Category: फिचर

काठमाडौं । नेपालमा थप १२० जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप १२० जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७४ हजार ६०८ जना पुगेको छ । स्वास्थ्य मन्त्रालयका अनुसार ८३ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७० हजार ७६६ जना पुगेको मन्त्रालयले जनाएको छ । संक्रिय संक्रमितको संख्या ८ सय ३२ रहेको छ । मृत्यु हुनेको संख्या शून्य रहेको छ ।

काठमाडौं । प्रधानमन्त्री केपी शर्मा ओलीले नेपालमा हिंसात्मक द्वन्द्व अन्त्य भएको घोषणा गरेका छन् ।

सरकार र नेपाल कम्युनिस्ट पार्टीबीच सम्पन्न सहमति हस्ताक्षर कार्यक्रमलाई सम्बोधन गर्दै ओलीले शुक्रबारदेखि नेपालमा हिंसात्मक द्वन्द्व अन्त्य भएको घोषणा गरेका हुन् ।

ओलीले नेपाल शान्तिपूर्ण युगमा प्रवेश गरेको बताए । ‘अब नेपालमा हिंसात्मक द्वन्द्व छैन, अब नेपालमा हिंसात्मक बाटो र हिंसात्मक आन्दोलनको कार्यदिशा कसैले पनि अवलम्बन गरेको छैन,’ उनको भनाइ थियो ।

शान्तिपूर्ण ढंगले बाँच्न पाउने हरेक नेपालीका चाहाना भएको समेत बताए। ‘अब देश विकासको कामले गतिशिल ढंगले अगाडि बढ्छौँ।’ उनले भने, ‘नेपाली जनताको चाहाना यही हो। हामी सबैको चाहाना समृद्ध नेपाल, सुखी नेपाली हो।

काठमाडौं । नेकपाका महासचिव नेत्रविक्रम चन्द (विप्लव) ले सरकारसँग गरेको सहमतिमा नेपाललाई सुन्दर देश बनाउने सपना लुकेको बताएका छन् ।

शुक्रबार राष्ट्रिय सभागृहमा आयोजित हस्ताक्षर कार्यक्रममा बोल्दै विप्लवले यो सहमतिको पछाडि भित्र लुकेको महान अकांक्षा बताएका हुन् ।

उनले नेपाललाई सुन्दर देश बनाउने सपना छ । दिर्घ शान्ति स्थिरता । अहिलेसम्म पूरा नभएको समृद्धिको अकांक्ष रहेको बताए । उनले भने, ‘यो सहमति केवल नेपाल सरकार र नेकपाको मात्र होइन । यो सहमति पार्टीको कुरामात्र होइन ।

‘जनताको सपना पूरा गर्नका लागि सबैले हातेमालो गर्नुपर्छ। नेपाली जनताको पक्ष आफ्नो नेता कार्यकर्ताले ज्यान दिएका थिए।

नेपाली जनताको चाहाना पूरा भएको छैन’उनले भने, ‘मृत्युको नजिक नपुगेको कम्युनिस्ट नेता पनि छैनन्। सहिद परिवारलाई विश्वास दिलाउनका लागि बलिदान दिन तयार छौँ। तर, हामी हाम्रो प्रतिबद्धताबाट भाग्दैनौँ।’

केही नेताको कुरा होइन । त्यस्तै ‘विप्लव’ले विदेशी वा अन्य कुनै प्रकारको हस्तक्षेप सह्य नहुने बताएका छन् । आज राष्ट्रियसभागृहमा आयोजित कार्यक्रममा विप्लवले यस्तो बताएका हुन् ।

उनले भने, ‘हामीलाई विदेशीलगायत कुनै हस्तक्षेप मान्य छैन । हस्तक्षेप गर्न खोजे धर्तीमा गाडिन्छौँ तर झुुक्दैनौँ ।’ उनले जनतालाई हरेक कुराको फैसला गर्न दिनुपर्ने बताए । जनतालाई स्वतन्त्र रूपमा निर्णय गर्न दिनुपर्नेमा उनले जोड दिए ।

काठमाडौं । सरकार र नेपाल कम्युनिस्ट पार्टी विप्लव समूहबीच सहमतिपत्रमा हस्ताक्षर भएको छ।

शुक्रबार राष्ट्रिय सभागृहमा आयोजित समारोहमा सरकारी वार्ता टोलीका संयोजक तथा गृहमन्त्री रामबहादुर थापा र विप्लव समूहका वार्ता टोलीका संयोजक खड्गबहादुर विश्वकर्माले हस्ताक्षर गरेका हुन् ।

