Category: अर्थतन्त्र

काठमाडौं । अर्थमन्त्री विष्णु पौडेलले सुनको आपूर्ति कोटा बढाउने आश्वासन दिएका छन् । यस विषयमा सरकार सकारात्मक रहेको उनको भनाई छ । नेपाल सुनचाँदी व्यवसायी महासंघका पदाधिकारीहरुसँग बुधबार सिंहदरबारमा भएको भेटमा अर्थमन्त्री पौडेलले सुनको आपूर्ति बढाउन सरकार सकारात्मक रहेको आश्वासन दिएका हुन् ।

बजारमा देखिएको अभाव हटाउन आवश्यक तयारी भइरहेको भन्दै उनले केही दिनभित्रै यस बिषयमा निर्णय हुने समेत जानकारी गराए । माग र आपूर्तिवीच चरम सन्तुलन देखिएको स्वीकार गर्दै मन्त्री पौडेलले बजारको अहिलेको वास्तविक मागका बिषयमा व्यवसायीसँग चासो राखेका थिए । त्यसक्रममा महासंघका सल्लाहकार तथा सभासद छविलाल बिश्वकर्माले व्यवसायीलाई परेको अप्ठ्याराका विषयमा अर्थमन्त्री पौडेललाई ध्यानाकर्षण गराएका थिए ।

उक्त अवसरमा नेपाल सुनचाँदी व्यवसायी महासंघका अध्यक्ष माणिक रत्न शाक्यले बजारमा कच्चा सुनको चरम अभाव भएको बताए । उनले यो समस्या तत्काल समाधान गर्न मन्त्री पौडेलसँग आग्रह गरे । उनले सरकारले कोभिडका कारण भएको लकडाउनका क्रममा घटाएको कोटा अझै वृद्धि नगरेकोले अहिले समस्या आएको उल्लेख गरे । अहिले बजारमा दैनिक ३० किलोसम्म सुनको माग रहेकोले तत्कालका लागि सोही परिमाणमा सुन उपलब्ध गराउनु पर्ने आवश्यकता औल्याए ।

आवश्यकताअनुसार कच्चा सुन सहज रुपमा उपलब्ध नहुँदा बजारमा अवैध रुपमा सुन भित्रिन सक्ने र त्यसवाट सरकारी राजस्व समेत गुम्ने खतरा रहेको अर्थमन्त्रीलाई उनले जानकारी गराए । पछिल्लो समय दैनिक १० किलो सुन आयात हुँदै आएको छ ।

लकडाउन अघि सामान्य समयमा दैनिक २० किलो र लगनको समयमा दैनिक २५ किलो सुन आउने गरेको थियो । यसैवीच आगमी आर्थिक बर्षको बजेटमा सुनचाँदीको क्षेत्रवाट समुट्नुपर्ने बिषयहरुलाई समेटिएको सुझाव समेत अर्थमन्त्री पौडेललाई बुझाइएको छ ।

काठमाडौं । उपत्यकाबासीको तीन दशक लामो प्रतिक्षा चिर्दै अन्ततः काठमाडौंमा मेलम्चीको पानी झरेको छ । मेलम्ची खानेपानी आयोजनाको पानी आज सुन्दरीजल झारिएको छ । प्रधानमन्त्री केपी शर्मा ओली आज सोही प्रयोजनका लागि सुन्दरीजल पुगेका थिए । उनले फ्लसिङ टनेलको हाइड्रो मेकानिकल गेटको बटम थिचे ।

त्यसपछि गत फागुन १० मा सुरुङमा खसालिएको पानी सुन्दरीजलमा झरेको हो । आजको पानी धमिलो थियो । सोहीकारण पानी बागमती नदीमा पठाइएको छ । प्रधानमन्त्री केपी शर्मा ओलीले लामो सपना पुरा भएको दिनका रुपमा व्याख्या गरे ।

उनले अब केही दिनमै घरघरमा पानी आउने बताए । उनले दिनपिच्छे ठूल्ठूला काम भएको दावि गर्दै यसअघि आफ्नै पार्टीबाट समेत सहयोग नभएको गुनासो समेत आज गर्न भ्याए ।

बुटवल । रूपन्देहीको मोतिपुरमा औद्योगिक कोरिडोर शिलान्यास गर्न पुगेका अर्थमन्त्री विण्णु पौडेल तथा उद्योग मन्त्री लेखराज भट्टलाई स्थानीयले लखेटे । खासगरी स्थानीयसँग समन्वय नगरी एकलौटी रुपमा आयोजना अगाडी बढाउन खोजेपछि यहाँ विवाद शुरु भएको हो । स्थानीयले विरोध गर्दै शुक्रबार अर्थमन्त्री विष्णु पौडेलमाथि लक्षित गरी ढुंगा वर्षाएका थिए ।

