Category: अर्थतन्त्र

काठमाडौं । चीन संयुक्त लगानी निजी क्षेत्रको हवाई कम्पनी हिमालय एअरलाइन्स नेपालमै सर्वप्रथम आइएसओ ९००१ः२०१५; गुणस्तरीय व्यवस्थापन प्रणालीबाट प्रमाणीकरण हुन सफल भएको छ ।

हिमालयलाई आइएसओको स्तरीय व्यवस्थापन प्रणाली (आइएसओ ९००१ः२०१५)का मापदण्डअनुरुप व्यवस्थित भएकाले गत २९ डिसेम्बर २०२१ मै सम्मानित गरिएको थियो ।

एअरलाइन्सले हवाई यात्रा गर्ने यात्रुहरु तथा हवाई परिवहनसम्बन्धी स्तरीय सेवा र उड्डयन क्षेत्रसँग सम्बन्धित विविध तालीम लगायतका गुणस्तरीय सेवा प्रणाली व्यवस्था गरे वापत उक्त प्रमाणीकरण प्राप्त गरेको हो ।

हिमालयले यसअघि अगस्ट २०२० मै हवाई जहाज मर्मत–सम्भार तथा उड्डयन सम्बन्धी इन्जिनियरिङ्ग सेवा वापत आइएसओ बाट प्रमाणीकरण भएको थियो ।

आइएसओ ९००१ः२०१५ विश्वव्यापी रुपमै मान्यता प्राप्त स्तरीय व्यवस्थापन प्रणाली अर्थात् व्यवस्थापनका लागि अन्तराष्ट्रिय मानकीकरण संगठनद्वारा प्रतिपादित र प्रकाशित एक प्रभावशाली मानक हो । जसबाट प्रमाणीत संस्थाले प्रदानगर्ने वस्तु वा सेवाले स्तरीय व्यवस्थापनका माध्यमबाट आफ्ना ग्राहकहरुको आवश्यकता सन्तोषजनकरुपमा परिपूर्ति गर्ने गर्दछन् ।

आइएसओ ९००१ः२०१५ प्रमाण–पत्र नं. 120057/A/0001/UK/En संयुक्त अधिराज्य स्थित ‘युनाइटेड रजिस्ट्रार अफ सिस्टम्स्’ र ‘युनाइटेड किङ्गडम एक्रिडिटेसन सर्भिसद्वारा हिमालय एअरलाइन्सलाई प्रदान गरिएको थियो ।

व्यवस्थापन प्रक्रियाका सुक्ष्म आयामहरु, मापदण्डहरु पूरा गर्दै हिमालयले सफलतापूर्वक परीक्षणका सबै प्रक्रियाहरु पूरा गरेको र कम्पनीको समग्र व्यवस्थापन प्रणाली बैधानिक एवम् नियामकता सम्बन्धी महत्वपूर्ण सबै मापदण्ड अनुरुप भएका प्रमाणीत गर्दै एअरलाइन्सले यो प्रमाणीकरण प्राप्त गरेको हो ।

नेपाल–चीन संयुक्त उद्यमका रुपमा सन् २०१४ अगस्टमा स्थापित हिमालय एअरलाइन्स, अन्तर्राष्ट्रिय उडान सेवा उपलब्ध गराउँदै आएको निजी वायुसेवा कम्पनी हो । एउटा विमान र एउटा गन्तव्यबाट संचालन सुरु गरेको एअरलाइन्सले छोटो अन्तरालमै आफ्नो स्वामित्वमा चारवटा जहाज कायम गर्न र सातवटा गन्तव्य स्थानमा उडान भर्ने क्षमता विकास गरेको छ ।

एअरलाइन्सले आफ्नो पहिलो उडान मे ३१, २०१६ मा कतारको दोहाको लागि भरेको थियो र तत्पश्चात विभिन्न एशियाली मुलुकहरुमा आफ्नो सञ्जाल विस्तार गरेको छ जस्तैः युएई, मलेशिया, साउदी अरेबिया, बंगलादेश र चीन ।

अहिले हिमालय एअरलाइन्सले अबुधाबी, दमाम, ढाका, दोहा, दुबई, क्वालालम्पुर र रियाधमा उडान सेवा भर्दै आएको छ । साउदी अरेबियाको दमाममा ऐतिहासिक सञ्जाल विस्तार गरेर साउदी अरेबिया र नेपाल जोड्ने हिमालय एअरलाइन्स एक मात्र एअरलाइन्स हो र हाल चीनमा उडान भर्ने पनि एक मात्र नेपाली एअरलाइन्स हो ।

हिमालय एअरलाइन्सले अहिले १८० इकोनोमी क्लास सीट भएका तीन एअरबस् ३२०–२१४ सिरिज र एक एअरबस् ३१९–११५ एअरक्राफ्टले सेवा उपलब्ध गराउँदै आएको छ । निकट भविष्यमा एअरलाइन्सको ल्हासा लगायत दक्षिण एशियाको अन्य प्रमुख शहरहरूमा सेवा सञ्चालन गर्ने योजना छ ।

काठमाडौं । शेयर बजार उच्च अंकले घटेको छ । साताको कारोबारको दोस्रोदिन शेयर बजार मापक सूचक (नेप्से) १००.१० अंकले घटेर २८२०.४१ विन्दुमा झरेको छ ।

नेपाल स्टक एक्सचेन्जका अनुसार सोमवार २२८ कम्पनीको ८ अर्ब ८८ करोड ८५ लाख १३ हजार १७७ रुपैयाँ बराबरको १ करोड ७० लाख ६३ हजार ८३३ कित्ता शेयर किनबेच भएका छन् ।

आइतवार तुलनामा कारोबार रकम बढेको छ । त्यसदिन ७ अर्ब ३० करोड ५० लाख ८ हजार २६२ रुपैयाँ बराबरको रुपैयाँको कारोबार भएको थियो ।

आज कारोबारमा आएका १३ वटै समूहको परिसूचक राताम्मे भएका छन् । उच्च अंकले घटेको बजारमा बैंकिङ ५४ , होटल तथा पर्यटन १०७, अन्य उपसमूह ८४ अंकले घटेको छ ।

निर्जीवन बीमा ५०६, उत्पादन समूह २४४, जलविद्युत १५४ अंकले घटेको छ । विकास बैंक २३४, फाइनान्स ११०, लगानी समूह ३ र माइक्रोफाइनान्स १८३ अंकले घटेको छ ।

उच्च अंकले बजार घटेपनि दुई कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीहरुमा वीन नेपाल लघुवित्त वित्तीय संस्था र बुद्धभुमि नेपाल हाइड्रोपावर कम्पनी रहेको छ ।

आज यी दुबै कम्पनीको शेयरमूल्यमा सकारात्मक सर्किट लागेको छ ।

कारोबारको आधारमा आज सबैभन्दा बढी अपी पावर कम्पनीको भएको छ । यस कम्पनीको आज ३८ करोड ३४ लाख भन्दा बढीको कारोबार भएको छ ।

