Category: अर्थतन्त्र

काठमाडौं । एसियाली विकास बैंक (एडीबी)ले नेपाललाई कोरोना खोप किन्न १६ करोड ५० लाख डलर (करिब २० अर्ब रुपैयाँ) ऋण दिने निर्णय गरेको छ । नेपालको कोरोना खोप अभियान सञ्चालन र आपूर्ति प्रणालीमा सहयोग पुग्ने एडीबीको भनाई छ । यो रकमले करीव १ करोड ५९ लाख डोज कोरोना खोप किन्न सकिने भएको छ ।

एडीबीका अध्यक्ष मासात्सुवु आसाकावाले एडीबीको यो सहयोगले अत्यावश्यक कोरोना खोप किन्दै आफ्ना नागरिकको सुरक्षा गर्न र संक्रमण नियन्त्रण गर्न सहयोग पुग्ने उनले बताएका छन् । छिट्टै खोप किन्दै अवस्था सामान्य बनाउनु अहिलेको आवश्यकता रहेको उनले उल्लेख गरेका छन् । यसअघि सन् २०२० डिसेम्बर एडिबीले एसिया प्यासेफिक क्षेत्रमा खोप खरिद गर्न ९ अर्ब डलर दिने निर्णय गरेको थियो । सोही अन्तर्गत नेपालले यो सहयोग पाएको हो ।

काठमाडौं । नेपाल राष्ट्र बैंकले नेपालका सबै बैंक तथा वित्तीय संस्थाका प्रणालीहरू सुरक्षित रहेको जनाएको छ ।

ह्याकरहरुले बैंकको सिस्टम ह्याक गरेर पैसा चोर्न धम्की दिएपछि राष्ट्र बैंकले बैंकिङ प्रणाली सुरक्षित रहेकाले आतंकित र त्रसित नहुन सबैलाई आग्रह गरेको हो ।

ह्याकरहरुले आतंक फैलाउन यस्तो फण्डा मच्चाएको भन्दै राष्ट्र बैंकले सबैलाई ढुक्क हुन आग्रह गर्दै यसबार थप अनुसन्धान अघि बढाइए जनाएको छ ।

ह्याकरहरुले बैंकहरुलाई बुधबार दिउँसो ३ः२८ बजे इमेलमार्फत अफलाइन र अनलाइन दुवै तरिकाबाट पैसा चोरी गर्ने भन्दै सन्देश पठाएपछि बैंकिङ क्षेत्र तरंगित बनेको थियो ।

बैंकले आफ्नो र ह्याक गर्ने भनेर किटान गरिएका बैंकहरुकोसमेत सबै प्रणाली परीक्षण गरिसकेको छ।

अहिलेसम्म राष्ट्र बैंकको आन्तरिक सिस्टम, आरटीजीएस, बैंक तथा वित्तीय संस्थाको कोर बैंकिङ सिस्टम, नेपाल क्लियरिङ हाउसलगायत सबै सिस्टम सुरक्षित रहेको बताएको छ । बैंक तथा वित्तीय संस्थाको व्यावसायिक कारोबारमा कुनै समस्या देखिएको छैन ।

ह्याकरले नेपाल राष्ट्र बैंक, कुमारी बैंक, नेपाल बैंक, नबिल, राष्ट्रिय वाणिज्य, माछापुच्छ्रे, एनएमबी, एनआइसी एशिया, बैंक अफ काठमाण्डू, सिटिजन्स इन्टरनेशनल, सानिमा, नेपाल एसबीआइ, एभरेष्ट, नेपाल इन्भेष्टमेन्ट र हिमालय बैंकलाई इमेल गर्दै पौसा चोर्न धम्की दिएका थिए ।

काठमाडौं । शेयर बजार दोहोरो अंकले बढेको छ । विहिबार शेयर बजार मापक सूचक नेप्से १८.७६ अंकले बढेर ३००४.३३ विन्दुमा पुगेको हो ।

आज २२२ कम्पनीको ११ अर्ब ११ करोड ४१ लाख २१ हजार ६१६ रुपैयाँ बराबरको ५ करोड ५९ लाख ६४ हजार ६२ कित्ता शेयर किनबेच भएका छन् ।

नेपाल स्टक एक्सचेन्जका अनुसार त्यसदिन लगानीकर्ताको रोजाइका बैकको शयेर परेको छ ।

कारोबारमा आएका १३ वटा समूहमध्ये ५ समूहको परिसूचकमा हरियाली छाएको छ भने ८ समूहको परिसूचक राताम्मे भएको छ । आज कृषि विकास बैंकको सर्वाधिक कारोबार भएको छ । कृषिको ४६ करोड २७ लाख ६४ हजार ६४० रुपैयाँ बराबरको खरिद–बिक्री भएको छ ।

सामूहिक लगानी कोष समूह सबैभन्दा धेरै ५.२७ प्रतिशतले बढेको छ भने बैंकिङ समूह पनि १.७२ प्रतिशतले बढेको छ । व्यापार समूह सबैभन्दा धेरै २.०२ प्रतिशतले घटेको छ ।

कोरोबारको दोस्रो नम्बरमा नेपाल बैंकको शेयर परेको छ । नेपाल बैकको ३६ करोड ५ लाख ८० हजार ७२८ रुपैयाँ बराबरको शेयर खरिद–बिक्री भएको छ ।

