Category: अर्थतन्त्र

काठमाडौं । शेयर बजार सामान्य अंकले घटेको छ । बुधबार नेप्से ५.९ अकले घटेको २६४९.६० विन्दुमा पुगेको हो ।

नेपाल स्टक एक्सचेन्जका अनुसार आज २१८ कम्पनीको ६ अर्ब २१ करोड ६८ लाख १४ हजार ३१३ रुपैयाँ बराबरको १ करोड, ४८ लाख ६७ हजार ९९५ कित्ता शेयर किनबेच भएका छन् ।

आइतबार कारोबारमा आएका १३ समूह मध्ये ४ वटाको परिसूचकमा हरियाली छाएको छ । भने ९ वटाको परिसूचक घटेको छ । हाइड्रोपावर समूह सबैभन्दा धेरै ४५.२७ अंकले बढेको छ भने उत्पादनमूलक समूह ६७.०७ अंकले घटेको छ ।

आज कारोबारमा आएका २१८ कम्पनीमध्ये ९० कम्पनीको सेयर मूल्य बढेको छ भने १०९ कम्पनीको मूल्य घटेको छ । २७ कम्पनीको मूल्य स्थिर रहेको छ ।

आज प्रभु इन्स्योेरेन्सको सर्वाधिक कारोबार भएको छ । यसको २३ करोड ६९ लाख रुपैयाँ बढीको कारोबार भएको छ । कारोबार रकमकै आधारमा एनआइसी एशिया लघुवित्त २२ करोड र एनसीसी बैंक १९ करोडको कारोबार सहित शीर्ष तीनमा रहे ।

बजारमा आज १६ कम्पनीको शेयर मूल्यमा पोजेटिभ सर्किट लेभलमा बढेको छ । रैराङ हाइड्रोपावर र रिडी हाइड्रोपावरको शेयरमूल्य १० प्रतिशतले बढेको छ ।

महिला लघुवित्त, विशाल बजार कम्पनी, सिंगटी हाइड्रो, छ्याङ्दी हाइड्रोपावर, समता लघुवित्त, लिवर्टी इनर्जी, राधी विद्युत् कम्पनी, युनियन हाइड्रोपावर, जोशी हाइड्रोपावर, खानीखोला हाइड्रोपावर, कालिका पावर कम्पनी र घलेम्दी हाइड्रोको शेयरमूल्य ९ प्रतिशतभन्दा बढीले वृद्धि भएको छ ।

काठमाडौं । शेयर बजार झिनो अंकले बढेको छ । मंगलबार नेप्से १.९४ अकले बढेर २६५४.६९ विन्दुमा पुगेको हो ।

नेपाल स्टक एक्सचेन्जका अनुसार आज २१३ कम्पनीको ६ अर्ब ५ करोड २२ लाख ३६ हजार ८११ रुपैयाँ बराबरको १ करोड, ३० लाख १५ हजार १८३ कित्ता शेयर किनबेच भएका छन् ।

आइतबार कारोबारमा आएका १३ समूह मध्ये ६ वटाको परिसूचकमा हरियाली छाएको छ । भने ७ वटाको परिसूचक घटेको छ । माइक्रोफाइनान्स समूह सबैभन्दा धेरै १३७.८२ अंकले बढेको छ भने जीवन बीमा समूह ६४.२३ अंकले घटेको छ ।

आज एनसीसी बैंकको सर्वाधिक कारोबार भएको छ । यसको २३ करोड ९ लाख रुपैयाँ बढीको कारोबार भएको छ । कारोबार रकमकै आधारमा अरुण काबेली २१ करोड र ग्रामीण विकास लघुवित्त १६ करोडको कारोबार सहित शीर्ष तीनमा रहे ।

झिनो सुधार आएको बजारमा आज ९ कम्पनीको सेयर मूल्यमा पोजेटिभ सर्किट लागेको छ । समता घरेलु र महिला लघुवित्तको शेयर मूल्य ठ्याक्कै १० प्रतिशतले बढेको छ ।

