Category: अर्थतन्त्र

काठमाडौं । शेयर बजारमा दोहोरो अंकको गिरावट आएको छ । साताको कारोवारको अन्तिम शेयर बजार मापक सूचक (नेप्से) ३७.०६ अंकले घटेर २३३८.६२ विन्दुमा झरेको हो ।

नेपाल स्टक एक्सचेन्जका अनुसार विहीवार २३२ कम्पनीको १ अर्ब ६५ करोड ४५ लाख ६१ हजार ४७२ रुपैयाँ बराबरको ४६ लाख ७४ हजार ९४० कित्ता शेयर किनबेच भएका छन् ।

अघिल्लो दिनको तुलनामा कारोबार रकममा बढेको छ । तुलनामा कारोबार रकम ३९ करोडले बढेर डेढ अर्ब नाघेको छ ।

आज कारोबारमा आएका १३ वटै समूहको परिसूचक राताम्मे भएको छ । फाइनान्स समूह सबैभन्दा धेरै २.९४ प्रतिशतले घटेको छ । त्यस्तै, होटल, विकास बैंक, हाइड्रोपावर, निर्जीवन बीमा समूह पनि २ प्रतिशतभन्दा धेरैले घटेको छ ।

आज करोबारमा आएको २३२ कम्पनीमध्ये जम्मा ८ कम्पनीको सेयर मूल्य बढेको छ भने २१४ कम्पनीको मूल्य घटेको छ । १० कम्पनीको शेयर मूल्य स्थिर रहेको छ ।

आज सूर्य लाइफ इन्स्योरेन्सको सर्वाधिक कारोबार भएको छ । यसको साढे ८ करोड रुपैयाँकोे सेयर किनबेच भएको छ । त्यसैगरी, एनआइसी एशिया बैंक साढे ६ करोड र नबिल बैंक साढे ४ करोड बढीको कारोबार हुँदै शीर्ष तीनमा रहे ।

उच्च अंकले घटेको बजारमा आज जाल्पा लघुवित्त वित्तीय संस्थाको सेयर मूल्यमा पोजेटिभ सर्किट लागेको छ । यसका शेयरधनीले ठ्याक्कै १० प्रतिशत कमाएका छन् ।

घट्दो बजारमा आज एभरेष्ट इन्स्योरेन्सको प्रमोटर शेयरधनीले सबैभन्दा धेरै ७.१३ प्रतिशत गुमाएका छन् । त्यसैगरी, घलेम्दी हाइड्रोपावर, मैलुङ खोला, शिव श्री र युनियन हाइड्रोपावरको शेयर मूल्य साढे ६ प्रतिशतभन्दा धेरैले घटेको छ ।

त्यस्तै, ग्रीन भेन्चर्स, पञ्चकन्या माइ र बुद्धभूमि नेपालको ६ प्रतिशतले घटेको छ भने नेपाल फाइनान्स, लिबर्टी इनर्जी, इमजिङ नेपाल, प्रिमियर इन्स्योरेन्स, सान्जेन हाइड्रोपावरका शेयरधनीले साढे ५ प्रतिशत गुमाएका छन् ।

काठमाडौं । केन्द्रीय तथ्याङ्क विभागले सातै प्रदेशको कुल गार्हस्थ्य उत्पादन (जीडीपी) र आर्थिक वृद्धिदर प्रक्षेपण गरेको छ। चालू आर्थिक वर्षको ९ महिनाको तथ्याङ्कका आधारमा विभागले प्रक्षेपण गरेको हो।

प्रदेशगत कुल गार्हस्थ्य उत्पादनका आधारमा बागमती प्रदेशको सबेभन्दा बढी र कर्णाली प्रदेशको सबैभन्दा कम रहेको छ। प्रदेश नम्बर १ दोस्रो, लुम्बिनी प्रदेश तेस्रो, मधेश प्रदेश चौथो र गण्डकी प्रदेश पाँचौं रहेका छन्। उपभोक्ता मूल्यमा बागमती प्रदेशको कुल गार्हस्थ्य उत्पादन १७ खर्ब ९१ अर्ब हुने विभागले जनाएको छ।

गत वर्षको संशोधित अनुमाननुसार १५ खर्ब ६८ अर्ब रहेको विभागले जनाएको छ। यस प्रदेशले कुल गार्हस्थ्य उत्पादनको ३६.९ प्रतिशत हिस्सा ओगट्ने बताइएको छ। यसैगरी यस प्रदेशको आर्थिक वृद्धिदर ६.७ प्रतिशत पुग्ने अनुमान गरिएको छ। गत आर्थिक वर्ष ४.६ प्रतिशत आर्थिक वृद्धिदर हासिल भएको विभागले जनाएको छ।

