Category: अमेरिका

२० जनाको मृत्‍यु र दुई दर्जनलाई घाईते पारेको टेक्ससको मास सुटिङ्को १३ घण्टापछि ओहायोमा पुन: अर्को मास सुटिङ्  हुँदा ९ जनाको मृत्‍यु र १६ जना घाईते भएका छँन् । यो घटना अमेरिकामा घटेको २४ घण्टा भित्रको दोश्रो मास सुटिङ् हो भने एक हप्ता भित्रको तेश्रो घटना हो । अाईतबार बिहान डेटन वोरेगनस्थित डाउन टाऊनका बिभिन्न बार रेस्टुरेण्टमा अन्धाधुन्द गोली चलाईएको हो । वोरेगनका बार तथा रेस्टुरेण्टहरु सप्ताहन्तको रातमा ज्यादा ब्यस्त रहने गर्दछन्      । प्रहरीका अनुसार पहिलो सुटिङ् रातको १ बजे शुरु भएको थियो भने गोली प्रहार गर्ने ब्यक्तीको प्रहरीको गोलीद्वारा मृत्‍यु भएको छ ।  

अाईतबार बिहानै आयोजित पत्रकार सम्मेलनमा डेटनका मेयरले संचार माध्यमहरुलाई बताए अनुसार गोली प्रहार गर्ने ब्यक्तीले बडी आर्मर लागाएका थिए भने म्याग्जिन सहितको २२३ क्यालिबर बन्दुक चलाएका थिए ।

न्यूयोर्क

जब राजनीतीको कुरा आउँछ एक थरी मानिस् भन्ने गर्दछन् “पोलिटिक्स् ईज अ डर्टी गेम” याने कि राजनीति फोहोरी खेल हो । चुनाव जित्नको लागि अनेकौ राम्रा नराम्रा उपाय अपनाउने चलन नेपालमा त देखेकै थियो । बिपरित भुगोल अमेरिकामा पछिल्ला समय राजनीतिक हिंसा झन झन बढदो छ । फरक राजनीतिक बिचार बोक्ने फरक राजनीतिक पार्टीको वकालत गर्नेहरु अमेरिकामा दिन दिनै असुरक्षित हुन थालेका छन । यस्ता राजनीतिक हिंसाहरु पछिल्ला  बर्षहरुमा ब्यापक बृद्धी हुँदै गएको हो ।  हिंसाको नयाँ घटना न्युयोर्क राज्यमै घटेको छ ।  

कानूनी राजको बारेमा गर्वका साथ पैरवी गर्ने अमेरिकाको न्यूयोर्क शहरमा राष्ट्रपति ट्रम्पको गत चुनाबी नारा “मेक अमेरिका ग्रेट अगेन” लेखिएको रातो क्याप  लगाएर बाटोमा हिंड्दा एक युवा पिटिएका छन् । म्यानह्याटनको चाईना टाउनस्थिए कनाल स्ट्रिटमा साँझ ७ बजे एक्लै हिडिरहेका बखत उनी पिटिएका हुन् । 

पिडित ४२ वर्षिय जहाँगिर तुरानले न्यूयोर्क प्रहरीलाई घटना बारे बताए “करिब सात बजे साँझ डिनरको लागि जाँदै गर्दा टिनएजर्स युवाको एक जमातले ट्रम्पको नाम जोडेर अश्लिल शब्द प्रयोग गर्न थाले । अकस्मात एउटा केटीले मेरो ट्रम्प लेखेको टोपी उडाईदिईन् ।  त्यस्तै ५/७ सेकेण्डको बिचमा अर्कोले पछाडिबाट जोडले धकेल्यो । मैले सन्तुलन गुमाएँ र मेरो अनुहार घर मर्मत गर्न छेकि राखेको फलाममा गएर ठोक्कियो” । 

तुरान एक व्यापारी हुन । उनको म्यानह्याटनमा आफ्नै आर्ट ग्यालेरी छ । न्यूयोर्क प्रहरीले यस सम्बन्धमा अनुसन्धान गरी रहेतापनि कुनै पनि ब्यक्ती पक्राऊ परेको छैन । साथै पिडित तुरानले पनि कुनैपनि आक्रमणकारीको प्रस्ट हुलिया दिन सकेका छैन । पिडितले डेलिन्यूज सम्बाददातालाई बताए अनुसार घटना युवाको जमात माझ यति छिटो घट्यो कि उनले के गर्ने भन्ने सोच्न र सावधानी अपनाउन समेत भ्याएनन् ।