दोस्रोमा एनआइसी एसिया बैकको ३६ करोडको कारोबार भएको छ ।

त्यस्तै, कर्णाली डेभलपमेन्ट बैंक, माउन्टेन हाइड्रो नेपाल, आशा लघुवित्त वित्तीय संस्था र ओरियन्टल होटल नेपालको शेयरमूल्यमा सर्वाधिक गिरावट आएको छ ।

आज यी कम्पनीको शेयरमूल्य ७ प्रतिशत भन्दा बढीले घटेको छ । त्यसैगरी, सामलिङ पावर, सिनर्जी पावर, गणपति लघुवित्त, रिलायन्स फाइनान्स, सिंगटी हाइड्रो,ग्रीन लाइफ हाइड्रोपावर र राधी जलविद्युत्को शेयरमूल्य ६ प्रतिशतभन्दा धेरैले घटेको छ ।

त्यस्तै, नेपाल हाइड्रो, वरुण हाइड्रोपावर, युनाइटेड मोदी, ङादी पावर लगायत २ दर्जन कम्पनीको मूल्य ५ प्रतिशतले घटेको छ ।

काठमाडौं । शेयर बजार दोहोरो अंकले घटेको छ । साताको कारोबारको पहिलोदिन शेयर बजार मापक सूचक (नेप्से) १०.८३ अंकले घटेर २९२०.५१ विन्दुमा झरेको छ ।

नेपाल स्टक एक्सचेन्जका अनुसार आइतवार २३२ कम्पनीको ७ अर्ब ३० करोड ५० लाख ८ हजार २६२ रुपैयाँ बराबरको १ करोड, ४७ लाख ४ हजार २७७ कित्ता शेयर किनबेच भएका छन् ।

आज कारोबारमा आएका १३ समूहमध्ये ८ वटाको परिसूचक राताम्मे भएका छन् भने ५ वटा हरियो भएको छ । दोहोरो अंकले बटेको बजारमा बैंकिङ १६, होटल तथा पर्यटन ५१, विकास बैंक ७३, फाइनान्स ७२ , जलविद्युत ४२ अंकले घटेको छ ।

लगानी समूह १ र माइक्रोफाइनान्स १० अंकले घटेको छ । जीवा बीमा २२९, निर्जीवन बीमा ३० उत्पादन समूह १६ र अन्य उपसमूह ३७ अंकले बढेको छ ।

नेप्सेका अनुसार आज तीन कम्पनीको शेयरमूल्यमा उच्च वृद्धि भएको छ ।

शेयरमूल्यमा उच्च वृद्धि हुने कम्पनीहरुमा मैलुङखोला जलविद्युत कम्पनी, वीन नेपाल लघुवित्त र बुद्धभूमि नेपाल हाइड्रोपावर कम्पनी रहेको छ ।

त्यस्तै, गोर्खाज फाइनान्स, सामलिङ पावर कम्पनी, प्रभु बैंक, बेस्ट फाइनान्स कम्पनीको शेयरमूल्यमा सर्वाधिक गिरावट आएको छ ।

यस सामलिङ पावर कम्पनी, शेयरमूल्य ६ प्रतिशत भन्दा बढीले घटेको छ भने गोर्खाज फाइनान्स, प्रभु बैंक, बेस्ट फाइनान्स कम्पनीको शेयरमुल्य ४ प्रतिशत भन्दा बढीले घटेको छ ।

आज नेपाल टेलिकमको सर्वाधिक कारोबार भएको छ । यसको ३२ करोड बढीको शेयर किनबेच भएको छ । त्यस्तै, अपी पावर १९ करोड र एनआइसी एशिया साढे १७ करोड बढीको कारोबार भएको छ ।

काठमाडौं । काठमाडौंमा ठूलो मात्रामा गुणस्तरहीन नक्कली महको उत्पादन र बिक्री हुने गरेको खुलेको छ । प्रहरीले यस काममा संलग्न भएको अभियोगमा एकजनालाई पक्राउ गरेको छ । उपत्यकाका विभिन्न स्थानहरुमा गुणस्तरहीन महको उत्पादन एवं बिक्री–वितरण भइरहेको भन्ने गोप्य सूचनाको आधारमा प्रहरीले छापा मारेर एक जनालाई पक्राउ गरेको हो । प्रहरीको अपराध महाशाखाले ठूलो मात्रामा मह, कच्चा पदार्थलगायत सामाग्रीसहित स्पर्श हनीका सञ्चालक ३८ वर्षीय नरेश श्रेष्ठ भनिने नरबहादुर श्रेष्ठलाई पक्राउ गरेको जनकारी गराएको छ ।

प्रहरी टोलीले गुणस्तरहीन मह बनाइरहेको अवस्थामा मह बनाउनका लागि प्रयोग गरिने विभिन्न प्रकारका सामग्री, मेसिन तथा केमिकलसमेत बरामद गरेको छ । श्रेष्ठले ७ वर्षदेखि महको व्यापार गर्दै आएका थिए। सिन्धुपाल्चोकको ईन्द्रावति गाउँपालिका ६ का ३८ वर्षीय उनकी श्रीमती रस्मिला श्रेष्ठको नाममा नतिजा प्याकेजिङ नामको कम्मनी खोलेर महलाई बजारसम्म पुर्‍याउने गरेका थिए। उक्त कम्पनीको मह काठमाडौं, भक्तपुर र पोखराका होटेल, रेस्टुरेन्टहरुमा थोक तथा खुद्रामा बिक्री हुँदै आएको महाशाखाले बताएको छ।

श्रेष्ठले दाङ, नवलपरासी र चितवनबाट कच्चा पदार्थ खरिद गरी मह बनाएर बजारमा प्रतिकेजी ६५० रुपैयाँमा बिक्री गर्दै आएको प्रारम्भिक अनुसन्धानबाट खुलेको छ। तर उक्त स्पर्स हनी भन्ने ब्राण्ड दर्ता समेत नभएको प्रहरीको ठहर छ । उक्त मह खाद्य प्रविधि तथा गुण नियन्त्रण विभाग, बबरमहलमा परिक्षण गर्दा एएमएफ र एफरजी अनुपातको मात्रा नेपाल सरकारद्वारा तोकिएको अनिवार्य गुणस्तर अनुरुप नरहेको र मह खान योग्य नरहेको खुलेको छ ।

चितवन । नारायणगढ–मुग्लिन सडकको इच्छाकामना गाउँपालिका–६ कालिखोला टोपोखोला पुल नजिक सुख्खा पहिरो खस्दा सडक अवरुद्ध भएको छ । शुक्रबार बिहान साढे दुई बजेतिर सुख्खा पहिरो खसेको चितवन जिल्ला ट्राफिक प्रहरी कार्यालयले जनाएको छ । पहिरो हटाउन थालिएको छ । ठूलो पहिरो खसेका कारण बाटो खुल्न समय लाग्ने भरतपुरको डिभिजन सडक कार्यालयको भनाई छ ।