एनआइसी एशिया बैंकको शेयर तेस्रो स्थानमा रहेको छ । एनआइसी एशिया बैंकको ३६ करोड ४ लाख ४८ हजार ४४६ रुपैयाँ बराबरको शेयर खरिद–बिक्री भएको छ ।

चौथो नम्बरमा ङादी ग्रुप पावरको शेयर परेको छ । ङादी ग्रुप पावरको ३४ करोड ३४ लाख ५१ हजार ७०० रुपैयाँ बराबरको शेयर खरिद–बिक्री भएको छ ।

पाँचौं नम्बरमा सिद्धार्थ बैंकको शेयर परेको छ । सिद्धार्थको ३२ करोड ८ लाख ५२ हजार ७२८ रुपैयाँ बराबरको शेयर खरिद–बिक्री भएको छ ।

काठमाडौं । नेपाल वायुसेवा निगमको जहाजले आजबाट चीनमा खरीद गरेको कोरोना भाइरसविरुद्धको ओप ल्याउँदैछ । सो प्रयोजनका लागि लगातार तीन दिन जहाज चीन जाने भएको छ । नेपाल एयरलाइन्सका अनुसार आज पौने ६ बजे चीन जाने जहाजले बिहीबार बिहान खोप ल्याउने छ । यो जहाज बिहीबार साँझ पुनः चीन उड्ने छ । सो जहाज शुक्रबार काठमाडौं आउने छ । तेस्रो उडान ९ साउनमा हुने छ । १० सउनमा जहाज नेपाल आउने छ ।

यी तीन उडानबाट कम्तिमा ३० लाख डोज आउने छ । त्यसपछि नेपालमा पुनः प्राथमिकताका आधारमा खोप अभियानले तिव्रता पाउने भएको छ । सरकारले चीनबाट ४० लाख डोज खोप किनेको हो । यसमध्ये ८ लाख डोज खोप यसअघि नै नेपाल आइसकेको छ । चीनले थप १६ लाख डोज खोप अनुदानमा दिने भनेको छ । सरकारले चैतसम्म सबै नागरिकलाई खोप लगाइसक्ने भनेको छ ।

काठमाडौं । सेयर बजारमा करेक्शन आएको छ । यससाता आइतबारदेखि निरन्तर उकालो लागेको बजारमा आज सामान्य करेक्शन आएको हो ।

पछिल्लो दुई दिनमा नेप्से ११० अंकले बढेको थियो भने आज ९ अंक्ले करेक्शन आएको हो । आज सूचकसँगै कारोबार रकममा पनि गिरावट आएको छ । अघिल्लो दिनको तुलनामा कारोबार रकम ४ अर्बले घटेर पौने ८ अर्बमा सीमित भएको छ ।

आज सेयर बजार मापक सूचक नेप्से ९.०१ अंकले घटेर २९८५.५७ विन्दुमा आइपुगेको छ । आज २१९ कम्पनीको ७ अर्ब ८९ करोड ७५ लाख ९४ हजार २६९ रुपैयाँ बराबरको ३ करोड १६ लाख ८ हजार १९३ कित्ता सेयर किनबेच भएका छन् ।

कारोबारमा आएका १३ वटा समूहमध्ये ५ समूहको परिसूचकमा हरियाली छाएको छ भने ८ समूहको परिसूचक राताम्मे भएको छ ।सामूहिक लगानी कोष समूह सबैभन्दा धेरै ६.२९ प्रतिशतले बढेको छ भने फाइनान्स समूह १.३७ प्रतिशतले घटेको छ ।

आज कारोबारमा आएका २१९ कम्पनीमध्ये ९२ कम्पनीको सेयर मूल्य बढेको छ भने ११९ कम्पनीको मूल्यमा गिरावट आएको छ । ८ कम्पनीको मूल्य स्थिर रहेको छ ।

आज अरुण काबेली हाइड्रोपावरको सर्वाधिक कारोबार भएको छ । यसको झन्डै ३९ करोड रुपैयाँको कारोबार भएको छ । कारोबार रकमकै आधारमा अरुण भ्याली २७ करोड र नेपाल इन्स्योरेन्स २४ करोड बढीको कारोबार सहित शीर्ष तीन स्थानमा रहे ।

घट्दो बजारमा आज ४ कम्पनीको सेयर मूल्यमा पोजेटिभ सर्किट लागेको छ । लक्ष्मी उन्न्ति कोष र लक्ष्मी म्युचुअल फण्डको मूल्य १० प्रतिशतले बढेको छ ।

यस्तै, वरुण र माउन्टेन हाइड्रोपावरको सेयर मूल्य ९ प्रतिशतभन्दा धेरैले बढेको छ भने ग्लोबल आइएमई सम्मुनत स्कीम, एनआइसी एशिया ब्यालेन्स फण्ड, सानिमा इक्वीटी फण्ड, एनआइसी एशिया ग्रोथ फण्ड र सिटिजन्स् म्युचुअल फण्डको मूल्य ८ प्रतिशतभन्दा धेरैले बढेको छ ।

काठमाडौं । सेयर बजारको उकालो यात्रा आज पनि निरन्तर रहेको छ । आइतबार झन्डै १०० अंकले बढेको बजार आज पनि दोहोरो अंकले बढेको छ ।

आज सूचकसँगै कारोबार रकममा पनि उत्साहजनक नै रहेको छ । अघिल्लो दिनको तुलनामा कारोबार रकम करिब १७ करोडले बढेर पौने १२ अर्ब पुगेको छ ।

