Category: फिचर

काठमाडौं । काठमाडौं र धादिङबीच सुरुङमार्ग बन्ने पक्का भएको छ । धादिङको सिस्नेखोलादेखि काठमाडौंको नागढुंगा जोड्ने सुरुङमार्ग निर्माण सम्बन्धमा आइतबार सम्झौता भएको हो ।

नागढुंगा सुरुङमार्ग आयोजना र जापानी कम्पनी हाज्मा आन्दो जेभीसँग ठेक्का सम्झौता भएको हो ।

तिहारपछि (नोभेम्बर) सुरुङमार्ग निर्माणको काम थालिनेछ । यो आयोजनाको काम साढे ३ वर्ष भित्र सक्ने गरी सम्झौता भएको हो ।

आयोजनाको लागत १५ अर्ब २५ करोडको लागतमा बन्न लागेको हो। यो कम्पनीले नेपालमा राम्रो नतिजामा काम गरिरहेको छ ।

यही कम्पनीबाट कोटेश्वर सूर्यविनायक खण्ड यही कम्पनीले बिस्तार गरेको हो । चर्चित बिपी राजमार्ग निर्माण समेत यही कम्पनीले गरेको हो ।

चालु आवमा यो सुरुङमार्ग बनाउन सरकारले ६ अर्ब २७ करोड रुपैयाँ विनियोजन गरेको छ । सुरुङमार्ग निर्माण गर्न जापान सरकारले १५ अर्ब रुपैयाँ ऋण दिने सम्झौता भएको छ ।

जापानले ०.०१ प्रतिशत व्याजदरमा ४० वर्षसम्म तिर्ने गरी ऋण उपलब्ध गराएको छ ।

नौबीसेदेखि थानकोटसम्मको सडक खण्ड निकै घुमाउरो र उकालो ओरालो भएपछि निकै ट्राफिक जाम हुने गरेको छ ।

यो जाम हटाउन यो योजना अगाडी बढेको थियो । सुरुङमार्गको लम्बाइ २.३५ किलोमिटर हुनेछ । सुरुङमार्ग बनेपछि यो डाँडो काट्न २० मिनेट मात्र लाग्ने भएको छ ।

काठमाडौं । उपत्यकाकोबाहिरी चक्रपथ निर्माणमा चिनियाँ कम्पनीले गरेको प्रस्ताव स्वीकृत भएको छ ।

लगानी बोर्डको सोमबार बसेको बैठकले बाहिरी चक्रपथमा चासो देखाएको चिनियाँ कम्पनी ‘चिनियाँ कम्युनिकेसन पूर्वाधार कम्पनीको प्रस्ताव स्वीकृत गरेको हो ।

यो आयोजनामा पनि सरकारले लगानी जुटाउन सकेको छैन । काठमाडौं उपत्यकाको दीर्घकालिन विकास र भविश्यसँग जोडिएको यो आयोजनाको कार्यान्वयनले ठूलो रणनीतिक फाइदा हुने र पूर्वाधार विकासमा देशले ठूलो फड्को मार्ने अपेक्षा गरिएको  छ।

तर, लगानी जुट्न नसक्दा सरकारले यो आयोजना पनि अगाडी बढाउन आँट गर्न भने सकेको छैन ।

लगानी बोर्डले छनोट भएको कम्पनीसँग ४५ दिनभित्र विस्तृत प्रस्ताव पठाउन समेत माग गर्ने निर्णैय गरेको हो ।

बोर्डले अरुण जलविद्युत आयोजनामा परेको तीन वटै प्रस्तावलाई योग्य ठान्दै स्वीकृत गरेको छ । यस आयोजनामा तीन वटा कम्पनीको प्रस्ताव परेको थियो ।

यस आयोजनामा भारतीय कम्पनी एसजेभीएन, चाइना पावर र जापानको जे पावरले प्रस्ताव राखेका थिए ।

बैठकले पश्चिम सेती तथा एसआर  संयुक्त जलविद्युत् परियोजनाका लागि प्रस्ताव पेश गर्नेमध्ये संक्षिप्त सूचीकरण छनोटका लागि ऊर्जा, जलस्रोत तथा सिँचाइमन्त्री वर्षमान पुनको संयोजकत्वमा अलग-अलग समिति गठन गरेको समेत उल्लेख गरेको छ ।

नेपालमा ठूला लगानीका आयोजनाको सहजिकरण गर्न लगानी बोर्ड सक्रिय रहेको छ ।

काठमाडौं । बारामा प्रस्तावित दोस्रो अन्तर्राष्ट्रिय (निजगढ) विमानस्थल निर्माण गर्न स्वीट्जरल्याण्डको ज्यूरिच एयरपोर्टको प्रस्ताव स्वीकृत गरिएको छ ।

