको पनि तेस्रो पुस्ताले नै व्यापार गरिरहेको छ।

साउदी अरबको अल साउद परिवार धनी व्यापारिक घरानाको सूचीमा चौथो नम्बरमा छ। यस परिवारको कुल सम्पत्ति १०५ अरब डलर छ।

साउदी राजकुमार मोहम्मद बिन सलमानको नियन्त्रणमा १०० अरब डलरभन्दा बढीको व्यापारिक सम्पत्ति छ।

पाँचौं नम्बरमा फ्रान्सको हर्म्स परिवार छ। यस व्यवसायिक घरानाको कुल सम्पत्ति करिब ९५ अर्ब डलर रहेको छ।

यो सूचीमा छैटौं स्थानमा भारतको अम्बानी परिवार परेको छ। धीरुभाई अम्बानीले सन् १९५० को दशकमा रिलायन्स इन्डस्ट्रिजको स्थापना गरेका थिए। १९९५ मा, धीरुभाई अम्बानी यमनबाट फर्केर भारत आए र मुम्बईमा धागो व्यवसाय सुरु गरे।

अम्बानी परिवारको कुल सम्पत्ति हाल ८५ अर्ब डलर नजिक छ। २००२ मा धीरुभाई अम्बानीको मृत्यु पछि उनको व्यवसाय अनिल अम्बानी र मुकेश अम्बानीमा विभाजित भयो। अहिले अम्बानी परिवारको तेस्रो पुस्ता व्यवसायमा छ। बीबीसी

काठमाडौं\बीबीसी । नेटो नेतृत्वको गठबन्धनले किएभलाई परिष्कृत हवाई प्रतिरक्षा अस्त्रहरू उपलब्ध गराउने घोषणा गरेको छ। पछिल्ला क्षेप्यास्त्र हमलापछि यूके, क्यानडा, फ्रान्स र द नेदरल्याण्ड्सले क्षेप्यास्त्र र रेडारहरू सहितका त्यस्ता अस्त्रहरू युक्रेनलाई दिने बाचा गरेका हुन्। अमेरिकाले यसअघि नै त्यस्तो बाचा गरेको थियो। जर्मनीले दिएको एउटा उच्च प्रविधिको प्रणाली यसअघिदेखि नै युक्रेनमा छ।

ब्रसल्सस्थित पश्चिमा सैन्य गठबन्धन नेटोको मुख्यालयमा युक्रेनलाई सघाउने ५० देशका नेताहरू जुटिरहँदा त्यस्ता बाचाहरू गरिएका हुन्। किएभले उक्त सम्मेलनलाई ऐतिहासिक भनेको छ । किएभका अनुसार गत सोमवार र मङ्गलवार रुसले युक्रेनी ऊर्जा पूर्वाधार र अन्य गैरसैनिक निशानामा १०० भन्दा धेरै क्षेप्यास्त्र र कैयौँ ड्रोनहरूमार्फत् हमला गरेको थियो। हमलाको पहिलो दिनमा कम्तीमा १९ जना मानिसहरू मारिएका थिए। त्यससँगै कैयौँ युक्रेनी सहरहरूमा व्यापक रूपमा विद्युत् अवरुद्ध हुनुका साथै पानीको आपूर्ति काटिएको छ।

रुसी राष्ट्रपति पुटिनले ती हमलाहरू रुसलाई अधीनस्थ क्राइमियासँग जोड्ने एउटा मुख्य पुलमा भएको प्रहारको जबाफ भएको बताएका छन्। क्राइमियालाई मस्कोले सन् २०१४ मा आफूमा गाभेको थियो। रुसले शनिवार उक्त पुलमा भएका विस्फोटन युक्रेनको गुप्तचर निकायले गराएको बताउँछ जुन दाबीलाई किएभले खारेज गरेको छ। यूकेले हवाई प्रतिरक्षा सम्बन्धी क्षेप्यास्त्र प्रणालीहरू र सूचना सङ्कलन र बन्दोबस्त क्षमताका निम्ति सयौँ हवाई ड्रोनहरू युक्रेनलाई दिनेछ। उसले लामो दूरी प्रहार गर्ने १८ वटा हाविज्जर आर्टिलरी गन समेत दिनेछ।

लण्डनले त्यस्ता ६४ वटा अस्त्र यसअघि नै दिएको छ। यूकेका रक्षामन्त्री बेन वालेस भन्छन्, ‘यी अस्त्रहरूले युक्रेनलाई हमलाहरूबाट आफ्नो आकाशको रक्षा गर्न र आफ्नो समग्र क्षेप्यास्त्र प्रतिरक्षा बलियो पार्न सघाउनेछ।’ बुधवार ब्रसल्समा बोल्दै अमेरिकी रक्षामन्त्री लोइड अस्टिनले उनीहरू युक्रेनीेलाई प्रभावकारी बनाउन चाहिने कुरा सुनिश्चित गर्न हामीले सक्ने सबै कुरा गर्ने बताए।

