Category: डायस्पोरा

न्यूह्यामसर

राज्यमा स्वयंसेवा प्रवर्धनका लागि अग्रणी संस्था ‘भोल्युन्टर एनएच’ले सकृय समाजसेवीहरुलाई सम्मान प्रदान गरेको छ । बिभिन्न शिर्षकमा प्रदान गरिएको सम्मान चार जना नेपाली व्यक्ती र एक नेपाली संस्थाले समेत पाएका छन् ।

‘भोल्युन्टर एनएच’ले बर्षेनी प्रदान गर्दै आएको ‘स्पिरिट अफ न्यूह्यामसर’ अवार्ड कार्यक्रममा यसैपाली थप गरिएको विधा पिपुल्स च्वाइस अवार्डबाट समाजसेवी इश्वरी भट्ट पुरस्कृत भए । कोरोना भाइरस संक्रमणका कारण बुधबार बुधबार साँझ ‘भर्चुअल’ समारोह आयोजना गरि अवार्ड वितरण गरिएको हो ।

• 

बिभिन्न विधामा पुरष्कृत ६४ समाजसेवीमध्ये खुला मतदान मार्फत पिपुल्स च्वाइस अवार्ड बिजेता चयन गरिएको हो । सन् २००३ देखि न्यू ह्यामसरमा बसोबास गर्दै आएका भट्ट नेपाली समुदायमा समाजसेवाका लागि सुरु देखि नै सकृय छन् । समुदायमा अफ्ठेरोमा परेका ब्यक्तिलाई काम एवं कोठा खोज्ने देखी आवश्यक परेको जे सुकै सहयोग गर्न पनि आफु तत्पर रहेको भट्ट बताउँछन् । सन् २०१५ मा नेपालमा गएको महाभूकम्प पिडितलाई सहयोगका लागि भट्टले आर्थिक संकलनमा सकृय तत्परता देखाएका थिए ।

उनी राज्यमा बसोबास गर्ने नेपालीहरुको छाता संस्था न्यूह्यासर नेपाली समाजमा स्थापना देखिनै आवद्ध छन् । बिभिन्न कारणले आर्थिक अफ्ठेरोमा परेका नेपालीलाई सघाउन उनले सन् २०१५ मा आपतकालिन राहत कोष स्थापना गरेका थिए । सन् २०१७ यता समाज अन्तर्गत रहेको कोषको संयोजक भट्ट नै रहेका छन् । कोषबाट हालै कोरोना भाइरस महामारीका कारण काम गुमाएका नेपाली विद्यार्थीहरुलाई आर्थिक सहयोग प्रदान गरिएको थियो । भट्ट अन्तराष्ट्रिय नेपाली साहित्य समाज (अनेसास) मार्फत भाषा साहित्यको प्रवर्धनमा पनि सकृय छन् । अनेसास न्यूह्यामसर च्याप्टरको उनी प्रधान सम्पादक रहेका छन् ।

त्यस्तै उत्कृष्ठ समाजसेवीको रुपमा सम्मान्नित हुनेमा गुरुङ समाज न्यूह्यामसरकी अध्यक्ष एवं गैर आवासीय नेपाली संघ अमेरिकाकी बोर्ड अफ डाइरेक्टर छत्रकुमारी गुरुङ पनि छिन् । एनएच भोल्युन्टरले गुरुङलाई कोरोना भाइरस संक्रमणका बेला समुदायको हितका लागि सदैव तत्पर व्यक्तिको रुपमा सम्मान गरेको जनाएको छ । सन् २००७ देखि राज्यमा बसोबास गर्दै आएकी गुरुङले अफ्ठेरोमा परेका ब्यक्तिलाई आवास खोजिदिने देखि काम र व्यवसाय सुरुवातसम्ममा सहयोग पुर्याउँदै आएकी छिन् । उनी सामाजीक न्यायका दृष्टिले समेत समाजसेवामा सकृय रहेको संस्थाले उल्लेख गरेको छ ।

उत्कृष्ठ समाजसेवीको रुपमा सम्मान पाउने अन्य नेपालीमा एरभेष्ट सेन्थेनियल लाइन्स क्लवका सचिव अजय रानाभाट र कोब्ली साएर कलेजकी नर्सिङ विदर्यार्थी स्मृती शर्मा सापकोटा रहेका छन् । रानाभाटले कोरोना भाइरस संक्रमणका बेला लाइन्स क्लव मार्फत निरन्तर समाजसेवी भूमिका निभाएको संस्थाले जनाएको छ । कलेजको क्रस कल्चलर क्लवकी उपाध्यक्ष रहेकी शर्माले सामूदायीक नेतृत्व देखाएका कारण उनलाई यस बर्षको ‘न्यूम्यान सिभिल फेलो’ अवार्ड प्रदान गरिएको जनाएको छ । शर्माले २२ मुनिका युवा उमेर समूह एवं अरु तीन जनाले वयस्क समूह अन्तर्गत सम्मान पाएका हुन् ।