यसैगरी प्रदेश १ को कुल गार्हस्थ्य उत्पादन ७ खर्ब ६३ अर्ब रुपैयाँ पुग्ने अनुमान छ। गत आर्थिक वर्ष यस प्रदेशको कुल गार्हस्थ्य उत्पादन ६ खर्ब ७६ अर्ब रुपैयाँ रहेको थियो। गत आर्थिक वर्ष ४.३ प्रतिशत आर्थिक वृद्धिदर हासिल गरेको यस प्रदेशले चालू आर्थिक वर्ष ५.४ प्रतिशतको वृद्धिदर हासिल गर्ने लक्ष्य राखिएको छ।

यसैगरी लुम्विनी प्रदेशको ६ खर्ब ८४ अर्ब, मधेश प्रदेशको ६ खर्ब ४४ अर्ब, गण्डकी प्रदेशको ४ खर्ब ३२ अर्ब, सुदूरपश्चिम प्रदेशको ३ खर्ब ३९ अर्ब र कर्णाली प्रदेशको १ खर्ब ९८ अर्ब कुल गार्हस्थ्य उत्पादन पुग्ने अनुमान विभागले गरेको छ। मधेश प्रदेशको गत आर्थिक वर्ष वद्धिदर ३.८ प्रतिशत रहेकोमा चालू आर्थिक वर्ष ४.८ प्रतिशत कायम हुने अनुमान गरिएको छ। यसैगरी गण्डकी प्रदेशको आर्थिक वृद्धिदर ६.२ प्रतिशत पुग्ने अनुमान गरिएको छ। गत आर्थिक वर्ष यस प्रदेशले ३.७ प्रतिशत आर्थिक वृद्धिदर हासिल गरेको थियो। गत वर्ष ४.१ प्रतिशत आर्थिक वृद्धिदर हासिल गरेको लुम्विनी प्रदेशले चालू आर्थिक ५.४ प्रतिशत कायम हुने देखिएको छ।

यसैगरी कर्णाली प्रदेशले गत आर्थिक वर्ष ४.३ प्रतिशत आर्थिक वृद्धिदर हासिल गरेकोमा चालू आर्थिक वर्ष ५.५ प्रतिशत वृद्धिदर हासिल गर्ने विभागले प्रक्षेपण गरेको छ। यसैगरी सुदूरपश्चिम प्रदेशले गत आर्थिक वर्ष ४.२ प्रतिशत आर्थिक बृद्धिदर हासिल गरेकोमा चालू आर्थिक वर्ष ४.९ प्रतिशत हुने अनुमान छ। राष्ट्रिय कुल गार्हस्थ्य उत्पादनमा सबैभन्दा धेरै योगदान बागमी प्रदेशको ३६.९ प्रतिशत रहेको छ। यसैगरी प्रदेश १ को १५.९ प्रतिशत, लुम्विनी प्रदेशको १४.१ प्रतिशत, मधेश प्रदेशको १३.२ प्रतिशत, गण्डकी प्रदेशको ८.९ प्रतिशत, सुदूरपश्चिमको ९ प्रतिशत र कर्णाली प्रदेशको ४.१ प्रतिशत रहेको छ।

काठमाडौं । एनएमबि बैंकले आजदेखि ‘एनएमबि ऊर्जा ऋणपत्र ४ प्रतिशत २०९३/९४’ नामको ऋणपत्र विक्री खुला गरेको छ । बैंकले प्रतिकित्ता १ हजार रुपैयाँ दरको ३ अर्ब ५० करोड रुपैयाँ बराबरको ३५ लाख कित्ता ऋणपत्र विक्रीमा ल्याएको हो ।

निष्काशित कुल ३५ लाख कित्ता ऋणपत्र मध्ये २१ लाख कित्ता बैंकले व्यक्तिगत तवरबाट विक्री गर्नेछ भने बाँकी १४ लाख कित्ता सर्वसाधारणमा विक्री गर्नेछ। सर्वसाधरणको १४ लाख कित्तामध्ये पनि ७० हजार कित्ता सामूहिक लगानी कोषका लागि सुरक्षित गरिएको छ। बाँकी १३ लाख ३० हजार कित्तामा सर्वसाधारणले आवेदन दिन सक्नेछन्।

१५ वर्षे अवधिको यस ऋणपत्रमा बैंकले वार्षिक ४ प्रतिशत ब्याजदर प्रदान गर्नेछ । बैंकले यस अघि गत जेठमा पनि ऊर्जा ऋणपत्र निष्काशन गरेको थियो।