यसैगरी, विशाल बजार, सपोर्ट माइक्रोफाइनान्स, राधि जलविद्युत् कम्पनी, सिंगटी हाइडो इनर्जी, रुरु जलविद्युत्, युनाइटेड मोदी हाइडोपावर र पञ्चकन्या माइ हाइडोपावरका शेयरधनीले १० प्रतिशत कमाएका छन् । बढ्दो बजारमा आज चन्द्रागिरी हिल्सका शेयरधनीले सबैभन्दा धेरै १.९८ प्रतिशत गुमाएका छन् ।

काठमाडौं । नेपालमा श्रमिकको न्यूनतम पारिश्रमिक वृद्धि भएको छ । श्रम रोजगार तथा सामाजिक सुरक्षा मन्त्रालयको आगामी १ साउनबाट लागू हुने गरी पारिश्रमिक वृद्धि गर्ने निर्णय भएको छ । अब श्रमिकको मासिक पारिश्रमिक १५ हजार पुगेको छ । यसअघि श्रमिकको न्यूनतम पारश्रमिक १३४५० रुपैयाँ थियो । आधारभूत पारिश्रमिक ९३८५ मा ५६१५ रुपैयाँ महंगी भत्ता थप गरी १५ हजार पारिश्रमिक पुर्‍याइएको मन्त्रालयको सूचनामा उल्लेख छ ।

यसअघि प्रधानमन्त्री केपी शर्मा ओलीले समेत न्यूनतम पारिश्रमिक बढाउने निर्णय हुने बताएका थिए । अब नेपालमा श्रमिकले दैनिक ५७७ रुपैयाँ र प्रतिघण्टा ७७ रुपैयाँ आम्दानी गर्नेछन् ।यसअघि दैनिक ५१७ रुपैयाँ र प्रतिघण्टा ६९ रुपैयाँ रहेको थियो । तोकिएको पारिश्रमिकको अतिरिक्त श्रम ऐनअनुसार पाउने सञ्चयकोष, उपदानसहितका सुविधा समेत उद्योग-प्रतिष्ठानले प्रदान गर्नुपर्नेछ ।

स्थानीय सरकारहरुले आफैले न्यूनतम पारश्रमिक तोक्न सक्ने अधिकारको प्रयोग गर्दा समेत अब अहिले तोकिएभन्दा कम हुनु हुन पाउने छैन । तोकिएकोभन्दा कम पारिश्रमिक दिने गरी रोजगार सम्झौता गर्न नपाइने समेत सूचनामा जनाइएको छ ।

काठमाडौं । कोरोना भाइरसको बढ्दो संक्रमणमा बीच नेपालमा निषेधाज्ञा लागेको जिल्ला ४२ पुगेको छ । संक्रमित संख्या शहरमा ५ सय र पहाडमा २ सय नाघेमा निषेधाज्ञा गर्न सक्ने अधिकार सरकारले स्थानीय प्रशासनलाई दिएको छ । सोही अनुसार प्रमुख जिल्ला अधिकारीहरुले निषेधाज्ञा गरिरहेका छन् । गृह मन्त्रालयका अनुसार अहिलेसम्म अति प्रभावित ४२ जिल्लामा पूर्ण तथा आंशिक निषेधाज्ञा लागू भइसकेको छ ।

३१ जिल्लामा पूर्ण तथा ११ जिल्लामा निश्चित क्षेत्रमा निषेधाज्ञा लागेको छ । काठमाडौं उपत्यकाका तीन जिल्लासहित २८ जिल्लामा पूर्ण निषेधाज्ञा रहेको छ । तथ्यांक अनुसार काठमाडौं, भक्तपुर, ललितपुर, बाँके, सुर्खेत, कास्की, कैलाली, पर्सा, दाङ, कञ्चनपुर, पाल्पा, चितवन, बर्दिया र रूपन्देहीमा जिल्लाभर लागु हुने गरी निषेधाज्ञा घोषणा भएको छ ।