सरकार र विप्लव नेतृत्वको नेकपाबीच बिहीबार ३ बुँदे सहमति भएको थियो। सरकारले प्रतिबन्धबाट फुकुवा गर्न र नेकपाले शान्तिपूर्ण राजनीति गर्न सहमति जनाएका हुन् ।

दुई पक्षबीच भएको सहमतिअनुसार विप्लव पक्षले आफ्ना सम्पूर्ण राजनीतिक विषयहरुको समाधान सम्वादका माध्यमबाट गर्ने, आफ्ना सम्पूर्ण राजनीतिक क्रियाकलापहरु शान्तिपूर्ण रुपमा सञ्चालन गर्ने र सरकारका तर्फबाट लगाइएको विप्लव नेतृत्वको नेकपामाथिको प्रतिबन्ध हटाउने, सम्पूर्ण बन्दीको रिहाइ र मुद्दा खारेजी लगायत विषयहरु रहेका छन्।

यस्ता छन् सहमति

१) दुबै पक्ष नेपाल सरकार र नेपाल कम्युनिष्ट पार्टी देशको राजनीतिक समस्या वार्ताबाट समाधान गर्न सहमत भएका छौँ

२) नेकपाले आफ्ना सबै गतिविधि शान्तिपूर्वक गर्ने सहमति

३) नेपाल सरकारले नेकपामाथि प्रतिबन्ध फुकाउ गर्ने, कारागारमा रहेकाहरुलाई छुट गर्ने र सबै आरोपहरु खारेज गर्ने

काठमाडौं । प्रधानमन्त्री केपी शर्मा ओली र नेकपाका महासचिव नेत्रविक्रम चन्द विप्लव एउटै मञ्चमा देखिएका छन् । तीन बुँदे सहमतिमा हस्ताक्षर तथा त्यसपछि आयोजित सभालाई सम्बोधन गर्न प्रधानमन्त्री ओली र महासचिव विप्लव एउटै मञ्चमा देखिएका हुन् ।

बिहीबार सरकार र नेकपाबीच भएको तीन बुँदे सहमति भएको थियो ।

काठमाडौं । दुई वर्षयता भूमिगत रहेका नेत्रविक्रम चन्द्र विप्लव आज काठमाडौंमा सार्वजनिक हुँदैछन् । सरकारसँग तीन बुँदे सहमति गरेपछि विप्लव र प्रधानमन्त्री केपी शर्मा ओलीले आज राष्ट्रिय सभागृहमा एउटै मञ्चबाट सम्बोधन गर्ने भएका हुन् । राष्ट्रिय सभागृहमा शुक्रबार दिउँसो दुई बजे विप्लव सार्वजनिक हुने कार्यक्रम छ । आज नै प्रधानमन्त्री ओली र महासचिव विप्लवबीच सहमति पत्रमा हस्ताक्षर गर्ने कार्यक्रम राखिएको छ ।

सरकार र विप्लव समूहबीच विहीबारको वार्तापछि सार्वजनिक भएको प्रेस नोटमा तीन बुँदे सहमति भएको बताइएको छ । सहमतिलाई बिहीबार बसेको मन्त्रिपरिषद बैठकले अनुमोदन गरेको हो । वार्तामा विप्लव समूह शान्तिपूर्ण राजनीतिमा आउन तयार भएको हो । सरकारले समुहमाथिको प्रतिबन्ध हटाउने र बन्दीलाई रिहा गर्ने तथा मुद्दा खारेजी प्रक्रिया शुरु गरिसकेको छ ।

काठमाडौं । सरकारले नेकपा विप्लव समूहमाथि लगाएको प्रतिबन्ध फुकुवा गरेको छ । आज बसेको मन्त्रीपरिषद् बैठकले विप्लव समुहमाथि विगत दुई वर्षदेखि लागेको प्रतिवन्ध फुकुवा गर्ने निर्णय गरेको हो । मन्त्रिपरिषद् बैठकले आज विहान सरकारी वार्ता टोली र विप्लव समूहबीच भएको तीनबुँदे सहमतिलाई अनुमोदन गरेको हो ।

सोही अनुसार विप्लव समुहमाथिको प्रतिवन्ध फुकुवा भएको हो । यो समुह हिंसा छाडेर शान्तिपूर्ण राजनीतिमा आउन तयार भएको छ । शुक्रबार प्रधानमन्त्री केपी शर्मा ओली र विप्लव समुहका नेता नेत्र विक्रम चन्द एकै कार्यक्रममा सहभागी भई विस्तृत सम्झौता सार्वजनिक गर्ने बताइएको छ ।

