Category: फिचर

काठमाडौं । नेपाल कम्युनिष्ट पार्टी (नेकपा)को स्थायी कमिटि बैठक एक दुई दिनमै बस्ने कार्यकारी अध्यक्ष पुष्पकमल दाहाल (प्रचण्ड)ले जानकारी दिएका छन् ।

बिहीबार कोरोना परीक्षणका सिलसिलामा संसद भवनमा पुगेका अध्यक्ष प्रचण्डले पत्रकारसँग संक्षिप्त कुराकानी गरेका थिए ।

त्यसक्रममा उनले एक–दुई दिनभित्र पार्टीको स्थायी कमिटी बैठक बोलाइने बताएका हुन् । यसअघि बिहीबारका लागि बैठक डाकिएको थियो ।

तर, दुई अध्यक्षले एजण्डा तय गर्न नसक्दा बैठक अनिश्चित कालका लागि स्थगित भएको छ ।

उनले गृहकार्य नपुगेको कारण बिहीबार निर्धारित बैठक नबसेको समेत स्पष्ट पारे । उनका अनुसार दुबै अध्यक्षको सहमतिमा बैठक बोलाइने छ ।

काठमाडौं । आज राष्ट्रिय तथा प्रतिनिधिसभा सांसदहरुको  कोरोना परीक्षण गरिने भएको छ ।

शुक्रबारबाट शुरु हुने संघीय संसदको बजेट अधिवेशन संचालन अगाडी आज सबै सांसद र कर्मचारीको कोरोना परीक्षण गरिने भएको हो ।

कोरोनाको पिसिआर विधिबाट सांसद र कर्मचारीको परिक्षण हुने भएको छ ।

आज संसदका सबै सांसदको स्वाब संकलन गरी परीक्षणका लागि राष्ट्रिय जन स्वास्थ्य प्रयोगशाला टेकु पठाउने संसच सचिवालयले जनाएको छ ।

बिहान १० बजेदेखि राष्ट्रिय सभा र ११ बजेदेखि प्रतिनिधि सभाका सांसदको संसद भवन नयाँ बानेश्वरको ल्होत्से हलमा स्वाब संकलन गरिने भएको छ ।

सांसद र कर्मचारी समेत गरि पाँच सय जनाको पिसिआर परीक्षण हुने भएको छ ।

प्रतिनिधि सभामा दुई सय ७५ र राष्ट्रिय सभामा ५८ जना सांसद रहेका छन् । भोलीबाट बजेट अधिवेशन शुरु हुँदैछ ।

काठमाडौं । नेकपा सत्तारुढ नेपाल कम्युनिस्ट पार्टी (नेकपा)का अध्यक्षद्धय पुष्पकमल दाहाल प्रचण्ड र केपी ओलीले स्थायी कमिटि बैठकका लागि एजेण्डा तय गर्न नसकेपछि बिहीबार बस्ने भनिएको स्थायी कमिटीको बैठक अनिश्चित बनेको छ ।

बुधबार बसेको सचिवालय बैठकमा अध्यक्षद्वय केपी शर्मा ओली र पुष्पकमल दाहाल प्रचण्डले एजेण्डा तय गर्नु पर्ने थियो । तर, २० गतेको निर्णयअनुसार सहमतिको प्रस्ताव तयार गर्न भने नेताहरु असफल भएका छन् ।

सोहीकारण स्थायी कमिटि बैठक अनिश्चित बनेको छ । यससँगै नेकपा भित्रको विवाद अझै कायम छ भन्ने संकेत स्पष्ट बनेको छ ।

बैठकको कार्यसूची वा बैठकबारे नै के गर्ने भन्ने निर्णय दुई अध्यक्षबाट हुने नेकपाका प्रवक्ता नारायणकाजी श्रेष्ठले जानकारी दिए ।

उनका अनुसार बुधबारको सचिवालय बैठकले भने कुनै निर्णय गर्न सकेन ।

बुधबार सचिवालय बैठक चलिरहेका बेला आराम गर्न भन्दै प्रधानमन्त्री बीचमै उठेका थिए । यो सामान्य विषय भएको प्रवक्ता श्रेष्ठले उल्लेख गरे ।