तुरानले हालसम्म कुनैपनि गिरफ्तारी प्रहरीबाट नहुनु दुखद रहेको बताए । साथै अब न्यूयोर्कमा उक्त ह्याट कहिल्यै पनि नलगाउने उल्लेख गरे ।न्युयोर्क डेमोक्र्याटिक  पार्टी बाहुल्यता भएको राज्य मानिन्छ  ।  

यस अघि सन् २०१७ मा एक बारमा ह्याप्पी आवरको समयमा ग्रेग पिटेक नाम गरेका एक ग्रहकलाई “मेक अमेरिका ग्रेट अगेन”  लेखिएको ट्रम्प समर्थक क्याप लगाएका कारण बार छोड्न भनिएको थियो ।  उनले बार मालिकलाई भेदभावपूर्ण व्यवहारको लागि मुद्दा हाले । सुनुवाईका बिभिन्न चरण पछि अदालतमा मुद्दा डिसमिस भएको थियो ।

बिरलै देखिने र सुनिने “टिक बर्न” रोगका कारण अमेरिकाको न्युयोर्कमा गत बिहीवार एक जनाको मृत्‍यु भएको स्वास्थ्य अधिकारीहरुले बताएका छन । पहिचान नखुलाईएका हड्सन भ्याली निवासी ब्यक्तीको पोवासन (Powassan) नामक जिवाणुको कारण मृत्यु भएको घटना न्युयोर्कमा यो बर्ष पहिलो हो । पोवासन जिवाणु झट्ट हेर्दा सामान्य किरा जस्तो देखिने “डियर टिक” को टोकाईबाट मानव शरिरमा फैलने गर्दछ । डियर टिक किरा पुर्वी अमेरिकामा ब्यापक रुपमा पाईने किरा हो ।  यदी मानिसलाई त्यस्तो संक्रमित किराले टोकेको अवस्थामा मानिसको ज्यान नै जाने खतरा हुने गरी जिवाणु ब्रेनसम्म पुग्ने र ब्रेन सुन्निने हुन्छ, जस्को उपचार नै हुँदैन । डियर टिकको टोकाईबाट मानव शरिरमा सर्ने यो रोग बिरलै देखिने गरेपनि अमेरिकामा बिस्तारै बढदै गएको स्वास्थ्य अधिकारीहरुले बताएका छन् ।  

अमेरिकामा यस्तो प्रकृतिको स्वास्थ्य समस्या सन २००९ मा ६ वटा पाईएको थियो भने अघिल्लो बर्ष मात्र २१ वटा यस्ता केसहरु आएका थिए । पोवासन भाईरसको संक्रामणपछि मानिसलाई सामान्यतया टाउको दुख्ने ज्वरो आउने रिङ्गटा लाग्ने जस्ता संकेतहरु देखा पर्दछन् अनि बिस्तारै  जिवाणुले दिमागमा आक्रमण गर्दछ । १० जना यस्ता बिरामीमा १ जनाको मृत्‍यु हुने गरेको छ भने सन्चो भएर फर्किनेहरु पनि जीवनभर पूर्ण स्वस्थ भने हुन सक्दैनन् ।  

श्रोत : डेली मेल

न्यूयोर्कको ब्रुक्लिनमा अज्ञात ब्यक्तीले भिडमा गोली चलाएर दुई जनाको मृत्‍यु भएको भोलीपल्ट पश्चिमी राज्य क्यलिफोर्नियामा पनि अाइतबार राती एउटा फुड फेस्टिबलमा गोली चल्दा ३ जनाको मृत्‍यु भएको छ भने १५ जना घाईते भएका छन् । घाईतेहरुलाई तत्काल अस्पताल पुर्याएर उपचार भै रहेको छ । उत्तरी क्यलिफोर्नियाको गिलरोय शहरमा साँझ आयोजित फुड फेस्टिबलको भिडमा साँझ ४ बजेर ४१ मिनेट जाँदा गोली प्रहार भएको हो । सन्धिग्द अपराधी पनि गोली प्रहारबाट मरिएका छन् । गोली प्रहारबाट ६ वर्षिय नाबालक पनि मारिएका छन् ।भिडमाथि गोली प्रहारको उद्देश्य के हो भन्ने कुरा प्रस्ट नभएको अधिकारीहरुले बताएका छन् ।अपराधमा संलग्न अन्य ब्यक्तीहरु कोही भए नभएको खोजी भै रहेको समेत अधिकारीहरुले बताएका छन् ।

