Category: फिचर

काठमाडौं । नेपालमा पछिल्लो २४ घण्टामा थप ३ सय ११ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार २४ घण्टामा पिसिआर विधिबाट गरिएको। नमुना परिक्षण गरिएकोमा ३ सय ३१ जनामा कोरोना संक्रमण पुष्टि भएको हो ।

योसँगै नेपालमा कोरोना संक्रमितको संख्या १९ हजार ६३ पुगेको मन्त्रालयले बताएको छ ।

पछिल्लो २४ घण्टामा थप १ सय २१ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या १३ हजार ८ सय ७५पुगेको छ।

कुल संक्रमितमध्ये ४८ जनाको मृत्यु भएको छ।

काठमाडौं । मनसुन शुरु भएसँगै (जेठ ३० गतेदेखि साउन ११ गतेसम्म) नेपालमा १४७ जनाको मृत्यु भएको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्यांक अनुसार देशको विभिन्न ठाँउमा बाढी, पहिरो र चट्याङमा परी करिब डेढ महिनाको अवधिमा १४७ जनाको मृत्यु र ५१ जनाको बेपत्ता भएका छन् ।

पहिरोबाट सवैभन्दा धेरै १२७ जनाको मृत्यु भएको छ। सिन्धुपाल्चोक, म्याग्दी, संखुवासभा लगायत जिल्लामा बढी मानिसको पहिरोमा परी ज्यान गएको छ।

विभिन्न स्थानमा पहिरोमा परी ४५ जना बेपत्ता छन्। उनीहरुको नेपाली सेना, सशस्त्र प्रहरी, नेपाल प्रहरी, स्थानीय लगायत खोजी कार्य गरिरहेका छन् ।

पहिरोमै परी ११४ जना घाइते भएको प्राधिकरणको तथ्यांकमा उल्लेख गरिएको छ ।

मनसुन शुरु भएपछि बाढिबाट ३ जनाको मृत्यु, ६ जना बेपत्ता र १ जना घाइते भएका छन् । त्यस्तै चट्याङबाट १७ जनाको मृत्यु भएको छ भने ४२ जना घाइते भएका छन्। गएको २४ घण्टामा मात्रै पहिरोमा परी तीन जनाको मृत्यु भएको छ।

प्राधिकरणका अनुसार,सोमबार राति आएको पहिरोले बाग्लुङको तमानखोला गाउँपालिका–२ का पानबहादुर विकको घर पुरिंदा उनका १३ वर्षीय छोरा खिमबहादुर विक र १२ वर्षीया छोरी रीता विकको मृत्यु भएको हो ।

जल तथा मौसम विज्ञान विभागले न्यून चापीय रेखा नजिक भएसँगै नेपालमा वर्षाको मात्रा बढ्दै गएको बताएको छ । विभागको अनुसार अझै तीनदिन सम्म अविरल वर्षाको संभावना रहेकाले सचेत रहन आग्रह गरेको छ। केही स्थानमा वर्षा भइरहेको र वर्षाको संभावना कायमै रहेकाले सचेत रहन विभागले विज्ञप्ति मार्फत् आग्रह गरेको छ।

काठमाडौं । नेपाल प्रहरीको मुख्यालय, नक्सालमा कार्यरत थप २३ जना प्रहरीमा कोरोना भाइरसको संक्रमण पुष्टि भएको छ।

मंगलबार गरिएको परीक्षणमा मुख्यालयमा कार्यरत थप २३ जना प्रहरीमा कोरोनाको संक्रमण पुष्टि भएको हो। संक्रमितहरूमा चालक, मेकानिक्स र मेसमा काम गर्ने कर्मचारी रहेका छन् ।

संक्रमण पुष्टि भएपछि संक्रमित प्रहरीलाई सशस्त्र प्रहरीको बलम्बु अस्पतालमा पठाउने तयारी भइरहेको प्रहरी डीआईजी एवं प्रवक्ता निरजबहादुर शाहीले जानकारी दिए।

