विश्व न्यूज संवाददाता
अमेरिका ।
टेक्ससको राजधानी अस्टिनमा नेपाली राहदानी वाहकहरुलाई आवश्यक पर्ने सेवा उपलब्ध गराउने उद्देश्यले दुइ दिने शिविरको आयोजना गरिएको छ । खासगरी हस्तलिखित राहदानीको प्रतिस्थापन गर्ने नेपाल सरकारले निर्णय यस अघि नैं गरिसकेकाले हस्तलिखित राहदानी भएकालाई मेसिन रिडेवेल पासपोर्ट उपलब्ध गराउनका लागि घुम्ती शिविरको रुपमा अस्टिनमा कार्यक्रम आयोजना हुन लागेको हो ।
ग्रेटर अस्टिन नेपलिज सोसाइटीले टेक्ससमा रहेका अन्य संघ संस्थाहरुसगको सहकार्यमा आउदो सेप्टेम्वर १४ र १५ का दिन वासिङटन डिसी स्थित नेपाली दुतावासवाट आउने अधिकारीहरुको उपस्थितिमा शिविर आयोजना गर्न लागेको हो ।
सो अवसरमा सेप्टेम्वर १४ शनिवार अमेरिकाका लागि नेपाली राजदुत डा. अर्जुन कुमार कार्कीसँग अन्तरक्रिया कार्यक्रमको समेत आयोजक गरिएको ग्रेटर अस्टिन नेपलिज सोसाइटीका अध्यक्ष भोज राज भट्टले जानकारी दिए ।

विश्व न्यूज संवाददाता
टेक्सस ।
टेक्सस राज्यको राजधानी अस्टिन शहर आसपास बस्ने नेपालीहरु अहिले वहुआयामीक सामुदायिक भवन बनाउन कस्सिएका छन् ।
हालसम्म नेपाली संस्थाको स्वामित्वमा अस्टिनमा सामुहिक प्रयोजनको निम्ति आवश्यक पर्ने सामुदायिक भवन छैन । जसका धार्मिक, सांस्कृतिक तथा सामुदायिक कार्यक्रमको आयोजना गर्न कठिनाई हुदैं आएको छ । नेपाली बालबालिकाका निम्ति संचालन हुदैं आएको नेपाली पाठशाला संचालनमा समेत अप्ठ्यारो पर्ने गरेको छ ।
यस कुरालाई ध्यान दिदैं अस्टिनका नेपालीहरुले अहिले सामुदायिक भवनको आवश्यकता महशुष गरी भवन बनाउनका लागि आर्थिक संकलनको काममा लागेका छन् ।
सामुदायिक भवन बनाउनको लागि बोर्ड अफ ट्रष्टी र सहयोगदाताको व्यवस्था मिलाएर सहयोग संकलनको काम अघि बढाइएको भवन निर्माण समितिका संयोजक तथा ग्रेटर अस्टिन नेपलीज सोसाइटीका पूर्व अध्यक्ष गेहेन्द्र केसीले जानकारी दिए ।
अहिले सम्म निर्मल श्रेष्ठ, विदुर खतिवडा, डा.कमल अधिकारी, कला उप्रेती, सुनील मेहता,देवराज न्यौपाने, अमृत मिश्र, भोजराज भट्ट, गेहेन्द्र केसी, पदम ठकुराठी, प्रदिप पराजुली, प्रेम पाण्डे, राज मरासिनी, शकुल कोइराला, प्रेम श्रेष्ठ र तुल्सी दुलालको परिवार वोर्ड अफ ट्रष्टी बनेको समितिले जनाएको छ । समितिले कम्तिमा ३ हजार ४ सय डलर सहयोग गर्नेलाई बोर्ड अफ ट्रष्टी, कम्तिमा १ हजार सहयोग गर्नेलाई विशेष सहयोग दाताको रुपमा राखेको छ भने कम्तिमा २ सय ५० सहयोग गरेर सहयोगदाता बन्न सकिने ग्रेटर अस्टिन नेपलिज सोसाइटीका पूर्व अध्यक्ष देवराज न्यौपानेले जनाए ।
अस्टिन आसपास वस्ने झण्डैं १५ सय परिवारवाट कम्तिमा २ सय ५० का दरले र अन्य सहयोग बोर्ड अफ ट्रष्टी र विशेष सहयोग दातावाट उठाएर करिव ५ लाख आउँदो ६ महिनाभित्र काम अघि बढाउने लक्ष्य राखिएको संयोजक केसीले जानकारी दिए ।
हालसम्म सामुदायिक भवन बनाउनका लागि २ सय ५२ जनावाट १ लाख ६८ हजार ६ सय ३१ डलर ७४ पेनीको प्रतिवद्धता भएकोमा १ लाख २ हजार ५ सय ३२ डलर ३४ पेनी संकलन भैसकेको समितिले जनाएको छ ।
भवन बनाउने अभियानमा सकेको सहयोग गर्न र हात अघि बढाउन ग्रेटर अस्टिन नेपलिज सोसाइटीका अध्यक्ष भोजराज भट्टले जानकारी दिए ।

