घटना अनेक किसिमका हुन्छन् ।मानिसको जिवनमा कतिखेर के घटना घट्न पुग्छ थाहा हुँदैन । कति बेला सोच्दै नसोचेको घटना घट्छ थाहा नै हुन्न । गत अाईतबार यस्तै भएको छ। अमेरिकाको ईन्डियाना राज्यमा बसोबास गर्दै आएको एक परिवार एक हप्ता लामो करेबियन देशहरुको भ्रमणमा थियो ।भ्रमणकै क्रममा पोर्टो रिकोस्थित सान हुआनको समुन्द्री किनारमा पार्क गरिरहेको पानी जहाजको ११ तल्ला माथि आफ्नै हजुरबुवा साल्भटोर एनिलोजको हातबाट १८ महिनाको क्लोई विगन्ड चिप्लिएर समुन्द्रको चट्टानमा बजारिन पुगिन ।बिदा मनाउन गएको परिवारमा हेर्दा हेर्दै बज्रपात पर्यो, जब ति फूल जस्ती नाबालकाको मृत्यु भयो ।
१८ महिनाकी ती नाबालिक रोयल करेबियन क्रुजको ११ तल्लाको डाइनिङ् हलमा अाफ्नो हजुरबुवाको काखमा खेल्दै थिईन। डाईनिङ् रुमका झ्यालहरु ठुला ठुला थिए। त्यस मध्ये एउटा झ्यालको सिसा खुल्ला थियो । त्यतिकै मा हजुरबुवाले नातिनीलाई झ्यालमा बसाए तर आफ्नो सन्तुलन गुमाउन पुगे र ति नाबालिका जहाजको ११ औं तल्लाबाट झर्न पुगिन । तत्काल उनको मृत्यु भएको थियो । ती नाबालिकाका पिता विलियन विगन्ड इन्डियाना राज्यमा कार्यरत प्रहरी हुन् । घटना पछि इन्डियानास्थित साउथ बेन्ड प्रहरी डिपार्टमेन्टले समबेदना प्रकासित गरेको छ । ती बालिका आफ्ना दिदीहरु,माता पिता र हजुरबुवा हजुरआमाको साथमा करेबियन यात्रामा थिईन ।
एजेन्सी
Category: अमेरिका
-
आफ्नै हजुरबुवाको हातबाट नाबालिका पानी जहाजको ११ औं तल्लाबाट खस्दा
-
विषालु जिवाणु फैलिए पछी मिसिसिपी नदिका तटहरु बन्द गरिए
विषालु जिवाणु फैलिदै गए पछी मानिस तथा जिव जन्तुहरुलाई मिसिसिपी गल्फ कोष्ट वरिपरीको पानीको सम्पर्कमा नजान सुचना जारी गरिएको छ । मिसिसिपी डिपार्टमेण्ट अफ ईन्भाईरोमेन्टल क्वालिटीले पानीमा लगातार विषालु जिवाणु फैलिदै गएपछि गत जुन २२ तारिखदेखि सर्वसाधारणको लागि केही तटहरु बन्द गर्दै आएको थियो । गत ७ तारिख अाईतबारदेखि अलाबामा लाईनका २ वटा तट पनि बन्द गरे पछी मिसिसिपी गल्फ कोष्टका सम्पूर्ण तटहरु बन्द भएका छन् । अर्को सुचना जारी नहुँदासम्म सम्पूर्ण तटहरु बन्द गरिएका हुन् ।
सुन्दर सफा पानीको मिसिसिपी नदिमा अनियन्त्रित रुपमा हानिकारक “अल्बल ब्लुम” नामक हरिया झार उम्रिएर फैलन थाले पछी मिसिसिपी कोष्टका २१ वटा पर्यटकको भिड लाग्ने तटहरु बन्द गरेको मिसिसिपी डिपार्टमेण्ट अफ ईन्भाईरोमेन्टल क्वालिटीले जनाएको छ । सामान्यतया झ्याउ जस्तै देखिने अल्बल ब्लुम समुन्द्र र सफा पानीमा उम्रने गर्दछ । पानीको तापक्रममा आएको परिवर्तन, जलवायुमा आएको परिवर्तन, समुन्द्र तथा खोलामा बहावको गती कम हुनु जस्ता कारणले खोला तथा समुन्द्रमा यस्ता झार उम्रने सेन्टर फर डिजिज कन्ट्रोल एन्ड प्रिभेन्सनले जनाएको छ । यस्ता झारको संसर्गमा जानेलाई शरीर चिलाउने पेट वरिपरी धर्सा आऊने रिङ्गटा लाग्ने बान्ता हुने जस्ता समस्याहरु देखा पर्ने गर्दछन् ।
मिसिसिपी नदी सामान्यतया पर्यटकका लागि आकर्षक गन्तब्य मानिन्छ । त्यसमा पनि अलाबामादेखि फ्लोरिडासम्मका मिसिसिपीका तटहरु प्रमुख पर्यटकीय गन्तब्य नै हुन् ।
श्रोत : एजेन्सी
-
कोरियाका किमलाई एक बोतल व्हिस्कीको मुल्य झन्डै २लाख डलर पर्यो
न्युयोर्क
एक जना दक्षिण कोरियन नागरिकले हवाई उडानको समयमा ४५ मिनेट भित्र सिंगो बोतल व्हिस्की पिएर अनियन्त्रित भै जहाज भित्र दुर्व्यबहार गरेपछि जहाजलाई पुन: फर्काउनु परेका कारण ती यात्रुलाई १ लाख ७२ हजार भन्दा बढ्ता क्षति भराउने आदेश भएको छ ।साथ साथै ती ब्यक्तिले सियोलस्थित बिमानस्थलमा जहाज कुरेर बसेका सबै यात्रुको होटल बसाई खर्च समेत भर्नु पर्ने भएको छ । गत फेब्रुअरी २७ तारिख २६३ यात्रु र १३ जना चालक दलका सदस्य सहित अमेरिकाको हवाईबाट कोरियाको सियोल उडेको हावाईएन एयरलायन्सको एच् ए ४५९ मा चढेका दक्षिण कोरियन नागरिक क्योङ् चोल किमले जहाज उड्नु भन्दा अगाडिदेखि नै आफ्नो साथमा ल्याएको ठुलो बोतल व्हिस्की पिउन शुरु गरेका थिए ।व्हिस्कीले मात्तिएका ४८ वर्षिय किमले संगैको सिटमा बसेका नाबालक माथि दुर्व्यवहार गर्न शुरु गरेका थिए ।रक्सीले मात्तिदै जाँदा किमले संगैको सिटमा बसेका ति नाबालकलाई कुल्चिएर फ्लाइट एटेन्डेन्टलाई समेत हात हालेपछि ४ घण्टाको उडान भरी सकेको जहाजलाई पुन: अमेरिका कै हवाई फर्काईएको थियो ।फिर्ता ल्याईएको जहाजबाट झर्ने बित्तिकै किमलाई फेडरल ब्युरो अफ ईन्भेस्टिगेसनका अधिकारीहरुले पक्राउ गरेका थिए ।गत बुधबार संघीय अदालतले किमलाई १ लाख ७२ हजार अमेरिकी डलरको साथमा हवाई नै फर्किएको उडानले ब्यहोर्नु परेको सम्पूर्ण खर्च समेत तिर्नु पर्ने निर्णय गर्दै ६ महिनाको काराबास सजाय सुनाएको छ ।कोरियन नागरिक किमलाई गत फेब्रुअरी २५ तारिख पर्याप्त कागजातको अभावमा यु एस कस्टम् एन्ड ब्रोडर पेट्रोलले अमेरिका प्रबेशको अनुमती नदिए पछी उनलाई २ दिनसम्म हनलुलु स्थित फेडरल डेटेन्सन सेन्टरमा राखेर २७ तारिख कोरिया फर्काउने गरी उक्त उडानमा पठाईएको थियो ।
श्रोत : एजेन्सी -
अब न्यूयोर्कमा भेदभाव गर्दै यात्रु उठाउने ड्राईभर फन्दामा पर्ने
न्यूयोर्क
न्यूयोर्कका ट्याक्सी लगायत सम्पूर्ण भाडाका कार सेवा प्रदायकहरुको नियमनकारी निकाय ट्याक्सी एण्ड लिमोजिन कमिशन (टिएलसी) का डाईरेक्टर माल्कम केनले भेदभावपूर्ण तवरले ग्राहक लिने र नलिने गर्ने ड्राईभरहरुलाई एकदमै कडा कदम चाल्ने भएका छन् ।
