Category: अर्थतन्त्र

काठमाडौं । सरकारले काठमाडौं उपत्यकामा निषेधाज्ञा थप एक साता लम्ब्याउने तयारी गरेको छ । १३ जेठसम्म निषेधाज्ञा गरेको सरकारले यसबीचमा अपेक्षित संक्रमण कम नभएपछि लम्ब्याउने भएको छ । सो सम्बन्धमा निर्णय गर्न आज उपत्यकाका तीन वटै जिल्लाका प्रमुख जिल्ला अधिकारीहरुको बैठक बस्दैछ । निषेधाज्ञा थप्ने र यस बीचमा थप कडाईका निर्णयहरु समेत आज सार्वजनिक गर्ने तयारी छ ।

स्वास्थ्यका मापदण्ड र निषेधाज्ञाका नियम पालना नगरे कडा कारवाही गर्नेसहितका नियम राखेर सरकारले अध्यादेश ल्याएको छ । सो अध्यादेश अनुसारका आदेश आज जिल्ला प्रशासन कार्यालयहरुबाट हुने भएको हो । कोरोनाको सङ्क्रमण फैलिएपछि सरकारले वैशाख १६ बाट काठमाडौं उपत्यकामा निषेधाज्ञा थालेको हो । गृह मन्त्रालयले निषेधाज्ञाको पालना गर्न र थप कडाइ गर्न प्रमुख जिल्ला अधिकारीलाई अधिकार दिइसकेको छ । अहिले देशभर ७५ जिल्लामा निषेधाज्ञा जारी भइसकेको छ ।

काठमाडौं । पछिल्लो समय लगातार दैनिक जस्तो नयाँ रेकर्ड बनाउँदै आएको शेयर बजारले आज फेरि नयाँ कीर्तिमान बनाएको छ ।

एकैदिन सर्वाधिक कारोबार,सार्वाधिक कित्ता शेयर किनबेच र ऐतिहासिक बिन्दुको रेकर्ड बनेको छ । सोमबार एकैदिन १३ अर्ब बढीको कारोबार भएको छ । यो कारोबार हालसम्मकै उच्च हो । यसअघि २०७७ जेठ ५ गते बुधबार ११ अर्ब ९५ करोड ८० लाख बराबरको करोबार भएर नेप्सेले नयाँ रेकर्ड कायम गरेको थियो ।

नेप्से इतिहासकै उच्च २८२३ विन्दुको उचाइ चुम्दै नयाँ रेकर्ड बनाएको हो । आइतबार नेप्से इतिहासकै उच्च विन्दु १८२० मा पुगेको थियो । सर्वाधिक कित्ता शेयर किनबेचको पनि रेकर्ड बनेको छ ।

आज एकै दिन २ करोड ७१ लाख बढी कित्ता शेयर कारोबार भएको छ । यो हालसम्मकै सर्वाधिक हो । यसअघि गत जेठ ५ हालसम्मकै सर्वाधिक २ करोड ५१ लाख बढी कित्ता शेयर किनबेच भएको थियो ।

नेप्सेले सूचकमा नयाँ रेकर्ड बनाएको नेप्से ३.५ अकले बढेर २८२३.५ विन्दुमा पुगेको हो ।

नेपाल स्टक एक्सचेन्जका अनुसार सोमबार २१६ कम्पनीको १३ अर्ब १७ करोड ५३ लाख ५३ हजार १८७ रुपैयाँ बराबरको २ करोड ७१ लाख ४० हजार २०२ कित्ता शेयर किनबेच भएका छन् ।

कारोबारमा आएका ५ समूहको परिसूचकमा हरियालीे छाएको छ । भने बाँकी ८ वटाको परिसूचक ओरोलो लागेको छ । निर्जीवन बीमा समूहको परिसूचक सबैभन्दा धेरै १९६.६४ अंकले बढेको छ भने व्यापार समूह ५७.६ अंकले घटेको छ ।

आज कारोबारमा आएका २१६ कम्पनीमध्ये ९० कम्पनीको शेयर मूल्य बढेको छ भने ११० कम्पनीको मूल्यमा गिरावट आएको छ । १६ कम्पनीको मूल्य स्थिर रहेको छ ।

आज एचआइडीसीएलको सर्वाधिक कारोबार भएको छ । यसको १ अर्ब २६ करोड रुपैयाँ बढीको कारोबार भएको छ । यससँगै एचआइडीसीएल एकैदिन १ अर्ब बढी कारोबार हुने तेस्रो कम्पनी बनेको छ । यसअघि नेपाल लाइफ इन्स्योरेन्स र नेपाल इन्फ्रास्ट्रक्चर बैंकको एकैदिन १ अर्ब बढीको कारोबार भएको थियो ।

कारोबार रकमकै आधारमा नेको इन्स्योरेन्स ३७ करोड र नेपाल पुनर्बीमा कम्पनीको २८ करोडको कारोबार सहित शीर्ष तीनमा रहे । नेप्सेका अनुसार आज ६ कम्पनीको शेयरमूल्यमा उछाल आएको छ ।

आज शेयरमूल्यमा उच्च बृद्धि हुने कम्पनीहरुमा बरुण हाइड्रोपावर कम्पनी, युनाईटेड इदी मर्दी हाइड्रोपावर, माउन्टेन हाइड्रो नेपाल लिमिटेड, ग्रीन डेभल पमेन्ट बैंक, अरुण भ्यालि हाइड्रोपावर डेभलपमेन्ट कम्पनी र हाइड्रो इलेक्ट्रोसिटी इन्भेष्टमेन्ट एण्ड डेभलपमेन्ट कम्पनी रहेका छन् ।

काठमाडौं । पछिल्लो समय लगातार दैनिक जस्तो नयाँ रेकर्ड बनाउँदै आएको सेयर बजारले आज फेरि नयाँ कीर्तिमान बनाएको छ । बजारखुल्न साथ करिब ५० अंकले घटेको बजार अन्त्यमा दोहोरो अंकले फर्किँदै इतिहासकै सर्वाधिक उच्च विन्दुको रेकर्ड बनाएको छ ।

नेप्से इतिहासकै उच्च २८१४ विन्दुको उचाइ चुम्दै नयाँ रेकर्ड बनाएको हो । नेप्सेले २८०० विन्दुमाथि पुगेको यो इतिहासमै पहिलो पटक हो । यसअघि जेठ ४ गते नेप्सेले इतिहासकै सर्वाधिक २७९३ विन्दुको रेकर्ड बनाएको थियो ।

