Category: अर्थतन्त्र

काठमाडौं । साताको कारोबारको चौथो दिन शेयर बजार उच्च अंकले बढेको छ ।

कारोबार शुरु भएदेखि नै उकालो ओरोलो भैरहेको शेयर बजार मापक सूचक (नेप्से) ४०.६८ अंकले बढेर २५६८.२५ विन्दुमा पुगेको हो ।

नेपाल स्टक एक्सचेन्जका अनुसार बुधवार २३२ कम्पनीको २ अर्ब २५ करोड १ लाख १७ हजार २९६ रुपैयाँ बराबरको ४५ लाख २ हजार ५११ कित्ता शेयर किनबेच भएका छन् ।

मंगलबार तुलनामा कारोबार रकम बढेको छ । त्यसदिन १ अर्ब ७५ करोड ६ लाख २८ हजार १९९ रुपैयाँ बराबरको भएको थियो । आज कारोबारमा आएका १३ वटै समूहको परिसूचक हरियो भएको छ ।

अन्य समूह सबैभन्दा धेरै ४.१२ प्रतिशतले बढेको छ । त्यस्तै, फाइनान्स र विकास बैंक समूह पनि ३ प्रतिशतभन्दा धेरैले बढेको छ ।

चार कम्पनीको शेयरमूल्यमा उच्च वृद्धि भएको छ । इमर्जिङ नेपालको शेयरमूल्य १० प्रतिशतले बढेर प्रतिकित्ता १११३.५० रुपैयाँ पुगेको छ । राष्ट्र उत्थानको शेयरमूल्य ९.९९ प्रतिशतले बढेर प्रतिकित्ता ११९९.६० रुपैयाँ पुगेको छ ।

त्यस्तै, नेष्डो समृद्धी लघुवित्त वित्तीय संस्थाको शेयरमूल्य ९.९९ प्रतिशतले बढेर प्रतिकित्ता ९५९.८० रुपैयाँ पुगेको छ भने सामलिङ पावर कम्पनीको शेयरमूल्य ९.८५ बढेर प्रतिकित्ता ६७० रुपैयाँ पुगेको छ ।

नेप्सेका अनुसार आज एनसीसी डिभेञ्चारका लगानीकर्ताहरुले सर्वाधिक गुमाएका छन् । यसको शेयरमूल्य आज करिब २ प्रतिशतले घटेको छ ।

कारोबारको आधारमा आज सबैभन्दा बढी सिद्धार्थ इन्स्योरेन्स कम्पनीको भएको छ ।

त्यसैगरी, युनाइटेड इदी मर्दी ६.४९, तेह्रथुम पावर ६.४४, सिन्धु विकास बैंक ६.३८, कर्णाली विकास बैंक ६.१७, सप्तकोशी विकास बैंक ६.०७ र गुह्येश्वरी मर्चेन्टको सेयर मूल्य ६.०१ प्रतिशतले बढेको छ ।

यस कम्पनीको आज ११ करोड २७ लाख भन्दा बढीको कारोबार भएको छ । त्यसैगरी, प्रभु इन्स्योरेन्सको प्रमोटर शेयर पौने ११ करोड र नबिल बैंक १० करोड बढीको कारोबार हुँदै शीर्ष तीनमा रहे ।

काठमाडौं । नेपाल आयल निगमले एकैपटक पेट्रोलियम पदार्थको मूल्य समायोजना गर्न दिन प्रस्ताव गरेको छ । निगमले सरकारलाई पत्र लेख्दै अब उप्रान्त पेट्रोल, डिजल, मट्टितेल तथा एलपी ग्यासमा प्रति युनिट जे जति घाटा हुन्छ सो एकै पटकमा समायोजन गर्न दिन अनुरोध गरेको हो ।

निगमले सरकारसँग इन्धनको मूल्य वृद्धिबाट सृजित संकटबाट जोगाउन विभिन्न १० बुँदे माग पेश गरेको छ । निगमले सार्वजनिक तथा सरकारी सवारी साधनको प्रयोग घटाएर इन्धनको खपत कम गर्ने गरी थप एक दिन बिदा दिन प्रस्ताव गरेको हो ।

अत्यावश्यक क्षेत्रबाहेक सरकारी र निजी सवारी साधनमा जोर बिजोर लागू गर्न तथा आइतबार पनि सार्वजनिक बिदा दिन आग्रह गरेको हो ।

यस्तै, सरकारी बैंकहरु, नागरिक लगानी कोष, संचय कोष जस्ता संस्थाहरुबाट, निगमलाई आवश्यक पर्ने रकम सहज र सरल रुपमा उपलब्ध गराउने व्यवस्थाका लागि अर्थ मन्त्रालयले प्रत्यक्ष रुपमा सहयोगी भूमिका खेल्न आग्रह गरेको छ ।

यसैगरी, निगमले पेट्रोलियममा भन्सार शुल्क, मूल्य अभिवृद्धि कर र पूर्वाधार विकास शुल्क घटाउन माग गरेको छ । पेट्रोलियममा प्रतिलिटरमा १५ रुपैयाँ मूल्य कर घटाउन र ग्याँसमा २०० रुपैयाँ कम गर्न निगमले सरकारसँग माग गरेको छ ।

यस्तै इन्धन खरिदको भुक्तानी गर्न निगमलाई आवश्यक पर्ने थप रकम जोहोको व्यवस्था गर्न, बढेर आएकै मूल्य बराबरमा मूल्य बढाउनु पाउनु पर्ने तथा सबै प्रकारका सवारी साधनहरुलाई पूर्ण क्षमतामा सञ्चालन गर्न दिने व्यवस्था गर्न पनि माग गरिएको छ ।