इच्छुक लगानीकर्ताले न्यूनतम २५ कित्तादेखि अधिकतम सम्पूर्ण कित्तासम्मका लागि आवेदन दिन सक्नेछन्। उक्त ऋणपत्रमा वैशाख २५ गतेसम्म आवेदन दिन पाइने छ । सो अवधिमा सबै ऋणपत्र नबिकेमा ढिलोमा जेठ ४ गतेसम्म आवेदन दिन पाइने छ ।

ऋणपत्रको निष्काशन तथा विक्री प्रबन्धकमा सिद्धार्थ क्यापिटल लिमिटेड रहेको छ। लगानीकर्ताले नेपाल धितोपत्र बोर्डबाट सी-आस्वा अनुमति प्राप्त बैंक तथा वित्तीय संस्थाहरु, तिनका शाखा कार्यालयहरुका साथै मेरो सेयरमार्फत आवेदन दिन सक्नेछन् ।

बैंकको ऋणपत्रलाई क्रेडिट रेटिङ्ग एजेन्सी इक्रा नेपालले ‘इक्रा एनपी इस्युअर रेटिङ ए माइनस’ रेटिङ्ग दिएको छ । यसले समयमै वित्तीय दायित्व पूरा गर्ने सम्बन्धमा पर्याप्त सुरक्षित रहेको र यस्ता संस्थाहरुमा न्यून कर्जा जोखिम रहेको संकेत गर्दछ।

काठमाडौं । निर्वाचन आयोगले स्थानीय तहको निर्वाचनमा उम्मेदवारलाई बैंक मार्फत मात्र खर्च गर्न निर्देशन दिएको छ । मंगलबार आयोगले विज्ञप्ति जारी गरी निर्वाचन आयोग ऐन, २०७३, निर्वाचन (कसुर तथा सजाय) ऐन, २०७३ तथा निर्वाचन आचारसंहितालाई ख्याल गरी बैंक मार्फत मात्र खर्च गर्न आग्रह गरेको हो । आयोगले उम्मेदवारले बैंकमार्फत खर्च गरेको वा नगरेको ख्याल गर्न सबै मुख्य निर्वाचन अधिकृतको कार्यालय, निर्वाचन अधिकृतको कार्यालय, प्रदेश निर्वाचन कार्यालय तथा जिल्ला निर्वाचन कार्यालयलाई निर्देशन दिएको छ ।

निर्वाचन आयोग ऐन, २०७३ ले निर्वाचन खर्च सम्बन्धी व्यवस्था छ । जहाँ उम्मेदवारले निर्वाचन सम्बन्धी खर्च गर्न बैङ्क वा वित्तीय संस्थामा खाता खोल्नुपर्ने उल्लेख छ । उम्मेदवारले निर्वाचन सम्बन्धी खर्च गर्दा निजको तर्फबाट खर्च गर्ने जिम्मेवार पदाधिकारी तोक्नुपर्ने, तोकिएका पदाधिकारीको नाम नामेसी सहितको विवरण निर्वाचन अधिकृतको कार्यालय र निर्वाचन कार्यालयमा जानकारी गराउनुपर्ने लगायतका व्यवस्था निर्वाचन आचारसंहितामा छ ।

२५ हजार रूपैयाँभन्दा बढी आर्थिक सहयोग प्राप्त गर्दा बैङ्क वा वित्तीय संस्था मार्फत गर्नुपर्ने, व्यक्ति वा संस्थाबाट चन्दाको रूपमा नगद लिएमा सो रकम बुझेको रसिद वा भर्पाई दिई उम्मेदवारको वा राजनीतिक दलको बैङ्क खातामा जम्मा गर्नु पर्ने प्रावधान आचारसंहितामा छ । त्यस्तै खर्चको विवरण तथा बिल भर्पाई राख्नुपर्ने, आम्दानी तथा खर्चको विवरण आयोगमा बुझाउनुपर्ने लगायतका व्यवस्था पनि छ ।

काठमाडौं । विमानको शौचालय प्रयोग गरेर सुन तस्करी हुने गरेको खुलासा भएको छ ।

बिहीबार दुबईबाट काठमाडौं आएको हिमालय एयरलाइन्सको विमानको शौचालयमा रहेको डस्टबिनमा २ केजी २ सय ३२ ग्राम सुन लुकाएर ल्याएको प्रहरीले फेला पारेको छ । प्रहरीले विमानमा कार्यरत सरसफाइ कर्मचारीसहित ५ जनालाई पक्राउ गरेको छ ।

पक्राउ पर्नेमा पाँचथरको याङवरक-५ का २८ वर्षीय भीमकुमार माबो, नुवाकोटको तादी-५ का २७ वर्षीय सुमन तामाङ, उदयपुरको लिम्चुङबुङका -२ का २८ वर्षीय राजेश राई, दोलखाको गौरिशंकर-२ का ४१ वर्षिय हेमबहादुर थापा र सप्तरीको सुरुङ्गा-४ का ३६ वर्षीय ताराकान्त चौधरी छन् ।

