Category: फिचर

काठमाडौं । नेकपा (एमाले)को एकता कायम राख्न पहल र्ने उद्देश्यले गठन भएको कार्यदल ब्यूँतिएको छ । कार्यदलको बैठक मंगलबार सिंहदरवारमा बस्ने भएको छ । कार्यदललाई ब्यूँताउने र दुबै पक्षले संयुक्त वक्तब्य दिएर एमाले एकता कायम राख्ने संन्देश दिने गरि शीर्ष तहमा सहमति भएसँगै आज बैठक बस्न लागेको हो ।
एमाले विवाद चर्किँदै गएपछि कार्यदल समेत निस्क्रिय भएको थियो । कार्यदललाई सोमबारबाट पुनः ब्युँताइएको छ ।

कार्यदलले काम भने सोमबारदेखि नै थालेको छ । सोमबारको बैठकमा अहिलेसम्म भएका छलफलको पुनरावलोकन गरिएको नेताहरुको भनाई छ । कार्यदलमा अध्यक्ष केपी शर्मा ओली पक्षका सुवास नेम्वाङ, विष्णुप्रसाद पौडेल, प्रदीप ज्ञवाली, शंकर पोखरेल र विष्णु रिमाल छन् । नेपाल पक्षका भीम रावल, सुरेन्द्र पाण्डे, घनश्याम भुसाल, गोकर्ण विष्ट र रघुजी पन्त कार्यदलमा रहेका छन् ।

चितवन । चितवनको राप्ती नगरपालिका–३ की सुजिता भण्डारीको आइतबार शव भेटिएको छ । ९ दिन अगाडी आफुलाई अपहरण गरिएको भन्दै दिदीलाई फोन गरेकी भण्डारीको शव भेटिएपछि परिवारले यो घटना रहस्यमय भएको बताएको छ । सोहीकारण सोमबार दिनभर स्थानीयले उनको शव समेत बुझ्न मानेनन् । सोमबार साँझ भने स्थानीय प्रशासन र परिवारबीच दुई बुँदे सहमति भएसँगै उनको शव घटनास्थलबाट भरतपुर अस्पताल लगिएको छ ।

प्रहरीका अनुसार घटनाको यथाशीघ्र सत्यतथ्य सार्वजनिक गर्ने र परिवारलाई आर्थिक सहायता उपलब्ध गराउन सरकारसमक्ष अनुरोध गर्ने सहमति जुटेपछि परिवारले शव लैजान अनुमति दिएका हुन । पिडित पक्षले २४ घण्टाभित्र दोषी पत्ता लगाएर कारबाही गर्ने लिखित प्रतिबद्धता नआएसम्म सुजिताको शव लैजान नदिने अडान राख्दै राजमार्ग अवरुद्ध गरेका थिए ।

अपहरण भएको फोन गरेपनि त्यसपछि अपहरणकारीबाट पुनः कुनै फोनसहितको जानकारी नआउनु र फोनको लोकेसनभन्दा फरक स्थानमा उनको शव भ्टिएपछि घटना रहस्यमय बनेको छ । राप्ती नगरपालिका–३ की भण्डारी ९ दिन अघि बिहान साथको घरमा जाने भन्दै निस्किएकी थिइन् । आतइबार दिउँसो ब्रम्हस्थानी सामुदायिक वनको भिरालो भागमा उनको शव भेटिएको हो । शव नजिकै धानमा हाल्ने पतेराको विषादी समेत बरामद भएको छ ।

काठमाडौं । पछिल्लो २४ घण्टामा देशभर २६२२ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ७४९९ पीसीआर परीक्षणमा १७४५ र ४०२८ जनाको एन्टिजेन परीक्षणमा ८७७ जना गरी २६२२ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ४६ हजार ३६७ पुगेको छ । पछिल्लो २४ घण्टामा २२११ जना संक्रमण मुक्त भएका छन् ।