विश्व न्यूज संवाददाता
टेक्सस ।
रुपन्देही सेवा समाज र ब्लड डोनर्स अफ अमेरिकाले सेप्टेम्वर २२ आइतवार रक्तदान गर्ने भएका छन् । रक्त संकलन अभियान अन्तर्गत दुई संस्थाले रक्तदान कार्यक्रमको आयोजना गरेका हुन् ।
टेक्ससको अर्विङमा रहेको नेपाली मन्दिर (पशुपति नाथ तथा बौद्ध मन्दिर) मा रक्तदान कार्यक्रमको आयोजना गरिएको रुपन्देही सेवा समाजका अध्यक्ष जगदीश न्यौपानेले जानकारी दिए । केही महिनाअघि स्थापना गरिएको समाजले सामुहिक भेला, सत्यनारायण पुजा, तीज लगायतका कार्यक्रम गरिसकेको समेत उनले बताए ।

विश्व न्यूज संवाददाता
टेक्सस ।
गैर आवासीय नेपाली संघकी उपाध्यक्ष सपिला राज भण्डारीको आतिथ्यतामा विहिवार टेक्ससमा अन्तरक्रियात्मक कार्यक्रम सम्पन्न भएको छ । सो अवसरमा उपाध्यक्ष भण्डारीले गैर आवासीय नेपाली संघले अहिलेसम्म गरेका गतिविधिबारेमा प्रकाश पार्दै भावी योजनाबारे जानकारी गराएकी थिइन् ।
उनले गैर आवासीय नेपाली संघका सदस्यहरुलाई परिचय पत्र उपलब्ध गराउने काम भैरहेको र त्यस परिचय पत्र मार्फत विभिन्न व्यवसायिक प्रतिष्ठानहरुमा सहुलियतको व्यवस्था मिलाइएको जानकारी दिएकी थिइन् ।
आयोजक गैर आवासीय नेपाली संघ अमेरिका टेक्सस च्याप्टर अध्यक्ष राजेश अर्यालको अध्यक्षता , सचिव सोफिन थापाको संचालन र एनआरएनए अमेरिकाका वरिष्ठ उपाध्यक्ष डा. अर्जुन बञ्जाडेको धन्यवाद मन्तव्य रहेको कार्यक्रममा गैर आवासीय नेपाली संघका आइसिसीका पदाधिकारी तथा सदस्यहरु, गैर आवासीय नेपाली संघ अमेरिकाका अध्यक्ष सुनील साह लगायत पदाधिकारी तथा सदस्यहरुको सहभागिता रहेको थियो ।