बर्दियामा आजबाट पूर्ण निषेधाज्ञा शुरु भएको छ । बझाङ र बैतडीमा सोमबारबाट निषेधाज्ञा शुरु भएको छ । अर्घाखाँचीमा समेत निषेधाज्ञा शुरु भएको छ । सल्यान, सुनसरी, जाजरकोट, रुकुम पश्चिम, डडेल्धुरा, झापा, गुल्मी, प्यूठान, उदयपुर, बझाङ, कपिलवस्तु, नुवाकोट, धनुषा, अर्घाखाँची, बैतडी र दैलेखमा पूर्णरूपमा जिल्लाभर निषेधाज्ञा लागू छ ।

कास्कीमा आंशिक निषेधाज्ञा रहेको छ । कपिलवस्तु, धादिङ, नुवाकोट र धनुषामा मंगलबार बिहानदेखि तथा दैलेखमा मंगलबार रातीदेखि निषेधाज्ञा लागू हुँदैछ । बाग्लुङ, दार्चुला, मोरङ, काभ्रे, गोरखा, बाजुरा, मकवानपुर, कालीकोट, स्याङ्जा, रामेछाप र ताप्लेजुङमा आंशिक निषेधाज्ञा लागेको छ ।

काठमाडौं । लकडाउनको दोस्रो कारोबारको दिन शेयर बजारमा हरियाली छाएको छ ।

साताको पहिलोदिन नेपाल स्टक एक्सचेञ्ज (नेप्से) दोहोरो अंकले बढेको छ । आइतबार नेप्से ५४ अकले बढेर २६६५.११ विन्दुमा पुगेको हो ।

नेपाल स्टक एक्सचेन्जका अनुसार आज २२६ कम्पनीको ७ अर्ब ३६ करोड ८ लाख ५ सय रुपैयाँ बराबरको १ करोड, ५८ लाख ३२ हजार ४०३ कित्ता शेयर किनबेच भएका छन् ।

आइतबार कारोबारमा आएका १३ वटै समूहको परिसूचकमा हरियाली छाएको छ । जीवन बीमा समूह सबैभन्दा धेरै ६३२.१८ अंकले बढेको छ ।

आज एनसीसी बैंकको सर्वाधिक कारोबार भएको छ । यसको ४२ करोड २ लाख रुपैयाँ बढीको कारोबार भएको छ । कारोबार रकमकै आधारमा नेपाल पुनर्बीमा कम्पनीको ४० करोड र नेपाल टेलिकमको ३२ करोडको कारोबार सहित शीर्ष तीनमा रहे ।

दोहोरो अंकले बढेको बजारम पनि आज ३ कम्पनीको शेयर मूल्यमा पोजेटिभ सर्किट लागेको छ । महिला लघुवित्त, सिंगटी हाइडो इनर्जी र विशाल बजार कम्पनीका सेयरधनीले १० प्रतिशत कमाएका छन् ।यस्तै, सानिमा जनरल इन्स्योरेन्सको शेयर मूल्य पनि ८.७० प्रतिशतले बढेको छ ।

काठमाडौं । देशभर १५ जिल्लामा पूर्ण र तीन जिल्लामा आंशिक रुपमा निषेधाज्ञा जारी भएको छ । निषेधाज्ञा जारी भएका जिल्लामा शुक्रबारबाट थप कडाई हुने भएको छ । अन्य जिल्लाबाट आदेश जारी भएका जिल्लामा यातायातका साधन र पैदल यात्रुको प्रवेश अब रोकिने भएको छ ।

बिहीबार भने बाटोमा रहेका मानिस आउने समय राखेर केही खुकुलो गरिएको थियो । गृह मन्त्रालयका अनुसार बाँके, काठमाडौँ, ललितपुर, भक्तपुर, कास्की, कैलाली, पर्सा, कञ्चनपुर, दाङ, पाल्पा, चितवन, रुपन्देही, सल्यान , सुर्खेत र सुनसरीमा पूर्ण निषेधाज्ञा जारी गरेका छन् ।