यस्तै सामाजीक गतिविधीमा सम्लग्न गैर नाफामुलक संस्थातर्फ न्यू ह्यामसर नेपाली समाज पनि सम्मान्नित भएको छ । राज्यमा बसोबास गर्ने नेपालीहरुको साझा भरोसाको रुपमा रहेको संस्थाले कोरोना भाइरस संक्रमणका बेला सुरक्षा उपकरण जुटाएर समुदायमा वितरण गरेको थियो । राज्य बाहिर बस्ने नेपालीहरुलाई समेत संस्थाले सहायता प्रदान गरेको थियो । नेपाली भाषा एवं कला संस्कृती प्रवर्धनमा संस्था निरन्तर सकृय छ ।

स्पिरिट अवार्ड पाउने नेपाली मूल बाहेक अन्य व्यक्ति एवं संस्थामा राज्यमा सकृय खाद्य बैंक एवं विभिन्न सामाजीक अभियन्ताहरु छन् । अधिकांशले कोरोना भाइरस संक्रमणसँग जुध्न समाजको गरेको योगदानकै कारण सम्मान गरिएको ‘भोल्युन्टर एनएच’ले जनाएको छ ।

काठमाडौं

महिलाका लागि महिलाद्वारा अभियान अन्तर्गत अमेरिकाको न्युयोर्कमा संचालन हुँदै आएको ”नेपाली लेडिज साँझ न्युयोर्क” ले यो बर्ष नेपालस्थित थापाथलीको प्रसुति गृहमा सुत्केरी हुन आउने महिला र उनका कुरुवालाई झन्डै तीन महिना लगातार निशुल्क भोजन गराएको छ ।
प्रारम्भमा अमेरिकाको न्युयोर्क, न्युजर्सी, कनेक्टिकट वरपर बसोबास गर्दै आएका महिलाहरुमा भातृत्व बिकास गर्दै एक आपसका सुख दु:ख बाढ्ने उदेश्यले हरेक बर्षको जुन महिनामा आयोजना गरिदै आएको ”नेपाली लेडिज साँझ” पछिल्लो समय सामाजिक संस्थाको रुपमा रुपान्तरित हुँदै गएको छ । संस्थाले यसै अभियान अन्तर्गत यो बर्ष कोभिड -१९ को महामारीका कारण अप्ठेरोमा परेका सुत्केरी महिला र तीनका कुरुवाहरुलाई पोषण युक्त खाना गत दशैं अघिदेखि दिपावली पछिसम्म बितरण गरेको लेडिज साँझद्वारा जारी बिज्ञप्तिमा जनाएको छ । संस्थाले ति महिला र कुरुवाहरुलाई निशुल्क खाना बितरणको लागि नेपालस्थित बहादुर शाह स्‍मृति प्रतिस्ठान र कृति फाउन्डेसनको सहकार्यमा बितरण गरेको समेत जनाएको छ । दुई सय भन्दा धेरै सुत्केरी र कुरुवालाई करिब एक लाख १० हजार रूपैयाको खाना बितरण गरिएको समेत नेपाली लेडिज साँझ न्युयोर्कले जनाएको छ ।
नेपाली लेडिज साँझ न्युयोर्क एक गैह्र राजनीतिक, गैह्र धार्मिक सामाजिक संस्था हो । सन् २०१२ देखि संचालनमा आएको यो संस्थाले यो बर्ष थापाथलीस्थित प्रसुति गृहमा आएका महिलालाई सहयोग गरेपछि सहकार्य गरेको नेपालस्थित संस्था बहादुर शाह स्‍मृति प्रतिस्ठानका महासचिब स्वर्ण बिक्रम शाहले नेपाली लेडिज साँझलाई धन्यबाद ब्यक्त गरेका छन् ।

काठमाडौं । मन्त्रिपरिषद बैठकले तीन देशका लागि राजदूत सिफारिस गरेको छ । मंगलबार बिहान बालुवाटारमा बसेको बैठकले कोरिया, श्रीलंका र इजिप्टका लागि राजदूत सिफारिस गरेको हो ।

