Category: अमेरिका

न्युयोर्क ।  

राष्ट्रपति डोनाल्ड ट्रम्पले अर्को हप्तादेखि देशव्यापी रुपमा गैर कानूनी आप्रबासीहरु माथि धर पकड गरिने भन्दै सोमबार राती ट्विट् गरेका छन् ।उनले आफ्नो ट्विटरमा भनेका छन् “अमेरिकामा गैर कानूनी तरिकाबाट बसोबास गर्दै आएका लाखौं आप्रबासीहरुलाई अर्को हप्तादेखि फर्काईने छ ।यु एस् इमिग्रेसन एजेन्ट मार्फत पक्राउ गरिने राष्ट्रपति ट्रम्पले लेखेका छन् ।२०२० को निर्वाचनमा आफ्नो औपचारिक उम्मेद्वारी घोषणा कार्यक्रमको अघिल्लो रात राष्ट्रपतिले आफ्नो ट्विट्मा लेखेका छन् “गैर कानूनी तरिकाबाट बसेका ती बिदेशीहरुलाई छिटो भन्दा छिटो यो देशबाट हटाइने छ” ।ट्रम्पले आज मंगलवार ओर्ल्यान्डोमा आयोजित बिशाल सभाबाट आफ्नो चुनावी क्यापेन सुरु गर्दै छन् ।
ठुलो संख्यामा अमेरिकाबाट फिर्ता पठाउन लागिएका भनिएका आप्रबासीका बिषयमा एसोसिएटेड प्रेसले प्रशासनको हवाला दिंदै लेखेको छ “फिर्ता पठाउने तयारी गरिएका १० लाख भन्दा धेरै गैर कानूनी आप्रबासी भने संघिय अदालतले डिपोर्टेसन् अर्डर गरेर पनि अमेरिका भित्रै बसिरहेकाहरु हुने छन्” । हालसम्म आईसले सबैभन्दा धेरै सन् २०१२ मा ४ लाख ९ हजार ८ सय २४ जनालाई डिपोर्टे गरेको थियो ।

न्यूयोर्क अपस्टेट स्थित एक न्यायाधिसको अदालतको बेञ्चमा नै हृदयघात हुँदा निधन भएको छ । पट्नम् काउन्टीको अदालतका न्यायाधिस जेम्स् रिजको गत शुक्रबार बेञ्चमा नै निधन भएको हो ।
न्यायाधिस रिजले एउटा मुद्दाको निर्णय सुनाएर अर्को मुद्दा लिने तयारी गर्दै थिए त्यतिकैमा उनले जोन नामका कोर्ट अफिसरलाई “जोन मलाई तिमीले यहाँ मद्दत गर्नु पर्ने भयो” भनेको र त्यती भन्ने बित्तिकै न्यायाधिस बेन्चमा नै ढलेको स्थानीय संचार माध्यायमहरुले बताएका छन् । ५७ वर्षिय न्यायाधिस बेहोस भएर लडेपछि एम्बुलेन्स नआउन्जेल कोर्ट अफिसर जोनले कार्डियो पल्मुनरी रिसक्सन (सि पि आर) गरेका थिए । केही समय भित्र अस्पताल पुर्याईएका न्यायाधिसलाई करिव ४५ मिनेट चिकित्सकहरुले उपचार प्रयास गरेपछि मृतक घोषणा गरिएको थियो ।
सन् २००७ देखि उनी पट्नम् काउन्टी स्थित अदालतमा न्यायाधिसका रुपमा कार्यरत थिए ।

एजेन्सी

न्यूयोर्क

शुक्रबार न्यूयोर्कको स्टाटन आईल्याण्डस्थित १२१ पुलिस प्रिसेण्ट पछाडी एक प्रहरीद्वारा आफुले आफैलाई गोली हानी आत्महत्या गरेका छन् । मृत पुलिस अफिसरलाई प्रहरी कार्यालय पछिडीको विल्कक्स स्ट्रिटमा रहेको गाडी भित्र मृत भेटिएको थियो । उनी अफ ड्यूटीमा रहेको बेला शुक्रबार अपरान्ह यस्तो गरेका हुन् । प्रहरी सुत्रका अनुसार उनी घरेलू हिंसा अधिकृतको रुपमा बिगत ७ बर्षदेखि प्रहरी सेवामा थिए ।