यसैगरी, पेट्रोल र डिजलबाट चल्ने सवारी साधनको आयातलाई निरुत्साहित गरी विद्युतिय सवारी साधन आयातलाई प्रोत्साहन गर्न, खाना पकाउने एलपी ग्यासको प्रयोग नगरी बिजुली प्रयोग गर्न नेपाल सरकारबाटै सार्वजनिक आह्वान गर्न माग गरेको छ ।

काठमाडौं । शेयर बजारमा दोहोरो अंकको गिरावट कायमै रहेको छ ।

बुधवारदेखि ओरालो लागेको बजार साताको कारोबारको तेस्रोदिन पनि शेयर बजार मापक सूचक नेप्से १४.२६ अंकले घटेर २५२७.५८ विन्दुमा झरेको छ ।

नेपाल स्टक एक्सचेन्जका अनुसार मंगलवार २२५ कम्पनीको १ अर्ब ७५ करोड ६ लाख २८ हजार १९९ रुपैयाँ बराबरको ३८ लाख ९० हजार १३१ कित्ता शेयर किनबेच भएका छन् ।

अघिल्लो दिनको तुलनामा कारोबार रकममा भारी गिरावट आएको छ । सोमवार २ अर्ब ५४ करोड ५३ लाख २१ हजार ८१३ रुपैयाँ बराबरको कारोबार भएको थियो ।

आज कारोबारमा आएका १३ समूहमध्ये १२ वटा समूहको को परिसूचक राताम्मे भएका छन् । १ वटाको बढेको छ ।

कारोबारको आधारमा सबैभन्दा बढी शिवम् सिमेन्टको शेयर किनबेच भएको छ ।

यस कम्पनीको ७ करोड ९१ लाख भन्दा बढीको कारोबार भएको छ । दोस्रोमा ग्लोबल आइएमई बैकको ७ करोड २६ लाख बढीको कारोबार भएको छ ।

आज तीन कम्पनीको शेयरमूल्यमा उच्च वृद्धि भएको छ । आज राष्ट्र उत्थानको शेयरमूल्य ९.९९ प्रतिशतले बढेर प्रतिकित्ता १०९०.६० रुपैयाँ पुगेको छ ।

इमर्जिङ नेपालको शेयरमूल्य १० प्रतिशतले बढेर प्रतिकित्ता १०१२.३० रुपैयाँ र नेष्डो समृद्धी लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता ८७२.६० रुपैयाँ पुगेको छ ।

नेप्सेका अनुसार आज एनआइबीएल समृद्धि फण्ड २ का लगानीकर्ताहरुले सर्वाधिक गुमाएका छन् । यसको शेयरमूल्य आज करिब ५ प्रतिशतले घटेको छ ।

काठमाडौं । शेयर बजारमा दोहोरो अंकको गिरावट आएको छ । साताको कारोबारको दोस्रो दिन शेयर बजार मापक सूचक नेप्से २९.९८ अंकले घटेर २५४२.२८ विन्दुमा झरेको छ ।

नेपाल स्टक एक्सचेन्जका अनुसार सोमवार २३१ कम्पनीको २ अर्ब ५४ करोड ५३ लाख २१ हजार ८१३ रुपैयाँ बराबरको ४९ लाख ५८ हजार ९१४ कित्ता शेयर किनबेच भएका छन् ।

अघिल्लो दिनको तुलनामा कारोबार रकममा भारी गिरावट आएको छ । आइतवार ४ अर्ब ९८ करोड ९५ लाख १४ हजार ४१५ रुपैयाँ बराबरको कारोबार भएको थियो ।

आज कारोबारमा आएका १३ समूहको परिसूचक राताम्मे भएका छन् ।

घट्दो बजारमा बैंकिङ ८, ब्यापार ६०, होटल तथा पर्यटन २४, विकास बैंक ७५, जलविद्युत् २४, फाइनान्स ४९, निर्जीवन बीमा २५२, उत्पादन ८४, माइक्रोफाइनान्स ४० र जीवन बीमा ३४२ अंकले घटेका छन् ।

बुधवारदेखि बजार ओरालो लाग्दै आएको छ । सोमबार कारोबारको आधारमा सबैभन्दा बढी जीवन विकास लघुवित्तको शेयर किनबेच भएको छ ।

यस कम्पनीको २२ करोड २४ लाख भन्दा बढीको कारोबार भएको छ । दोस्रोमा अपी पावर कम्पनीको ९ करोड ३० लाख बढीको कारोबार भएको छ ।

आज दुई कम्पनीको शेयरमूल्यमा उच्च वृद्धि भएको छ । आज राष्ट्र उत्थानको शेयरमूल्य १० प्रतिशतले बढेर प्रतिकित्ता ९९१.५० रुपैयाँ पुगेको छ ।

इमर्जिङ नेपालको शेयरमूल्य ९.९९ प्रतिशतले बढेर प्रतिकित्ता ९२०.३० रुपैयाँ पुगेको छ ।

नेप्सेका अनुसार आज आइसीएफसी फाइनान्स कम्पनीका लगानीकर्ताहरुले सर्वाधिक गुमाएका छन् । यी कम्पनीको शेयरमूल्य आज करिब ५ प्रतिशतले घटेको छ ।

काठमाडौं । शेयर बजारमा उच्च अंकको गिरावट आएको छ । साताको कारोबारको पहिलोदिन शेयर बजार मापक सूचक नेप्से ४१.४३ अंकले घटेर २५७२.२३ विन्दुमा झरेको छ ।

नेपाल स्टक एक्सचेन्जका अनुसार आइतवार २३२ कम्पनीको ४ अर्ब ९८ करोड ९५ लाख १४ हजार ४१५ रुपैयाँ बराबरको ८९ लाख २३ हजार १४ कित्ता शेयर किनबेच भएका छन् ।

