Category: अर्थतन्त्र

काठमाडौं । शेयर बजारमा झिनो अंकको गिरावट आएको छ । साताको कारोबारको तेस्रो दिन शेयर बजार मापक सूचक नेप्से २.६६ अंकले घटेर २५१८.९९ विन्दुमा झरेको छ ।

नेपाल स्टक एक्सचेन्जका अनुसार मंगलवार २३० कम्पनीको ३ अर्ब १२ करोड ५५ लाख ७५ हजार ६३१ रुपैयाँ बराबरको ५८ लाख २८हजार ७८३ कित्ता शेयर किनबेच भएका छन् ।

आज कारोबारमा आएका १३ समूहको परिसूचक मध्ये ६ वटामा बढेको छ भने अन्य ७ वटा राताम्मे भएका छन् ।

सामान्य अंकले घटेको बजारमा बैंकिङ ८ होटल तथा पर्यटन १०, निर्जीवन बीमा ३५, माइक्रोफाइनान्स २६ र जीवन बीमा समूह ३९ अंकले घटेको छ ।

ब्यापार १६, विकास बैंक ४, जलविद्युत २४, फाइनान्स १४, उत्पादन १३७ र अन्य उपसमूह ३ अंकले बढेको छ ।

नेप्सेका अनुसार आज एक कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीमा भोटेकोशी जलविद्युत कम्पनी रहेको छ । यो कम्पनीको शेयरमूल्य आज सर्किट लेभलमा बढेका छ ।

नेशनल हाइड्रो डेभलपर ५.३६, जानकी फाइनान्स ४.८५, गुडविल फाइनान्स ४.२८, श्री इन्भेष्टमेन्ट, घलेम्दी हाइड्रोपावर, शिवम् सिमेन्ट, पोखरा फाइनान्स, माउन्टेन इनर्जी, पोखरा फाइनान्स, जोशी हाइड्रोपावर, बेस्ट फाइनान्स र सेन्टर फाइनान्सको मूल्य ३ प्रतिशतभन्दा धेरैले बढेको छ ।

त्यस्तै, आज गोर्खाज फाइनान्सको शेयरमूल्यमा सर्वाधिक गिरावट आएको छ । आज यस कम्पनीको शेयरमूल्य ९ प्रतिशत भन्दा बढीले घटेको छ ।

आज हिमालयन डिस्ट्रीलरीको सर्वाधिक कारोबार भएको छ । यसको २६ करोड बढीको शेयर किनबेच भएको छ । त्यस्तै, नबिल बैंक २५ करोड र नेपाल पुनर्बीमा झन्डै १३ करोडको कारोबार भई धेरै कारोबार हुने शीर्ष तीन कम्पनीमा रहे ।

काठमाडौं । केही दिन लगातार बढेको शेयर बजार साताको कारोबारको दोस्रो दिन उच्च अंकले घटेको छ ।

सोमवार शेयर बजार मापक सूचक नेप्से ६९.७७ अंकले घटेर २५२१.६५ विन्दुमा झरेको छ ।

नेपाल स्टक एक्सचेन्जका अनुसार सोमवार २३८ कम्पनीको ५ अर्ब ६० करोड ७४ लाख ३९ हजार ६७० रुपैयाँ बराबरको १ करोड २ लाख ९२ हजार २२६ कित्ता शेयर किनबेच भएका छन् ।

आज कारोबारमा आएका १३ वटै समूहका परिसूचक राताम्मे भएका छन् । । धेरै गुमाउने निर्जीवन बीमाका लगानीकर्ता रहेका छन् ।

बैंकिङ समूहको शेयर २७ अङ्कले, विकास बैंकको एक सय ७३, होटलको ४२, फाइनान्सको ९०, माइक्रोफाइनान्सको ७० र जलविद्युत् समूहको शेयर १०८ ले घटेको छ ।

यस्तै उत्पादन समूहको शेयर १६६ अङ्कले, जीवन बीमा समूहको २९० अङ्कले, निर्जीवन बीमा समूहको ६१८ घटेको छ । र अन्य समूहको शेयर ९३ अङ्कले घटेको छ ।

नेप्सेका अनुसार आज दुई कम्पनीको शेयरमूल्यमा उच्च वृद्धि भएको छ ।

शेयरमूल्यमा उच्च वृद्धि हुने कम्पनीहरुमा गोर्खाज फाइनान्स र मध्यभोटेकोशी जलविद्युत कम्पनी रहेका छन् । यी कम्पनीको शेयरमूल्य आज सर्किट लेभलमा बढेका छन् ।

त्यस्तै, आज जोशी हाइड्रो र घलेम्दी हाइड्रो कम्पनीको शेयरमूल्यमा सर्वाधिक गिरावट आएको छ । आज यसको शेयरमूल्य ८ प्रतिशत भन्दा बढीले घटेको छ ।

सानिमा जनरल र जानकी फाइनान्स ७.१७, गुडविल फाइनान्स, पाँचथर पावर, नेपाल फाइनान्स, नेशनल हाइड्रो, युनाइटेड इदी मार्दी, शिवश्री, हाइड्रो, नेपाल इन्स्योरेन्स, अजोड इन्स्योरेन्स, मल्टिप्रपोज फाइनान्स, आँखुखोला र एभरेष्ट इन्स्योरेन्सको मूल्य ६ प्रतिशतभन्दा धेरैले घटेको छ ।

यस्तै, कारोबारको आधारमा आज सबैभन्दा बढी कारोबार नबिल बैंकको भएको छ । यस कम्पनीको आज ३० करोड ६० लाख भन्दा बढीको कारोबार भएको छ । शिवम् सिमेन्टको २६ करोड ३७ लाख, नेपाल लाइफको २१ करोडको कारोबार भएको छ ।

काठमाडौं । पछिल्लो एक वर्षमा विद्युत्‌ चुहावट करिब तीन प्रतिशतले घटेको छ ।

नेपाल विद्युत् प्राधिकरणको तथ्यांकअनुसार २०७७ कात्तिकसम्म १२.०१ प्रतिशतको विद्युत् चुहावट रहेकोमा २०७८ कात्तिकसम्ममा ९.२४ प्रतिशतमा झरेको हो ।

१ प्रतिशतमात्रै चुहावट घटाउँदा नेपाल विद्युत् प्राधिकरणलाई झण्डै ७० करोड रुपैयाँ बराबरको मुनाफा हुन जान्छ ।

स्थानीय प्रशासनले पनि चुहावट नियन्त्रणमा सहयोग गरेको छ । प्राधिकरणका कार्यकारी निर्देशक कुलमान घिसिङ नियमितरुपमा बिजुलीको खपत बढाउने अभियानसँगै चुहावट नियन्त्रणमा समेत लागि परेका हुन् ।

प्राधिकरणले चालु आव २०७८/७९ को पहिलो चार महिनामा प्रणालीमा रहेको विद्युत् चुहावटलाई घटाएर १४.३५ प्रतिशतमा सीमित गरेको छ । यसबाट गुणात्मक प्रतिफल हासिल भएको प्राधिकरणको दाबी छ । गत वर्षको कात्तिकसम्म वितरणतर्फको चुहावट १२.०१ प्रतिशत थियो । गत आवको चार महिनाको तुलनामा यस वर्ष वितरणतर्फको चुहावट २.७७ प्रतिशत बिन्दुले कम हो ।

प्राधिकरणले चालू आवमा विद्युत् चुहावट १५.५ प्रतिशतमा झार्ने लक्ष्य राखेको छ । पहिलो चार महिनामै लक्ष्यभन्दा कम चुहावट रहेकाले आवको बाँकी अवधिमा लक्ष्य पूरा हुने देखिएको प्राधिकरणका कार्यकारी निर्देशक घिसिङले जानकारी दिए ।