श्रोतका अनुसार कोरियाका लागि डा कृष्णचन्द्र शर्मा, श्रीलंकाका लागि रमेशचन्द्र पौडेल र इजिप्टका लागि निर्मलराज काफ्लेको नाम सिफारिस भएको छ ।

कल्पना घिमिरे, न्युयोर्क

विश्व सम्पदा सुचिमा सुचिकृत भएको स्वयम्भु क्षेत्र भित्रका बुद्ध मुर्ति सहित केही महत्वपूर्ण स्तुप र मुर्तिहरु भत्काउने सरकारको निर्णयप्रति युनाइटेड शेर्पा एसोसिएशन (शेर्पा किदुग )को ध्यानाकर्षण भएको छ ।
नेपाल सरकारले काठमाडौ उपत्यकाको कलंकीदेखि चाबहिलसम्मको सडक विस्तार गर्ने क्रममा विश्व सम्पदा सूचीमा सूचीकृत भएको स्वयम्भू क्षेत्र भित्र स्थापित हजार बुद्ध मूर्ति सहितको स्तूप र थुप्रै धार्मिक संरचनाहरु भत्काउन लागेको समाचार प्रति शनिबार एक प्रेस बिज्ञप्ति जारी गर्दै शेर्पा किदुगले सरकारको गम्भीर ध्यानाकर्षण गराएको हो ।
भगवान बुद्धको पवित्र जन्मभुमी नेपालमा बौद्ध सम्पदाहरुको उचित संरक्षण र प्रवर्द्धन गरिनुको साटो बिनास तर्फ उन्मुख भएकोप्रति किदुगले दुःख ब्यक्त गरेको छ ।
किदुगका अनुसार नेपाल सरकारको यो गैर जिम्मेवारीपूर्ण निर्णयले विश्व शान्तिका अग्रनायक भगवान बुद्धका समस्त अनुयायीहरुको आस्था र विश्वाश माथि आघात पुग्न गएको छ । यस असंवेदनशील निर्णयको कारण विश्व समुदायको सामु नेपालको छबिमा कालो धब्बा लाग्ने देखिन्छ ।

‘बौद्ध मान्यता अनुसार कुनै पनि स्थान बिशेषमा भुमी पूजन गरी स्थापना गरिएको मूर्ति, स्तूप अथवा मन्त्रहरु कुँदिएका हातले घुमाउने मणिचक्र जे भए पनि एक पटक प्राण प्रतिस्ठा सम्पन्न गरी सकेपछि कदापि हटाउन मिल्दैन । यस्ता सांस्कृतिक सम्पदाहरुलाई एक ठाउँबाट अर्को ठाउँमा सार्न समेत मिल्दैन । त्यस्ता धार्मिक आस्थाका प्रतीकहरु भत्काउने कुराको कल्पना मात्रै पनि गर्न सकिंदैन । कुनै पनि धार्मिक समुदाय बिशेषको भावनामा ठेस् पुर्याउन सक्ने सबै खाले अवांछित् कार्यहरुमा हाम्रो सदैव असहमति रहनेछ’ बिज्ञप्तिमा उल्लेख छ, ‘बिकास निर्माणको नाममा वर्तमान सरकारले गर्न लागेको यस निन्दनिय कार्यको युनाइटेड शेर्पा एसोसिएशन घोर भत्र्सना गर्दछ ।
बिकास निर्माणका अन्य थुप्रै उपाय हुन सक्छन् । बिभिन्न बिकल्पहरु रोज्न सकिन्छन् । सडक विस्तारका लागि कुनै समुदायको आस्था माथि नै प्रहार गर्नु पर्छ भन्ने छैन । कसैको धार्मिक आस्थाका संरचनाहरु तोड्नु भनेको उनीहरुको मुटुमा प्रहार गर्नु हो ।’