अघिल्लो दिनको तुलनामा कारोबार रकम बढेको छ । विहीवार कम्पनीको ३ अर्ब २४ करोड ८९ लाख ४३ हजार ८२४ रुपैयाँ बराबरको कारोबार भएको थियो ।

आज कारोबारमा आएका १३ समूहको परिसूचक मध्य १ वटाको बढेको छ भने अन्यको राताम्मे भएका छन् । धेरै गुमाउने अन्य समूहका लगानीकर्ता रहेका छन् ।

निर्जीवन बीमा समूह सबैभन्दा धेरै १.०९ प्रतिशतले बढेको छ भने अन्य समूह सबैभन्दा धेरै ४.३६ प्रतिशतले घटेको छ ।

कारोबारको आधारमा सबैभन्दा बढी अपी पावर कम्पनीको शेयर किनबेच भएको छ । यस कम्पनीको २७ करोड ५६ लाख भन्दा बढीको कारोबार भएको छ ।

दोस्रोमा गुराँस लाइफ इन्स्योरेन्सको कारोबार भएको छ । यसको १७ करोड ५१ लाख भन्दा बढीको कारोबार भएको छ । तेस्रोमा एभरेष्ट इन्स्योरेन्सको १६ करोड ३१ लाख बढीको कारोबार भएको छ ।

घट्दो बजारमा पाँच कम्पनीको शेयरमूल्यमा उच्च वृद्धि भएको छ । आज जीवन विकास लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता ३३ सय रुपैयाँ पुगेको ।

राष्ट्र उत्थानको शेयरमूल्य ९.९९ प्रतिशतले बढेर प्रतिकित्ता ९०१.४० रुपैयाँ पुगेको छ । त्यस्तै, इमर्जिङ नेपालको शेयरमूल्य ९.९९ प्रतिशतले बढेर प्रतिकित्ता ८३६.७० रुपैयाँ पुगेको छ ।

सगरमाथा इन्स्योरेन्स कम्पनीको शेयरमूल्य ९.३३ प्रतिशतले बढेर प्रतिकित्ता ६५६ रुपैयाँ र जनरल इन्स्योरेन्स कम्पनीको ९.६५ प्रतिशतले बढेर प्रतिकित्ता ६५८ रुपैयाँ पुगेको छ ।

उच्च अंकले घटेको बजारमा आज मल्टी प्रपोज फाइनानसका शेयरधनीले सबैभन्दा धेरै ५.५० प्रतिशत गुमाएका छन् । यी कम्पनीको शेयरमूल्य आज ५ प्रतिशत भन्दा बढीले घटेको छ ।

काठमाडौं । नेपाल र चीनबीच नौबुँदे समझदारी भएको छ । चिनियाँ विदेशमन्त्री वाङ यीको नेपाल भ्रमणका क्रममा शनिबार केरुङ–काठमाडौ रेल विस्तारलगायत ९ सम्झौतामा हस्ताक्षर भएको हो ।

सिंहदरबास्थित प्रधानमन्त्रीको कार्यालयमा परराष्ट्रमन्त्री डा. नारायण खड्का र चीनको राज्यपरिषद् सदस्य एवं परराष्ट्रमन्त्री वाङ यीबीच द्विपक्षीय प्रतिनिधिमण्डलस्तरीय वार्तापछि हस्ताक्षर गरे ।

आर्थिक तथा प्राविधिक सहयोग, प्रसारण लाइनको सम्भाव्यता अध्ययन, चिनियाँ स्वाथ्यकर्मीको टोलीले नेपालमा सेवा प्रवाह गर्ने सम्बन्धी समझदारीपत्रमा हस्ताक्षर भएको हो।

यस्तै खोप हस्तान्तरण र मर्मत सम्भाव र एवम् स्तरोन्नति गरिएको अरनिको राजमार्ग हस्तान्तरण एवम् घाँस निर्यातलगायत समझदारीपत्रमा हस्ताक्षर भएको छ ।

समझदारीअघि परराष्ट्र मन्त्रीस्तरमा र प्रतिनिधिमण्डलस्तरमा पनि छलफल भएको थियो ।

चिनियाँ विदेशमन्त्री वाङ यीले प्रधानमन्त्री शेरबहादुर देउवासँग पनि भेटवार्ता गर्नेछन् । शुक्रबार नेपाल आएका विदेशमन्त्री यी आइतबार स्वदेश फर्किनेछन् ।

काठमाडौं । प्रदेश सरकारको पूँजीगत बजेट खर्चको अवस्था झनै दयनीय रहेको छ । संघीय सरकारले ८ महिनामा जम्मा २२ प्रतिशत खर्च गर्दा प्रदेश सरकारहरुको अवस्था झन् नाजुक रहेको हो ।

दोस्रो चौमासिक बित्दा प्रदेश सरकारहरुले समग्रमा कुल विनियोजित बजेटको जम्मा १९.४९ प्रतिशत मात्र पूँजीगत खर्च गरेका छन् । चालु आर्थिक वर्षका लागि ७ वटै प्रदेशमा गरी १ अर्ब ४६ अर्ब ६९ करोड रुपैयाँ पूँजीगत बजेट विनियोजन गरिएको थियो । सोमध्ये हालसम्म २८ अर्ब ५९ प्रतिशत बजेट मात्र खर्च भएको छ ।

चालु आवमा प्रदेशहरुलाई कुल २ खर्ब ६४ अर्ब २८ करोड रुपैयाँ बजेट विनियोजन गरिएको थियो । सोमध्ये चालुतर्फ १ खर्ब १५ अर्ब १ करोड रुपैयाँ बजेट विनियोजन गरिएको थियो । जसमा फागुन मसानत्सम्म चालुतर्फ ३५ अर्ब ४४ करोड रुपैयाँ खर्च गरेको महालेखा नियन्त्रण कार्यालयले जनाएको छ । यो कुल विनियोजित बजेटको ३०.७९ प्रतिशत हो ।

कुन प्रदेशले कति खर्च गरे ?

