Category: फिचर

काठमाडौं । पछिल्लो २४ घण्टामा देशभर १०६६ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार १० हजार ११३ पीसीआर परीक्षण गर्दा ८९८ जना र ३२५५ एन्टिजेन परीक्षण गर्दा १६८ गरी १०६६ जनामा कोरोना पुष्टी भएको हो ।

योसँगै नेपालमा कोरोना संक्रमितको संख्या ७ लाख ९५ हजार ९५९ जना पुगेको छ ।

पछिल्लो २४ घण्टामा ९३८ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ६६हजार ६९६ पुगेको छ । संक्रिय संक्रमितको संख्या १८ हजार ११५ रहेको छ ।

पछिल्लो २४ घण्टामा १३ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार १४८ पुगेको छ ।

काठमाडौं । सर्वोच्च अदालतले चार जना पूर्वप्रधानन्यायाधीशहरुलाई अवहेलना मुद्दामा सफाई दिएको छ ।

शुक्रबार प्रधानन्यायाधीश चोलेन्द्र शमशेर जबरा र न्यायाधीश सपना प्रधान मल्लको इजलासले पूर्वप्रधानन्यायाधीशहरु मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीलाई अवहेलना मुद्दामा सफाई दिने फैसला गरेको हो ।

अधिवक्ताहरूद्वय लोचन भट्टराई र धनजित बस्नेतले दर्ता गरेको छुट्टाछुट्टै मुद्दाको सुनुवाइ गर्दै प्रधानन्यायाधीश चोलेन्द्रशमशेर जबरा र न्यायाधीश सपना मल्ल प्रधानको संयुक्त इजलासले मागदावी नपुगेको ठहर गरेको हो ।

भट्टराई र बस्नेतले चार पूर्वप्रधानन्यायाधीशले अदालतको अवहेलना गरेको दाबी गर्दै मुद्दा दर्ता गरेका थिए ।

२०७७ पुस ५ गते तत्कालिन प्रधानमन्त्री केपी शर्मा ओलीले प्रतिनिधिसभा विघटन गरेपछि चार पूर्वप्रधानन्यायाधीशले त्यसलाई असंवैधानिक भनेपछि उनीहरूविरुद्ध सर्वोच्चमा मुद्दा दर्ता भएको थियो ।

सोही मुद्दामा चार पूर्वप्रधानन्यायाधीले फागुन ३ गते सर्वोच्चको अवहेलना नगरेको र प्रतिनिधिसभा विघटन गर्नु गैरसवैधानिक भएको दाबीसहितको लिखित जवाफ पेश गरेका थिए ।

काठमाडौं । नेकपा एमालेको विधान महाधिवेशनको लागि अध्यक्ष मण्डल चयन भएको छ ।

अध्यक्ष केपी शर्मा ओलीको अध्यक्षतामा ७ सदस्यीय अध्यक्ष मण्डल घोषणा गरिएको हो ।

पार्टी अध्यक्ष केपी शर्मा ओलीको अध्यक्षतामा उपाध्यक्ष युवराज ज्ञवाली, अष्टलक्ष्मी शाक्य, स्थायी कमिटी सदस्यहरू रामबहादुर थापा, सुवासचन्द्र नेम्वाङ, सत्यनारायण मण्डल र छविलाल विश्वकर्मा रहेको अध्यक्ष मण्डल गठन गरिएको छ ।

अध्यक्ष मण्डलमा उपाध्यक्ष भीम रावल भने अटाएनन् । सुदूरपश्चिम प्रदेशको ईञ्चार्जको जिम्मेवारी नपाएपछि असन्तुष्ट रहेका रावल विधान महाधिवेशनको अध्यक्ष मण्डलमा समटिएका छैनन् ।

महाधिवेशनमा प्रस्तुत हुने बहस नोट गर्नका लागि पनि समिति बनाइएको छ ।

काठमाडौं । जिल्ला प्रशासन कार्यालय काठमाडौंले नेकपा एमालेको महाधिवेशनलाई लक्षित गरेर आदेश जारी नगरिएको स्पष्ट पारेको छ ।