अमेरिका ।

नेपाललाई केन्द्रमा राखेर त्यही अनुरुपको तिथि र मिति समावेश गरिएको पात्रोलाई अमेरिका लगायत अन्य देशमा वस्ने नेपालीले पूर्ण रुपमा अनुशरण गर्नु उपयुक्त नभएको एक कार्यक्रमका सहभागिहरुले जनाएका छन् ।
देश अनुसार सूर्योदय,सूयास्त, घडी लगायत ज्योतिश शास्त्र सग सम्बन्धित समय र पक्षहरु फरक रहेकाले नेपालकैं पात्रोलाई पूर्ण रुपमा अवलम्वन गर्न नसकिने सहभागि पण्डित तथा ज्योतिषीहरुले उल्लेख गरे । यस वर्ष बडादशैंको टीका समेत नेपालको भन्दा अघिल्लै दिन लगाउनुपर्ने अवस्था तिथिले गराएको उनीहरुको दावी थियो ।

नेपाल अमेरिका पत्रकार संघ (नेजा) को समन्वयमा टेक्ससको डलासमा भएको अन्तरक्रिया कार्यक्रममा अन्तर्रा्ष्टि्रय पञ्चाङ्ग निर्णायक समितिका अध्यक्ष प्रा. डा. माधबप्रसाद भट्टराईले नेपालको क्यालेण्डरलाई अमेरिकामा हु–बहु लागु गर्न नमिल्ने धारणा राखे ।‘उताबाट देखिने सूर्य, तारा, ग्रहको गतिमा आधारित रहेर नेपालको भूगोलको हिसाब गरेर बनाइएको हो त्यो पात्रो । गौरीशंकर हिमालको देशान्तरलाई आधार मानेर बनाइएको हो नि,’ डा. भट्टराईले भने ।

अमेरिकाको लागि यहााको सूर्योदयको समय, देशान्तर, ग्रह, नक्षत्रलाई हिसाब गरेर छुट्टै क्यालेण्डर (पात्रो) आवश्यक रहेकोमा जोड दिनुहुादै डा. भट्टराईले त्यसो नभएमा तिथिप्रधान पर्वहरु ९५ प्रतिशत फरक पर्ने बताए । ‘नेपालको भूगोल, ग्रह, नक्षत्रलाई आधारमा मानेर तयार पारिएको क्यालेण्डरमा ११ र १२ घण्टा समय पछि पारेर अमेरिकामा तिथिप्रधान चाडपर्व, तिथि श्राद्ध गर्दा ९५ प्रतिशत फरक पर्छन, ५ प्रतिशतमात्र यदाकदा मिल्छन्’ उनले भने ।
उनले नेपालको क्यालेण्डरलाई थपक्क टिपेर अमेरिकामा मात्र होइन युरोप, अष्ट्रेलियामा रहेका नेपालीहरुले समेत प्रयोग गरिरहेकोमा त्यो ठीक नभएको उल्लेख गरे । ‘अमेरिकामामात्र होइन, युरोप र अष्ट्रेलयामा पनि फरक परिरहेको छ । सूर्योदय र ग्रह नक्षत्र अनुसार मिलाउनुपर्छ’ उनले भने ।

यसैबीच नेपालमा अक्टोबर ८ मा बडादशैंको दशमी (टीका) को दिन परेपनि अमेरिकामा भने अक्टोबर ७ तारिकमै पर्ने सहभागि ज्योतिषीहरुले बताए ।‘अक्टोबर ७ तारिक सूर्योदयसागै दशमी तिथि सुरु हुन्छ र अक्टोबर ८ तारिक बिहान साढे ४ बजेसम्म रहन्छ । अक्टोबर ८ तारिक बिहान सूर्योदय नहुादै एकादशी तिथि अमेरिकामा सुरु भैसकेको हुन्छ’ अर्का ज्योतिषी मेघराज निरौलाले भने । बडादशैको टीका दशमीको दिन देवी विसर्जन गरेर लगाउने परम्परा रहेकोले अक्टोबर ७ मै लगाउनुपर्ने भनाई डा. भट्टराईको समेत थियो ।नेपालमा भने अक्टोबर ८ तारिकमा टीका रहेको छ । अमेरिकामा एक दिन अघिनै लगाउनुपर्ने ज्योतिषीहरुको भनाईले नेपाली समुदाय अन्यौलमा परेको छन् । नेपालमा ग्रहण लाग्दा जसरी अमेरिकामा देखिदैन र अमेरिकामा लाग्दा नेपालमा देखिादैन त्यसैगरि पर्वहरु पनि सुरुवात हुने समय पनि फरक पर्ने तर्क उनीहरुको थियो ।