प्रदेश १ : प्रदेश १ ले चालु आवमा कुल १२ अर्ब ५८ करोड रुपैयाँ खर्च गरेको छ । यो कुल बजेटको ३२.२६ प्रतिशत हो । चालु आवका लागि यस प्रदेशमा ३२ अर्ब ८८ करोड रुपैयाँ बजेट विनियोजन भएको थियो ।

जसमा पूँजीगत तर्फ १५ अर्ब ३२ करोड रुपैयाँ बजेट विनियोजन गरिएकोमा ५ अर्ब २७ करोड रुपैयाँ बजेट खर्च भएको छ । चालुतर्फ १७ अर्ब ५३ करोड रुपैयाँ बजेट विनियोजन गरिएकोमा ७ अर्ब ३० करोड रुपैयाँ खर्च भएको तथ्यांकले देखाएको छ ।

मधेस प्रदेश : मधेस प्रदेशले चालु आर्थिक वर्षमा ६ अर्ब १३ करोड रुपैयाँ खर्च गरेको छ । यो कुल बजेटको १७.९६ प्रतिशत हो । चालु आवमा मधेसका लागि ३४ अर्ब १३ करोड रुपैयाँ बजेट विनियोजन गरिएको थियो ।

चालु आवमा पूँजीगत तर्फ १८ अर्ब ९४ करोड रुपैयाँ बजेट विनियोजन भएकोमा २ अर्ब १९ करोड रुपैयाँ खर्च भएको छ । चालु तर्फ १५ अर्ब १८ करोड रुपैयाँ बजेट छुट्याइएकोमा ३ अर्ब ९४ करोड रुपैयाँ बजेट खर्च भएको हो ।

बागमती प्रदेश : बागमती प्रदेशले चालु आवको ८ महिनामा कुल बजेटको २५.५४ प्रतिशत २५.५४ खर्च गरेको छ । चालु आवमा बागमती प्रदेशका लागि ५७ अर्ब ७७ करोड रुपैयाँ बजेट विनियोजन गरिएकोमा हालसम्म १४ अर्ब ७६ करोड रुपैयाँ बजेट खर्च भएको छ ।

पूँजीगततर्फ ३२ अर्ब १५ करोड रुपैयाँ बजेट विनियोजन गरेको प्रदेशले ५ अर्ब ५९ करोड रुपैयाँ मात्र बजेट खर्च गरेको हो । चालुतर्फ २३ अर्ब ६२ करोड रुपैयाँ बजेट पाएको प्रदेशले ८ अर्ब १६ करोड रुपैयाँ खर्च गरेको छ ।

गण्डकी प्रदेश : गण्डकी प्रदेशले चालु आवको ८ महिनामा ७ अर्ब ७६ करोड रुपैयाँ बजेट खर्च गरेको छ । यो कुल बजेटको २५.५५ प्रतिशत हो । चालु आवमा गण्डकी प्रदेशका लागि ३० अर्ब ३६ करोड रुपैयाँ बजेट विनियोजन गरिएको थियो ।

चालु आवमा पूँजीगततर्फ १६ अर्ब ८३ करोड रुपैयाँ बजेट विनियोजन गरिएकोमा ४ अर्ब २९ करोड रुपैयाँ बजेट खर्च भएको छ । चालुतर्फ १३ अर्ब २९ करोड छुट्याएको यो प्रदेशले ३ अर्ब ४२ करोड रुपैयाँ खर्च गरेको हो ।

लुम्बिनी प्रदेश : लुम्बिनी प्रदेशले चालु आवको फागुनसम्म कुल बजेटको २६.०२ प्रतिशत खर्च गरेको छ । चालु आवमा यस प्रदेशका लागि ४१ अर्ब ५७ करोड रुपैयाँ बजेट विनियोजन गरिएमा फागुनसम्म १० अर्ब ८२ करोड रुपैयाँ खर्च गरेको छ ।

सोमध्ये पूँजीगततर्फ २३ अर्ब ८ करोड रुपैयाँ बजेट विनियोजन गरिएकोमा ५ अर्ब ३९ करोड रुपैयाँ खर्च गरिएको छ । चालुतर्फ १८ अर्ब ४८ करोड रुपैयाँमा बजेट छुट्याइएकोमा ५ अर्ब ४२ करोड रुपैयाँ खर्च भएको छ ।

कर्णाली प्रदेश : कर्णाली प्रदेशले चालु आवमा ५ अर्ब ९२ करोड रुपैयाँ बजेट खर्च गरेको छ । ३६ अर्ब ७४ करोड रुपैयाँ कुल बजेट पाएको कर्णालीले ८ महिनामा २३.७४ प्रतिशत बजेट खर्च गरेको हो ।

जसमा पूँजीगततर्फ २२ अर्ब २८ करोड रुपैयाँ बजेट छुट्याएको थियो । सो मध्ये २ अर्ब ७० करोड रुपैयाँ खर्च भएको छ । चालुतर्फ १४ अर्ब ४६ करोड रुपैयाँ विनियोजन गरिएकोमा ३ अर्ब २१ करोड रुपैयाँ खर्च भएको छ ।