यसो त केन आफूसँग अनगिन्ती त्यस्ता तितो घटना स्मृतीमा रहेको बताउँछन् । यद्यपी उनी आफू ६ बर्षको उमेरमा अभिभावकसँग थ्याङ्क्सगिभिङ्स डेको दिन म्यानह्याटन चाईनाटाउनबाट अपटाउन जाने क्रममा आधा दर्जन खाली पहेंलो ट्याक्सीहरूले उनीहरुलाई वर्णकै कारणले चढ्नमा भेदभाव गरी गोरा ग्राहकहरुलाई चढाएको र अन्त्यमा एकजना अश्वेत प्रहरी अधिकृतले ट्याक्सी रोकी घरसम्म जाने व्यवस्था मिलाउनु परेको दुखदायी क्षण स्मरण गर्छन् ।
२७ वर्षका केन यो घटना हप्ताको २/३ पटक सन्धर्वहरुमा सुनाउने गर्दछन् । आफू अफ्रिकन अमेरिकन डाईरेक्टर बनेर काम गर्दैगर्दा कसैले वर्ण, लिङ्ग, जात, पेशा ईत्यादीका आधारमा कसैलाई ट्याक्सीमा चढाउन भेदभाव गरिएको पाईएमा शुन्य सहनसिलता अपनाउने बताएका छन् ।
न्यूयोर्क सिटीको तथ्यांक अनुसार वर्ष २०१८ मा पहेंलो र हरियो ट्याक्सी ड्राईभरहरुले अन-ड्युटीमा रहेर पनि ग्राहक लिन अस्विकार गरेको २२७८ वटा उजुरी परेको थियो, जुन अघिल्लो वर्ष भन्दा १८३४ वटा बढी उजुरी हो । त्यस्तै कार सर्भिसले ४४५ वटा अस्विकार गरेको थियो, जुन अघिल्लो वर्ष भन्दा १०२ बढी हो । यस अनुसार यस्ता घट्ना बढ्दो क्रममा रहेको उनी बताउँछन् ।
-
अमेरिकाकै सबैभन्दा वृद्धाको जन्मदिन आज
न्युयोर्क
संयुक्त राज्य अमेरिकाकै सबैभन्दा वृद्धा (महिला पुरुष दुबैमा) मानिस आज जुलाई ६ तारिख शनिबार ११४ बर्षमा प्रवेश गरेकी छिन् । सन् १९०५ को जुलाई ६ तारिखका दिन नर्थ क्यारोलाईनामा जन्मिएकी अलिलिया मर्फी आज शनिबार ११३ पुरा भएर ११४ बर्षमा प्रवेश गर्दा उनी संसार कै ८ औं जिउँदो बृद्धा मानिस हुन पुगिन् । नर्थ क्यारोलाईनामा जन्मिएकी उनी २० बर्षको जवानीमा न्यूयोर्क बसाई सरेकी थिईन । सानै उमेरमा उनको पतिको मृत्यु भएपछि मर्फीले एक्लै २ सन्तान हुर्काईन् ।
संसारकै सबैभन्दा वृद्धा मानिस जापानका काने तानाका भन्दा मर्फी २ बर्ष मात्र कान्छी छिन् । आफ्नो जीवनमा अत्यन्त चलायमान जीवन यापन गर्दै आएकी मर्फीले जन्मदिनको अघिल्लो दिन भनेकी छिन् “भगवानमा विश्वास गर र ब्यक्तिगत रुपमा असल मान्छे बन” ।
-
क्यालिफोर्नियामा फेरी ७ दशमलव १ रेक्टरको भुकम्प
विश्व न्यूज संवाददाता
अमेरिका ।
अमेरिकाको क्यालिफोर्निया राज्यको रिजक्रिष्ट भन्ने स्थानलाई केन्द्र बनाएर ७ दशमलव १ म्याग्निच्युट रेक्टर स्केलको भुकम्पप गएको छ । भुकम्पको धक्का नजिकको राज्य एरिजोनाको फोनिक्स र नेभडाको लसभेगसको केही भागमा समेत महशुस गरिएको अमेरिकाको भुगर्व विभागले जनाएको छ । यस अघि पनि क्यालिफोर्नियामा हिजो मात्रैं ६ दशमलव ४ म्याग्निच्युट रेक्टरको स्केलको भुकम्प गएको थियो ।
भुगर्वविद्हरुले ठूलो रेक्टर स्केलको भुकम्प जाने खतरा समेत औल्याइरहदा त्यस क्षेत्रमा साना ठूला रेक्टर स्केलको भुकम्प गैरहेको छ । पछिल्लो पटक स्थानीय समय अनुसार शुक्रवार राती ९ वजेतिर गएको भुकम्पको केन्द्र रहेको स्थान क्यालिफोर्नियाको एक शहर वेकरस्फिल्डवाट १ सय २० माइल उत्तर पूर्वमा पर्दछ । भुकम्पको कारण लसभेगसमा जारी एनविए समर लिगको आजको खेल समेत प्रभावित भएको बताइएको छ । -
हतकडीमा बच्चा जन्माउन बाध्य पारेकोले न्यूयोर्क पुलिसले तिर्ने भए ६१०,००० डलर
न्यूयोर्क पुलिस डिपार्टमेण्टले प्रसुतीको अवस्थामा पनि हतकडी लगाएको कारणले एक महिलालाई अमेरिकी डलर ६ लाख १० हजार तिर्न राजी भएको छ । जेन डो नाम गरेकी महिलाले गत ७ फेब्रुअरी २०१८ मा आफुलाई गिरफ्तार गरेको केही बेरमा नै प्रसव व्यथा शुरु भएको र सो समयमा पनि प्रहरीले हतकडीले बाँधेर राखेको न्यूयोर्क सिटी बिरुद्धको आफ्नो उजुरीपत्रमा उल्लेख गरेकी थिईन् ।
उनका वकिल क्याथरिन रोजेन्फेल्डका अनुसार डोलाई ब्रोन्क्स काउण्टी पारिवारिक अदालतबाट उनको भुतपूर्व पतिसँगको बच्चा राख्ने बिबादमा कानूनको अर्डर उल्लंघन गरेको अभियोगमा गिरफ्तार गरेको हो । वकिल रोजेन्फेल्ड भन्छन् “४० हप्ताको गर्भवतीलाई तत्काल गिरफ्तार गरिहाल्नु पर्ने बाध्यात्मक अवस्था पनि थिएन” । उजुरी अनुसार उनलाई प्रसुती बेदना चलिराख्दा अर्को दिन बिहान जेलबाट न्यूयोर्कको मोण्टफेरी मेडिकल सेण्टर लैजाँदै गर्दा हातमा हतकडी र दुबै खुट्टाको गोलिगाँठोमा फलामे साङ्गलो बाधेर लगिएको थियो ।
न्यूयोर्क सिटीमा बिगत २००९ देखि नै गर्भवती महिलालाई हतकडी लगाउन निषेध गरिएको थियो ।त्यसैमा संसोधन गर्दै २०१५ देखि गर्भवती अवस्थामा बन्धनमा राख्न नपाईने समेत कानून छ ।
मिस डोलाई बन्धनबाट सो अवस्थामा मुक्त गर्न डाक्टरले अस्पतालमा अनुरोध गरेका थिए । डाक्टरको पटकपटकको अनुरोधका बाबजुद बच्चा जन्माउनु एक मिनेट अगाडि मात्र हातको हतकडी खोल्दिएका थिए । निज महिलाले हिरासतमा कुनै अस्वाभाविक व्यवहार देखाएकी थीईनन् ।
बच्चा जन्माए लगतै पुन: हतकडी लगाएका थिए । सो अवस्थामा उनले एउटा हातले बच्चालाई दुध खुवाएकी थिईन् । उजुरी उल्लेख छ कि मिस् डो र बच्चा डरमर्दो अवस्थाबाट गुज्रिएको थियो ।
प्रतिबादी सिटीको तर्फबाट डिटेक्टिभ सोफिया मेसन भन्छन् “प्रहरीले समुदायको शान्ति सुरक्षा र ब्यक्तिगत अधिकार बिच सन्तुलन राख्नुपर्ने हुन्छ । हाम्रो पेट्रोल गाईडलाई संसोधन गरी मेडिकलसँग सरोकारको बिषयमा छुट्टै व्यवस्था हुनुपर्छ” ।
यद्यपी न्यूयोर्क पुलिस डिपार्टमेण्टले अदालतको निर्णय कार्यान्वयन हुने प्रत्याभुत गरेको छ ।
एजेन्सी ।
-
न्युयोर्क जे एफ केबाट उडेको जहाजमा आगो लाग्यो,यात्रु सकुसल
न्युयोर्क