कालिकोट, बाग्लुङ र बर्दियाले आंशिक निषेधाज्ञा रहेको छ। यी जिल्लामा अत्यावश्यक बाहेकका सबै गतिविधिमा रोक लगाइएको छ । नेपाल प्रहरीले शुक्रबारबाट चेकजाँच अझ कडा गर्ने तयारी गरेको छ । सरकारले आदेशको पूर्ण पालना गर्दै महामारी नियन्त्रणमा सहयोग गर्न आह्वान गरेको छ ।

काठमाडौं । नेपाल स्टक एक्सचेञ्ज (नेप्से) दोहोरो अंकले बढेको छ । बिहिवार शेयर बजार मापक सूचक नेप्से २५.८२ अंकले घटेर २६११.१० विन्दुमा झरेको हो ।

नेपाल स्टक एक्सचेन्जका अनुसार आज २१७ कम्पनीको ४ अर्ब ३५ करोड ७० लाख ११ हजार २४९ रुपैयाँ बराबरको ९८ लाख १८ हजार ४६ कित्ता शेयर किनबेच भएका छन् ।

कारोबारमा आएका १३ वटा समूहमध्ये २ समूहको परिसूचकमा हरियाली छाएको छ भने ११ समूहको परिसूचक राताम्मे भएका छन् ।
जीवन बीमा समूह सबैभन्दा धेरै १४२.८८ अंकले बढेको छ भने होटल तथा पर्यटन समूहको परिसूचक सबैभन्दा धेरै २७.७७ अंकले घटेको छ भने ।

आज एनसीसी बैंकको सर्वाधिक कारोबार भएको छ । यसको ३० करोड ९६ लाख रुपैयाँ बढीको कारोबार भएको छ । कारोबार रकमकै आधारमा शिवम् सिमेन्ट १८ करोड र हिमालयन पावर कम्पनी १६ करोडको कारोबार सहित शीर्ष तीनमा रहे ।

दोहोरो अंकले बढेको बजारम पनि आज ३ कम्पनीको शेयर मूल्यमा पोजेटिभ सर्किट लागेको छ । महिला लघुवित्त, सिंगटी हाइडो इनर्जी र विशाल बजार कम्पनीका शेयरधनीले १० प्रतिशत कमाएका छन् ।

काठमाडौं । सेयर बजारमा आएको उछाल एक दिन पनि टिक्न सकेन । मंगलबार एकैदिन ९२ अंकले बढेको बजार आज दोहोरो अंकले घटेको छ ।

बैंक तथा वित्तीय संस्थाहरुले तेस्रो त्रैमासमा आकर्षक वित्तीय विवरण सार्वजनिक गरे पनि त्यसले बजारलाई टेको लगाउन सकेको देखिएन । यसअघि ७ कारोबार दिनमा करिब २४० अंकले घटेको बजार हिजो एकैदिन झन्डै १०० अंकले बढे पनि आज निरन्तरता पाउन सकेन ।

सूचकसँगै कारोबार रकममा पनि ठूलो गिरावट आएको छ । अघिल्लो दिनको तुलनामा कारोबार रकम १ अर्ब बढीले घटेर ४ अर्ब मुनि झरेको छ ।

आज सेयर बजार मापक सूचक नेप्से १३.७९ अंकले बढेर २५८५६.२८ विन्दुमा आइपुगेको छ । नेपाल स्टक एक्सचेन्जका अनुसार आज २१५ कम्पनीको ३ अर्ब ९८ करोड ३५ लाख ३३ हजार ८८६ रुपैयाँ बराबरको ८९ लाख ५३ हजार ४५१ कित्ता सेयर किनबेच भएका छन् ।

आइतबार कारोबारमा आएका १३ वटै समूहमध्ये ३ समूहको परिसूचकमा हरियाली छाएको छ भने १० समूहको परिसूचक राताम्मे भएक छन् । उत्पादनमूलक समूहको परिसूचक सबैभन्दा धेरै ५४.६५ अंकले बढेको छ भने जीवन बीमा समूह सबैभन्दा धेरै १४९.११ अंकले घटेको छ ।