आव २०७२/७३ मा २५.७८ प्रतिशत विद्युत् चुहावटलाई घटाएर प्राधिकरणले आव २०७६/७७ मा १५.२५ प्रतिशतमा झारेको थियो ।

आव २०७७/७८ मा चुहावट १.९१ प्रतिशत बिन्दुले बढेर १७.१८ प्रतिशत पुगेको थियो । कार्यकारी निर्देशक घिसिङले चुहावट नियन्त्रण अभियान प्रभावकारीरुपमा चलाइएको, सबस्टेसनको क्षमता वृद्धि गर्ने, कन्डक्टर थप्ने, ओभरलोड ट्रान्सफर्मर फेर्ने, थ्रि फेज मिटरको प्रयोगलाई प्रोत्साहन गर्नेलगायत कदमको परिणाम चुहावट नियन्त्रणमा देखिएको बताए ।

चुहावट धेरै घटाउनेमा प्रदेश १ को कार्यालय पनि रहेको छ । गत वर्षसम्म प्रदेश १ बाट १७.८५ प्रतिशत चुहावट भएकोमा अहिले भने १०.५२ प्रतिशतमा झारेको छ ।

चालू वर्षको पहिलो चार महिनामै लक्ष्यभन्दा कम चुहावट रहेकाले आवको बाँकी अवधिमा लक्ष्य पूरा हुने देखिएको प्राधिकरणका कार्यकारी निर्देशक कुलमान घिसिङले बताए ।

आर्थिक वर्ष २०७२/७३ मा २५.७८ प्रतिशत विद्युत चुहावटलाई घटाएर प्राधिकरणले आव २०७६/७७मा १५.२५प्रतिशतमा झारेको थियो । तर, आव २०७७/७८मा चुहावट १.९१ प्रतिशत विन्दुले बढेर १७.१८ प्रतिशत पुगेको थियो ।

काठमाडौं । सेयर बजारमा लगातार उछाल आएको छ । गत मंगलबारदेखि उकालो लागेको बजार निरन्तर उच्च अंकले बढेको हो । पछिल्ला ४ दिनमै नेप्से २३० अंकले बढेको छ ।

सूचकसँगै कारोबार रकममा पनि बढोत्तरी आएको छ । गतसाता औसतमा ४ अर्बको कारोबार हुँदै आएकोमा आज बढेर झन्डै सवा ५ अर्ब पुगेको छ ।

सेयर बजार मापक सूचक नेप्से ७१.२० अंकले बढेर २५९१.४३ विन्दुमा पुगेको छ । आज २३१ कम्पनीको ५ अर्ब १७ करोड ३२ लाख ५०३ रुपैयाँ बराबरको ८६ लाख १ हजार ९५६ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये हाइड्रोपावर र फाइनान्स बाहेक बाँकी सबै समूहको परिसूचकमा हरियाली छाएको छ । बीमा कम्पनीको सेयरमा मूल्यमा उछाल आएको छ । जीवन बीमा समूह सबैभन्दा धेरै ९.७८ प्रतिशतले बढेको छ भने निर्जीवन बीमा समूह ८.१७ प्रतिशतले बढेको छ ।

आज कारोबार भएका २३१ कम्पनीमध्ये १५३ कम्पनीको सेयर मूल्य बढेको छ भने ६७ कम्पनीको घटेको छ । ११ कम्प्नीको मूल्य भने स्थिर रहेको छ ।

उच्च अंकले बढेको बजारमा आज दुई दर्जन कम्पनीको सेयर मूल्यमा पोजेटिभ सर्किट लागेको छ । सर्किट लाग्नेमा अधिकांश बीमा कम्पनीहरु रहेका छन् ।

आज नेशनल लाइफ, युनियन लाइफ, एभरेष्ट इन्स्योरेन्स, प्रिमियर इन्स्योरेन्स, प्रभु, प्रडेन्सियल, लुम्बिनी जनरल, एशियन लाइफ, प्राइम लाइफ, गुँरास लाइफ, रिलायन्स, प्रभु लाइफ, ज्योति लाइफ, सानिमा लाइफ इन्स्योरेन्स र मध्यभोटेकोशी जलविद्युत्को सेयर मूल्य ठ्याक्कै १० प्रतिशतले बढेको छ ।

त्यसैगरी, जनलर इन्स्योरेन्स, सूर्य लाइफ, एलएलजी इन्स्योरेन्स, नेपाल लाइफ, नेपाल इन्स्योरेन्स, शिवम् सिमेन्ट, बोटलर्स नेपाल, किसान लघुवित्त, नेको इन्स्योरेन्स र कालिका लघुवित्तका सेयरधनीले करिब १० प्रतिशत कमाएका छन् ।

बढ्दो बजारमा आज गोर्खा फाइनान्सका लगानीकर्ताले सबैभन्दा धेरै ५.५७ प्रतिशत गुमाएका छन् ।

काठमाडौं । सरकारले आयात प्रतिस्थापन गर्दै निर्यातलाई प्रोत्साहन गर्ने भाषण गरे पनि मुलुकको व्यापारघाटा भने डरलाग्दो अवस्थामा पुगेको छ ।

भन्सार विभागले बिहीबार सार्वजनिक गरेको तथ्यांक अनुसार चालु आर्थिक वर्षको मंसिरसम्ममा देशको वैदेशिक व्यापारघाटा ५४ दशमलव ७० प्रतिशतले वृद्धि भई सात खर्ब ३५ अर्ब पुगेको छ । यस अवधिमा नेपालबाट एक खर्ब दुई अर्ब बराबरको निर्यात भए पनि आयात भने आठ खर्ब ३८ खर्ब रुपैयाँ बराबरको भएको छ ।

गत वर्षको तुलनामा यस अवधिमा आयात ५९ दशमलव ५५ प्रतिशत र निर्यात १०५ दशमलव ६१ प्रतिशतले वृद्धि भएको छ । गत आवको मंसिरसम्ममा पाँच खर्ब २५ अर्ब ४९ करोडको आयात तथा ५० अर्ब पाँच करोडभन्दा धेरैको निर्यात भएको थियो ।

उच्च आयातका कारण मुलुको शोधानान्तर घाटा उच्च हुनुका साथै वैदेशिक मुद्रा संचिती पनि घट्दै गएको छ । उच्च आयातका कारण देशको भुक्तानी सन्तुलन नै बिग्रन थालेपछि नेपाल राष्ट्र बैंकले सुनचाँदीलगायतका बहुमूल्य र सवारीसाधान, श्रृंगारलगायतका विलासी सामानको आयातमा निरुत्साहित गर्ने नीति लिएको छ ।

काठमाडौं । शेयर बजार दोहोरो अंकले वृद्धि भएको छ । बुधवार ९२ अंकले बढेको नेप्से साताको कारोबारको अन्तिम दिन १२ अंकले बढेको छ ।

बिहीवार नेप्से १२.५३ अंकले बढेर २५२०.२३ विन्दुमा पुगेको छ ।

नेपाल स्टक एक्सचेन्जका अनुसार त्यसदिन २२९ कम्पनीको ४ अर्ब ४९ करोड २ लाख ६६ हजार ४१० रुपैयाँ बराबरको ८३ लाख २३ हजार ९२३ कित्ता शेयर किनबेच भएका छन् ।

आज कारोबारमा आएका १३ समूहको परिसूचक मध्ये १० वटा समूह बढेका छन् भने ३ वटा राताम्मे भएको छ ।

सबैभन्दा धेरै निर्जीवन बीमा कम्पनीको सूचक मात्रै ३.५६ प्रतिशतले सुधार भएको छ । अन्य सूचकहरु सुधार हुँदा विकास बैंक, हाइड्रोपावर र फाइनान्सको सूचकमा भने गिरावट आएको छ ।