यो सहित संक्रमण मुक्त हुनेको संख्या ६ लाख ११ हजार ४२९ जना पुगेको छ । संक्रिय संक्रमितको संख्या २५ हजार ६९० रहेको छ ।

पछिल्लो २४ घण्टामा २३ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ९ हजार २४८ पुगेको छ ।

काठमाडौं । प्रधानन्यायाधीश चोलेन्द्र शमशेर जबराले पहिले वैकल्पिक सरकार बन्ने सम्भावना दखेर सार्वेच्वले संसद पुनस्स्थापना गरे पनि अहिले त्यस्तो अवस्था नभएको भन्दै यस्तो अवस्थामा के हुन्छ ? भनेर रिट निवेदक पक्षका कानून व्यवसायीलाई प्रश्न गर्नुभएको छ ।

सोमबार संसद विघटन सम्बन्धी सर्वोच्च अदालतमा जारी सुनुवाइका क्रममा प्रधानन्यायाधीश राणाले वरिष्ठ अधिवक्ता हरिहर दाहाललाई सोध्नुभयो, ‘मैले हिजो पनि सोधेको थिए जवाफ आएन, हिजो ११ फागुनमा फैसला गर्दा एमालेको विकल्पमा सरकार बन्ने देखेर अदालतले संसद् पुनःस्थापना र्गयो ।

अहिले तपाईंकै निवेदनमा देख्दा त यस्तो विकल्प देखिन्न त्यसले अब के हुन्छ ?’राणाले संविधानको धारा ७५ (५) प्रधानमन्त्री बनाउन हो कि संसदको स्थायित्वका लागि हो ? भन्नी प्रश्न गर्नुभयो । ‘उपधारा ५ को व्यवस्था स्थायित्वका लागि हो कि प्रधानमन्त्री बनाउन मात्र हो ?,’ उहाँको प्रश्न थियो ।

‘संसद् आफ्नो आयु ५ वर्षसम्म चलोस् भनेर हो कि प्रधानमन्त्री बनाउन मात्र हो ? तपाईंको रिट निवेदनको बुँदा हेर्दा त फेरि पनि संसद् आफनो पूरा आयुसम्म जीवित रहन्छ त ? । माननीय शेरबहादुर देउवालाई प्रधानमन्त्री बनाउँदा यो कुराले सार्थकता दिन्छ जस्तो लाग्छ ?’

राणाको प्रश्नको जवाफ दिँदै दाहालले वैकल्पिक सरकार बन्ने अवस्था रहेसम्म संसद विघटन गर्न नपाइने जिकिर गरे । ‘

काठमाडौं । नेकपा एमालेभित्रको विवाद समाधानका लागि दोस्रो तहका नेताहरु अन्तिम कसरतमा जुटेका छन् । आजपनि उनीहरु छलफलमा जुटेको बताइएको छ । उनीहरुले पार्टी एकताका लागि बनाइएको कार्यदल ब्यूँताउन कोसिस गरिरहेका छन् ।

त्यो समय अगावै दुई नेतालाई मिलाउन दोस्रो तहका नेताहरु दौडधुप गरिरहेका छन् । गत शुक्रवार बसेको पार्टी केन्द्रीय कमिटी बैठकले नेपाली कांग्रेसका सभापति शेरबहादुर देउवालाई प्रधानमन्त्री बनाउन गरेको हस्ताक्षर फिर्ताको लागि आज बेलुकी ५ बजेसम्मको अल्टिमेटम दिएको छ । तर, नेपाल पक्षले भने अवैधानिक कमिटीबाट आएको निर्देशन मान्य नहुने जवाफ दिएको छ । दुवै पक्ष लचिलो बन्न नसक्दा एमालेमा एकता सम्भावना टर्दै गएको विश्लेषण हुन थालेको छ ।

दिइएको समयभित्र हस्ताक्षर फिर्ता नलिए उनीहरु एमाले नै नरहने अध्यक्ष ओलीले चेतावनी दिएका छन् । तर, नेपाल पक्षले भने २०७५ जेठ २ अघिकै कमिटीको बैठक बसेर निर्देशन दिए मात्र मान्य हुने बताउँदै आएको छ ।

