Category: अर्थतन्त्र

काठमाडौं । शेयर बजारमा उच्च अंकको गिरावट आएको छ । साताको कारोबारको अन्तिम दिन शेयर बजार मापक सूचक नेप्से ५८. ९९ अंकले घटेर २६६१.४४ विन्दुमा झरेको छ ।

नेपाल स्टक एक्सचेन्जका अनुसार बिहीवार २२९ कम्पनीको ४ अर्ब २९ करोड ३८ लाख ६४ हजार १९१ रुपैयाँ बराबरको८४ लाख ९० हजार ६८९ कित्ता शेयर किनबेच भएका छन् ।

अघिल्लो दिनको तुलनामा कारोबार रकम बढेको छ । बुधवार ३ अर्ब १३ करोड १२ लाख १० हजार २८१ रुपैयाँ बराबरको कारोबार भएको थियो ।

आज कारोबारमा आएका १३ समूहको परिसूचक राताम्मे भएका छन् । धेरै गुमाउने फाइनान्सका लगानीकर्ता रहेका छन् ।

फाइनान्स समूह सबैभन्दा धेरै ३.०१ प्रतिशतले घटेको छ ।

त्यस्तै, विकास बैंक, हाइड्रोपावर, निर्जीवन बीमा, जीवन बीमा, माइक्रोफाइनान्स समूह पनि २ प्रतिशतले घटेका छन् ।

कारोबारको आधारमा आज सबैभन्दा बढी नेशनल हाइड्रो पावर कम्पनीको भएको छ । यस कम्पनीको २६ करोड ९७ लाख भन्दा बढीको कारोबार भएको छ ।

दोस्रोमा नेपाल दुरसञ्चार कम्पनीको भएको छ । यस कम्पनीको २५ करोड ३५ लाख भन्दा बढीको कारोबार भएको छ ।

तेस्रोमा जीवन विकास लघुवित्त वित्तीय संस्थाको भएको छ । यस कम्पनीको १४ करोड भन्दा बढीको कारोबार भएको छ ।

नेप्सेका अनुसार एक कम्पनीको शेयरमूल्यमा उच्च वृद्धि भएको छ । शेयरमूल्यमा वृद्धि हुने कम्पनीमा हिमालयन जनरल इन्स्योरेन्स कम्पनी रहेको छ ।

यस कम्पनीको शेयरमूल्यमा आज सकारात्मक सर्किट लागेको छ । युनिभर्सल पावरका सेयरधनीले सबैभन्दा धेरै ५.४७ प्रतिशत गुमाएका छन् । त्यसैगरी, न्यादी हाइड्रोपावर, नयाँ सारथी लघुवित्त र सिद्धार्थ इन्स्योरेन्सको सेयर मूल्य ५ प्रतिशतले घटेको छ ।

त्यस्तै, घलेम्दी हाइड्रोपावर, बुद्धभूमि नेपाल, आइसीएफसी फाइनान्स, युनाइटेड मोदीको शेयरमूल्य साढे ४ प्रतिशतले घटेको ।

गुराँस लघुवित्त, ग्रामीण विकास लघुवित्त, सेन्टर फाइनान्स, इन्फिनिटी लघुवित्त, सूर्य लाइफ, सिनर्जी पावर, एक्सल डेभलपमेन्ट बैंक र लक्ष्मी लघुवित्तको ४ प्रतिशतले घटेको छ ।

काठमाडौं । रुस र युक्रेनबीच तनाव बढेपछि परराष्ट्र मन्त्रालयले अति आवश्यक अवस्थामा बाहेक युक्रेन भ्रमण नगर्न आग्रह गरेको छ।

मन्त्रालयले बुधवार एक विज्ञप्ति निकाल्दै युक्रेनमा रहेका नेपालीलाई उपलब्ध हवाई उडानको प्रयोग गरी स्वदेश फर्कनसमेत अनुरोध गरेको हो ।

अहिलेसम्म युक्रेनमा रहेका ३८ नेपाली नागरिक सम्पर्कमा आएको र उनीहरू सुरक्षित रहेको परराष्ट्रले बताएको छ।

युक्रेनमा रहेका नेपाली नागरिकले आवश्यक परे जर्मनीको बर्लिनमा रहेको नेपाली राजदूतावासमा सम्पर्क गर्न भनिएको छ।

मन्त्रालयद्वारा जारी सूचनामा भनिएको छ, ‘युक्रेनमा रहनु भएका नेपाली नागरिकहरूले त्यहाँको वर्तमान अवस्था तथा विकसित हुँदै गरेका घटनाक्रमको मूल्यांकन गर्नु भई अति आवश्यक परी त्यहीँ रहनु परेमा बाहेक उपलब्ध व्यावसायिक हवाई उडानको उपयोग गरी स्वदेश फर्कन परराष्ट्र मन्त्रालय अनुरोध गर्दछ । साथै, अति आवश्यक अवस्थामा बाहेक हाललाई युक्रेन भ्रमण स्थगित गर्नसमेत अनुरोध गरिन्छ ।’

मन्त्रालयले आवश्यक परेमा बर्लिनस्थित राजदूतावासकी तृतीय सचिव सहारा चौलागाईं र मस्कोमा रहेका कार्यवाहक राजदूत सुशील घिमिरेलाई सम्पर्क गर्न समेत अनुरोध गरेको छ ।