न्युयोर्कको जोन अफ केनेडी बिमानस्थलबाट २१७ यात्रु लिएर लन्डनको हिथ्रो बिमानस्थल जान लागेको एक जहाजभित्र आगो लागे पछी अमेरिकाकै अर्को शहर बोस्ट्नमा आकस्मिक अबतरण गरिएको छ ।भर्जिन एट्लान्टिक उडान नम्बर १३८ बिहीवार साँझ साँढे सात बजे जे एफ के बिमानस्थलबाट उडेको थियो ।बिमान उडेको ३० मिनेटमा नै यात्रु सिट नजिकबाट धुँवा र आगोको मुस्लो निस्किएको अधिकारीहरुले बताएका छन् ।आगो देखिए पछी जहाजका कर्मचारीले “फायर एक्स्टेनगुसर ” को सहायतामा आगो तत्काल नियन्त्रणमा लिएको अधीकारीहरुले बताएका छन्न् ।
यात्रुहरुलाई सकुशल उद्धार गरेर बोस्ट्नको लोगान बिमानस्थलको टर्मिनलमा राखेर अर्को बिमानमा लन्डन उडाईएको थियो ।आगो लागेको जहाजको प्रारम्भिक अनुसन्धानमा आगो लागेको फर्स्ट क्लास कम्पार्ट्मेन्टमा रहेको यात्रु सिटको ब्याट्रि चार्जरमा समस्या देखिएको छ । बोस्ट्न स्थित लोगान बिमानस्थलमा यो हप्ता मात्र आकस्मिक अबतरणको यो दोश्रो घटना हो ।यसै हप्ता सिकागोबाट उडेको अमेरिकन एयर्लाईन्सको एक उडान ककपिटको बिधुतिय प्रणालीमा समस्या देखिए पछी आकस्मिक अबतरण गरेको थियो । -
नेपालीको यो साता तीन ठाउमा सम्मेलन
विश्व न्यूज संवाददाता
अमेरिका ।
अमेरिकाको विभिन्न तीन शहरमा जारी यो साता नेपालीका तीन वटा सम्मेलन हुने भएको छ । इलिनोइ राज्यको शिकागोमा गैर आवासीय नेपाली संघ अमेरिकाको आठौं साधारण सभा तथा पदस्थापन कार्यक्रम हुदैछ भने मेरिल्याण्ड राज्यको बाल्टिमोर शहरमा नेपाली नेशनल कन्भेन्सन हुदैछ । त्यस्तैं, क्यालिफोर्निया राज्यको लस एन्जल्स शहरमा नेपलिज अमेरिकन कन्भेसन हुदैछ ।
एनआरएनए अमेरिकाको कार्यक्रम जुलाई ६ र ७ सम्म चल्नेछ भने बाल्टिमोरको कन्भेन्सन जुलाई ५ देखि ७ सम्म चल्नेछ । यस्तैं, न्याक संस्थाले गर्न लागेको लस एनजल्समा हुने उसको चौथो कन्भेन्सन पनि जुलाई ५ देखि ७ सम्म चल्नेछ ।
उता, बाल्टिमोरको कन्भेन्सन एशोसिएशन अफ नेपलिज इन द अमेरिका, आन्मा, अन्तराष्ट्रिय नेपाली साहित्य समाज र बाल्टिमोर एशोसिएशन अफ नेपलिज इन अमेरिका गरी ४ संस्थाको संस्थाको संयुक्त आयोजना हुदैंछ ।
एनआरएनए अमेरिकाको कार्यक्रममा नेपाल सरकारका पूर्व उपप्रधानमन्त्री विजय गच्छेदारलाई प्रमुख अतिथि बनाइएको छ भने बाल्टिमोरको कन्भेन्सनमा नेपाल सरकार प्रदेश १ का मुख्य मन्त्री शेरधन राईलाई प्रमुख अतिथि बनाइएको छ भने लसएन्जल्समा हुने कार्यक्रममा अमेरिकाका लागि नेपालका पूर्व राजदुत डा. शंकर शर्मा लाई प्रमुख अतिथि बनाइएको छ ।
नेपालीका ३ कन्भेन्सन एकै समयमा गरिएपनि आयोजकहरुले आफ्ना आयोजनाको उद्देश्य भने फरक रहेको बताएका छन् ।
एनआरएनए अमेरिकाको वार्षिक साधारण तथा पदस्थापन भएको र यो आयोजना संस्थाको बार्षिक कार्यक्रम भित्र पर्ने साधारणसभा व्यवस्थापन समितिकी संयोजक समेत रहेककी एनआरएनए अमेरिकाकी उपाध्यक्ष राधा पौडेलले बताइन् ।
एता, बाल्टिमोर कन्भेन्सनका सदस्य सचिव विजय भट्टराई ले सम्मेलन विभिन्न विषयमाथि गहन छलफल गरी नेपालको विकासका लागि वाहिर वस्ने नेपालीले केही गर्न सक्छन् भन्ने आउट पुट दिन सकिने गरी गरिएको र यो कन्भेन्सनले सकारात्मक परिणाम दिनेमा आफूहरु आशावादी रहेको बताए ।
उता, लसएन्जल्समा गर्न लागिएको न्याकको चौथो कन्भेन्सनका सन्दर्भमा कन्भेनर रामेश्वर भण्डारीले युवा कार्यक्रम लक्षित सम्मेलन भएको र सम्मेलनले खासगरी युवा वर्गलाई अमेरिकाको मुलधारमा जोड्न के गर्न सकिन्छ भन्ने बारेमा जोड दिने बताए । साथैं उनले नेपालको पर्यटन प्रवद्र्दनका लागि समेत कन्भेन्सनका क्रममा छलफल तथा अन्तरक्रिया हुने जनाए ।
-
स्वतन्त्रता दिबसको दिन अमेरिकामा ठुलो भुकम्प
सिंगो अमेरिका स्वतन्त्रता दिबसमा मस्त भएका बेला क्यालिफोर्नियामा भने भुकम्प गएको छ ।दक्षिण क्यालिफोर्निया केन्द्र बिन्दु भएर बिहान १० बजेर ३३ मिनेट जाँदा भुकम्प गएको यु एस जुलोजिकल सर्भेले जनाएको छ । भुकम्पको केन्द्रबिन्दु मोजाभे डेजर्ट रहेको बाताईको छ । ६ दशमलब ४ म्याग्निचुडको भुकम्पको धक्काको महसुस लसएन्जलस देखी लास भेगास सम्म गरिएको थियो । ठुलो भुकम्प गएको ५ मिनेट पछी ४ दशमलब ७ र ३ म्याग्निचुडको पराकम्प समेत महसुस गरिएको थियो ।
भुकम्पका कारण हाल सम्म कुनै क्षतीको विवरण प्राप्त भएको छैन । लसएन्जलस बिमानस्थल प्रशासनले भुकम्प पछी बिमानस्थलको धावनमार्ग निरिक्षण गरिएको जानकारी दिएको छ ।
एजेन्सी -
ट्रम्पका आलोचक रिपब्लिकन सांसदले पार्टी छोडे
न्यूयोर्क
अमेरिकी राष्ट्रपति डोनाल्ड ट्रम्पका कट्टर आलोचक रिपब्लिकन सांसद जष्टिन अमाशले पार्टी छोडेको घोषणा गरेका छन् । उनले अमेरिकी स्वतन्त्रता दिवसको दिन पारेर द वासिंटन पोष्टमा लेख लेख्दै पार्टीगत राजनीतिबाट स्वतन्त्र भएको घोषणा गरेका हुन् ।अमाश सन् २०११ मा मिचिगन तेस्रो कंग्रेसनल डिष्ट्रिक्टबाट पहिलो पटक हाउस अफ रिप्रिजेन्टेटिभ निर्वाचित भएका थिए । त्यस यताका चार निर्वाचनमा उनी उक्त क्षेत्रबाट निर्वाचित भए । सन् २०१६ को राष्ट्रपतिय निर्वाचनमा रसियन हस्तक्षेपबारे विशेष काउन्सिलर रोबर्ट मुलरले प्रतिवेदन बुझाएपछि उनी ट्रम्पलाई महाभियोग लगाउनु पर्छ भन्ने एक्ला रिपब्लिकन सांसद थिए ।
मुलरले आफ्नो प्रतिवेदनमा ट्रम्पमा न्यायीक अनुसन्धानमा अवरोध (अब्सट्रक्सन अफ जष्टिस) गरेको संकेत गरेका छन् । साथै उनले बहालवाला राष्ट्रपतिलाई कुनै आरोप नलगाउने जष्टिस डिपार्टमेन्टको परम्परा अनुसार ट्रम्पले अपराध गरेको बनेर किटान नगरेको तर क्लिन चिट पनि दिन नसकेको अभिव्यक्ति दिएका थिए । त्यस लगत्तै अमाश ट्रम्पमाथि महाभियोगको पक्षमा थिए ।