चौधरी हिमालय एयरलाइन्सको विमानमा सफाइ कर्मचारी उपलब्ध गराउने कम्पनी सुनगाभा सप्लायर्स एन्ड सरसफाइका सुपरभाइजर हुन् भने माबो र तामाङ सरसफाइ कामदार हुन् ।

काठमाडौं । वायु सञ्चालक संघ नेपालले नेपाल नागरिक उड्डयन प्राधिकरणले लागू गर्ने भनेको रात्रिकालीन उडानको योजनालाई कार्यान्वयन गर्न नसक्ने जनाएको छ।

वायुसेवा सञ्चालक संघले विहीवार एक विज्ञप्ति निकाल्दै राती ८ बजेपछिका नियमिततर्फका उडान तत्काल गर्न सक्ने अवस्था नरहेको जनाएको हो ।

नेपाल नागरिक उड्डयन प्राधिकरणले रात्रिकालीन उडान भइरहेका विमानस्थलहरूमा बिहीबारदेखि लागु हुनेगरी बिहान ६ देखि राति १२ बजेसम्म १८ घण्टा कायम गरेको थियो ।

बुधबार नियमित उडान गरिरहेका आन्तरिक उडानका वायुसेवा कम्पनीहरुलाई पत्र लेखेर नयाँ उडान तालिकाबारे जानकारी गराएको थियो ।

संघका सदस्य वायुसेवा कम्पनीहरू बुद्ध एयर, यती एअरलाइन्स, श्री एयरलाइन्स, सौर्य एअरलाईन्स र गुण एयरलाइन्सले विविध प्राविधिक कारणले हाललाई राति ८ बजे पछिका नियमिततर्फका उडानहरू गर्न सक्ने अवस्था नरहेको जनाएका हुन् ।

अग्रिम रुपमा टिकट काटिसकेको अवस्थामा उडान तालिका परिवर्तन गर्दा यात्रुलाई मार पर्ने प्राधिकरणको भनाइ छ।

वायुसेवा कम्पनीहरुले तालिका संशोधन नभएसम्म सम्पूर्ण उडान स्थगत गर्ने विज्ञप्तिमा उल्लेख छ।

संघले यसबारे अन्य पूर्वाधार र सम्भावनासम्बन्धी विस्तृत छलफल गर्न प्राधिकरणसँग समयसमेत माग गरिएको अवस्थामा प्राधिकरणले बुधबार जारी गरेको स्लटसम्बन्धी नयाँ व्यवस्थाअनुरूपको तालिका संलग्न गर्न सदस्य वायुसेवा कम्पनीहरूले नसक्ने स्पष्ट पारेको छ ।

संघमा नेपाल एयरलाइन्सबाहेक निजी क्षेत्रमा सबै कम्पनीहरु सदस्य छन् ।

काठमाडौं । चालु आर्थिक वर्ष २०७८/७९ को आर्थिक वृद्धिदर ५.८४ प्रतिशत हुने प्रक्षेपण गरिएको छ । केन्द्रीय तथ्यांक विभागले बिहीबार पत्रकार सम्मेलन गर्दै यस्तो अनुमान सार्वजनिक गरेको हो ।

यसअघि चालु आर्थिक वर्षमा नेपालको आर्थिक वृद्धिदर अन्तर्राष्ट्रिय मुद्रा कोषले ४.१ प्रतिशत, एसियाली विकास बैंकले ३.९ प्रतिशत र विश्व बैंकले ३.७ प्रतिशत हासिल हुने प्रक्षेपण गरेका थिए ।

विभागका अनुसार चालु वर्ष सकिन ३ महिना बाँकी रहेको र सो अवधिमा अर्थतन्त्रमा ठूलो असर नआउने देखिएकाले उक्त अनुमान गरिएको हो ।

कृषि र खानीसहित प्राथमिक क्षेत्रको २.३ प्रतिशत, उद्योगको १०.३ प्रशित र सेवा क्षेत्रको आर्थिक वृद्धिदर ५.९ प्रतिशत हुने विभागको अनुमान छ ।

सरकारले चालु आवमा ७ प्रतिशत आर्थिक वृद्धि हासिल गर्ने लक्ष्य राखे पनि विभागले सोभन्दा कम लक्ष्य प्राप्ति हुने अनुमान सार्वजनिक गरेको हो ।

सरकारले ७ प्रतिशतको लक्ष्य राखे पनि पूँजीगत खर्च हुन नसक्नु, कृषि उत्पादन घट्नु, बैंकहरुबाट प्रवाह भएको कर्जा उत्पादनमाभन्दा पनि व्यापारमा जानु लगायत काराणले लक्ष्य हासिन हुन नसकेको हो ।