गतवर्ष कोरोना कालदेखि उकालो लागेको बजार त्यसयता निरन्तर बढिरहेको छ । अहिले पनि कोरोनाका कारण देशको अर्थतन्त्र ठप्पप्रायः हुँदा लगानीकर्ता सेयर बजारमा होमिँदा बजारले दिनदिनै नयाँ रेकर्ड बनाउँदै गएको जानकारहरु बताउँछन् ।

नेप्सेले सूचकमा नयाँ रेकर्ड बनाएको दिन इतिहासकै दोस्रो धेरै कारोबार भएको छ । आज एकै दिन ११ अर्ब ६९ करोडको कारोबार भएको छ । यसअघि जेठ ४ गते सर्वाधिक ११ अर्ब ९५ करोड रुपैयाँको कारोबार भएको थियो ।

नेप्सेले नयाँ रेकर्ड कायम गरेको दिन बजार पूँजीकरणमा पनि नयाँ रेकर्ड रेकर्ड बनाएको छ । नेप्सेमा सूचीकृत कम्पनीहरुको पूँजीकरण ३९ खर्ब नजिक पुगेको छ । यो हालसम्मकै धेरै हो भने देशको जीडीपीभन्दा पनि धेरै हो ।

आज सेयर बजार मापक सूचक नेप्से ३२.८१अंकले बढेर २८२० विन्दुमा पुगेको छ । नेपाल स्टक एक्सचेन्जका अनुसार आज २२० कम्पनीको ११ अर्ब ६९ करोड ५० लाख ३४ हजार ७२८ रुपैयाँ बराबरको २ करोड ५१ लाख ६३ हजार ६६० कित्ता सेयर किनबेच भएका छन् ।

आज कारोबारमा आएका १३ वटा समूहमध्ये १० वटा समूहको परिसूचकमा हरियालीे छाएको छ भने ३ समूहको सूचक राताम्मे भएको छ । विकास बैंक समूहको परिसूचक सबैभन्दा धेरै २३९.८९ अंकले बढेको छ भने माइक्रोफाइनान्स समूह २०.७ अंकले घटेको छ ।

आज कारोबारमा आएका २२० कम्पनीमध्ये १४७ कम्पनीको सेयर मूल्य बढेको छ भने ६४ कम्पनीको मूल्यमा गिरावट आएको छ । ९ कम्पनीको मूल्य स्थिर रहेको छ ।

आज नेपाल पुनर्बीमा कम्पनीको सर्वाधिक कारोबार भएको छ । यसको ४१ करोड ८६ लाख रुपैयाँ बढीको कारोबार भएको छ । कारोबार रकमकै आधारमा नेशनल लाइफ इन्स्योरेन्स ३७ करोड र ज्योति विकास बैंक २३ करोडको कारोबार सहित शीर्ष तीनमा रहे ।

दोहोरो अंकले बढेको बजारमा १६ कम्पनीको सेयर मूल्य पोजेटिभ सर्किट लागेको छ । कर्णाली र ग्रीन डेभलपमेन्ट बैंकको सेयर मूल्य ठ्याक्कै १० प्रतिशतले बढेको छ ।

यसैगरी, महालक्ष्मी विकास बैंक, सांग्रिला विकास बैंक, युनाइटेड इदी मार्दी हाइड्रोपावर, कालिका पावर, बेस्ट फाइनान्स, गुडविल फाइनान्स, सप्तकोशी विकास बैंक, वरुण हाइड्रोपावर, सिनर्जी पावर, श्रीइन्भेष्टमेन्ट, आइसीएफसी, सेन्टर, पोखरा र समृद्धि फाइनान्सका लगानीकर्ताले करिब १० प्रतिशत कमाएका छन् ।

बढ्दो बजारमा आज रुरु जलविद्युत् कम्पनीको सेयर मूल्य सबैभन्दा ३.७३ प्रतिशत घटेको छ ।

काठमाडौं । काठमाडौं उपत्यकामा वाणिज्य बैंकहरुले अब एक दिनमा ६ वटा मात्र शाखा खोल्न पाउने भएका छन् ।

नेपाल राष्ट्र बैंकले कोभिड संक्रमण बढ्दै गएपछि बैंकहरुको सीमित शाखाबाट मात्रै सेवा प्रवाह गर्न निर्देशन दिएको हो ।

राष्ट्र बैंकको निर्देशन अनुसार वाणिज्य बैंकहरुले अब काठमाडौं उपत्यकाभित्र दिनमा ६ वटाभन्दा बढी शाख खोल्न नपाउने भएका छन् । जसमा वाणिज्य बैंकहरुले अब काठमाडौं उपत्यकाभित्र दिनमा बढीमा ६ वटा, विकास बैंकले ४ वटा र वित्त कम्पनीले ३ वटा मात्रै शाखा खोल्न पाउने भएका छन् ।

वाणिज्य बैंकले काठमाडौंमा ३ वटा, ललितपुरमा २ वटा र भक्तपुरमा एउटा गरी काठमाडौं उपत्यकामा जम्मा ६ वटा मात्रै शाख खोल्न पाउनेछन् ।

यस्तै विकास बैंकले काठमाडौंमा २, ललितपुरमा १ र भक्तपुरमा एउटा गरी जम्मा ४ वटा र वित्त कम्पनीले उपत्यकाका तीनवटै जिल्लामा एक(एकवटा शाखा गरेर जम्मा ३ वटा मात्रै शाखा खोल्न पाउनेछन् ।

बैंकले एउटै शाखा लगातार खोल्ने नभइ आलो(पालो गरेर खोल्न पाउनेछन् । हाल बैंकका १० हजारभन्दा बढी कर्मचारी कोरोना संक्रमित भइसकेको जनाइएको छ ।

कर्मचारीमा कोरोना संक्रमण बढ्दै गएपछि बैंकिङ सेवा नै बन्द हुने अवस्था नआओस् भन्दै वाणिज्य बैंकहरुको छाता संगठन नेपाल बैंकर्स संघले ५० हजार रुपैयाँभन्दा कमको निक्षेप नलिने निर्णय गरेको छ । यसमा राष्ट्र बैंकले पनि समर्थन जनाएको छ ।