बैंकिङ ३, ब्यापार ५, होटल तथा पर्यटन १९, निर्जीवन बीमा ३८१, उत्पादन ६४, अन्य १७, माइक्रोफाइनान्स ४७ र जीवन बीमा उपसमूह २०२ अंकले बढेको छ ।

त्यस्तै विकास बैंक ४९, जलविद्युत १९ र फाइनान्स उपसमूह ४२ अंकले घटेको छ ।

नेप्सेका अनुसार आज तीन कम्पनीको शेयरमूल्यमा उच्च वृद्धि भएको छ । शेयरमूल्यमा सर्किट लाग्ने कम्पनीमा शिखर इन्स्योरेन्स, बरुण हाइड्रोपावर र जीवन विकास लघुवित्त वित्तीय संस्था रहेका छन् ।

वरुण हाइड्रोपावर र जीवन विकास लघुवित्तका शेयरधनीले ९ प्रतिशत बढी कमाएका छन् ।

त्यस्तै, नारायणी विकास बैंक ८.८७, नेको इन्स्योरेन्स ८.०२, शिवम् सिमेन्ट ६.२२, एनएलजी इन्स्योरेन्स ५.४२, नेपाल इन्स्योरेन्स, एनएमबी माइक्रोफाइनान्स, सानिमा जनरल इन्स्योरेन्स, सूर्य लाइफ इन्स्योरेन्स, लक्ष्मी लघुवित्त र रिलायन्स इन्स्योरेन्सको शेयर मूल्य ४ प्रतिशतभन्दा धेरैले बढेको छ ।

त्यस्तै, आज गोर्खाज फाइनान्सको शेयरमूल्यमा सर्वाधिक गिरावट आएको छ । आज यसको शेयरमूल्य ६.७४ प्रतिशत भन्दा बढीले घटेको छ ।

काठमाडौं । प्रधानमन्त्री शेरबहादुर देउवाले भूकम्पपछिको पुनर्निर्माणका बाँकी काम समयमै सम्पन्न गर्न निर्देशन दिएका छन् ।

प्रधानमन्त्री देउवाले बुधबार राष्ट्रिय पुनर्निर्माण प्राधिकरणको निर्देशक समितिको बैठकमा पुनर्निर्माणका लागि बजेटको कुनै कमी हुन नदिने बताउँदै समयमै काम सक्न निर्देशन दिएका हुन् ।

राष्ट्रिय पुनर्निर्माण प्राधिकरण निर्देशक समितिका अध्यक्ष समेत रहेका प्रधानमन्त्री देउवाले नेपालको पुनर्निर्माणमा सहयोग पुर्‍याउने सम्पूर्ण राष्ट्रिय तथा अन्तर्राष्ट्रिय समुदायलाई धन्यवाद ज्ञापन गर्दै हस्तान्तरण भएका बाँकी काम समयमै सम्पन्न गर्न समेत सम्बन्धित निकायलाई निर्देशन दिए ।

२०७२ को भूकम्पबाट क्षतिग्रस्त संरचनाहरुको पुनर्निर्माण तथा विस्थापित परिवारहरुको पुनर्स्थापनासम्बन्धी कार्यहरुलाई सफलतापूर्वक सम्पन्नताको चरणमा पुर्‍याएकोमा समितिले प्राधिकरणको नेतृत्व तथा सम्पूर्ण प्राधिकरणलाई धन्यवाद ज्ञापन गरेको छ ।

बैठकमा निर्देशक समितिका उपाध्यक्ष एवं नेकपा एमालेका नेता सुवास नेम्वाङले पुनर्निर्माणका अनुभव र सिकाइलाई संस्थागत सम्झनामा राख्न सुझाव दिए ।

निर्देशक समितिका उपाध्यक्ष एवं नेकपा ९एमाले० का नेता सुवास नेम्वाङले पुनर्निर्माणका अनुभव र सिकाईलाई संस्थागत सम्झनामा राख्न सुझाव दिंदै विपद् जोखिम न्यूनीकरण तथा व्यवस्थापन प्राधिकरणलाई थप स्वायत्त र अधिकारसम्पन्न बनाउन उपयुक्त हुने धारणा राखे ।

प्राधिकरणका प्रमुख कार्यकारी अधिकृत सुशील ज्ञवालीले पुनर्निर्माणबाट प्राप्त उपलब्धिहरुको चर्चा गर्दै विपद् उत्थानशील विकासलाई राष्ट्रिय विकास योजनाको अभिन्न अंगका रुपमा लैजानुपर्ने र विपद् जोखिम न्यूनीकरण तथा व्यवस्थापन प्राधिकरणलाई विशिष्ट कानुनी अधिकारसहित आवश्यक वित्तीय व्यवस्थापनका साथै जनशक्ति उपलब्ध गराउनुपर्ने बताए ।

निर्देशक समितिको बैठकले प्राधिकरण अन्तर्गत भैरहेका कार्य तथा हक, दायित्व, सम्पत्ति, श्रेष्ता, कागजात तथा विवरणको हस्तान्तरण सम्बन्धमा पनि निर्णय गरेको छ ।

राष्ट्रिय पुनर्निर्माण प्राधिकरणबाट हस्तान्तरण भई विभिन्न मन्त्रालय, विभाग एवं निकायहरु मार्फत सम्पादन भैरहेका पुनर्निर्माण तथा पुनर्स्थापना सम्बन्धी कार्यहरुको सहजीकरण, समन्वय तथा अनुगमन सम्बन्धी कार्यहरु अब राष्ट्रिय विपद् जोखिम न्यूनीकरण तथा व्यवस्थापन प्राधिकरणमार्फत् हुने भएको छ ।

राष्ट्रिय पुनर्निर्माण प्राधिकरण अन्तर्गतको चालु र पुँजीगत खर्चको आव ०७८/७९ को एकीकृत आर्थिक विवरण तयार गर्ने कार्य तथा लेखा परीक्षण सम्बन्धी कार्यहरुको जिम्मेवारी पनि यसै प्राधिकरणलाई दिइएको छ ।

यसका साथै विश्व बैँकसँगको सम्झौता बमोजिम कार्यान्वयन भैरहेका भूकम्पीय आवास पुनर्निर्माण आयोजना तथा एमडिटिएफसँग सम्बन्धित प्राविधिक सहयोग, सोधभर्नार प्रतिवेदन सम्बन्धि कार्य पनि अब राष्ट्रिविपद् जोखिम न्यूनीकरण तथा व्यवस्थापन प्राधिकरणले हेर्नेछ ।

हाल पुनर्निर्माण प्राधिकरणले प्रत्यक्ष हेरिरहेको धरहरा, सिंहदरबार, रानीपोखरीको शान्तिबाटिका खण्ड, हरिहर भवन तथा नारायणहिटी संग्रहालय अन्तर्गतको रणोद्विप दरबारको भौतिक निर्माणको कार्य शहरी विकास मन्त्रालय अन्तर्गतको शहरी विकास तथा भवन निर्माण विभागले हेर्नेछ भने पुनर्निर्माण सम्पन्न भएको रानीपोखरी काठमाडौं महानगरपालिकाको कार्यालयलाई हस्तान्तरण हुनेछ ।

केन्द्रीय आयोजना कार्यन्वयन इकाई (भवन), केन्द्रीय आयोजना कार्यन्वयन इकाई (शिक्षा) र केन्द्रीय आयोजना कार्यन्वयन इकाई (अनुदान व्यवस्थापन तथा स्थानीय पूर्वाधार) अन्तर्गत सम्बन्धित श्रेष्ता तथा कागजात सम्बन्धित मन्त्रालय एवं विभागमा भदौ अन्तिम साता हस्तान्तरण भइसकेका छन् ।