सुदूरपश्चिम प्रदेश : सुदूरपश्चिम प्रदेशले चालु आवमा ७ अर्ब ३ करोड रुपैयाँ बजेट खर्च गरेको छ । यो कुल बजेटको २२.८३ प्रतिशत हो । चालु आवमा ३० अर्ब ७९ करोड रुपैयाँ बजेट पाएको थियो ।

चालु आवमा पूँजीगततर्फ सुदूरपश्चिम प्रदेशले १८ अर्ब ६ करोड बजेट विनियोजन गरेकोमा ३ अर्ब ११ करोड रुपैयाँ मात्र खर्च गरेको छ । चालु तर्फ १२ अर्ब ४२ करोड रुपैयाँ विनियोजन गरिएकोमा ३ अर्ब ९१ करोड रुपैयाँ खर्च भएको महालेखा नियन्त्रण कार्यालयले जनाएको छ ।

काठमाडौं । बीमा क्षेत्रको नियमनकारी निकाय बीमा समितिले बिहीबार बीमा कम्पनीहरूको चुक्ता पूँजी बढाउने निर्णय गरेको छ ।

समितिले अब जीवन बीमा कम्पनीहरूको चुक्ता पूँजी ५ अर्ब र निर्जीवन बीमा कम्पनीहरूको साढे २ अर्ब पुर्याउनु पर्ने निर्णय गरेको हो । उक्त निर्णयसँगै

नेपाल लाइफ इन्स्योरेन्सबाहेक सबै कम्पनीलाई मर्जमा जाने कि हकप्रदमा जाने दवाव पर्ने देखिन्छ । धेरैजसो कम्पनीहरूले अब हकप्रद मार्फत चुक्ता पुँजी पुर्‍याउने वा प्रमोटरबाट पैसा उठाएर चुक्ता पुँजी बढाउने दुई विकल्प मात्रै रहेका छन्।

मुख्यत कम्पनीहरूले हकप्रद मार्फत जनताको पैसा उठाउन सहज हुने भएकाले सोही साहरा लिने छन्।

हकप्रदकै साहरामा केही वर्ष अगाडि बैंक तथा वित्तिय संस्थाहरूको चुक्ता पुँजी बढाउन सेयर भ्यालुको हिसाब अहिलेसम्म पनि माथि उठ्न सकेका छैनन्।

समितिको नयाँ निर्देशनसँगै नेपाल लाइफ इन्स्योरेन्सबाहेक अन्य कम्पनीहरुले २०७९ चैत मसान्तसम्म कम्तीमा पनि ५ अर्ब रुपैयाँ चुक्ता पुँजी पुर्‍याउनु पर्नेछ ।

नेपाल लाइफको चुक्ता पुँजी ५ अर्ब रुपैयाँभन्दा बढी अर्थात ८ अर्ब २० करोड ७८ लाख रुपैयाँभन्दा बढी भएकाले कम्पनीलाई पुँजी वृद्धिको लागि दबाव छैन । जीवन बीमा कम्पनीमध्ये ५ वटा कम्पनीले आइपीओ जारी गर्न बाँकी छ ।

जसमा महालक्ष्मी, सिटिजन्स, सन नेपाल, रिलायबल र आईएमई लाइफ इन्स्योरेन्सहरु हुन् । उनीहरुले हाल आईपीओ निष्काशन गर्ने प्रकृयामा रहेका छन् ।

सबैभन्दा धेरै पूँजी वृद्धि सरकारी स्वामित्वको जीवन राष्ट्रिय बीमा संस्थानले गर्नुपर्नेछ । हाल ९९ करोड ५३ लाख चुक्ता पूँजी रहेको रहेको यस कम्पनीले थप ४ अर्ब वृद्धि गर्नुपर्नेछ ।

यसैगरी, महालक्ष्मी, आइएमई लाइफ, रिलायबल र सन नेपाल लाइफ इन्स्योरेन्स कम्पनीको चुक्ता पूँजी हाल १ अर्ब ४० करोड रहेको छ । यी कम्पनीहरूले साधारण सेयर समेत जारी गरेका छैनन् । कम्पनीहरूले अब ३ अर्ब ६० करोड रुपैयाँ पूँजी बढाउनुपर्ने छ ।

यसैगरी, सिटिजनले ३ अर्ब २५ करोड रुपैयाँ पूँजी बढाउनु पर्ने भएको छ । हाल यस कम्पनीको चुक्ता पूँजी १ अर्ब ७५ करोड रुपैयाँ रहेको छ ।यस्तै, लाइफ इन्स्योरेन्स कर्पोरेसन २ अर्ब ३५ करोडवृद्धि गनुपर्ने छ ।

एसियन लाइफ इन्स्योरन्सले २ अर्ब ४९ करोड, प्राइम २ अर्ब २३ करोड, सूर्य लाइफ २ अर्ब ४५ करोड, गुँरास ३ अर्ब ८५ करोड, सानिमा ३ अर्ब, ज्योति २ अर्ब ५८ करोड, प्रभु लाइफ ३ अर्ब र रिलायन्स लाइफले २ अर्ब ७९ करोड रुपैयाँ चुक्ता पूँजी वृद्धि गनुपर्ने छ ।

निर्जिवन बीमा कम्पनीमा जसमा सबैभन्दा बढी भार राष्ट्रिय बीमा कम्पनीलाई थपिनेछ। कम्पनीले अहिले भएको पुँजीमा ८३७ प्रतिशत रकम थप्नुपर्ने हुन्छ।

कम्पनीको हाल २६ करोड ६६ लाख मात्रै चुक्ता पुँजी भएको कम्पनीले २ अर्ब ५० करोड पुर्‍याउनुपर्नेछ। त्यस्तै शिखरले हकप्रद जारी गरेकोले केही सहज हुने छ।