काठमाडौं । सिद्धार्थ राजमार्गको सिद्धबाबा सडक खण्डमा सुरुङ मार्ग बन्ने निश्चित भएको छ । यहाँ सुरुङ मार्ग बनाउन ग्लोबल टेण्डर आह्वान भएको छ । सरकारले १ मंसिरमा सुरुङ मार्ग निर्माण गर्न १० अर्ब १५ करोड रुपैयाँ प्रदान गरेको थियो । अर्थ मन्त्रालयले भौतिक पूर्वाधार तथा यातायात मन्त्रालयलाई ठेक्का प्रक्रिया अघि बढाउन गत मंसिरमै सहमति प्रदान गरेको थियो । सोही अनुसार सडक विभागले आइतबार ४५ दिने सूचना प्रकाशित गर्दै ग्लोबल टेण्डर आह्वान गरेको छ । टेण्डर आह्वानपछि अब सुरुङ मार्ग निर्माण पक्का भएको हो ।

यसअघि स्वीस एजेन्सी फर डेभलपमेन्ट एण्ड कर्पोरेशन (एसडिसी)ले गरेको अध्ययनको प्रतिवेदन अनुसार टेन्डर आह्वान भएको हो । जस अनुसार यहाँ १ किलोमिटर १२६ मिटर लामो सुरुङ रहने छ । सुरुङमार्गको सुरु हुनुभन्दा अगाडि र पछाडि ३ हजार ५ सय मिटरको रकनेट (जाली) राखिने भएको छ । सुरुङमार्ग ५ वर्षभित्र बनिसक्ने छ । सिद्धबाबा अत्यधिक पहिरोग्रस्त क्षेत्र हो । यो सडक खण्डमार्फत गुल्मी, पाल्पा, अर्घाखाँची, स्याङ्जा, पोखरा, बाग्लुङ हुँदै म्याग्दीसम्म गाडी जान्छन् ।

काठमाडौं । सेयर बजारले कमब्याक गरेको छ । बुधबार दोहोरो अंकले घटेको बजार आज फेरि लयमा फर्किएको हो । यससाताको शुरुका ३ दिनमा करिब १०९ अंकले बढेको बजारमा हिजो १३ अंकले घटेको थियो । यससाता नेप्से समग्रमा १०५ अंकले बढेको छ ।

सूचक बढे पनि आज कारोबार रकममा भने भारी गिरावट आएको छ । बुधबार कीर्तिमानी ११ अर्ब ९५ करोडको कारोबार भएकोमा आज पौने ३ अर्बले घटेर सवा ९ अर्बमा सीमित भएको छ ।

आज सेयर बजार मापक सूचक नेप्से ६.३७ अंकले बढेर २७८७.१९ विन्दुमा पुगेको छ । नेपाल स्टक एक्सचेन्जका अनुसार आज २१४ कम्पनीको ९ अर्ब ३० करोड ५२ लाख २२ हजार ७ रुपैयाँ बराबरको २ करोड १ लाख ३३ हजार ६०२ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये ५ समूहको परिसूचकमा हरियाली छाएको छ भने ८ समूहको परिसूचक राताम्मे भएका छन् ।विकास बैंक समूहको परिसूचक सबैभन्दा धेरै ११३.४४ अंकले बढेको छ भने जीवन बीमा समूह ७८.८५ अंकले घटेको छ ।

आज कारोबारमा आएका २१४ कम्पनीमध्ये ९३ कम्पनीको सेयर मूल्य बढेको छ भने ११३ कम्पनीको मूल्यमा गिरावट आएको छ । ८ कम्पनीको मूल्य स्थिर रहेको छ ।

आज नेपाल पुनर्बीमा कम्पनीको सर्वाधिक कारोबार भएको छ । यसको ३४ करोड ७० लाख रुपैयाँ बढीको कारोबार भएको छ । कारोबार रकमकै आधारमा बैंक अफ काठमाण्डू ३४ करोड र नेशनल लाइफ इन्स्योरेन्स २४ करोडको कारोबार सहित शीर्ष तीनमा रहे ।

आज ६ कम्पनीको सेयर मूल्यमा पोजेटिभ सर्किट लागेको छ । समता घरेलु लघुवित्त, गुडविल फाइनान्स, मञ्जुश्री फाइनान्स, गोर्खाज फाइनान्स, युनाइटेड इदीमार्दी हाइड्रोपावर र जानकी फाइनान्सका सेयरधनीले करिब १० प्रतिशत कमाएका छन् ।

यसैगरी, गुह्वेश्वरी मर्चेन्ट र मितेरी डेभलपमेन्ट बैंकको सेयर मूल्य पनि ९ प्रतिशतले बढेको छ । बढ्दो बजारमा आज पाँचथर पावरको सेयर मूल्य सबैभन्दा धेरै ६.५६ प्रतिशत घटेको छ ।

काठमाडौं । सेयर बजारमा करेक्शन आएको छ । गत सोमबारदेखि निरन्तर उकालो लागेको बजार ७ कारोबार दिन पछि करेक्शन हो ।

यससाताको ३ दिनमा करिब १०९ अंकले बढेको बजारमा आज दोहोरो अंकको करेक्शन आएको हो । सूचकमा गिरावट आए पनि कारोबार रकममा भने ऐतिहासिक रेकर्ड बनेको छ ।

आज एकैदिन करिब ११ अर्ब ९५ करोडको कारोबार हुँदै कारोबार रकमले नयाँ इतिहास रचेको छ । यो नेपाली सेयर बजार इतिहासमै सबैभन्दा धेरै हो । यसअघि हिजो सर्वाधिक ११ अर्ब ३५ करोड रुपैयाँको कारोबार भएको थियो ।

यस्तै, आज सर्वाधिक २ करोड ५१ लाख कित्ता सेयर कारोबार हुँदै नयाँ रेकर्ड बनेको छ । यो इतिहासमै एकैदिन भएको सबैभन्दा धेरै कित्ता कारोबार हो । यसअघि हिजो २ करोड ३१ लाख ३१ हजार ६१५ कित्ता सेयर किनबेच भएको थियो ।

आज सेयर बजार मापक सूचक नेप्से १३.०९ अंकले घटेर २७८०.८१ विन्दुमा आइपुगेको छ । नेपाल स्टक एक्सचेन्जका अनुसार आज २१४ कम्पनीको ११ अर्ब ९५ करोड ८० लाख ९७ हजार ४११ रुपैयाँ बराबरको २ करोड ५१ लाख २१ हजार ५५४ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये ५ समूहको परिसूचकमा हरियाली छाएको छ भने ८ समूहको परिसूचक राताम्मे भएका छन् ।व्यापार समूहको परिसूचक सबैभन्दा धेरै ३५.७२ अंकले बढेको छ भने निर्जीवन बीमा समूह १५७.५४ अंकले घटेको छ ।

