Category: फिचर

काठमाडौं । एमालेका वरिष्ठ नेताद्धय माधव कुमार नेपाल र झलनाथ खनाल पक्षधरले आगामी चैत ४ गते राष्ट्रिय भेला बोलाएका छन् । त्यसको पूर्वसन्ध्यामा प्रधानमन्त्री तथा नेकपा एमालेका अध्यक्ष केपी शर्मा ओलीले चैत ३ नै केन्द्रीय सदस्यलाई चियापानमा निम्ता दिएका छन् । प्रधानमन्त्री निवास बालुवाटारमा बिहान ११ बजेदेखि चियापान तथा अनौपचारिक भेटघाट कार्यक्रम
हुने भनी निम्ता गएको छ ।

निम्ता नेपाल र खनाल पक्षका नेताहरुलाई समेत गएको छ । प्रधानमन्त्रीले यसअघि खनाल र नेपाल पक्षका नेताहरुको जिम्मेवारी खोस्ने तथा एकलौटी रुपमा पार्टीको महाधिवेशनको मिति तोक्ने निर्णय गरेका थिए । यसले पार्टी विभाजनतर्फ मोडिएको निष्कर्ष अर्को पक्षले गरेको छ । सोही अनुसार नेपाल खनाल पक्षले राष्ट्रिय भेला गर्न लागेको हो । नेपाल-खनाल पक्षले भने चियापानका नाममा अवैधानिक बैठकहरुलाई अध्यक्ष ओलीले वैधानिक बनाउन कोसिस गरेको प्रयासका रुपमा लिएका छन् ।

काठमाडौं । नेपालमा थप ५३ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ५३ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७५ हजार २३१ जना पुगेको छ । स्वास्थ्य मन्त्रालयका अनुसार ७७ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७१ हजार ३२६ जना पुगेको मन्त्रालयले जनाएको छ । संक्रिय संक्रमितको संख्या ८ सय ९१ रहेको छ । पछिल्लो २४ घण्टामा मृत्यु हुनेको संख्या शून्य रहेको छ ।

काठमाडौं । सिरहाको लहानस्थित मालपोत कार्यालयमा बम विष्फोट भएको छ । आइतबार दिउँसो मालपोत कार्यालयको माथिल्लो तलाको हलमा विष्फोटमा भएको प्रहरीले जनाएको छ ।

विष्फोटमा परी करिब आधा दर्जन मानिस घाइते भएका र घाइतेमध्ये दुई जनाको अवस्था गम्भीर रहेको छ । घाइतेहरुलाई उपचारका लागि अस्पताल लगिएको छ ।

विष्फोटले आगलागी हुँदा कार्यालयको कागजात जेलेको प्रहरीले बताएको छ । अहिले घटना स्थलमा बाक्लो संख्यामा सुरक्षाकर्मीहरु खटिएका छन् । विस्फोट कसले गराएको भन्ने अहिलेसम्म नखुलेको प्रहरीले जनाएको छ ।

काठमाडौं । नेकपा एमालेको खनाल, नेपाल समूहले राष्ट्रिय कार्यकर्ता भेला गर्ने भएको छ । वरिष्ठ नेता झलनाथ खनाल र माधवकुमार नेपाल निकट केन्द्रीय सदस्य र संघीय सांसदहरुको शनिबार बसेको बैठकले चैत ४ र ५ गते कार्यकर्ता भेला गर्ने भएको छ ।

भेलामा केन्द्रीय कमिटी र केन्द्रीय निकायका सबै सदस्य, संघ र प्रदेशका सांसद, प्रदेश कमिटीका पदाधिकारी र सदस्य, जिल्ला कमिटी पदाधिकारी, पालिकाका निर्वाचित प्रमुख र उपप्रमुखका साथै पार्टी कमिटीका पदाधिकारीलाई आह्वान गरिएको छ ।

बैठकले यसअघि अध्यक्ष केपी शर्मा ओलीले गरेका एकलौटी निर्णयहरु अमान्य र अस्वीकार्य भएको निष्कर्ष समेत निकालेको हो । अध्यक्ष ओलीले शुक्रबार बालुवाटारमा गरेको बैठकबारे केन्द्रीय पदाधिकारी र सदस्यहरुलाई जानकारी नगराएको र बहुमत सदस्यसमेत उपस्थित नभएकाले अवैध भएको समूहले दाबी छ ।

काठमाडौं । माओवादी केन्द्रले सरकारमा रहेका मन्त्रीहरुलाई फिर्ता बोलाएको छ । गृहमन्त्री रामबहादुर थापा बादलसहित मन्त्रीहरुलाई मन्त्रिपरिषदबाट फिर्ता हुन पार्टीले निर्देशन दिएको हो । पेरिसडाडाँमा आज बसेको स्थायी कमिटी बैठकले मन्त्रिपरिषदबाट फिर्ता हुन निर्देशन दिएको हो ।