कम्पनीको हाल १ अर्ब ७५ करोड रहेकोमा हकप्रदपछि २ अर्ब २८ करो पुग्ने भएकोले अर्को वर्ष नै बोनस सेयर मार्फत चुक्ता पुँजी पुग्ने देखिन्छ।

त्यस्तै नेको १ अर्ब ५२ करोड, सगरमाथा १ अर्ब ११ करोड, एनएलजीको १ अर्ब २० करोड, सिद्धार्थ इन्स्योरेन्सको १ अर्ब १२ करोड, प्रिमियरको १ अर्ब ७४ लाख, प्रभुको १ अर्ब १६ करोड रहेको छ।

लुम्बिनी जनरलको १ अर्ब १९ करोड, नेपाल इन्स्योरेन्सको १ अर्ब २४ करोड, हिमालयन जनरलको १ अर्ब १५ करोड, एभरेष्टको १ अर्ब १८ करोड, युनाइटेडको १ अर्ब २ करोड, जनरल १ अर्ब, अजोड १ अर्ब सानिमा १ अर्ब रहेको छ।

समितिका अनुसार आगामी वर्ष २०७९ चैत मसान्तभित्र बीमा कम्पनीहरूले तोकिएको चुक्ता पूँजी पुर्याउनु पर्नेछ । बीमा कम्पनीहरूले ३० दिन भित्र कसरी पूँजी वृद्धि गर्ने हो त्यसको योजना समितिमा पेश गर्नुपर्नेछ ।

अबको १ वर्ष भित्र निर्धारित पूँजी पुर्याउन नसक्ने कम्पनीहरूले मर्जर (गाभ्नेर गाभिने) प्रक्रियामा जानुपर्ने समितिले जनाएको छ । समितिको निर्णयसँगै बीमा कम्पनीहरूम पूँजी वृद्धि गर्नुपर्ने दबाब सृजना भएको छ । यससँगै कम्पनीहरुले बोनस तथा हकप्रदबाट पुँजी बढाउन सक्ने छन् ।

तर, बोनस तथा हकप्रदबाट मात्रै पुँजी वृद्धि नभएमा समितिले मर्जरलाई विशेष प्राथमिकतामा राखेको छ ।

काठमाडौं । विश्व बैंकले नेपालको वित्तीय क्षेत्रको हरित, लचिलो र समावेशी विकासका लागि १८ अर्ब १५ करोड उपलब्ध गराउने भएको छ। विश्व बैंकको कार्यकारी निर्देशक बोर्डले नेपालको हरित, लचिलो र समावेशी विकासमा सहयोग गर्न तथा क्षेत्रको स्थायित्व सुदृढ, वित्तीय समाधानमा विविधता ल्याउन र वित्तीय सेवाहरूमा पहुँच बढाउन ऋणस्वरूप उक्त रकम उपलब्ध गराउने निर्णय शुक्रबार गरेको हो।

व्यक्तिगत लगानीको परिचालन र आर्थिक गतिविधि सञ्चालनका लागि राम्रोसँग काम गर्ने वित्तीय प्रणाली मुख्य सक्षमता भएको बताउँदै माल्दिभ्स, नेपाल र श्रीलङ्काका लागि विश्व बैंकका देशीय निर्देशक फारिस हदाद–जेर्भोसले वित्तीय क्षेत्रलाई बलियो बनाएर, यो परियोजनाले नेपालको हरित, लचिलो र समावेशी पुनरुत्थान र आर्थिक वृद्धिको मार्गमा योगदान पु¥याने तथा विशेष गरी गरिब र जोखिममा परेकाहरूलाई फाइदा पु¥याउने विश्वास व्यक्त गरेका छन् ।

नेपाल सरकारको रूपान्तरणकारी वित्तीय क्षेत्र सुधार कार्यक्रम कार्यान्वयन, कोभिड–१९ महामारीको प्रभावको सन्दर्भमा वित्तीय स्थायित्वका जोखिमलाई सम्बोधन गन, निजी क्षेत्रको नेतृत्वमा भएको वृद्धिमा टेवा पु¥याउन, बैंकिङ क्षेत्रको पर्यवेक्षणलाई बढावा दिन तथा वित्तीय साक्षरताको माध्यमबाट तरलता र समावेशिता बढाउने प्रयासमा ऋण सहयोग उपयोगी हुने बैंकले जनाएको छ।

काठमाडौं । शेयर बजारमा दोहोरो अंकको गिरावट आएको छ ।

साताको कारोबारको अन्तिमदिन शेयर बजार मापक सूचक (नेप्से) १६.६९ अंकले घटेर २६१३.६७ विन्दुमा झरेको हो ।

नेपाल स्टक एक्सचेन्जका अनुसार विहीवार २२४ कम्पनीको ३ अर्ब २४ करोड ८९ लाख ४३ हजार ८२४ रुपैयाँ बराबरको ५२ लाख ९८ हजार ५४३ कित्ता शेयर किनबेच भएका छन् ।

अघिल्लो दिनको तुलनामा कारोबार रकममा बढेको छ । बुधवार २ अर्ब ४ करोड ६३ लाख ५२ हजार ५४७ रुपैयाँ बराबरको कारोबार भएको थियो ।

आज कारोबारमा आएका १३ समूहको परिसूचक मध्ये २ हरियो भएको छ । भने ११ वटा घटेको छ । घट्दो बजारमा राष्ट्र उत्थान लघुवित्त वित्तिय संस्था र इमर्जिङ नेपालको शेयरमूल्यमा सकारात्मक सर्किट लागेको हो ।