आज कारोबारमा आएका २१४ कम्पनीमध्ये ८० कम्पनीको सेयर मूल्य बढेको छ भने १२८ कम्पनीको मूल्यमा गिरावट आएको छ । ६ कम्पनीको मूल्य स्थिर रहेको छ ।

आज नेपाल पुनर्बीमा कम्पनीको सर्वाधिक कारोबार भएको छ । यसको ५५ करोड ६९ लाख रुपैयाँ बढीको कारोबार भएको छ । कारोबार रकमकै आधारमा नेशनल लाइफ इन्स्योरेन्स ४५ करोड र नेशनल हाइड्रोपावर ३० करोडको कारोबार सहित शीर्ष तीनमा रहे ।

दोहोरो अंकले घटेको बजारमा पनि आज ५ कम्पनीको सेयर मूल्यमा पोजेटिभ सर्किट लागेको छ । समता घरेलु लघुवित्त, रुरु जलविद्युत्, गोर्खाज फाइनान्स, नेपाल फाइनान्स र कर्णाली डेभलपमेन्ट बैंकका सेयरधनीले करिब १० प्रतिशत कमाएका छन् ।

काठमाडौं । सेयर बजारले दिनदिनै नयाँ रेकर्ड बनाउन थालेको छ । यससाता आइतबारदेखि लगातार नयाँ रेकर्ड बनाउँदै आएको नेप्सेले आज पनि ऐतिहासिक रेकर्ड बनाएको छ । आज एकैदिन ४ वटा नयाँ रेकर्ड बनेका छन् ।

गतवर्ष कोरोना कालदेखि उकालो लागेको बजार त्यसयता निरन्तर बढिरहेको छ । अहिले पनि कोरोनाका कारण देशको अर्थतन्त्र ठप्पप्रायः हुँदा लगानीकर्ता सेयर बजारमा होमिँदा बजारले दिनदिनै नयाँ रेकर्ड बनाउँदै गएको जानकारहरु बताउँछन् ।

रेकर्ड नं.१ : नेप्से इतिहासकै उच्च बिन्दुमा : नेप्सले २७९३ विन्दुको उचाइ चुम्दै नयाँ रेकर्ड बनाएको हो । नेप्सेले २७९० विन्दुमाथि पुगेको यो इतिहासमै पहिलो पटक हो । यसअघि सोमबार नेप्सेले इतिहासकै सर्वाधिक २७५९ विन्दुको रेकर्ड बनाएको थियो ।

रेकर्ड नं. २ एकैदिन सर्वाधिक कारोबार : नेप्सेले सूचकमा नयाँ रेकर्ड बनाएको दिन कारोबार रकममा पनि नयाँ रेकर्ड बनाएको छ । एकै दिन झन्डै ११ अर्ब ३५ करोडको कारोबार हुँदै नयाँ कीर्तिमान बनाएको हो । यसअघि गत वैशाख २१ गते हालसम्मकै सर्वाधिक १० अर्ब ६१ करोडको कारोबार भएको थियो ।

रेकर्ड नं. ३ : सर्वाधिक कित्ता सेयर कारोबार : सूचक र कारोबार रकम रेकर्ड कायम गरेको दिन सेयर सर्वाधिक कित्ता सेयर कारोबारको रेकर्ड पनि बनेको छ । आज एकै दिन २ करोड ३१ लाख बढी कित्तासेयर कारोबार भएको छ । यो हालसम्मकै सर्वाधिक हो । यसअघि गत फागुन ३ गते हालसम्मकै सर्वाधिक २ करोड २४ लाख बढी कित्ता सेयर किनबेच भएको थियो ।

रेकर्ड नं. ४ हालसम्मकै धेरै बजार पूँजीकरण : नेप्सेले नयाँ रेकर्ड कायम गरेको दिन बजार पूँजीकरणमा पनि नयाँ रेकर्ड रेकर्ड बनाएको छ । नेप्सेमा सूचीकृत कम्पनीहरुको पूँजीकरण ३९ खर्ब पुगेको छ । यो हालसम्मकै धेरै र देशको जीडीपीभन्दा पनि धेरै हो ।

आज सेयर बजार मापक सूचक नेप्से ३४.५९ अंकले बढेर २७९३.८९ विन्दुमा पुगेको छ । नेपाल स्टक एक्सचेन्जका अनुसार आज २१५ कम्पनीको ११ अर्ब ३५ करोड ९३ लाख ६० करोड ९२ रुपैयाँ बराबरको २ करोड ३१ लाख ३१ हजार ६१५ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये उत्पादनमूलक समूहको परिसूचक बाहेक बाँकी सबै समूहको परिसूचकमा हरियालीे छाएको छ । जीवन बीमा समूहको परिसूचक सबैभन्दा धेरै २०४.१४, होटल समूह २००.१८ अंकले बढेको छ ।

आज कारोबारमा आएका २१५ कम्पनीमध्ये १८० कम्पनीको सेयर मूल्य बढेको छ भने २२ कम्पनीको मूल्यमा गिरावट आएको छ । १३ कम्पनीको मूल्य स्थिर रहेको छ ।

आज नेपाल पुनर्बीमा कम्पनीको सर्वाधिक कारोबार भएको छ । यसको ६७ करोड ९२ लाख रुपैयाँ बढीको कारोबार भएको छ । कारोबार रकमकै आधारमा नेशनल लाइफ इन्स्योरेन्स र अरुण काबेली ३१ ३१ करोडको कारोबार सहित शीर्ष तीनमा रहे ।

३ दर्जन कम्पनीको मूल्यमा पोजेटिभ सर्किट

रेकर्डैरेकर्ड बनेको दिन आज करिब ३ दर्जन कम्पनीको सेयर मूल्यमा पोजेटिभ सर्किट लागेको छ । सर्किट लाग्नेमा अधिकांश हाइड्रोपावर कम्पनी, होटल र फाइनान्स कम्पनी रहेका छन् ।

आज घलेम्दी, हिमाल दोलखा, नेशनल, शिवश्री हाइड्रोपावर, कालिका पावर, समता घरेलु लघुवित्त, ओरेन्टल होटल, सोल्टी होट, मिथिला लघुवित्त, विशाल बजार कम्पनी र बेस्ट फाइनान्सको सेयर मूल्य ठ्याक्कै १० प्रतिशतले बढेको छ ।