यो मुद्दामा उक्त क्षेत्रका अर्का सांसद तथा प्रचण्ड–नेपाल नेतृत्वको नेकपाका नेता घनश्याम भुसालले भने आफु स्थानीयको साथमा रहेको र उनीहरुको मागमा समर्थन रहेको बताएका छन् । भुसालले स्थानीयसँग सामान्य छलफल पनि नगरी सरकारका दुई,दुई जना मन्त्रीको दमनपूर्ण हर्कतकै कारण घटना हुन पुगेका बताएका हुन् । यसबाट सरकारको जनविरोधी मुकुण्डो उदाङ्गो भएको भुषालको भनाई छ ।

करिब साढे चार दशकदेखि बसोबास गर्दै आएका जनताको उचित व्यवस्थापनको विकल्प नदिईं, उनीहरुसँग सामान्य छलफल नगरी, वातावरणीय प्रभाव मुल्यांकन समेत नभएको र केवल राजनीतिक प्रचारका लागि देखाइएको मोतिपुर औद्योगिक करिडोर शिलान्यासका नाममा दमनपूर्ण हर्कत गरिएको उनको भनाई छ ।

यसअघि अर्थमन्त्री पौडेलले भने पर्दा पछाडीबाट नभई सामुन्ने आएर विरोध गर्न आह्वान गरेका थिए । लगत्तै घनश्यामको विज्ञप्ती सार्वजनिक भएको हो । वातावरणीय प्रभाव मुल्याङ्कन गरेपछि स्थानीय वासिन्दाको व्यवस्थापन गरेर मात्रै अरु काम अगाडि बढाउने विषयमा उद्योगमन्त्री, औद्योगिक व्यवस्थापन लिमिटेडका अधिकारीसँग भएको सहमतिसमेत तोडेर ढल्दै गरेको सरकारका मन्त्रीले सयौं सुरक्षकर्मीका घेराभित्र बसेर कायरतापूर्वक नागरिक दमनको नांगो नाच नाचेको घनश्यामले बताए ।

काठमाडौं । बैंक तथा वित्तीय संस्थामा करियर बनाउन इच्छुक युवाहरुका लागि खुसीको खबर छ । नेपाल बैंक लिमिटेडले झण्डै दुई सय जना नयाँ भर्ना गर्ने गरी रोजगारी खुलाएको छ । बैंकले अनलाइन दरखास्त फारम आह्वान गर्दै यस्तो जानकारी दिएको हो । लोक सेवा आयोगको सहमतिअनुसार बैंकको स्वीकृत दरबन्दीका आधारमा रिक्त पदमा खुला प्रतियोगिताबाट पदपूर्ति गर्न लागेको बैंकको भनाई छ ।

आजदेखि अनलाइन दरखास्त भर्न सकिने छ । चैत १२ गतेसम्म अनलाइन दरखास्त पेश गर्ने समय तोकिएको बैंकले जनाएको छ । बैंकले सहायक प्रबन्धक, सिएतर्फ सहायक प्रबन्धक, आइटीतर्फ सहायक प्रबन्धक तथा प्रदेशहरू अन्तर्गत सहायकहरू गरी एक सय ९२ पदमा आवेदन मागेको हो ।

बैंकले स्थायी दरबन्दीका लागि आवेदन मागेको हो । सहायक प्रबन्धक पदमा २१ वर्ष पूरा भई ३५ वर्ष ननाघे र अन्य पदका लागि १८ वर्ष पूरा भई ३५ वर्ष ननाघेको हुनुपर्ने सूचनामा जनाएको छ । सूचनाबारे बैंकले गोरखापत्रमा सूचना प्रकाशित गरेको छ । अनलाइन फारम भने बैंकको वेवसाइटबाट भर्न सकिने भएको छ ।

काठमाडौं । नेपालको अर्थतन्त्रको आकार ३९ खर्ब ४३ करोड पुगेको छ । गत आर्थिक वर्ष २०७६\७७ सम्म नेपाली अर्थतन्त्रको आकार उक्त अवस्थामा पुगेको तथ्याङ्क विभागले जनाएको छ । विभागले राष्ट्रिय लेखा तथ्याङ्कको गणनाको आधार वर्ष समेत यो वर्षबाट परिमार्जन गरेको छ । नेपालले यसअघि सन् २०००-२००१ लाई आधार वर्ष मानेर राष्ट्रिय लेखा तथ्याङ्क निकाल्ने गरेको थियो । अब भने राष्ट्रिय लेखा तथ्याङ्कको गणनाका लागि सन् २०१०-११ लाई आधार वर्षका रुपमा मानिएको छ ।
यसअघि नेपालले आधार मानेको वर्षका आधारमा नेपालको अर्थतन्त्रको आकार ३७ खर्ब ६७ अर्ब रुपैयाँको रहेको थियो । नयाँ आधार वर्ष अनुसार कुल गार्हस्थ्य उत्पादन (जीडीपी)मा १४.०७ प्रतिशतको वृद्धि भएको विभागले जारी गरेको तथ्यांकमा उल्लेख छ । आर्थिक वर्ष २०७५\७६ को तुलनामा भने गत आवको अर्थतन्त्रको आकारको वृद्धिदर भने ५ प्रतिशत मात्र हो ।