अर्थतन्त्रको आकार साढे ४८ खर्ब

विभागका अनुसार नेपालको अर्थतन्त्रको आकार साढे ४८ खर्ब पुग्ने भएको छ । चालु वर्षमा नेपालको कुल ग्राहस्थ उत्पादन (जीडीपी) बजार मूल्यमा आधारमा ४८ खर्ब ५१ अर्ब ६३ करोड र उत्पादन मूल्यका आधारमा उत्पादन आधारभूत मूल्यमा ४१ खर्ब ५ अर्ब ५४ करोड पुग्ने विभागले जनाएको छ ।

काठमाडौं । सेयर बजारमा दोहोरो अंकको गिरावट आएको छ । बुधबार ५ अंकले बढेको नेप्से आज फेरि दोहोरो अंकले घटेको हो ।

समग्रमा यस साता नेप्से ३० अंकले बढेको छ । आइतबार एकैदिन ९५ अंकले बढेको नेप्से सोमबार र मंगलबार गरी ५० अंकले घटेको थियो । बुधबार झिनो अंकले बढेको नेप्से आज फेरि घटेको हो ।

सूचकमा गिरावट आए पनि आज कारोबार रकममा भने बढोत्तरी आएको छ । अघिल्लो दिनको तुलनामा कारोबार रकम ४१ करोडले बढेर झन्डै डेढ अर्ब पुगेको छ ।

बिहीबार नेप्से १९.९७ अंकले घटेर २३५६.२० विन्दुमा आइपुगेको छ । यसदिन २२६ कम्पनीको १ अर्ब ४९ करोड ६२ लाख ४६ हजार ८०८ रुपैयाँ बराबरको ४५ लाख ७४ हजार ५२० कित्ता सेयर किनबेच भएको छ ।

आज कारोबारमा आएका १३ वटै समूहको परिसूचक राताम्मे भएको छ । विकास बैंक समूह सबैभन्दा धेरै १.७७ प्रतिशतले घटेको छ । त्यस्तै, व्यापार, फाइनान्स, जीवन बीमा र लगानी समूह पनि १ प्रतिशतभन्दा धेरैले घटेको छ ।

आज करोबारमा आएको २२६ कम्पनीमध्ये ३९ कम्पनीको सेयर मूल्य बढेको छ भने १७७ कम्पनीको मूल्य घटेको छ । १० कम्पनीको सेयर मूल्य स्थिर रहेको छ ।

आज आइएमई जनरल इन्स्योरेन्सको सर्वाधिक कारोबार भएको छ । यसको सवा ५ करोड रुपैयाँ बढीकोे सेयर किनबेच भएको छ । त्यसैगरी, हिमालयन डिस्ट्रीलरी ५ करोड र एनसीसी बैंक पौने ५ करोडको कारोबार हुँदै शीर्ष तीनमा रहे ।

दोहोरो अंकले घटेको बजारमा आज जाल्पा लघुवित्त वित्तीय संस्थाको सेयर मूल्यमा पोजेटिभ सर्किट लागेको छ । यसका सेयरधनीले करिब १० प्रतिशत कमाएका छन् ।

घट्दो बजारमा आज गुह्वेश्वरी मर्चेन्टका सेयरधनीले सबैभन्द्या धेरै ३.९८ प्रतिशत गुमाएका छन् । त्यसैगरी, गणपति लघुवित्त ३.८३, महुली लघुवित्त ३.७३, पाँचथर पावर ३.७१, किसान लघुवित्त ३.६७, सिभिल लघुवित्त, मिथिला लघुवित्त र सेन्टर फाइनान्स ३.६४, एशियन लाइफ, प्रोग्रेसिभ फाइनान्स र जानकी फाइनान्सको सेयर मूल्य प्रतिशतले घटेको छ ।

काठमाडौं । भारतमा कोइलाको आपूर्तिमा देखिएको व्यवधानका कारण बिजुली उत्पादनमा असर परेपछि त्यसको प्रभाव नेपालमा समेत परेको छ ।

भारतको ऊर्जा एक्सचेञ्ज बजारमा नेपाल विद्युत् प्राधिकरणले माग गरेअनुसारको बिजुली पाउन नसक्दा त्यसको असर नेपालका औद्योगिक क्षेत्रमा पर्ने देखिएको छ ।

समस्या समाधानका लागि अझै १५ देखि २० दिन थप लाग्ने देखिएको छ । प्राधिकरणले भारतबाट द्विपक्षीय सम्झौता, इनर्जी एक्सचेञ्जलगायतबाट बिजुली आयात गरिरहेको छ ।