‘विगतमा बुद्ध जन्मेको देशबाट बौद्ध भिक्षुहरुलाई देश निकाला गरेको कालो इतिहास मेटेर मेटिंदैन । बौद्ध धर्मावलम्बीहरुले हरेक शुभकार्यमा प्रयोग गरिने खताग माला प्रतिवन्धित गर्नु पर्छ भन्ने वर्तमान प्रधानमन्त्री केपी शर्मा ओलीको खेदपूर्ण अभिब्यक्ति पनि बिर्सन सक्दैनौं । काक्रे विहार घटनाको चोट आलै छ । धर्मिक आस्था माथिको निरन्तर प्रहार असहनीय बन्दै गईरहेको छ । प्रज्ञा र करुणाको अभ्यास गर्ने बौद्ध धर्मावलम्बीहरु सहनशील हुन्छन् । क्षमाशील पनि हुन्छन् । त्यसो भन्दैमा बारम्बार अन्याय गरी रहँदा अकल्पनीय परिणाम निस्कन सक्छ’ सरकारको ध्यानाकर्षण गर्दै भनिएको छ, ‘तसर्थ बिकास र सडक विस्तारको नाममा हुन लागेको यो विध्वंशकारी कार्य रोक्न नेपाल सरकारले आफ्नो निर्णय अविलम्ब सच्याई परिस्थितिलाई थप जटिल बन्न नदिन किदुगले नेपाल सरकार समक्ष जोडदार माग गरेको छ । किदुगका अध्यक्ष उर्गेन शेर्पाले बिज्ञप्ती जारी गर्दै भनेका छन् ‘नेपाल सरकारबाट हाम्रो बिनम्र आग्रह प्रति तत्काल संबोधन नभएको खण्डमा धार्मिक सम्पदा संरक्षणको अभियानलाई राष्ट्रिय तथा अन्तरराष्ट्रिय रुपमा तीब्र बनाउँदै संयुक्त राष्ट्र संघ सम्म पुग्ने हामी वाध्य हुनेछौं।’
‘हामी धार्मिक सहिष्णुता कायम गर्न चाहन्छौं । बुद्ध जन्मेको देशमा बुद्धका स्मारकहरुको संरक्षण गर्ने अभियानमा हातेमालो गर्दै सबैले आआफ्नो स्थानबाट कृयाशील भई साथ र सहयोग गर्न पनि किदुगले अपिल गरेको छ ।

न्युयोर्क

नेपाली काँग्रेससँग आबद्द नुवाकोट जिल्लाका प्रबासीहरुको संगठन “नुवाकोट अमेरिका जनसम्पर्क समिति” को घोषणा-सभा यही डिसेम्बर ६ तारिख आइतबार सम्पन्न भएको छ । सभाले बिज्ञान खनालको सभापतित्वमा २९ सदस्यीय कार्यसमिति चयन गरेका छन ।
गृह जिल्लाका प्रभावशाली काँग्रेसी नेताहरूको प्रमुख आतिथ्यमा सम्पन्न सभाको कार्यविधि कोरोना महामारीको कारण जुम मार्फत भर्चुअल्ली गरिएको हो ।

सभामा नेपाली कांग्रेसका नेताहरू क्रमश; अर्जुन नरसिंह केसी, डा. रामशरण महत, केंद्रीय सदस्य तथा सभासद बहादुर सिंह लामा तथा नेपाली कांग्रेस नुवाकोट जिल्ला पार्टी सभापति जगदीश्वर नरसिंह केसी, केदार नरसिंह केसी सभापति प्रजातांत्रिक समाज, महासमिति सदस्य, रमेश महत महासमिति सदस्य, सन्तमान तामाङ् प्रमुख जिल्ला समन्यय समिति, अप्सरा थापा उपप्रमुख जिल्ला समन्यय समिति, डा राजन पन्त US Nepal policy reserch center, बिष्णु सूबेदी संयोजक जनसम्पर्क समिति अन्तरकृया संजाल, धनंजय नरसिंह केसी सभापति जनसम्पर्क समिति लगायतका नेताहरुको उपस्थिति थियो । नवनियुक्त सभापति बिज्ञान खनालले सञ्चालन गरेको कार्यक्रमको स्वागत भाषण इन्द्रा सिटौलाले गरेको थियो ।

कार्यक्रमलाई सम्वोधन गर्दै नवगठित कार्य समिति सभापति खनालले अमेरिकामा छरिएर रहेका साथीहरूलाई अझ संगठित गर्दै एकताको भावना बिकास गर्ने बताएका छन् ।
नवगठित कार्यसमिति;
सभापति : बिज्ञान खनाल (तादी)
बरिष्ठ उपसभापति : दिनेश पाण्डे (शिबपूरी)
उपसभापति : रामबाबू पाण्डे (बेलकोटगढ़ी)
उपसभापति : ज्योति पाण्डे (तादी)
उपसभापति : डा. सिर्जना भण्डारी (तादी)
उपसभापति: रामकृष्ण भट्ट (किस्पांग)
उपसभापति : नमराज न्यौपाने (बिनपा)
महासचिब : इन्द्र सिटौल (तादी)
सचिव : डा दीपेन्द्र दाहाल ( बेलकोटगड़ी)
सचिव : भुवनमान डंगोल (बिनपा)
सचिव : शैलेश आचार्य (दुप्चेस्वर)
कोषाध्यक्ष : रबिश वाईबा (बेलकोटगढ़ी)
सदस्यहरू;
भोजेन्द्र जीसी ( लिखु) हरी लमिछाने (लिखु) सुदर्शन धिताल (दुप्चेस्वर) कोमल डोटेल (बेलकोटगढ़ी) कल्पना थपालिया (लिखु) रश्मी तामांग (मेघांग) गोपाल कृष्ण कडेल (पंचकन्या) रामेश्वर पाण्डे (बेलकोटगढ़ी) प्रकाश शर्मा (तारकेस्वर) महेश खड़का (बिनपा) तूफ़ान खातिवडा (पंचकन्या) सागर अधिकारी (बेलकोट) नमराज गुरुंग (दुप्चेस्वर) देवेन्द्रकुमार लो (ककनी) उत्सब रिमाल (बेलकोटगढ़ी) राघब लामिछाने (ककनी) रामेश्वर खनाल (तादी)