रुसले पृथकतावादी समूहको नियन्त्रणमा रहेका दुई वटा क्षेत्रलाई स्वतन्त्र राज्यको मान्यता दिने निर्णय गरेसँगै युक्रेनी सीमामा तनाव बढेको छ।

काठमाडौं । शेयर बजार दोहोरो अंकले घटेको छ । केही दिन बढेको बजार साताको कारोबारको चौंथो दिन शेयर बजार मापक सूचक (नेप्से) १५.५० अंकले घटेर २७२०.४३ विन्दुमा झरेको हो ।

नेपाल स्टक एक्सचेन्जका अनुसार बुधवार २२८ कम्पनीको ३ अर्ब १३ करोड १२ लाख १० हजार २८१ रुपैयाँ बराबरको ६२ लाख ४७ हजार ४४७ कित्ता शेयर किनबेच भएका छन् ।

आज कारोबारमा आएका १३ समूहको परिसूचक मध्ये १ हरियो भएको छ । भने ११ वटा घटेको छ । हाइड्रोपावर समूह सबैभन्दा धेरै १.०७ प्रतिशतले बढेको छ भने उत्पादनमूलक १.२२ प्रतिशतले घटेको छ । आजपनि टेलिकमको शेयरमा लगानीकर्ता झुम्मिएका छन् ।

अघिल्लो दिनको तुलनामा कारोबार रकम घटेको छ । मंगलवार ३ अर्ब २१ करोड २८ लाख ८७ हजार ८२२ रुपैयाँ बराबरको कारोबार भएको थियो ।

दुई कम्पनीको शेयरमूल्यमा उच्च वृद्धि भएको छ । शेयरमूल्यमा वृद्धि हुने कम्पनीमा दिव्याश्वरी हाइड्रोपावर, युनाइटेड इदी मर्दी हाइड्रोपावर कम्पनी रहेको छ ।

यी दुवैको शेयर मूल्यमा पोजेटिभ सर्किट लागेको छ । घलेम्दी हाइड्रोपावरको शेयर मूल्य पनि ९ प्रतिशत भन्दा धेरैले बढेको छ ।

तेह्रथुम पावर ८.८४, रुरु जलविद्युत् ७.४८, सामलिङ पावर ६.८४, आरबीबी म्युचुअल फण्ड १, मध्यभोटेकोशी, बुद्धभूमि नेपाल र मैलुङखोलाको शेयर मूल्य साढे ५ प्रतिशतले बढेको छ ।

कारोबारको आधारमा आज सबैभन्दा बढी नेपाल दुरसञ्चार कम्पनीको भएको छ । यस कम्पनीको १९ करोड ३७ लाख भन्दा बढीको कारोबार भएको छ ।

दोस्रोमा घलेम्दीको भएको छ । यस कम्पनीको १२ करोड ८५ लाख भन्दा बढीको कारोबार भएको छ । हिमालयन डिस्ट्रीलरीको ९ करोढ ५८ लाखको कारोबार भएको छ ।

घट्दो बजारमा आज प्रभु बैंकको डिबेञ्चरधनीले सबैभन्दा धेरै ३.९६ प्रतिशत गुमाएका छन् ।

काठमाडौं । आर्थिक वर्ष २०७८/७९ को ७ महिनामा नेपालको व्यापार घाटा १० खर्ब नाघेको छ ।

भन्सार विभागले सार्वजनिक गरेको तथ्यांक अनुसार सात महिनामा (साउनदेखि माघसम्म) वैदेशिक व्यापार घाटा ३८.४५ प्रतिशतले बढेको हो ।

त्यस अवधिमा नेपालले १० खर्ब १५ अर्ब ८० करोड ८४ लाख रुपैयाँ बराबरको वैदेशिक व्यापार घाटा व्यहोरेको छ ।

गत आवको सोही अवधिमा नेपालको ७ अर्ब ३३ अर्ब ७२ करोड ६१ लाख रुपैयाँ बराबरको व्यापार घाटा व्यहोरेको थियो ।

तथ्यांक अनुसार चालु आर्थिक वर्षको पहिलो सात महिनामा नेपालबाट भारत लगायत तेस्रो मुलकमा हुने निर्यात ४२.७८ प्रतिशतले बढेको छ ।

गत पुससम्म ९५.४८ प्रतिशतले आयात बढेकोमा माघ महिनामा आयात घटेको हो ।

यस्तै, नेपालको वैदेशिक व्यापार ४६.४३ प्रतिशतले बढेको छ । यस अवधिमा १२ खर्ब ७९ अर्ब १२ करोड ४ लाख रुपैयाँ बराबरको पुगेको भन्सार विभागले जनाएको छ ।

तथ्यांक अनुसार गत आर्थिक वर्षको सोही अवधिमा ८ खर्ब ७३ अर्ब ५६ करोड बराबरको थियो ।

त्यस अवधिमा ११ खर्ब ४७ अर्ब ४६ करोड ४४ लाख वरावरको वस्तु आयात भएको छ । यस्तै, गत आर्थिक वर्षको सोही अवधिमा ८ खर्ब ३ अर्ब ६४ करोड ३१ लाख रुपैयाँ बराबरको आयात भएको थियो ।

सात महिनाको अवधिमा नेपालबाट १ खर्ब ३१ अर्ब ६५ करोड ६० लाख रुपैयाँ बराबरको सामान निर्यात भएको भन्सार विभागको तथ्यांकमा उल्लेख छ । गत आर्थिक वर्षको सोही अवधिमा नेपालबाट ६९ अर्ब ९१ करोड १७ लाख रुपैयाँ बराबरको सामान निर्यात भएको थियो ।