आज सेयर बजार मापक सूचक नेप्से १३.८० अंकले बढेर २९९४.४२ विन्दुमा पुगेको छ । आज २१९ कम्पनीको ११ अर्ब ८१ करोड ३७ लाख ५४ हजार ६०७ रुपैयाँ बराबरको ३ करोड ७५ लाख १३ हजार ३५४ कित्ता सेयर किनबेच भएका छन् ।

कारोबारमा आएका १३ वटा समूहमध्ये ८ समूहको परिसूचकमा हरियाली छाएको छ भने ५ समूहको परिसूचक राताम्मे भएको छ । व्यापार समूह सबैभन्दा धेरै ५.२२ प्रतिशतले बढेको छ भने फाइनान्स समूह १.१७ प्रतिशतले घटेको छ ।

आज कारोबारमा आएका २१९ कम्पनीमध्ये ११२ कम्पनीको सेयर मूल्य बढेको छ भने ९४ कम्पनीको मूल्यमा गिरावट आएको छ । १३ कम्पनीको मूल्य स्थिर रहेको छ ।

आज एनआइसी एशिया बैंकको सर्वाधिक कारोबार भएको छ । यसको ३५ करोड रुपैयाँको कारोबार भएको छ । कारोबार रकमकै आधारमा नबिल बैंकको ३३ करोड र नेपाल बंगलादेश बैंक ३१ करोड बढीको कारोबार सहित शीर्ष तीन स्थानमा रहे ।

दोहोरो अंकले बढेको बजारमा आज सिनर्जी पावर कम्पनीको सेयर मूल्यमा पोजेटिभ सर्किट लागेको छ । यसका लगानीकर्ताले ठ्याक्कै १० प्रतिशत कमाएका छन् ।

यस्तै, आज विशाल बजार कम्पनी ९.२०, नेपाल इन्स्योरेन्स ७.५७, नागरिक लगानी कोष ६.४०, हिमालयन ऊर्जा ५.९८, अरुण काबेली ५.७०, हिमालयन पावर ५.२८, एनआरएन इन्फ्रास्ट्रक्चर, साल्ट ट्रेडिङ र कालिका पावरको सेयर मूल्य ४ प्रतिशभन्दा धेरैले बढेको छ ।

बढ्दो बजारमा आज नेपाल इन्भेष्टमेन्ट बैंकको डिबेन्चरधनीले सबैभन्दा धेरै ५.८७ प्रतिशत गुमाएका छन् ।

काठमाडौं । सेयर बजारमा छलाङ आएको छ । नयाँ आर्थिक वर्षको पहिलो दिन बजारमा झन्डै १०० अंकको बढोत्तरी आएको हो ।

मुख्यगरी बैंक, विकास बैंक, बीमा कम्पनी र माइक्रोफाइनान्स समूहको सेयरमा चमक आउँदा नेप्सेले ठूलो छलाङ मारेको हो । नयाँ आर्थिक वर्ष शुरु भएसँगै सूचीकृत कम्पनीहरुले गत वर्षको वित्तीय विवरण सार्वजनिक गर्ने र लगत्तै लाभांश घोषणा गर्ने भएकाले लगानीकर्ता आशावादी हुँदा बजारले एकै दिन ठूलो फड्को मारेको हो ।

यस्तै, शुक्रबार नयाँ अर्थमन्त्री जर्नादन शर्माले सेयर बजारमा रहेका समस्या समाधान गर्दै सर्वसाधरण अनुकुल बनाइने बताएका थिए । अर्थमन्त्रलीले सेयर बजार सम्बन्धी सकारात्मक धारण राखेसँगै लगानीकर्ता उत्साहित हुँदा बजारले गति लिएको हो ।

आज सूचकसँगै कारोबार रकममा पनि ठूलो बढोत्तरी आएको छ । गतसाता औसतमा दैनिकसाढे ५ अर्ब हाराहारीमा कारोबार हुँदै आएकोमा आज दोब्बरले बढेर साढे ११ अर्ब बढीको कारोबार भएको छ ।

आज सेयर बजार मापक सूचक नेप्से ९७.२१ अंकले बढेर २९८०.६१ विन्दुमा पुगेको छ । आज २२१ कम्पनीको ११ अर्ब ६३ करोड ८१ लाख २६ हजार ४९३ रुपैयाँ बराबरको २ करोड ८८ लाख ६३ हजार ९३ कित्ता सेयर किनबेच भएका छन् ।

कारोबारमा आएका १३ वटै समूहको परिसूचकमा हरियाली छाएको छ । विकास बैंक समूहसबैभन्दा धेरै ५.०५ प्रतिशतले बढेको छ भने बैंकिङ समूह पनि ४.७१ प्रतिशतले बढेको छ ।

आज कारोबारमा आएका २२१ कम्पनीमध्ये १९४ कम्पनीको सेयर मूल्य बढेको छ भने २२ कम्पनीको मूल्यमा गिरावट आएको छ । ५ कम्पनीको मूल्य स्थिर रहेको छ ।

आज मञ्जुश्री फाइनान्सको सर्वाधिक कारोबार भएको छ । यसको झन्डै ४१ करोड रुपैयाँको कारोबार भएको छ । कारोबार रकमकै आधारमा नबिल बैंकको साढे ३३ करोड र अरुण भ्याली हाइड्रोपावर साढे ३७ करोड बढीको कारोबार सहित शीर्ष तीन स्थानमा रहे ।