धेरै गुमाउने फाइनान्सका र विकास बैंकका लगानीकर्ता रहेका छन् । फाइनान्स समूह सबैभन्दा धेरै १.९८ प्रतिशतले घटेको छ । त्यस्तै, विकास बैंक पनि १.९८ प्रतिशतले नै घटेको छ । जीवन बीमा समूह सबैभन्दा धेरै २.५४ प्रतिशतले बढेको छ ।

राष्ट्र उत्थानको शेयरमूल्य १० प्रतिशतले बढेर प्रतिकित्ता ८१९ रुपैयाँ पुगेको छ भने इमर्जिङ नेपालको शेयरमूल्य ९.९९ प्रतिशतले बढेर प्रतिकित्ता ७६०.७० रुपैयाँ पुगेको छ ।

त्यसैगरी, ग्रीन लाइफ हाइड्रोपावर ७.५३, लाइफ इन्स्योरेन्स कर्पोरेसन ५.५९, ज्योति लाइफ ५.२६, एनआइबीएल समृद्धि फण्ड (२) ४.८६, सानिमा लाइफ ४.८०, गुराँस लाइफ, नेपाल इन्स्योरेन्स, स्वरोजगार लघुवित्त र प्रभु लाइफको शेयर मूल्य साढे ४ प्रतिशभन्दा धेरैले बढेको छ ।

नेप्सेका अनुसार आज नेपाल फाइनान्स, सामलिङ पावर कम्पनी, माउन्टेन हाइड्रो नेपाल, मैलुङ खोला जलविद्युत कम्पनीका लगानीकर्ताहरुले सर्वाधिक गुमाएका छन् । यी कम्पनीको शेयरमूल्य आज ४ प्रतिशत भन्दा बढीले घटेको छ ।

कारोबारको आधारमा सबैभन्दा बढी जीवन विकास लघुवित्त शेयर किनबेच भएको छ । यस कम्पनीको ३० करोड ६३ लाख भन्दा बढीको कारोबार भएको छ ।

दोस्रोमा नेपाल टेलिकमको कारोबार भएको छ । यसको २३ करोड ५० लाख भन्दा बढीको कारोबार भएको छ ।

काठमाडौं । आर्थिक वर्ष २०७८/७९ को ८ महिनामा नेपालको व्यापार घाटा ११ खर्ब नाघेको छ ।

भन्सार विभागले सार्वजनिक गरेको तथ्यांक अनुसार ८ महिनामा (साउनदेखि फागुन मसान्तसम्म) वैदेशिक व्यापार घाटा ३४.५० प्रतिशतले बढेको हो ।

त्यस अवधिमा नेपालको व्यापारघाटा ११ खर्ब ६० अर्ब ९८ करोड ८७ लाख रुपैयाँ पुगेको हो । गत आवको सोही अवधिमा नेपालको ८ खर्ब ६३ अर्ब २० करोड ९३ लाख बराबरको व्यापार घाटा व्यहोरेको थियो ।

तथ्यांक अनुसार यस अवधिमा १३ खर्ब ८ अर्ब ७३ करोड ४८ लाख रुपैयाँ बराबरको वस्तु आयात भएको छ । गत आबको सोही अवधिमा ९ खर्ब ४३ अर्ब ९८ करोड ८२ लाख बढीको आयात भएको थियो ।

भन्सार विभागको तथ्यांक अनुसार यस अवधिमा नेपालमा १५९ देशबाट आयात भएको छ । यस अवधिमा सबैभन्दा धेरै आयात भारतबाट भएको छ ।

आठ महिनामा नेपालले भारतबाट ७ खर्ब ९७ अर्ब २४ करोड १६ लाख रुपैयाँ बढीको आयात भएको छ भने एक खर्ब १८ अर्ब ८३ करोड ७६ लाख रुपैयाँ बराबरको निर्यात भएको छ ।

नेपालको भारतसँग मात्रै ६ खर्ब ७८ अर्ब ४० करोड ३९ लाख बढीको व्यापार घाटा ब्यहोरेको छ । भारतपछि ठूलो मात्रामा आयात चीनबाट भएको छ । चीनबाट आठ महिनामा एक खर्ब ८६ अर्ब १५ करोड ९१ लाख रुपैयाँ बराबरको आयात भएको छ ।

त्यस्तै ५४ करोड ५८ लाख ४० हजार रुपैयाँको मात्र निर्यात भएको छ । चीनसँग मात्र एक खर्ब ८५ अर्ब ६१ करोड ३२ लाख रुपैयाँ बराबरको व्यापार घाटा रहेको छ ।

तथ्यांक अनुसार चालु आर्थिक वर्षको पहिलो ८ महिनामा नेपालबाट भारत लगायत तेस्रो मुलकमा हुने निर्यात ४४.४३ प्रतिशतले बढेको छ ।

चालु आवको फागुन मसान्तसम्म नेपालले १ खर्ब ४७ अर्ब ७४ करोड रुपैयाँ बराबरको निर्यात गरेको छ । ८ महिनामै निर्यात व्यापारमा रेकर्ड कायम भएको छ । भन्सार विभागका अनुसार इतिहासमै नेपालले सबैभन्दा धेरै रकम बराबरको निर्यात व्यापार हो ।

गत आर्थिक वर्ष २०७७/७८ को एक वर्षको अवधिमा कुल निर्यात १ खर्ब ४१ अर्ब १२ करोड रुपैयाँ बराबरको रहेको थियो ।

काठमाडौं । शेयर बजार दोहोरो अंकले बढेको छ । साताको कारोबारको दोस्रो शेयर बजार मापक सूचक (नेप्से) १७.९९ अंकले बढेर २६३४.५७ विन्दुमा पुगेको छ ।

नेपाल स्टक एक्सचेन्जका अनुसार सोमबार २३१ कम्पनीको २ अर्ब ५९ करोड २७ लाख १८ हजार १३१ रुपैयाँ बराबरको ५१ लाख ८९ हजार ८३ कित्ता शेयर किनबेच भएका छन् ।