लगानी बोर्डको सोमबार बसेको बैठकले लगानी सम्मेलनका दौरान आएका ७ प्रस्तावमध्ये ६ वटालाई अयोग्य ठहर गरेको हो ।

एक मात्र प्रस्ताव स्वीकृत गरिएको र उक्त प्रस्ताव ज्यूरिच विमानस्थलको रहेको लगानी बोर्डका सीइओ महाप्रसाद अधिकारीले जानकारी दिए ।

उनका अनुसार बैठकले ज्यूरिचसँग निजगढ विमानस्थल निर्माणका सम्बन्धमा विस्तृत प्रस्ताव माग गर्ने निर्णयसमेत भएको छ ।

यो विमानस्थलका लागि तीन खर्ब लगानी अनुमान गर्दै लगानी बोर्डले गत फागुनमा सम्पन्न लगानी सम्मेलनका दौरान शोकेमा राखेको थियो ।

विमानस्थल बनाउन नेपाली कम्पनी म्याट्रिक्स इन्टरप्राइजेजसहित ७ कम्पनीले चासो देखाएका थिए ।

चीनको चाइना स्टेट कन्स्ट्रक्सन इन्जिनियरिङ र चाइना एयरपोर्ट कन्स्ट्रक्सनसमेत विमानस्थल बनाउन इच्छुक थियो ।

भारतीय कम्पनी जीएमआर र फ्रान्सको भिन्ची एयरपोर्टले पनि विमानस्थल बनाउन लगानी सम्मेलनका दौरान प्रस्ताव राखेका थिए ।

ज्यूरिच विमानस्थल स्वीट्जरल्याण्डको सरकारी विमानस्थल हो । यो विमानस्थलले संसारका अन्य देशमा समेत विमानस्थल संचालन तथा व्यवस्थापन गर्दै आएको छ ।

सरकारले लामो समयदेखि यो विमानस्थलमा लगानीकर्ताको खोजी गरिरहेको छ ।

संस्कृति, पर्यटन तथा नागरिक उड्डयन मन्त्री योगेश भट्टराईको तदारुपताका कारण लगानी बोर्डसमेत द्रूत गतिमा निजगढ विमानस्थलको मूल्यांकन सकाएको छ । यसबाट यो आयोजनाले गति लिने आशा पलाएको छ ।

काठमाडौं । दशैमा काठमाडौंबाट बाहिरिने यात्रुले टिकटको जोहो शुरु गरेका छन् । यातायात व्यवसायीले लामो दूरीको यात्राका लागि आइतबारबाट अग्रिम बुकिङ खुला गरेका छन् ।

व्यवसायीहरुका अनुसार आइतबार मात्र हजारौं यात्रुले टिकट काटेका छन् । टिकट बुकिङ खुल्ने दिन हजारौं यात्रु एका बिहानै काउन्टर पुगेका थिए ।

काठमाडौंको कोटेश्वर, गौशाला, नयाँ बसपार्क, कलंकी, बल्खु, पुरानो बसपार्क, सुन्धारा लगायत क्षेत्रबाट विभिन्न स्थानका लागि अग्रिम टिकट बितरण थालिएको हो ।

सीटभन्दा बढी यात्रु नराख्न र त्यसो भए कारवाही हुने यातायात व्यवस्था विभागले यातायात व्यवसायीलाई सचेत गराइसकेको छ ।

हरेक वर्ष सीट बीना यात्रु राखेको पाइए कारवाही हुने बताए पनि त्यो नीतिमा कडाई गर्न भने सरकार असफल हुँदै आएको छ ।

महानगरीय ट्राफिक प्रहरी महाशाखाको अगुवाइमा उपत्यकाबाट बाहिरिने सवारीसाधनका अनुगमन गर्न तथा यात्रुलाई आइपर्ने समस्या समाधान गर्न उपत्यकामा १० असोजबाट नागरिक सहायता कक्ष समेत स्थापना हुने भएको छ ।

यस्तो कक्षमा नागरिकले गुनासो टिपाउन सक्ने भएका छन् । सातदोबाटो, कोटेश्वर, गौशाला, जोरपाटी, नयाँ बसपार्क, स्वयम्भू, कलंकी, नागढुंगा, पुरानो बसपार्क र सुन्धारामा नागरिक सहायता कक्षा स्थापनाको तयारी रहेको छ