छलाङ मारेको बजारमा आज ५ कम्पनीको सेयर मूल्यमा पोजेटिभ सर्किट लागेको छ । समृद्धि फाइनान्स, सिन्धु विकास बैंक, ङादी ग्रुप पावर, हिमालयन पावर र सिंगटी हाइड्रोपावरको सेयर मूल्य ठ्याक्कै १० प्रतिशतले बढेको छ ।

यसैगरी, सिद्धार्थ बैंक ८.५३ प्रतिशत, महालक्ष्मी विकास बैंक, एक्सेल डेभलपमेन्ट बैंक, पाँचथर पावर, एनआइसी एशिया र माछापुच्छे बैंकको सेयर मूल्य ७ प्रतिशतभन्दा धेरैले बढेको छ ।

यसैगरी, गोर्खा फाइनान्स, युनाइटेड मोदी हाइड्रोपावर, नेशनल हाइड्रो डेभलपरको ५ प्रतिशतभन्दा धेरैले बढेको छ भने मिर्मिरे माइक्रोफाइनान्स, पञ्चकन्यामाइ र खानीखोला हाइड्रोपावरको सेयर मूल्य ४ प्रतिशतभन्दा धेरैले बढेको छ ।

बढ्दो बजारमा आज कृषि विकास बैंक डिबेञ्चरको सेयर मूल्य सबैभन्दा धेरै ३।९० प्रतिशतले घटेको छ ।

जनकपुर । आज जनकपुर–जयनगर रेलको रेल्वे ट्र्याकको गति परीक्षण हुने भएकाले ट्र्याक नजिक नबस्न आह्वान गरिएको छ । प्रतिघण्टा १२० किलोमिटरको गतिमा रेलको परीक्षण हुने भएको छ । रेल व्यवसायिक रुपमा सञ्चालनको तयारी अन्तिम चरणमा छ । सोहीक्रममा रेल्वे ट्र्याकको गति परीक्षण र प्रमाणीकरण गर्न लागिएको नेपाल रेल्वे कम्पनीले जनाएको छ ।

कम्पनीका महाप्रबन्धक गुरु भट्टराईले ट्र्याक नजिक नबस्न र परीक्षणमा सहयोग गर्न स्थानीयलाई आह्वान गरेका छन् । सो क्रममा कुनै क्षति भएमा व्यक्ति स्वयमः जिम्मेवार हुनपर्नेछ । आज परीक्षणका क्रममा रेल्वे लिकको ‘स्पिड’ र ‘सर्टिफिकेशन’को काम गरिनेछ । भारतको इस्ट–सेन्ट्रल रेल्वेको डिजल लोकोमोटिभ रेलले ‘ट्र्याक स्पिड’ परीक्षण गर्दैछ ।

यो रेलमा एक पटकमा एक हजार तीन सय मानिसले यात्रा गर्न सक्छन् । जनकपुर–जयनगर–कुर्थासम्म ३५ किलोमिटर दूरीमा रेल चल्ने छ । यो रेल महोत्तरीको बिजलपुरा हुँदै बर्दिबाससम्म बिस्तारको योजना छ ।

परीक्षणपछि रेल जयनगरबाट जनकपुर आउँदा–जाँदा रेल्वे ट्र्याकमा समस्या नभए जनकपुर–जयनगर रेल्वे ट्र्याक रेल सेवा सञ्चालनका लागि उपयुक्त र सुरक्षित भनी नेपाल रेल्वे कम्पनी लिमिटेडले प्रमाणपत्र पाउने छ । त्यसपछि रेल नियमित संचालनमा आउने छ । आज रेल्वे ट्र्याक वरपर व्यक्ति, पशु चौपाया, साइकल, मोटरसाइकल छाड्दा दूर्घटनाको जोखिम हुन्छ ।

काठमाडौं । नवनियुक्त अर्थमन्त्री जनार्दन शर्माले शेयर बजारलाई सर्वसाधारण अनुकूल बनाइने बताएका छन्। अर्थमन्त्रीमा नियुक्त भएपछि शुक्रवार अर्थमन्त्रालयमा पत्रकारहरुसंग छलफल गर्दै शर्माले शेयर बजारमा देखिएका समस्या समाधान गरेर सर्वसाधारण अनुकूल बनाइने बताएका हुन ।

शेयर बजार वार्षिक करिब १४ अर्ब राजस्व उठ्ने क्षेत्र भएकाले यसमा आफुले ध्यान पुर्याउने शर्माको भनाई थियो । उनले अर्थतन्त्रको वास्तविक अवस्थालाई जानकारी दिन स्वेतपत्र समेत जारी गर्ने जानकारी दिए ।

शर्माले केपी शर्मा ओली नेतृत्वको सरकारले अध्यादेशमार्फत ल्याएको बजेट भने संसदमा पेश गर्ने बताए । यद्यपि, आफू अहिलेको समग्र अर्थतन्त्रको अवस्थाबारे भने अध्ययनकै क्रममा रहेको उनले बताए । साथै, उनले अर्थतन्त्रको पछिल्लो अवस्था समेटेर छिट्टै स्वेतपत्र ल्याउने घोषणा गरेका छन् ।

