काठमाडौं । सेयर बजारले फेरि नयाँ रेकर्ड बनाएको छ । विहिबार इतिहासकै सर्वाधिक उच्च विन्दुमा पुगेको सेयर बजारले आज त्यो रेकर्ड तोड्दै सर्वाधिक विन्दुको कीर्तिमान बनाएको हो ।
साताको पहिलो दिन नेप्सेले २६४०.३५ विन्दु पार गर्दै इतिहासकै उच्च विन्दुमा पुगेको हो । यसअघि विहिबार नेप्सेले २६३६ विन्दु पार गरेको थियो ।
आइतबार सेयर बजार मापक सूचक नेप्से ३.६६ अंकले बढेर २६४०.३५ विन्दुमा पुगेको छ । नेपाल स्टक एक्सचेन्जका अनुसार त्यसदिन २०६ कम्पनीको ८ अर्ब ८३ करोड ४६ लाख ३९ हजार ६६ रुपैयाँ बराबरको २ करोड ४३ लाख ५ हजार ६६ कित्ता सेयर किनबेच भएका छन् ।
कारोबारमा आएका १२ वटा समूहमध्ये ७ वटा समूहको परिसूचकमा हरियाली छाएको छ भने ५ वटा समूहको परिसूचक राताम्मे भएका छन् । कारोबारमा आएका २०६ कम्पनीमध्ये ६७ कम्पनीको सेयर मूल्य बढेको छ भने १०४ कम्पनीको मूल्यमा गिरावट आएको छ । ४ कम्पनीको मूल्य स्थिर रहेको छ ।
कारोबार भएका ७ कम्पनीका लगानीकर्ता मालामाल भएका छन् । यी कम्पनी मध्ये २ कम्पनीको सेयरमूल्य ८ प्रतिशले बढेको छ भने अन्य ५ कम्पनीको ९ प्रतिशत बढेको छ ।
आज अप्पर तामाकोसी हाइड्रोपावर कम्पनी, शिवश्री हाइड्रोपावर कम्पनी, नेपाल इन्फाइन्ट्रक्चर बैंक, नेपाल हाइड्रो डेभलपर्श कम्पनी, चन्द्रागीरी हिल्स, समृद्धी फाइनान्स, एनआईसी एसिया ब्यालेन्स फण्ड, एनएमबी हाइब्रीड फण्ड र लिवर्टी इनर्जी कम्पनीका लगानीकर्ता मालामाल भएका छन् ।