ट्रम्पलाई कारबाही माग गरेपछि रिपब्लिकन संस्थापन उनीसँग रुष्ट बनेको थियो । राष्ट्रपतिका छोरा डोनाल्ड ट्रम्प जुनियरले आगामी निर्वाचनमा प्राइमरीमै हराइदिने चेतावनी दिएका थिए । पार्टीगत राजनीतिले व्यक्तिगत स्वतन्त्रतामै आघात पुर्याएको र यो अमेरिकी लोकतन्त्रकै लागि खतरा रहेको भन्दै उनले आफुलाई रिपब्लिकन पार्टीबाट अलग राखेको घोषणा गरेका छन् । उनले आम अमेरिकीलाई पनि आफ्नो स्वतन्त्रताको रक्षाका लागि पार्टी राजनीतिबाट माथि उठ्न आह्वान गरेको छन् । ४३५ सदस्सीय अमेरिकी हाउस अफ रिप्रिजेन्टेटिभमा अब उनी एक्ला स्वतन्त्र सांसद भएका छन् ।
-
राष्ट्रपति ट्रम्पले अमेरिकाको जन्मोत्सवमा देखाउने भए सैन्य शक्ति
न्यूयोर्क
राष्ट्रपतिमा निर्वाचित भएदेखि नै फरक रुपमा प्रस्तुत हुँदै आएका राष्ट्रपति डोनाल्ड ट्रम्पले भोली बिहीबारको अमेरिकी स्वतन्त्रता दिवस समेत फरक रुपमा मनाउने भएका छन् ।सन् १७७६ जुलाई ४ मा ग्रेट ब्रिटेनबाट स्वतन्त्र भएको अमेरिकाको बिशेष दिनलाई अन्य राष्ट्रपति झैं परम्परागत ढंगमा यस पटक राष्ट्रपति ट्रम्पले अमेरिकी स्वतन्त्रता दिवस नमनाउने भएका छन् ।भोली बिहीवार अमेरिकाको राजधानीमा मनाईने अमेरिकाको स्वतन्त्रता दिवसको परिकल्पना समेत राष्ट्रपति ट्रम्प स्वयमले नै गरेका छन् ।
बार्बिक्यू गर्दै भुई चम्पा र पटकाको झिलिमिलीमा “ह्यापी बर्थ डे अमेरिका” भनेर रमाईलो गरेर मनाईदै आएको अमेरिकी जन्मोत्सवको परम्परागत ढंगलाई तोडेर अमेरिकी राजाधानीमा विश्व कै शक्तिशाली सैनिकले परेड गर्दै आधुनिक ट्यांकर प्रदर्शन सहित मनाईने भएको छ । बिहीवारको सैन्य शक्ती प्रदर्शनलाई अमेरिकी मुलधारका कतिपय संचार माध्यमले प्रथम गल्फ वार पछिको बिशाल सैन्य शक्ती प्रदर्शनको संज्ञा समेत दिएका छन् ।कार्यक्रममा राष्ट्रपति ट्रम्पले लिङ्कन मेमोरियलबाट राष्ट्रको नाममा सम्वोधन गर्ने छन् भने एयर फोर्स वान, मरिन वान, हेलिकप्टर र ब्लु ईन्जिन लगायत आधुनिक अमेरिकी सैनिक बिमान वाशिङ्टन डि सिको आकाशमा उडाईने छ।वाशिङ्टन डि सिको नेसनल मलमा युद्धमा प्रयोग गरिने ट्यांक स्टेसन खडा गरिने छ ।तेश्रो पुस्ता अमेरिकनको एम वान अब्राम्स समेत प्रदर्शनीका लागि राखिने छ । उनको राजनीतिक दल रिपब्लिकनका लागि ठुला चन्दादाताहरुलाई कार्यक्रमको पहिलो पंक्तीमा राखिने समेत बताईएको छ।वाशिङ्टन डि सि क्षेत्रका सम्पूर्ण हवाई उडान साँझ २ घण्टाको लागि रद्ध गरिने गरी फेडरल एभिएसन एड्मिनिस्ट्रेसनले सुचना जारी गरी सकेको छ । कार्यक्रमका लागि आवश्यक पर्ने आर्थिक व्ययभार २५ लाख अमेरिकी डलर नेशनल पार्क सर्भिसले पार्कको मर्मत संभार शिर्षकबाट दिईएको वाशिङ्टन पोष्टले लेखेको छ ।
राष्ट्रपति ट्रम्पको परिकल्पनामा अमेरिकी ईतिहासमा पहिलो पटक अमेरिकी सैन्य शक्ती प्रदर्शनी सहित आयोजित स्वतन्त्रता दिवसको कार्यक्रमलाई उनका बिपक्षी दल डेमोक्र्याटले “स्वतन्त्रता दिवसलाई राजनीतिकरण गरिएको” भन्दै बिरोध जनाएका छन् ।
-
नाबालक मृत फेला
टेक्सस ।
टेक्सस डलास नजिक पर्ने डेन्टन शहरको एक अपाटमेन्टमा बस्दै आएको एक नेपाली मुलको परिवारका २ बर्षिय नाबालक मृत अवस्थामा फेला परेका छन् ।
मंगलवार देखी हराएका नाबालक सुर्बेश गुरूङ बुधबार बिहान मृत अवस्थामा फेला परेका हुन् ।
स्थानीय पुलीसले उनको शव उनी वस्दै आएकाे अपाटमेन्टमा पार्किङ गरिएको एक गाडी भित्र फेला पारेको जनाएको छ ।
मृतक नावालककी आमाले घरमै राखेर आफु वाहिर गएको र फर्केर आउँदा घरमा बच्चालाई नदेखे पछि खोजी गरिदिनका लागि उनको परिवारले मंगलबार पुलिसमा रिपोट गरेका थिए ।
घटनाबारे पुलिसले छानविन गरिरहेको जनाएको छ ।
-
कर्ण शाक्यसँग नेवा: नख: को न्युयोर्कमा अन्तरकृया
न्यूयोर्क
नेवा: नख: न्युयोर्कको आयोजनामा न्यूयोर्क क्वीन्सस्थित सत्यनारायण मन्दिरमा कर्ण शाक्यसँग अन्तरक्रिया सम्पन भएको छ । गत जुन ३० तारिख अाईतबारका दिन सम्पन्न अन्तर्कृया कार्यक्रममा न्युयोर्क र न्यूजर्सी लगायतका शहरबाट नेपाली अमेरिकन समाजका बुद्धिजीबी, समाजसेवी, पत्रकार, बिभिन्न संघ-संस्थाका प्रतिनिधी तथा अन्य महिलाहरुको उल्लेख्य सहभगिता रहेको थियो ।
कार्यक्रमका प्रमुख अतिथि श्री कर्ण शाक्यले सकारात्मक सोच किन र सकारात्मक सोचले के कसरी ब्यक्ति, समुदाय तथा राष्ट्रको बिकासमा सहयोग पुर्याउँदछ भन्ने प्रष्ट पारेका थिए । शाक्यले आफुले सकारात्मक सोचको अभ्यास अनुरूप आफ्नो निजी जीबन, समुदाय तथा राष्ट्रलाई के कस्तो सेवा र टेवा पुर्यायो भन्ने समेत चर्चा गरेका थिए भने अमेरिकामा पनि सकारात्मक सोच समूह गठन गर्न कार्यक्रमबाट श्रोताहरूलाई आग्रह गरे ।
अन्तरक्रिया कार्यक्रममा लेखक राजन थपलिया, सम्प्रेषणका शैलेस श्रेष्ठ, रेडियो जर्नलिष्ट हरीशरण लामीछाने, सामाजिक अभियन्ता सुर्य लम्साल, डा. कमल पाण्डे, डा.गोबिन्द कोईराला, आनन्द श्रेष्ठ, फिप्ना महिला संघका अध्यक्ष संगिनी रानामगर, बिशाल बिक्रम शाह, बिष्णु सिं बैजु, रविन बज्राचार्य, श्रुती अमात्य (प्रधान) लगायतले प्रश्नहरु राखेका थिए ।
नख:का अध्यक्ष श्री बिष्णुमान प्रधानको सभापतित्वमा सम्पन्न कार्यक्रममा नख:का उपाध्यक्ष श्री महेन्द्र वीर बज्राचार्यले प्रमुख अतिथि तथा उपस्थित सहभागीहरूले स्वागत गरेका थिए । नख:का सल्लाहकार अजय छोचूंले प्रमुख अतिथि कर्ण शाक्यको परिचय गराएको कार्यक्रममा न्युयोर्कस्थित वाणिज्य दुत कृशु क्षेत्रीले आफु “सोच” पुस्तकबाट आफु निकै प्रभावित भएको बताएका थिए ।