प्राधिकरणले हाल भारतबाट दैनिक ३०० देखि ३५० मेगावाट बराबर बिजुली आयात गरिरहेको छ । इनर्जी एक्सचेञ्ज बजारमा हरेक १५ मिनेटको एक स्ल्याब तयार गरी ९६ वटा स्लट तय गरिएको छ । त्यसमा दैनिक नै सेयर बजारमा जसरी बिजुलीको खरिद र विक्री मूल्य तय हुन्छ । प्राधिकरण सहभागी हुने बोलपत्र प्रक्रियामा औसतमा ७० देखि १०० मेगावाट बराबर मात्रै बिजुली प्राप्त हुने गरेको छ ।

हाल देशभर बिजुलीको माग १ हजार ६०० मेगावाटको हाराहारीमा छ । देशभित्र आन्तरिकरुपमा १ हजार ३०० मेगावाट बराबरको बिजुली उपलब्ध बाँकी रहने ३०० मेगावाट बिजुली जोहो गर्न समस्या भएको प्राधिकरणका कार्यकारी निर्देशक कुलमान घिसिङको भनाइ छ ।

‘५०० मेगावाट बराबरको बिजुलीका लागि बोलकबोल गर्दा समेत बिजुली पाउन सकिएको छैन । भारतमा कोइलाको आपूर्तिमा समस्या पैदा भएको छ भने अन्तर्राष्ट्रिय बजारमा नै कोइलाको मूल्यमा चार गुणाभन्दा बढीले वृद्धि भएको छ,’ कार्यकारी निर्देशक घिसिङले भने, ‘थप एक महिना हामीलाई माग र आपूर्ति सन्तुलन मिलाउन समस्या भएको छ ।’

आगामी एक महिनाभित्रमा मनसुन सुरु हुने र खोलामा पानीको सतहसमेत बढ्ने भएकाले कुनै समस्या नहुने उल्लेख गर्दै कार्यकारी निर्देशक घिसिङले घरायसी ग्राहकका लागि कुनै समस्या नहुने तर औद्योगिक ग्राहकका लागि भने केही समस्या पर्ने बताए ।

अहिले भारतबाट बिजुली आयात हुन नसकेपछि औद्योगिक क्षेत्रमा लोडसेडिङ हुन थालेको छ । उद्योगहरुले दिउँसोको समयमा बिजुली पाए पनि रातिमा कटौती हुन थालेको छ ।प्राधिकरणले बुधबारदेखि औद्योगिक क्षेत्रमा घोषित रुपमै लोडसेडिङ गर्ने तयारी गरेको छ ।

प्रधानमन्त्री शेरबहादुर देउवाको गत महिनासम्म भारत भ्रमणको क्रममा ३६४ मेगावाट बराबरको बिजुली निर्यातका लागि मार्ग प्रशस्त भएको जानकारी दिँदै उनले ६ महिनाका मात्रै बिजुली विक्री गर्ने वातावरण बनेको खण्डमा हाल आयात भइरहेको बिजुलीकोको तुलनामा ठूलो धनराशि नेपाल भित्रिने उल्लेख गरे।

भारतको ऊर्जा बजारमा देखिएको समस्या केही महिना अझै जाने जानकारी आएको उल्लेख गर्दै उनले नेपालका लागि यो अवस्था अवसर पनि भएको बताए । आन्तरिकरूपमा देशभित्र पछिल्ला दिनमा ३०० देखि ८०० मेगावाटसम्म थप बिजुलीको माग बढेको छ । काठमाडौँ उपत्यकालगायत औद्योगिक क्षेत्रमा समेत माग बढेको तथ्य पेश गरे ।

कार्यकारी निर्देशक घिसिङले आन्तरिकरूपमा बिजुली व्यवस्थापनका लागि अधिकतम प्रयास भइरहेको र माथिल्लो तामाकोसीलगायतका आयोजनाबाट ठूलो राहत भएको समेत बताए ।

काठमाडौं । शेयर बजारमा झिनो अंकको सुधार आएको छ । साताको कारोबारको चौंथो दिन शेयर बजार मापक सूचक नेप्से ५.१७ अंकले बढेर २३७६.१७ विन्दुमा पुगेको हो ।

नेपाल स्टक एक्सचेन्जका अनुसार बुधवार २२८ कम्पनीको १ अर्ब ८ करोड ९९ लाख ९२ हजार ३६ रुपैयाँ बराबरको २८ लाख ८५ हजार ३९ कित्ता शेयर किनबेच भएका छन् ।

आज कारोबारमा आएका १३ समूहमध्ये ४ परिसूचक राताम्मे भएको छ । भने ९ वटाको बढेको छ ।

अघिल्लो दिनको तुलनामा कारोबार रकम बढेको छ । मंगलवार १ अर्ब ४ करोड ६० लाख १४ हजार ४१७ रुपैयाँ बराबरको बराबरको कारोबार भएको थियो ।

