Category: स्वास्थ्य

काठमाडौं । नेपालमा कोरोनाका दुई संक्रमित थपिएका छन् । शुक्रबार रुपन्देही र बाँकेमा कोरोना भाइरसका संक्रमित भेटिएका हुन् ।

यससँगै कुल संक्रमितको संख्या ५९ पुगेको छ । स्वास्थ्य तथा जनसंख्या मन्त्रालयका अनुसार रुपन्देहीका २५ वर्षीय र बाँकेका ६० वर्षीय पुरुषमा कोरोना संक्रमण पुष्टि भएको छ । रूपन्देहीका संक्रमित युवक वैशाख ५ गते भारतबाट आएका थिए ।

उनी चोर बाटोबाट प्रहरीको आँखा छलेर नेपाल आएका थिए । उनी नेपाल आउँदा सीमा नाका बन्द थियो । कोटहीमाई गाउँपालिका वडा नंं. १ का २५ वर्षीय युवक लकडाउनको समयमा भारतबाट घर आएका हुन् ।

उनका दाजुले भारतीय सीमा क्षेत्रबाट घर नलगी क्वारेन्टाइन स्थलमा पुर्‍याएका कारण उनले धेरै जनाका कोरोना नसारेको पुष्टी भएको छ ।

यहाँ पनि समुदायमा भने कोरोनाको भाइरस देखिएको छैन । उनको अवस्था सामान्य रहेको अस्पतालले जनाएको छ । प्रदेश नं ५ मा पहिलो पटक संक्रमण देखिएको हो ।

काठमाडौं । विश्वभर कोरोनाको कहर जारी छ । यसले ठूलो मानवीय क्षति निम्त्याएको छ । तथ्यांकहरुका अनुसार अमेरिकाले मात्र भियतनाम युद्धपछिकै बढी संख्यामा आफ्ना नागरिक कोरोना भाइरसका कारण गुमाइसकेको छ ।

बिहीबार बिहानसम्मको तथ्यांक अनुसार विश्वभर कोभिड १९ का कारण २ लाख २८ हजार १ सय ८९ जनाको ज्यान गएको छ ।

अमेरिका यसबाट सबैभन्दा बढी मानवी क्षति भएको मुलुक हो । यहा कोरोनाबाट मृत्यु हुनेको संख्या ६१ हजार नाघेको छ। अमेरिकामा पछिल्लो २४ घण्टामा मात्र २३ सय ५२ जनाले ज्यान गुमाए ।

यस मुलुकमा एकै दिन २७ हजार पाँच सय ८६ जना नयाँ बिरामी थपिए ।

अमेरिकामा अहिलेसम्म १० लाख ६३ हजार पाँच सय ५१ जना संक्रमित भेटिएको आंकडा रहेको छ ।

१ लाख ४७ हजार १ सय १४ जना निको भएर घर फर्किएका छन्। अमेरिका पछि ठूलो क्षति इटालीमा भएको छ ।

कोरोना भाइरसका कारण यस मुलुकमा २७ हजार ६ सय ८२ जनाको मृत्यु भएको छ। इटालीमा २ लाख ३ हार ५ सय ५१ जना संक्रमित छन्।

बेलायतमा कोरोना भाइरसबाट मृत्यु हुनेको संख्या २६ हजार नाघेको छ। कोरोना भाइरसबाट मृत्यु हुनेको संख्या मार्च २ यता २६ हजार ९७ पुगेको बेलायती स्वास्थ्य मन्त्रालायले जानकारी दिएको छ । बेलायतमा एकै नि ७ सय ६५ जनाले ज्यान गुमाए ।

यस मुलुकमा १ लाख ६५ हजार २ सय २१ जना संक्रमित छन्। स्पेनमा पछिल्लो २४ घण्टामा ४ सय ५३ जनाले ज्यान गुमाए ।

हालसम्म स्पेनमा २४ हजार २ सय ७५ जनाको मृत्यु भएके छ । फ्रान्समा २४ हजारको ज्यान गएको छ।