काठमाडौं । शेयर बजार दोहोरो अंकले बढेको छ । साताको कारोबारको तेस्रो शेयर बजार मापक सूचक (नेप्से) १७.४२ अंकले बढेर २७३५.९३ विन्दुमा पुगेको छ ।

नेपाल स्टक एक्सचेन्जका अनुसार मंगलवार २२८ कम्पनीको ३ अर्ब २१ करोड २८ लाख ८७ हजार ८२२ रुपैयाँ बराबरको ६० लाख ८१ हजार ८२२ कित्ता शेयर किनबेच भएका छन् ।

अघिल्लो दिनको तुलनामा कारोबार रकम बढेको छ । सोमवार २ अर्ब ९९ करोड ७६ लाख ८१ हजार ७२ रुपैयाँ बराबरकोकारोबार भएको थियो ।

आज कारोबारमा आएका १३ समूहको परिसूचक मध्ये ११ हरियो भएको छ । भने २ वटा घटेको छ । आज टेलिकमको शेयरमा लगानीकर्ता झुम्मिएका छन् ।

दोहोरो अंकले बढेको बजारमा बैंकिङ ८ , होटल तथा पर्यटन ४ अंक, माइक्रोफाइनान्स १५ अंकले बढेको छ । निर्जीवन बीमा १२८, जलविद्युत २७ अंकले बढेको छ ।

विकास बैंक ७०, फाइनान्स ४३, जीवन बीमा समूह ७ ,अन्य उपसमूह ४६ अंक ले बढेको छ । , उत्पादन समूह १८ र लगानी समूह घटेको छ ।

दुई कम्पनीको शेयरमूल्यमा उच्च वृद्धि भएको छ । शेयरमूल्यमा वृद्धि हुने कम्पनीमा युनाइटेड इदी मर्दी हाइड्रोपावर र मैलुङ खोला रहेको छ । यी दुवैको शेयर मूल्यमा पोजेटिभ सर्किट लागेको छ ।

त्यसैगरी, सामलिङ पावर ८.५२, तेह्रथुा पावर ६.७६, कर्पोरेट डेभलपमेन्ट बैंक ६.०४, वरुण हाइड्रोपावर ५.४३, घलेम्दी हाइड्रोपावर ५.१५, आइसीएफसी फाइनान्स ४.८४, न्यादी हाइड्रोपावर ४.७० प्रतिशतले बढेको छ ।

एभरेष्ट बैंक, बुद्धभूमि नेपाल, गोर्खा फाइनान्स, शिखर इन्स्ष्योरेन्स, दिव्यश्वरी हाइड्रोपावर र मध्यभोटेकोशीको शेयर मूल्य ३ प्रतिशतले बढेको छ ।

कारोबारको आधारमा आज सबैभन्दा बढी नेपाल दुरसञ्चार कम्पनीको भएको छ । यस कम्पनीको २१ करोड ४९ लाख भन्दा बढीको कारोबार भएको छ ।

दोस्रोमा अरुण भ्यालीको भएको छ । यस कम्पनीको १२ करोड ७८ लाख भन्दा बढीको कारोबार भएको छ ।

तेस्रोमा जीवन विकास लघुवित्त वित्तीय संस्थाको भएको छ । यस कम्पनीको ११ करोड २२ लाख भन्दा बढीको कारोबार भएको छ ।

बढ्दोे बजारमा आज सिभिल लघुवित्तको सेयर मूल्य सबैभन्दा धेरै १.९६ प्रतिशतले घटेको छ ।

काठमाडौं । निर्वाचन आयोगले स्थानीय तहको निर्वाचन गर्न सरकारसँग ८ अर्ब ९५ करोड रुपैयाँ मागेको छ । सरकारले आगामी ३० वैशाखमा निर्वाचन घोषणा गरेको हो । निर्वाचनमा मतपत्र छपाइ, ढुवानी, मतदान स्थलमा आवश्यक सामग्री, कर्मचारीको तलब भत्तामा खर्च गर्न आयोगले अर्थ मन्त्रालयसँग ८ अर्ब ९५ करोड २९ लाख ४ हजार १ सय १२ रुपैयाँ माग गरेको हो । कोभिडको बेला स्वास्थ्य मापदण्ड पालना गराउन आवश्यक सामग्री राख्दा पनि अघिल्लो स्थानीय तहको निर्वाचनको भन्दा कम खर्चमा गर्न लागेको आयोगको दाबी छ ।

अघिल्लो निर्वाचनको लागि सरकारले आयोगलाई १० अर्ब २९ करोड उपलब्ध गराएको थियो । यस वर्ष निर्वाचनमा खटिने कर्मचारीको भत्तामा झण्डै ४० प्रतिशत कटौती गरेको आयोगले जनाएको छ । अघिल्लो वर्ष तबलको १ सय २१ प्रतिशत र अरु सुविधासहित १ सय ४० सम्म निर्वाचन भत्ता लिएकोमा यसपटक एक सय प्रतिशत मात्रै दिन लागिएको छ । यसअघि आयोगले निर्वाचनको लागि १२ अर्ब लाग्ने अनुमान गरेको थियो । स्थानीय तहमा रहेका कर्मचारीलाई नै मतदान स्थल र केन्द्रमा खटाउने, नियुक्ति लिन जिल्लामा आउन नपर्ने भएपछि खर्च कटौती भएको पौडेलले बताए । निर्वाचनमा करिब २ लाख कर्मचारी खटिँदैछन् ।