५० हजार मानिस बसोबास गर्दै आएको गिलोरी शहर सानहोजेबाट ३० माईल्स दक्षिण पूर्वमा पर्दछ ।

एजेन्सी

न्यूयोर्क   

शनिबार राती न्यूयोर्क शहरको ब्रुकलिनमा भिडमाथी गोलीबारी हुँदा १ जनाको मृत्‍यु र  १२ जना घाईते भएका छन् । शनिबार राती अन्दाजी १० बजे ब्रुकलिनस्थित ब्राउन्सभिलको एक खेल मैदानमा गोली चल्दा उक्त घटना भएको हो । खेल मैदान क्रिस्टोफर र हेगीम्यान एभेन्युको इन्टर्सेक्सनमा पर्दछ । स्थानीय “वल्ड टाइमर विक” को एक सामुदायीक कार्यक्रमले नजिकै बसोबास गर्ने थुप्रै मानिसको ध्यान खिचिरहेको समयमा अकस्मात भिडमाथि गोली प्रहार भएको बिभिन्न समाचार एजेन्सीहरुले जनाएका छन् । घटना लगतै मेयर बिल डे ब्लाजियोले ट्वीटर मार्फत “ब्राउन्सभिलमा शान्तिपूर्ण भईरहेको सामुदायीक कार्यक्रम दर्दनाक गोलीबर्षाले तहसनहस पारेको छ” । उनी थप्छन् ” हाम्रो समुदाय र सडक बन्दुक रहित बनाउन बनाउन हामी जे गर्न पनि तयार छौं” ।

घटनामा प्रहरीले परिचय नखुलाएका ३८ बर्षिय एक जनाको टाउकोमा गोली लागेको कारण अस्पताल पुर्याए लगतै मृत्‍यु भएको छ भने अन्य १२ जनाको नजिकैको असपतानमा उपचार भै रहेको अधिकारीहरुले बताएका छन् ।  

प्रहरीले गोली प्रहार गर्ने अपराधीको खोजी गरी रहेको बताएको छ । यदी कसैलाई यो घटना बारे जानकारी भए न्युयोर्क प्रहरीको सम्पर्क नम्बर १-८००- ५७७- ८४७७ मा फोन संपर्क गर्न र प्रहरीको ट्विटर् एकाउन्ट     NYPDTips मा संपर्क गर्न भनिएको छ ।

अमेरिकी सरकारले अदालतलाई छलेर अप्रावासीहरूलाई देशनिकाला गर्न मिल्ने द्रुत प्रकृतिको नयाँ प्रक्रिया मङ्गलवार शुरू गर्दैछ।
नयाँ नियम अन्तर्गत अमेरिकामा निरन्तर दुई वर्ष बसेको पुष्टि गर्न नसक्ने आप्रवासीहरूलाई तत्कालै उनीहरूको देशमा फर्काउन मिल्छ।
अहिलेसम्म यस्तो नियम सीमामा गिरफ्तार गरिएका र अमेरिकामा दुई हप्ताभन्दा कम बसोबास गरेका व्यक्तिहरूमा मात्रै लागु थियो।
अधिकारवादी संस्थाहरूले यो नियमले सयौँ मानिसहरू प्रभावित हुनसक्ने बताएका छन्।
अमेरिकी सिभिल लिबर्टिज युनियनले यो नियमलाई अदालतमा चुनौती दिने बताएको छ।मङ्गलबार प्रकाशन भएलगत्तै यो नयाँ कानुन कार्यान्वयनमा आउने बताइएको छ।मेक्सिकोसँग जोडिएको दक्षिण सीमा क्षेत्रमा रहेका बन्दीगृहको अवस्थालाई लिएर अमेरिकी आप्रवासन नीतिको हालैका महिनामा आलोचना भएको छ।
कार्यवाहक आन्तरिक सुरक्षा मामिलामन्त्री केभिन माकालिननले पछिल्लो परिवर्तनले बोझ कम गर्ने र सीमा क्षेत्रका आप्रवासी गृहको क्षमतासम्बन्धी सवालहरू सम्बोधन गर्न मद्दत गर्ने बताएका छन्।
विश्लेषकहरूले आप्रवासनसम्बन्धी कठोर नीतिलाई राष्ट्रपति डोनल्ड ट्रम्पले सन् २०२० को पुनर्निर्वाचन अभियानको प्रमुख मुद्दा बनाएको बताएका छन्।

के परिवर्तन हुँदैछ?