काठमाडौं । नेपाल आयल निगम लिमिटेडले पेट्रोलियम पदार्थको मूल्य घटाएको छ । भाउ बढेपछि विद्यार्थी संगठनहरु संयुक्त आन्दोलनमा उत्रिएका थिए । त्यसपछि संगठन र निगमसँगको वार्तापछि मुल्य घटाइएको निगमले जनाएको छ । नेपाल विद्यार्थी संघ, अनेरास्ववियु क्रान्तिकारी, अनेरास्ववियु, समाजवादी विद्यार्थी युनियन र अखिल छैठौं मूल्यवृद्धि विरुद्ध आन्दोलनको घोषणा गरेका थिए ।

निगम सञ्चालक समितिको निर्णय बमोजिम बुधबार राति १२ बजेदेखि लागू हुने गरी पेट्रोल तथा डिजेल र मट्टितेलको साविकको खुद्रा बिक्री मूल्यमा प्रतिलिटर एक रुपैयाँ मूल्य घटाएको छ । अब पेट्रोल प्रतिलिटर १२८ र डिजेल तथा मटितेलको मूल्य १११ रुपैयाँ कायम भएको छ । अन्तर्राष्ट्रिय बजारमा कच्चा तेलको मूल्य निरन्तर बढिरहेको र सोको कारणले निगमको लागत बढी रहेकोले निगमको आर्थिक स्थिति उकास्न पेट्रोलियम पदार्थको मूल्यलाई समायोजन गर्दै लानुपर्ने बाध्यता रहेको समेत बताएको छ ।

काठमाडौं । अर्थ मन्त्रालयले कोभिड खोप किन्न स्वास्थ्य तथा जनसंख्या मन्त्रालयका नाममा ५ अर्ब रुपैयाँ बजेट सहमति प्रदान गरेको छ । अर्थमन्त्री जनार्दन शर्माले बुधबार पदभार ग्रहण गर्दै यस्तो निर्णय गरेका हुन् । उनले खोप खरिदका लागि स्वास्थ्य मन्त्रालयलाई बजेट सहमति अनुसार फाइल सदर गरेका हुन् ।

आजै अर्थले यसअघि खर्चको सहमति दिएका विभिन्न संघीय, प्रादेशिक, जिल्ला र स्थानीय तह स्तरका स्वास्थ्य संस्थालाई समेत बजेट स्वीकृत गरेको छ । स्वास्थ्यबाट आईसीयू, एचडीयू तथा भेन्टिलेटर खरीद भई भुक्तानीका लागि माग आएको ९६ करोड १२ लाख रुपैयाँ उपलब्ध गराउने सम्बन्धी फाइल समेत सदर भएको छ । प्रादेशिक र स्थानीय अस्पतालाई यसअघि सहमति दिए अनुसार ५२ करोड ४६ लाख रुपैयाँ उपलब्ध गराउन समेत अर्थले फाइल सदर गरेको छ ।

कोभिड सम्बन्धी विभिन्न दायित्व, अस्पतालको सोधभर्ना र जोखिमभत्ता समेतका लागि संघीय स्तरका लागि ५६ करोड ४१ लाख र प्रदेश र स्थानीय तहमा जाने गरी ३७ करोड २४ लाख रुपैयाँ निकासाको फाइल समेत अर्थमन्त्री शर्माले सदर गरेको उनको सचिवालयले जनाएको छ ।

काठमाडौं । सरकारले कोरोनाबाट प्रभावित अर्थतन्त्र पुनरुत्थान गर्न एक साताभित्रै विशेष राहत प्याकेज ल्याउने भएको छ । मंगलबार राती बसेको मन्त्रिपरिषद् बैठकले यस्तो निर्णय गरेको हो । ओली सरकारले कोरोना महामारी र अर्थतन्त्रमा परेको प्रभावलाई पूर्ण वेवास्ता गरेको थियो । देउवा नेतृत्वको सरकारले भने यसमा मल्हम लगाउने निर्णय गरेको हो ।

सरकारले ओली सरकारको पालामा कोरोना महामारीका नाममा भएको खर्चको विवरण समेत एक साता भित्रै सार्वजनिक गर्ने भएको छ । यसबीचमा विकास निर्माणको कामलाई तीव्रता दिने, आर्थिक स्रोतको अभाव हुन नदिने, राष्ट्रिय हितलाई सर्वोपरी राखी छिमेकी मित्रराष्ट्र लगायत सबै मित्रराष्ट्र र अन्तर्राष्ट्रिय संघ संस्थाहरूसँगको सम्बन्ध र सहकार्यलाई थप सदृढ बनाउँदै जाने निर्णय समेत गरेको छ ।

परिवर्तित सन्दर्भमा मन्त्रिपरिषद् तथा यसका विभिन्न समितिमा प्रक्रियामा रहेका सम्पूर्ण प्रस्ताव समेत अब सम्बन्धित मन्त्रालयमा फिर्ता जाने छन् ।

काठमाडौं । सेयर बजारमा उछाल आएको छ । करिब २२५ अंकको करेक्शनपछि गत बिहीबारदेखि उकालो लागेको बजारमा आज उछाल आएको हो ।

पछिल्लो दुई कारोबार दिनमै नेप्से करिब १०० अंकले बढेको छ । सूचकसँगै आज कारोबार रकममा पनि उल्लेख्य बढोत्तरी आएको छ । गतसाता औसतमा दैनिक सवा ४ अर्ब हाराहारीमा कारोबार हुँदै आएकोमा आज झन्डै दोब्बरले बढेर ८ अर्ब नाघेको छ ।

झन्डै १ महिनाको करेक्शनपछि बजारले लय पकड्दा लगानीकर्ता उत्साहित भएका छन् । जसले कारोबार रकममा बढोत्तरी आएको हो ।