ओली र नेपालको अडानका कारण पार्टी एकतालाई टुङ्गोमा पुर्याउने दोस्रो तहका नेताहरुको प्रयास सफल हुन सकेको छैन । सर्वोच्च अदालतको २३ फागुनको फैसलाले एमाले पुनःस्थापित भए यता अध्यक्ष ओली र नेपाल पक्षबीच विवाद उत्कर्षमा पुग्दैकक आएको छ ।

आफ्नो पक्षका नेताहरु मात्र सहभागी बैठक राखेर एकपछि अर्को निर्णय गरेका अध्यक्ष ओली २ जेठ २०७५ मा फर्किन सहमत भएपछि २ जेठ २०७८ मा कार्यदल गठन भएको थियो । कार्यदलले काम थाल्दानथाल्दै प्रतिनिधिसभा विघटनको प्रक्रिया सुरु भएपछि विवाद झनै चर्किएको हो ।

काठमाडौं । प्रतिनिधि सभा विघटनको मुद्दामा आज पनि जवाफी बहस हुँदैछ ।

आइतवार सभामुख अग्निप्रसाद सापकोटा पक्षका कानून व्यवसायीहरुको बहस सकिएसँगै रिट निवेदक पक्षका कानूनी व्यवसायीहरुको जवाफी बहस शुरु भएको थियो ।

आइतवार वरिष्ठ अधिवक्ता रमण श्रेष्ठले जवाफी बहस शुरु गरेका थिए । उनीसहित जवाफी बहस गर्ने कानून व्यवसायीहरुलाई विभिन्न प्रश्नहरु सोधिएको छ ।

प्रधानन्यायाधीश राणा र अन्य न्यायाधीशहरुले जवाफी बहस शुरु गर्नुअघि विभिन्न प्रश्नहरु राखेका थिए। उनीहरुले शेरबहादुर देउवाले राष्ट्रपतिसमक्ष प्रधानमन्त्रीको दाबी पेस गर्दा नक्कली कागजात पेस भएको, केरमेट गरिएको, टिपेक्स लगाएको आरोप छ ?, १४६ जनाको रिट निवेदनमा पाँच जना मात्र निवेदक थिए भन्ने छ त्यो के हो ? संवैधानिक इजलाशमा आउने प्रक्रिया पूरा भएन, भन्ने छ त्यो के हो ?, अदालतले प्रधानमन्त्री नियुक्त गर्ने हो ? संविधानको आफ्नै प्रक्रिया छ, अदालतले के गर्ने हो ? जस्ता प्रश्न रहेका छन् । रिट निवेदकका तर्फबाट जवाफी बहस गर्ने कानून व्यवसायीले ती प्रश्नको जवाफ दिनेछन् ।

त्यसअघि सभामुखका तर्फबाट बहस गर्ने वरिष्ठ अधिवक्ता श्यामप्रसाद खरेलले संविधानअनुसार विश्वासको मत लिनु पर्ने अनिवार्य शर्त भएपनि त्यसको पालना नगरेको र राष्ट्रपतिले संविधानको संरक्षण गर्न चुक्नु भएको तर्क राखेका थिए । यसैगरी बाँकी रहेका रिट निवेदक पक्षका कानून व्यवसायीहरुले भोलि जवाफ दिनेछन् । त्यससँगै आजबाट जवाफी बहस सकिनेछ । भने अब ४ जना एमिकस क्यूरी (अदालतको सहयोगी) को बहस बाँकी रहनेछ ।

सर्वोच्चको संवैधानिक इजलासमा प्रधानन्यायाधीश चोलेन्द्र शमशेर राणासहितको न्यायाधीशहरु दीपककुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराई रहेका छन् ।