अमेरिकामा दुई हप्ताभन्दा कम समय बिताएका र सीमाको एक सय ६० किलोमिटर आसपासको दुरीमा पक्राउ गरिएका व्यक्तिहरूलाई तत्काल देशनिकाला गर्न सकिने प्रावधान छ।
अन्यत्र फेला परेका आप्रवासीहरू र दुई हप्ताभन्दा बढी अमेरिकामा बसिसकेका व्यक्तिहरूबारे अदालती बाटोबाट निर्णय गर्नुपर्छ। त्यस्ता व्यक्तिले वकिल राख्न पाउँथे।
तर नयाँ नियमले जहाँ पक्राउ परेको भएपनि वकिलसँग पहुँच नदिइकनै उनीहरूलाई देशनिकाला गर्न सकिनेछ।
डिपार्टमेन्ट अफ होमल्याण्ड सेक्युरिटीले ठूलो सङ्ख्यामा गैरकानूनी आप्रवासीहरूलाई प्रभावकारी रूपमा नियन्त्रणमा लिन पछिल्लो व्यवस्थाले मद्दत गर्ने उल्लेख गरेको छ।

को प्रभावित हुन्छन्?

पिउ रिसर्च सेन्टरका अनुसार अमेरिकामा कागजातविहीन झण्डै एक करोड पाँच लाख आप्रवासी छन्। तीमध्ये वयस्क उमेरका आप्रवासीहरू औसतमा अमेरिकामा १५ वर्ष बसेका छन्।
अमेरिकी आन्तरिक सुरक्षा मामिला मन्त्रालयले गम्भीर स्वास्थ्य अवस्था रहेका र अमेरिकासँग ‘उल्लेख्य सम्बन्ध’ रहेका व्यक्तिहरूलाई छुट दिन सकिने उल्लेख गरेको छ।
शरणार्थीको योग्यता पुगेका आप्रवासीहरूलाई शरणार्थी हेर्ने अधिकारीसँग कुरा गर्न दिइने र उनीहरूको दाबी सम्बन्धित अधिकारीहरूले जाँच गर्ने भनिएको छ।कतिपय अधिकारवादीहरूले धेरै आप्रवासीहरूले आफू अमेरिकामा बसेको समय पुष्टी गर्न सङ्घर्ष गर्नुपर्ने बताएका छन्।
माइग्रेसन पोलिसी इन्स्टिच्युटका वकिल मुज्जफर चिस्टी भन्छन्, “जब चोक वा फ्याक्ट्रीमा तपाईंलाई पक्राउ गरिन्छ, त्यो बेला तपाईं दुई वर्षदेखि बसिरहेको प्रमाणित गर्नसक्नुहुन्न किनभने तपाईं सधैँ सबै कागजपत्र बोकेर हिँड्नु हुन्न।”
सोमवार नयाँ नियम घोषणा भएको केही घण्टापछि नै अमेरिकी सिभिल लिबर्टिज युनियनले कानुनी चुनौती दिने घोषणा गरेको थियो।
नर्थवेस्टर्न युनिभर्सिटीका राजनीतिशास्त्रका प्राध्यापक ज्याकी स्टेभेन्सका अनुसार अमेरिकी आप्रवासन निकायले गिरफ्तार गर्नेमध्ये एक प्रतिशत र देशनिकाला गर्नेमध्ये आधा प्रतिशत अमेरिकी नागरिक नै रहने गरेका छन्।
उनी भन्छिन्, “द्रुतरूपमा देशनिकाला गर्नसक्ने व्यवस्थाले अवस्थालाई अझ खराब बनाउनेछ।”

( यो सामाग्री बि बि सि न्युज नेपालीबाट लीएको हो )