प्रमुख अतिथि कर्ण शाक्यलाई नख:का अध्यक्ष श्री बिष्णुमान प्रधानले खादा लगाएर स्वागत गरेका थिए भने सचिव संगिता मुखिया छोचूंद्वारा फूलको गुच्छा दिई शाक्यको स्वागत गरिएको थियो ।
-
राष्ट्रपति ट्रम्पको कर विवरण सार्वजनिक गर्नुपर्ने भन्दै डेमोक्र्याटद्वारा मुद्दा
डेमोक्र्याट पार्टी समर्थक तल्लो सदनले राष्ट्रपति डोनाण्ड ट्रम्पको ब्यक्तिगत कर सम्वन्धि अभिलेख सार्वजनिक गर्नुपर्ने माग गर्दै आन्तरिक राजस्व सेवा (आईआरएस) र ट्रजरी डिपार्टमेण्ट (अर्थ मन्त्रालय) बिरुद्ध अदालतमा मुद्दा दायर गरेको छ।
आज मंगलबार राष्ट्रपति ट्रम्पको बिगत ६ बर्षदेखिको कर दाखिलाको अभिलेख सार्वजनिक गर्नुपर्ने माग गर्दै वाशिङ्टन डिसीस्थित संघीय अदालतमा मुद्दा दायर गरिएको हो ।
म्यासाच्युसेट्सको डेमोक्र्याट प्रतिनिधि सभा सदस्य रिचार्ड ई. निलले अदालतमा आउन चुनौती दिएतापनि ट्रम्प प्रसासनले भने अदालतमा जान मानिरहेका छैनन् । अमेरिकामा राष्ट्रपति भएपछि सबै राष्ट्रपतिका उम्मेदवार वा राष्ट्रपतिले आफ्नो ब्यक्तिगत कर सम्बन्धि विवरण सार्वजनिक गर्ने प्रचलन छ । राष्ट्रपति ट्रम्पले भने सार्वजनिक गर्न आनाकानी गर्दै आएका छन् । प्रतिनिधि सभा सदस्य रिचार्डले ट्रेजरी डिपार्टमेण्ट, आन्तरिक राजस्व सेवा (आई आर एस), ट्रजरी सेक्रेटरी स्टिभेन नूचेन, आईआरएस कमिस्नर चार्लस् रेटिगलाई संयुक्त मुद्दा दायर गरी आईआरएस सेक्रेटरीले, जो कसैको पनि कर सम्वन्धि सम्पूर्ण बिवरण, हाउसले मागेको बखत उपलब्ध गराउनु पर्ने प्रावधान रहेको उल्लेख गरेका छन् ।
गत मे महिनामा प्रतिनिधि सभा सदस्य तथा “वेज एण्ड मिन्स कमिटी” का प्रमुख निलले आईआरएसलाई राष्ट्रपति ट्रम्पको व्यक्तिगत कर अभिलेख सार्वजनिक गर्न सहयोग नगरे मुद्दा हाल्ने चेतावनी दिएका थिए ।
हरेक कृयाकलापको सामाजिक सञ्जाल मार्फत बाक्लो प्रतिकृया जनाउदै आएका ट्रम्पले समाचार तयार पार्दासम्म उनकै कर बिवरण सार्वजनिक गर्नुपर्ने माग सहित दायर भएको मुद्दामा भने कुनै प्रतिकृया जनाएका छैनन् ।एजेन्सी
-
अमेरिका जाने विद्यार्थीको भिषा शूल्क घट्यो
काठमाडौं । अमेरिकी सरकारले उक्त देशमा पढ्न जाने विद्यार्थीका लागि भिषा शुल्क घटाएको छ । काठमाडौंस्थित अमेरिकी दूतावासका अनुसार विद्यार्थीका लागि भिषा शुल्क घटाएको हो ।
दूतावासले नेपाली विद्यार्थीसँग २ सय अमेरिकी डलर छूट गर्ने निर्णय भएको जानकारी गराएको छ । घटेको शूल्क १ जुलाई अर्थातः सोमबारदेखि कार्यान्वयनमा आएको छ ।
उक्त दिनदेखि आवेदन दिने विद्यार्थीले भिषा छूट सुविधा प्राप्त गर्ने भएका छन् । अमेरिकाले अमेरिका जाने विद्यार्थीबाट ३ सय ६० डलर शूल्क लिने गरेको थियो । भिषा शूल्क अब उल्लेख्य घटेको छ ।
तर, अन्य शूल्क भने यथावत रहेको दूतावासले उल्लेख गरेको छ । पछिल्लो समय अमेरिका र नेपालबीच भिषा पारस्पारिक बनाउने नीति अनुसार दुबै देशका नागरिकलाई समान व्यवहार गर्ने सहमति भएको छ ।
शूल्क तथा सुविधाहरुमा परिमार्जन भइरहेका छन् । अमेरिकी नागरिकलाई नेपालमा ५ वर्षे मल्टीपल भिषा दिन शुरु भएको छ । उता, अमेरिकामा पनि नेपालीले ५ वर्षे मल्टीपल भिषा प्राप्त गर्छन् ।
-
समाजले समर क्याम्प गर्ने
विश्व न्यूज संवाददाता
टेक्सस ।
नेपाली समाज टेक्ससले जुलाई १४ देखि समर क्याम्प संचालन गर्ने भएको छ । यसैगरी समाजले स्मारिका समेत प्रकाशन गर्ने भएको छ । आइतवार समाजले पत्रकार सम्मेलन गर्दै कक्षा १ देखि ८ सम्म अध्ययनरत् बालबालिकाको सहभागिता समर क्याम्पमा रहने जानकारी गराईयो ।
स्वामी चिन्तामणी योगीले सहजीकरण गर्ने समर क्याम्पमा बालबालिकाहरुलाई पूर्वीय दर्शन, धर्म, संस्कृति र संस्कारका बारेमा व्यवहारिक शिक्ष्ाँ प्रदान गरिने बताइयो ।
समाजले नेपाली पाठशाला समेत लामो समयदेखि संचालन गर्दै आएको छ । यसैगरी समाजले स्थापनादेखि अहिलेसम्म भएका गतिविधि समेटेर स्मारिका प्रकाशन गर्ने जनाएको छ । यस्तैं, समाजले आफ्नो निम्ति सामुदायिक भवन बनाउने समेत जनाउदैं आजिवन सदस्य वितरणको कामलाई समेत तिव्र पारिने बताएको छ ।
पत्रकार सम्मेलनमा समाजका अध्यक्ष सुमन थापा, महासचिव भक्त भण्डारी, पूर्व महासचिव विजयराज भट्टराई, नेपाली पाठशालाका संयोजक भोज वहादुर बलायर लगायतले धारणा राखेका थिए । -
अमेरिकी मिडियासँग भन्दा बिदेशी तानाशाहसँगको सम्बन्ध राम्रो- राष्ट्रपति ट्रम्प
न्यूयाेर्क
अमेरिकी राष्ट्रपति डोनाल्ड ट्रम्पले आफ्नो सम्बन्ध अमेरिकी मिडियासँग भन्दा बिदेशी तानाशाहहरुसँग राम्रो भएको बताएका छन् । जि २० शिखर सम्मेलनका दौरान जापान स्थित अमेरिकी मिडियाकर्मीहरुको भिडमा राष्ट्रपति ट्रम्पले उक्त अभिब्यक्ती दिएका हुन् । ओसाका स्थित पत्रकार सम्मेलनमा राष्ट्रपति ट्रम्पले भने “ मेरो सम्बन्ध तिमीहरु बाहेक सबै सँग राम्रो छ । मेरो सम्बन्ध राष्ट्रपती पुटिन सँग राम्रो छ साउदी अरेबियाका राजकुमार मोहमद् बिन सलामसँग पनि राम्रो छ ।”
राष्ट्रपति ट्रम्पले उत्तर कोरियाली नेता किम जोन उनको नाम लिंदै भने- हामीले एक अर्कालाई बुझ्ने गरेका छौ ।
ट्रम्पले गत आईतबार उत्तर कोरियामा पाहिला टेक्ने पहिलो बहालवाल अमेरिकी राष्ट्रपतीको ईतिहास समेत बनाएका छन् । राष्ट्रपति ट्रम्पले उत्तर कोरियाका शासक उनलाई ह्वाईट हाऊस भ्रमणको निम्तो समेत दिएका छन् ।
-
जनसम्पर्क समिति वेष्ट टेक्ससद्धारा एनआरएनए अध्यक्ष सम्मानित