काठमाडौं । नेपालमा थप १०७ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप १०७ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७४ हजार ४८८ जना पुगेको छ । स्वास्थ्य मन्त्रालयका अनुसार ७८ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७० हजार ६८३ जना पुगेको मन्त्रालयले जनाएको छ । संक्रिय संक्रमितको संख्या ७ सय ९५ रहेको छ । मृत्यु हुनेको संख्या शून्य रहेको छ ।

काठमाडौं । दुई वर्षपछि प्रतिबन्धित नेकपाका महासचिव नेत्रविक्रम चन्द ‘विप्लव’ सार्वजनिक हुने भएका छन् ।

बिहीबार सरकार र विप्लव समूहबीच तीन बुँदे सहमति जुटेपछि फागुन २१ गते विशेष समारोहकाबीच ‘विप्लव’ सार्वजनिक हुने भएका हुन् ।

विप्लव समूहलाई केपी ओली नेतृत्वको सरकारले २०७५ फागुन २८ मा प्रतिबन्ध लगाएको थियो । ओली नेतृत्वको सरकारले पार्टीमाथि प्रतिवन्ध लगाएपछि विप्लव भूमिगत रहँदै आएका छन् । विप्लव समुहले वर्तमान व्यवस्था र संविधान नै नमान्ने बताउँदै आएको थियो ।

शुक्रबार विशेष समारोह गरेर सरकार र विप्लव समूहबीच भएका सहमतिहरु सार्वजनिक गर्ने र सो समारोहमा प्रधानमन्त्री केपी शर्मा ओली र विप्लवले समेत सम्बोधन गर्ने दुवै पक्षका वार्ता टोली संयोजकले बिहीबार जारी गरेको प्रेस नोटमा उल्लेख छ ।

त्यस्तै विप्लव समूहका सबै बन्दी रिहा हुने भएका छन् । सरकार र नेकपा ‘विप्लव’ समूहबीच तीन बुँदे सहमति भएसँगै सो समुहका एक हजार ३६ जना नेता कार्यकर्ता रिहाइ हुने भएका हुन् ।

यसअघि विप्लव समूहले आफ्ना एक हजार बढी नेता कार्यकर्तालाई सिरकारले नियन्त्रणमा लिएको बताउदै आएको थियो । सहमतिपछि रिहाइ हुनेमा सचिवालय सदस्य धर्मेन्द्र, बास्तोला, हेमन्त प्रकाश ओली, माइला लामा लगायत पर्नेछन् ।

सरकार र विप्लव समूहबीच बिहीबार भएको सहमतिपत्रमा विप्लव समूहमाथिको प्रतिबन्ध हटाउँदै सरकारले बन्दी बगाएकाहरुको रिहाइ गर्ने उल्लेख छ । साथै विप्लव समुहका नेता कार्यकर्तामाथिको मुद्दासमेत खारेज हुने भएको छ ।

काठमाडौं । बुधबार कांग्रेस सभापति शेर बहादुर देउवाले आफुले प्रधानमन्त्री पद नमागेको तर आइपरे स्वीकार गर्ने बताएको थिए । यो भनाई यस्तो समयमा आएको छ, जहाँ नेकपा भित्रको प्रचण्ड नेपाल समुहले उनलाई प्रधानमन्त्रीका रुपमा खुला आह्वान गरेको छ । यसै सन्दर्भमा आज नेपाली कांग्रेसका सभापति शेरबहादुर देउवाले पदाधिकारी बैठक डाकेका छन् ।

बिहीबार ३ बजे सभापति देउवाको निवास बुढानिलकण्ठमा पार्टी पदाधिकारी बैठक डाकिएको छ । यहाँ पूर्वपदाधिकारीसमेत उपस्थित हुनेछन् । कांग्रेसको संसदीय दलको बैठक शुक्रबार बस्दैछ । त्यसअगाडी नै पदाधिकारी बैठकले आगामी संसद बैठक अगाडी कांग्रेसको पोजिसनका विषयमा स्पष्ट निर्णय लिने बताइएको छ ।

सरकारको सिफारिसमा राष्ट्रपतिबाट प्रतिनिधि सभा बैठक फागुन २३ मा आह्वान गरिएको छ । यो बैठकका लागि सबै दलले आआफ्नो रणनीति बनाइरहेका छन् । कांग्रेस भित्र देउवा सरकारमा जानुपर्ने पक्षमा छन् भने रामचन्द्र पौडेल समुह भने प्रतिपक्षमै बस्नुपर्ने पक्षमा छन् ।