अन्तरकृया कार्यक्रममा ड्यालसमा नवस्थापित पृथ्वीनारायण शाह स्मृति तथा सांस्कृतिक प्रतिष्ठानका अध्यक्ष देवीप्रसाद पाण्डे ‘दीपक’ ले अमेरिकाको नेपाली समुदायलाई परेको द्विविधालाई हटाउन जरुरी रहेको बताए ।
कार्यक्रममा ड्यालसस्थित पशुपतिनाथ तथा बुद्ध मन्दिरका मुल पूजारी डा. शेखर पण्डितले समय पूर्बबाट पश्चिमतिर सर्दै गए जसरी तिथि भने पश्चिमबाट पूर्ब्तिर सर्दै जाने भएकोले कतिपय तिथिहरु अमेरिकामा पहिले पर्ने गरेको उल्लेख गरे ।

विश्व न्यूज संवाददाता
अमेरिका ।

देशको समृद्दिको यात्रामा गैर आवासीय नेपालीहरु जोडिएर अघि बढ्न चाहेको गैर आवासीय नेपाली संघका उपाध्यक्ष कुल आचार्यले बताएका छन् ।
उनले नेपालमा व्यक्तिगत तथा संस्थागत रुपमा लगानी बढाउने तर्फ गैर आवासीय नेपालीहरु त्यार रहेको भएपनि केही कानुनत: र व्यवहारिक कठिनाई कारण अपेक्षाकृत रुपमा लगानी हुन नसकिरहेको बताएका हुन ।
गैर आवासीय नेपाली संघ अमेरिकाको टेक्सस राज्य च्याप्टर समितिले विहिवार यहा गरेको अन्तरक्रियात्मक कार्यक्रममा उपाध्यक्ष आचार्यले नतिगत तहमा नेपाल सरकारसँग गैर आवासीय नेपाली संघले यस सम्वन्धमा छलफल गरिरहेको बताए । दोहोरो कर प्रणाली, नेपालमा लगानी गरेपछि आवश्यक परेको खण्डमा कर्म देशमा ल्याउनका लागि रहेको कानुनी अवरोध, लगानीको संरक्षण लगायतका समस्याहरु रहेको भन्दैं यी र यस्ता समस्याहरु समाधान गर्न सक्दा नेपालमा गैर आवासीय नेपालीको लगानी बढेर जाने विश्वास उपाध्यक्ष आचार्यले गरे ।
उनले विगतको तुलनामा संस्थागत र व्यक्तिगत ढंगले लगानी बढिरहेको समेत बताउदैं एनआरएनए आइसिसीले समेत पाइलट प्रोजेक्टको रुपमा कतिपय योजनाहरुमा लगानी गर्न थालेको जनाए । नाफामुखी योजनामा मात्र नभई सेवामुखी कार्यमा समेत गैर आवासीय नेपालीले योगदान गरिरहेको उपाध्यक्ष आचार्यको भनाई रहेको थियो ।
एक अर्को प्रसंगमा उपाध्यक्ष आचार्यले नेपालको संविधानले नैं व्यवस्था गरेको गैर आवासीय नेपालीलाई दिइने दोहोरो नागरिकताको विषयलाई कार्यन्वयन तहमा लैजान काम भैरहेको र त्यो नागरिकता तेस्रो पुस्ता सम्म मात्रलाई दिन सकिने व्यवस्था गरिएकोमा त्यसलाई हटाउन संघले पहल गरिरहेको जानकारी दिए । गैर आवासीय नेपालीलाई दिइने नागरिकता नेपाल सरकारको विदेशमा रहेका नियोगवाट समेत दिलाउन लागि पहल भैरहेको र यसो गर्न सके व्यवहारिक समस्या कम हुने बताउदैं उपाध्यक्ष आचार्यले तत्पश्चात राहदानीको विषयमा छलफल अघि बढ्ने उल्लेख गरे ।
पर्यटन वर्ष २०२० लाई सफल पार्न समेत गैर आवासीय नेपाली संघले भूमिका खेल्ने उपाध्य आचार्यले बताए ।
एक अर्को प्रसंगमा अक्टुवरमा हुने संघको अधिवेशनमा अध्यक्षका प्रत्याशीका रुपमा समेत हेरिएका आचार्यले सबैंलाई मिलाएर संघलाई अगाडि बढाउने पक्षमा आफू रहेको बताउदैं प्रजातान्त्रिक विधिवाट नेतृत्व छानिएपनि त्यसलाई हार र जीतको रुपमा नहेरी समान्य रुपमा बुझ्नुपर्नेमा उनको जोड थियो ।