आज एनसीसी बैंकको सर्वाधिक कारोबार भएको छ । यसको २८ करोड २८ लाख रुपैयाँ बढीको कारोबार भएको छ । कारोबार रकमकै आधारमा अपर तामाकोशी १६ करोड र एचआइडीसील १४ करोडको कारोबार सहित शीर्ष तीनमा रहे ।

दोहोरो अंकले घटेको बजारम पनि आज दुई कम्पनीको सेयर मूल्यमा पोजेटिभ सर्किट लागेको छ । महिला लघुवित्त र विशाल बजार कम्पनीका सेयरधनीले करिब १० प्रतिशत कमाएका छन् ।घट्दो बजारमा आज पोखरा फाइनान्सका लगानीकर्ताले सबैभन्दा धेरै ६.१५ प्रतिशत गुमाएका छन् ।

काठमाडौं । बिहीबार बिहानैबाट काठमाडौं उपत्यकामा निषेधाज्ञा शुरु हुँदैछ । अत्यावश्यबाहेक सबै काम कारवाही यो अवधिमा रोकिने छन् । सार्वजनिक र निजी यातायात बन्द हुने छ । यस अवस्थामा उद्योग वाणिज्य तथा आपूर्ति मन्त्रालयले निषेधाज्ञाको समयमा अत्यावश्यक वस्तु तथा सेवाको आपूर्ति प्रणाली सुचारु राख्न उच्चस्तरीय ¥यापिड रेस्पोन्स टिम तयार पारेको छ ।

यो टिमले आपूर्ति व्यवस्थाको अवरोध तत्काल हल गर्ने उद्योग वाणिज्य तथा आपूर्ति मन्त्रालयले विज्ञप्ती मार्फत जनाएको छ । मन्त्रालयले स्वास्थ्य सुरक्षा, खाद्य पदार्थ तथा दैनिक उपभोग्य वस्तुहरु लगायतको ढुवानी र आपूर्तिमा सहजीकरण गर्न सम्पर्क व्यक्ति समेत तोकिएको छ ।

आपूर्ति व्यवस्थापनको हकमा प्रेम कुमार श्रेष्ठ, स्थानीय प्रशासनको सहयोग तथा आवागमन सहजताको हकमा जनकराज दाहाल, कृषिजन्य तथा पशुजन्य सामग्री आपूर्तिको विषयमा डा. श्रीराम घिमिरे र उत्पादनशील उद्योगको हकमा नारायणप्रसाद दुवाडी र वैदेशिक व्यापारको हकमा डा. नारायण प्रसाद रेग्मीलाई सम्पर्क व्यक्ति तोकिएको छ ।

मन्त्रालयले सम्बन्धित व्यक्तिहरुको मोबाइल नम्बरसमेत दिएर वस्तु तथा सेवाको उत्पादन, वितरण तथा आपूर्ति प्रणालीमा केही समयमा सम्पर्क गर्न पनि भनेको छ ।

काठमाडौं । नेपाल स्टक एक्सचेञ्ज (नेप्से) दोहोरो अंकले बढेको छ । गत सातादेखि लगातार घटेको बजार आज दोहोरो अंकले लयमा फर्किएको हो ।

मंगलबार शेयर बजार मापक सूचक नेप्से ९२.४६ अंकले बढेर २५९९.०८ विन्दुमा पुगेको हो ।

नेपाल स्टक एक्सचेन्जका अनुसार त्यसदिन २१६ कम्पनीको ५ अर्ब १० करोड ९० लाख ६९ हजार ९७५ रुपैयाँ बराबरको १ करोड २० लाख २ हजार २१९ कित्ता शेयर किनबेच भएका छन् ।

कारोबारमा आएका १३ वटा समूहमध्ये सबै समूहको परिसूचकमा हरियाली छाएको छ । जीवन बीमा समूहको परिसूचक सबैभन्दा धेरै ५५८.६३ अंकले बढेको छ ।