यसैगरी, नेपाल फाइनान्स, तारागाउँ होटल, राधि विद्युत् कम्पनी, नेशनल हाइड्रोपावर, रुरु जलविद्युत्, युनाइटेड इदीमार्दी हाइड्रोपावर, युनिभर्सल पावर, प्रोग्रेसिभ फाइनान्स, बुटवल पावर, सिनजी डेभलपमेन्ट कम्पनी, गडविल फाइनान्स र रिडि हाइड्रोपावरको सेयर मूल्यमा पोजेटिभ सर्किट लागेको छ ।

यसैगरी, मल्टी प्रपोज फाइनान्स, दिव्यश्वरी हाइड्रोपावर, युनियन हाइड्रोपावर, जानकी फाइनान्स, खानीखोला हाइड्रोपावर, आँखुखोला हाइड्रोपावर, पञ्चकन्यामाइ हाइड्रोपावर, सप्तकोशी डेभलपमेन्ट बैंक, कर्णाली डेभलपमेन्ट बैंक, जोशी हाइड्रोपावर सेयरधनीले करिब १० प्रतिशत कमाएका छन् ।

बढ्दो बजारमा आज नेपाल टेलिकमको सेयर मूल्य सबैभन्दा धेरै १.०७ प्रतिशतघटेको छ ।

आज घलेम्दी, हिमाल दोलखा, नेशनल, शिवश्री हाइड्रोपावर, कालिका पावर, समता घरेलु लघुवित्त, ओरेन्टल होटल, सोल्टी होट, मिथिला लघुवित्त, विशाल बजार कम्पनी र बेस्ट फाइनान्सको सेयर मूल्य ठ्याक्कै १० प्रतिशतले बढेको छ ।

यसैगरी, नेपाल फाइनान्स, तारागाउँ होटल, राधि विद्युत् कम्पनी, नेशनल हाइड्रोपावर, रुरु जलविद्युत्, युनाइटेड इदीमार्दी हाइड्रोपावर, युनिभर्सल पावर, प्रोग्रेसिभ फाइनान्स, बुटवल पावर, सिनजी डेभलपमेन्ट कम्पनी, गडविल फाइनान्स र रिडि हाइड्रोपावरको सेयर मूल्यमा पोजेटिभ सर्किट लागेको छ ।

यसैगरी, मल्टी प्रपोज फाइनान्स, दिव्यश्वरी हाइड्रोपावर, युनियन हाइड्रोपावर, जानकी फाइनान्स, खानीखोला हाइड्रोपावर, आँखुखोला हाइड्रोपावर, पञ्चकन्यामाइ हाइड्रोपावर, सप्तकोशी डेभलपमेन्ट बैंक, कर्णाली डेभलपमेन्ट बैंक, जोशी हाइड्रोपावर सेयरधनीले करिब १० प्रतिशत कमाएका छन् ।

काठमाडौं । सेयर बजारले फेरि ऐतिहासिक कीर्तिमान बनाएको छ । आइतबार मात्रै हालसम्मकै सर्वाधिक विन्दुको रेकर्ड बनाएको नेप्सेले त्यो रेकर्ड तोड्दै आज नयाँ रेकर्ड बनाएको हो ।

नेप्सले २७५९ विन्दुको उचाइ चुम्दै नयाँ रेकर्ड बनाएको हो । नेप्सेले २७५० विन्दुमाथि पुगेको यो इतिहासमै पहिलो पटक हो । यसअघि आइतबार नेप्सेले इतिहासकै सर्वाधिक २७३८ विन्दुको रेकर्ड बनाएको थियो ।

यस्तै, नेप्सेले सूचकमा नयाँ रेकर्ड बनाएको दिन कारोबार रकममा पनि उछाल आएको छ । आज पनि साढे ९ अर्ब बढीको कारोबार भएको छ ।

यस्तै, नेप्सेले नयाँ रेकर्ड कायम गरेको दिन बजार पूँजीकरणमा पनि नयाँ रेकर्ड रेकर्ड बनाएको छ । नेप्सेमा सूचीकृत कम्पनीहरुको पूँजीकरण सवा ३८ खर्ब पुगेको छ । यो हालसम्मकै धेरै र देशको जीडीपीभन्दा पनि धेरै हो ।

आज सेयर बजार मापक सूचक नेप्से २०.७१ अंकले बढेर २७५९.२१ विन्दुमा पुगेको छ । नेपाल स्टक एक्सचेन्जका अनुसार आज २१८ कम्पनीको ९ अर्ब ५७ करोड ६३ लाख ६१ करोड १३९ रुपैयाँ बढीको १ करोड ९० लाख ५६ हजार २३६ कित्ता सेयर किनबेच भएका छन् ।

आज कारोबारमा आएका १३ वटा समूहमध्ये १० समूहको परिसूचकमा हरियालीे छाएको छ भने ३ समूहको परिसूचक राताम्मे भएका छन् । जीवन बीमा समूहको परिसूचक सबैभन्दा धेरै ११८.३९ अंकले बढेको छ भने उत्पादनमूलक समूह ४३.५६ अंकले घटेको छ ।

आज कारोबारमा आएका २१८ कम्पनीमध्ये १३१कम्पनीको सेयर मूल्य बढेको छ भने ६९ कम्पनीको मूल्यमा गिरावट आएको छ । १८ कम्पनीको मूल्य स्थिर रहेको छ ।

आज नेपाल पुनर्बीमा कम्पनीको सर्वाधिक कारोबार भएको छ । यसको ६६ करोड १ लाख रुपैयाँ बढीको कारोबार भएको छ । कारोबार रकमकै आधारमा नेपाल टेलिकम ४२ करोड र शिखर इन्स्योरेन्स ३१ करोडको कारोबार सहित शीर्ष तीनमा रहे ।

दोहोरो अंकले बढेको बजारमा आज ११ कम्पनीको सेयर मूल्यमा पोजेटिभ सर्किट लागेको छ । रुरु जलविद्युत्को मूल्य ठ्याक्कै १० प्रतिशतले बढेको छ ।

