जेनेभा । विश्व स्वास्थ्य संगठन (डब्ल्यूएचओ)ले कोरोनाबाट बच्न घोषित लकडाउन खोल्ने विषयमा हतार नगर्न मुलुकहरुलाई सचेत गराएको छ ।
संगठनका प्रमुख टेड्रोस अदोनम गिब्रियससले कोरोना संक्रमण रोकथाम गर्न लगाइएको लकडाउन हतारमा हटाए स्थिति झनै भयावह हुने चेतावनी दिएका हुन् ।
लकडाउन अन्त्य गर्नेबारे संसारभरका मुलुकहरु सतर्क हुनुपर्ने उनको सुझाव छ । किनकी भाइरस सुशुप्त अवस्थामा रहेर पनि बस्ने भएकाले लकडाउन खोल्दा परिणाम झन खतरानाक हुन सक्ने चेतावनी संगठनको रहेको छ ।
अदोनमले अहिलेकै अवस्थामा यसलाई अन्त्य गरे संक्रमणका कारण कैयौं मानिसहरुले ज्यान गुमाउने अवस्था आउनेतर्फ सचेत गराएका छन् ।
संगठनले लकडाउनका कारण भएको समस्या कम गर्न विश्वभरका सरकारहरुसँग काम गरिरहेको समेत उनले जनाएका छन् ।
३१ डिसेम्बरमा चीनको वुहान शहरमा पहिलोपटक कोरोना संक्रमित भेटिएका थिए।
हाल यो संक्रमणले महामारीको रुप लिइसकेको छ। विश्वभर भेटिएका १६,९९,६३१ जनामा संक्रमण पुष्टी भएको छ । यसबाट १ लाख २ हजार ७ सय ३४ जनाले ज्यान गुमाएका छन् ।