नयाँ दिल्ली । भारतले नेपाल र भुटानको सीमा क्षेत्रमा शसस्त्र फौज वृद्धि गर्ने भएको छ । त्यहाँको गृह मन्त्रालयले नेपाल र भुटानसँगको सीमा क्षेत्रमा सशस्त्र सीमा बल (एसएसबी) युनिट बढाउने प्रस्ताव स्वीकृत गरेको भारतीय संचारमाध्यमले जनाएका छन् । इण्डिया टुडो अनुसार दुई मुलुकको सीमा क्षेत्रमा भारतले अतिरिक्त १३ हजार फौज बढाउने निर्णय भएको हो ।

सीमा क्षेत्रको सुरक्षा अभिवृद्धि गर्न भन्दै भारत सरकारले सीमामा फौज बढाउन लागेको बताइएको छ । नेपाल र भुटानसँग सीमा जोडिएको क्षेत्रमा अब एसएसबीका थप १२ युनिट स्थापना गरिने भएको छ । अब प्रत्येक वर्ष चार बटालियनका दरले फौज बढाउने निर्णय समेत भएको छ ।

नेपाल र भारत सिमानमा रहेका चार वटा एकीकृत जाँच केन्द्र (आईसीपी) तथा ५५८ पोष्ट थप गर्ने प्रस्ताव समेत त्यहाँको गृह मन्त्रालयबाट स्वीकृत भएको छ । अहिले सीमानामा ९० हजार एसएसबीको खटिएको छ । भारतीय गृह मन्त्रालयलले इन्डो तिब्बतीयन बोर्डर पुलिस संख्यामा पनि १० हजार थप गर्ने निर्णय गरेको छ । यो फौज चीनसँगको सीमानामा खटिएको छ ।

काठमाडौं । गत साउनमा काठमाडौंको गोंगबुमा एक आततायी घटना सार्वजनिक भयो । जहाँ एक व्यक्तिको हत्यापछि टाउको, खुट्टा र जिउ काटेर टुक्रा पारेको अवस्थामा फेला पर्यो । यो घटना घटाउने अपराधी थिइन् कल्पना मुडभरी पौडेल । उनलाई प्रहरीले घटना भएको तेस्रो दिनमै पक्राउ गर्न सफल भएको थियो । जिल्ला अदालत काठमाडौंले उनलाई जिवनभर जेल बस्नुपर्ने सजाय सुनाएको छ ।

यससँगै अब उनी जेलबाट मुत्त हुन पाउने छैनन् । न्यायाधीश राजेन्द्र अधिकारीको इजलासले उनलाई आजीवन काराबासको सजाय सुनाएको हो । मुलुकी फौजदारी संहितामा ज्यानसम्बन्धी कसुर गर्नेलाई जन्मकैद अर्थात २५ वर्ष कैदको व्यवस्था छ । तर, कल्पनाको हकमा भने क्रुर यातना दिई वा निर्ममतापूर्वक ज्यान मारेको पुष्टि भएको छ ।

सोहीकारण उनी आजीवन जेल बस्नु पर्ने भएको हो । यस घटनामा कल्पनाकी छोरीको भने संलग्नता नदेखिएको भन्दै अदालतले सफाइ दिएको छ। कल्पनाले छोरीलाई लास बोक्न प्रयोग गरेकी थिइन् । गोंगबुको गणेशस्थान नजिक गत साउन २५ मा दाङका कृष्णबहादुर बोहराको विभत्स हत्या भएको हो ।

कल्पना मुडभरी पौडेलको कोठामै उनको हत्या भएको हो । राति हत्या गरी टाउको र खुट्टा एउटा झोला र जीउ सुटकेसमा राखेर सडकको छुट्टाछुट्टै स्थानमा फालेको अवस्थामा फेला परेको थियो ।

काठमाडौं । सरकार र नेकपा विप्लव समूहबीचको दोस्रो चरणको वार्ता सकिएको छ । प्रधानमन्त्रीको सरकारी निवास बालुवाटारमा बसेको दोस्रो चरणको वार्ता छिट्टै सकारात्मक निष्कर्ष पुग्ने अपेक्षासहित सकिएको हो ।

वार्तामा विषय केन्द्रीत हुनुका साथै दुबै पक्ष समान धारणा नजीक पुगेको र छिट्टै सकारात्मक निष्कर्षमा पुग्ने अपेक्षा गरिएको सरकारी टोलीका सदस्य डा. राजन भट्टराईले जानाकारी दिए ।

विप्लव नेतृत्वको नेकपाका वार्ता टोली संयोजक खड्गवहादुर विश्वकर्मा र दीपक चलाउने रहेका थिए । विप्लव समूहको वार्ता टोली मंगलबार (हिजो) नै काठमाडौं आइपुगेको थियो ।