भूकम्पबाट प्रभावित संरचनाहरुको पुनर्निर्माण सम्बन्धी ऐन, २०७२ को दफा ३(३) को व्यवस्था तथा सो अनुरुप नेपाल सरकार मन्त्रिपरिषद्को मिति २०७७ मंसिर १५ गतेको निर्णय अनुसार राष्ट्रिय पुनर्निर्माण प्राधिकरणको कार्यकाल यही पुस ९ गतेबाट सकिंदैछ ।

काठमाडौं । शेयर बजारमा सुधार आएको छ । साताको कारोबारको पहिलो दिन १७ अंकले घटेको बजार मंगलवार ५६ अंकले बढेको हो ।

मंगलवार नेप्से ५६.७३ अंकले बढेर २४१५.५५ विन्दुमा पुगेको छ ।

नेपाल स्टक एक्सचेन्जका अनुसार त्यसदिन २२६ कम्पनीको २ अर्ब ३८ करोड ३२ लाख ५९ हजार ८४६ रुपैयाँ बराबरको ४९ लाख ७४ हजार २५३ कित्ता शेयर किनबेच भएका छन् । सूचकमा सुधार आए पनि कारोबार रकममा भने बढोत्तरी आउन सकेन ।

अघिल्लो दिनको तुलनामा कारोबार रकम ८ करोडले घटेर २ अर्ब ३८ करोडमा सीमित भएको छ । आज कारोबारमा आएका १३ समूहकै परिसूचक हरियाली भएका छन् । धेरै कमाउनेमा हाइड्रो र विकास बैकका लगानीकर्ता रहेका छन् ।

बैंकिङ समूहको शेयर ३२ अङ्कले, विकास बैंकको एक सय ३७, होटलको ३४ फाइनान्सको ३७ ,माइक्रोफाइनान्सको ९० र जलविद्युत् समूहको शेयर ९४ अङ्कले बढेको छ ।

यस्तै उत्पादन समूहको शेयर १७० अङ्कले, जीवन बीमा समूहको दुई सय ६ अङ्कले, निर्जीवन बीमा समूहको दुई सय ४ , लगानी समूह १ र अन्य समूहको शेयर ७० अङ्कले बढेको छ ।

उच्च अंकले बढेको बजारमा आज दुई कम्पनीको मूल्यमा पोजेटिभ सर्किट लागेको छ । ग्रीन डेभलपमेन्ट बैंकको शेयर मूल्य ठ्याक्कै १० प्रतिशतले बढेको छ भने जानकी फाइनान्सको करिब १० प्रतिशतले बढेको छ ।

त्यसैगरी, रसुवागढी जलविद्युत् ९.२१, ग्रीन लाइफ ८.२६, रिलायन्स फाइनान्स, माउन्टेन इनर्जी र आँखुखोला हाइड्रोपावरका शेयरधनीले पनि ७ प्रतिशतभन्दा धेरै कमाएका छन् ।

त्यस्तै, एक्सेल डेभलपमेन्ट बैंक, इन्फिनिटी लघुवित्त, सीईडीबी हाइड्रोपावर, सिनर्जी पावर र माउन्टेन हाइड्रोको शेयर मूल्य ६ प्रतिशभन्दा धेरैले बढेको छ ।

आज गोर्खाज फाइनान्सको शेयरमूल्यमा सर्वाधिक गिरावट आएको छ । आज यस कम्पनीको शेयरमूल्य ८ प्रतिशत भन्दा बढीले घटेको छ ।

यस्तै, कारोबारको आधारमा आज सबैभन्दा बढी कारोबार हिमालयन डिष्ट्रिलरीको भएको छ । यस कम्पनीको आज १४ करोड ५८ लाख भन्दा बढीको कारोबार भएको छ ।

काठमाडौं ।निर्माणाधीन गौतमबुद्ध अन्तर्राष्ट्रिय क्रिकेट रङगशाला निर्माणको कामबाट धुर्मुस सुन्तली फाउण्डेशन पछि हटेको छ। फाउण्डेशनले भरतपुर महानगरपालिकालाई स्वामित्व लिनका लागि अनुरोध गरेको हो। आर्थिक सङ्कलन हुन नसकेपछि महानगरपालिकासँग सम्झौतामा उल्लेख भएअनुसार स्वामित्व हस्तान्तरण गर्न लागेको हो। फाउण्डेशनले संस्थागत निर्णय गरी कोभिड– १९ को प्रकोपका कारण आर्थिक स्रोत जुटाउनका लागि जटिल र विषम परिस्थिति उत्पन्न भई निर्माण कार्य विगत पाँच महिनादेखि रोकिएकाले सहमति पत्रमा उल्लेख भए अनुसार स्वामित्व लिन अनुरोध गरेको छ।

फाउण्डेशनले महानगरलाई लेखेको पत्रमा भनिएको छ, ‘फाउण्डेशन र भरतपुर महानगरपालिका बिच भएको सहमतिपत्रको बुँदा नं ८ मा उल्लेख भएअनुसार विश्वव्यापी महामारी कोभिड– १९ का कारण विशेष परिस्थिति उत्पन्न भई आर्थिक स्रोत अभाव भएकाले तोकिएको समयमा रङगशाला निर्माण कार्य कठिनाई भएको छ।’

सम्झौतामा विशेष परिस्थिति उत्पन्न भएमा निर्माणकै क्रममा स्वामित्व हस्तान्तरण गर्नसक्ने उल्लेख छ। सामान्य अवस्थामा निर्माण सम्पन्न गरी महानगरपालिकालाई स्वामित्व हस्तान्तरण गर्ने जनाइएको छ। महानगरपालिका प्रमुख रेनु दाहालले फाउण्डेशनले कोभिड– १९ का कारण निर्माण सम्पन्न गर्न कठिन भएको भन्दै स्वामित्व हस्तान्तरणका लागि अनुरोध गरेको बताए।

यस लगत्तै महानगरपालिकाको कार्यपालिका बैठकबाट निर्णय गरी आवश्यक प्रक्रिया अघि बढाइएको उनले बताए। यस सम्बन्धमा युवा तथा खेलकूदमन्त्री महेश्वरजङग गहतराजसँग परामर्श गरी काम अघि बढाइएको दाहालले बताए। महानगरले फाउण्डेशनलाई काम अघि बढाउन वा सम्झौता अनुसार स्वामित्व हस्तान्तरण गर्न भनेपछि फाउण्डेशन पछि हटेको हो।

उनका अनुसार फाउण्डेशनले महानगरमा पेश गरेको विवरण सरकारी तवरबाट जाँचबुझ गरी मन्त्रालयमार्फत् मन्त्रिपरिषद्मा पठाएर तिर्नुपर्ने भुक्तानी तिर्नका लागि प्रक्रिया अघि बढाइँदै छ। बाँकी कामका लागि बहुवर्षीय योजना अन्तर्गत बोलपत्र आह्वान गरी काम अघि बढाउन महानगरले सङ्घीय सरकारलाई अनुरोध गरेको दाहालले जानकारी दिए। ‘मन्त्रिपरिषद्ले जे निर्णय गर्छ सोही अनुसार काम गर्न हामी तयार छौं,’ उनले भने। भरतपुर महानगरपालिकाको महत्वपूर्ण आयोजना भएकाले यसलाई निरन्तरता दिएर सम्पन्न गर्न आफू लागि परेको दाहालको भनाइ छ।