काठमाडौं ।अमेरिकाको न्यूयोर्कमा आयोजित १५औँ कफी तथा चिया महोत्सवमा नेपाली चिया उत्पादक कम्पनीले सहभागिता जनाएका छन्।

शनिबार र आइतबार न्यूयोर्कको ब्रुक्लिन एक्स्पो सेन्टरमा आयोजित महोत्सवमा नेपाली कम्पनी ‘नेपाली टी’ र ‘नेपाली कफी ८८४८’ ले सहभागिता जनाएका थिए । ती चिया पसलमा पुगेर नेपाली चिया र कफीको स्वाद लिने उपभोक्ता धेरै रहेका सो महोत्सवमा सहभागीले जनाएका राससले समचार लेखेको छ ।

सो महोत्सवमा चिया र कफीको सहभागिताका लागि न्यूयोर्कस्थित नेपाली महावाणिज्यदूतको कार्यालयले समन्वय गरेको थियो । यस्ता प्रदर्शनीमा सहभागिताले नेपालका पहाडी भेगमा उत्पादित चिया तथा कफीले अन्तर्राष्ट्रिय बजारको पहुँच वृद्धि गर्न मद्दत पुग्ने कन्सुलर जनरल विष्णु गौतमले बताए।

चिया तथा कफीको अन्तर्राष्ट्रिय बजार निकै प्रतिस्पर्धी छ, त्यसका लागि नेपालमा यस व्यवसायमा लागेका व्यवसायीले अर्गानिक उत्पादनमा ध्यान दिन जरुरी रहेको उनले बताए।

विगत छ वर्षदेखि नेपालमा उत्पादित चियाको अमेरिकामा प्रवद्र्धन तथा बजार व्यवस्थापन गर्दै आएका नेपाल टी एलएलसीका संस्थापक निश्चल बाँस्कोटाले महोत्सवमा सहभागिता जनाएर नेपाली चियाको प्रवद्र्धनमा मद्दत पुगेको बताउँछन्।

अमेरिकाका विभिन्न राज्यमा आयोजना हुने चिया तथा कफीसम्बन्धी प्रदर्शनीमा समेत सहभागिता जनाउँदै आएका बाँस्कोटाले नेपालको अर्गानिक चियाको राम्रो बजार रहेको र यसमा उपभोक्ताको माग बढ्दै गएको बताउँछन्।

उनले भने, ‘परिमाणमा अहिले यति नै भन्न नसकिए पनि अमेरिकी बजारमा नेपाली चियाको माग दिनप्रतिदिन बढ्दै गएको छ, हामीसँग नेपाली चिया माग्ने उपभोक्ता पहिलेभन्दा निकै धेरै छन्।’

उनले नेपालका कृषकले उत्पादन गरेको अर्गानिक चिया अमेरिकी बजारमा सिधै उपभोक्तासम्म याउनका लागि पहल गरिरहेको बताउँदै विश्वबजारमा चियामा उच्च प्रतिस्पर्धा रहेको तर नेपाली माटोको चियाले अन्तर्राष्ट्रिय अवार्डसमेत प्राप्त गरेकाले उपभोक्तासम्म पु¥याउन सजिलो भएको जानकारी दिए।

काठमाडौं । शेयर बजार दोहोरो अंकले बढेको छ । साताको कारोबारको दोस्रो शेयर बजार मापक सूचक (नेप्से)२५.४१ अंकले बढेर २७१८.५१ विन्दुमा पुगेको छ ।

नेपाल स्टक एक्सचेन्जका अनुसार २२४ कम्पनीको २ अर्ब ९९ करोड ७६ लाख ८१ हजार ७२ रुपैयाँ बराबरको ४९ लाख ९२ हजार ८७९ कित्ता शेयर किनबेच भएका छन् ।

अघिल्लो दिनको तुलनामा कारोबार रकम घटेको छ । आइतवार ४ अर्ब ८ करोड ६० लाख ८ हजार ४० रुपैयाँ बराबरको भएको थियो ।

आज कारोबारमा आएका १३ समूहको परिसूचक हरियो भएको छ । दोहोरो अंकले बढेको बजारमा बैंकिङ १६ , होटल तथा पर्यटन ३४ अंक, माइक्रोफाइनान्स १२ अंकले बढेको छ । निर्जीवन बीमा ३९, जलविद्युत ७२अंकले बढेको छ ।

विकास बैंक २२, फाइनान्स २७, उत्पादन समूह ६६ र जीवन बीमा समूह १९ ,अन्य उपसमूह २९ अंक र लगानी समूह १ अंकले बढेको छ ।

दुई कम्पनीको शेयरमूल्यमा उच्च वृद्धि भएको छ । शेयरमूल्यमा वृद्धि हुने कम्पनीमा युनाइटेड इदी मर्दी हाइड्रोपावर र गुराँस लघुवित्त वित्तय संस्था रहेको छ ।

कारोबारको आधारमा आज सबैभन्दा बढी नेपाल दुरसञ्चार कम्पनीको भएको छ । यस कम्पनीको २६ करोड २५ लाख भन्दा बढीको कारोबार भएको छ ।