काठमाडौं । पछिल्लो २४ घण्टामा देशभर १६०३ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ४८७६ पीसीआर परीक्षणमा १०५२ र ३२५६ जनाको एन्टिजेन परीक्षणमा ५६१ जना गरी १६०३ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ४४ हजार ६२२ पुगेको छ । पछिल्लो २४ घण्टामा २५५२ जना संक्रमण मुक्त भएका छन् ।

यो सहित संक्रमण मुक्त हुनेको संख्या ६ लाख ९ हजार २१८ जना पुगेको छ । संक्रिय संक्रमितको संख्या २७ हजार १६७ रहेको छ ।

काठमाडौं । नेकपा (एमाले) को पार्टी एकताका लागि वरिष्ठ नेता माधव नेपाललाई मनाउने दोसो तहका नेताहरुको प्रयास असफल भएको छ ।

कांग्रेस सभापति शेरबहादुर देउवालाई प्रधानमन्त्री नियुक्त गर्न गरेको हस्ताक्षर फिर्ता लिएर पार्टी विवाद समाधान गर्न गरिएको प्रयास असफल भएको हो ।

नेपाल पक्षलाई पार्टीले भोलिसम्मको समय दिएर शेरबहादुर देउवालाई प्रधानमन्त्री बनाउनको लागि गरेको हस्ताक्षर फिर्ता लिन निर्देशन दिएको छ । तर, नेपाल पक्षले भने कुनैपनि हालतमा हस्ताक्षर फिर्ता नलिने जवाफ बालुवाटारलाई पठाईसकेको छ ।

नेता नेपाललाई मनाउन आइतबार विहान दुवै समूहका नेता नेपाल निवास कोटेश्वर पुगेका थिए।

एमाले अध्यक्षसमेत रहेका प्रधानमन्त्री केपी शर्मा ओलीका तर्फबाट नेताहरु सुवास नेम्वाङ, विष्णु पौडेल, शंकर पोखरेल र नेपाल समूहका नेता घनश्याम भुसाल कोटेश्वर पुगेका थिए।

उनीहरुले विवाद समाधान गर्न अध्यक्ष केपी शर्मा ओलीसँग छलफल गर्न नेता नेपाललाई आग्रह गरेका थिए। सो अवसरमा आफूहरूले राखेको प्रस्तावमा नेता नेपालले आफूपक्षका नेताहरुसँग छलफल गर्ने प्रतिक्रिया दिएको भेटमा सहभागी एक नेताले बताए।

‘हामीले हस्ताक्षर फिर्ता लिए पार्टी एकताको वातावरण बन्छ भनेका थियौं, तर उहाँले साथीहरुसँग छलफल गरेर खबर गर्छु भनु भयो,’ छलफलमा सहभागी एक नेताले भने।

काठमाडौं । प्रधानन्यायाधीश चोलेन्द्र शमशेर जबराले अदालतमा आएर सनाखत गराएको अवस्थामा १ सय ४६ जना सांसदको हस्ताक्षरलाई आधार मान भन्न मिल्छ र ? भन्दै प्रश्न गरेका छन् ।

आइतबार संघीय प्रतिनिधिसभाका सभामुख अग्निप्रसाद सापकोटाका तर्फबाट बहस गरिरहेका अधिवक्ता मेघराज पोख्रेललाई संसद विघटन मुद्धामा अदालतमा आएर सनाखत गराएको अवस्थामा बहुमत पुग्छ भनेर अदालतले प्रधानमन्त्री नियुक्त गर्न मिल्छ ? भन्दै प्रश्न गरेका हुन् ।

‘१४६ सांसद अदालत आउनुभएको छ । अब बहुमत पुगेछ भनेर अदालतले नै प्रधानमन्त्री नियुक्तिको विषयमा निर्णय गरिदिनु संवैधानिक हुन्छ ?’, प्रधानन्यायाधीश राणाले सोधे, ‘७६(५) अनुसार त्यसो गर्न मिल्छ अदालतले ?’