सो ठाउँमा बर्खायाममा पहिरो गएर पटक–पटक यातायात अवरुद्ध हुने गरेको थियो । तर टोपो खोला नजिक पुल बन्न लागेको र त्यसका लागि खनेको ठाउँबाट राति सुख्खा पहिरो खसेको हो । यो सडक खण्ड नेपालको सबैभन्दा व्यस्त र महत्वपूर्ण सडक हो ।

काठमाडौं । काठमाडौं उपत्यकामा चुलिएको कोरोना भाइरसको संक्रमणसँगै सरकारले थप कडाई गर्ने भएको छ । कोरोना संक्रमण रोकथाम गर्ने उद्देश्यले काठमाडौं उपत्यकामा शुक्रबार राति १२ बजेदेखि जोरबिजोर प्रणाली लागू हुने भएको हो । काठमाडौं, ललितपुर र भक्तपुरका प्रमुख जिल्ला अधिकारीहरुको बिहीबार बसेको संयुक्त बैठकले यस्तो निर्णय गरेको हो । शुक्रबार राति १२ बजेदेखि सार्वजनिक र निजी सवारी साधनहरुमा जोर बिजोर प्रणाली लागू हुने छ ।

शुक्रबार राति १२ बजेदेखि जोर गते जोर नम्बरका र बिजोर गते बिजोर नम्बरका सवारी साधन मात्र चलाउन पाइने छ । यो दुई पांग्रे सवारीमा समेत लागू हुने छ । सवारी साधनले सिट क्षमताभन्दा बढी यात्रु राख्न पाउने छैनन् । यातायातका साधनमा मास्क अनिर्वाय लगाउनु पर्नेछ । शुक्रबारबाट सार्वजनिक सेवामा खोप कार्ड अनिवार्य गरिएको छ । हवाई यातायातमा पनि खोप कार्ड देखाउनु पर्छ ।

काठमाडौं । साताको कारोबारको अन्तिम शेयर बजार दोहोरो अंकले बढेको छ । शेयर बजार मापक सूचक (नेप्से) ३३.०३ अंकले बढेर २९३१.२६ बिन्दुमा पुगेकको छ ।

नेपाल स्टक एक्सचेन्जका अनुसार बिहीवार २२० कम्पनीको ५ अर्ब ७७ करोड ३१ लाख २० हजार ४०९ रुपैयाँ बराबरको १ करोड ५९ लाख ८९ हजार ७४४ कित्ता शेयर किनबेच भएका छन् ।

आज कारोबार रकममा भने घटेको छ । बुधवार ६ अर्ब २ करोड १३ लाख ११ हजार ८८१ रुपैयाँको कारोबार भएको थियो । आज कारोबारमा आएका १३ समूह मध्ये ११ वटाको परिसूचक हरियो भएको छ भने २ वटाको घटेको छ ।

दोहोरो अंकले बढेको बजारमा बैंकिङ १ अंकले घटेको छ । होटल तथा पर्यटन १८, अन्य उपसमूह ११ अंकले बढेको छ ।

निर्जीवन बीमा २६९, उत्पादन समूह ३१, जलविद्युत ७६ अंकले , विकास बैंक १७२, फाइनान्स ७७, लगानी समूह १ र माइक्रोफाइनान्स ६० अंकले बढेको छ ।

नेप्सेका अनुसार आज मैलुङखोला जलविद्युत कम्पनी, तेह्रथुप पावर कम्पनी र बुद्धभुमी नेपाल हाइड्रोपावर कम्पनीको शेयर मूल्यमा पोजेटिभ सर्किट लागेको छ ।

त्यसैगरी, न्यादी हाइड्रोपावर ८.८६, गुँरास लाइफ ७.७९, युनियन हाइड्रो ७.२४, कर्पोरेट डेभलपमेन्ट बैंक ६.९१, सिन्धु विकास बैंक ६.२४, गणपति लघुवित्त ६.०८, स्वाभिमान लघुवित्त ६.०६, कामना सेवा विकास बैंक ६, रुरु जलविद्युत्, पञ्चकन्या माइ हाइड्रोपावर, हिमालयन ऊर्जा, महालक्ष्मी विकास बैंक र लुम्बिनी विकास बैंकको शेयर मूल्य ५ प्रतिशतले बढेको छ ।

कारोबारको आधारमा आज सबैभन्दा बढी आईएमई जनरल इन्स्योरेन्सको भएको छ ।

यस कम्पनीको आज २२ करोड २० लाख भन्दा बढीको कारोबार भएको छ । अपी पावरको १८ करोडको र शिखर इन्सोरेन्सको १७ करोडको कारोबार भएको छ ।

त्यस्तै, आईसीएफसी फाइनान्सको डिभेञ्चरको शेयरमूल्यमा सर्वाधिक गिरावट आएको छ ।

काठमाडौं । नेपाल आयल निगमले पेट्रोलियम पदार्थको मूल्य बढाएको छ । पेट्रोल, डिजेल र मटितेलको साविकको बिक्री मूल्यमा प्रतिलिटर ३ रुपैयाँ बढाउने निर्णय गर्दै यो आजै राती १२ बजेबाट लागु हुने निगमले बताएको छ । नयाँ मूल्य अनुसार पेट्रोल प्रतिलिटर १३९ रुपैयाँ र डिजेल र मटितेल १२२ रुपैयाँ पुगेको छ । निगमलाई उच्च घाटा रहेको खाना पकाउने ग्यासमा भने मूल्य बढाइएको छैन । आन्तरिक हवाई ईन्धनमा साबिकको बिक्रि मूल्यमा प्रतिलिटर पाँच रुपैयाँ वृद्धि गरी प्रति लिटर १०६ रुपैयाँ पुर्याइएको छ ।

अन्तर्राष्ट्रिय तर्फको हवाई इन्धनको मूल्य प्रतिकिलोलिटर १०० अमेरिकी डलरले वृद्धि गरी ९९५ अमेरिकी डलर कायम गरिएको छ । कात्तिक २४ मा मूल्य समायोजन भएयता मूल्य बढाइएको थिएन । निगमका अनुसार चालु आर्थिक वर्षको ६ महिनाको अवधिमा १२ पटक नयाँ मूल्य आउँदा अधिकांश पटक मूल्य बढेको छ । तर, निगमले भने ३ पटक मात्र मूल्य समायोजन गरेको छ । निगमले करिब १९ अर्व २६ करोड घाटा व्यहोरिसकेको र आगामी २३ जनवरी, २०२२ मा तेल खरिद वापत भुक्तानी गर्न निगमलाई झण्डै २ अर्ब रुपैयाँ नपुग हुने स्थिति देखिएको छ ।

काठमाडौं । सेयर बजारमा लगातार दोस्रो दिन करेक्शन आएको छ । यससाताको सुरुका दुई दिनमै ९० अंकले बढेको नेप्सेमा पछिल्ला दुई दिन लगातार दोहोरो अंकको करेक्शन आएको हो । पछिल्ला दुई दिनमा नेप्से ४९ अंकले घटेको छ ।