त्यहाँ एक लाख ६६ हजार ४ सय २० जनामा संक्रमण भेटिएको छ। अर्को अमेरिकी देश ब्राजिलमा केहि दिनदेखि तीव्र रुपमा फैलिदै गएको यो भाइरका कारण एकै दिन ४ सय ४८ जनाले ज्यान गुमाए ।

भारतमा ३३ हजार ६२ जना संक्रमित छन्। त्यहाँ हालसम्म एक हजार ७९ जनाले ज्यान गुमाएका छन् ।

विश्वभर कोरोना संक्रमितको संख्या ३२ लाख १९ हजार २ सय ३५ रहेको छ । २ लाख २८ हजार १ सय ८९ जनाको ज्यान गएको छ ।

नेपालमा ५७ जनामा संक्रमण पुष्टी भएको छ । त्यसमध्ये १६ जना घर फर्किसकेका छन् ।

बाँकि संक्रमितमध्ये ठूलो संख्या भारतीय नागरिकको रहेको छ । नेपालको समुदायमा एक जनामा कोरोना देखिएको छ ।

काठमाडौं । नेपालमा मंगलबार थप दुई कोरोना संक्रमणको पुष्टी भएको छ । रौतहटमा दुई जनामा कोरोना संक्रमण पुष्टी भएको हो ।

जिल्लाको वृन्दावन नगरपालिका ९ भुसहा र देवाही गोनाही नगरपालिका १ का पुरुषमा कोरोना संक्रमण पुष्टि भएको जिल्ला स्वास्थ्य कार्यालय रौतहटले पुष्टी गरेको हो ।

उनीहरु दुबैको टेकुस्थित राष्ट्रिय जनस्वास्थ्य प्रयोगशालामा गरेको परीक्षणमा कोरोना संक्रमण पुष्टि भएको हो ।

वृन्दावन नगरपालिका भुसहाका २५ वर्षका पुरुष भारतको कोलकाताबाट फर्केर चन्द्रपुरको क्वारेन्टाइनमा १४ दिन बसेर घर फर्किएका थिए ।

जनकपुरबाट आएको प्रादेशिक टोलीले गरेको र्‍यापिड डाइग्नोस्टिक टेष्ट (आरडीटी) मा नतिजा नेगेटभ देखिएपछि उनलाई घर फर्काइएको थियो ।

कोरोना संक्रमण पुष्टि भएपछि ती युवकको खोजी सुरु भएको छ ।

त्यस्तै देवाही गोनाही १ का ३५ वर्षका पुरुष हाल क्वारेन्टाइनमै रहेको बताइएको छ ।

काठमाडौंबाट गत वैशाख १२ गते आएको चार जनाको टोलीले रौतहटको ८ क्वारेन्टाइनबाट ७ महिलासहित ८३ जनाको स्वाब संकलन गरेर लगेको थियो । सोही स्वाबमध्ये दुई जनाको रिपोर्ट पोजेटिभ आएको हो ।

यसअघि रौतहटको इशनाथ नगरपालिकामा भेटिएका एक संक्रमित ठीक भएर वीरगञ्जबाट घर फर्किसकेका छन् ।

यससँगै अ नेपालमा कोरोना संक्रमितको संख्या ५४ पुगेको छ । १६ जना भने निको भएर घर फर्किसकेका छन् ।

काठमाडौं । नेपालमा कोरोनाका कारण मर्ने मानिसको संख्या २ लाख ९ हजार नाघेको छ । मंगलबार बिहानसम्मको तथ्यांक अनुसार विश्वभर कोरोना भाइरसको संक्रमणबाट २ लाख ९ हजार ७ सय ९९ मानिसको ज्यान गएको छ ।

संक्रमित मानिसको संख्या समेत ३० लाख भन्दा माथि पुगेको छ । विश्वभर कोरोना भाइरसबाट संक्रमित हुनेको संख्या ३० लाख २० हजार १ सय १७ पुगेको हो ।