यसअघि आइतबार गरिएको परीक्षणमा मुख्यालयमा कार्यरत चार जना प्रहरीमा कोरोनाको संक्रमण पुष्टि भएको थियो। त्यसै क्रममा मुख्यालयमा रहेका अन्य सुरक्षाकर्मीको परीक्षण गर्ने क्रममा थप २३ जनामा संक्रमण देखिएको हो।

काठमाडौं । सत्तारूढ नेपाल कम्युनिस्ट पार्टी (नेकपा) को स्थायी कमिटी बैठक अनिश्चितकालसम्मका लागि स्थगित भएको छ ।

मंगलबार बिहान ११ बजेका लागि तय भएको बैठक अर्को सूचना नआएसम्मका लागि स्थगित भएको हो ।

पार्टी अध्यक्षद्वय केपी शर्मा ओली र पुष्पकमल दाहाल ‘प्रचण्ड’ बीच आवश्यक परामर्श र गृहकार्य गरी सचिवालयको बैठकको निर्णय र निर्देशन बमोजिम प्रस्ताव तय गर्न बाँकी रहेको हुनाले अनिश्चितकालका लागि बैठक स्थगित गरिएको जनाइएको छ ।

असार १० गतेबाट सुरु भएको बैठक साउन ६ गते आठौंपटक स्थगित गर्दै १३ साउनसम्म धकेलिएको थियो ।

काठमाडौं  । बाग्लुङमा बाढी र पहिरोमा परी चार जनाको मृत्यु भएको छ।

साेमबार राति आएको पहिरोले बाग्लुङको तमानखोला गाउँपालिका–२ का पालबहादुर विकको घर पुरिंदा उनका १३ वर्षीय छोरा खिमबहादुर विक र १२ वर्षीया छोरी रीता विकको मृत्यु भएको हो ।

पहिरोमा परि पालबहादुरकी श्रमती होमकुमारी गम्भीर घाइते भएकी छिन । निसीखोला गाउँपालिका–१ मा एक घर पहिरोले परिंदा पाँच वर्षीया समीर परियारको मृत्यु भएको प्रहरीले जनाएको छ ।

सोही गाउँपालिकामै अन्दाजी ६० वर्षीया एक महिलाको शव खोलाको छेउमा फेला परेको छ । उनको पहिचान खुल्न बाँकी रहेको प्रहरीले जनाएको छ ।

काठमाडौं । नेपालमा कोरोना संक्रमणबाट थप तीन जनाको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार पर्साका ६५ वर्षीय वृद्ध, धनुषाका ३६ वर्षीय पुरुष र बाराका ६० वर्षीय पुरुषको उपचारको क्रममा मृत्यु भएको हो ।

पर्सामा मृत्य भएका व्यक्ति भारतीय नागरिक रहेको बताइएको छ । उनी मुटु तथा मधुमेहका रोगी थिए । त्रिवि शिक्षण अस्पतालमा मृत्य भएका बाराका ६० वर्षीय वृद्ध निमोनीया, मष्तिष्कघात र मृगौलासम्बन्धी रोगबाट ग्रसित थिए ।

धनुषाका पुरुषलाई ज्वरो, खोकी र श्वासप्रश्वासमा समस्या भएपछि थप उपचारका लागि बीपी कोरइराला स्वास्थ्य विज्ञान प्रतिष्ठानमा लैजाँदै गर्दा बाटोमा मृत्यु भएको गौतमले बताए ।

योसँगै नेपालमा कोराना संक्रमणबाट मृत्यु हुनेको संख्या ४८ पुगेको छ ।

काठमाडौं । नेपालमा पछिल्लो २४ घण्टामा थप १ सय ३९ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा.जागेश्‍वर गौतमको अनुसार २४ घण्टामा पिसिआर विधिबाट गरिएको. नमुना परिक्षण गरिएकोमा १ सय ३९ जनामा कोरोना संक्रमण पुष्टि भएको हो ।

योसँगै नेपालमा कोरोना संक्रमितको संख्या १८ हजार ७५२ पुगेको मन्त्रालयले बताएको छ ।

पछिल्लो २४ घण्टामा थप ६ सय २६ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या १३ हजार ७ सय ५४ पुगेको छ।