आज सूचकसँगै कारोबार रकममा पनि ठूलो गिरावट आएको छ । अघिल्लो दिनको तुलनामा कारोबार रकम साढे २ अर्बले घटेर ६ अर्बमा सीमित भएको छ ।

बुधबार सेयर बजार मापक सूचक नेप्से ३८.३५ अंकले घटेर २८९८.३१ विन्दुमा आइपुगेको छ । आज २२८ कम्पनीको ६ अर्ब २ करोड १३ लाख ११ हजार ८८१ रुपैयाँ बराबरको १ करोड १८ लाख ३७ हजार २१५ कित्ता सेयर किनबेच भएको छ ।

आज कारोबारमा आएका १३ वटै समूहको परिसूचक राताम्मे भएको छ । अन्य समूह सबैभन्दा धेरै २.६७ प्रतिशतले घटेको छ । त्यस्तै, व्यापार, होटल र फाइनान्स समूह पनि २ प्रतिशभन्दा धेरैले घटेको छ ।

आज कारोबार भएका २२८ कम्पनीमध्ये जम्मा २८ कम्पनीको सेयर मूल्य बढेको छ भने १९१ कम्पनीको घटेको छ । ९ कम्प्नीको मूल्य स्थिर रहेको छ ।

आज अपी पावर सर्वाधिक कारोबार भएको छ । यसको २० करोड बढीको सेयर किनबेच भएको छ । त्यस्तै, अरुण भ्याली पनि २० करोड र एचआइडीसीएल १५ करोड बढीको कारोबार भई धेरै कारोबार हुने शीर्ष तीन कम्पनीमा रहे ।

उच्च अंकले घटेको बजारमा आज बुद्धभूमि हाइड्रोपावर र सामलिङ पावरको सेयर मूल्यमा पोजेटिभ सर्किट लागेको छ । यी कम्पनीका लगानीकर्ताले सबैभन्दा धेरै करिब १० प्रतिशत कमाएका छन् ।

घट्दो बजारमा आज घलेम्दी हाइड्रोपावरका सेयरधनीले सबैभन्दा धेरै ४.३४ प्रतिशत गुमाएका छन् । त्यसैगरी, कालिका लघुवित्त र ग्लोबल आइएमई सम्मुनत स्कीम १ का सेयरधनीले पनि ४ प्रतिशतभन्दा धेरै गुमाए ।

त्यस्तै, मध्य भोटोकेशी, हिमालयन ऊर्जा, गुह्येश्वरी मर्चेन्ट, सोल्टी होटल र सीईडीबी हाइड्रोपावरको सेयर मूल्य साढे ३ प्रतिशतले घटेको छ । ओरेन्टल होटल, स्वरोजगार लघुवित्त, जोशी हाइड्रोपावर, युनाइटेड इदीमार्दी, नेपाल फइनान्स, अरुण भ्याली, साहस ऊर्जा र एक्सेल डेभलपमेन्टको सेयरधनीले पनि ३ प्रतिशत गुमाएका छन् ।

काठमाडौं । स्वास्थ्य तथा जनसङ्ख्या मन्त्रालयले नेपालमा तत्काल लकडाउन नहुने स्पष्ट पारेको छ । प्रतिनिधिसभा, शिक्षा तथा स्वास्थ्य समितिको मंगलबारको बैठकमा मन्त्रालयका सचिव डा. रोशन पोखरेलले मन्त्रालय बन्दाबन्दीको विरुद्धमा रहेको बताए । यसअघि स्वास्थ्य मन्त्री विरोध खतिवडाले समेत लकडाउन हुन्छ की भन्ने त्रासमा नबस्ने आग्रह गरेका थिए । देशमा बल्लबल्ल अलिअलि उकालो लागेको अर्थतन्त्र फेरि नबिग्रियोस् भन्नेमा मन्त्रालय प्रष्ट रहेको भन्दै उनले कतिपय क्षेत्र बन्द गर्नुपर्ने भए दुईतीन हप्ता बन्द गरेर पुनः सञ्चालन गर्न सकिने बताए ।

१८ वर्षमुनिका बालबालिकाका लागि खोप सञ्चालन गरिरहे पनि विद्यालय बन्द भएकाले व्यवस्थापन केही असहज भएको सचिव पोखरेलको भनाइ छ । केही समय पहिले शीतलहरका कारण तराईमा लगाउन नसकिएको खोप ल्याएर भक्तपुरमा लगाइएको जानकारी उनले दिए । अहिले खोप केन्द्रमा भइरहेको भीड व्यवस्थापनमा अरु निकायले पनि ध्यान दिनुपर्ने उनको भनाई छ ।

काठमाडौं । केहीदिन देखि उकालो लागेको शेयर बजार दोहोरो अंकले घटेको छ ।

साताको कारोबारको तेस्रोदिन शेयर बजार मापक सूचक(नेप्से) १०.७८ अंकले घटेर २९३६.६६ विन्दुमा झरेको छ ।

नेपाल स्टक एक्सचेन्जका अनुसार मंगलवार २२४ कम्पनीको ८ अर्ब ४४ करोड ३४ लाख १९ हजार ५६१ रुपैयाँ बराबरको १ करोड, ६० लाख ४ हजार ५३० कित्ता शेयर किनबेच भएका छन् ।

सोमवारको तुलनामा कारोबार रकममा सुधार आएको छ । त्यसदिन ७ अर्ब ९० करोड १८ लाख ९० हजार ६६८ रुपैयाँ बराबरको रुपैयाँको कारोबार भएको थियो ।

आज कारोबारमा आएका १३ समूहमध्ये ९ वटाको परिसूचक राताम्मे भएका छन् भने ४ वटा हरियो भएको छ । दोहोरो अंकले बढेको बजारमा बैंकिङ २२ , होटल तथा पर्यटन ४२, अन्य उपसमूह २९ अंकले बढेको छ ।

निर्जीवन बीमा १७८, उत्पादन समूह १८६, जलविद्युत ३६ अंकले घटेको छ । विकास बैंक १३०, फाइनान्स ६९, लगानी समूह २ र माइक्रोफाइनान्स ८९ अंकले घटेको छ ।

दुई कम्पनीको शेयरमूल्य सर्किट लेभलमा बढेको छ । शेयरमूल्यमा वृद्धि हुने कम्पनीहरुमा सामलिङ पावर कम्पनी र मध्यभोटेकोशी जलविद्युत कम्पनी रहेको छ ।

आज सामलिङ पावर कम्पनीको शेयरमूल्य ९ प्रतिशत भन्दा बढीले बढेको छ भने मध्य भोटेकोशीको शेयरमूल्य आज ८ प्रतिशतले बढेर प्रतिकित्ता ४९६ रुपैयाँ पुगेको छ ।

त्यस्तै, कारोबारको आधारमा आज सबैभन्दा बढी अपी पावर कम्पनीको भएको छ ।

यस कम्पनीको २८ करोड ११ लाख भन्दा बढीको कारोबार भएको छ । अरुणभ्याली हाइड्रोपावर कम्पनीको २५ करोड ७१ लाखको कारोबार भएको छ ।