काठमाडौं । नेपालमा एकैदिन थपिए १७ जनामा कोरोना संक्रमणको पुष्टि भएको छ । राष्ट्रिय जनस्वास्थ्य प्रयोगशालामा गरिएको परीक्षणमा पर्साका १७ जनामा कोरोनाभाइरस पुष्टि भएको हो।

स्वास्थ्य मन्त्रालयका प्रवक्ता विकास देवकोटाका अनुसार आज कोरोना भाइरसको संक्रमण पुष्टि भएकामा २ महिनाका शिशु पनि छन्।

थपिएका सबै संक्रमित पर्सा जिल्लाका हुन्। उनीहरूमध्ये १० पुरूष र ७ महिला छन्। संक्रमण देखिनेमा दुई महिनादेखि ६६ वर्षको उमेरसम्मका रहेका छन् । उनीहरुको नारायणी उपक्षेत्रीय अस्पतालमा उपचार भइरहेको छ ।
योसँगै नेपालमा कोरोनाभाइरसका संक्रमितको संख्या ९९ पुगेको छ।

काठमाडौं । सरकारले अन्तर्राष्ट्रिय सीमानाका जेठ १८ गतेसम्मलाई बन्द राख्ने निर्णय गरेको छ।

मन्त्रिपरिषदको बैठकले भारत कोरोनाको जोखिम दिनप्रतिदिन बढिरहेकाले जेठ १८ गतेसम्म आवागमन रोक्ने निर्णय भएको एकमन्त्रीले जानकारी दिए ।

बैठकले लक डाउनको १० दिन थपेसँगै सीमानाका बन्दलाई पनि निरन्तरता दिएको हो। कोरोना परीक्षणको दायरा अझै बढाउने निर्णय गरेको छ । त्यस्तै सरकारले आन्तरिक र अन्तर्राष्ट्रिय उडान जेठ १८ गतेसम्म बन्द गर्ने निर्णय गरेको छ ।

कोभिड १९ रोकथाम तथा नियन्त्रण को लागि आन्तरिक एवम् वाह्य हवाई उडान जेठ १८ गतेसम्म रोक्ने निर्णय गरेको छ । यसअघि नै जेठ २ गतेसम्मका लागि हवाई सेवामाथि रोक लगाइ सकेको छ । त्यसपछि १८ गतेसम्म थप बन्द हुनेछ ।

काठमाडौं । सरकारले लकडाउनलाई जेठ ५ गतेसम्म लम्ब्याउने निर्णय गरेको छ ।

बुधबार बिहान प्रधानमन्त्रीको सरकारी निवास बालुवाटारमा बसेको मन्त्रिपरिषद् बैठकले लकडाउनको समय थप गर्दै जेठ ५ गतेसम्म पुर्‍याएको हो।

त्यस्तै हिजो बसेको कोरोना रोकथाम तथा नियन्त्रण उच्चस्तरीय समन्वय समितिको बैठकले सरकारले गर्दै आएको लकडाउनलाई निरन्तरता दिने निर्णय गरेको थियो।

पछिल्लोपटक थपेको १० दिने लकडाउन बिहीबार अर्थात वैशाख २५ गते सकिदै छ। सरकारले पहिलोपटक चैत ११ देखि १८ गतेसम्म लकडाउन घोषणा गरेको थियो। त्यसपछि फेरि दोस्रोपटक एक हप्ता थपेर २५ चैतसम्मका लागि लम्ब्याइएको थियो।

त्यसलाई निरन्तरता दिँदै वैशाख ३ गतेसम्म लकडाउन थपिएको थियो। त्यसगरी १२ दिन लकडाउनको अवधि थपेर वैशाख १५ सम्म पुर्‍याएको थियो। पछिल्लो पटक १० दिन थप गर्दै बैशाख २५ गतेसम्म लकडाउन जारी राख्ने निर्णय गरेको थियो।