बैंकिङ ४५, ब्यापार १९०, होटल तथा पर्यटन ३९, विकास बैंक ९३, जलविद्युत १५३, फाइनान्स ३५, निर्जीवन बीमा ५४३, उत्पादन २३९, अन्य ६९, माइक्रोफाइनान्स २३७, जीवन बीमा ५५८ र लगानी समूह ४ अंकले बढेका छन्।

आज कारोबारमा आएका २१६ कम्पनीमध्ये जम्मा २० कम्पनीको सेयर मूल्य बढेको छ भने १८८ कम्पनीको मूल्यमा गिरावट आएको छ । १२ कम्पनीको मूल्य स्थिर रहेको छ ।

आज माथिल्लो तामाकोशीको सर्वाधिक कारोबार भएको छ । यसको २३ करोड ८२ लाख रुपैयाँ बढीको कारोबार भएको छ । कारोबार रकमकै आधारमा निफ्रा २१ करोड र नेपाल पुनर्बीमा कम्पनीको १४ करोडको कारोबार सहित शीर्ष तीनमा रहे ।

आज कारोबार भएका एउटा सबै समूह हरियाली भएका छन् भने ११ कम्पनीको शेयरमूल्यमा पोजेटिभ सर्किट लागेको छ । महिला लघुवित्त, विशाल बजार, माथिल्लो तामाकोशी, युनाइटेड फाइनान्स, समिट लघुवित्त, मल्टी प्रपोज फाइनान्स र ग्लोबल आइएमई लघुवित्तका शेयरधनीले १० प्रतिशत कमाएका छन् ।

यसैगरी, छ्याडदी हाइडोपावर, अरुण भ्याली, उन्नति सहकार्य लघुवित्त, युनाइटेड इदी मार्दी हाइडोपावरका लगानीकर्ता पनि ९ प्रतिशत बढी कमाएका छन् ।

काठमाडौं । निषेधाज्ञापछि घरमै बस्नुपर्ने लगानीकर्ताका लागि खुसीको खबर छ । नेपाल स्टक एक्स्चेन्ज(नेप्से) ले ब्रोकरहरूलाई स्वास्थ्यसम्बन्धी मापदण्ड पालना गराएर शेयर कारोबार गर्न परिपत्र गरेको छ । यससँगै निषेधाज्ञाका बीचमा समेत कारोबार निरन्तर जारी रहने भएको छ ।

सेयर बजार सञ्चालन गर्ने गतिविधिमा सजकता अपनाउन धितोपत्र व्यवसायीलाई ७ बुँदे निर्देशन दिएको छ । निर्देशनमा सकेसम्म अनलाइन कारोबार गर्न र अनलाइन प्रयोगलाई प्रोत्साहन गर्न कारोबारको खरिद विक्री रकम सहज ढंगले उपलब्ध गराउन भनिएको छ ।

सदस्य दलाल तथा व्यापारीलाई यथासम्भव भौतिक आवगमनलाई कम गर्न आग्रह गरेको छ । कोरोना संक्रमण जोखिमलाई मध्यनजर गर्दै शेयर बिक्रीको रकम लिन भौतिक रूपमा ब्रोकर कार्यालय उपस्थित हुनुपर्दैन ।

धितोपत्र व्यापारीले नेप्सेसँग गर्नुपर्ने कामकारवाहीका लागि भौतिक उपस्थितिलाई सम्भव भएसम्म कम गर्नुपर्ने छ । नेप्सेमा पेश गर्नुपर्ने, कागजातहरु सकेसम्म इमेल मार्फत अभौतिक रुपमा पीडीएफ फाईल पठाउन नेप्सेले अनुरोध गरेको छ ।

संस्थापक शेयरको कारोबार गर्न तथा गराउन सदस्य दलालले आवश्यक सम्पूर्ण कागजात संकलन गरिसकेपछि मात्र नेप्सेमा पेश गर्न अनुरोध गरेको छ ।

त्यसैगरी, सदस्यले नेप्सेबाट पाएको पत्रहरुको प्रत्युत्तर एवं सदस्यसँग सम्बन्धित अन्य कुनै पनि विवरण एवं जानकारी गराउँदा वा पत्राचार गर्दा यो इमेलमा पठाउनु पर्ने नेप्सेले जनाएको छ ।