कुल संक्रमितमध्ये ४५ जनाको मृत्यु भएको छ।

काठमाडौं । नेपालमा पछिल्लो २४ घण्टामा थप १ सय ३०जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार २४ घण्टामा पिसिआर विधिबाट गरिएको नमुना परिक्षण गरिएकोमा १ सय ३० जनामा कोरोना संक्रमण पुष्टि भएको हो ।

योसँगै नेपालमा कोरोना संक्रमितको संख्या १८ हजार ६१३ पुगेको मन्त्रालयले बताएको छ ।

पछिल्लो २४ घण्टामा थप ७५ जना उपचारपछि निको भएर डिस्चार्ज भएका छन्। हालसम्म १३ हजार १ सय २८ जना कोरोनाबाट मुक्त भएका छन्। नेपालमा निको हुनेको दर ७०. ५ प्रतिशत रहेको गौतमले बताए।

कुल संक्रमितमध्ये ४५ जनाको मृत्यु भएको छ।

काठमाडौं । रञ्जन कोइरालाको फैसला सर्वोच्चमा पुनः सुनुवाइ हुने भएको छ।

सर्वोच्च अदालतका न्यायाधीश बमकुमार श्रेष्ठ, प्रकाशकुमार ढुंगाना र कुमार रेग्मीको पूर्ण इजलासले पुनरावलोकनको निवेदनमा फैसला गर्दै अनुमति दिएका हुन् ।

यसअघि प्रधानन्यायाधीश चोलेन्द्रशमशेर राणा र न्यायाधीश तेजबहादुर केसीको इजलाशले सशस्त्र प्रहरीका पूर्वडीआईजी रञ्जन कोइरालाको मुद्दामा सजाय कम गर्ने फैसला गरेको थियो ।

सरकारी वकिलको कार्यालयले सोही फैसलाविरुद्ध शुक्रवार सर्वोच्च अदालतमा पुनरावलोकनको निवेदन दर्ता गरेको थियो । तीन जनाको इजलासले उक्त फैसलामाथि पुनः सुनुवाइ हुने अनुमति दिएको हो।

राणा सहितको इजलासले गरेको फैसला त्रुटिपूर्ण थियो वा थिएन भन्ने आगामी दिनको सुनुवाइमा जाँच गर्नेछ।

काठमाडौं । नेपाली कांग्रेसले पूर्वमन्त्री गोविन्दराज जोशीसहित तीन जना नेतालाई पार्टीबाट निष्काशन गरेको छ । कांग्रेस अनुशासन समितिले गोविन्दराज जोशी, पुस्करनाथ ओझा र रामबहादुर विष्टलाई पार्टीबाट निस्काशन गर्ने निर्णय गरेको हो । निर्वाचनमा वरिष्ठ नेता रामचन्द्र पौडेलविरुद्ध बागी उम्मेदवारी दिएका पूर्वमन्त्री जोशी पार्टीबाट ५ वर्षका लागि निस्काशनमा परेका छन् ।

उता, पूर्वमन्त्री तथा कैलालीका महासमिति सदस्य ओझा समेत ५ वर्षका लागि पार्टीबाट निस्काशनमा परेका छन् । उनीमाथि कैलालीमा कांग्रेस सभापति शेरबहादुर देउवा पत्नी आरजु देउवालाई चुनाव हराउन भूमिका खेलेको आरोप लगाइएको छ ।

यता, डडेलधुरा कांग्रेस कार्यालय सचिव विष्ट समेत तीन वर्षका लागि निस्काशनमा परेका छन् । अनुशासन समितिले सोधेको स्पष्टीकरण चिक्तबुझ्दो नभएको भन्दै पार्टीले निस्कासनको निर्णय लिएको अनुशासन समितिले जनाएको छ । तर, समितिको निर्णयप्रति भने कतिपय नेताले विरोध जनाएका छन् ।