यसैगरी, समता घरेलु लघुवित्त, राधि विद्युत् कम्पनी, कर्पोरेट डेभलपमेन्ट बैंक, प्रोग्रेसिभ फाइनान्स, गुराँस लघुवित्त, वरुण हाइड्रोपावर, पञ्चकन्यामाइ हाइड्रोपावर, नेपाल फाइनान्स, रिडी र खानीखोला हाइड्रोपावरका सेयरधनीले करिब १० प्रतिशत कमाएका छन् ।

काठमाडौं । कोरोना भाइरसको बढ्दो संक्रमणका बीच नेपाल करीव ठप्प बनेको छ । सरकारले कोरोनाको जोखिम हेरेर निषेधाज्ञा गर्न सक्ने अधिकार स्थानीय प्रशासनलाई दिएको थियो । सोही अनुसार अहिलेसम्म ७४ जिल्लामा निषेधाज्ञा जारी भइसकेको गृह मन्त्रालयले जनाएको छ ।

मनाङ, तेह्रथुम र खोटाङबाहेक सबै जिल्लामा निषेधाज्ञा जारी भएको छ । यी तीन जिल्लामा समेत कुनै न कुनै प्रकारको प्रतिवन्ध भने कायम नै रहेको छ ।
तथ्याङ्कले सङ्क्रमणको दर उच्च तहमा पुगेर केही स्थिर देखिए पनि जोखिम भने बढ्दो क्रममा हुँदा प्रशासनले म्याद थप गर्दै निषेधाज्ञालाई जारी राखेको पाइएको छ ।

पछिल्लो समय ग्रामिण भेगमा संक्रमण तिव्र गतिमा फैँलदा चूनौति थपिएको विशेषज्ञहरुको भनाई छ । नेपालमा वैशाख ७ गतेदेखि निषेधाज्ञा शुरु भएको हो । उपत्यकामा भने १६ वैशाखबाट लागु भएको हो । पछिल्लो समय कतिपय जिल्लाले दुई हप्ताका लागि आदेश थप गरेर कार्यान्वयनमा लगेका छन् । आइतबार ताप्लेजुङ र लमजुङले एक साता, काभ्रेपलाञ्चोक र सङ्खुवासभाले १० दिन, बैतडी र नुवाकोटले १५ दिन निषेधाज्ञा थप्ने निर्णय गरेका छन् । काठमाडौँ उपत्यकामा जेठ १३ सम्म निषेधाज्ञा कायम छ ।

काठमाडौं । नेपालमा पेट्रोलियम पदार्थको मूल्य वृद्धि भएको छ । नेपाल आयल निगमले पेट्रोल, डिजल, मट्टितेल र हवाई इन्धनमा प्रतिलिटर २, २ रुपैयाँ मूल्य बढाउने निर्णय गरेको हो । यो मूल्य आइतबार राति १२ बजेपछि लागु हुने भएको छ ।

अब नयाँ मूल्य अनुसार काठमाडौं उपत्यकामा पेट्रोलको मूल्य १२३ र डिजेल तथा मट्टितेलको मूल्य प्रतिलिटर १०६ र आन्तरिक हवाइ इन्धनको मूल्य प्रतिलिटर ७८ पुगेको निगमले जानकारी गराएको छ । भारतीय आयल निगमबाट मूल्य बढेको बील आएसँगै नेपालमा समेत बढाएको निगमको भनाई छ । आयल निगमले एलपी ग्यास र अन्तर्राष्ट्रिय हवाइ उडानको इन्धनको मूल्य भने बढाएको छैन ।

काठमाडौं । कोभिड १९ को रोकथाम, उपचार तथा नियन्त्रणमा प्रयोग हुने गरि अर्थ मन्त्रालयले आज स्वास्थ्य तथा जनसंख्या मन्त्रालयका लागि थप ४ अर्ब ३१ करोड रुपैयाँ स्रोत सुनिश्चितता दिएको छ ।

अस्पतालहरुको क्षमता अभिवृद्धि र स्वास्थ्य सामग्रीका लागि अर्थ मन्त्रालयले ४ अर्ब ३१ करोड ८५ लाख ६० हजार रुपैयाँको स्रोत सुनिश्चितता दिएको जनाएको छ । मन्त्रालयका अनुसार देशका २६ वटा केन्द्रीय अस्पताल र ९ वटा प्रादेशिक अस्पतालमा भेन्टिलेटर, अक्सिजन प्लान्ट र अक्सिजन ट्यांकका लागि २ अर्ब ९५ करोड २० लाख रुपैयाँको सहमति दिइएको छ ।

यस्तै केन्द्रीय र प्रदेशिक गरी २५ वटा अस्पताललाई एचडीयू स्थापनाका लागि १ अर्ब ३६ करोड ६५ लाख ६० हजार रुपैयाँको सहमति दिएको छ ।

कोभिड(१९ को रोकथाम, उपचार तथा नियन्त्रणका लागि आवश्यक सबै उपाय अवलम्बन गर्ने नीति अन्तर्गत स्वास्थ्य तथा जनसंख्या मन्त्रालयको माग अनुरुप अर्थ मन्त्रालयले स्रोत सुनिश्चित गरेको जानकारी गराएको छ ।

काठमाडौं । भारतको औषधि नियामक निकायले कोभिड–१९ विरुद्धको रुसी स्पुतनिक भी खोप आपतकालीन प्रयोगका लागि अनुमति दिएसँगै भारतीय बजारमा बिक्री हुन थालेको छ ।

डा रेड्डीज ल्याबोरेटिजको कस्टम फर्मा सर्भिसेजका प्रमुख दीपक साप्राले भारतीय शहर हैदराबादस्थित रेड्डीजको एक औषधि पसलमा पहिलो खोप लगाएर कार्यक्रमको शुभारम्भ गरिएको छ । भारतमा डा रेड्डीज ल्याबोरेटिजले रुसी स्पुतनिक भी खोप आयात गरिरहेको छ ।

स्पुतनिक भी खोपलाई भारतीय औषधि नियामक निकायले गत मे १ तारिखमा स्वीकृति प्रदान गरेको थियो । डा रेड्डीजले भारतीय बजारमा उक्त खोपको मूल्य प्रति डोज भारु ९४८ तोकेको छ ।

कम्पनीले आगामी दिनमा खोपको संख्या अझ बढाउने जनाएको छ । स्पुतनिक भी खोप भारतमै उत्पादन हुन थालेपछि आपूर्ति पनि बढ्ने कम्पनीको भनाई छ । स्पुतनिक भी खोप भारतमा उत्पादन गर्न छ वटा विभिन्न कम्पनीसँग छलफल चलिरहेको बताइएको छ ।