अघिल्लो दिनको तुलनामा कारोबार रकम बढेको छ । आइतबार २ अर्ब २७ करोड ४६लाख २६ हजार १९० रुपैयाँ बराबरको कारोबार भएको थियो ।

आज कारोबारमा आएका १३ समूह मध्ये ११ वटाको परिसूचक हरियो भएको छ भने २ वटाको घटेको छ । दोहोरो अंकले बढेको बजारमा आज टेलिकमको शेयरमा लगानीकर्ता झुम्मिएका छन् ।

दोहोरो अंकले बढेको बजारमा बैंकिङ ५ माइक्रोफाइनान्स ३३ अंकले, निर्जीवन बीमा ४६, जलविद्युत ८३ अंकले बढेको छ ।

विकास बैंक १३१, फाइनान्स ५६, उत्पादन समूह ३३ र जीवन बीमा समूह १६८ र लगानी समूह ०९२ अंकले बढेको छ । अन्य उपसमूह ४२ अंक र होटल तथा पर्यटन १३ अंकले घटेको छ ।

कारोबारको आधारमा आज सबैभन्दा बढी नेपाल दुरसञ्चार कम्पनीको भएको छ । यस कम्पनीको २० करोड ९४ लाख भन्दा बढीको कारोबार भएको छ ।

दोस्रोमा अरुण भ्यालीको भएको छ । यस कम्पनीको ९ करोड २३ लाख भन्दा बढीको कारोबार भएको छ ।

तेस्रोमा जीवन विकास लघुवित्त वित्तीय संस्थाको भएको छ । यस कम्पनीको ९ भन्दा बढीको कारोबार भएको छ ।

दुई कम्पनीको शेयरमूल्यमा उच्च वृद्धि भएको छ । एक कम्पनीको शेयरमूल्यमा सकारात्मक सर्किट लागेको । इमर्जिङ नेपालको शेयरमूल्य आज ९.९८ प्रतिशतले बढेर प्रतिकित्ता ५७१.७० रुपैयाँ पुगेको छ ।

त्यस्तै, नेपाल दूरसञ्चार कम्पनीको शेयरमूल्यमा सर्वाधिक गिरावट आएको छ ।

काठमाडौं । शेयर बजारको आरोलो यात्रा कायमै रहेको छ । साताको कारोबारको पहिलोदिन शेयर बजार मापक सूचक (नेप्से) १४.६७ अंकले घटेर २६१६.५८ विन्दुमा झरेको हो ।

नेपाल स्टक एक्सचेन्जका अनुसार आइतवार २२४ कम्पनीको २ अर्ब २७ करोड ४६लाख २६ हजार १९० रुपैयाँ बराबरको ४२ लाख ८७ हजार ५६९ कित्ता शेयर किनबेच भएका छन् ।

अघिल्लो दिनको तुलनामा कारोबार रकममा पनि गिरावट आएको छ । बुधवार २ अर्ब ५७ करोड ४ लाख १ हजार १८८ रुपैयाँ बराबरको कारोबार भएको थियो ।

आज कारोबारमा आएका १३ समूहको परिसूचक मध्ये १ हरियो भएको छ । भने १२ वटा घटेको छ । लगानी समूह १.६६ प्रतिशतले बढेको छ भने होटल समूह सबैभन्दा धेरै १.९६ प्रतिशतले घटेको छ ।

नेपाल लाइफको लाभांश पाउन शेयर किन्ने अन्तिम दिन भएका कारण नेपाल लाइफको शेयरमा लगानीकर्ता झुम्मिएका छन् । नेपाल लाइफको १६ करोड २९ लाखबढीको कारोबार भएको छ ।

दोस्रोमा जीवन विकास लघुवित्तको कारोबार भएको छ । यस कम्पनीको १३ करोड ४२ लाख भन्दा बढीको कारोबार भएको छ ।

तेस्रो स्थानमा नेपाल टेलिकमको कारोबार रहेको छ । टेलिकमले ८ करोड ८२ लाखबढीको कारोबार गरेको छ ।

आज दुई कम्पनीको शेयरमूल्यमा सकारात्मक सर्किट लागेको । जुन राष्ट्र उत्थान लघुवित्त वित्तीय संस्था र इमर्जिङ नेपाल लिमिटेड रहेका छन् ।

राष्ट्र उत्थान लघुवित्त वित्तीय संस्थाको शेयरमूल्य आज १० प्रतिशतले बढेर प्रतिकित्ता ६२५.९० रुपैयाँ पुगेको छ भने इमर्जिङ नेपालको शेयरमूल्य आज ९.९९ प्रतिशतले बढेर प्रतिकित्ता ५१९.८० रुपैयाँ पुगेको छ ।

त्यसैगरी, नेपाल इन्फ्रास्ट्रक्चर बैंक ४.८९, सप्तकोशी विकास बैंक ४.४८, जीवन विकास लघुवित्त २.९१ र नारायणी विकास बैंकको शेयर मूल्य २.४८ प्रतिशतले बढेको छ ।

त्यस्तै, जाल्पा लघुवित्त, गुराँस लघुवित्त, किसान लघुवित्त र एनएलजी इन्स्योरेन्सको मूल्य डेढ प्रतिशतशले बढेको छ ।

त्यस्तै, मैलुङ खोला जलविद्युत कम्पनी, शिवश्री हाइड्रोपावर, प्रभु लाइफ, एभरेष्ट इन्स्योरेन्स र बिशाल बजार कम्पनीको शेयरमूल्यमा सर्वाधिक गिरावट आएको छ ।