सामान्य अंकले बढेको बजारमा जाल्पा लघुवित्तको शेयर मूल्यमा भने पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् ।

यसैगरी, नेपाल फाइनान्स ६.८२, राधि विद्युत् ५.५४, ङादी ग्रुप ४.६५, महुली लघुवित्त, लक्ष्मी लघुवित्त, लुम्बिनी विकास बैंक, रुरु जलविद्युत् र मनकामना स्मार्ट लघुवित्तको शेयर मूल्य साढे ३ प्रतिशतले बढेको छ ।

आज अरुण भ्याली हाइड्रोपावरको सर्वाधिक कारोबार भएको छ । यसको ५ करोड रुपैयाँ बढीकोे सेयर किनबेच भएको छ । त्यसैगरी, हिमालयन डिस्ट्रीलरी पौने ४ करोड र नेपाल फाइनान्स ३ करोड बढीको कारोबार हुँदै शीर्ष तीनमा रहे ।

काठमाडौं । शेयर बजारमा दोहोरो अंकको गिरावट आएको छ ।

साताको कारोबारको तेस्रोेदिन शेयर बजार मापक सूचक (नेप्से) १५.०२ अंकले घटेर २३७०.९९ विन्दुमा झरेको हो ।

नेपाल स्टक एक्सचेन्जका अनुसार सोमवार २२८ कम्पनीको १ अर्ब ४ करोड ६० लाख १४ हजार ४१७ रुपैयाँ बराबरको ३४ लाख १९ हजार २२८ कित्ता शेयर किनबेच भएका छन् ।

अघिल्लो दिनको तुलनामा कारोबार रकममा भारी गिरावट आएको छ । सोमवार २ अर्ब ४ करोड २२ लाख ५३ हजार १८२ रुपैयाँ बराबरको कारोबार भएको थियो ।

आज कारोबारमा आएका १३ समूहको परिसूचक मध्ये २ हरियो भएको छ । भने ११ वटा घटेको छ । म्युचुअल फण्ड समूह सबैभन्दा धेरै १.६२ प्रतिशतले बढेको छ भने हाइड्रोपावर समूह सबैभन्दा धेरै १.४९ प्रतिशतले घटेको छ ।

आज कारोबार भएकामध्ये एक कम्पनीको शेयरमूल्यमा भने उच्च वृद्धि भएको छ । जाल्पा सामुदायिक लघुवित्त वित्तीय संस्थाको शेयरमूल्यमा सकारात्मक सर्किट लागेको छ ।

नेप्सेका अनुसार आज हिमालयन पावर पार्टनर र मल्टीपर्पोज फाइनान्स कम्पनीका लगानीकर्ताहरुले सर्वाधिक गुमाएका छन् । यसको शेयरमूल्य ५ प्रतिशतले घटेको छ ।

त्यसैगरी, मल्टिप्रपोज फाइनान्स ५.०३, युनाइटेड इदीमर्दी ४.०२, महुली लघुवित्त ३.७७, सामुदायिक लघुवित्त, लक्ष्मी लघुवित्त, माउन्टेन इनर्जी, इमर्जिङ नेपाल, समिट लघुवित्त, गुह्येश्वरी मर्चेन्ट र मितेरी डेभलपमेन्ट बैंकको शेयरमूल्य ३ प्रतिशतभन्दा धेरैले घटेको छ ।

त्यस्तै, कारोबारको आधारमा आज सबैभन्दा बढी सिद्धार्थ बैंकको भएको छ । यस कम्पनीको आज ४ करोड २१ लाख भन्दा बढीको कारोबार भएको छ ।

दोस्रोमा अपी पावरको ४ करोड बढीको कारोबार भएको छ । र नेष्डो समृद्ध लघुवित्त ३ करोड बढीको कारोबार हुँदै शीर्ष तीनमा रहे ।

काठमाडौं । शेयर बजारमा दोहोरो अंकको गिरावट आएको छ ।

साताको कारोबारको पहिलोदिन ९५ अंकले बढेको शेयर बजार मापक सूचक (नेप्से) सोमबार ३६.९४ अंकले घटेर २३८४.९० विन्दुमा झरेको हो ।

नेपाल स्टक एक्सचेन्जका अनुसार सोमवार २३९ कम्पनीको २ अर्ब ४ करोड २२ लाख ५३ हजार १८२ रुपैयाँ बराबरको ५० लाख ४७ हजार ७६९ कित्ता शेयर किनबेच भएका छन् ।