विश्व न्यूज संवाददाता
टेक्सस ।
नेपाली जनसम्पर्क समिति अमेरिका वेष्ट टेक्सस च्याप्टरको आयोजनामा शनिवार विभिन्न व्यक्तित्वलाई सम्मान गरिएको छ । समितिले गैर आवासीय नेपाली संघ अमेरिकाका नवनिर्वाचित अध्यक्ष सुनील साह, नेपाल प्रेस युनियनका पूर्व अध्यक्ष कविर राणा र देशान्तर साप्ताहिकका सम्पादक विनय देवकोटालाई सम्मान गरेको हो ।
सम्मान कार्यक्रममा बोल्दैं नेपाली कांग्रेस महासमिति सदस्य हरीबोल भण्डारीले गैर आवासीय नेपालीको पक्षमा साहको नेतृत्वको समितिले प्रभावकारी काम गर्ने विश्वास व्यक्त गरे । त्यस्तैं, उनले लोकतान्त्रिक मूल्य र मान्यतालाई सुदृढिकरण गर्न पत्रकारितामार्फत अझ बढी योगदानको आवश्यकता मूलुकले राखेकोमा जोड दिएका थिए ।
यसैगरी, सो अवसरमा बोल्दैं एनआरएनए अमेरिकाका नवनिर्वाचित अध्यक्ष साहले सबैं गैर आवासीय नेपालीको सहयोग र सल्लाहवाटैं गैर आवासीय नेपालीकैं पक्षमा काम गर्ने तर्फ आफू लागिपर्ने बताए ।
एनआरएनए अमेरिकाको निर्वाचन समिति सदस्य खड्ग उप्रेती, नवनिर्वाचित सचिव अमृत कट्टेल, एनआरएनए अमेरिकाका प्रवक्ता विनोद तिवारी लगायतको सहभागिता रहेको जनसम्पर्क समिति वेष्ट टेक्सस समितिका कार्यवाहक सभापति प्रविण घिमिरेको अध्यक्षतामा भएको कार्यक्रममा अग्रज पत्रकार शैलेश आचार्य, कविर राणा लगायतले धारणा राखेका थिए । -
न्यूयोर्क सिटीले घोषणा गर्यो जलवायु परिवर्तन संकटकाल, ट्रम्प नीतिलाई चुनौती
न्यूयोर्क
अमेरिकाको सबैभन्दा ठूलो सहर न्यूयोर्क सिटीले जलवायु संकटकाल घोषणा गरेको छ । बढ्दो विश्व तापक्रम जुध्न सिटीले यो ऐतिहासिक घोषणा गरेको हो ।न्यूयोर्कले यो निर्णयसँगै राष्ट्रपति डोनाल्ड ट्रम्पलाई पनि प्रष्ट सन्देश दिएको छ । न्यूयोर्कमै घर भएका ट्रम्प जलवायु परिवर्तनमा विश्वास गर्दैनन् र यससँग सम्बन्धित बैज्ञानिक तथ्यहरुलाई हाँसोको बिषय बनाउँदै आएका छन् ।
झन्डै ९० लाख जनसंख्या भएको न्यूयोर्क सिटी काउन्सिलले बुधबार यस सम्बन्धि कानून पारित गर्दै संकटकाल घोषणा गरेको हो । सिटी काउन्सिलले विश्वको बढ्दो तापक्रमलाई सम्बोधन गर्न तत्कालै कदम चाल्नु पर्ने निचोड निकालेको छ । बिभिन्न अध्ययन र रिपोर्टहरुलाई उद्दृत गर्दै जलवायु परिवर्तनका असर र प्रभाव केलाउँदै सिटी काउन्सिलले उक्त निर्णय लिएको हो । बढ्दो तापक्रमका कारण सुरक्षित वातावरणका लागि धर्ती धेरै तातो हुन लागेको सिटीले उल्लेख गरेको छ ।
सिटी काउन्सिलले वातावरणप्रति ट्रम्प सरकारको रवैयालाई पनि कडा आलोचना गरेको छ । ‘विश्वको जलवायु परिवर्तनका लागि अमेरिका अत्यन्त जिम्मेवार रहेको छ । तर, त्यती हुँदा पनि हरित अर्थतन्त्रका लागि विश्वले थालेको पहलमा पनि निरन्तर भाँजो हालि रहनु आफैँमा खेदजनक छ किनकी यो चुनौतीको सम्बोधनका लागि प्राथमिक पहलकदमी (अमेरिकाले) लिनुपर्ने हो’ सिटी काउन्सिलले आफ्नो घोषणामा उल्लेख गरेको छ ।संकटकाल घोषणामा जलवायु परिवर्तनलाई सम्बोधनका लागि के कस्तो नीतिगत व्यवस्था गर्ने भन्ने चाहिँ उल्लेख छैन । तर, आगामी दिनमा नीति बनाएर यसमा सम्बोधन गर्दै जाने बताइएको छ । न्यूयोर्क राज्यले पनि सन् २०५० भित्र इन्धनका कारण हुने तापक्रम बृद्धिलाई सम्बोधन गरि सक्ने गरि नीति तय गर्ने यस अघिनै घोषणा गरेको थियो ।
अहिलेसम्म १५ मुलुकका बिभिन्न ६७० स्थानीय सरकारहरुले जलवायु संकटकाल घोषणा गरि सकेका छन् । त्यसमा अमेरिकाका सानफ्रान्सिस्को, होबोकन, न्यूजर्सी लगायत १८ सिटी रहेको छ । न्यूयोर्क थपिएसँगै अमेरिकी सहरको संख्या १९ पुगेको छ ।
-
कोपा अमेरिका : अर्जेन्टिना र ब्राजिलको भेट सेमिफाइनलमा
ब्राजिल । ब्राजिलमा जारी कोपा अमेरिका फुटबल प्रतियोगितामा अर्जेन्टिना र चिलीले क्वार्टरफाइनलका खेल जितेका छन् ।
सेमिफाइनलमा स्थान पक्का गर्ने क्रममा अर्जेन्टिनाले भेने भेनेजुयलालाई पराजित गर्यो भने चिलीले कोलम्बियालाई हरायो ।
शनिबार बिहान भएको खेलमा चिली र कोलम्बियाको खेलको नतिजा भने पेनाल्टी सूटआउटका माध्यमबाट आएको थियो ।
सेमिफाइनलमा विश्व फूटबलका दुई उत्कृष्ट टोली अर्जेन्टिना र ब्राजिलबीच प्रतिस्पर्धा हुने भएको छ । चीर प्रतिद्वन्द्वी यी टोलीको खेललाई विश्वभरका फूटबल प्रेमीले सधै चासोका साथ लिने गरेका छन् ।
चिलीले भने उरुग्वे र पेरुबीचको बिजेतासँग सेमिफाइनल खेल्नेछन् । शनिबार बिहान सम्पन्न खेलमा अर्जेन्टिनाले भेनेजुयलालाई २-० गोल ले हरायो । अ
र्जेन्टिनाले लौटारोमार्टिनेजको गोलबाट १० औं मिनेटै अग्रता लिएको थियो । जारी प्रतियोगिताका समूह चरणका खेलको तुलनामा अर्जेन्टिनाले शनिबार तुलनात्मक रुपमा राम्रो फूटबल खेलेको थियो ।
दोस्रो हाफमा सब्सिच्युट खेलाडी जोभानी लोसेल्सोले ७४ औं मिनेटमा गोल गरेपछि अर्जेन्टिनाले भेजेजुयलामाथि सहज जित हात पारेको हो ।
ब्राजिलले भने पाराग्वेलाई पेनाल्टी सुटआउटमा ४-३ ले हराई सेमिफाइनल प्रवेश गरेको हो । यस पटक कोपा अमेरिकामा निर्धारित ९० मिनेटमा खेल बराबरी भए सिधै पेनाल्टीमा जाने नियम लगाइएको छ ।
अर्जेन्टिना र ब्राजिलबीच आगामी बुधबार फाइनल प्रवेशका लागि भिडन्त हुनेछ ।
एजेन्सी -
पूर्व राष्ट्रपतिले भने – ट्रम्पले सन् २०१६ मा निर्वाचन जितेकै होईन, रसियाले राष्ट्रपति बनाएको हो ।
अमेरिकाका एक पूर्व राष्ट्रपतिले बर्तमान राष्ट्रपति डोनाल्ड ट्रम्पलाई अनधिकृत राष्ट्रपतिको संज्ञा दिएका छन् । बर्तमान राष्ट्रपतिलाई अबैधानिक राष्ट्रपति भन्ने ब्यक्ती जिमी कार्टर हुन् । कार्टर अमेरिकाको ३९ औ राष्ट्रपति हुन् भने उनले सन् १९७७ देखि१९८१ सम्म राष्ट्रपतिको रुपमा काम गरेका थिए ।