आज सेयर बजार मापक सूचक नेप्से ७४.७१ अंकले बढेर २८९९.८२ विन्दुमा पुगेको छ । आज २२५ कम्पनीको ८ अर्ब ६ करोड १३ लाख ८२ हजार ४९६ रुपैयाँ बराबरको ३ करोड १५ लाख ८८ हजार ८५० कित्ता सेयर किनबेच भएका छन् ।

कारोबारमा आएका १३ वटै समूहको सूचकमा हरियाली छाएको छ । फाइनान्स र विकास बैंक समूह सबैभन्दा धेरै ८ प्रतिशतभन्दा धेरैले बढेका छन् । यस्तै, बैंक, हाइड्रोपावर, निर्जीवन बीमा, जीवन बीमा र माइक्रोफाइनान्स समूह पनि २ प्रतिशभन्दा धेरैले बढेका छन् ।

आज कारोबारमा आएका २२५ कम्पनीमध्ये २०२ कम्पनीको सेयर मूल्य बढेको छ भने १२ कम्पनीको मूल्यमा गिरावट आएको छ । ११ कम्पनीको मूल्य स्थिर रहेको छ ।

आज एनआइसी एशिया बैंकको सर्वाधिक कारोबार भएको छ । यसको झन्डै ४० करोड रुपैयाँको कारोबार भएको छ । कारोबार रकमकै आधारमा नबिल बैंक साढे २५ र नेपाल बैंक २४ करोड बढीको कारोबार सहित शीर्ष तीन स्थानमा रहे ।

आज लगानीकर्ता फाइनान्स र विकास बैंकको सेयरमा झुम्मिएका छन् । यी समूहका अधिकांश कम्पनीको सेयर मूल्य उच्च अंकले बढेको छ ।

उच्च अंकले बढेकोे बजारमा झन्डै २ दर्जन कम्पनीको सेयर मूल्यमा पोजेटिभ सर्किट लागेको छ । सर्किट लाग्नेमा अधिकांश फाइनान्स र विकास बैंक रहेका छन् ।

आज गोर्खा, श्री इन्भेष्टमेन्ट र आइसीएफसी फाइनान्सको सेयर मूल्य ठ्याक्कै १० प्रतिशतले बढेको छ । यसैगरी, साइन रेसुंगा, मल्टिप्रपोज, समृद्धि, गुडविल फाइनान्स, महालक्ष्मी, सांग्रिला विकास बैंक, हिमाल दोलखा हाइड्रोपावरका सेयरधनीले पनि करिब १० प्रतिशत कमाएका छन् ।

यस्तै, ज्योति विकास, सप्तकोशी, कर्णाली, ग्रीन डेभलपमेन्ट बैंक, प्रोग्रेसिभ, बेस्ट, सेन्टर, रिलायन्स, जानकी, पोखरा फाइनान्स, नेशनल र खानीखोला हाइड्रोपावरको सेयर मूल्यमा पनि पोजेटिभ सर्किट लागेको छ ।

काठमाडौं । विश्व बैंकले नेपाललाई थप १२ अर्ब रुपैयाँ (१० करोड अमेरिकी डलर) ऋण दिने भएको छ । नेपालको शिक्षा र स्वास्थ्य क्षेत्रको सुधारका लागि भन्दै विश्व बैङ्कले थप १० करोड डलर ऋण सहायता अनुमोदन गरेको हो । विश्वै बैङ्कले शिक्षाका लागि पाँच करोड र स्वास्थ्यका लागि पाँच करोड डलर सहयोग दिन लागेको हो । विश्व बैङ्कले विद्यालय क्षेत्र विकास कार्यक्रमलाई थप प्रवद्र्धन गर्न सहयोग गर्न लागेको जनाएको छ ।

त्यस्तै स्वास्थ्य क्षेत्रमा सार्वजनिक स्रोत व्यवस्थापन प्रणालीको सुदृढीकरणका लागि यो रकम उपयोग हुने उल्ल्ेख गरेको छ । विश्व बैङ्कका नेपाल, माल्दिभ्स र श्रीलङ्काका लागि देशीय निर्देशक फारिस हदाद जेरभोसका अनुसार यो सहायताबाट नेपालको शिक्षा क्षेत्रलाई सक्षम बनाउन तथा स्वास्थ्य प्रणालीलाई चुस्त बनाउन नेपाल सरकारलाई मद्दत पुग्नेछ ।

नेपालमा गरिब तथा विपन्न समुदायका लागि शिक्षा र स्वास्थ्यसम्मको पहुँच जटिल भएको भन्दै उनले यो सहायताबाट हामीले बीचमै विद्यालय छाडेका बालबालिकाका लागि विद्यालय फर्कन सक्ने वातावरण बन्ने अपेक्षा गरेका छन् । गुणस्तरीय स्वास्थ्य सेवाको पहुँचमा पनि प्रभावकारी सुधार आउनेमा विश्व बैङ्कको विश्वास छ ।

विद्यालय क्षेत्र विकास कार्यक्रमले बालबालिकाको स्कुल अध्ययनलाई निरन्तरता दिने वातावारण निर्माण गर्ने लक्ष्य राखेको छ । यस्तै स्वास्थ्य क्षेत्रको सहयोगले कोभिड–१९ महामारीको अवस्थामा जटिल रहेको नेपालको स्वास्थ्य प्रणालीलाई सहयोग पुर्याउने लक्ष्य लिएको जनाएको छ ।