एकै महिनामा न्यूयोर्कमा  पुलिस डिपार्मेण्ट भित्र यो  तेश्रो आत्महत्या आत्महत्या  हो । न्यूयोर्क पुलिस डिपार्टमेण्टले एक हप्ता अघिमात्र अफिसरहरुलाई मेन्टल हेल्थको बारेमा आवाज उठाउन र उपचार खोज्नको लागि आह्वान गरेको थियो । 

अघिल्लो बिहिबार पनि ५८ बर्षिया मानव हत्या सम्बन्धि जासुस प्रहरी जो क्यालाब्रिसले ब्रुक्लिनको प्लम्ब बीच नजिकै आफैलाई गोली हानी आत्महत्या गरेका थिए । त्यस्तै ६२ बर्षिय डेप्युटी चिफ अफ पेट्रोलिङ् स्टिभेन सिल्क्सले पनि क्वीन्सको फोरेस्ट हिल्सस्थित ११२ प्रिसेन्टमा उस्तै किसिमको घट्ना घटाएका थिए ।

माथिका ३ घटनाको बिषयमा चिफ अफ डिपार्टमेण्ट टेरेन्स मोनाहन्ले ट्वीट गरेका छन कि “जसरी प्रहरी अधिकृतहरुले आत्महत्या गरेका छन् । यो चुपचाप कानेखुसी गर्ने खालको कुरा होईन । यस बिषमा बृहत अध्ययन र समाधान हुनुपर्छ” ।

गत फेब्रुअरी ९ तारिख राती आफ्नो कारमा सुतिरहेको अवस्थामा ६ जना प्रहरीले एकै साथ गोली हानी मारेका क्यालिफोर्नियाका र्यापर विली म्याकको हत्यालाई भलेहो सिटी प्रशासनले “उचित” भनेको छ ।क्यालिफोर्निया सान फ्रान्सिस्कोस्थित फाष्ट फुड रेस्टुरेण्ट टाकोबेलको ड्राईभ-थ्रुमा आफ्नै कार भित्र निदाईरहेको अवस्थामा स्थानीय भलेहो शहरका प्रहरीले २० वर्षीय म्याकको कारलाई एक साथ घेरा हाली ३ मिनेट ५० सेकेन्ड भित्र ५५ पटक गोली हानी हत्या गरिएको घटनाको रिपोर्ट सार्वजनिक गर्दै उक्त प्रशासनले हत्यालाई उचित भनेको हो । रिपोर्ट यसै हप्ता सार्वजनिक गरिएको हो ।

भर्खरै चर्चित बन्दै गरेका र्यापर म्याकको हत्यालाई उनको परिवारले “बिनाकारण फायरिङ्ग दस्ताद्वारा मारिएको” बताउँदै आएका थिए भने घटना राष्ट्रिय मुद्दा बन्दै आएको छ । भलेहो सिटी प्रशासनको तर्फबाट रिटायर्ड प्रहरी अफिसर डेभिड ब्लेकको ५१ पेज लामो रिपोर्टमा भनिएको छ “म्याक माथिको कारबाही जायज छ र म्याकलाई ६ जना प्रहरीले ३ मिनेटमा ५५ राउन्ड गोली हानेको प्रकृया र तरिका प्रहरी तालिम र बिधी बिधान भित्र नै छ” । टाकोबेलको ड्राईब थ्रुमा आफ्नै कार भित्र सुतिरहेको मान्छे देखेपछि टाकोबेलका कामदारले प्रहरीलाई खबर गरेका थिए । प्रहरीले मृतक म्याकको काखमा बन्दुक भएको र सुरक्षाका लागि गोली चलाऊनु परेको बताउदै आए पछि प्रहरीको शरिरमा रहेको “बडी क्याम” सार्वजनिक गर्नुपर्ने दबाब बढेको थियो । प्रहरीको बडी क्याम भिडियो फुटेज अनुसार आफ्नो कार भित्र मस्त निदाई रहेको अवस्थामा कुनै सुचना बिना ३ मिनेट ५० सेकेन्ड भित्र ५५ पटक गोली चलाईएको थियो । एजेन्सी