पूर्व राष्ट्रपति जिमी कार्टरले शुक्रबार बिहान मानव अधिकार सम्बन्धी एक कार्यक्रममा भने “रसियाको हस्तक्षेपमा सन् २०१६ को निर्वाचन जितेका कारण डोनाल्ड ट्रम्प बैधानिक राष्ट्रपति होईनन्” । सन् २०१६ को निर्वाचनमा रसियन संलग्नताको प्रसंगमा कार्टरले थप प्रस्ट पार्ने कोशीस गर्दै भने “रसियनले सन् २०१६ को निर्वाचनमा हस्तक्षेप गरेको कुरामा कुनै शंका नै छैन । यदी पूर्णरुपमा अनुसन्धान गर्ने हो भने थाहा हुन्छ, वास्तवमा ट्रम्पले निर्वाचन जितेकै छैन । उसले निर्वाचन हारेको हो तर रसियन हस्तक्षेपका कारण जिताएर राष्ट्रपति बनाईयो” ।
पूर्व राष्ट्रपति कार्टरले राष्ट्रपति ट्रम्पको राष्ट्रपति पदमा जितका बिषयमा अमेरिकामा यस्तो आरोप लगाई रहँदा उता जापानको ओसाकामा आयोजित जि – २० को शिखर बैठकको दौरान राष्ट्रपति ट्रम्पले रुसका राष्ट्रपति भ्लादिमिर पुटिनलाई औला देखाउदै हास्यास्पद तरिकाले भनेका छन् “कृपया निर्वाचनमा हस्तक्षेप नगर्नुस्”।
एजेन्सी
-
न्यूयोर्कमा किन गर्दैछन् प्रहरीले श्रृङ्खलाबद्ध आत्महत्या – अर्को प्रहरीले ठोके आफैलाई गोली
न्युयोर्क
न्यूयोर्क प्रहरीमा कार्यरत ५३ वर्षिय प्रहरी अधिकृत केभिन प्रेसिसले लङ्अाईल्याण्डस्थित आफ्नै निवासमा गोली प्रहार गरी आत्महत्या गरेका छन् । प्रहरी श्रोतका अनुसार गत बुधबार राती अन्दाजी ९ बजेर ५० मिनेटको समयमा टाउकोमा गोली लागेको अवस्थामा भेटिएका प्रेसिसलाई तत्काल मृत घोषित गरिएको थियो । प्रहरी अधिकृत प्रेसिसको आत्महत्या पछी न्यूयोर्क शहरमा जुन महिना भित्र आत्महत्या गर्ने प्रहरीको संख्या ४ पुगेको छ । प्रेसिस लगायत न्यूयोर्क शहरमा कार्यरत ६ जना प्रहरीले यो बर्ष भित्र आत्महत्या गरेका छन् ।
प्रहरी श्रोतका अनुसार ५३ वर्षिय बिबाहित प्रेसिसले आत्महत्या गरेको दिन उनले न्यूयोर्कस्थित प्रहरी सेवा शुरु गरेको २५ बर्ष पुरा हुन ३ दिन मात्र बाँकी थियो । उनी ब्रोंक्स स्थित ५० प्रिसेन्टमा कार्यरत थिए । यस अगाडि जुन महिनाको ५, ६ र १४ तारिखका दिन ३ जना प्रहरीले आफैलाई गोली प्रहारगरी आत्महत्या गरेका थिए ।
एजेन्सी । -
छोरालाई तुच्छ आप्रबासी भनी होच्याईयो : बचाऊ गर्दा आमा कुटिईन्
न्यूजर्सी पसेक काउण्टी प्रोसिक्युटर्स कार्यालयका अनुसार १३ वर्षका केटामाथि कक्षाको साथीलाई आप्रबासी बिरुद्ध अपहेलनायुक्त शब्द प्रयोग गरेको र उसको आमालाई कुटपिट गरेको अभियोगमा पक्राउ गरेको छ ।
एटोर्नी डेनियल सेन्टियागोका अनुसार पिडित भेरोनिका रुईज न्यूजर्सी पसेकको सडकमा गत १९ तारिख उनको एक वर्षिया बेबी र १२ बर्षका छोराको साथमा हिडिरहेको अवस्थामा पछ्याउँदै आएका ३ जना केटाहरुले आक्रमण गरी सख्त घाईते बनाएका हुन् । एटोर्नी सेन्टिएगोले मिडियालाई बताए अनुसार घटनाको कारण अघिल्लो दिन स्कुलमा भएको घटनासँग जोडिएको छ । अघिल्लो दिन स्कुल क्याफेटेरियामा पिडक १३ वर्षिय केटाले “गो ब्याक मेक्सिको” भनी गाली बेईज्जती गरी अपशब्द प्रयोग गरेका थिए । पिडित १२ बर्षिय केटाले, अमेरिकी नागरिक हुन्, ले हामी सबै कुनै समयको आप्रबासी नै हौं भनी प्रतिकार गरेका थिए । स्कुलको उक्त घटना पछि पिडितको उजुरीपछि निज पिडकलाई स्कुलले कारवाहीमा राखेका थिए ।
उक्त अघिल्लो घटनाको बदला लिन निजले बाटोमा पछ्याउँदै आएको थियो । पिडित महिलाका १२ बर्षका छोराले घटना घट्नु अघि “हिजोको केटाहरुले हामीलाई पछ्याईरहेछ छ” समेत भनेका थिए । तर सुरक्षित ठाउँमा पुग्नु अघिनै अनुहार र घाँटीमा मुक्का प्रहार गरी अचेत बनाई आमा छोरा दुबैलाई पिटेर ३ जना प्रहरी आउनु अघिनै भागेका थिए ।
अभियोग लागेका १३ बर्षका केटा बालिग नभएकोले नाम सार्वजनिक गरेको छैन ।
घाईते महिला भन्छिन् “शरिरको घाऊ पुरिएला तर बिक्षिप्त मन र अपहेलना कसरी मेटिएला” ? अब त उनलाई आँगन काटेर निस्कन पनि डर लाग्ने बताउँछिन् । अदालतको फैसलाले दोषी करार भएमा निज पिडक केटालाई २ बर्षको नाबालिग डिटेन्सन सेन्टरमा राखिने छ ।
एजेन्सी ।
-
अमेरिकामा मनोरञ्जन प्रयोजनको लागि गाँजा सेवन खुल्ला गर्ने ११ औं राज्य बन्यो: ईलनोए
गत मंगलबार ईलनोए राज्यका डेमोक्रेटिक गभर्नर जेबी प्रिज्करको निर्णयकारी हस्ताक्षरपछि अमेरिकाको ईलनोए राज्य ११ औं गाँजा खुल्ला राज्य बनेको छ ।
मनोरञ्जनात्मक प्रयोजनको लागि तोकिएको अंश गाँजा र गाँजाजन्य पदार्थ टेट्रा-हाईड्रो-क्यानिबिनोल (टिएचसी) सेवन गर्न २१ बर्ष उमेर पुरा गरेको हुनुपर्दछ । कानून मुताबिक डाक्टरको सिफारिस प्राप्त गरी औषधीको रुपमा अरुले नदेख्ने ठाउँमा गाँजाको बिऊ रोप्न उमार्न पनि छुट दिएको छ । यद्यपी रोजगारदाताले अनुमती नदिएको हकमा काममा भने सेवन गर्न पाईने छैन ।
तोकिएको उमेर पुगेको व्यक्तिले ३० ग्राम गाँजाको पात, ५ ग्राम माडेको गाँजा र ५०० मिलिग्राम प्रोसेस्ड टिएचसी सेवन गर्न खरिद गर्न वा बोकी हिड्न पाउनेछन् ।
अमेरिकामा यस अघि अलास्का, क्यालिफोर्निया, कोलोराडो, मेन, म्यासाच्युसेट्स, मिचिगन, नेभाडा, ओरेगन, भर्माण्ट, वाशिङ्टन् र (वाशिङ्टन डिसी) समेत गरी १० राज्यमा गाँजालाई कानूनन् खुल्ला गरिसकिएको थियो ।
श्रोतका अनुसार न्यूयोर्क र न्यूजर्सी बाह्रौ र तेह्रौ राज्य बन्ने प्रकृयामा रहेको समेत जनाईएको छ ।
एजेन्सी
-
राष्ट्रपति ट्रम्प दक्षिण कोरिया जाने, उत्तर कोरिया पुग्लान ?