मानुषी लघुवित्त वित्तीय संस्थाको शेयरमूल्यमा सर्वाधिक गिरावट आएको छ । यस कम्पनीको शेयरमूल्य ५ प्रतिशत भन्दा बढीले घटेको छ ।

काठमाडौं । साताको कारोबारको दोस्रोदिन शेयर बजार दोहोरो अंकले बढेको छ । शेयर बजार मापक सूचक (नेप्से) २० अंकले बढेर २९४७.३८ बिन्दुमा पुगेकको छ ।

नेपाल स्टक एक्सचेन्जका अनुसार सोमवार २२४ कम्पनीको ७ अर्ब ९० करोड १८ लाख ९० हजार ६६८ रुपैयाँ बराबरको १ करोड ४४ लाख ७४ हजार ७१३ कित्ता शेयर किनबेच भएका छन् ।

आज कारोबार रकममा भने घटेको छ । आइतबार ९ अर्ब ६७ करोड ६३ लाख बराबरको कारोबार भएको थियो । आज कारोबारमा आएका १३ समूह मध्ये ७ वटाको परिसूचक हरियो भएको छ भने ६ वटाको घटेको छ ।

दोहोरो अंकले बढेको बजारमा बैंकिङ १९ , होटल तथा पर्यटन ६, निर्जीवन बीमा ५०, अन्य उपसमूह २३, उत्पादन समूह ९९, जलविद्युत ५५ अंकले बढेको छ ।

विकास बैंक २३, फाइनान्स ०.९२, लगानी समूह ०.२६ माइक्रोफाइनान्स ६ अंकले घटेको छ ।

एक कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीहरुमा मध्यभोटेकोशी जलविद्युत कम्पनी रहेको छ ।

यस कम्पनीको शेयरमूल्य आज १० प्रतिशतले बढेर प्रतिकित्ता ४५८ रुपैयाँ पुगेको छ । त्यसैगरी, सनराइज ब्लूचिप फण्ड, सिंगटी हाइड्रो र सीईडीबी हाइड्रोपावरको शेयर मूल्य ८ प्रतिशतभन्दा धेरैले बढेको छ ।

त्यस्तै, एनआरएन इन्फ्रास्ट्रक्चर ७.७८, सामलिङ पावर ७.०४, नेपाल एसबीआई बैंक ६.०२, हिमालयन ऊर्जा, अरुण भ्याली, लिबर्टी इनर्जी र माउन्टेन इनर्जीका शेयरधनीले पनि ५ प्रतिशभन्दा धेरै कमाएका छन् ।

त्यस्तै, कारोबारको आधारमा आज सबैभन्दा बढी अरुणभ्याली हाइड्रोपावर कम्पनीको भएको छ ।

यस कम्पनीको आज ४४ करोड ५४ लाख भन्दा बढीको कारोबार भएको छ । अपी पावरको ४१ करोडको कारोबार भएको छ । अपर तामाकोशीको २४ करोडको कारोबार भएको छ । बढ्दो बजारमा आज एनएकबी बैंकका डिबेञ्चरधनीले सबैभन्दा धेरै ३.९५ प्रतिशत गुमाएका छन् ।

काठमाडौं । साताको कारोबारको पहिलोदिन शेयर बजार उच्च अंकले बढेको छ ।

केहीदिन देखि लगातार उकालो लागेको शेयर बजार ६९ अंकले बढेको हो । कारोबार शुरु भएदेखि नै उकालो ओरोलो भैरहेको शेयर बजार मापक सूचक (नेप्से) ६९ अंकले बढेर २९२६.७४ बिन्दुमा पुगेकको छ ।

नेपाल स्टक एक्सचेन्जका अनुसार आइतवार २२९ कम्पनीको ९ अर्ब ६७ करोड ६३ लाख १७ हजार ५९ रुपैयाँ बराबरको १ करोड ८२ लाख ५४ हजार ४२५ कित्ता शेयर किनबेच भएका छन् । आज कारोबारमा आएका १३ समूहको परिसूचक हरियो भएको छ ।

उच्च अंकले बढेको बजारमा बैंकिङ ३९ , होटल तथा पर्यटन ५५, निर्जीवन बीमा २६६, माइक्रोफाइनान्स ११०, जलविद्युत ७५ अंकले बढेको छ ।

विकास बैंक १४३, फाइनान्स ५६, उत्पादन समूह ४०९ र लगानी समूह १ अंकले बढेको छ । अन्य उपसमूह ६६ अंकले बढेको छ ।

आज तीन कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीहरुमा मध्यभोटेकोशी जलविद्युत कम्पनी, स्ट्याण्डर्ड चार्टर्ड बैंक र किसान लघुवित्त वित्तीय संस्था रहेका छन् । यी कम्पनीको शेयरमूल्य आज सर्किट लेभलमा बढेका छन् ।

त्यस्तै, कारोबारको आधारमा आज सबैभन्दा बढी अरुणभ्याली हाइड्रोपावर कम्पनीको भएको छ । यस कम्पनीको आज ३६ करोड ४३ लाख भन्दा बढीको कारोबार भएको छ ।

काठमाडौं । अन्तर्राष्ट्रिय मुद्रा कोषद्धारा नेपालले लिने २८२.४२ मिलियन एसडीआर (करिब रू.४६ अर्ब ७० करोड) बराबरको शून्य ब्याज दरको सहुलियतपूर्ण ऋण स्वीकृत गरेको छ । उक्त क्रण सहायतामध्ये ११० मिलियन अमेरिकी डलर बराबर रकम तत्काल पहिलो किस्तामा प्राप्त हुनेछ र बाँकी रकम विभिन्न किस्तामा क्रमशः प्राप्त हुने अर्थ मन्त्रालयको भनाई छ ।

उक्त सहायताले कोभिड १९ का कारण जनस्वास्थ्य र आर्थिक गतिविधिमा परेको नकारात्मक प्रभाव कम गर्न, विपन्न वर्गलाई संरक्षण गर्न, समष्टिगत आर्थिक तथा वित्तीय स्थिरता कायम गर्न र दिगो विकास तथा गरिबी निवारण सम्बन्धी नेपालले लिएको सुधारका प्रयासलाई निरन्तरता दिन सहयोग गर्ने मन्त्रालयले जानकारी दिएको छ ।

अन्तर्राष्ट्रिय मुद्रा कोषबाट प्राप्त हुने उक्त सहायता नेपालको आवश्यकता र प्राथमिकताका आधारमा बजेटमा समावेश गरी खर्च गर्न सकिनेछ । उक्त कोषसँग भएको प्रारम्भिक छलफलका आधारमा चालू आवको बजेटमा समेत उक्त स्रोत कायम गरिएको छ,’ कोषले भनेको छ ।

कोभिडका कारण उत्पन्न असहज परिस्थितिलाई सामना गर्न नेपाल सरकारले अख्तियार गरेको नीति र प्रयासको अन्तर्राष्ट्रिय मुद्रा कोषको बोर्डका कार्यकारी निर्देशकहरुले उच्च प्रशंसा गर्दै परिपूरकको रुपमा उक्त सहयोग प्रदान गरेको जानकारी गराएका छन् ।