जवाफमा अधिवक्ता पोख्रेलले अदालतले नियुक्तिभन्दा पनि संवैधानिक व्याख्या गरिदिनुपर्ने बताए । संविधानको धारा ७६ (७) बारे सम्झाउँदै प्रधानन्यायाधीश राणाले भने, ‘हामी सवैधानिक अभ्यासमा छौं । समय अनुसार, संवैधानिक अभ्यास पनि रुपान्तरण हुन्छ ।’

काठमाडौं । नेकपा एमालेमा चर्किएको विवाद अदालतमा विचाराधिन प्रतिनिधिसभा विघटनको मुद्दा र त्यसमा विपक्षी दलका नेता शेर बहादुर देउवालाई प्रधानमन्त्री बनाउन गरिएको हस्ताक्षरमा पुगेर अड्किएको छ । प्रधानमन्त्री केपी शर्मा ओलीले शेर बहादुर देउवाको पक्षमा हस्ताक्षर गरेका नेतालाई सोमबार भित्र हस्ताक्षर फिर्ता लिन समय दिएका छन् ।

उनले शनिबार समेत सोही प्रशंग दोहोर्याए । शनिबार वालुवाटारमा आयोजित एमालेको केन्द्रिय कमिटि बैठकमा उनले देउवाको पक्षमा हस्ताक्षर गर्ने नेता एमाले हुन नसक्ने बताए ।

यता, वरिष्ठ नेता माधवकुमार नेपाल पक्षले भने नेपाली कांग्रेसका सभापति शेरबहादुर देउवालाई प्रधानमन्त्री बनाउन गरेको हस्ताक्षर कुनै पनि हालतमा फिर्ता नहुने स्पष्ट पारेको छ । शनिबार नेता नेपालले आफु निकट सांसदहरुसँग छलफल गरेका थिए । उक्त छलफलमा कुनै पनि हालतमा हस्ताक्षर फिर्ता लिन नहुने निष्कर्ष निकालिएको हो ।

अध्यक्ष ओलीले बोलाएको केन्द्रिय कमिटि बैठकलाई समेत यो समूहले अवैधानिक भनेको छ । सोहीकारण सो बैठकमा माधव पक्षका नेता गएका छैनन् । यो समूहले भने धानमन्त्री एवं पार्टी अध्यक्ष नै पार्टी एकताको विरोधमा रहेको बताइरहेको छ । दोस्रो तहका नेताको अथक प्रयासका वावजुत पार्टीमा विषयहरु मिल्न सकेका छैनन् ।

काठमाडौं । नेपालमा कोरोना भाइरसको संक्रमणका कारण पछिल्लो २४ घण्टामा थप १९ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार अब नेपालमा कोरोनाबाट ज्यान गुमाउनेको संख्या ९१९८ पुगेको छ । नेपालमा संक्रमितको तुलनामा कोरोनाको मृत्युदर १.५ प्रतिशत रहेको छ । पछिल्लो २४ घण्टामा २३२८ मा कोरोना पुष्टी भएको छ । यस अवधिमा ३०६६ जनाले भने कोरोनालाई जितेका छन् ।

काठमाडौं । पछिल्लो २४ घण्टामा देशभर २२९९ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६५६६ पीसीआर परीक्षणमा १३९१ र ४०३० जनाको एन्टिजेन परीक्षणमा ९०८ जना गरी २२९९ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ४२ हजार ५३ पुगेको छ । पछिल्लो २४ घण्टामा ३४५१ जना संक्रमण मुक्त भएका छन् ।

यो सहित संक्रमण मुक्त हुनेको संख्या ६ लाख ३ हजार ६ सय जना पुगेको छ । संक्रिय संक्रमितको संख्या २९ हजार २७४ रहेको छ ।

काठमाडौं । नेपालमा कोरोना संक्रमणबाट थप ३४ जनाको मृत्यु भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न अस्पतालमा उपचाररत ३४ जनाको मृत्यु भएको हो ।

यससँगै नेपालमा कोरोना संक्रमणबाट मृत्यु हुनेको संख्या ९ हजार १७९ पुगेको छ।