आर्थिक वर्ष २०७६\७७ मा नेपालको आर्थिक वृद्धिदर भने माइनसमा पुगेको छ । यसो हुनुमा कोरोना भाइरसको महामारी मूख्य कारण मानिएको छ । गत आवको अन्तिम त्रैमास र चालु आवको पहिलो त्रैमास अर्थतन्त्रमा गतिविधिहरु करीव ठप्प भए । यसले आर्थिक वृद्धिदरमा नकारात्मक प्रभाव पार्‍यो ।

तथ्याङ्क अनुसार गत आवको वाषिर्क आर्थिक वृद्धिदर माइनस १.९९ प्रतिशत कायम भएको छ । अघिल्लो आवको अन्तिम त्रैमासमा माइनस १५.४ प्रतिशतको वृद्धिदर रहेकोमा चालु आर्थिक वर्ष २०७७\७८ को पहिलो त्रैमासकको आर्थिक वृद्धि माइनस ४.६ प्रतिशत रहेको छ । यो वर्ष नेपालको प्रतिव्यक्ति आय ११३४ अमेरिकी डलर पुगेको छ । यो अघिल्लो आव २०७५\७६ को तुलनामा कम हो । सो आवमा प्रतिव्यक्ति आय ११५९ डलर थियो ।

काठमाडौं । प्रधानमन्त्री केपी शर्मा ओलीको शिलान्यास दौड जारी छ । उनी सोही सिलसिलामा आज सिन्धुली जाने भएका छन् । राष्ट्रिय गौरबको आयोजना सुनकोशी मरिण डाइभर्सनको शिलान्यास गर्नका लागि प्रधानमन्त्री ओली सिन्धुली जाने तय भएको उनको सचिवालयले जनाएको छ ।

मरिण डाइभर्सनले मध्यतराईको सम्पूर्ण भूमिमा सिंचाई सुविधा पुग्ने र त्यहाँबाट २८ मेगावाटको बिजुली उत्पादन गर्ने लक्ष्य छ । प्रधानमन्त्रीको साथमा उर्जामन्त्री टोपबहादुर रायमाझी समेत हुनेछन् । यो वर्ष आयोजनाका लागि २ अर्ब ५ करोड रुपैयाँ बजेट छुट्याइएको छ । प्रधानमन्त्रीले पछिल्लो समय पूर्वतयारी नै नसकिएका आयोजनाहरुको धमाधम शिलान्यास गरिरहेका छन् ।

काठमाडौं । नेपाल सरकारले बंगलादेशबाट खरिद गरेको युरिया मलमध्ये पहिलो खेप भारतको कोलकात्ता आइपुगेको छ । कृषि सामाग्री कम्पनी लिमिटेडका अनुसार यो मल आजबाट नेपाल ल्याउने प्रक्रिया शुरु हुने छ । बुधबार कार्गो रेलमा राखेर मल नेपाल तर्फ ल्याइने छ । नेपाली सिमानामा आइतबारसम्म मल आइपुग्ने बताइएको छ ।

पहिलो खेपमा बंगलादेशबाट २२ हजार ५ सय मेट्रिकटन मल आएको छ । सरकारले बंगलादेशबाट मल पहिँचोमा ल्याएर नेपालमा कृषकलाई वितरण गर्ने र बंगलादेशलाई तिर्ने प्रक्रिया अगाडी बढाएको थियो । तर, बंगलादेशले समेत नपत्याएपछि खरीद प्रक्रिया शुरु गरिएको थियो । सरकारले प्रक्रिया थालेको ६ महिनापछि बंगलादेशबाट मल नेपाल आउन लागेको हो ।

बंगलादेशसँग जीटुजी मोडलबाट मल खरिद गरिएको छ । कोलकात्ताबाट कार्गो रेलमा राखेर भैरहवा, विराटनगर र वीरगन्जस्थित गोदाममा मल आइपुग्ने छ । बंगलादेशसँग सरकारले ५० हजार मेट्रिक टन युरिया मल किनेको छ । बाँकी २७ हजार ५ सय मेटन मल १५ दिनपछि बंगलादेशको चटगाउँ पोर्ट नेपाल तर्फ लाग्ने छ ।