साथैं विगतदेखिनैं अमेरिकाका एनआरएनहरु संघको अन्तराष्ट्रिय चुनावमा एउटैं पदमा दुई वा बढी उठेका कारण समस्या भएको भन्दैं यस पटकको अधिवेशनमा त्यसो नगर्न आचार्यले सुझाव दिए ।
कार्यक्रममा एनआरएनए आइसिसीका क्षेत्रीय संयोजक गौरीराज जोशीले नेपालमा लगानी गर्ने देखि एनआरएनए अभियानलाई अगाडि बढाउन सगैं हिडेका साथीहरु विचमा प्रतिष्पर्धा नहोस् भन्ने चाहना आफ्नो रहेको बताउदैं मिलेर अघि वढ्न आग्रह गरे ।
एनआरएनए अमेरिकाका निवर्तमान अध्यक्ष तथा आसन्न अधिवेशनमा महासचिव उठ्ने चर्चामा रहेका डा. केशव पौडेलले सबैंको साथ र सहयोगवाटनैं एनआरएनए अमेरिकामा चार वर्ष काम गर्न संभव र केही कामहरु गर्न सकिएको बताउदैं यसैको जगमा सबैंको साथवाट आफू अगाडि बढ्न चाहेको बताए ।
यसैगरी एनआरएनए आइसिसीका सल्लाहकार हरीबोल भण्डारीले आइसिसीमा नेतृत्व मिलेरआउने कुरामा आफू विश्वस्त रहेको र यो नैं आवश्यकता भएकोमा जोड दिदैं यस पटक अमेरिकाले समेत राम्रो उपस्थिति जनाउने बताए । साथैं उनले डा. पौडेलको कार्यकालमा संघले धेरैं कार्यहरु गरेको प्रसंग उल्लेख गर्दै अवको समितिले पनि अझ राम्रो गर्न सकोस् भनी शुभकामना दिएका थिए ।
एनआरएनए अमेरिकाका अध्यक्ष सुनील साहले आइसिसीका विभिन्न पदमा उठ्न आकांक्षा राख्नुभएका सबैंलाई समेटेर अघि बढ्नका लागि आफूहरुले भूमिका खेल्ने भन्दैं सबैं मिलेर जादा बलियो भइने र त्यसले स्वभाविक रुपमा राम्रो उपस्थिति बढाउने जनाए ।
च्याप्टर अध्यक्ष राजेश अर्यालको अध्यक्षता र सचिव सोफिन थापाको संचालनमा भएका कार्यक्रममा संघका वरिष्ठ उपाध्यक्ष डा. अर्जुन बञ्जाडे, प्रवासी नेपाली मञ्जकी उपाध्यक्ष यमुना भट्टराई, संघका पूर्व प्रवक्ता विनोद तिवारी, नेपाली समाज टेक्ससका अध्यक्ष सुमन थापा लगायतले धारणा राखेका थिए ।