सरकारले ०७५ फागुन २८ गते विप्लव समूहमाथि प्रतिबन्ध लगाएको थियो । वार्तामा विप्लव समूहले आफूमाथि लगाइएको प्रतिबन्ध फुकुवा गर्न र पक्राउ परेका आफ्ना नेता तथा कार्यकर्तालाई बिना सर्त रिहाइ गर्न माग गरेको छ ।

काठमाडौं । नेपालमा थप ८७ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ८७ जनामा कोरोना संक्रमण पुष्टि भएको हो ।

यो सँगै कोरोना संक्रमितको संख्या २ लाख ७४ हजार ३८१ जना पुगेको छ । स्वास्थ्य मन्त्रालयका अनुसार ६२ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७० हजार ६०५ जना पुगेको मन्त्रालयले जनाएको छ । संक्रिय संक्रमितको संख्या ७ सय ६६ रहेको छ ।

काठमाडौं । नेकपा प्रचण्ड–नेपाल समूहले संसदीय दलको नेताबाट केपी शर्मा ओलीलाई हटाउने निर्णय गरेको छ ।

बुधबार बसेको स्थायी कमिटीले प्रधानमन्त्री ओलीलाई हटाउँदै दलको उपनेताबाट सुवास नेम्वाङसहित ७ जनालाई ६ महिना निलम्बन गरेको हो । त्यस्तै संसदीय दलको सचेतकबाट शान्ता चौधरीलाई कारबाही गरेको छ ।

नेकपाको ओली समूहबाट संसदीय दलको प्रमुख सचेतक बनेका विशाल भट्टराई, महेश बस्‍नेत, प्रभु साह, कर्ण थापा,प्रधानमन्त्रीका प्रेस सल्लाहकारलाई ६ महिनाका लागि पार्टीबाट निलम्बन गरेर कारबाही गरेको छ ।

थापा प्रधानमन्त्री केपी शर्मा ओलीका प्रेस सल्लाहकारसमेत हुन् । स्थायी कमिटी सदस्य तथा दलका उपनेता सुवास नेम्वाङले पार्टीको अन्तरिम विधान उल्लंघन गरेको हुनाले स्थायी कमिटीबाट निलम्बन गर्दै तीन दिनभित्र उपनेताबाट राजीनामा गर्न निर्देशन दिइएको हो।

उनीहरुलाई पार्टी अनुशासन विपरित काम गरेकोले कारबाही गरिएको दाहाल-नेपाल समूहले जनाएको छ ।

प्रचण्ड–नेपाल समूहले प्रधानमन्त्रीसमेत रहेका केपी शर्मा ओलीलाई प्रतिनिधि सभा विघटन गरेसँगै पुस ५ गते नै दलको नेता र पार्टी अध्यक्षबाट हटाइसकेको छ ।

पुस ५ गते प्रतिनिधि सभा विघटनसँगै प्रचण्ड-नेपाल र प्रधानमन्त्री ओलीले छुट्टाछुट्टै रूपमा राजनीतिक गतिविधि सञ्चालन गर्दै आएका छन्। दुवै दल कानुनी रूपमा भने अहिले पनि एकै छन्।

काठमाडौं । सरकार र नेकपा विप्लव समूहबीचको पहिलो चरणको वार्ता सकिएको छ ।

दुवै वार्ता टोलीबीच बुधबार विहान पहिलो चरणको वार्ता भएको हो । वार्तामा दुई पक्षबीच आ–आफ्नो कुरा राख्नेमा आजको बैठक सकिएको बताइएको छ । वार्ता भएको स्थान गोप्य राखिएको छ ।

वार्तामा सरकारी वार्ता टोलीका संयोजक गृहमन्त्री रामवहादुर थापा ‘बादल’ र प्रधानमन्त्रीका विदेश मामिला सल्लाहकार डा. राजन भट्टराई रहेका थिए ।

विप्लव नेतृत्वको नेकपाका वार्ता टोली संयोजक खड्गवहादुर विश्वकर्मा र दीपक चलाउने रहेका थिए । विप्लव समूहको वार्ता टोली मंगलबार (हिजो) नै काठमाडौं आइपुगेको थियो ।

वार्तामा के–के भयो खुलाइएको छैन । दुई समूहबीच निरन्तर छलफल जारी राख्ने सहमति भएको बताइएको छ । सरकारले ०७५ फागुन २८ गते विप्लव समूहमाथि प्रतिबन्ध लगाएको थियो ।