बिहीबारको सूचनामा सभा सम्मेलन गर्न रोक लगाएको विषयमा प्रशासनको चर्को आलोचना भएपछि आज पुनः एक विज्ञप्ति जारी गर्दै यस्तो बताएको हो ।
सरकारले संविधान, प्रचलित कानुन र कोभिड–१९ को नियन्त्रणका लागि जारी गरिएको स्वास्थ्य प्रोटोकलभित्र रही गरिने कुनै पनि क्रियाकलापमा बन्देज लगाउने कुनै आदेश र उद्देश्य नभएको स्पष्ट पारेको छ।

नेकपा एमालेको विधान महाधिवेशनको पूर्वसन्ध्यामा प्रशासनले सभा सम्मेलन नगर्न आग्रह गर्दै आदेश जारी गरेको थियो । एमालेले आफूहरुको कार्यक्रमलाई प्रभावित पार्ने गरी उक्त सूचना जारी गरिएको भन्दै आपत्ति जनाएको थियो ।

शुक्रबार सहायक प्रमुख जिल्ला अधिकारी दीपक पौडेलले हिजोको आदेशको बुँदा नम्बर १ लाई लिएर सार्वजनिक रुपमा जारी भइरहेका अभिव्यक्तिबारे ध्यानाकर्षण भएको उल्लेख गरेका छन् ।

विज्ञप्तिमा कोरोनाको जोखिम कायमै रहेकाले सरकारको निर्णय बमोजिम सभा सम्मेलन, भेला, जात्रा, पर्व, मेला स्वास्थ्यका मापदण्ड लागू गरेर गर्न प्रतिबन्ध नगरिएको स्पष्ट पारिएको छ ।

काठमाडौं । नेकपा एमाले अध्यक्ष केपी ओलीले भारतले नेपालको आन्तरिक मामिलामा हस्तक्षेप गर्न नहुने बताएका छन्।

गोदावरीमा जारी विधान महाधिवेशनलाई सम्बोधन गर्दै अध्यक्ष ओलीले अफगानिस्तानका बाछिटा दक्षिण एसियामा देखिन सक्ने बताएका हुन्।

ओलीले अमेरिकी गठबन्धन २० वर्षपछि अफगानिस्तानबाट हटे भन्दै त्यसको बाछिटा दक्षिण एसियामा देखिन सक्ने बताए ।

‘अमेरिकी गठबन्धन २० वर्षपछि अफगानिस्तानबाट हटेको छ । यसले जुनसुकै बहानामा गरिने हस्तक्षेप अस्वीकार्य छ भन्ने देखाएको छ’, उनले भने, ‘अफगानिस्ताका बाछिटा दक्षिण एसियमा देखिन सक्छ । तर नेपाल अहस्तक्षेप, असंलग्न नीतिमा विश्वास गर्छ ।’

पूर्वप्रधानमन्त्रीसमेत रहेका अध्यक्ष ओलीले अमेरिकाले अघि सारेको इन्डो प्यासिफिक रणनीतिले पनि क्षेत्रीय शान्तिलाई असर गर्न सक्ने बताए ।

ओलीले भारतले नेपालको आन्तरिक मामिलामा हस्तक्षेप गर्न नहुने बताए । ‘हामी भारतसँगको असमझदारी कुटनीतिक माध्यमबाट समाधान गर्न चाहन्छौं।

भारतले अनावश्यक आन्तरिक मामिलमा चासो राख्नु हुँदैन,’उनले भने,’ कुनै पनि बहानामा पनि विदेशी हस्तक्षेप स्वीकार्य हुँदैन।’ सम्बोधनका क्रममा उनले नेपालको समस्या नेपालीले नै समाधान गर्नुपर्ने बताए।

काठमाडौं । प्रमुख प्रतिपक्षी दल एमालले माधव कुमार नेपालसहित १४ सांसदलाई कारवाही गर्न माग गर्दै लामो समयदेखि संसद अवरुद्ध गरिरहेको छ । यसका बाबजुत संसदको काम बारवाही भने चलिरहेको छ । यसै सन्दर्भमा प्रधानमन्त्री शेरबहादुर देउवाले बिहीबार सर्वदलीय बैठक बोलाएका छन् । बिहान १० बजे बालुवाटारमा बोलाइएको बैठकमा प्रतिनिधि सभामा प्रतिनिधित्व गर्ने दलका शीर्ष नेताहरुलाई आमन्त्रण गरिएको छ । बैठकमा एमाले जाने नेजाने टुंगो लागेको छैन । बंठकमा संसदको अवरोधलाई निकास दिने लगायतका विषयमा छलफल हुनेछ । संसद बैठक समेत आज दिउँसो १ बजे बोलाइएको छ ।