वर्तमान सरकारमा गृहमन्त्री बादल, ऊर्जामन्त्री टोपबहादुर रायमाझी, खानेपानीमन्त्री मणि थापा, सिँचाइमन्त्री प्रभु साह, खेलकुदमन्त्री दावा लामा र श्रम मन्त्री गौरीशंकर चौधरी माओवादीबाट सरकारमा रहेका छन् । एमाले अध्यक्ष एवम् प्रधानमन्त्री केपी शर्मा ओलीले बादलसहित २३ जनालाई एमालेको केन्द्रीय सदस्य मनोनयन गरिसकेको सन्दर्भमा माओवादीले सबै नेतालाई सरकारबाट फिर्ता आउन भनेको हो ।

ओलीतिर लागेका यी मन्त्रीहरुलाई २४ घण्टे स्पष्टीकरण समेत सोधिएको छ । माओवादी मन्त्रीहरु भने अब ओलीतिरै बस्ने निर्णयमा पुगिसकेका छन् । माओवादी केन्द्रले आइतबार एघार बजे केन्द्रीय कमिटी बैठक बोलाएको छ। नयाँ सरकारका विषयमा भएको छलफलबारे भने सार्वजनिक गरिएको छैन ।

काठमाडौं । जनता समाजवादी पार्टीको समर्थन लिन नेकपा एमाले ओली पक्ष र माओवादी केन्द्रले प्रयास गरिरहेका छन् । जसपा निर्णायक बन्ने अवस्थामा कांग्रेसले नयाँ सरकारको गठनको पहल थाल्ने निर्णय गरेको छ । पार्टीका देउवा र पौडेल दुबै खेमाले एक स्वरमा प्रधानमन्त्रीमा दावेदारी गर्ने र कांग्रेसको नेतृत्वमा नयाँ सरकार बनाउन पहल गर्न देउवालाई आग्रह गरेका छन् ।

पहिलो पटक नेकपा भित्रको विवाद र अहिले जनता समाजवादी पार्टी (जसपा) को अन्तरिक मतभेदलाई कारण देखाउँदै देउवा भने पर्ख र हेरको अवस्थामा छन् । अहिले एमालेको ओली पक्षबाहेक सबै दल प्रधानमन्त्री केपी शर्मा ओलीको विकल्प खोज्नुपर्ने पक्षमा छन् । सोही अनुसार जोडघटाउ पनि सुरु भएको छ ।

अहिले माओवादी केन्द्रले कांग्रेसको नेतृत्व स्वीकार गरी एमालेबाहेकका दलको सहभागितामा सरकार बनाउन चाहेको छ । माओवादी केन्द्रका अध्यक्ष प्रचण्डले आफु प्रधानमन्त्री नबन्ने तर देउवालाई प्रधानमन्त्रीमा स्वीकार गर्ने बताइसकेका छन् । देउवाको निवास बुढानीलकण्ठमा शुक्रबार बसेको कांग्रेस पदाधिकारी र पूर्व पदाधिकारीहरुको बैठकले सरकार गठनको पहल लिन देउवालाई आग्रह गरेको छ ।

शुक्रबारको बैठकमा जसपाका मागका सम्बन्धमा समेत छलफल भएको बताइएको छ । वर्तमान प्रधानमन्त्रीबाट स्वतन्त्र र निष्पक्ष चुनाव हुन नसक्ने निष्कर्ष निकाल्दै कांग्रेस नेताहरुले अब चुनावी सरकारको नेतृत्व गर्ने मौका गुमाउन नहुने सुझाव समेत दिएका छन् । यस अवस्थामा भने कांग्रेस, माओवादी केन्द्र र जसपाको संयुक्त सरकार बन्ने छ । एमाले प्रतिपक्षमा बस्नुपर्ने छ ।

कांग्रेस पदाधिकारी र पूर्व पदाधिकारीको बैठक पछि भने कांग्रेसका शीर्ष नेताले जसपाका शीर्ष नेतासँग शुक्रबार नै छलफल गरेका छन् । कांग्रेससँगको छलफलका लागि जसपाका संघीय परिषदका अध्यक्ष डा. बाबुराम भट्टराई समेत पुगेका थिए । उनी ओलीले बोलाएको बैठकमा गएका छैनन् ।

हेटौडा । मकवानपुरमा शनिबार बिहान भएको सवारी दुर्घटनामा तीन जनाको मृत्यु भएको छ । पूर्वपश्चिम राजमार्गको मकवानपुर, मनहरी ६ सुनाचुरीमा रात्रीबस र ट्रक एकआपसमा ठोक्किँदा दुर्घटना भएको प्रहरीले जनाएको छ । दुर्घटनामा १० जना घाइते छन् । शनिबार बिहान हेटौंडाबाट चितवनतर्फ जाँदै गरेको ना४ख ५१४९ नम्बरको बस र विपरीत दिसाबाट हेटौंडा आउँदै गरेको ना६ख८९ नम्बरको ट्रक ठोक्किएका छन् ।