दोस्रोमा जीवन विकास लघुवित्त वित्तीय संस्थाको भएको छ । यस कम्पनीको २६ करोड ३ लाख भन्दा बढीको कारोबार भएको छ । तेस्रोमा अरुण भ्यालीको १० करोडको कारोबार भएको छ ।

त्यस्तै, आज नविल डिभेञ्चरको शेयरमूल्यमा सर्वाधिक गिरावट आएको छ । यसको शेयरमूल्य एक प्रतिशत भन्दा बढीले घटेको छ ।

काठमाडौं । मदिरा व्यवसायी अमित अग्रवाल पक्राउ परेका छन् । ग्रीन लाइनका सञ्चालक अग्रवाललाई बैंकिङ कसुरको आरोपमा प्रहरीले शनिबार प्रक्राउ गरेको हो ।

उनलाई हाल अनुसन्धानका लागि म्याद थप गरिएको प्रहरीले जनाएको छ । महानगरीय प्रहरी परिसर काठमाडौंका अनुसार चेक बाउन्सको उजुरीपछि अग्रवाललाई पक्राउ गरी अनुसन्धानका लागि म्याद थप गरिएको छ ।

अग्रवालमाथि संजय अधिकारीलाई दिएको ५० लाख र टंक शम्शेर जबरालाई दिएको डेढ करोड रुपैयाँको चेक बाउन्स भएको आरोप छ ।

बैंक र मिटरब्याजीको १ अर्ब बढी ऋण तिर्न नसकेपछि अमितसहित उनका परिवारका ९ सदस्य गत पुस २२ गते भारत गएका थिए । त्यसपछि उनी माघ २३ गते काठमाडौं फर्किएका थिए ।

नेपाल आए लगत्तै पत्रकार सम्मेलन गर्दै अग्रवालले आफूले बैंक सबै ऋण तिर्ने र उक्त ऋणभन्दा बढी सम्पत्ति भएको बताएका थिए ।

काठमाडौं । साताको कारोबारको पहिलोदिन शेयर बजार दोहोरो अंकले घटेको छ ।

कारोबार शुरु भएदेखि नै ओरोलो लागिरहेको शेयर बजार मापक सूचक (नेप्से) ३९.४० अंकले घटेर २६९३.१० विन्दुमा झरेको हो ।

नेपाल स्टक एक्सचेन्जका अनुसार आइतवार २३० कम्पनीको ४ अर्ब ८ करोड ६० लाख ८ हजार ४० रुपैयाँ बराबरको ७१ लाख २१ हजार ६३४ कित्ता शेयर किनबेच भएका छन् ।

आज कारोबारमा आएका १३ समूह मध्ये १ वटाको परिसूचक हरियो भएको छ भने १२ वटाको घटेको छ । आइतवार दुई कम्पनीको शेयरमूल्यमा उच्च वृद्धि भएको छ ।

जीवन बीमा समूह सबैभन्दा धेरै २.४४ प्रतिशतले घटेको छ । त्यस्तै, उत्पादनमूलक, निर्जीवन बीमा र फाइनान्स समूह पनि २ प्रतिशतले घटेको छ

शेयरमूल्यमा वृद्धि हुने कम्पनीहरुमा तेह्रथुम पावर कम्पनी र युनाइटेड इदी मर्दी हाइड्रोपावर रहेको छ । युनाइटेडको शेयरमूल्य १० प्रतिशत र तेह्रथुमको ८.६४ प्रतिशतले बढेको छ ।

कारोबारको आधारमा आज सबैभन्दा बढी जीवन विकास लघुवित्त वित्तीय संस्थाको भएको छ । यस कम्पनीको आज ५८ करोड २ लाख भन्दा बढीको कारोबार भएको छ ।

दोस्रोमा नेपाल दुरसञ्चार कम्पनीको १९ करोड र अरुण भ्यालीको १७ करोडको कारोबार भएको छ ।

त्यस्तै नारायणी डेभलपमेन्ट बैंक, युनाइटेड इन्स्योरेन्स, रुरु जलविदुत परियोजना र प्रिमियर इन्स्योरेन्स कम्पनीको शेयरमूल्यमा सर्वाधिक गिरावट आएको छ । यसको शेयरमूल्य ४ प्रतिशत भन्दा बढीले घटेको छ ।

आइएमई जनरल, मिथिला लघुवित्त, नेरुडे लघुवित्त, हिमालयन जनरल इन्स्योरेन्स, गोर्खा फाइनान्स, युनियन लाइफ इन्स्योरेन्स, पोखरा फाइनान्सको शेयर मूल्य साढे ३ प्रतिशतले घटेको छ ।

काठमाडौं । नेकपा माओवादी केन्द्रका प्रमुख सचेतक देव गुरुङले मिलिनियम च्यालेन्ज कर्पोरेशन संसदमा टेबल हुन लागेको भन्दै आपत्ति जनाएका छन्।

आइतबारको प्रतिनिधिसभाको बैठकमा समय लिएर बोल्दै उनले प्रतिपक्षी
दल नेकपा एमालेले ६ महिनादेखि अवरोध गरिरहेको बेला महत्वपूर्ण विधेयकहरु अघि बढाउन नहुने बताए।

एमसीसीमा राष्ट्रिय हित विपरीतका विषय रहेको, संसद अवरोध रहेको र आर्थिक सहयोगसम्बन्धी सम्झौता संसदमा पेश गर्ने प्रचलन पनि नभएकाले महत्वपूर्ण विधेयकहरु अघि बढाउन नहुने बताए।