अमेरिकी राष्ट्रपति डोनाल्ड ट्रम्प दक्षिण कोरिया भ्रमणमा जाने भएका छन् । विश्वका २० ठूला औद्योगिक शक्ति राष्ट्रहरुको जी-२० शिखर सम्मेलन जापानमा शुरु हुँदैछ ।
यो सम्मेलनमा भाग लिन राष्ट्रपति ट्रम्प जापान आउँदैछन् । सोही मौकामा राष्ट्रपति ट्रम्प आगामी शनिबार दक्षिण कोरियाको राजधानी सियोल पुग्ने दक्षिण कोरियाली राष्ट्रपति मुन जाइ इनको कार्यालयले उल्लेख गरेको छ।
दक्षिण कोरियामा राष्ट्रपति ट्रम्प दुई दिन रहने भएका छन् । त्यसक्रममा उनी उत्तर र दक्षिण कोरियाको सीमा ‘नो म्यान्स ल्याण्ड’ सम्म पुग्ने तयारी भइरहेको अन्तरराष्ट्रिय संचारमाध्यमहरुले उल्लेख गरेका छन् ।
त्यसो त, दुई वर्ष अगाडी नै ट्रम्प दक्षिण कोरिया भ्रमणमा पुगेका थिए । त्यसबेला पनि उनी दुई कोरियाको सीमानासम्म पुग्न चाहन्थे । तर, त्यसको व्यापक विराध भयो ।
फलस्वरुप कार्यक्रम नै रद्द गर्नु परेको थियो । त्यसबेला अमेरिका, दक्षिण कोरिया र उत्तर कोरियाबीचको सम्बन्ध अहिले जस्तो सुधार भइसकेको थिएन।
कोरिया भ्रमणको बेला ट्रम्पले समकक्षी मुनसँग द्धिपक्षीय वार्ता गर्नेछन् । उत्तर कोरियासँगको वार्ता र दुई पक्षीय सम्बन्ध अझ प्रगाढ बनाउने सम्बन्धमा छलफल गर्ने एजेण्डा तय गरिएको छ ।
अमेरिका र उत्तर कोरिया पछिल्लो समय वार्तामा छन् । कुनै समय उच्च टकरावका बीच विश्वभर नै तनाव बढिरहेका बेला यी दुई मुलुकबीचको वार्ताले सकारात्मक सन्देश प्रवाह गरिरहेको छ ।
पछिल्लो समय गत फेब्रुअरीमा भियतनामको हनोइमा ट्रम्प र उत्तर कोरियाली नेता किम जोङ उनबीचको शिखर वार्ता भएको थियो । तर, त्यो वार्ता भने असफल भयो ।
केही समय यता भने यी दुईबीचको सम्बन्ध पुनः प्रगाढ बन्दै गएको बताइएको छ । अघिल्लो साता ट्रम्पले पठाएको चिठीको उत्तर कोरियाली नेता किम जोङ उनले प्रशंसा गरेका थिए ।
एजेन्सी -
अमेरिकामा तात्दै छ चुनावी माहोल, डेमोक्र्याटिकबाट मात्र २५ दावेदार
आगामी नोभेम्बर २०२० मा हुने राष्ट्रपतीय निर्वाचनको माहौल शुरु भइसकेको छ । पाटी भित्र राष्ट्रपतिको उमेदवारी घोषणा गर्ने क्रममा जारी रहेको छ ।
अमेरिकाका पूर्वसांसद् एवं नौसेनाका पूर्वअध्यक्ष जोई सेस्टकले डेमोक्र्याटिक पार्टीको तर्फबाट उम्मेदवार बन्ने घोषणा गरे । उनको घोषणासँगै डेमोक्र्याटिक पार्टीको तर्फबाट राष्ट्रपतीय उम्मेदवार बन्ने आकंक्षीको संख्या २५ पुगेको छ ।
अमेरिकामा हरेक ४ वर्षमा राष्ट्रपति निर्वाचन हुने प्रावधान छ । सोही प्रयोजनका लागि अब पार्टीभित्र राष्ट्रपतिको सबैभन्दा बलियो उमेदवार चयन गर्न आन्तरिक निर्वाचन हुने गर्छ ।
त्यहाबाट विजेता बनेर आइसकेपछि मात्र फाइनल उमेदवार चयन हुन्छ । त्यसकारण पार्टीभित्र धेरै आकांक्षी देखिने गर्छन् ।
रिपब्लिकनको तर्फबाट भने वर्तमान राष्ट्रपति डोनाल्ड ट्रम्प नै उमेदवारका रुपमा खडा हुनेछन् । किनकी अमेरिकामा एक राष्ट्रपतिले लगातार दोस्रो कार्यकालसम्म सत्ता चलाउन सक्ने प्रावधान रहेको छ ।
सैनिक सेवामा ३१ वर्ष सेवा गरेका जोईले आफूले ट्रम्पको सजिलै सामना गर्न सक्ने बताएका छन् । उनी भियतनाम युद्धमा सबैभन्दा बढी खटिएका थिए । त्यसपछि अमेरिकाले इराक र अफगानिस्तानको युद्धमा पनि उनलाई नेतृत्व दिएको थियो ।
एजेन्सी -
हवाईमा हवाई दुर्घटना हुँदा ९ को मृत्यु
अमेरिकाको पर्यटकीय राज्य हवाईमा गत शुक्रबार राती एक बिमान दुर्घटना हुँदा ९ जनाको मृत्यु भएको छ । बिमानलाई स्काई डाईभको लागि प्रयोग गर्ने क्रममा दुर्घटना भएको अधीकारीहरुले संचार माध्यमलाई बताएका छन् भने स्काई डाईभिङ्का लागि जहाजमा गएका कतिपय मृतकका परिवार बिमानस्थलमा कुरिरहेको समेत बताईएको छ । दुईवटा ईन्जिन भएको किङ एयर बिमान दुर्घटना ओहु अाईल्यान्डको उत्तरी तटमा भएको हो ।
मृतकहरुको पारिचय समाचार तयार पार्दासम्म खुलाईएको छैन ।
एजेन्सी
-
गाडीले ठक्कर दिंदा ७ जना मोटरसाईकल चालकको मृत्यु
न्युह्याम्पसायर
एउटा पिकअप ट्रक मोटर साईकल चालकहरुको समुहमा ठोक्किन पुग्दा न्युह्याम्पसायरस्थित सानो हाईवेमा गत शुक्रबार साँझ ७ जना मोटरसाईकल चालकको मृत्यु भएको छ भने ३ जना घाईते भएका छन् । न्युह्याम्पसायरका स्थानीय प्रहरीका अनुसार रेन्डल्फस्थित यु एस -२ नामको २ लेनको साँघुरो सडकमा डज पिक अपले समुह बनाएर हाईवेमा तिब्र गतीमा कुदेका मोटर साईकल चालकहरुलाई ठक्कर दिएको थियो ।
प्रहरीले घाईते र मृतकको नाम सार्वजनिक गरेको छैन ।
-
न्यूयोर्कको उबर/लिफ्ट ड्राईभर होसियार : ग्राहकको रुपमा चोरले हज्जारौं चोरे
न्यूयोर्क पुलिस डिपार्टमेण्टले ३ दर्जनभन्दा बढी उबर र लिफ्ट ड्राईभर चोरिएको घट्नाको छानबिन गरिरहेको छ ।
पुलिसका अनुसार अप्रिलदेखि यता मात्रै ३ जना १६ देखि २५ बर्षका चतुर चोरहरुले न्यूयोर्कको ब्रोन्क्स, ब्रक्लिन, क्वीन्स र म्यानह्याटनमा करिब ४० भन्दा बढी ड्राईभरमाथि उस्तै किसिमको तरिका अपनाई लुटिसकेका छन् । जति प्रबिधिले सुबिधा दिएको छ, त्यति नै सावधान रहनुपर्ने अवस्था आएको छ । कतिपय घटनामा त ड्राईभरले आफू लुटिएको खबरसम्म पनि तत्काल थाहा नपाउने गरेका छन् ।
ती चोरहरु अन्य पेसेन्जर जस्तै सामान्य तरिकाले कारमा चढ्छन् र केही बेरमा आफ्नो गन्तब्य परिवर्तन गर्नुपर्यो भनी भन्छन् । रेगुलर उबर राईडमा पेसेन्जरले कुनैपनि बेला गन्तब्य परिवर्तन गर्न पाउँछन् । त्यसपछि आफ्नो फोन नचलेको नाटक गर्छन् र ड्राईभरको बिश्वास जितेर गन्तव्य परिवर्तन गर्नको लागि ड्राईभरको फोन माग्छन् र उबर/लिफ्टको ड्राईभरले तुरुन्त पैसा निकाल्न मिल्ने सिस्टम “क्यास आउट” मार्फत आफ्नो खातामा वा कार्डमा तुरुन्तै पैसा पठाउँछन् ।
ड्राईभर चार्ली एडवार्ड भन्छन् अत्याधुनिक प्रबिधिले झन जोखिम बढाएको छ । त्यस्तै अर्का अनुभवी ड्राईभर ब्रिन्टो रसिद, जसले पहिले पहेलो ट्याक्सी चलाई सकेका थिए, भन्छन्; “पहेलो ट्याक्सीमा गाली बेईजती र हातपातको घटना पनि घट्थ्यो, अहिले क्यामारा लगाएको छु, राईडरको पूर्व जानकारी हुन्छ, बढ्ता हुनेलाई ओराल्दिन्छु” । उनी भने आफूले सुरक्षित महसुस गरेको बताउँछन् ।
यतिबेला उबर र लिफ्ट कम्पनीले गाडी गतिमा भएको समयमा पैसा ट्रान्सफर गर्न नमिल्ने गराउने भएका छन् । ड्राईभरलाई ग्राहकले प्रबिधि मार्फत लुट्ने अर्को प्रकृतीको घटना पनि प्रचलनमा रहेको छ । ड्राईभरलाई कामको अनुरोध आएपछि ग्राहक लिन जाँदैगर्दा तुरून्त फोन आउँछ; “म उबरको कार्यालयबाट बोल्दैछु, तँपाईले अहिले यो ठाउँमा लिन जाँदै गरेको फलानो व्यक्तीलाई अर्कै ड्राईभर पठाईदिनेछु । तँपाई सुरक्षित ठाउँमा गाडी रोकेर फलानो ब्यक्तीको राईड क्यान्सिल गर्नुस्, तँपाईको एकाउण्टको खाता नम्बरमा समस्या आएको छ । सच्याउनु पर्नेछ”। ग्राहकको समेत सबै जानकारी भनेकोले सोझा ड्राईभरले पत्याउँछन् र बैंक सम्वन्धि जानकारी अफिसलाई दिएको ठानेर दिन्छन् । वास्तवमा त्यो फोन उबरको कार्यालयले गरेको नभै त्यो ठग ग्राहकले नै कर्मचारी बनेर गरेको हुन्छ । यस्तो अवस्थामा जानकारी बिल्कुलै दिन हुँदैन । समस्यामा परे एनवाईपिडीको क्राईम स्टपर्स हटलाईन 800 577 8477 र 888 577 4782 मा खबर गर्न अनुरोध गरिएको छ ।
श्रोत : सिबिएस न्युयोर्क ।