काठमाडौं । नेपालमा आर्थिक वर्षको अन्तिम साता चलिरहेको छ । यस अवस्थामा राजश्व संकलन र खर्चको चाप दुबै बढ्छ । सोही प्रयोजनका लागि आज शनिबार पनि बैंकका शाखा तथा काउन्टर भने खुला हुने भएका छन् । चालु आर्थिक वर्षको अन्तिम शनिबार भएका कारण बैंकहरुले राजश्व संकलनका लागि समस्या नहोस् भनेर सेवा सुचारु राखेका हुन् ।

त्रैमासको अन्तिम दिन सार्वजनिक बिदा वा २५ गते पछाडि शनिबार परे शाखा कार्यालय खुला राख्ने गरिएको छ । त्रैमासको २५ गते पछाडि शनिबार परे पनि खोल्न राष्ट्र बैंकले नै प्रोत्साहन गर्दै आएको छ । सरकारले यो आवमा ११ खर्ब हाराहारी राजस्व संकलनको लक्ष्य राखेको छ ।

काठमाडौं । विश्वभर तीन अर्ब ३५ करोड ६२ लाख ४७ हजार ३२१ डोज कोरोनाविरुद्ध खोप लगाइएको छ । कोरोनाविरुद्ध खोप लगाएका दश देशको तथ्याङ्हरु यस प्रकार रहेका छन् ।

चीनमा एक अर्व ३४ करोड २३ लाख ८१ हजार डोज कोरोनाविरुद्ध खोप लगाइएको छ । भारतमा ३७ करोड २२ लाख ५५ हजार ७८६ डोज कोरोनाविरुद्ध खोप लगाइएको छ । अमेरिकामा ३३ करोड १२ लाख २ हजार ६४१ डोज कोरोनाविरुद्ध खोप लगाइएको छ । ब्राजिलमा दश करोड ३८ लाख २४ हजार ८५४ डोज कोरोना भाइरसविरुद्ध लगाइएको छ ।

बेलायतमा आठ करोड ४ लाख ७२ हजार ५४४ डोज कोरोना भाइरसविरुद्ध खोप लगाइएको छ । जर्मनी सात करोड ९७ लाख २९ हजार २५१ डोज कोरोनाविरुद्ध खोप लगाइएको छ ।

पोल्याण्ड छ करोड ११ लाख ३७ हजार २३९ डोज कोरोना भाइरसविरुद्ध खोप लगाइएको छ । फ्रान्स पाँच करोड ७९ लाख ४२ हजार ३६५ डोज कोरोनाविरुद्ध खोप लगाइएको छ ।

टर्कीमा पाँच करोड ६४ लाख १६ हजार १७३ डोज कोरोना भाइरसविरुद्ध खोप लगाइएको छ । इटाली पाँच करोड ६० लाख ४७ हजार ९४८ डोज कोरोनाविरुद्ध खोप लगाइएको छ ।

काठमाडौं । साताको कारोबारको अन्तिम दिन नेपाल स्टक एक्सचेञ्ज (नेप्से) दोहोरो अंकले बढेको छ । विहिबार नेप्से २३.९७ अंकले बढेर २८२५.११ विन्दुमा पुगेको छ ।

नेपाल स्टक एक्सचेन्जका अनुसार त्यसदिन २२३ कम्पनीको ४ अर्ब ८१ करोड ५५ लाख २० हजार २९४ रुपैयाँ बराबरको १ करोड ३१ लाख ४३ हजार २४० कित्ता शेयर किनबेच भएका छन् ।

आज कारोबारमा आएका १३ समूहको परिसूचक मध्ये ११ वटामा बढेको छ भने अन्य ८२ वटा राताम्मे भएका छन् । फाइनान्स समूह सबैभन्दा धेरै ३ प्रतिशतले बढेको छ । यस्तै, विकास बैंक २.१२ प्रतिशत र हाइड्रोपावर समूह १.९२ प्रतिशतले बढेको छ । निर्जीवन बीमा ४, उत्पादन २३, माइक्रोफाइनान्स ६८ र जीवन बीमा समूह ४२ अंकले बढेका छन्।

अन्य १२ र ब्यापार समूह २० अंकले घटेका छन्। यस दिन गुहेश्वरी मर्चेन्ट बैंकको मूल्य ९ प्रतिशतले बढेको छ।

दोहोरो अंकले बढेकोे बजारमा आज गुह्येश्वरी मर्चेन्ट फाइनान्सको शेयर मूल्य सबैभन्दा धेरै ९.४७ प्रतिशतले बढेको छ । यस्तै, जोशी, घलेम्दी, युनियन हाइड्रोपावर, मल्टिप्रपोज फाइनान्स र सिभिल लघुवित्तको सेयर मूल्य ५ प्रतिशतभन्दा धेरैले बढेको छ ।

यस्तै, समृद्धि फाइनान्स, पाँचथर पावर, खानीखोला, गुडविल फाइनान्स, सेन्टर फाइनान्स, महालक्ष्मी विकास बैंक, मञ्जुश्री र पोखरा फाइनान्सको शेयर मूल्य पनि ४ प्रतिशतभन्दा धेरैले बढेको छ ।