डा रेड्डीज कम्पनीका सहअध्यक्ष एवं प्रवन्ध निर्देशक जी भी प्रसादले भारतमा कोभिड–१९ बाट संक्रमितको संख्या तिब्र रुपमा वृद्धि भइरहेकाले जतिसक्दो चाँडो खोप व्यवस्था गर्न आफूहरुले पनि प्रयास गर्न लागेको बताए ।

काठमाडौं । प्रधानमन्त्री केपी शर्मा ओलीले तेस्रो कार्यकाल सम्हाल्न लागेकै दिन ललितपुरको गोदावरीमा निर्माण भएको सम्मेलन केन्द्रको उद्घाटन गर्ने भएका छन् । आयोजनको निर्माण भइनसक्दै उद्घाटनमा दौडधुप गरेको आरोप खेपिरहेका प्रधानमन्त्री केपी शर्मा ओलीले आज बालुवाटारबाट भर्चुअल रुपमा सम्मेलन केन्द्र उदघाटन गर्ने भएका हुन् ।

प्रधानमन्त्री ओलीले बिहान ११ बजे सम्मेलन केन्द्र उदघाटन गर्ने कार्यक्रम रहेको छ । यो सम्मेलन केन्द्र ३ हजार सिट क्षमताको छ । ४३ रोपनी १५ आनामा बनेको यो सम्मेलन केन्द्रलाई ‘गोदावरी सनराइज’ नाम राखिएको छ । यो ८१ करोड रुपैयाँ लागतमा बनेको हो ।

नयाँ बानेश्वरस्थित सम्मेलन केन्द्र संसदले लिएपछि कठमाडौंमा स्तरीय सम्मेलन केन्द्रको अभाव थियो । अहिले संसद भवन सिंहदरवारमै बनिरहेको छ । सोहीकारण बानेश्वरका सम्मेलन केन्द्र समेत अब सार्वजनिक प्रयोगमा आउने भएको छ ।

काठमाडौं । नेपाल स्टक एक्सचेञ्ज (नेप्से) दोहोरो अंकले बढेको छ । मंगलबार शेयर बजार मापक सूचक नेप्से २७.४७ अंकले बढेर २६७३.३२ विन्दुमा पुगेको छ ।

नेपाल स्टक एक्सचेन्जका अनुसार आज २२० कम्पनीको ५ अर्ब ८१ करोड ६ लाख ७३ हजार ७० रुपैयाँ बराबरको १ करोड ८ लाख १९ हजार ५३५ कित्ता शेयर किनबेच भएका छन् ।

कारोबारमा आएका १३ वटै समूहको परिसूचकमा हरियाली छाएको छ ।

शेयर मूल्यमा उच्च बृद्धि हुने कम्पनीहरुमा बोटलर्स नेपाल, रुरु जलविद्युत परियाोजना, युनाईटेड मोदी हाइड्रोपावर कम्पनी, गुहेश्वरी मर्चेन्ट बैंक एण्ड फाइनान्स कम्पनी, समता घरेलु लघुवित्त वित्तिय संस्था बैंक रहेका छन् ।

नेपाल इन्फाइन्ट्रक्चर एण्ड डेभलपमेन्ट लिमिटेड र नारायणी डेभलपमेन्ट बैंकको शेयर मूल्य ८ प्रतिशतभन्दा बढी बढेको छ ।

जीवन बीमा समूह सबैभन्दा धेरै २६७.१८ अंकले बढेको छ । कारोबारमा आएका २२० कम्पनीमध्ये १५४ कम्पनीको शेयर मूल्य बढेको छ भने ३२ कम्पनीको घटेको छ । ३४ कम्पनीको मूल्य स्थिर रहेको छ ।

आज नेपाल पुनर्बीमा कम्पनीको सर्वाधिक कारोबार भएको छ । यसको ७६ करोड ६५ लाख रुपैयाँ बढीको कारोबार भएको छ । कारोबार रकमकै आधारमा अपी पावर २० करोड र शिवम् सिमेन्ट १६ करोड रुपैयाँको कारोबार सहित शीर्ष तीनमा रहे ।

बढ्दो बजारमा आज पनि विशाल बजार कम्पनीको मूल्यमा नेगेटिभ सर्किट लागेको छ ।

काठमाडौं । नेपाल स्टक एक्सचेञ्ज (नेप्से) दोहोरो अंकले बढेको छ । सोमबार शेयर बजार मापक सूचक नेप्से २७.४१ अंकले बढेर २६४५.८५ विन्दुमा पुगेको छ ।

नेपाल स्टक एक्सचेन्जका अनुसार आज २१८ कम्पनीको ४ अर्ब २० करोड ३८ लाख ३२ हजार ७८८ रुपैयाँ बराबरको ७५ लाख ७९ हजार ३ कित्ता शेयर किनबेच भएका छन् ।

आइतबार कम्पनीको ६ अर्ब १४ करोड ८९ लाख ६६ हजार ७७२ रुपैयाँ बराबरको कारोबार भएको थियो । कारोबारमा आएका १३ वटै समूहको परिसूचकमा हरियाली छाएको छ ।

निर्जीवन बीमा समूह सबैभन्दा धेरै ३४६.०३ अंकले बढेको छ । कारोबारमा आएका २१८ कम्पनीमध्ये १५७ कम्पनीको शेयर मूल्य बढेको छ भने ३० कम्पनीको घटेको छ । ३२ कम्पनीको मूल्य स्थिर रहेको छ ।

आज नेपाल पुनर्बीमा कम्पनीको सर्वाधिक कारोबार भएको छ । यसको २७ करोड ४ लाख रुपैयाँ बढीको कारोबार भएको छ । कारोबार रकमकै आधारमा अपर तामाकोशी १९ करोड र एचआइडीसीएल १८ करोडको कारोबार सहित शीर्ष तीनमा रहे ।

दोहोरो अंकले बढेको बजारमा आज ३ कम्पनीको शेयर मूल्यमा पोजेटिभ सर्किट लागेको छ । राष्टिय बीमा कम्पनीको सेयर मूल्य ठ्याक्कै १० प्रतिशतले बढेको छ भने समता घरेलु लघुवित्त र रुरु जलविद्युत्को शेयर मूल्य १० प्रतिशत कमाएका छन् ।