न्यूयोर्क   

न्यूयोर्कको क्विन्समा एक जना हिन्दू मन्दिरका पुजारी माथि आक्रमण भएको छ ।  गत जुलाई  १८ तारिख बिहीवार बिहान ११ बजे ६२ वर्षिय पुजारी हरिषचन्द्र पुरी माथि आक्रमण भएको हो । ग्लेन ओक्सस्थित शिब शक्ती पिठ नजिकै धार्मिक लुगा लगाएर हिंडी रहेको समयमा पछाडिबाट आएर अकस्मात आक्रमणकारीले पुजारी पुरी माथि आक्रमण गरेको थियो ।आक्रमणबाट घाईते पुजारी उपचारपछि घर फर्किएका छन् ।  

प्रहरीले आक्रमणसँग सम्बन्धित एक जना ५२ वर्षिय सर्जिओ गौभियालाई पक्राउ गरेको छ । प्रहरीले ती सन्धिग्द ब्यक्तीमाथि आक्रमण   उत्पिडनको केस फाईल गरेको छ । प्रहरीले उक्त आक्रमण घृणा सम्बन्धि अपराध भए नभएको अनुसन्धान गरिरहेको बताएको  छ ।

विश्वन्युज /अमेरिका 

अमेरिकाको टेक्ससस्थित एक हाईवेमा गाडीहरु एकापसमा ठक्कर खाँदा ५ जनाको मृत्‍यु भएको छ भने अन्य ५ जना घाईते  भएका छन् । ह्युस्टनबाट दक्षिण पश्चिममा पर्ने हाईवे ५९ मा शनिबार बिहान १८ चक्के एक ट्रक र यात्रु वाहक भ्यान ठोक्किदा २ नाबालक सहित ५ जनाको मृत्‍यु भएको टेक्सस स्थित डिपार्टमेण्ट अफ पब्लिक सेफ्टीले जनाएको छ ।  

हाईवे ५९ मा एकै दिशामा दाँया र बाँया लेनमा कुदिरहेको समयमा अकस्मात बाँया लेनमा कुदिरहेको यात्रु बाहक भ्यानको पछाडिको भाग १८ चक्काको बिशाल ट्रकमा ठोक्किन पुगेको थियो । यात्रु बाहक भ्यानमा १० जना यात्रा गरी रहेका थिए । दुर्घटना भएपछि तिब्र गतिमा गुडिरहेको ट्रक झण्डै १५ सय फिट पर गएर सुरक्षित तरिकाले रोकिएको थियो । दुर्घटनामा परेको सन २०१६ मा निर्मित सेतो फोर्ड गाडीमा सवार यात्रुहरुको पहिचान खुलाईएको छैन ।  

श्रोत : एजेन्सी

विश्वन्यूज/न्यूयोर्क

अमेरिकामा झन्डै २० करोड मानिसले यो सप्ताहन्त कठोर गर्मीको सामना गर्दै छन् ।शिकागोस्थित मौसम पूर्वअनुमान कार्यालयले यो सप्तान्तको गर्मीलाई सन् २०१२ देखि यताकै सबैभन्दा धेरै गर्मी भनेको छ । मध्य अमेरिकादेखि पूर्विय तटसम्म महसुस गरिने यो तापका कारण हालसम्म २ जनाको मृत्‍यु भई सकेको छ । सुपर बलका चर्चित खेलाडी मिच प्रेटरसको गर्मीका कारण आर्कान्सासस्थित आफ्नै अपार्टमेन्टमा निधन भयो । न्युयोर्क राज्यका खुल्ला चौरमा आयोजित अधिकांश कार्यक्रम रद्द गरिएका छन् भने बाहिर नहिंड्न सार्वजनिक सुचना समेत जारी गरिएको छ ।
उच्च तापक्रमका कारण विन्सकन्सिन् राज्यका २ वटा बिधुतीय सब-स्टेसनमा आगलागी हुँदा बिधुतीय अवरोध उत्पन्न भएपछि राज्य सरकारले संकटकाल घोषणा गरेको छ ।
न्यु अर्लिन्स राज्यमा हिजो शुक्रबार १ बजे १२० डिग्री फरेनहाइट्स् (झन्डै ४९ डिग्री सेल्सियस् ) मापन गरिएको थियो । मायामीदेखि मिनियापोलिससम्मका सम्पूर्ण भागहरुमा हिजो शुक्रबार १०० डिग्री भन्दा माथिको तापक्रम मापन गरियो । मध्य पश्चिमका माथिल्लो केही भाग र पूर्वीय तटका सम्पूर्ण राज्यहरुमा शनिबार र अाईतबार १०० डिग्री माथिको तापक्रमको पूर्वानुमान गरिएको छ ।