काठमाडौं । नेपाल राष्ट्र बैंकले दुई रुपैयाँको नयाँ सिक्का शुक्रवारदेखि बजारमा चलनचल्तीमा ल्याएको छ । साविककै आकार तथा सुनौलो रङ्गमा टकमरी गरिएको साल २०७७ लेखिएको दुई रुपैयँँका सिक्का चलनचल्तीमा ल्याइएको हो । राष्ट्र बैंकका अनुसार यो सिक्का दृष्टिविहिनले समेत सजिलै चिन्न सक्छन् । सिक्काको अग्रभागमा वृत्ताकार घेराभित्र वरिपरि चौसठ्ठी वटा थोप्ला रहेका छन् ।

माथिल्लो भागमा अङ्ग्रेजीमा ‘आरएस टु’ र तल्लो भागमा देवनागरी लिपिमा दुई रुपैयाँ लेखिएको छ । सिक्काको बीच भागमा सात प्रदेशसहितको नेपालको नक्सा रहेको छ । नक्साको ठिक माथिपट्टि दायाँतर्फ दृष्टिविहीनहरूले स्पर्श गरेर सिक्काको दर पहिचान गर्न सक्ने दुई वटा थोप्ला राखिएको हो । सिक्को पृष्ठ भागमा आठ थोप्लासहितको वृत्ताकार चित्र रही त्यसको भित्र वर्गाकार आकृतिको बाहिरिपट्टि वरिपरि चन्द्र, सूर्य, चक्र, शङ्ख, पद्म र गदाको आकृति राखिएको छ ।

काठमाडौं । पूँजी बजारको नियामक निकाय नेपाल धितोपत्र बोर्डको अध्यक्षका लागि १५ जनाले आवेदन दिएका छन् ।

नेपाली पूँजीबजार क्षेत्रको नियमनकारी निकायको प्रमुख पदमा नियुक्तिका लागि दरखास्त आह्वान गरिएको अन्तिम दिन बिहीबारसम्म १५ जनाको आवेदन परेको हो।

नेपाल सरकार अर्थ मन्त्रालय नेपाल धितोपत्र बोर्ड अध्यक्ष बोर्ड अध्यक्ष छनोट समितिले सूचना जारी गरेर बोर्डको अध्यक्ष छनोट गर्न पुनः आवेदन खुला गरेको थियो ।

गत कात्तिक ११ गते अध्यक्षका लागि पहिलोपटक दरखास्त माग गरेको मन्त्रालयले दुई महिनापछि फेरि नयाँ विज्ञापन खुलाएको थियो । दोस्रो पटक खुलाएको विज्ञापनमा डा. गोपालप्रसाद भट्ट, खगेन्द्र कटुवाल, मुक्ति अर्याल ,रमेश अधिकारी, चिरन्जिवी चापागाई, डा. नवराज अधिकारीको आवेदन परेको छ ।

त्यस्तै अम्बिका शर्मा लामिछाने, कृष्णराज पोखरेल, डा. जीवन अंगाई, रमेश कुमार हमाल, सिताराम थपलिया, डा. केशवप्रसाद श्रेष्ठ, अनिलराज पौडेल ,निरज गिरी र हेमन्त बस्यालको आवेदन परेको छ ।

बुक बिल्डिङ विधिबाट धितोपत्रको सार्वजनिक निष्कासनको प्रक्रियामा रहेको सर्वोत्तम सिमेन्टको सेयर परिवारको नाममा खरिद गरेपछि विवादित तत्कालीन अध्यक्ष भीष्मराज ढुंगानालाई सरकारले बर्खास्त गरेको थियो ।

आवेदन दिएका मध्येबाट अध्यक्ष सिफारिस समितिले तीनजनाको नाम मन्त्रिपरिषद्समक्ष सिफारिस गर्नेछ । त्यसमध्येबाट मन्त्रिपरिषद्ले एकजनालाई अध्यक्षमा नियुक्त गर्नेछ ।

सिफारिस समितिको संयोजकमा राष्ट्रिय योजना आयोगका उपाध्यक्ष विश्वराज पौडेल छन् । सदस्यमा अर्थसचिव मधु मरासिनी र विज्ञ सदस्यमा डा. जीवनाथ भुसाल छन् ।

काठमाडौं । नेपाल राष्ट्र बैंकले २० वर्षसम्म दावी नपरेका निक्षेप ‘बैंकिङ विकास कोष’ जम्मा गर्न बैंक तथा वित्तीय संस्थाहरुलाई निर्देशन दिएको छ।

बिहीवार एक सूचना जारी गर्दै बैंक तथा वित्तीय संस्थासम्बन्धी ऐन, ऐन २०७३ को दफा ११२ को उपदफा १ बमोजिमको २० वर्षसम्म लिन बुझ्न नआएका वा दाबी नपरेका निक्षेप राष्ट्र बैंकको बैंकिङ विकास कोषमा (अनक्लेम्ड डिपोजिट) जम्मा गर्न बैंक तथा वित्तीय संस्थाहरुलाई निर्देशन दिएको हो।

अब बैंक तथा वित्तीय संस्थाहरुले त्यस्तो निक्षेप राष्ट्र बैंकको बैंकिङ विकास कोषअन्तर्गत तोकिएको हिसाबमा जम्मा गर्नुपर्नेछ।

कोषमा जम्मा गरिएको रकममाथि निक्षेपकर्ता वा निक्षेपकर्ताको कानस्नी हकवालाबाट सम्पूर्ण प्रक्रिया पूरा गरी दाबी पर्न आएमा सम्बन्धित बैंक तथा वित्तीय संस्थाले प्रमाणसहित राष्ट्र बैंकमा दाबी पेस गर्नुपर्नेछ।

आवश्यक कागजातसहित दाबी गर्न आएमा सम्बन्धित बैंक तथा वित्तीय संस्थालाई विनाब्याज रकम फिर्ता गरिने राष्ट्र बैंकले जारी गरेको सूचना उल्लेख गरेको छ ।

यसरी बैंकिङ विकास कोषमा जम्मा गरिएको रकमको निक्षेपकर्तासम्बन्धी विस्तृत विवरण सुरक्षित राख्ने जिम्मेवार रकम जम्मा गर्ने बैंक तथा वित्तीय संस्थाको हुनेछ। भने उक्त रकम बैंकिङ विकासमा प्रयोग गरिने जनाएको छ ।

काठमाडौं । सेयर बजारमा उछाल आएको छ । बुधबार ३० अंकले करेक्शन आएको बजार फेरि आज उच्च अंकले बढेको हो । यससाता नेप्से समग्रमा १६५ अंकले बढेको छ ।

सूचकमा उछाल आए पनि आज कारोबार रकममा भने गिरावट आएको छ । अघिल्लो दिनको तुलनामा कारोबार रकम १ अर्ब ३७ करोडले घटेर पौने ७ अर्बमा सीमित भएको छ ।