महानगरपालिकाले नै त्रिभुवन र कृषि तथा वन विज्ञान विश्वविद्यालयसँग समन्वय गरेर सो जग्गा रङगशालाका लागि उपलब्ध गराएको हो। फाउण्डेशनले नेतृत्व गरेको भए पनि अधिकांश आर्थिक सहयोग जुटाउन महानगरपालिकाको प्रत्यक्ष भूमिका रहेको छ। ‘रङगशाला सम्पन्न हुन्छ,’ उनले भने। फाउण्डेशनले रु १७ करोडभन्दा बढी ऋण तिर्न बाँकी रहेको महानगरलाई अनुरोध गरेको पत्रमा उल्लेख छ।

महानगरका प्रमुख प्रशासकीय अधिकृत रामबन्धु सुवेदीले कार्यपालिकाको बैठकले निर्णय गरी फाउण्डेशनले पेश गरेको विवरणको आर्थिक र प्राविधिक पक्षको अध्ययनका लागि सघन सहरी तथा भवन निर्माण आयोजना भरतपुरमा पठाएको छ। यसैगरी नेपाल चार्टर एकाउन्टेन्ट संस्थामा आर्थिक अध्ययनका लागि पठाइँदै छ। दुवै निकायबाट जाँचबुझपछि खेलकूद मन्त्रालय हुँदै मन्त्रिपरिषद् बैठकमा पठाउने तयारी गरिएको हो। सुवेदीले नेपाल सरकारको नीतिनियम अनुसार आवश्यक प्रक्रिया पुर्‍याएर रङ्गशाला निर्माणको कामलाई पूर्णता दिने बताए।

आर्थिक अभावका कारण विगत पाँच महिनादेखि रङगशाला निर्माणको काम हुन सकेको छैन। उधारो आर्थिक व्ययभार बढ्दै गएको र आर्थिक सङ्कलन हुन नसकेको भन्दै काम रोकिएको हो। फाउण्डेशनका अध्यक्ष सीताराम कट्टेलले चरम आर्थिक सङ्कटबाट गुज्रिएपछि काम रोक्नुपरेको बताउँदै आएका थिए।उनले जनस्तरबाट रकम उठ्ने सम्भावना पनि नभएको र सरकारले नदिएका कारण आर्थिक सङ्कट आएको बताए।

रङ्गशालाको भौतिक पूर्वाधारको ३५ प्रतिशत काम सकिएको फाउण्डेशनले दाबी गरेको छ। रङ्गशालामा अहिलेसम्म रु ५४ करोड ६२ लाख २१ हजार खर्च भइसकेको यसअघि नै फाउण्डेशनले दाबी गरेको थियो। रङ्गशाला सम्पन्न गर्न रु तीन अर्ब हाराहारी खर्च हुने अनुमान गरिएको छ। रङगशालाको विसं २०७५ माघ १६ गते काठमाडौँमा तत्कालीन प्रधानमन्त्री, पूर्व प्रधानमन्त्रीको उपस्थितिमा भरतपुर महानगरसँग विशेष सम्झौता भई काम अघि बढाइएको थियो।

काठमाडौं । सेयर बजारमा गिरावट आएको छ । दिनभर उतरचढाव आएको नेप्से अन्त्यमा दोहोरो अंकले घटेर बन्द भएको हो । सूचकसँगै गिरावट आएसँग कारोबार रकम पनि खुम्चिएको छ । आज करिब साढे २ अर्बको मात्र कारोबार भएको छ ।

सोमबार सेयर बजार मापक सूचक नेप्से १७.९३ अंकले घटेर २३५८.८१ विन्दुमा आइपुगेको छ । आज २३१ कम्पनीको २ अर्ब ४६ करोड ८६ लाख ८९ हजार ८६३ रुपैयाँ बराबरको ५४ लाख ३९ हजार ८७ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये उत्पादनमूलक र माइक्रोफाइनान्स समूह बाहेक बाँकी सबै समूहको परिसूचक राताम्मे भएको छ । उत्पादनमूलक समूह सबैभन्दा धेरै ३.५२ प्रतिशतले बढेको छ भने विकास बैंक समूह २.२३ प्रतिशतले घटेको छ ।

दोहोरो अंकले घटेको बजारमा पनि आज दुई कम्पनीको मूल्यमा पोजेटिभ सर्किट लागेको छ । हिमालयन डिस्ट्रीलरी र गोर्खाज फाइनान्सका सेयरधनीले ठ्याक्कै १० प्रतिशत कमाएक छन् ।

घट्दो बजारमा आज माउन्टेन इनर्जीका लगानीकर्ताले सबैभन्दा धेरै ६.१७ प्रतिशत गुमाएका छन् । त्यसैगरी, नारायणी विकास बैंक, मैलुङखोला, तेह्रथुम पावर, लिबर्टी इनर्जी र छ्याङदी हाइड्रोपावरको सेयर मूल्य ५ प्रतिशतभन्दा धेरैले घटेको छ ।

काठमाडौ । काठमाडौँ उपत्यकामा मागको एक तिहाई मात्र पानी आपूर्ति हुने गरेको छ । उपत्यकामा दैनिक करिब ४३ करोड लिटर पानीको माग भए पनि काठमाडौँ उपत्यका खानेपानी लिमिटेडले त्यसको एक तिहाईभन्दा कम अर्थात् करिब १३ करोड लिटर मात्र उत्पादन एव्म वितरण गर्छ ।

पुस, माघ र फागुनमा दैनिक १३ करोड लिटर पानी दिन सकिए पनि चैत र वैशाखमा भने दैनिक ११ करोड लिटर पानी मात्र वितरण हुने गरेको लिमिटेडले जनाएको छ । वर्षायाममा भने करिब १६ करोड लिटर पानी वितरण हुने गरेको छ । सुक्खा मौसम लागेसँगै काठमाडौँ उपत्यकामा खानेपानीको अभाव हुन्छ । पुसपछि उपत्यकाका स्रोतको पानी कम हुँदै जान थालेपछि खानेपानीको समस्या हुने गरेको छ । धारामा पानी नआएपछि उपत्यकावासी वैकल्पिक व्यवस्था गर्न बाध्य हुन्छन् । लिमिटेडले उपत्यकामा दुई लाख ३७ हजार धारा जडान गरेको प्रवक्ता प्रकाशकुमार राईले बताउनुभयो । चोरीका धारा पनि बेला बेलामा भेटिने गरेको उहाँको भनाइ छ ।

काठमाडौँ उपत्यकामा सुन्दरीजल, महादेवखोला, नक्खु मुहान, शेषनारायण, हिटीटोल, सातमूल, कुटुरी, देवकी वासुकी, बल्खुखोला, मूलडोल, चारघरे, विष्णुमती, पाँचमाने, छहरे, अल्ले, महादेवखोलालगायत स्थानबाट पानी सङ्कलन गरेर प्रशोधन गरी वितरण हुने गरेको छ । यी स्रोतमध्ये सबैभन्दा बढी वाग्मती नदीको पानी सुन्दरीजलमा सङ्कलन गरी वितरण हुन्छ । प्राकृतिक स्रोतबाट सङ्कलन गरेको पानीले नपुग्ने भएपछि केही स्थानमा भूमिगत पानी निकालेर पनि वितरण हुने गरेको छ । हाल उपत्यकामा करिब ८० स्थानमा लिमिटेडले भूमिगत पानी निकालेर प्रशोधन गरी वितरण गर्छ । यसै वर्ष करिब एक करोड लिटर पानी भूमिगत स्रोतबाट थप गर्ने तयारीमा लिमिटेड लागेको प्रवक्ता राईले बताउनुभयो ।