संक्रमणको जोखिम बढ्दै गएपछि लकडाउनको समय बढाएको जनाइएको छ । नेपालमा हालसम्म कोरोना संक्रमितको संख्या ८२ पुगेको छ।

काठमाडौं । सत्तारुढ नेपाल कम्युनिस्ट पार्टी (नेकपा) को सचिवालय बैठक बुधबार बस्दैछ । बिहीबारबाट शुरु हुने स्थायी कमिटि बैठकमा पार्टीको एजेण्डा तय गर्ने उद्देश्यले सचिवालय बैठक बस्न लागेको नेकपाले जनाएको छ ।

बैठक प्रधानमन्त्री निवास बालुवाटारमा अपरान्ह तीन बजे डाकिएको छ ।

यसअघि २० बैशाखमा बसेको सचिवालय बैठकले तत्कालिन विवाद मत्थर पारेको भएपनि त्यसलाई स्थायी समितिले अनुमोदन गर्न भने बाँकि रहेको छ ।

नेकपामा प्रचण्ड र माधव नेपाल समूहले प्रधानमन्त्री केपी शर्मा ओलीको राजिनामा मागिरहेको छ । तर, भागबण्डामा सहमती भएपछि तत्कालका लागि नेकपा भित्रको विवाद सचिवालयबाटै कम भएको छ ।

त्यसलाई स्थायी समितिमा छलफल हुन बाँक रहेको छ । यसअघि स्थायी समितिमा लैजाने एजन्डाबारे नेताहरुबीच विभिन्न चरणमा छलफल भइरहेका छन् ।

मंगलबार नेकपा अध्यक्ष प्रचण्ड र वरिष्ठ नेता झलनाथ खनालसँग प्रधानमन्त्रीले छुट्टाछुट्टै छलफल गरेका थिए ।

दाहाल र नेपाल समूहका नेताहरु पनि एजेण्डाबारे छलफलमा छन् । पार्टीमा सल्लाह नगरी प्रधानमन्त्री केपी शर्मा ओलीले वैशाख ८ गते दुई अध्यादेश जारी गरेपछि नेकपामा तनाव उचाईमा पुगेको हो ।

काठमाडौं । कोरोना भाइरसको महामारी नियन्त्रणमा नेपालले अहिले लिएकै नीति प्रभावकारी रहेको भन्दै सरकारले लकडाउन लम्ब्याउने निष्कर्षमा पुगेको छ ।

भोली बस्ने मन्त्रीपरिषद्ले सम्भवतः यसको औपचारिक निर्णय गर्नेछ । कोभिड–१९ सम्बन्धी उच्चस्तरीय समन्वय समितिको मंगलबार बसेको बैठकले लकडाउन लम्ब्याउनु पर्ने निष्कर्ष निकालेको हो ।

प्रधानमन्त्री कार्यालयका सचिव नारायण बिडारीका अनुसार अहिलेको उपाय प्रभावकारी छ भन्ने निष्कर्षमा समिति पुगेछ ।

लकडाउनका विभिन्न विकल्पबारे मंगलबारको बैठकमा छलफल भएको छ । यद्दपी निर्णयको अधिकार भने मन्त्रीपरिषद्सँग मात्र रहेको छ ।

मंगलबार प्रधानमन्त्री केपी शर्मा ओलीकै उपस्थितिमा समन्वय समितिको बैठक बसेको हो । मंगलबार विभिन्न मन्त्रालयले आफ्नो क्षेत्रको अवस्थाबारे प्रधानमन्त्री समक्ष ब्रिफिंग समेत गरेका छन् ।

मन्त्रालयहरुले भने अब जोखिमपूर्ण र कम जोखिमपूर्ण क्षेत्र छुट्याएर सोही आधारमा क्रमशः लकडाउन खोल्नुपर्ने विकल्प सरकालाई दिएका छन् ।

नेपालमा ११ चैतबाट लकडाउन शुरु भएको हो । पछिल्लो समय थपिएको लकडाउनको अवधि २५ वैशाख राती १२ बजेपछि समाप्त हुन्छ ।

यस अवधिमा नेपालमा कूल ८१ जनामा संक्रमण पुष्टी भइसकेको छ ।