साताको अन्तिम कारोबार दिन बिहीबार नेप्से ५४.१९ अंकले बढेर २८५७.७५ विन्दुमा पुगेको छ । आज २२४ कम्पनीको ६ अर्ब ६६ करोड ९७ लाख ४८ हजार ५६८ रुपैयाँ बराबरको १ करोड १८ लाख ३४ हजार २१६ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये अन्य बोहक बाँकी सबै समूहको परिसूचकमा हरियाली छाएको छ । हाइड्रोपावर समूह सबैभन्दा धेरै ४.९० प्रतिशतले बढेको छ । त्यस्तै, फाइनान्स, माइक्रोफाइनजान्स र लगानी समूहको परिसूचक पनि ३ प्रतिशतभन्दा धेरैले बढेको छ ।

आज कारोबार भएका २२४ कम्पनीमध्ये २०० कम्पनीको सेयर मूल्य बढेको छ भने जम्मा १८ कम्पनीको मूल्य घटेको छ । ६ कम्पनीको मूल्य भने स्थिर रहेको छ ।

आज माथिल्लो तामाकोशीको सर्वाधिक कारोबार भएको छ । यसको ३४ करोड बढीको सेयर किनबेच भएको छ । त्यस्तै, अपी पावरको २३ करोड र निफ्रा २२ करोड बढीको कारोबार भई धेरै कारोबार हुने शीर्ष तीन कम्पनीमा रहे ।

उच्च अंकले बढेको बजारमा मध्यभोटेकोशी जलविद्युत्को सेयर मूल्यमा पोजेटिभ सर्किट लागेको छ । यसका सेयरधनीले करिब १० प्रतिशत कमाएका छन् ।

त्यसैगरी, माउन्टेन हाइड्रो, कर्णाली डेभलपमेन्ट बैंक र शिवश्री हाइड्रोपावरको मूल्य ९ प्रतिशतभन्दा धेरैले बढेको छ । त्यस्तै, आइसीएफसी फाइनान्स ८.५४, रसुवागढी, ङादी पावर, माथिल्लो तामाकोशीको मूल्य ७ प्रतिशतले बढेको छ भने राधी जलविद्युन्, गणपति माइक्रोफाइनान्स, अरुण काबेली र पञ्चकन्या माइका सेयरधनीले ६ प्रतिशत कमाएका छन् ।

बढ्दो बजारमा आजनबिल बैंकका डिबेञ्चरधनीले सबैभन्दा धेरै २.०३ प्रतिशत गुमाएका छन् ।

काठमाडौं । बतास अर्गनाइजेशनले आफ्नोविरुद्ध संचारमाध्यममा आएका समाचारप्रति गम्भीर ध्यानाकर्षण भएको जनाएको छ ।

अर्गनाइजेशनका अध्यक्ष आनन्दराज बतासले बुधबार एक विज्ञप्ति जारी गर्दै सञ्चारमाध्यमले सत्यतथ्य नबुझी एकपक्षीय रुपमा समाचार प्रकाशित गरेको आरोप लगाएका छन् ।

बतास समूहले आफूमाथि लागेको सबै आरोपको खण्डन गर्दै गैरकानुनी काम नगरेको दाबी गरेको छ । समूहले गैरकानुनी काम गरेको भए कारबाही गर्न सरकारलाई चुनौती पनि दिएको छ ।

समूहले आफूमाथि गरेको अन्याय र अपराधबारे आमजनमानसलाई जानकारी गराइदिन सञ्चारमाध्यमलाई अनुरोध समेत गरेको छ।

सरकारले सम्पूर्ण सम्झौता एकमुष्ठ खारेज गरे पनि आफूलाई कुनै आपत्ति नहुने तर अहिलेसम्म गरिएको लगानी र त्यसको उचित क्षतिपूर्ति दिनुपर्ने बताएका हुन्। समूहले नारायणहिटी दरबार परिसरको क्याफ्टेरिया सहित विभिन्न स्थानमा कानूनी प्रक्रिया पूरा गरेरै सरकारसँग सम्झौता गरिएकाले अहिले विवाद निम्त्याउनुको अर्थ नभएको बताएको छ।

‘जम्मा तीन वर्षका लागि अत्यन्तै कडा शर्तहरू सहित सो संग्रहालय क्षेत्रको क्याफ्टेरिया भाडामा लिएको र त्यहाँ अहिलेसम्म तीन करोडभन्दा बढी लगानी गरिसकेको अवस्थामा बतास अर्गनाइजेशनमाथि गैरकानूनी ढंगले जे–जसरी आक्रमण गर्ने र भौतिक संरचनाहरू समेत नष्ट गर्ने काम भयो, यो हामीमाथि राज्यले गरेको अन्याय र अपराध हो,’ विज्ञप्तिमा भनिएको छ। अर्गनाइजेशनले सेटिङमा सम्झौता गरिएको भन्ने आरोपको खण्डन गरेको छ।

काठमाडौं । सेयर बजारमा करेक्शन आएको छ । यससाताको सुरुका तीन दिनमै १४२ अंकले बढेको नेप्सेमा आज दोहोरो अंकको करेक्शन आएको हो ।

आइतबारदेखि लगातार दोहोरो अंकले बढेको बजारमा आज प्रफिट बुक गर्नेहरु हाबी हुँदा करेक्शन आएको हो । सूचकमा गिरावट आए पनि कारोबार रकममा भने बढोत्तरी आएको छ । अघिल्लो दिनको तुलनामा कारोबार रकम सवा १ अर्बले बढेर ८ अर्ब नाघेको छ । यो पछिल्लो दुई महिना यताकै धेरै हो ।

बुधबार सेयर बजार मापक सूचक नेप्से ३०.५१ अंकले घटेर २८०३.६२ विन्दुमा आइपुगेको छ । आज २२९ कम्पनीको ८ अर्ब ३ करोड ३२ लाख १२ हजार ७४२ रुपैयाँ बराबरको १ करोड ६१ लाख ४७ हजार ३९० कित्ता सेयर किनबेच भएका छन् ।

आज कारोबारमा आएका १३ वटा समूहमध्ये व्यापार, लगानी र उत्पादनमूलक समूह बाहेक बाँकी सबै समूहको परिसूचक राताम्मे भएको छ । लगानी समूह सबैभन्दा धेरै ३.१३ प्रतिशतले बढेको छ भने अन्य समूह ३.४४ प्रतिशतले घटेको छ । त्यस्तै, विकास बैंक, होटल, फाइनान्स र निर्जीवन बीमा समूहको परिसूचक पनि २ प्रतिशतभन्दा धेरैले घटेको छ ।

आज कारोबार भएका २२९ कम्पनीमध्ये ४१ कम्पनीको सेयर मूल्य बढेको छ भने १७८ कम्पनीको मूल्य घटेको छ । १० कम्पनीको मूल्य भने स्थिर रहेको छ ।

आज नेपाल बंगलादेश बैंकको सर्वाधिक कारोबार भएको छ । यसको साढे २८ करोड बढीको सेयर किनबेच भएको छ । त्यस्तै, एचआइडीसीएल साढे २७ करोड र अपी पावरको २४ करोड बढीको कारोबार भई धेरै कारोबार हुने शीर्ष तीन कम्पनीमा रहे ।