उपत्यकामा बर्सेनि करिब १० प्रतिशत पानीको माग थपिने गरेको एक अध्ययनले देखाएको छ । बढ्दो जनसङ्ख्या, घर÷भवनलगायत भौतिक संरचनाको निर्माणमा वृद्धि र प्राकृतिक स्रोत सुक्न थालेपछि पिउने पानीको अभाव हुन थालेको बताइएको छ । काठमाडौँ उपत्यका खानेपानी व्यवस्थापन बोर्डले लिमिटेडलाई ३० वर्षका लागि उपत्यकामा पानी वितरणको व्यवस्था गर्ने गरी सम्झौता गरेको छ । यसका लागि लिमिटेडले बोर्डलाई महसुलको दुई प्रतिशत शुल्क बुझाउनुपर्छ । बोर्डको सम्पत्तिको भने छुट्टै शुल्क बुझाउने व्यवस्था सम्झौतामा गरिएको छ । विसं २०६४ फागुन १ गतेदेखि बोर्डले लिमिटेडलाई उपत्यकामा पानी व्यवस्थापनको जिम्मेवारी दिएको हो ।

काठमाडौँ उपत्यकामा खानेपानीको समस्या समाधान गर्न खानेपानी संस्थानबाट छुट्याएर अलग व्यवस्था गरेपनि खास परिवर्तन भएको छैन । खानेपानीको समस्या समाधान हुन सकेको छैन । राजधानीको खानेपानी समस्याका लागि मेलम्चीकै पर्खाइमा अझै मानिस तड्पिएका छन् ।

काठमाडौं । पुँजीगत खर्चले अपेक्षित गति लिन नसकेका कारण सरकारको आलोचना भइरहेको छ । यसले अर्थमन्त्री जनार्दन शर्माको अझ बढी छटपटी बढेको छ । उनले सरोकारवाला मन्त्रालयसँग ताकेता नै थालेका छन् । अर्थमन्त्री शर्माले शुक्रबार अर्थ मन्त्रालयमा सरोकारवाला विकासे मन्त्रालयका मन्त्रीहरुलाई बोलाएर पूँजीगत खर्च बढाउन ताकेता गरेका हुन् ।

कार्यक्रममा अर्थमन्त्री जनार्दन शर्माले पुस महिनाभित्र आ(आफ्नो मन्त्रालयको बजेटको ३० प्रतिशत रकम खर्च गरिसक्न मन्त्रालयहरुलाई आग्रह गरे । समयमा पुँजीगत खर्च हुन नसक्दा तरलतामा समेत असर परेको भन्दै उनले विकास खर्च गर्ने मन्त्रालयहरूलाई चाँडो खर्च गर्न ताकेता गरेका हुन् ।

कार्यक्रममा ऊर्जा, जलस्रोत तथा सिँचाई मन्त्री पम्फा भुसाल, भौतिक पूर्वाधार तथा यातायात मन्त्री रेणुकुमारी यादव, स्वास्थ्यमन्त्री विरोध खतिवडा, खानेपानी मन्त्री उमाकान्त चौधरीलगायत सहभागि थिए । ‘बजेटको ढिलासुस्ती अर्थ मन्त्रालयले गर्न मिल्दैन, गर्न पाउँदैन र गर्ने छैन,’ उनले मन्त्रीहरुसाग भने, ‘आफ्नो मन्त्रालयको बजेटको ३० प्रतिशत बजेट यो महिनाभित्र खर्च भएको हुनुपर्छ ।’

समयमै खर्च गर्न अर्थ मन्त्रालयले गर्नुपर्ने समन्वयलगायत काम समयमै गर्ने प्रतिवद्धता उनको छ । बजेट खर्चको चौमासिक समीक्षा गर्दा खर्च हुन नसकेको अवस्था देखिए त्यसलाई रकमान्तर गरिने उनको भनाइ छ । ‘बजेट त्यहीँ बसिराख्दैन । यो बजेट अन्तिममा दिन्छु भनेर मानिनेवाला छैन, अन्तिममा निकासा पनि गरिने छैन,’ उनले भने, ‘असारमा आएर बजेट निकासा हुँदैन । जे निकासा हुने हो पहिले नै हुन्छ । खर्च हुँदैन भने खर्च हुने ठाउँमा पठाइदिन्छौँ ।’

उनले समयमै खर्च नहुने स्थिति देखिए प्रदेश तथा स्थानीय तहलगायत खर्च हुने स्थानमा बजेट स्थानान्तरण गरिने समेत बताए । ‘खर्च गर्नुस्, बजेट लिनुस्’, मन्त्री शर्माले भने, ‘खर्च गर्नुहुन्न त्यो बजेट समातेर बस्न पाउनुहुन्न ।’ अर्थले फाइल तीन दिनभित्र फिर्ता गरिसक्ने भन्दै सोही रफ्तारमा काम गर्न समेत निर्देशन दिए ।

काठमाडौं । नेपाली कांग्रेसका नेता डा. मिनेन्द्र रिजालले आफ्ना आमाबुबाको नाममा पुण्यश्री प्रतिष्ठान स्थापना गर्ने भएका छन् । प्रतिष्ठानमा मोरङ क्षेत्र नम्बर २ का नागरिकले स्वास्थ्य उपचारमा प्रयोग गर्न पाउने गरी आफूले ५० लाख रुपैयाँ अनुदान दिने घोषणा उनले बिहीबार गरेका छन् ।

डा. रिजालले यो निर्णय केही पहिला नै गरेको भए पनि कार्यव्यस्तताले सार्वजनिक गर्न नभ्याएको उनले उल्लेख गरेका छन् । कांग्रेस महामन्त्रीमा पराजित भएका उनले बिहीबार नै रक्षामन्त्री पदबाट राजीनामा गरेका थिए । उनी गत निर्वाचनमा मोरङबाट निर्वाचित एक मात्र कांग्रेस नेता हुन् ।

काठमाडौं । नेपाल राष्ट्र बैंकले देशको वर्तमान आर्थिक तथा वित्तीय स्थिति सार्वजनिक गरेको छ ।
नेपाल राष्ट्र बैंकले बुधवार सार्वजनिक गरेको चालू आर्थिक वर्ष २०७८/०७९ को चार महिनाको तथ्यांक अनुसार २०७८ कात्तिक महिनामा वार्षिक बिन्दुगत उपभोक्ता मुद्रास्फीति ५.३२ प्रतिशत रहेको छ ।

अघिल्लो वर्षको सोही महिनामा यस्तो मुद्रास्फीति ४.०५ प्रतिशत रहेको थियो ।

समीक्षा महिनामा खाद्य तथा पेय पदार्थ समूहको मुद्रास्फीति ४.७९ प्रतिशत र गैर–खाद्य तथा सेवा समूहको मुद्रास्फीति ५.७३ प्रतिशत रहेको छ ।

२०७७ कात्तिकको तुलनामा २०७८ कात्तिकमा घ्यू तथा तेल, यातायात, माछा तथा मासु, गैर–मदिराजन्य पेय पदार्थ, सुर्तीजन्य वस्तु र दाल तथा गेडागुडी उपसमूहको मूल्यवृद्धि क्रमशः २९.११ प्रतिशत, १२.३६ प्रतिशत, १०.९१ प्रतिशत, १०.७० प्रतिशत, १०.३० प्रतिशत र १०.२४ प्रतिशत रहेको छ ।

समीक्षा महिनामा काठमाडौं उपत्यकामा ६.१४ प्रतिशत, तराईमा ३.९५ प्रतिशत, पहाडमा ७.१४ प्रतिशत र हिमालमा ५.०० प्रतिशत मुद्रास्फीति रहेको छ ।
त्यस्तै, २०७८ कात्तिकमा वार्षिक बिन्दुगत तलब तथा ज्यालादर सूचकाङ्क ५.०३ प्रतिशतले बढेको छ ।

अघिल्लो वर्षको सोही महिनामा उक्त सूचकाङ्क ०.८५ प्रतिशतले बढेको थियो । समीक्षा महिनामा तलब सूचकाङ्क र ज्यालादर सूचकाङ्क क्रमशः ९.४४ प्रतिशत र ३.७७ प्रतिशतले बढेको छ ।