काठमाडौ । वन तथा वातावरण मन्त्री प्रेम आले मगरले आफुलाई एक अर्ब रुपैयाको प्रलोभन आएको खुलासा गरेका छन् ।

मंगलबार काठमाडौंमा आयोजित सामुदायिक वन उपभोक्ता महासंघ, नेपालको आठौं राष्ट्रिय परिषद्को उद्घाटन कार्यक्रममा मन्त्री आलेले आफुलाई बैज्ञानिक वन व्यवस्थापन कार्यक्रमलाई खारेज नगर्नका लागि आर्थिक प्रलोभन देखाईएको खुलासा गरेका हुन् ।

सरकारले वैज्ञानिक बन व्यवस्थापन कार्यविधि २०७१ खारेज गरेको एक महिना पछि विभागिय मन्त्रीले सो कार्यविधि खारेज नगर्न आर्थिक प्रलोभन देखाईएको बताएका हुन् ।

मन्त्री आलेले आफु सार्वजनिक लेखा समितिको सदस्य रहेका बेला उपसमितिमा बसेर वैज्ञानिक बन कार्यक्रमको बारेमा अध्ययन गर्दा पनि जिल्ला बन अधिकृत, क्षेत्रिय निर्देशक, काठव्यवसायी कर्मचारी लगायतले विभिन्न किसिमका प्रलोभन देखाएको दाबी गरे ।।

काठमाडौं । सरकारले पेट्रोलियम पदार्थको मूल्य फेरी बढाएको छ । पछिल्लो एक महिनायता तेस्रो पटक मूल्य वृद्धि भइसकेको छ । नेपाल आयल निगमका अनुसार पेट्रोल, डिजेल, मट्टितेल र हवाई इन्धनको मूल्य बढेको छ । बढेको मूल्य सोमबार राति १२ बजेदेखि लागू हुने छ ।

पेट्रोल, डिजेल मट्टितेलको मूल्य प्रतिलिटर २, २ रुपैयाँ बढाएको छ । नयाँ मूल्यसूची अनुसार प्रतिलिटर पेट्रोलको मूल्य १ सय १६ रुपैयाँ, डिजेल तथा मट्टितेलको ९९ रुपैयाँ, आन्तरिक हवाई इन्धनको मूल्य ७२ रुपैयाँ र बाह्य हवाई इन्धनको मूल्य प्रतिकिलोलिटर ८ सय ९३ अमेरिकी डलर कायम भएको छ । ग्यासको मूल्य भने १ हजार ४ सय रुपैयाँमा यथावत राखिएको छ ।

त्यस्तै आन्तरिक उडानमा खपत हुने हवाई इन्धनको मूल्य प्रतिलिटर ५ रुपैयाँ तथा अन्तराष्ट्रिय उडानमा प्रयोग हुने हवाई इन्धनको मूल्य भने प्रति किलोलिटर २५ अमेरिकी डलर वृद्धि गरिएको निगमले जनाएको छ । भारतबाट मूल्य बढेर आएपछि नेपालमा समेत बढाउनु परेको निगमको भनाई छ ।

काठमाडौं । सेयर बजारमा उच्च अंकको कमब्याक भएको छ । पछिल्लो एकसातामा १६६ अंकले घटेको बजारमा आज दोहोरो अंकको कमब्याक भएको हो ।

सूचकमा सुधार आए पनि कारोबार रकम भने ह्वात्तै गिरावट आएको छ । आइतबार करिब साढे ८ अर्ब कारोबार भएकोमा आज त्यो घटेर पौने ६ अर्बमा सीमित भएको छ ।

आज सेयर बजार मापक सूचक नेप्से ४०.६४ अंकले बढेर २५१५.०३ विन्दुमा पुगेको छ । नेपाल स्टक एक्सचेन्जका अनुसार आज २०९ कम्पनीको ५ अर्ब ६९ करोड २३ लाख १६ हजार ८३१ रुपैयाँ बराबरको १ करोड १८ लाख ३८ हजार ४८८ कित्ता सेयर किनबेच भएका छन् ।

सोमबार कारोबारमा आएका १३ वटै समूहको परिसूचकमा हरियाली छाएको छ । जीवन बीमा समूहको परिसूचक सबैभन्दा धेरै ३५९.१७ अंकले बढेको छ ।

कारोबारमा आएका २०९ कम्पनीमध्ये १७९ कम्पनीको सेयर मूल्य बढेको छ भने १३ कम्पनीको मूल्यमा गिरावट आएको छ । १६ कम्पनीको मूल्य स्थिर रहेको छ ।