सोही अवसरमा एनआरएनए एनसीसी अमेरिकाको कार्यसमितिको वैठकवाट प्रवक्तामा मनोनित ओम भट्टराईलाई संघका अध्यक्ष सुनील साहले शपथ खुलाएका थिए ।

क्यालिफोर्निया । अमेरिकाको सान फ्रान्सिस्को बे एरियामा कार्यरत ९ वटा नेपाली संघसंस्थाहरुले एक समारोहबीच सामाजिक अभियन्ता राजन विश्वकर्मालाई सम्मानित गरेका छन् । द्वन्द्वको चपेटामा परी आमाबाबुको सुरक्षा र मायाबाट वञ्चित बालबालिकाहरुलाई धेरै वर्षदेखि पालनपोषण र शिक्षादीक्षा दिँदै आएकी मदर राजन विश्वकर्माले सामाजिक न्याय क्षेत्रमा ठूलो योगदान गरेको ठहर गर्दै नगदसहित च्याम्पियन अफ सोसियल जस्टिस अवार्डद्वारा सम्मानित गरेको हो ।
कार्यक्रमको सभापतित्व नेपाली जनसम्पर्क समिति अमेरिका उत्तर क्यालिफोर्निया च्याप्टरकी कार्यबाहक सभापति लक्ष्मी केसी कार्कीले गरेकी थिइन् । प्रेम परियारले सञ्चालन गरेको कार्यक्रममा समाजसेवी महिला नेतृ हेमा पनेरुले स्वागत मन्तव्य राखेकी थिइन् । आयोजक संस्थाका तर्फबाट नेपाल विश्व सहयोग संघ (एनएजीसी)का संस्थापक अध्यक्ष मणी नेपाली पनेरुले राजन विश्वकर्माले गरेका आदर्श कामहरुमा संस्थाहरुको सक्दो सहयोग रहने बताए ।
कार्यक्रममा द्वन्द्वपीडित र अनाथ बालबालिकाहरुलाई मदर राजनले गरेको सहयोग तथा उनको जीवन संघर्ष र योगदानबारे निर्माण गरिएको डकुमेन्ट्री प्रदर्शन गर्दा उपस्थित सहभागीहरु भाव विभोर भएका थिए ।
कार्यक्रममा नेपाली जनसम्पर्क समिति अमेरिकाका केन्द्रीय वरिष्ठ उपाध्यक्ष धनन्जय नरसिंह केसी, शिक्षाविद डा. आमोद पोखरेल, समाजसेवी विद्यासागर योन्जन, नान्सका पूर्वअध्यक्ष डिकेन्द्र मास्के, लायन्स क्लब अफ बर्कली लालीगुराँसका चार्टर प्रेसिडेन्ट निर्मल फुयाँल, नान्सका पूर्वअध्यक्ष यान राई, आयोजक संस्था हिमालयन फाउण्डेसनका अध्यक्ष तथा नेपाली कम्युनिटी सेन्टरका अध्यक्ष यज्ञलाल श्रेष्ठले मन्तव्य राखेका थिए ।
कार्यक्रममा आयोजक संस्थाहरु नेपाली जनसम्पर्क समिति अमेरिका उत्तर क्यालिफोर्निया, गिरिजाप्रसाद कोइराला फाउण्डेसन, एनआरएनसीसी युएसए क्यालिफोर्निया च्याप्टर, द ह्वाइट जोन इन्टरनेशनल क्यालिफोर्निया च्याप्टर, वेष्ट अमेरिका नेपाली महासंघ, नेपाल एशोसियसन फर ग्लोबल कोअपरेशन, हिमालयन फाउण्डेशन कोर्प, नीलकृष्ण जसोदा फाउण्डेशन तथा गोर्खा अमेरिका सम्पर्क समितिका प्रतिनिधि, नान्सका अध्यक्ष तथा आयोजक संस्था नीलकृष्ण जसोदा फाउण्डेशनका अध्यक्ष ईश्वर सिटौला लगायत महत्वपूर्ण व्यक्तित्वहरुको उल्लेख्य उपस्थिति थियो ।
आयोजक संस्था र जनजाति महासंघको कार्यक्रमका साथै रोशन सुवेदीको तर्फबाट गरी कूल २२ सय डलर मदर राजनलाई प्रदान गरिएको छ ।