फ्रेन्च राष्ट्रपति एमानुएल माँक्रोले युक्रेनलाई हवाई प्रतिरक्षा प्रणाली उपलब्ध गराउने बताए। तर फ्रान्स टू टेलिभिजनमा अन्तर्वार्ता दिने क्रममा उनले त्यो कुन प्रणाली हो भन्ने चाहिँ प्रस्ट पारेनन्। उनले त्यसको मुख्य काम भनेको मानिसहरूलाई ड्रोनबाट सुरक्षित राख्नु हुने बताए। द नेदरल्यान्ड्सले डेढ करोड युरो पर्ने हवाई रक्षा सम्बन्धी क्षेप्यास्त्र प्रणाली दिने जनाएको छ।

क्यानडाले ४ करोड ७० लाख क्यानडेली डलर बराबरको सैन्य सहयोग उपलब्ध गराउने बाचा गरेको छ जसमा भूउपग्रह सञ्चार र ड्रोन क्यामेराहरू समेटिएका छन्। राष्ट्रपति भोलोदिमिर जेलेन्स्कीले महिनौँदेखि आफ्ना साझेदारहरूलाई युक्रेनको अवाई सुरक्षा कवच सिर्जना गर्न हवाई प्रतिरक्षा प्रणालीहरू उपलब्ध गराउन आग्रह गर्दै आएका थिए।

काठमाडौं । रुसले युक्रेनको राजधानी किएभको केन्द्र भागमा पहिलो पटक गरेको क्षेप्यास्त्र हमलासहित कैयौँ सहरमा बमबारी गरेपछि रुसको व्यापक निन्दा भइरहेको छ। अमेरिकाले ती निर्मम हमलाहरू गैर सैनिक निशानाहरू गरिएको जनाउँदै सैन्य सहायता जारी रहने बाचा गरेको बीबीसीले लेखेको छ । जसमा एउटा विश्वविद्यालय र बालबालिकाको खेल मैदान समेत छ। संयुक्त राष्ट्रसङ्घका महासचिव एन्टोनियो गुटेरसले आफू स्तब्धमा परेको बताएका छन्।

रुसी राष्ट्रपति भ्लादिमिर पुटिनले ती हमलाहरू रुस–क्राइमिया जोडिने मुख्य पुलमा शनिवार भएका विस्फोटनको जवाफ बताएका छन्। युक्रेनले त्यस घटनामा आफ्नो भूमिकाबारे कुनै पुष्टि गरेको छैन। युक्रेनका अनुसार ८३ वटा क्षेप्यास्त्रहरू प्रहार गरिएकामा ४३ वटालाई निष्क्रिय पारिएको थियो। एउटा भिडिओमार्फत् युक्रेनी राष्ट्रपति भोलोदिमिर जेलेन्स्कीले युक्रेनलाई त्रसित हुन नसक्ने, यो थप एकताबद्ध मात्र हुने बताएका छन्।

लभिभ, खार्किभ, डिनिप्रो र जापोरिजामा भएका ती घातक प्रहारहरू युक्रेनले हालैका महिनामा देखेका सबैभन्दा खराबमध्येका हुन्। अधिकारीहरूले कम्तीमा १४ जना मानिसहरू मारिएको र २० जनाभन्दा धेरै घाइते भएको जनाएका छन्। ऊर्जा सम्बन्धी पूर्वाधारमा क्षेप्यास्त्रहरू प्रहारसँगै कैयौँ क्षेत्रमा विद्युत् र पानीको आपूर्ति रोकिएको छ। राजधानी किएभका बासिन्दाहरूले सोमवार बिहानको मानिसहरू काममा फर्कने व्यस्त समयमा रुसले नागरिक क्षेत्रहरूमा निशाना गरेको बताएका छन्। जसमा बालबालिकाको खेलमैदान, विश्वविद्यालय र एउटा प्रख्यात पार्क समेत छ।

युरोपेली आयोगकी अध्यक्ष उर्जुला फोन देर लेयनले रुसले आतङ्क र क्रूरताको पक्ष लिएको बताइन्। अमेरिकी राष्ट्रपति जो बाइडन भोलोदिमिर जेलेन्स्कीसँग फोनवार्ता गर्ने कैयौँ विदेशी नेताहरूमध्ये थिए। उनले युक्रेनलाई विशिष्ट हवाई प्रतिरक्षा प्रणाली सहित आफ्नो प्रतिरक्षाका लागि आवश्यक पर्ने सहायता दिने काम जारी राखिने बाचा गरेको ह्वाइटहाउसले जनाएको छ।