विश्वन्यूज/अमेरिका 

आफ्नै पिताले हिर्काएको गल्फ बलले दुर्घटनाबस् आफ्नो नाबालिका छोरीको टाउको पछाडि गर्दनमा लाग्दा मृत्‍यु भएको छ । सोमबार अमेरिकाको युटास्थित स्लिपी हिल गल्फ कोर्समा आफ्नै पिताले गल्फ खेलेको हेरेर बसेकी ६ वर्षिया अरिया हिललाई आफ्नै बाबुले हानेको गल्फ बलले लाग्दा मृत्‍यु भएको हो । बलले टाउको पछाडिको गर्दनमा लागेर घाईते हुने बित्तिकै बोलाईएका प्यारा मेडिक्सले सामान्य उपचार गरी अरियालाई अस्पताल लगिएको थियो ।  उनको १२ घण्टापछि अस्पतालमा मृत्‍यु   भएको थियो ।  

पारिवारिक श्रोतको हवाला दिंदै बिभिन्न समाचार एजेन्सीहरुले भनेका छन् ‘अरिया आफ्नो अभिभाबकहरुले खेलेको गल्फ हेर्न रुचाउथिन्’ । घटना घटेको दिन पनि करिव २० यार्डको दुरीमा गल्फ कार्टमा बसेर आफ्नो बाबुले खेलेको गल्फ हेर्दै थिईन । गल्फ खेल्दै गरेका आफ्नो बाबुको ठ्याक्कै अगाडि र पछाडि पनि थिईनन् । तर पनि बल आएर उनको ज्यान लियो । प्रहरीले घटनाको अनुसन्धान गरिरहेको बताए पनि घटना भवितब्य  भएको कारण हालसम्म कुनै मुद्दा बनाएको छैन ।  

मृतक बालिकाको सम्झनामा अहिले “गो फन्ड् मि” मार्फत २५ हजार अमेरिकी डलर लक्ष्य राखेर रकम संकलन शुरु गरिएको छ ।

न्युयोर्क

अमेरिकी सदनले आधिकारिक रुपमा राष्ट्रपति ट्रम्पको नस्लबादी भाषा प्रयोग गरिएको ट्विट्लाई निन्दा गर्दै संकल्प प्रस्ताव पास गरेको छ । सदनमा मंगलबार राष्ट्रपति ट्रम्पको बिरुद्ध पास गरिएको संकल्प प्रस्तावको पक्षमा २४० मत परेको थियो भने बिपक्षमा १८७ मत परेको थियो । ४ रिपब्लिकन प्रतिनिधि सभा सदस्य र एक जना स्वतन्त्रत सदस्यले पनि ट्रम्पको बिवादास्पद ट्विट बिरुद्धको संकल्प प्रस्तावमा मतदान गरेका थिए ।
राष्ट्रपति ट्रम्पले गत अाईतबार डेमोक्र्याटिक पार्टीका तर्फबाट प्रतिनिधित्व गरेका ४ महिला सदस्यहरुलाई “जुन देशबाट आएको हो त्यही देशमा फर्किनु” भन्ने अभिब्यक्ती नस्लबादी भएको भन्दै केही दिनदेखि अमेरिकी राजनीति निकै तातेको छ ।ट्रम्पको उक्त ट्विट् बिबादमा परेपछि आफ्नो अभिब्यक्ती नस्लबादी नभएको र धेरै मान्छेले मन पराएको भन्दै उनले आफ्नो बचाउ गर्दै आएका छन् ।ट्रम्पले प्रतिनिधि सभाका ४ जना महिला सदस्यहरुलाई आफ्नै देश फर्किएर गए हुन्छ भनेको केही दिन पछी आज मंगलवार उनले “उमन – फर ट्रम्प २०२०” भन्ने चुनावी अभियान समेत शुरु गरेका छन् ।