एमसीसी सम्झौतामा रहेका प्रतिकुल प्रावधान संसोधन गर्नुपर्छ भन्ने दलको धारणा हो,उनले भने। गुरुङले संविधान प्रतिकुल रहेकाले एमसीसी संसोधन बिना अघि बढ्न नसक्ने धारणा राखे।

संघीय ऐन २०४७ संग पनि मेल खादैन्। विगत कालमा कुनै पनि सम्झौता सदनमा टेबल भएको छैन्। सदनमा आउने जुन कुरा भएको छ सामान्य मान्यता भन्दा पनि भिन्न भएकाले राष्ट्रिय सहमति जुटन पर्छ।

काठमाडौं । पाँच दलीय गठबन्धनमा तीव्र मतभेदले अमेरिकी सहायता परियोजना एमसीसी संसदमा लैजाने विषयमा निर्णय नहुँदा त्यसको प्रभाव शेयर बजारमा परेको छ ।

बुधवार संसदमा टेबल हुने हल्लाले उच्च अंकले बढेको नेप्से बुधवार भने दोहोरो अंकले घटेको छ ।

एमसीसी संसदमा लैजाने भएपछि जलविद्युत समूहमा लगानीकर्ता आर्कर्षित भएका थिए ।

साताको कारोबारको चौंथोदिन शेयर बजार मापक सूचक (नेप्से) १९.८४ अंकले घटेर २७३४.४४ विन्दुमा झरेको छ ।

नेपाल स्टक एक्सचेन्जका अनुसार बु्धवार २३१ कम्पनीको ३ अर्ब २ करोड ६३ लाख ३० हजार ७८४ रुपैयाँ बराबरको ५६ लाख ५२ हजार १८२ कित्ता शेयर किनबेच भएका छन् ।

आज कारोबारमा आएका १३ समूह मध्ये ११ वटाको परिसूचक हरियो भएको छ भने २ वटाको घटेको छ । मंगलवारको तुलनामा कारोबार रकममा भने घटेको छ । त्यसदिन ३ अर्ब २३ करोड ३३ लाख १८ हजार ६१४ रुपैयाँ बराबरको कारोबार भएको थियो ।

आज गुँरास लघुवित्त र ज्योति लाइफ इन्स्योरेन्स कम्पनीको शेयर मूल्य सामान्य वृद्धि भएको छ । बुद्धभूमी नेपाल हाइड्रोपावरको र मैलुङ खोला जलविद्युतको लगानीकर्ताले सर्वाधिक गुमाएका छन् ।

यसको शेयरमूल्य ५ प्रतिशत भन्दा बढीले घटेको छ । मैलुङ खोला ५ प्रतिशत, सिंगटी हाइड्रो ४.६९, सीईडीबी हाइड्रोपावर ४.०३, शिवश्री हाइड्रोपावर, कालिका पावर, घलेम्दी हाइड्रो, युनाइटेड मोदी, राधी जलविद्युत् र वरुण हाइड्रोपावरको मूल्य साढे ३ प्रतिशतले घटेको छ ।

कारोबारको आधारमा आज सबैभन्दा बढी अपी पावर लिमिटेडको भएको छ । यस कम्पनीको २१ करोड १४ लाख भन्दा बढीको कारोबार भएको छ ।

दोस्रोमा नेशनल हाइड्रोका १७ करोड ७८ लाख र तेस्रो अरुण भ्यालीको १६ करोड र नेपाल दूरसञ्चार कम्पनीको १४ करोडको कारोबार भएको छ ।

काठमाडौं । गैर आवासीय नेपाली संघ (एनआरएनए) को चुनावी कार्यतालिका सार्वजनिक भएको छ ।

संघले बुधबार चुनावी कार्यक्रम सार्वजनिक गरेको हो । आगामी चैत ७ र ८ मा हुने चुनावको कार्यतालिका सार्वजनिक भएको हो ।

कार्यतालिकाअनुसार फेब्रुअरी १७ मा महाधिवेशन प्रतिनिधि नामावली प्रकाशन, फेब्रुअरी २३ मा मतदाता नामावली प्रकाशन, फेब्रुअरी २४ मा मतदाता नामावलीमा दाबी विरोध र मार्च ३ मा अन्तिम मतदाता नामावली प्रकाशन गरिनेछ ।

यस्तै मार्च ४ र ५ मा उम्मेद्वारको मनोनय दर्ता, मार्च ६ मा उम्मेदवारको नामावली प्रकाशन, मार्च ६ र ७ सम्म उम्मेदवारमाथि दाबी विरोध, ८ मार्चमा दाबी विरोधमाथि निर्णय, ९ मा उम्मेदवारको दोस्रो नामावली प्रकाशन र ११ मार्चमा उम्मेदवारी फिर्ताको कार्यतालिका छ ।

यस्तै १२ मार्चमा मा उम्मेदवारको अन्तिम नामावली प्रकाशन गर्ने, मार्च २१ देखि २२ मा मतदान गर्ने र त्यसपछि मतगणना र नतिजा सार्वजनिक गर्ने निर्वाचन कार्यतालिका छ ।

फेव्रुअरी १४ मा अध्यक्ष पन्तले ३६३४ जना मतदाता नामावलीको सूची निर्वाचन समिति संयोजक बञ्जारालाई बुझाएका थिए ।