नवगठित कार्यसमितिलाई उपस्थित अतिथि तथा सहभागीहरुले वधाई तथा शुभकामना प्रदान गरेका थिए ।

काठमाडौं । विश्वका विभिन्न २० मुलुकमा मृत्यु हुने कोरोना संक्रमित नेपालीको ३०१ पुगेको छ। गैरआवासीय नेपाली संघ अन्तर्गतको स्वास्थ्य समितिका अनुसार यो साता थप दुई नेपालीको विदेशमा निधन भएको हो। यो साता जर्मनीमा एक र भारतमा एक नेपाली संक्रमितको मृत्यु भएको हो।

जर्मनीमा कोरोना भाइरस संक्रमित नेपालीको निधन भएको यो पहिलो घटना भएको कोभिड–१९ उच्चस्तरीय समिति, गैरआवासीय नेपाली संघका प्रेस संयोजक चिरन शर्माले जानकारी दिए। स्वास्थ्य समितिका संयोजक डा सञ्जीव सापकोटाका अनुसार यो साता जापान, साउदी अरब, युएई, पोर्चुगल र भारतमा रहेका थप नेपालीमा कोरोना सङ्क्रमण देखिएको छ।

शनिबार साँझसम्म विदेशका ४९ मुलुकमा ४८ हजार ६३९ गैरआवासीय सङ्क्रमित भएका छन्। सोही अवधिमा ४४ हजार ६७१ जना कोरोना सङ्क्रमणबाट मुक्त भएका छन्।

हालसम्म नेपालमा मात्र दुई लाख १६ हजार ५९४ जना कोरोना भाइरसबाट सङ्क्रमित पुगेका छन् भने तीमध्ये दुई लाख ३४ हजार ७५६ जना कोरोनामुक्त भएका छन्। नेपालमा कोरोना सङ्क्रमणबाट मुक्त हुने दर ९२ दशमलव तीन प्रतिशत रहेको छ। नेपालमा कोरोना भाइरसको सङ्क्रमणका कारण एक हजार ५२९ जनाको ज्यान गएको छ ।

न्युयोर्क

नेपाली काँग्रेसको सहगोत्रीय सँस्था ‘नुवाकोट अमेरिका जनसम्पर्क समिति’ अमेरिकाको घोषणा-सभा यही डिसेम्बर ६ तारिख आइतबार हुने भएको छ । नेपाली कांग्रेसका प्रभावशाली नेताहरूको प्रमुख आतिथ्यमा हुने सभा कोरोना महामारीको कारण जुम मार्फत भर्चुअल्ली हुने सदस्य सचिव विज्ञान खनालले बताएका छन् ।

सभामा नेपाली कांग्रेसका नेताहरू क्रमश; अर्जुन नरसिंह केसी, डा. रामशरण महत, केंद्रीय सदस्य तथा सभासद बहादुर सिंह लामा तथा नेपाली कांग्रेस नुवाकोट जिल्ला पार्टी सभापति जगदीश्वर नरसिंह केसी लगायत जिल्लाका बिभिन्न तहका नेतागणहरूको उपस्थिति हुने जनाएका छन् ।

कार्यक्रमको सञ्चालन छनौट समितिले गर्ने छन् भने सभामा नै नुवाकोट अमेरिका जनसम्पर्क समितिको आधिकारिक घोषणा समेत हुनेछ । कार्यक्रमको प्रत्यक्ष प्रसारण विभिन्न विद्युतीय संचार माध्यायम मार्फत हुने जनाइएको छ ।

कार्यक्रमको मिति र समय;
Date : December 6, Sunday
Time : Nepal – 8 pm
New York – 9:15 am
Texas – 8:15 am
California – 6:15 am