आज नेपाल इन्फ्रास्ट्रक्चर बैंकको सर्वाधिक कारोबार भएको छ । यसको सबैभन्दा धेरै ४४ करोड ४८ लाख रुपैयाँ बढीको कारोबार भएको छ । कारोबार रकमकै शिखर इन्स्योरेन्स ३० करोड र ग्लोबल आइएमई बैंक २३ करोडको कारोबार सहित शीर्ष तीनमा रहे ।

उच्च अंकले बढेको बजारमा आज एउटा कम्पनीको सेयर मूल्यमा पोजेटिभ सर्किट लागेको छ । चन्द्रागिरी हिल्सका सेयरधनीले १० प्रतिशत कमाएका छन् ।

बढ्दो बजारमा सिटिजन्स म्युचुअल फण्ड २ का सेयरधनीले सबैभन्दा धेरै १.८४ प्रतिशत गुमाएका छन् ।

दमक । प्रधानमन्त्री केपी शर्मा ओलीले झापामा औद्योगिक पार्कको शिलान्यास गरेका छन् । उनले आफ्नो निर्वाचन क्षेत्रमा ६४ अर्ब रुपैयाँ लागतको औद्योगिक पार्कको शिलान्यास गरेका हुन् । ‘चीन–नेपाल मैत्रीपूर्ण औद्योगिक पार्क’ नाम दिइएको यो पार्क दमक नगरपालिका, गौरादह नगरपालिका र कमल गाउँपालिका क्षेत्रमा पर्छ । पार्क २१ सय बिगाहा क्षेत्रफलमा फैलिएको हुने बताइएको छ । भौतिक पूर्वाधारको काम ५ वर्षभित्र पूरा गर्ने लक्ष्य छ ।

चीनको ल्हासा इकोनोमिक एण्ड टेक्नोलोजी डेभेलपमेन्ट जोन जिङ पिङ ज्वाइन्ट क्रिएसन कन्स्ट्रक्सन प्रोजेक्ट डेभेलपमेन्ट कम्पनी लिमिटेडले पार्क निर्माणको जिम्मा पाएको छ । पार्कमा सवारीसाधन, मोबाइललगायतका विद्युतीय सामग्री उत्पादन गर्ने उद्योग रहने बताइएको छ । पार्क शिलान्यास गर्दै प्रधानमन्त्री केपी शर्मा ओलीले सरकारले गरेको विकास देखेर विरोधीहरु आत्तिएको बताए । उनले आफुले राजिनामा समेत नगर्ने उल्लेख गरे ।

काठमाडौं । काठमाडौं महानगरपालिकाले दुई महिनाभित्र बढी प्रकाश दिनसक्ने बत्ती (हाइमास्ट लाइट) जडान कार्य शुरु हुने जनाएको छ ।

महानगरपालिकाले शहरका मुख्यमुख्य सडकको करीब ६० किलोमिटर क्षेत्रमा आधुनिक सडक बत्ती जडान गर्नका लागि अहिले बोलपत्र आह्वान गरिसकेको छ । आगामी २ महिनाभित्र प्रक्रियागतरुपमा सबै कार्यसक्ने र बत्ती जडान शुरु हुने महानगरको शहरी पूर्वाधार विकास विभाग प्रमुख राम थापाले जानकारी दिए ।

गत मङ्सिर २५ गते महानगरपालिका, नेपाल विद्युत् प्राधिकरण र सडक विभागबीच सहमतिपत्रमा हस्ताक्षर गरेसँगै प्रक्रिया अघि बढाइएको हो । प्रमुख उज्यालो अभियानअन्तर्गत आधुनिक सडक बत्ती जडान कार्य अघि बढाइएको हो । महानगरपालिकााले आफ्नो क्षेत्रभित्रका करीब ८० स्थानमा बढी प्रकाश दिनसक्ने आधुनिक बत्ती (हाइमास्ट लाइट) जडान गर्ने लागेको हो ।

सडकमा करीब १ हजार ७५० आधुनिक बत्ती जडान गर्न महानगर र नेपाल विद्युत् प्राधिकरणको संयुक्त लगानी रहनेछ । जहाँ महानगरको ६० प्रतिशत र नेपाल विद्युत् प्राधिकरणको ४० प्रतिशत लगानी रहनेछ । प्रमुख थापाका अनुसार पहिलो चरणमा विमानस्थलदेखि त्रिपुरेश्वर हुँदै कलङ्कीसम्म, त्रिपुरेश्वरदेखि महाराजगञ्जसम्म र सिंहदरबार वरिपरि आधुनिक सडक बत्ती जडान गरिने छ ।