विश्व न्यूज संवाददाता
अमेरिका ।
गैर आवासीय नेपाली संघ अमेरिकाको प्रवक्तामा टेक्ससका ओम भट्टराई मनोनित भएका छन् ।
आइतवार संघ कार्यसमितिको कन्फ्रेन्स कल वैठकवाट भट्टराईलाई प्रवक्तामा मनोनित गरिएको हो । मनोनित हुनुअघि नेपाल तरुण दल अमेरिकाको अध्यक्ष पदवाट भट्टराईले राजिनामा दिएका थिए ।
यसैगरी दश जना सल्लाहकार समेत मनोनित गरिएको छ । सल्लाहकारमा मनोनित हुनेहरुमा न्यूयोर्कका श्यामकाजी गुरुङ, म्यासाच्युटका डा.दिन बन्धु भट्ट, क्यालिफोर्नियाका ईश्वर सापकोटा, कोलोराडोका जगन्नाथ गौतम, विन्किन्सीनका लाल काफ्ले, कनसासका हरीहर पौडेल, नर्थ क्यारोलिनाका डा. हरीहर भट्टराई, न्यू जर्सीका शतेन्द्र शाह, टेक्ससका संकेश्वर सुवेदी र भर्जिनियाका गोविन्द सुवेदी रहेका छन् । सल्लाहकारहरुको मनोनयनमा क्षेत्रगत तथा भौगोलिक रुपलाई विशेष ख्याल गरिएको बताइएको छ । वैठकका संघका अध्यक्ष सुनील साहको अध्यक्षतामा बसेको थियो ।

पेन्सिल्भानिया राज्यको पश्चिमी शहर पिट्सबर्गमा आज बिहीवार दुई महिलाहरु माथि छुरा प्रहार हुँदा एकको मृत्‍यु र एक घाईते भएका छन् । स्मिथफिल्ड स्ट्रिट र ६ स्ट्रिटमा रहेको पोर्ट अथोरिटी बस टर्मिनलको बस स्ट्यान्डमा बसिरहेको अवस्थामा ती महिलाहरु माथि छुरा प्रहार भएको स्थानीय पत्रिका पोट गजेटले जनाएको छ ।  आक्रमणकारीले नजिकै घुमी रहेका प्रहरीको पछाडिबाट आएर ति महिलाहरु माथि आक्रमण गरेका थिए । बिहान साँढे एघार बजे ती महिलाहरु माथि आक्रमण भएको हो । घाईते महिलाहरुलाई तत्काल उपचारका लागि अस्पताल लगिएको थियो । नाम नखुलाईएका दुई महिला मध्ये एकको अस्पतालमा मृत्‍यु भएको थियो भने एक महिलालाई सामान्य चोट लागेको थियो ।  मृत्‍यु भएकी महिलाले कुनै प्रकारको धार्मिक पहिरन नलगाएको र घाईते महिलाले हिजाब लगाएको प्रहरीलाई उदृत गर्दै स्थानीय संचार माध्यमले जनाएका छन्  ।  आक्रमणकारीलाई तत्काल प्रहरीले पक्राउ गरी हिरासतमा लिएको जनाएको छ भने आक्रमण उद्देश्य प्रष्ट नभएको प्रहरी श्रोतले जनाएको छ ।  

एजेन्सी