अघिल्लो दिनको तुलनामा कारोबार रकममा भारी गिरावट आएको छ । आइतवार २ अर्ब ५३ करोड १२ लाख ७५ हजार ५९२ रुपैयाँ बराबरको कारोबार भएको थियो ।

आज कारोबारमा आएका १३ समूहको परिसूचक मध्ये २ हरियो भएको छ । भने ११ वटा घटेको छ । विकास बैंक समूह सबैभन्दा धेरै २.०४ प्रतिशतले घटेको छ ।

आज कारोबार भएकामध्ये एक कम्पनीको शेयरमूल्यमा भने उच्च वृद्धि भएको छ । सोमवार जाल्पा सामुदायिक लघुवित्त वित्तीय संस्थाको शेयरमूल्यमा सकारात्मक सर्किट लागेको छ । ।

नेप्सेका अनुसार आज सेन्ट्रल फाइनान्सका लगानीकर्ताहरुले सर्वाधिक गुमाएका छन् । यस कम्पनीको शेयरमूल्य ५ प्रतिशत भन्दा बढीले घटेको छ ।

अरुण भ्याली हाइड्रोपावरको सर्वाधिक कारोबार भएको छ । यसको ८ करोड रुपैयाँ बढीकोे सेयर किनबेच भएको छ । त्यसैगरी, शिवम् सिमेन्ट साढे ६ करोड र हिमालयन डिस्ट्रीलरी ६ करोड बढीको कारोबार हुँदै शीर्ष तीनमा रहे ।

काठमाडौं । शेयर बजार उच्च अंकले वृद्धि भएको छ ।

केही दिनदेखि ओरालो लागि रहेको शेयर बजार साताको कारोबारको पहिलोदिन ९५ अंकले बढेको बढेको हो ।

आइतवार नेप्से ९५.४६ अंकले बढेर २५२०.३१ विन्दुमा पुगेको छ ।

नेपाल स्टक एक्सचेन्जका अनुसार त्यसदिन २३८ कम्पनीको २ अर्ब ५३ करोड १२ लाख ७५ हजार ५९२ रुपैयाँ बराबरको ६६ लाख ३९ हजार ५०४ कित्ता शेयर किनबेच भएका छन् ।

अघिल्लो दिनको तुलनामा कारोबार रकम बढेको छ । विहीवार १ अर्ब ६१ करोड ९१ लाख ६८ हजार ८४८ रुपैयाँ बराबरको कारोबार भएको थियो ।

आज कारोबारमा आएका १३ समूहको परिसूचक का समूह बढेका छन् ।

सबैभन्दा धेरै मूल्य बढ्नेमा फाइनान्स समूह रहेको छ । नेप्सेका अनुसार आज २५ कम्पनीको शेयरमूल्यमा उच्च वृद्धि भएको छ ।

जसमा १० कम्पनीको शेयरमूल्य १० प्रतिशतले बढेको छ भने १५ कम्पनीको शेयरमूल्य ९ प्रतिशत भन्दा बढीले बढेका छन् ।

नेशनल हाइड्रो, बेस्ट फाइनान्स, श्री इन्भेष्टमेन्ट, जानकी फाइनान्स, मञ्जुश्री फाइनान्स, अरुण भ्याली, खानीखोला, घलेम्दी, युनिभर्सल पावर र हिमाल दोलखा हाइड्रोपावरको सेयर मूल्य ठ्याक्कै १० प्रतिशतले बढेको छ ।

त्यसैगरी, जाल्पा लघुवित्त, ग्रीन भेन्चर्स, पोखरा फाइनान्स, आँखुखोला, न्यादी, बरुण, सिंगटी, युनाइटेड मोदी, पञ्चकन्या माइ, दिव्यश्वरी, अपि पावर, अरुण काबेली हाइड्रोपावर, गुडविल फाइनान्स, गुराँस लघुवित्त र कर्पोरेट डेभलपमेन्ट बैंकका सेयरधनीले पनि करिब १० प्रतिशत कमाएका छन् ।

नेप्सेका अनुसार आज नेपाल इन्भेष्टमेन्ट बैंकको डिभेञ्चरका लगानीकर्ताहरुले सर्वाधिक गुमाएका छन् । यसको शेयरमूल्य ९.८९ प्रतिशतले घटेको छ ।

त्यस्तै, कारोबारको आधारमा आज सबैभन्दा बढी सानिमा बैंकको प्रमोटर शेयरको भएको छ । यस कम्पनीको आज २२ करोड भन्दा बढीको कारोबार भएको छ ।

त्यसैगरी, शिवम् सिमेन्ट पौने १२ करोड र अरुण भ्याली हाइड्रोपावर ९ करोड बढीको कारोबार हुँदै शीर्ष तीनमा रहे ।