एनआरएनएको इतिहासमै पहिलोपटक विद्युतीय मतदान प्रणालीबाट यसपटकको चुनाव हुँदैछ । निर्वाचन समितिले इ–भोटिङको पूर्वतयारी सम्पन्न भैसकेको जनाएको छ ।

काठमाडौं । साताको कारोबारको तेस्रोदिन शेयर बजार उच्च अंकले बढेको छ ।

कारोबार शुरु भएदेखि नै उकालो ओरोलो भैरहेको शेयर बजार मापक सूचक (नेप्से) ५३.३० अंकले बढेर २७५४.२८ विन्दुमा पुगेको हो ।

नेपाल स्टक एक्सचेन्जका अनुसार मंगलवार २२४ कम्पनीको ३ अर्ब २३ करोड ३३ लाख १८ हजार ६१४ रुपैयाँ बराबरको ६३ लाख ४३ हजार २२८ कित्ता शेयर किनबेच भएका छन् ।

सोमवारको तुलनामा कारोबार रकममा भने घटेको छ । त्यसदिन ३ अर्ब ६८ करोड ४० लाख ९ हजार ९१५ रुपैयाँ बराबरकोरुपैयाँ कारोबार भएको थियो ।

कारोबारमा आएका १३ समूहका परिसूचक हरियो भएको छ । उच्च अंकले बढेको बजारमा बैंकिङ १४ , होटल तथा पर्यटन ४९, निर्जीवन बीमा १८५, माइक्रोफाइनान्स १४५, जलविद्युत १३८ अंकले बढेको छ ।

विकास बैंक १२७, फाइनान्स ६५, उत्पादन समूह ३७ र लगानी समूह ३ अंकले बढेको छ । अन्य उपसमूह ७५ अंकले बढेको छ ।

दुई कम्पनीको शेयरमूल्यमा उच्च वृद्धि भएको छ । शेयरमूल्यमा वृद्धि हुने कम्पनीहरुमा न्यादी हाइड्रोपावर कम्पनी र तेह्रथुम पावर कम्पनी रहेको छ ।

त्यसैगरी, नारायणी विकास बैंक, राधी जलविद्युत्, जीवन विकास लघुवित्त, विजय लघुवित्त, घलेम्दी हाइड्रो, रुरु जलविद्युत्, नेरुडे लघुवित्त र पञ्चकन्या माइ हाइड्रोपावरको शेयर मूल्य ६ प्रतिशतभन्दा धेरैले बढेको छ ।

त्यस्तै, आज एनआइसी एसिया ब्यालेन्स फण्डको शेयरमूल्यमा सर्वाधिक गिरावट आएको छ । यसको शेयरमूल्य ३ प्रतिशत भन्दा बढीले घटेको छ ।

कारोबारको आधारमा आज सबैभन्दा बढी हिमालयन डिष्ट्रिलरी लिमिटेडको भएको छ । यस कम्पनीको आज २२ करोड ७७ लाख भन्दा बढीको कारोबार भएको छ ।

दोस्रोमा नेशनल हाइड्रोका १८ करोड ५३ लाख र तेस्रो नेपाल दूरसञ्चार कम्पनीको १८ करोड २३ लाखको कारोबार भएको छ ।

काठमाडौं । कोरोनाविरुद्ध खोपको हराएको भनिएको २४ लाख मात्रा खोप विवरण अध्यावधिक नगरेको पाइएको छ।

स्वास्थ्य तथा जनसंख्या मन्त्रालयका प्रमुख विशेषज्ञ डा। गुणराज लोहनीको संयोजकत्वमा बनेको छानबिन समितिले सोमबार स्वास्थ्यमन्त्री विरोध खतिवडालाई बुझाएको प्रतिवेदनले उक्त ठहर गरेको हो ।

प्रतिवेदनमा स्थानीय तहहरूले खोप लगाएको तथ्यांक अध्यावधिक गर्न छुटाएको, खोप लिएर पनि स्वघोषणा गर्नुपर्ने व्यक्तिहरूले विवरण नटिपाएको, खोप भन्डारणमा पनि समस्या देखिएकोलगायत उल्लेख छ । सोही कारणले तथ्यांक हराएको रिपोर्टमा उल्लेख गरिएको स्रोतले जनाएको छ ।

प्रतिवेदनमा कति खोप खेर गयो, कति खोपको म्याद गुज्रिएर फालियो, कति खोप लगाइयो र कति खोप मौज्दात छ भन्ने विवरण समेत आएको बताइएको छ।

सरकारले डा गुणराज लोहनीको अध्यक्षतामा ५ सदस्यीय खोप छानबिन समिति गठन गरेको थियो।

समितिमा डा. गुणनिधि शर्मा, डा. अभियान गौतम, यशोदा अर्याल र अनिल थापा थिए।

काठमाडौं । नेपाल धितोपत्र बोर्ड अध्यक्षका लागि तीन जनाको नाम सिफारिसमा परेको छ ।

नेपाल सरकार अर्थ मन्त्रालय नेपाल धितोपत्र बोर्ड अध्यक्ष बोर्ड अध्यक्ष छनोट समितिले उत्कृष्ट ५ बाट ३ जना अध्यक्ष छनोटका लागि सिफारिस गरेको हो ।