पुतलीसडकदेखि बालुवाटारसम्म र त्रिभूवन विमानस्थलदेखि हायत होटलसम्म पनि पहिलो चरणमै जडान गरिनेछ । थापाले नयाँ बानेश्वर, माइतीघरलगायतका स्थानमा अहिलेकै खम्बा प्रयोग गरेर आधुनिक बत्ती जडान गरिने बताए । पहिलो चरणको बत्ती जडानका लागि ११ करोड रुपैयाँ खर्च हुने भएको छ ।

नयाँ पोल थप्नुपर्ने स्थानमा स्वीकृति दिने, नयाँ बत्ती जडानका क्रममा बिग्रिएका फुटपाथलगायतका संरचनाको निर्माण सडक विभागले गर्ने पनि सहमति भएको छ । अहिले काठमाडौँका मुख्य सडक राष्ट्रपति कार्यालय आसपासका सडक, कालिमाटीका सडकमा बत्ती नहुँदा पैदल यात्रु र सवारी चालकले समस्या भोगिरहेका छन् ।

काठमाडौं । प्रधानमन्त्री केपी शर्मा ओली सर्वोच्च अदालतको फैसलापछि आज पहिलो पटक उपत्यकाबाहिर निस्कदैछन् । यसअघि संसद विघटन गरेपछि उनले काठमाडौं बाहिरको दौडधुप बढाएका थिए । प्रधानमन्त्रीको सचिवालयका अनुसार उनी आज गृहजिल्ला झापा जाने कार्यक्रम तय भएको छ । त्यहाँ उनले औद्योगिक पार्कको शिलान्यास गर्नेछन् ।

झापाको दमक नगरपालिका, कमल गाउँपालिका र गौरादह नगरपालिकामा फैलिने औद्योगिक क्षेत्रलाई ‘चीन नेपाल मैत्री औद्योगिक पार्क’ भनिएको छ । पार्कमा ६४ अर्ब रुपैयाँ लगानी गर्ने योजना छ ।

औद्योगिक पार्क निर्माण पीपीपी मोडलमा गर्ने सम्झौत समेत भएको छ । यसअघि प्रधानमन्त्रीले आफ्नो कदमको बचाउ गर्न मानिसहरु भेला गराउँदै आएका थिए । आफ्नो कदम गलत भएसँगै राजिनामा गर्न उनीमाथि तिब्र दवाव छ । तर, प्रधानमन्त्री भने राजिनामाको मुडमा छैनन् ।

काठमाडौं । नेपालले वन संरक्षणमार्फत उत्सर्जन घटाई कार्बन सञ्चिति बढाएबापत करीब ५ अर्ब रुपैयाँ (४५ मिलियन अमेरिकी डलर ) रकम पाउने भएको छ ।

वन तथा वातावरण मन्त्रालयका सचिव डा विश्वनाथ ओली र विश्वबैंकका देशीय निर्देशक फरिस अदाद–जेर्भोसबीच बुधबार भएको उत्सर्जन कटौती खरीद सम्झौअनुसार नेपालले सो रकम प्राप्त गर्नेछ ।

सो सम्झौतानुसार नेपालले पश्चिम तराईका जिल्लाका वनबाट ९० लाख टन कार्बनडाइअक्साइड उत्सर्जन घटाउने छ । यसरी वन संरक्षणमार्फत उत्सर्जन घटाई कार्बन सञ्चिति बढाएबापत नेपालले सो रकम पाउन लागेको मन्त्रालयले जनाएको छ ।

साथै समुदायमा आधारित वन व्यवस्थापन सुधार, राष्ट्रिय वनका लागि उपभोक्ता अधिकार स्थानीय समुदायमा हस्तान्तरण, एकीकृत भूमि उपयोग योजना सुधार, ऊर्जाको वैकल्पिक स्रोतको प्रवद्र्धन र संरक्षित क्षेत्र व्यवस्थापनको क्षमता अभिवृद्धि गरिनेछ । बैंकसँग यस्तो सम्झौता गर्ने नेपाल एशिया-प्रशान्तमा पाँचौँ र विश्वव्यापीरूपमा १२औँ देश हुन पुगेको छ ।

काठमाडौं । नयाँ चालक अनुमतिपत्रका लागि फाराम भर्नेको सङ्ख्या पाँच लाखभन्दा बढी हुँदा यातायात व्यवस्था विभागले अनुमतिपत्रको परीक्षा पास गरेका सेवाग्राहीलाई एक महिनाभित्रमा अनुमतिपत्र दिइसक्ने योजना बनाएको छ ।