न्यूयोर्क  

न्यूयोर्कको ब्यस्त शहर म्यानह्याटनको एक भवनको छतमा हेलिकप्टर खसेको छ ।ताजा जानकारी अनुसार दुर्घटनामा पाईलटको मृत्यु भएको छ ।न्यूयोर्क फायर डिपार्ट्मेन्ट्ले आफ्नो ट्विट्मा जनाए अनुसार हेलिकप्टर ७ एभिन्युको ७८७ नम्बर भवनको धुरीमा खसेको हो ।दुर्घटना पछी न्यूयोर्क प्रहरीले दुर्घटनाको अनुसन्धान भईरहेको कारण ५१ स्ट्रिट पश्चिम ७ एभिन्युतिर भरसक गाडी नचलाउन अनुरोध गरेको छ ।उक्त क्षेत्रमा ब्यापक ट्राफिक जाम भै रहेको समेत न्यूयोर्क प्रहरीले जनाएको छ ।दुर्घटना ७ एभिन्युको ५१ र ५२ स्ट्रिट बिचको ५४ तल्ले गगनचुम्बी भवनको छतमा भएको हो ।घटना दिउसो २ बज्नु केही मिनेट अगाडि भएको थियो ।

न्यूयोर्क राज्यका गभर्नर एन्ड्रु कुमोले हेलिकप्टर भवनको धुरीमा खस्दा आगो देखिएको बताएका छन् भने भवनको छानोमा हेलिकप्टर खस्दा पुरा भवन हल्लिएको दुर्घटनाको समयमा भवन भित्र रहेकाहरुले बताएका छन् ।अहिले आगोलाई नियन्त्रणमा लिईएको छ ।

न्युयोर्क । न्युयोर्कस्थित दक्षिण पूर्वी एसियाका आप्रवासीको घनावस्ती ज्याक्सन हाईट्समा बसोबास गर्दै आएका एक व्यक्ति आतंकबादी क्रियाकलाप गर्ने उद्देश्यले गैह्र कानूनी रुपमा हतियार खरिद गरेको अभियोगमा पक्राउ परेका छन् । २२ बर्षिया बंगालादेशी नागरिक आसिकुल अलामले न्यूयोर्क कै ब्यस्त पर्यटकीय सहर टाईम्स स्क्वायरमा आतंककारी हमालको योजना बनाउँदै गरेको प्रहरीले पुष्टि गरेपछि गत बिहिबार अलामलाई पक्राउ गरिएको जनाईएको छ । अलामलाई आज शुक्रबार न्युयोर्क ब्रुकलिन स्थित केन्द्रीय अदालतमा हाजिर गरीएको थियो ।

अलामको संकास्पद क्रियाकलाप माथि न्युयोर्कस्थित बर्दी बिनाका जासुस प्रहारीले गत बर्ष अगस्ट महिनादेखि पिछा गरि रहेका थिए । आतंकबादी क्रियाकलापको योजना बनाउँदै आएको अलाम हतियार खरिदको लागि बिना बर्दी कै प्रहरीको सम्पर्कमा पुगेका थिए । अलाम हतियार खरिदका लागि उनी माथिनै जासुसी गरिरहेका बिना बर्दिका प्रहरीसँग १० महिनादेखि लगातार सम्पर्कमा थिए । आफैमाथि जासुसी गरिरहेका बिना बर्दीका प्रहरीसंगको सम्पर्कमा अलामले वासिंटन र टाईम्स स्क्वायरमा सम्भावित आत्मघाती बिस्फोट समेत गर्ने आफ्नो योजना भएको बारेमा समेत कुरा गरेको प्रहरी श्रोतले सञ्चार माध्यमहरुलाई बताएका छन् । प्रहरीले आरोपित अलाममाथि लगाईएको अभियोगमा भनिएको छ “अलामले पहिलो पटक जासुसी गरिरहेका प्रहरीलाई पहिलो पटक सन् २०१८ मा भेटेका थिए । सोही बर्ष डिसेम्बरमा पुन सिभिल प्रहरीसंग भेट गरी न्यूयोर्क सहर हमलाको बारेमा सल्लाह लिएका थिए । अलाम र ती सिभिल प्रहरी पेन्सिल्भानिया स्थित सुटिङ्ग रेञ्जसम्म पुगे । त्यसपछि गत अप्रिलमा आरोपित अलाम र ती सिभिल प्रहरीको बीचमा हतियार खरिदको बिषयमा छलफल भयो र अर्को हतियार पनि खरिद गर्ने चहाना अलामले देखाएपछि दोश्रो सिभिल प्रहरीलाई ब्यापारीको रुपमा अलाम भेट्न पुगे । त्यसपछि अलाम २ जना सिभिल प्रहरीको प्रत्यक्ष सम्पर्कमा पुगेपछि २ वटा सेमी अटोमेटिक पेस्तोलको लागि आफु २ हजार डलर तिर्न राजि भएको बताएका थिए भने अलामले त्यसपछि एके -४७ र ग्रिनेड पनि खरिद गर्न खोजेको बताएका थिए । गत बिहिबार अलाम पहिलो सिभिल प्रहरीको साथमा दोश्रो प्रहरीलाई भेट गर्न ब्रुकलिन स्थित प्रहरीको अपार्टमेन्टमा गएका थिए । त्यहि अपार्ट्मेटबाट अलाम पक्राउ परेको अलाममाथिको अभियोग पत्रमा जनाएको कुरा संचार माध्यमहरुले लेखेका छन् । आरोपित आसिकुल अलामका तर्फबाट प्रतिनिधित्व गरेका कानुन ब्यबसायीको २ लाख अमेरिकी डलरको धरौटीको प्रस्ताब सम्मानित अदालतकाका न्यायाधिसले समुदायकालागि खतरा हुने कारण देखाउदै अस्विकार गरे । अलाम अमेरिकाका ग्रीन कार्ड होल्डर हुन् ।