दुर्घटनामा बस चालक वीरगञ्ज महानगरपालिका १५ का ३५ वर्षीय मदनकुमार थापा, बसमा सवार भारत सिस्वाका अन्दाजी ३५ वर्षिय वर्षीय अभयलाल कुश्वाह र बिहारका ४० वर्षीय सुनिलकुमार रहेको प्रहरीको उल्लेख गरेको छ । घाइतेको हेटौंडामा र भरतपुरमा उपचार जारी छ । तिव्र गतिमा रहेका सवारी एक आपसमा ठोक्किएको अनुमान छ ।

काठमाडौं । प्रधानमन्त्री केपी शर्मा ओली पक्षले एकलौटी पदाधिकारी खारेज गर्ने र माधव कुमार नेपाल तथा झलनाथ खनाल पक्षका नेताको जिम्मेवारी खोस्ने निर्णय गरेपछि नेपाल-खनाल समुह आक्रामक बन्ने भएको छ । उक्त समुहले एमालेभित्र समानान्तर कमिटी बनाउने निर्णय गरेको छ ।

आज ओली पक्षीय नेताहरु मात्र बसेर गरेको निर्णय लगत्तै वरिष्ठ नेता झलनाथ खनाल र माधवकुमार नेपाल समूहले आकस्म्कि केन्द्रिय कमिटीका नेताहरुको बैठक डाकेको थियो । उक्त बैठकले नै समानान्तर कमिटी बनाउने निर्णय गरेको हो ।

शनिबार समानान्तर कमिटी जिल्ला तहबाटै बनाउने निर्णय समुहले गरेको छ । जुन स्थानमा आफ्नो समुहको नेतृत्व छैन, त्यहाँ नेतृत्व चयन हुने बताइएको छ । यसलाई समुहले पार्टी पुनर्संरचना अभियान भनेको छ ।

ओलीले पार्टीलाई बिसर्जनतिर लगेको निष्कर्ष निकाल्दै आक्रामक रुपमा जाने तयारी एमालेको अर्को समुहले गरेको हो । समानान्तर कमिटीको घोषणा चैत ४ मा गरिने भएको छ ।

काठमाडौं । नेपालमा थप ४८ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ४८ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७५ हजार ११८ जना पुगेको छ । स्वास्थ्य मन्त्रालयका अनुसार ६१जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७१ हजार १७७ जना पुगेको मन्त्रालयले जनाएको छ । संक्रिय संक्रमितको संख्या ९ सय २९ रहेको छ । मृत्यु हुनेको संख्या शून्य रहेको छ ।

काठमाडौं । नेकपा एमालेले सातै प्रदेशमा इन्‍चार्ज तोकेको छ ।

शुक्रबार बालुवाटारमा बसेको एमालेको केन्‍द्रीय समिति बैठकले सातै प्रदेशका इन्‍चार्ज तोकेको हो । वैठकले रामबहादुर थापा ‘बादल’लाई बागमती प्रदेश इन्चार्ज बनाएका छन् ।

शुक्रबार ओली अष्टलक्ष्मी शाक्यलाई हटाएर बादललाई बागमती प्रदेश इन्चार्जको जिम्मेवारी दिएका हुन् ।

पुस ५ गते प्रतिनिधिसभा विघटन गर्ने प्रधानमन्त्रीको निर्णयको विरोधमा उत्रिएकी शाक्यलाई हटाएर ओलीले पूर्वमाओवादी नेता बादललाई नयाँ जिम्मेवारी दिएका हुन् ।

त्यस्तै प्रदेश १ को इन्‍चार्जमा सुवास नेम्वाङ, प्रदेश २ मा सत्यनारायण मण्डल, वाग्‍मती प्रदेशको इन्चार्जमा रामबहादुर थापा, गण्डकीमा पृथ्वीसुब्बा गुरुङ, लुम्बिनीमा शंकर पोखरेल, कर्णालीमा मणि थापा र सुदूरपश्चिममा लेखराज भट्टलाई इन्चार्जको जिम्‍मेवारी दिएको हो ।

भीम रावललाई हटाएर एमाले सूदूरपश्चिम प्रदेश इन्चार्जको जिम्मेवारी भट्टलाई जिम्मेवारी दिएका हुन् ।

काठमाडौं । नेकपा एमालेका अध्यक्ष केपी शर्मा ओलीले महासचिवबाहेक सबै पदाधिकारीलाई हटाएका छन् ।