अब मन्त्रीपरिषद बैठकले ती तीन जनाबाट एक जनालाई बोर्डको अध्यक्षमा नियुक्त गर्नेछ । सिफारिस गरिएका नामहरुमा गोपालप्रसाद भट्ट, कृष्णराज पोखरेल र रमेशकुमार हमाल छन् ।

छनोट भएका ५ जनामध्येबाट समितिले निरज गिरी र खगेन्द्र कटुवालको छनोटमा परेन् । उत्कृष्ठ ५ जनाको आइतबार प्रस्तुति थियो ।

उनीहरूले दिएको प्रस्तुतिमध्ये सबैभन्दा कमजोर प्रस्तुति खगेन्द्र कटुवालको रहेको स्रोतको दाबी छ । बोर्डको अध्यक्षमा हमालको पल्ला भारी देखिने सम्भावना रहेको स्रोतको दाबी छ ।

हमालले दिएको प्रस्तुति अन्यको तुलनामा बढी देखिएको र उनलाईलाई अर्थमन्त्री जनार्दन शर्माको साथ रहेको बताइएको छ ।

सिफारिस समितिको संयोजकमा राष्ट्रिय योजना आयोगका उपाध्यक्ष विश्वराज पौडेल छन् । सदस्यमा अर्थसचिव मधु मरासिनी र विज्ञ सदस्यमा डा. जीवनाथ भुसाल छन् ।

यसअघि छनोट समितिले १५ आवेदक मध्ये उत्कृष्ट ५ को छनोट गरेको थियो ।

अघिल्लो पटक जारी सूचनामा १२ जनाको आवेदन परेको थियो । पहिलो सिफारिस समितिको गठन प्रक्रियामै प्रश्न उठेपछि सरकारले दोस्रो पटक समिति गठन गरेको थियो ।

गत कात्तिक ११ गते अध्यक्षका लागि पहिलोपटक दरखास्त माग गरेको मन्त्रालयले दुई महिनापछि फेरि नयाँ विज्ञापन खुलाएको थियो ।

बुक बिल्डिङ विधिबाट धितोपत्रको सार्वजनिक निष्कासनको प्रक्रियामा रहेको सर्वोत्तम सिमेन्टको सेयर परिवारको नाममा खरिद गरेपछि विवादित तत्कालीन अध्यक्ष भीष्मराज ढुंगानालाई सरकारले बर्खास्त गरेको थियो ।

धितोपत्र ऐन २०६३ मा धितोपत्र अध्यक्षका लागि उच्च नैतिक चरित्र भएको नेपाली नागरिक हुनुपर्ने, धितोपत्र बजार व्यवस्थापन, पुँजीबजार विकास, आर्थिक, वित्तीय, वाणिज्य व्यवस्थापन वा कानुन क्षेत्रमा कम्तिमा ७ वर्षको पेशागत अनुभव हासिल गरेको व्यक्ति हुनुपर्ने प्रावधान छ ।

काठमाडौं । शेयर बजार स्थिर देखिएको छ । साताको कारोबारको दोस्रो शेयर बजार मापक सूचक नेपाल स्टक एक्सचेञ्ज (नेप्से)०.०८ अंकले बढेर २९००.९८ विन्दुमा पुगेको छ ।

साताको कारोबारको पहिलोदिन आइतवार नेपाल स्टक एक्सचेञ्ज (नेप्से) १०१.२४ अंकले घटेर २७००.३२ विन्दुमा झरेको थियो ।

नेपाल स्टक एक्सचेन्जका अनुसार २२७ कम्पनीको ३ अर्ब ६८ करोड ४० लाख ९ हजार ९१५ रुपैयाँ बराबरको ७५ लाख ४९ हजार ७७९ कित्ता शेयर किनबेच भएका छन् ।

आइतवारको तुलनामा कारोबार रकम घटेको छ । त्यसदिन ५ अर्ब ९७ करोड ७२ लाख १४ हजार ७३० रुपैयाँ बराबरको कारोबार भएको थियो ।

सोमवार कारोबारमा आएका १३ समूहका परिसूचक मध्ये ५ राताम्मे भएका छन् । होटल समूह सबैभन्दा धेरै ०.६५ प्रतिशतले बढेको छ भने व्यापार समूह १.३४ प्रतिशतले घटेको छ ।

७ हरियो र १ स्थिर रहेको छ । बुद्धभूमि जलविद्युतको शेयरमूल्य ८ प्रतिशतभन्दा बढीले बढेको छ ।

त्यस्तै, सपोर्ट माइक्रोफाइनान्स ४.७२, नेशनल हाइड्रो ४.२८, किसान लघुवित्त ३.६०, नेपाल हाइड्रो डेभलपर ३.५५, कालिका लघुवित्त, सप्तकोशी विकास बैंक, ङादी ग्रुप, माउन्टेन हाइड्रो र वरुण हाइड्रोपावरको शेयर मूल्य २ प्रतिशतले बढेको छ ।

कारोबारको आधारमा आज सबैभन्दा बढी नेशनल हाइड्रोपवारको भएको छ । यस कम्पनीको ५४ करोड ९१ लाख भन्दा बढीको कारोबार भएको छ ।

दोस्रोमा नेपाल दूरसञ्चार कम्पनीको १७ करोडको कारोबार भएको छ । अरुण भ्यालीको १५ करोडको कारोबार भएको छ ।

मैलुङ खोला जलविद्युत्का शेयरधनीले भने सबैभन्दा धेरै ३.८५ प्रतिशत गुमाएका छन् ।