दोहोरो अंकले घटेको बजारमा पनि आज ४ कम्पनीको सेयर मूल्यमा पोजेटिभ सर्किट लागेको छ । कर्पोरेट डेभलपमेन्ट बैंक र नेपाल इन्फ्रास्ट्रक्चर बैंकको सेयर मूल्य ठ्याक्कै १० प्रतिशतले बढेको छ ।

त्यस्तै, नारायणी विकास बैंक र मध्य भोटेकोशी हाइड्रोपावरका लगानीकर्ताले पनि करिब १० प्रतिशत कमाएका छन् ।
घट्दो बजारमा आज हिमालयन ऊर्जा कम्पनीको सेयर मूल्य सबैभन्दा धेरै ६.२१ प्रतिशतले घटेको छ । त्यसैगरी, युनियन हाइड्रोपावर ५.५३, जोशी हाइड्रोपावर ५.४९, छ्याङ्दी हाइड्रो, प्रुडेन्सियल इन्स्योरेन्स, तारागाउँ होटल, तेह्रथुम पावर, नेपाल हाइड्रो, मल्टिप्रपोज फाइनान्स, सिभिल लघुवित्त, ओरेन्टल होटल र सेन्टर फाइनान्सको सेयर मूल्य ४ प्रतिशतभन्दा धेरैले घटेको छ ।

काठमाडौं । सरकारले दुधको मूल्य बढाउने तयारी गरेको छ । राष्ट्रिय दुग्ध विकास बोर्डले यस्तो तयारी गरि दुधको नयाँ मूल्य कृषि तथा पशुपन्छी विकास मन्त्रालयलाई सिफारिस गरेको छ । बोर्डका अनुसार अब प्रशोधित दूधको मूल्य प्रतिलिटर ८६ रुपैयाँ हुने गरि सिफारिस भएको छ । अहिले ७६ रुपैयाँ प्रतिलिटर रहेकोमा १० रुपैयाँ मूल्य बढ्ने भएको हो । मूल्य बढाउन बोर्डले एक सिफारिस समिति गठन गरेको थियो ।

समितिले बनाएको प्रतिवेदनका आधारमा १० रुपैयाँ मूल्य बढाउन लागिएको हो । बोर्डको सिफारिसबारे अब कृषि मन्त्रालयले सरोकारवालासँग छलफल गर्नेछ । त्यसपछि मूल्य घोषणा गर्ने तयारी छ । सरकारी संचारमाध्यम गोरखापत्रले जनाए अनुसार लिटरममा १० रुपैयाँ बढाएर त्यसको ७० प्रतिशत कृषक र ३० प्रतिशत उद्योगीलाई दिने तयारी छ ।

किसानबाट खरिद गरिने कच्चा दूधको उत्पादन लागत प्रतिलिटर मूल्य ५७.१४ रुपियाँ देखाइएको छ । त्यसमा २.३६ पैसा मुनाफा राखि किसानको दूधको मूल्य प्रतिलिटर ६०.५० कायम गरिएको छ । प्रशोधित दूधको उपभोक्ता मूल्य प्रतिलिटर ८६ रुपैयाँ सिफारिस गरिएको छ । त्यसमा प्रशोधन लागत प्रतिलिटर ३०.५० रुपैयाँ कायम गरिएको छ ।

काठमाडौं । सेयर बजारमा लगातार दोहोरो अंकको वृद्धि भएको छ । आइतबारदेखि लगातार उच्च अंकले बढ्दै आएको नेप्से आज पनि सोही लयमा उकालो लागेको हो । यससाताका ३ दिनमै नेप्से १४२ अंकले बढेको छ ।

बैंकिङ प्रणालीमा तरलता केही सहज भएसँगै सेयर बजारले गति लिएको हो । साथै, पछिल्लो समय कोरोना संक्रमण फैलिँदै गएसँगै लकडाउन हुने हल्लाका कारण पनि लगानीकर्ता सेयर बजारमा प्रवेश गरेको बताइएको छ ।

सूचकमा उछाल आए पनि कारोबार रकममा भने गिरावट आएको छ । अघिल्लो दिनको तुलनामा कारोबार रकम ४० करोडले घटेर पौने ७ अर्बमा सीमित भएको छ ।

मंगलबार सेयर बजार मापक सूचक नेप्से ४९.१९ अंकले बढेर २८३४.१३ विन्दुमा पुगेको छ । आज २३२ कम्पनीको ६ अर्ब ७२ करोड ४५ लाख २६ हजार १९८ रुपैयाँ बराबरको १ करोड १९ लाख ७० हजार २१५ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये उत्पादनमूलक समूह बाँकी सबै समूहको परिसूचकमा हरियाली छाएको छ । फाइनान्स समूह सबैभन्दा धेरै ६.१५ प्रतिशतले बढेको छ । त्यस्तै, विकास बैंक, होटल, माइक्रोफाइनान्स र जीवन बीमा समूह पनि ३ प्रतिशतभन्दा धेरैले बढेको छ ।

आज कारोबार भएका २३२ कम्पनीमध्ये १९९ कम्पनीको सेयर मूल्य बढेको छ भने जम्मा ३० कम्पनीको मूल्य घटेको छ । ३ कम्पनीको मूल्य भने स्थिर रहेको छ ।

आज अपी पावरको सर्वाधिक कारोबार भएको छ । यसको साढे १६ करोड बढीको सेयर किनबेच भएको छ । त्यस्तै, गोर्खा फाइनान्स १६ करोड र नेपाल लाइफ १५ करोड बढीको कारोबार भई धेरै कारोबार हुने शीर्ष तीन कम्पनीमा रहे ।

उच्च अंकले बढेको बजारमा आज ७ कम्पनीको सेयर मूल्यमा पोजेटिभ सर्किट लागेको छ । नारायणी विकास बैंक, नेपाल फाइनान्स, पोखरा फाइनान्स, कर्पोरेट डेभलपमेन्ट बैंक र मध्य भोटेकोशी जलविद्युत्को सेयर मूल्य ठ्याक्कै १० प्रतिशतले बढेको छ । त्यस्तै, सिभिल लघुवित्त र न्यादी हाइड्रोपावरका लगानीकर्ताले पनि करिब १० प्रतिशत कमाएका छन् ।

त्यसैगरी, मितेरी डेभलपमेन्ट बैंक ९.०१, सेन्टर फाइनान्स र इन्फिनिटी लघुवित्तको ८ प्रतिशत, गोर्खा फाइनान्स, नेरुडे लघुवित्त, सबैको लघुवित्त, कालिका लघुवित्त, सोल्टी होटल लगायत १ दर्जन कम्पनीके सेयर मूल्य ७ प्रतिशतभन्दा धेरैले बढेको छ ।

बढ्दो बजारमा आज माउन्टेन इनर्जीको सेयर मूल्य सबैभन्दा धेरै ३.५२ प्रतिशतले घटेको छ ।