श्रोत : एजेन्सी

न्युयोर्क   

गत अाईतबार राष्ट्रपति डोनाल्ड ट्रम्पले रंगभेदलाई भड्काउने अर्को एउटा बिवादास्पद ट्विट् गरेपछि अमेरिका तातेको छ । राष्ट्रपति ट्रम्पले गत अाईतबार अमेरिकी सदनका ४ जना महिला सदस्यलाई लक्षित गर्दै लेखे “किन तिनीहरु पूर्ण रुपमा क्षत बिक्षत र अपराधले भरिएको आफ्नै देश फर्किएर त्यहाँ राम्रो गर्दैनन्”। ट्रम्पले अमेरिकी सदनका प्रगतिशिल बिचार बोक्दै आएका सदस्यहरु अलेजेन्ड्रिया ओकासा कोट्रेज रशिदा तलिब अयाना प्रेसली र ईलान ओमारलाई लक्षित गर्दै ट्विट गरेका थिए । ट्रम्पले आफ्नै अपराधले भरिएको देशमा फर्किएर गए हुन्छ भनेर आरोप लगाईएका ४ जना प्रतिनिधि सभा सदस्य नै अमेरिकन नागरिक हुन । जस मध्ये ३ जना त अमेरिकामा नै जन्मिएका जन्मसिद्ध नागरिक हुन् भने एक जना नेचुरलाईज्ड नागरिक हुन् ।  

ट्रम्पले आफ्नो अाईतबारको ट्विट् जातीबादी भन्दै बिबादमा परेपछि आज सोमबार एक पत्रकार सम्मेलन गरी आफुले लेखेको कुरा रंगभेद सम्बन्धि नभएको भन्दै बचाउ गरे ।  उनले उक्त कुरा धेरैलाई मन परेको बताए, साथै उनले मेरो भन्नु यति हो कि तिनीहरु जान चाहन्छन् भने जाँदा हुन्छ भन्ने प्रतिकृया  समेत दिए । 

राष्ट्रपति ट्रम्पको उक्त अभिब्यक्तीको ब्यापक आलोचना भै रहेको छ भने उनको आफ्नै दलका माथिल्लो पदका नेताहरु समेत रंगभेद भड्काउन सक्ने भन्दै बिरोधमा बोल्न थालेका छन् ।

न्यूयोर्क 

४२ बर्षपछि अकस्मात बिद्युत आपूर्ति बन्द हुँदा अन्धकार हुन पुगेको न्यूयोर्कको म्यानह्याटन सहरमा आईतबार बिहान उज्यालो हुनुभन्दा पहिला नै बिद्युत आपूर्ति सामान्य भएको छ । हिजो शनिबार साँझ अकस्मात बिद्युत आपूर्ति बन्द हुँदा केही घण्टासम्म २४ घण्टा धपक्कै बल्न्ने टाईम्स स्क्वायर अन्धकारमा हरायो । हजारौं यात्रुहरु रेलको डिब्बा एलिभेटर भित्र अड्किए । असक्त र बिरामीहरुलाई अग्ला भवनको टुप्पोमा रहेका अपार्टमेन्टसम्म पुग्न मुस्किल भएका कारण ९११ मा हजारौं फोन कल आएका थिए । सडकका हरेक इण्टरसेक्सनमा ट्राफिक लाईट नबल्दा जनता नै बसेर ट्राफिकको काम गरेको दृष्य न्यूयोर्क सहरको लागि निकै नौलो थियो । चर्चित ब्रोडवे शोको बिचमा बत्ती निभ्दा मानिसहरु सडकभरी जम्मा भएका थिए भने म्याडिसन स्क्वायर गार्डेनमा चल्दै गरेको जेनिफ़र लोपेजको कन्सर्ट रद्ध भई भोली सोमबार साँझको लागि तय गरिएको छ । केही घण्टाको फरकमा बिद्युत आपूर्ति सुचारु हुँदा मानिसहरुले खुसियाली समेत मनाएका थिए ।

आईतबार साँझदेखि गएको बिद्युत आपूर्ति मध्यरात पछि पुर्णरुपमा सुचारु भएको अधिकारीहरुले बताएका छन् । मिड टाऊन र अपर वेष्टसाईड म्यानह्याटनको संपूर्ण भागमा बत्ती जाँदा ७२ हजार ग्राहक संख्यामा प्रभावित भएको कनएडिसनले जनाएको छ । यद्यपी कोही पनि घाईते भएको सुचना प्राप्त भएको छैन । 

सन् १९७७ को जुलाई १३ कै दिन न्युयोर्कमा २५ घण्टा बिद्युत आपूर्ति बन्द हुँदा हजारौं ठाँऊमा अपराधका घटना घटेको थियो ।