काठमाडौं । पछिल्लो २४ घण्टामा देशभर ११५७ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार १० हजार ६५२ पीसीआर परीक्षण गर्दा ८९२ जना र ३८८९ एन्टिजेन परीक्षण गर्दा २६५ गरी ११५७ जनामा कोरोना पुष्टी भएको हो ।

योसँगै नेपालमा कोरोना संक्रमितको संख्या ७ लाख ९४ हजार १६३ जना पुगेको छ ।

पछिल्लो २४ घण्टामा १११३ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ६४ हजार ८४७ पुगेको छ । संक्रिय संक्रमितको संख्या १८ हजार १९३ रहेको छ ।

पछिल्लो २४ घण्टामा ८ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार १२३ पुगेको छ ।

काठमाडौं । राष्ट्रिय सभा सदस्य वामदेव गौतमलाई मन्त्री बनाउन नमिल्ने भन्दै सर्वोचच अदालतमा परेको मुद्दा ‘हेर्न नभ्याइने’मा परेको छ।

२०७७ भदौ १२ मा दर्ता भएको मुद्दाको अन्तिम सुनुवाइ आज (बुधबार) तोकिएकोमा हेर्न नभ्याइनेमा परेको हो।

सर्वोच्च अदालतले संवैधानिक इजलासले गौतमको मनोनयनविरुद्धको रिट हेर्न नभ्याइने जानकारी दिएको हाे।

प्रधान्यायाधीश चोलेन्द्रशमशेर जबरा नेतृत्वको संवैधानिक इजलासमा न्यायाधीशहरू दीपककुमार कार्की, मीरा खड्का, हरिकृष्ण कार्की र ईश्वर खतिवडा थिए ।

एमाले र माओवादी केन्द्र मिलेर बनेको तत्कालीन नेकपामा उपाध्यक्ष रहेका वामदेव गौतमलाई राष्ट्रिय सभामा गरिएको मनोनयन थियो।

राष्ट्रिय सभामा राष्ट्रपतिले मनोनीत गर्ने तीन सदस्यमध्ये युवराज खतिवडाको पदावधि समाप्त भएपछि रिक्त रहेको त्यस गौतमलाई लगिएको थियो।

त्यसविरुद्ध वरिष्ठ अधिवक्ता दिनेश त्रिपाठी र अधिवक्ता बद्रीराज भट्टले सो मनोनयन संवैधानिक व्यवस्था प्रतिकूल रहेको दाबीसहित रिट हालेका थिए।

त्यतिबेला गौतमलाई मन्त्री बनाउने तयारी गरिएपछि प्रतिनिधिसभाको निर्वाचनमा पराजित व्यक्तिलाई सोही कार्यकालभित्र संघीय संसदमा लैजान र मन्त्री बनाउन नमिल्ने जिकिर रिटमा गरिएको थियो।

काठमाडौं । अख्तियार दुरुपयोग अनुसन्धान आयोगको टोलीले प्रदेश नम्बर २ का मुख्यमन्त्री लालबहादुर राउतको कार्यालयमा छापा मारेको छ।

साइकल खरिद र वितरण कार्यमा अनियमितता भएको उजुरीका आधारमा अख्तियार दुरुपयोग अनुसन्धान आयोगले मुख्यमन्त्री कार्यालयमा छापा मारेको हो ।

अख्तियारले साइकल खरिद गर्दाका कागजपत्र समेत नियन्त्रणमा लिएको छ।

प्रदेश–२ ले छोरीहरू विद्यालय पठाउने कार्यलाई उत्प्रेरित गर्नेगरी ‘बेटी पढाउ, बेटी बचाउ’ कार्यक्रम सञ्चालन गरेको छ । त्यो कार्यक्रमअन्तर्गत बालिकाहरूलाई साइकल वितरण गरिन्छ । अख्तियारले त्यससम्बन्धी कागजात लिन छापा मारेको हो ।

प्रदेश २ सरकारले २०७५ साल मंसिरबाट ‘बेटी पढाउ, बेटी बचाउ’ अभियान सुरु गरेको थियो ।