काठमाडौं । युक्रेनलाई थप सैन्य सहायता पठाउने संयुक्त राज्य अमेरिकाको निर्णयले रुस र पश्चिमा देशबीच प्रत्यक्ष सैनिक द्वन्द्वको खतरा बढाएको मस्कोले चेतावनी दिएको छ। बीबीसीका अनुसार अमेरिका अहिलेको द्वन्द्वको एउटा पक्ष भएको भन्दै अमेरिकाका लागि रुसी राजदूत एनाटोली एन्टोनोभले अमेरिकी कदम मस्कोका लागि सीधा खतरा भएको बताए। अमेरिकाले युक्रेनलाई अर्को ६२५ मिलियन डलर बराबरको सैन्य सहायता घोषणा गरेको छ।

अहिले जारी द्वन्द्वमा युक्रेनी फौजले रुसी फौजविरुद्ध सफलता हासिल गर्दै जानुको पछाडि अमेरिकी अस्त्रहरूको योगदान रहेको बताइन्छ। पछिल्ला साताहरूमा युक्रेनी फौजहरूले देशको पूर्वोत्तर र दक्षिणी क्षेत्रमा महत्त्वपूर्ण सफलता हासिल गरिरहेका छन्। रुसी राष्ट्रपति भ्लादिमिर पुटिनले गत फेब्रुअरी २४ तारिखमा युक्रेनमाथि आक्रमण शुरू गराएयता किएभलाई वाशिङ्गटन दिएको सैन्य सहायता करिब १७ अर्ब डलर बराबर पुगेको छ।

बिहीवार एउटा वक्तव्यमार्फत्‌ रुसी राजदूत एन्टोनोभले किएथस्थित सत्तालाई अस्त्रहरू दिइराख्नुको अर्थ वाशिङ्गटन द्वन्द्वको एउटा पक्ष हुने चेतावनी दिएका हुन्। त्यसले अहिलेको रक्तपातलाई लम्ब्याउने र नयाँ हताहती निम्त्याउने उनले दाबी गरे। एकदमै गम्भीर परिणाम निम्त्याउन सक्ने उक्साहटपूर्ण कामहरू बन्द गर्न हामी वाशिङ्गटनलाई आग्रह गर्छौँ,’ रुसी रादजूतले भने।

पछिल्ला हप्ताहरूमा युद्ध मैदानमा युक्रेनसँग ठूलो पराजय बेहोरिरहेको रुसले उपलब्ध सबै माध्यमबाट प्रतिरक्षा गर्ने बताएको छ। सो क्रममा उसले परमाणुअस्त्रको प्रयोगको सम्भावनालाई पनि नकारेको छैन। मस्कोले युक्रेनका चार क्षेत्र (डोनेट्स्क, लुहान्स्क, खेअरसन र ज्यापोरिज्यालाई रुसमा गाभ्ने प्रयासलाई बल दिइरहेको छ। यद्यपि उसले अहिलेसम्म कुनै क्षेत्रमाथि पूर्ण रूपमा नियन्त्रण गरिसकेको छैन र पछिल्ला दिनमा युक्रेनी फौजहरूले खेअरसन क्षेत्रमा प्रगति हासिल गरिरहेका छन्।

काठमाडौं\बीबीसी । अन्तर्राष्ट्रिय निन्दा हुनेगरी रुसले युक्रेनका चारवटा अधीनस्थ क्षेत्रहरूलाई औपचारिक रूपमा रुसमा गाभेको छ। शुक्रवार क्रेम्लिनको सेन्ट जोर्जेज् हलमा रुसी राष्ट्रपति भ्लादिमिर पुटिनले ती क्षेत्रमा मस्कोले स्थापना गरेका नेताहरूका साथ त्यससम्बन्धी सन्धिहरूमा हस्ताक्षर गरेका थिए। पुटिनले रुसले सबै तरिकाबाट आफ्नो नयाँ भूभागको रक्षा गर्ने र ती नयाँ क्षेत्रहरूमा सुरक्षा बढाउने बताएका छन्।

कुलीन रुसी राजनीतिज्ञ र सेनासँगको भेलामा बोल्दै उनले त्यो कुरा बताएका हुन्। उनले युक्रेनलाई सैन्य कारबाही रोक्न र वार्ताको टेबुलमा फर्किन आह्वान पनि गरेका छन्। प्रतिक्रियास्वरूप किएभले भने उत्तर एट्लान्टिक सन्धि सङ्गठन नेटोको सदस्य हुनका लागि एउटा नयाँ र छिटो हुने प्रक्रियाका लागि प्रयास थालेको छ। आफ्ना प्रधानमन्त्री र संसदका सभामुखसाथ रहेर युक्रेनी राष्ट्रपति भोलोदिमिर जेलेन्स्कीले युक्रेन लामो समयदेखि उक्त सुरक्षा सङ्गठनको डी फ्याक्टो (विधानतः नभए पनि व्यवहारमा) सदस्य रहेको बताउँदै सीमालाई परिवर्तन गर्ने मस्कोले हत्या, झुक्काउने काम, गलत व्यवहार र झूट प्रयोग गरेको आरोप लगाए।