ठूलो सङ्ख्यामा कार्ड छाप्ने उपकरण (मास प्रिन्टर) को प्रयोग गरेर एकैदिनमा धेरै सङ्ख्यामा अनुमतिपत्र छाप्न सकिने विभागले जनाएको छ ।

अहिले तत्काल कार्ड स्टक थोरै सङ्ख्यामा भएकाले छाप्न नसकिएको भए पनि नयाँ कार्ड आउनासाथ अनुमतिपत्र छपाइ गरिने छ ।

विभागले १४ लाख कार्ड खरीदका लागि प्रक्रिया अघि बढाएको निर्देशक रामचन्द्र पौडेलले बताए । उनका अनुसार यी कार्डको खरिद गर्न लागेको कम्पनीले अहिले थोरै सङ्ख्यामा कार्ड नमूना परीक्षणका लागिसमेत पठाइसकेको छ ।

त्यो ठीक छ भन्ने जानकारी दिएपछि केही समयमा नै कार्ड आउने उनले जानकारी दिए । ‘हामीसँग थोरै कार्ड मात्रै बाँकी भएकाले थोरै छापिएको हो, नयाँ कार्ड आउनासाथ धमाधम एकैदिनमा धेरै छपाइ हुनेछ’, उनले भने ।

विभागले गत वर्ष खरीद गरेको ‘मास प्रिन्टर’ को क्षमता एक घण्टामा ४५० अनुमतिपत्र छाप्न सक्ने रहेको छ । एक दिनमा १० घण्टा सञ्चालन गर्दा पनि चार हजार ५०० छापिने निर्देशक पौडेलले बताए । उपकरणलाई २४ घण्टा चलाउँदा १० हजार बढी छापिने उनको भनाइ छ ।

विभागले कोभिड–१९ नियन्त्रणका लागि सरकारले जारी गरेको बन्दाबन्दीको समयमा तीन ‘सिफ्ट’ मा उपकरण सञ्चालन गरेको थियो । उनले भने, ‘कति घण्टा चलाउने भन्ने चापमा निर्भर गर्छ ।’,

कोभिड–१९ का कारण झण्डै १० महिनादेखि अवरुद्ध नयाँ अनुमतिपत्र सरकारले गत पुसमा पुनः खुलाएको हो ।

देशभरबाट अनलाइन माध्यमबाट पाँच लाखभन्दा बढी सेवाग्राहीले आवेदन दिइसकेका छन् । तीमध्ये पास दर ३० प्रतिशत हाराहारीमा हुने भएकाले छपाइ गर्न सकिने विभागले जनाएको छ । नयाँ १४ लाख कार्ड एकैपटक आएपछि माग धान्न गाह्रो नहुने निर्देशक पौडेलले बताए ।

‘मास प्रिन्टर’ सँगै विभागमा साना क्षमताका उपकरण रहेका छन् । तत्कालका लागि तीनको प्रयोग नभए पनि प्रयोग गर्न सकिने अवस्थामा रहेको विभागले जनाएको छ ।

विगत दुई वर्षदेखि प्रदेश सरकारअन्तर्गतका यातायात व्यवस्था कार्यालयले नयाँ अनुमतिपत्रका लागि परीक्षा सञ्चालन, नवीकरण र वितरण गरिरहेका छन् । विभागले ‘सर्भर’ को काम र अनुमतिपत्र छपाइ गरिरहेको छ । रासस

काठमाडौं । साताको चौथोदिन नेपाल स्टक एक्सचेञ्ज (नेप्से) दोहोरो अंकले बढेको छ । छ । बुधबार नेप्से परिसूचक १२.४६ अंकले घटेर २५९९.०७ विन्दुमा पुगेको हो ।

नेपाल स्टक एक्सचेन्जका अनुसार त्यसदिन २०४ कम्पनीको ६ अर्ब ७० करोड १५८ लाख ७२ हजार ४७२ रुपैयाँ बराबरको १ करोड ६७ लाख २६ हजार ४७२ कित्ता सेयर किनबेच भएका छन् ।

कारोबारमा आएका १२ वटा समूहमध्ये १० वटा समूहको परिसूचकमा हरियाली छाएको छ भने २ वटा समूहको परिसूचक राताम्मे भएका छन् ।

कारोबारमा आएका २०४कम्पनीमध्ये १११ कम्पनीको सेयर मूल्य बढेको छ भने ५१ कम्पनीको मूल्यमा गिरावट आएको छ । १३ कम्पनीको मूल्य स्थिर रहेको छ ।

आज तीन कम्पनीको सेयरमूल्यमा भने उच्च बृद्धि देखिएको छ । उच्च सेयरमूलय बृद्धि हुनेमा आईएमई जनरल इनस्योरेन्स, नेपाल फाइनान्स र चन्द्रागिरी हिल्स रहेका छन् ।