आज नेपाल बैंकको सर्वाधिक कारोबार भएको छ । यसको साढे २१ करोड रुपैयाँ बढीको कारोबार भएको छ । कारोबार रकमकै आधारमा हिमालयन डिस्ट्रीलरी १७ करोड र एनआइसी एशिया बैंक साढे १६ करोड बढीको कारोबार सहित शीर्ष तीन स्थानमा रहे ।

काठमाडौं । सरकारले बाढी पहिरोले देशभरका सडकमा रहेका पुलमा  भएको क्षतिबारे अध्ययन गर्न कार्यदल गठन गरेको छ । भौतिक पूर्वाधार तथा यातायात मन्त्रालयले बाढीपहिराका कारण सडक पुलमा पुगेको क्षतिबारेमा अध्ययन गर्न कार्यदल गठन गरेको हो । सडक विभाग, पुल महाशाखाका प्रमुख दीपक श्रेष्ठको संयोजकत्वमा सात सदस्यीय कार्यदल बनाइएको छ । मन्त्रालयका अनुसार समितिले आगामी साउन ७ गतेभित्र आफ्नो प्रतिवेदन सरकारलाई बुझाउने छ ।

यो पटकको मनसुनमा निर्माणाधिन र बनिसकेका पुलसमेत निरन्तर भत्किएका छन् । यसले पुल निर्माणको गुणस्तरमै प्रश्न उठेपछि सरकारले कार्यदल गठन गरेको हो । कार्यदलले निर्माण सम्पन्न भएका र निर्माणाधीन पुलमो भएको क्षतिको अध्ययन गर्नेछ । कार्यदलले आगामी दिनमा यस्ता क्षति न्यूनीकरणका लागि अपनाउनुपर्ने उपायका विषयमा सुझाव समेत दिने राससले जनाएको छ ।

काठमाडौं । नेपालमा पेट्रोलियम पदार्थको भाउ पुनः बढेको छ । नेपाल आयल निगमले इन्धनको मूल्य बढाउने निर्णय गरेको हो । बढेको मूल्य आज राती १२ बजेबाटै लागु हुने छ । निगमले दुई सातामा दोस्रो पटक मूल्य बढाएको हो । यसअघि १० असारमा मूल्य बढेको थियो । अब पेट्रोलको भाउ प्रतिलिटर २ रुपैयाँले बढेर १२९ रुपैयाँ कायम भएको छ ।डिजेल र मटितेलको मूल्य अब प्रतिलिटर २ रुपैयाँ बढेर ११२ रुपैयाँ पुगेको छ ।

हवाई इन्धन आन्तरिकतर्फ प्रतिलिटर २ रुपैयाँ बढेर ८४ रुपैयाँ, हवाई इन्धन (अन्तर्राष्ट्रिय) प्रतिकिलोलिटर १९ अमेरिकी डलर बढेर ७४५ डलर पुगेको छ । खाना पकाउने ग्यासको मूल्य प्रतिसिलिण्डर २५ रुपैयाँका दरले बढेको छ । अब ग्यास प्रतिसिलण्डर १४ सय २५ रुपैयाँ पुगेको छ । यति मूल्य वृद्धि गर्दा पनि निगमलाई पाक्षिक करीव साढे एक अर्ब रुपैयाँ घाटा हुने निगमको भनाई छ ।

काठमाडौं । आइतबारदेखि निरन्तर ओरालो लागेको बजारले आफ्नो यात्रा कायमै राखेको छ । साताको कारोबारको तेस्रोदिन नेपाल स्टक एक्सचेञ्ज (नेप्से) झिनो अंकले घटेको छ । मंगलबार नेप्से ५२४ अंकले घटेर २८१८. ११ विन्दुमा झरेको छ ।

नेपाल स्टक एक्सचेन्जका अनुसार त्यसदिन २२० कम्पनीको ४ अर्ब २२ करोड ४० लाख १८ हजार २५५ रुपैयाँ बराबरको १ करोड १ लाख ३५ हजार २०९ कित्ता शेयर किनबेच भएका छन् ।

आज कारोबारमा आएका १३ समूहको परिसूचक मध्ये ५ वटामा बढेको छ भने अन्य ८ वटा राताम्मे भएका छन् ।

आज हाइड्रो इलेक्ट्रोसीटी इन्भेष्टमेन्ट एण्ड डेभलपमेन्ट कम्पनी र अप्पर तामाकोशीका लगानीकर्ताले सर्वाधिक गुमाएका छन् । यी कम्पनीको शेयरमूल्य करिब ६ प्रतिशतले घटेको छ ।

रिडी हाइड्रो ४.११, नेशनल हाइड्रो ३.९३, नेपाल इन्स्योरेन्स ३.५३, राधी विद्युत्, जोशी र विशाल बजार कम्पनीको शेयर मूल्य ३ प्रतिशतभन्दा धेरैले घटेको छ ।

निर्जीवन बीमा समूह सबैभन्दा धेरै १.२ प्रतिशतले बढेको छ । यस्तै, उत्पादनमूलक समूह पनि १ प्रतिशतले बढेको छ भने हाइड्रोपावर समूह सबैभन्दा धेरै १.७३ प्रतिशतभन्दा धेरैले घटेको छ ।

हिमालयन डिस्ट्रीलरीको सर्वाधिक कारोबार भएको छ । यसको झन्डै ३६ करोड रुपैयाँ बढीको कारोबार भएको छ । कारोबार रकमकै आधारमा माथिल्लो तामाकोशी २० करोड र नेपाल बैंक १३ करोड बढीको कारोबार सहित शीर्ष तीन स्थानमा रहे ।