न्यूयोर्क ।

अमेरिकी राष्ट्रपति डोनाल्ड ट्रम्पले सोमबार देखि मेक्सिकोलाई लगाउने भनेको अतिरिक्त भन्सार स्थगित गरेको जनाएका छन् । आप्रबासी सम्बन्धि मुद्धामा मेक्सिको सहमतिमा आएसँगै अतिरिक्त भन्सारको निर्णय आफुले फिर्ता लिएको ट्रम्पले जनाएका हुन् । ‘म यो सूचित गर्न चाहन्छु कि संयुक्त राज्य अमेरिका र मेक्सिको बिच एक सहमतिमा हस्ताक्षर भएको छ, जस अनुसार सोमबारबाट मेक्सिकन उत्पादनमा लगाउने भनिएको अतिरिक्त भन्सार अब कार्यान्वयन हुनेछैन’ ट्रम्पले ट्विट गर्दै भनेका छन् । त्यसको बदलामा मेक्सिकोले आफ्नो भूमी भएर अमेरिका छिर्ने आप्रबासीलाई कडाइ गर्ने ट्रम्पको दावी छ । मेक्सिकोले खुकुलो नीति लिँदा दक्षिणी सीमाबाट गैर कानुनी आप्रबासी बढेको आरोप लगाउँदै ट्रम्पले मेक्सिकन उत्पादनलाई अतिरिक्त कर लगाउने घोषणा गरेका थिए

ओर्लेण्डो फ्लोरिडामा १२ बर्षिया बेनिटा डायमोण्डले एक्लै उबर कार चढेर गई आत्महत्या गरेपछि ड्राईभर र कम्पनी समस्यामा परेका छन् । बेनिटाले आफ्नो आमाको फोनबाट उबर एप्स डाउनलोड गरेर आफूले क्रिष्टमसमा पाएको गिफ्ट कार्ड प्रयोग गरी मध्य रातमा उबर कार बोलाएकी थिईन् । 

उनले उबरमा गाडी गराजको गन्तब्य राखेकी थिईन् । जहाँ पुगेर माथिबाट तल हाम्फालेर आत्महत्या गरेकी हुन् । मृतक बालिकाका पिता रोनाण्ड डायमण्डले यस घटनामा कम्पनीलाई दोष दिएका छन् । उनको दाबी छकि कानून बमोजिम कम्पनीले बालिग नभै संरक्षकको मञ्जुरी बिना एक्लै सवारीमा लिन पाईदैन । उनले भनेका छन् “उबरले नियमानुसार गरेको भए मेरो छोरी अहिले मेरो अगाडी हुन्थ्यो” ।

बालिकाले मर्नु अघि नोट लेखेकी थिईन् “फर्किनै नमिल्ने बाटो जाँदैछु” । पिताले भावविह्वल हुँदै थपे “मेरो छोरीले त्यही गरी, जुन कसैले गर्दैन, न मैले गरें” । 

उबरका प्रबक्ताले यस बिषयमा उचित कदम चालिने बताएका छन् भने बालिकाकी आमा लिसा चेनले यस बिषयमा कडा नियम लागू नभए अरूले पनि यस्तो दुखद नियती भोग्न सक्ने बताएकी छिन् । 