बालुवाटारमा बसेको केन्द्रीय कमिटिको बैठकले उपाध्यक्ष, उपमहासचिव, सचिवलगायत पद खारेज गरेको हो। त्यस्तै वैठकले रामबहादुर थापा बादल सहित माओवादी केन्द्रका २३ जना नेता नेकपा एमालेको केन्द्रीय सदस्य मनोनित गरेको छ ।

बालुवाटारमा बसेको केन्द्रीय कमिटिको बैठकले बादल, ऊर्जा मन्त्री टोपबहादुर रायमाझी, खानेपानी मन्त्री मणि थापा, उद्योग मन्त्री लेखराज भट्ट, शहरी विकास मन्त्री प्रभु साहलगायत २३ जनालाई मनोनित गरिएको एक नेताले जानाकारी दिए । त्यसैगरी बैठकले मंसिर २ गतेदेखि ६ गतेसम्म एमालेको महाधिवेशन गर्ने निर्णयसमेत गरेको छ ।

काठमाडौं । प्रहरीले राजधानी काठमाडौंबाट ४ जनालाई विस्फोटक पदार्थसहित पक्राउ गरेको छ।

प्रहरीले शुक्रबार काठमाडौंको बौद्धबाट २ किलो ५ सय ग्राम विस्फोटक पदार्थसहित ४ जनालाई पक्राउ गरेको महानगरीय प्रहरी कार्यालय रानीपोखरीले शुक्रबार पत्रकार सम्मेलन गरी जानाकारी दिएको हो ।

पक्राउ पर्नेमा रामेछापको लिखु तामाकोशी गाउँपालिका–५ बस्ने ४० वर्षीय नारायण सिंह तामाङ, सोही ठाउँ घर भई हाल काठमाडौंको बौद्ध बस्ने ४० वर्षीया जानुका तामाङ, रामेछापको बागजोर नगरपालिका–४ का २० वर्षीय प्रकाश चौहान र सिन्धुलीको सुनकोशी–४ बस्ने २० वर्षीय मनोज न्यौपाने रहेका छन् ।

उनीहरुले सो विस्फोटक पदार्थ कुन प्रयोजनका लागि बौद्ध ल्याएका हुन भन्ने विषय खुली नसकेको प्रहरीले बताएको छ। प्रहरीका अनुसार एक व्यक्तिको घरमा २० वर्षदेखि लुकाएर राखिएको उक्त विस्फोटक पदार्थ प्रहरीले फेला पारेको हो।

विस्फोटक पदार्थलाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ। नेपालमा युरेनियम बरामद भएको यो पहिलो घटना हो ।

त्यसको नेपाली मूल्य ६ अर्ब रुपैयाँ बराबर पर्ने आउने प्रहरीको भनाइ छ । जफत भएको युरेनियम प्राकृतिक युरोनियम हो।

युरेनियम २३८ लाई प्रशोधन गरेर युरेनियम २३५ बनाइन्छ। एक किलोग्राम युरोनियम २३५ बाट निस्किने ऊर्जा तीन लाख टन कोइलाबाट निस्किने ऊर्जा बराबर हुने मानिन्छ। १० ग्राम युरेनियम २३५ को मूल्य २० लाख ९ हजार डलर अर्थात् १८ करोड रुपैयाँभन्दा माथि पर्न जान्छ।

काठमाडौं । रेशन चौधरीको रिहाईदेखि संविधान संशोधनसम्मका शर्त राखेर सरकारमा जान तयार देखिएको जनता समाजवादी पार्टी र नेकपा एमालेबीच आज पनि सत्ता साझेदारीका विषयमा छलफल हुने भएको छ । बिहीबार शीर्ष नेताहरुबीच छलफल भएकोमा आज कार्यदल स्तरमा छलफल हुने भएको हो । प्रधानमन्त्री केपी शर्मा ओलीसँगको बिहीबार साँझको बैठकमा जसपाले सरकारमा सहभागी हुन तीन वटा सर्त राखेको थियो ।

सर्त मान्न ओली सकारात्मक देखिएका छन् । संविधान संशोधन, रेशम चौधरीको रिहाइ, कैदीबन्दीको मुद्दा फिर्तासहितका माग जसपाको छ । यता, जसपामा समेत सत्ता साझेदारी गर्दा कसको नेतृत्वमा गर्ने भन्ने विषयमा भने विवाद छ । जसपाका अध्यक्ष बाबुराम भट्टराई र नेता उपेन्द्र यादव ओलीसँगको सहकार्यको विपक्षमा छन् । तर, नेता महन्त ठाकुर र राजेन्द्र महतो भने ओलीसँग सहकार्य गर्न आतुर देखिएका छन् । यसले अन्ततः जसपा समेत विभाजन हुन सक्ने जोखिम बढेको छ ।