शुक्रवारको घोषणापछि राष्ट्रपति जो बाइडनले रुसलाई चेतावनी दिँदै अमेरिका रुसको धम्कीबाट नडराउने बताएका छन्। राष्ट्रपति पुटिनले रुसमा बलपूर्वक गाभिएका रुसी भूभागको रक्षाका लागि परमाणुअस्त्र प्रयोग गर्ने अप्रत्यक्ष धम्की दिएको देखिन्छन्। राष्ट्रपति बाइडनले रुसी समकक्षीका दुस्साहसिक शब्द र धम्कीको आलोचना गर्दै पुटिनले आफूहरूलाई तर्साउन नसक्ने बताए।

‘अमेरिका र उसका साझेदारहरू भयभीत हुनेछैनन्’ राष्ट्रपति बाइडनले ह्वाइटहाउसमा भने। त्यसपछि उनले क्यामरातर्फ औँला ठड्याउँदै रुसी राष्ट्रपतिलाई चुनौती दिए। ‘नेटो भूभागको प्रत्येक इन्च रक्षाका लागि अमेरिका उसका साझेदारसँग पूर्ण रूपमा तयार छ’ उनले पश्चिमा सुरक्षा सङ्गठनको प्रसङ्ग निकाल्दै भने, ‘मिस्टर पुटिन, मैले भनिरहेको कुरालाई गलत नबुझ्नू, प्रत्येक इन्च।’

त्यसको केही बेरमा बाइडनका एक वरिष्ठ राष्ट्रिय सुरक्षा सल्लाहकारले मस्कोले परमाणुअस्त्रको सहारा लिने सम्भावना रहेको रहेको त्यो तत्कालको जोखिम भने नरहेको जनाए। ती क्षेत्रमा गरिएका जनमतसङ्ग्रह छद्म भन्दै निन्दा भइरहेको छ । संयुक्त राष्ट्रसङ्घ, युक्रेन र उसका साझेदारहरूले ती जनमतसङ्ग्रहलाई गैरकानुनी भन्दै आलोचना गर्दै आएका छन्। गाभिएका क्षेत्र रुस नियन्त्रित डोनेट्स्क, लुह्यान्सेक, खेअरसन र जापोरीजा हुन्। ती क्षेत्रलाई रसियन फेडरेशनमा समाहित गर्ने औपचारिक प्रक्रिया आउँदा केही दिनमा हुनेछन् ।

न्यूर्योक । अमेरिकाका विभिन्न शहरमा भएको आतङ्ककारी हमलाको आइतबार २१ वर्ष पूरा भएको छ । न्युयोर्क, भर्जिनिया र पेन्सिलभिनियामा २१औँ स्मृति दिवस मनाइँदैछ । सन् २००१ को सेप्टेम्बर ११ मङ्गलवारका दिन आत्मघाती आक्रमणकारीले अमेरिकी विमानहरूलाई नियन्त्रणमा लिएर न्युयोर्कका दुई गगनचुम्बी भवनमा ठोक्काएका थिए । यो दुर्घटनामा झण्डै तीन हजार जनाले ज्यान गुमाएका थिए । ज्यान गुमाउनेमा विभिन्न ७७ वटा देशका नागरिक थिए । संयुक्त राज्य मेरिकाको पूर्वी भेगमा उडिरहेका चारवटा विमान एकपछि अर्को गर्दै अपहरणमा परेका थिए ।

अपहरणमा परेका विमान न्युयोर्क र वाशिङ्टनका भवनमा ठोक्काइएको थियो । आक्रमणको एक महिना नबित्दै तत्कालीन राष्ट्रपति जर्ज डब्ल्यू बुशले आक्रमणमा संलग्न अल कायदालाई उन्मूलन गर्न र ओसामा विन लादेनलाई पत्ता लगाउन अफगानिस्तानमा आक्रमण गर्न अनुमति दिएका थिए । पछि सन् २०११ मा छिमेकी पाकिस्तानमा अमेरिकी सेनाले लादेनलाई मारेको पुष्टि गरेका थिए । झन्डै दुई दशकपछि अमेरिकी सैनिक अफगानिस्तानबाट बाहिरिएका छन् ।