यस घटनापछि उबर ड्राईभरहरुले बालबालिकालाई मात्र सवारीमा लिनु अघि सोच्नु पर्ने भएको छ । अमेरिकामा राज्य अनुसार नियम फरक हुनसक्ने भएकोले सम्वन्धित उबर कार्यालयबाट जानकारी लिनूपर्ने हुन्छ ।

एजेन्सी ।

युनाईटेड स्टेट्स सिटीजनसिप एण्ड ईमिग्रेसन सर्भिस ( यु एस सी आई एस ) ले सन् २०१४ देखि सन् २०१८ सम्मको बार्षिक बिवरण सार्वजनिक गरेको छ । यु एस सी आई एसले हाल आफ्नो मातहतमा संसार भरका २३७ कार्यालय मार्फत कुल १९ हजार कर्मचारी केन्द्रिय सरकार अन्तर्गत कार्यरत रहेको बिवरण सार्वजनिक गरेको छ । उसले भनेको छ आफ्नो बजेट सन् २०१७ को तुलनामा ६ प्रतिशत वृद्धि भई ४ अर्ब ४० करोड अमेरिकी डलर पुगेको छ । बिगत ५ बर्षको तुलनामा सन् २०१८ सम्म पुग्दा खर्चमा २७ प्रतिशत वृद्धि भएको र खर्चको ९७ प्रतिशत पूर्ति अध्यागमन सम्बन्धि आवेदक बाट लिने आबेदन सुल्कबाट पुरा हुने गरेको यु एस सी ई एसको बार्षिक बिवरणमा भनिएको छ । यु एस सी आई एसले सन् २०१४ देखि २०१८ सम्म बितरण गरिएको ग्रिन कार्ड र नागरिकताको संख्या समेत सार्वजनिक गरेको छ ।

पाँच बर्षमा कतिले पाए अमेरिकी ग्रिन कार्ड

परिवारको आधारमा सन् २०१४ मा २ लाख ८१ हजार , सन् २०१५ मा २ लाख ८० हजार ७ सय ,सन् २०१६ मा ३ लाख १० हजार २ सय , सन् २०१७ मा ३ लाख १३ हजार र सन् २०१८ मा ३ लाख १ हजार ८ सय गरि ५ बर्षमा परिवारको आधारमा १४ लाख ८६ हजार ७ सय जनाले ग्रीन कार्ड प्राप्त गरेका छन् ।
काम मार्फत सन् २०१४ मा १ लाख ३३ हजार ८ सय ,सन् २०१५ मा १ लाख २४ हजार ३ सय ,सन् २०१६ मा १ लाख १७ हजार ३ सय , सन् २०१७ मा १ लाख २१ हजार ८ सय र सन् २०१८ मा १ लाख २० हजार ३ सय जना आप्र्बा्सिले ग्रीन कार्ड प्राप्त गरे । सन् २०१४ मा ९६ हजार ९ सय जना ,सन् २०१५ मा १ लाख ८ हजार १ सय , सन् २०१६ मा १ लाख १ हजार ९ सय सन् २०१७ मा ९२ हजार ४ सय र सन् २०१८ मा १ लाख १४ हजार ६ सय गरि रेफ्युजी र एसाईलम मार्फत ५ बर्षमा जम्मा ५ लाख १३ हजार आप्रबासीहरुले ग्रीन कार्ड प्राप्त गरेका छन् । अन्य विधा मार्फत ५ बर्षमा ४ लाख १९ हजार २ सय मानिसले ग्रीन कार्ड प्राप्त गरेको यु एस सी आई एसले विवरण मार्फत बताएको छ । सन् २०१४ देखि २०१८ सम्म जम्मा ३० लाख ३७ हजार ३ सय ले अमेरिकाको ग्रीन कार्ड लिएका छन् ।

पाँच बर्षमा कतिले पाए अमेरिकी नागरिकता ?

सन् २०१४ मा ७ लाख २० हजार २ सय ग्रीन कार्ड बाहकले अमेरिकी नागरिकता लिए भने सन् २०१५ मा ८ लाख ६ हजार १ सय ,सन् २०१६ मा ८ लाख ३९ हजार १ सय ,सन् २०१७ मा ७ लाख ९० हजार ४ सय र सन् २०१८ मा ८ लाख ४९ हजार ५ सय ग्रीन कार्ड बाहकले नागरिकता प्राप्त गरे । यु एस सी आई एस का अनुसार ५ बर्षमा ४० लाख ५ हजार १ सय विभिन्न देशबाट आएका आप्रबासीहरु अमेरिकन नागरिक बने ।