काठमाडौं । शेयर बजार दोहोरो अंकले घटेको छ । साताको पहिलोदिन आइतबार नेप्से १८.४९ अकले घटेर २६१८.६३ विन्दुमा पुगेको हो ।

नेपाल स्टक एक्सचेन्जका अनुसार आज २१९ कम्पनीको ६ अर्ब १४ करोड ८९ लाख ६६ हजार ७७२ रुपैयाँ बराबरको १ करोड २७ लाख २८ हजार १२५ कित्ता शेयर किनबेच भएका छन् ।

कारोबारमा आएका १३ वटै समूहको परिसूचक घटेको छ । जीवन बीमा समूह सबैभन्दा धेरै १४४७.६४ अंकले घटेको छ ।

कारोबारमा आएका २१९ कम्पनीमध्ये ४४ कम्पनीको शेयर मूल्य बढेको छ भने १५७ कम्पनीको घटेको छ । १८ कम्पनीको मूल्य स्थिर रहेको छ ।

आज एनसीसी बैंक सर्वाधिक कारोबार भएको छ । यसको २८ करोड ८६ लाख रुपैयाँ बढीको कारोबार भएको छ ।

कारोबार रकमकै आधारमा कुमारी बैंक २८ करोड र हिमालयन डिस्टीलरी २४ करोडको कारोबार सहित शीर्ष तीनमा रहे चार कम्पनीको शेयर मूल्यमा नेगेटिभ सर्किट लागेको छ ।

यसअघि लगातार पोजेटिभ सर्किट लाग्दै आएका महिला लघुवित्त, विशाल बजार कम्पनी र सिंगटी हाइडो इनर्जी कम्पनीकोको मूल्य १० प्रतिशतले घटेको छ ।

काठमाडौं । उद्योगहरुमा मौज्दात रहेका अक्सिजन ग्यास सिलिण्डि ग्यास उत्पादक वा नजिकको अक्सिजन उत्पादक प्लान्टमा उपलब्ध गराउन निजी क्षेत्रका छाता संगठनले उद्योगहरुसँग आग्रह गरेका छन् । उद्योगमा प्रयोग हुने अक्सिजनका लागि सिलिण्डर राखेको भए महामारीको समयमा मानिसको ज्यान बचाउन प्रयोगमा ल्याउन निजी क्षेत्रका संघसंस्थाले आह्वान गरेका हुन् ।

अहिले कोरोना महामारीका कारण अक्सिजन सिलिण्डर अभाव हुन थालेको छ । अस्पतालहरुले बिरामी लिन छाडेका छन् । नेपाल उद्योग वाणिज्य महासंघ, नेपाल उद्योग परिसंघ र नेपाल चेम्बर अफ कमर्सले सिलिण्डर फिर्ता गर्न आग्रह गरेका हुन् । तिनै संगठनहरुले बिहीबार संयुक्त विज्ञप्ति जारी गर्दै स्वास्थ्य बाहेकका अन्य प्रयोजनमा अक्सिजन ग्यास सिलिण्डर प्रयोग नगर्न समेत सबै उद्योगीहरुलाई आग्रह गरेका छन् ।

मुलुक कहिल्लै भोग्नु नपरेको महामारी र त्यसबाट सिर्जित स्वास्थ्य जटिलतासंगै सामाजिक एवम् आर्थिक समस्यासँग जुधिरहेको छ । कोभिड १९ को दोस्रो लहरसंगै संक्रमित र यसबाट मृत्यु हुनेको संख्या हरेक दिन नया रेकर्ड राख्दै बढिरहेको छ । अस्पतालहरु भरिदै गएका छन भने विशेषगरि संक्रमितको जीवन रक्षाका लागि आवश्यक अक्सिजन सिलिन्डरको चरम अभाव देखिएको छ ।

सम्पूर्ण ग्यास उत्पादक कम्पनीहरुलाई स्वास्थ्य उपचार प्रयोजनका लागि मात्र अक्सिजन सिलिन्डर उपलब्ध गराउन यी तीन वटा संस्थाले अपील गरेका छन् । महामारीको बिषम परिस्थितिमा कुनै पनि प्रकारको सञ्चिति र मुल्य वृद्धि नगर्न समेत संगठनले ध्यानाकर्षण गराएका छन् । निजी क्षेत्रका अस्पतालले लिएको महंगो शूल्कबारे समेत संगठनले बोलेका छन् ।

काठमाडौं । शेयर बजार दोहोरो अंकले घटेको छ । साताको अन्तिमदिन विहिबार नेप्से १२.४७ अकले घटेको २६३७.१३ विन्दुमा पुगेको हो ।

नेपाल स्टक एक्सचेन्जका अनुसार आज २१६ कम्पनीको ६ अर्ब ८१ करोड ९१ हजार ४५३ रुपैयाँ बराबरको १ करोड, ५९ लाख ८० हजार ८१५ कित्ता शेयर किनबेच भएका छन् ।

कारोबारमा आएका १३ समूह मध्ये ३ वटाको परिसूचकमा हरियाली छाएको छ । भने १० वटाको परिसूचक घटेको छ ।

बैंकिड समूह सबैभन्दा धेरै ७.११ अंकले बढेको छ भने जीवन बीमा समूह २३९.३३ अंकले घटेको छ ।

कारोबारमा आएका २१६ कम्पनीमध्ये ५४ कम्पनीको शेयर मूल्य बढेको छ भने १४७ कम्पनीको घटेको छ । १५ कम्पनीको मूल्य स्थिर रहेको छ ।

आज एचआडीसीएलको सर्वाधिक कारोबार भएको छ । यसको ४६ करोड ७४ लाख रुपैयाँ बढीको कारोबार भएको छ । कारोबार रकमकै आधारमा एनसीसी बैंक ४२ करोड र लक्ष्मी बैंक २२ करोडको कारोबार सहित शीर्ष तीनमा रहे ।

दोहोरो अंकले घटेको बजारमा पनि आज ७ कम्पनीको शेयर मूल्यमा पोजेटिभ सर्किट लागेको छ । जनउत्थान लघुवित्त र खानीखोला हाइडोपावरको सेयर मूल्य ठ्याक्कै १० प्रतिशतले बढेको छ ।

यसैगरी, महिला लघुवित्त, समता घरेलु लघुवित्त, रुरु जलविद्युत्, युनियन हाइडोपावर, र जोशी हाइडोपावरका शेयर धनीले १० प्रतिशत कमाएका छन् ।