कम्पनी मध्ये दुई सेयरमूल्य झण्डै १० प्रतिशतले बढेको छ भने अर्को एक कम्पनीको १० प्रतिशतले सेयरमूल्य बढेको छ ।

यस दिन बैंकिङ १५, ब्यापार १.६५, होटल ४६, विकास बैंक १८, फाइनान्स ५, निर्जीवन बीमा १८४, माइक्रोफाइनान्स २२, जीवन बीमा १८० र उत्पादन समूह ५४ अंकले बढेका छन्। जलविद्युत २२ र अन्य समूह १० अंकले ओर्लिएका छन्।

यस दिन नेपाल इन्फ्रास्ट्रक्चर बैंकको मूल्य सबैभन्दा धेरै ५.३ प्रतिशतले घट्यो सो कम्पनीको मूल्य प्रतिकित्ता ५६२ रुपैयाँमा झरेको छ। निफ्राको सेयर कारोबारमा केही घण्टा समस्या उत्पन्न भएको थियो।

काठमाडौं । सेयर बजारमा करेक्शन आएको हो । गत सोमबारदेखि लगातार उकालो लागेको बजारमा आज दोहोरो अंकको गिरावट आएको हो ।

आइतबार इतिहासकै सर्वाधिक उच्च विन्दुमा २६४० विन्दुमा पुगेको बजार आज करिब ३३ अंकले गिरावट आएको हो । प्रफिट बुक गर्नेहरु हाबी हुँदा बजारमा करेक्शन आएको हो ।

सूचकमा ठूलो गिरावट आए पनि कारोबार रकममा भने खासै गिरावट आएको छैन । बजार घटेको बेला सस्तोमा सेयर उठाउनेहरु हाबी हुँदा कारोबार रकम उत्साहजनक नै रहेको छ ।

आज सेयर बजार मापक सूचक नेप्से ३२.६७ अंकले घटेर २६०७.६७ विन्दुमा पुगेको छ । नेपाल स्टक एक्सचेन्जका अनुसार आज २०७ कम्पनीको ८ अर्ब ४० करोड ६३ लाख १० हजार ६७१ रुपैयाँ बराबरको २ करोड १६ लाख १४ हजार ४५२ कित्ता सेयर किनबेच भएका छन् ।

सोमबार कारोबारमा आएका १२ वटा समूहमध्ये अन्य र जलविद्युत समूह बाहेक अरु सबै समूहको परिसूचक राताम्मे भएका छन् । हाइड्रोपावर समूहको परिसूचक सबैभन्दा धेरै ४५.८५ अंकले बढेको छ भने जीवन बीमा समूह सबैभन्दा धेरै ३५१.३४ अंकले घटेको छ ।

कारोबारमा आएका २०७ कम्पनीमध्ये जम्मा ४७ कम्पनीको सेयर मूल्य बढेको छ भने १५१ कम्पनीको मूल्यमा गिरावट आएको छ । ९ कम्पनीको मूल्य स्थिर रहेको छ ।

आज लगानीकर्ता एनआइसी एशिया बैंकको सर्वाधिक कारोबार भएको छ । यसको सबैभन्दा धेरै ३८ करोड २४ लाख रुपैयाँ बढीको कारोबार भएको छ । कारोबार रकमकै आधारमा नेपाल इन्फ्रास्ट्रक्चर बैंक ३२ करोड र निर्धन उत्थन लघुवित्तको ३० करोडको कारोबार सहित शीर्ष तीनमा रहे ।

आज पनि हाइड्रोपावर समूहको सेयरमा चमक आएको छ । अन्य क्षेत्रका कम्पनीको मूल्य घटे पनि यस क्षेत्रका कम्पनीको मूलय भने बढेको छ ।

घट्दो बजारमा पनि आज ८ कम्पनीको सेयर मूल्यमा पोजेटिभ सर्किट लागेको छ । आँखुखोला जलविद्युत कम्पनी र नेपाल इन्फ्रास्ट्रक्चर बैंकको सेयर मूल्य ठ्याक्कै १० प्रतिशतले बढेको छ ।

यसैगरी माथिल्लो तामाकोशी, नेशनल हाइड्रो डेभलपर, शिव श्री हाइड्रोपावर, चन्द्रागिरी हिल्स, सनराइज म्युचुअल फण्ड र खानीखोला हाइड्रोपावरका सेयरधनीले करिब १० प्रतिशत कमाएका छन् ।

दोहोरो अंकले घटेको बजारमा आज सेञ्चुरी कमर्शियल बैंकका सेयरधनीले सबैभन्दा धेरै ५.५२ प्रतिशत गुमाएका छन् ।