काठमाडौं । २०७७ साल शुरु भएयताको साढे तीन महिनामा प्राकृतिक विपत्तिबाट मात्र करीव २ सय जनाको ज्यान गएको छ । वैशाखयता बाढी, पहिरो र चट्याङका कारण १८१ जनाले ज्यान गुमाइसकेको सरकारी तथ्यांकले देखाएको छ । यी विपत्तिमा परी अझै ५१ बेपत्ता रहेको तथ्यांक छ । यी घटनामा २७८ जना घाइते भएको पाइएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्यांक अनसार पहिरोले १२८ जनाको ज्यान गएको छ । पहिरोमा परेर ४४ जना बेपत्ता रहेका छन्। पहिरोले ११४ जना घाइते भएका छन् । उनीहरुको उपचार भइरहेको छ । बाढीबाट यस अवधिमा ६ जनाको मृत्यु भएको छ । ७ जना बेपत्ता छन् । तीन जना घाइते भएका छन् । साढे तीन महिनामा चट्याङ लागेर ४७ जनाको ज्यान गएको छ । १६१ जना घाइते छन् ।

मनसुन शुरु भएपछि बढी मानिसको ज्यान गएको हो । बेपत्ताको खोजी भइरहेको प्राधिकरणले जनाएको छ । मनसुन शुरु भएपछि पाल्पा, बझाङ, जाजरकोट, कास्की, सिन्धुपाल्चोक, गुल्मी, लमजुङ र म्याग्दीमा बढी मानवीय क्षति भएको छ । तराई भेगमा अझै डुबानले मानवीय क्षति भएको छ्रैन । तर, पहाडी भेगमा भने पहिरोले बढी क्षति पुर्याएको छ ।

कंचनपुर । कंचनपुरकी १३ वर्षिय बालिका निर्मला पन्तको हत्या भएको आज दुई वर्ष पुरा भएको छ । तर, यसअवधिमा समेत अपराधी पत्ता लगाउन नसकेको प्रहरी प्रशासनविरुद्ध भने जनताको प्रश्न अझै कायम छ । आखिर किन प्रहरीले अहिलेसम्म अपराधी पत्ता लगाउन सकेको छैन ? प्रहरीले यसअघि दोषि किटान गरेका व्यक्तको डीएनए नमिलेको भन्दै छाडेपछि कुनै पनि व्यक्तिलाई अपराधीका रुपमा पत्ता लगाउन सकेको छैन ।

१० साउन २०७५ मा हराएकी कञ्चनपुरकी १३ बर्षीया निर्मला पन्तको शव भोपिल्ट ११ साउन २०७५ मा भीमदत्त नगरपालिका २ र १८ को सिमाना पर्ने निम्बुखेडा खोलानजिक उखु बारीमा भेटिएको थियो । उनको बलात्कारपछि हत्या भएको प्रहरीले उल्लेख गरेको थियो । यस घटनामा संलग्न रहेको आरोपमा प्रहरीले एकसय भन्दा बढीलाई केरकार गरेर छोडेको थियो ।

स्थानीय दिलीपसिंह विष्टलाई प्रारम्भमा दोषी ठहर गरेको प्रहरीले घटना भएको २४ औं दिन ४ भदौ २०७५ मा प्रहरीले विष्टलाई मुख्य अभियुक्त भनी सार्वजनिक गरेको थियो । तर, उनी अपराधी नभएको भन्दै समुदायमा आन्दोलन भयो । त्यसबेला आन्दोलन नियन्त्रण गर्न प्रहरीले गोली नै चलायो । सो क्रममा भीमदत्त नगरपालिका १८ का १४ ववर्षिय किशोर सन्नी खुनाको ज्यान गएको थियो ।

डीएनएसमेत नमिलेपछि प्रहरीले विष्टलाई छाडेको थियो । प्रहरीले यस घटनाको अनुसन्धानमा त्रुटी रहेको स्वीकार गरेको छ । यद्दपी घटना भने अझै पनि रहस्यमय बनेको छ । घटनापछि प्रहरीको नेतृत्वमै दुइ पटक परिवर्तन भइसकेको छ । सबैको प्रतिवद्धता निर्मला पन्तको हत्यारा पत्ता लगाउने भन्ने नै रहेको छ । तर, अपराधी भने खुलेआम हिडिरहेको छ ।