२०७८ कात्तिकमा वार्षिक विन्दुगत उपभोक्ता मुद्रास्फीति नेपालमा ५.३२ प्रतिशत र सन् २०२१ नोभेम्बरमा भारतमा ४.९१ प्रतिशत रहेको छ ।

यसैगरी यस अवधिमा आयात ६१.६ प्रतिशतले र निर्यात १०४ प्रतिशतले बृद्धि भएको राष्ट्र बैंकको तथ्याङ्क छ ।

विप्रेषण आप्रवाह नेपाली रुपैयाँमा ७.५ प्रतिशत र अमेरिकी डलरमा ७.८ प्रतिशतले घटेको छ । शोधनान्तरण स्थिति १५० अर्ब ३८ करोडले घाटामा रहेको छ भने कुल विदेशी विनिमय सञ्चिति १० अर्ब ४७ करोड अमेरिकी डलर रहेको छ ।

संघीय सरकारको खर्च रु.२८७ अर्ब ५४ करोड र राजस्व परिचालन रु.३३४ अर्ब३१ करोड छ । विस्तृत मुद्राप्रदाय १.४ प्रतिशतले बढेको छ । वार्षिक बिन्दुगत आधारमा यस्तो मुद्राप्रदाय १६.१ प्रतिशतले बढेको छ ।

बैंक तथा वित्तीय संस्थाको निक्षेप संकलन १.३ प्रतिशतले बढेको छ र निजी क्षेत्रमाथिको दावी ९.४ प्रतिशतले बढेको छ । वार्षिक बिन्दुगत आधारमा निक्षेपको वृद्धिदर १७.२ प्रतिशत र निजीक्षेत्रमाथिको दावीको वृद्धिदर ३१.२ प्रतिशत छ ।

काठमाडौं । नेकपा एमाले अध्यक्ष खड्गप्रसाद ओलीले हालै माओवादी केन्द्रका अध्यक्ष पुष्पकमल दाहाल ‘प्रचण्ड’ले सेयर बजार सम्बन्धी दिएको अभिव्यक्तिको तिखो आलोचना गरेका छन् ।

बुधबार एमालेका मनोनित केन्द्रीय सदस्यहरूको सपथ ग्रहण कार्यक्रम लाई सम्बोधन गर्दै ओलीले प्रचण्डले सेयर बजार ध्वस्त पार्ने खालको अभिव्यक्ति दिएको आरोप लागएका हुन् ।

‘लेनिनले पूँजीवाद विकास भएर साम्राज्यवाद हुन्छ भनेका थिए। प्रचण्डले त्योभन्दा बढ्दा जान्ने भएर सेयर बजार साम्राज्यवादको विकसित रूप हो भनिदिए,’ ओलीले भने ,‘त्यसबाट सेयरमा लगानी गर्ने जनताको जीवन के असर पर्छ कुनै मतलब छैन। कुन सेयर कारोबारीले चन्दा दिएन होला। अब म ध्वस्त पारिदिन्छु भनेर उनले त्यस्तो भनिदिए।’

यसअघि प्रचण्डले शनिबार माओवादी केन्द्रको सबै प्रदेशको प्रदेश सम्मेलनलाई काठमाडौंबाट एकैसाथ उद्घाटन गर्दै पूँजी बजार साम्राज्यवादको विकसित रुप भएको बताएका थिए । उनले पछिल्लो समय पूँजीको लगानी उद्योग र उत्पादनका क्षेत्रमा हुन छाडेर पूँजी बजारमा लगानी हुनु साम्राज्यवादको विकसित रूप भएको बताएका थिए।

काठमाडौं । सेयर बजारमा तीव्र उतरचढाव आएको छ । बजार खुल्न साथ करिब ७५ अंकले बढेको बजार दिउँसो दोहोरो अंकले घटेको थियो भने अन्त्यमा ४ अंकले घटेर बन्द भएको छ ।

यससाता सुरुका दुई दिनमा १६७ अंकले घटेको बजार हिजो एकै दिन १३७ अंकले बढेको थियो । आज पनि खुल्न साथ उच्च अंकले बढेको बजार अन्त्यमा रातो भएर बन्द भएको हो ।

सूचकमा झिनो गिरावट आए पनि कारोबार रकममा भने ठूलो बढोत्तरी आएको छ । अघिल्लो दिनको तुलनामा कारोबार रकम दोब्बरले साढे ४ अर्ब पुगेको छ ।

बुधबार सेयर बजार मापक सूचक नेप्से ४.२३ अंकले घटेर २४१४.६२ विन्दुमा आइपुगेको छ । आज २२८ कम्पनीको ४ अर्ब ५८ करोड ८३ लाख ९० हजार ६७८ रुपैयाँ बराबरको ९८ लाख ७९ हजार १०९ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये ८ समूहको परिसूचकमा हरियाली छाएको छ भने ५ समूहको परिसूचक राताम्मे भएको छ । फाइनान्स समूह सबैभन्दा धेरै २.२१ प्रतिशतले बढेको छ भने होटल समूह १.७९ प्रतिशतले घटेको छ ।

कारोबारमा आएका २२८ कम्पनीमध्ये १११ कम्पनीको सेयर मूल्य बढेको छ भने १०२ कम्पनीको मूल्य घटेको छ । १५ कम्पनीको मूल्य स्थिर रहेको छ ।

झिनो गिरावट आएको बजारमा आज सामलिङ पावर कम्प्नीको मूल्यमा पोजेटिभ सर्किट लागेको छ । यसका सेयरधनीले करिब १० प्रतिशत कमाएक छन् ।

त्यसैगरी, दिव्यश्वरी र आँखुखोला हाइड्रोपावरको सेयर मूल्य ७ प्रतिशतभन्दा धेरैले बढेको छ । त्यस्तै, आइसीएफसी, मल्टिपर्पस र बेस्ट फाइनान्सको ६ प्रतिशतभन्दा धेरै, बुटवल पावर, नेशनल हाइड्रो, विशाल बजार र मानुषी लघुवित्तका सेयरधनीले पनि ५ प्रतिशतभन्दा धेरै कमाएका छन् ।

घट्दो बजारमा आज नयाँ सारथी लघुवित्तका सेयरधनीले भने सबैभन्दा धेरै ५.३४ प्रतिशत गुमाएका छन् ।

काठमाडौं । कर्णाली प्रदेशमा बैंक तथा वित्तीय संस्थाहरुबाट सहुलियत कर्जा ४७ प्रतिशत बढेको छ ।

नेपाल राष्ट्र बैंकले सार्वजनिक गरेको प्रदेशको आर्थिक गतिविधि अध्ययन अनुसार २०७८ असार मसान्तसम्म बैंक तथा वित्तीय संस्थाबाट प्रवाह भएको सहुलियतपूर्ण कर्जा ३ अर्ब ९२ करोड ६३ लाख पुगेको छ ।

गत आर्थिक वर्षमा यो कर्जा रु. २ अर्ब ६५ करोड ५७ लाख ३० हजार रहेको थियो ।

कुल कृषि कर्जामध्ये सबैभन्दा बढी रु. ३ अर्ब ८३ करोड ७१ लाख कर्जा कृषि तथा वनजन्य शीर्षकमा प्रवाह भएको छ भने रु. ८ करोड ९२ लाख कर्जा माछापालनमा प्रवाहित भएको छ ।

यस प्रदेशमा प्रवाहित कुल कृषि कर्जामध्ये सबैभन्दा धेरै रु. १ अर्ब ६४ लाख सुर्खेत जिल्लामा प्रवाहित भएको छ भने सबैभन्दा कम रु. ३ करोड ५६ लाख मुगु जिल्लामा प्रवाहित भएको छ ।