काठमाडौं । नेपाली शेयर बजारमा भीषण पहिरो गएको छ । गत साता करिब १०० अंकले घटेको बजार आज एकै दिन ७५ अंकले घटेको हो ।

प्रधानमन्त्री केपी शर्मा ओलीले प्रतिनिधिसभा विघटन गरेर मध्यावधि निर्वाचनको घोषणा गर्दा पनि कुनै प्रतिक्रिया नदिएको शेयर बजारको करेक्सनलाई लगानीकर्ताहरुले चासोको रुपमा लिएका छन् ।

कोरोनाको दोस्रो लहर शुरु भएसँगै लकडाउन हुने हल्लाले लगानीकर्ताको मनोबल गिर्दा बजारमा असर देखिएको आकलन गरिएको छ ।

सरकारले पूर्ण लकडाउन नहुने बताउँदै आए पनि लगानीकर्ता निराशावादी हुँदा बजारमा गिरावट आएको लगानीकर्ताको भनाइ छ । सूचकमा ठूलो गिरावट आए पनि कारोबार रकम भने उत्साहजनक नै रहेकाले आत्तिहाल्नु पर्ने अवस्था नरहेको उनीहरुको भनाइ छ ।

यो बेला सकभर शेयर होल्ड गर्नुपर्ने विश्लेषकहरुको भनाई छ । अहिले राम्रा र बलिया कम्पनीको शेयर किन्ने अवसर भएकोले यस्तो बेला बजारबाट बाहिरिने भन्दा पनि भित्रिनु बुद्धिमानी हुने विश्लेषकहरुको दाबी छ ।

शेयर बजारलाई प्रत्यक्ष प्रभाव पार्ने कुनै नीतिनियम परिवर्तन नभएकाले बजार निरन्तर ओरालो लागे लागेपनि लगानीकर्ताहरु निराश हुनुपर्ने अवस्था छैन् ।

साताको पहिलो दिन नेपाल स्टक एक्सचेञ्ज (नेप्से) दोहोरो अंकले घटेको छ । आइतबार नेप्से ७५.७९ अंकले घटेर २५७२.२१ विन्दुमा झरेको हो ।

नेपाल स्टक एक्सचेन्जका अनुसार आज २१५ कम्पनीको ७ अर्ब २८ करोड ४१ लाख ९४ हजार ९०१ रुपैयाँ बराबरको १ करोड ४६ लाख ९० हजार ७२० कित्ता शेयर किनबेच भएका छन् ।

कारोबारमा आएका १३ वटा समूहमध्ये सबै परिसूचक राताम्मे भएका छन् ।

आज कारोबारमा आएका २१५ कम्पनीमध्ये जम्मा ८ कम्पनीको शेयर मूल्य बढेको छ भने २०४ कम्पनीको मूल्यमा गिरावट आएको छ । ३ कम्पनीको मूल्य स्थिर रहेको छ ।

यस दिन बैंकिङ ४२, ब्यापार ११३, होटल तथा पर्यटन २२०, विकास बैंक ८६, जलविद्युत ११२, फाइनान्स ४३, निर्जीवन बीमा ४४०, उत्पादन १३६, अन्य ४७, माइक्रोफाइनान्स १६०, जीवन बीमा ४६० र लगानी समूह ३ अंकले घटेका छन्।

चन्द्रागिरि हिल्सको मूल्य सबैभन्दा धेरै ८.४३ प्रतिशतले घटेको छ। आजको कारोबारपछि कम्पनीको मूल्य प्रतिकित्ता १९५५ रुपैयाँ कायम भएको छ।

नारायणी डेभलपमेन्ट बैंकको मूल्य ८.१ प्रतिशतले घटेर ५२७ रुपैयाँमा झरेको छ। त्यस्तै रिडी हाइड्रोपावरको मूल्य ७.६ प्रतिशतले घटेर २०५ रुपैयाँ कायम भएको छ।