कर्जाहरुमा गत आर्थिक वर्षभन्दा क्रमश ४५.३२ प्रतिशत र ४८२.६३ प्रतिशतले वृद्धि भएको छ ।

काठमाडौं । सेयर बजारमा उछाल आउँदा नेप्से परिसूचकमै पोजेटिभ सर्किट लागेको छ । बजार खुलेको साढे २ घण्टामै नेप्से ६ प्रतिशतले बढेर दिनभरका लागि कारोबार बन्द भएको हो ।

पछिल्ला दुई दिनमै १६७ अंकले घटेको नेप्से आज एकाएक उछाल आएको हो । आज एकै दिन नेप्से सूचक १३७.१८ अंकले बढेको छ । यो इतिहासमै एकैदिन बढेको दोस्रो धेरै अंकको हो । यसअघि गत भदौ २१ गते एकैदिन १६२ अंकले बढेको थियो ।

सूचकमा उछाल आए पनि कारोबार रकममा भने ठूलो बढोत्तरी आउन सकेको छैन । साढे दुई घण्टामा पौने २ अर्बको मात्र कारोबार भएको छ ।

मंगलबार सेयर बजार मापक सूचक नेप्से १३७.१८ अंकले बढेर २४१८.८४ विन्दुमा पुगेको छ । आज २२० कम्पनीको १ अर्ब ८४ करोड २६ लाख ४७ हजार १४४ रुपैयाँ बराबरको ४० लाख ८५ हजार ९५६ कित्ता सेयर किनबेच भएका छन् ।

आज कारोबारमा आएका १३ वटै समूहको परिसूचकमा हरियाली छाएको छ । विकास बैंक समूह सबैभन्दा धेरै ९.२ प्रतिशतले बढेको छ । त्यस्तै, फाइनान्स र व्यापार समूह पनि ८ प्रतिशतले बढेको छ ।

कारोबारमा आएका २२० कम्पनीमध्ये २१४ कम्पनीको सेयर मूल्य बढेको छ भने जम्मा ३ कम्पनीको मूल्य घटेको छ । ३ कम्पनीको मूल्य स्थिर रहेको छ ।

आज नबिल बैंकको सर्वाधिक कारोबार भएको छ । यसको ९ करोड रुपैयाँको कारोबार भएको छ । त्यस्तै, नेशनल हाइड्रोपावर ७ करोड र आइसीएफसी फाइनान्स ५ करोड बढीको कारोबार हुँदै सर्वाधिक कारोबार हुने कम्पनीको शीर्ष तीनमा रहे ।

नेप्से इतिहासकै दोस्रो धेरै अंकले बढेको दिन करिब ५ दर्जन कम्पनीको मूल्यमा पोजेटिभ सर्किट लागेको छ । नेशनल हाइड्र, विशाल बजार, नेपाल फाइनान्स, बेस्ट, सेन्टर, समृद्धि, आइसीएफसी, प्रोग्रेसिभ फाइनान्स,अरुण भ्याली, ग्रामिण विकास बैंक, ज्योति विकास, कामना सेवा विकास, मल्टी प्रपोज फाइनान्सको सेयर मूल्य ठ्याक्कै १० प्रतिशतले बढेको छ ।

त्यसैगरी, कालिका माइक्रोफाइनान्स, जन उत्थान, एचआइडीसीएल, ङादी पावर, ग्रीन डेभलपमेन्ट बैंक, खानीखोला, दिव्यश्वरी, सिनर्जी पावर, छ्याङदी, राधी, पञ्चकन्यामाइ, आँखुखोला हाइड्रोपावरको सेयर मूल्य ठ्याक्कै १० प्रतिशतले बढेको छ ।

त्यस्तै, आशा लघुवित्त, युनिभर्सल पावर, माउन्टेन हाइड्रो, सबैको लघुवित्त, सप्तकोशी विकास बैंक, एनआरएन इन्फ्रस्ट्रक्चर, शिवश्री हाइड्रोपावर, युनाइटेड मोदी, सिंगटी, मनकामना स्मार्ट लघुवित्त, तेह्रथुम पावर, सामलिङ पावर, न्यादी हाइड्रोपावर ५५ कम्पनीको मूल्यमा पोजेटिभ सर्किट लागेको छ ।

काठमाडौं । शेयर बजारमा उच्च अंकको गिरावट आएको छ । साताको कारोबारको दोस्रो दिन शेयर बजार मापक सूचक नेप्से ७९.२३अंकले घटेर २२८२.१ विन्दुमा झरेको छ । आइतबार पनि नेप्से ८८ अंकले घटेको थियो ।

नेपाल स्टक एक्सचेन्जका अनुसार सोमवार २३३ कम्पनीको ३ अर्ब ९९ करोड ५६ लाख ४ हजार १७७ रुपैयाँ बराबरको ९६ लाख ७९ हजार ७२ कित्ता शेयर किनबेच भएका छन् ।

आज कारोबारमा आएका १३ समूहको परिसूचक राताम्मे भएका छन् ।

धेरै गुमाउने फाइनान्सका लगानीकर्ता रहेका छन् । बैंकिङ समूहको शेयर ३४ अङ्कले, विकास बैंकको दुई सय ११, होटलको ५९ , फाइनान्सको १३३, माइक्रोफाइनान्सको १७१ र जलविद्युत् समूहको शेयर १०५ ले घटेको छ ।

यस्तै उत्पादन समूहको शेयर १७१ अङ्कले, जीवन बीमा समूहको ४२५ अङ्कले, निर्जीवन बीमा समूहको ५४५ घटेको छ । र अन्य समूहको शेयर ६३ अङ्कले घटेको छ ।

सोमबार सबैभन्दा बढी नविल बैकको कारोबार भएको छ । नविलको १८ करोड ३५ हजार रुपैयाँको कारोबार भएको छ ।

८ कम्पनीको शेयरमूल्यमा उच्च गिरावट आएको छ । शेयरमूल्यमा उच्च गिरावट आउने कम्पनीहरुमा स्वाभिमान लघुवित्त, दिव्यश्वरी हाइड्रोपावर, नेशनल हाइड्रोपावर रहेका छन् ।

त्यस्तै गुडवील फाइनान्स, आँखुखोला जलविद्युत, तेह्रथुम पावर कम्पनी, मल्टिपर्पोज फाइनान्स र आइसीएफसी फाइनान्स रहेका छन् । यस कम्पनीको शेयरमूल्य करिब ९ प्रतिशत भन्दा बढीले घटेको छ ।

कारोबार भएका कम्पनीमध्ये एक कम्पनीको शेयरमूल्यमा उच्च वृद्धि भएको छ । शेयरमूल्य बढ्ने कम्पनीमा गोर्खाज फाइनान्स रहेको छ ।

आज यस कम्पनीको शेयरमूल्य ९.४७ प्रतिशतले बढेर प्रतिकित्ता ७७१.९० रुपैयाँ पुगेको छ ।

नेपाल राष्ट्र बैंकले आर्थिक वर्ष २०७८/०७९ को मौद्रिक नीति २०७८ साउन २९ मा जारी गर्दा सेयर कर्जामा व्यक्तिगत तर्फ ४ करोड र संस्थागत १२ करोडको सीमा तोकेसँगै बजार निरन्तर ओरालो लागि रहेको छ ।

राष्ट्र बैंकले अघिल्लो सार्वजनिक गरेको समीक्षामा शेयर धितो राखेर लिइने कर्जाको सीमामा कुनै पनि हेरफेर नगरेपछि लगानीकर्ताहरु आत्तिए बिक्रीको चाप बढ्दै गएको छ । जसका कारण शेयर बजारमा भारी गिरावट आइरहेको छ ।