अहिलेसम्म अमेरिकामा सबैभन्दा बढी संक्रमित पुगेका छन् । यस मुलुकमा ९ लाख ८३ हजार भन्दा बढीमा भाइरसको संक्रमण देखिएको छ ।

स्पेनमा २ लाख २९ हजारभन्दा बढी मानिसमा संक्रमण पुष्टी भएको छ । इटालीमा एक लाख ९९ हजारभन्दा बढी मानिस संक्रमित छन् ।

मृत्यु हुनेमा समेत सबैभन्दा धेरै अमेरिकामा छन् । यहाँ ५५ हजार सात सय ३५ मानिसको ज्यान गएको छ । इटालीमा २६ हजार नौ सय ७७ को मृत्यु भएको छ ।

स्पेन र फ्रान्समा २३ हजारभन्दा बढीको कोरोना भाइरसको कारण मृत्यु भइसकेको छ ।

अहिलेसम्म विश्वभर कोरोना भाइरसका आठ लाख ८७ हजार संक्रमित निको भएर घर फर्किसकेका छन् ।

नेपालमा कूल ५२ जनामा संक्रमण देखिएको छ । त्यसमध्ये १६ जना निको भएर घर फर्किएका छन् । नेपालमा मानवीय क्षति भने भएको छैन ।

वीरगञ्ज । नेपालमा दुई जना कोरोना संक्रमित थपिएका छन् । वीरगञ्जमा आइतबार थप दुई जनामा कोरोना भाइरस (कोभिड–१९) को संक्रमण भएको पुष्टि भएको हो । वीरगञ्ज महानगरपालिका ३ र १६ का पुरुषमा कोरोना संक्रमण पुष्टि भएको स्वास्थ्य मन्त्रालयले जानकारी दिएको छ ।

यससँगै नेपालमा कोरोना संक्रमण पुष्टि भएका व्यक्तिको संख्या ५१ पुगेको हो । उनीहरु कोरोना संक्रमित भारतीय जमातीको सम्पर्कमा रहेको व्यक्ति रहेको बुझिएको छ ।

कोरोन परीक्षणका क्रममा छपकैयाका महानगरको सरसफाइ शाखामा कार्यरत कर्मचारीमा संक्रमित पाइएको हो । अर्को संक्रमित भने सिद्धार्थ माविको क्वारेन्टाइनमा राखिएका पुरुष हुन् ।

उनलाई सम्भावित संक्रमितका रुपमा क्वारेन्टाइनमा राखिएको स्थानीय प्रशासनले जनाएको छ । वीरगन्जमै आइतबार ४ जना भने निको भएका छन् ।

काठमाडौं । कोरोना भाइरसले मृत्यु हुने मानिसको संख्या २ लाख नाघेको छ । संसारभर २ लाख २ हजार ४ सय ५५ पुगेको हो ।

विश्वभर कोरोना संक्रमितको संख्या २८ लाख ९२ हजार पुगेको तथ्यांक रहेको छ । कोरोना भाइरस संक्रमणका कारण सबैभन्दा धेरै अमेरिकामा ५३ हजार ५ सय ११ जनाको मृत्यु भएको ।

यो मुलुकमा संक्रमित ९ लाख ३६ हजार पुगेको छ । कोरोना भाइरसका कारण पहिलो पटक ११ जनवरीमा मानिसको मृत्यु भएको थियो ।

त्यसपछि अहिलेसम्म यो भाइरस दुई सय १० मुलुकमा फैलिएको छ । अमेरिकासहित पाँचवटा देशमा मृतक संख्या २० हजार भन्दा माथि रहेको छ ।

इटलीमा २६ हजार ३ सय ८४, स्पेनमा २२ हजार ९ सय २, फ्रान्समा २२ हजार ६ सय १४ र बेलायतमा २० हजार ३ सय १९ जनाको मृत्यु भएको तथ्यांक रहेको छ ।

स्पेनमा संक्रमितको संख्या दुई लाख २३ हजार नाघेको छ । इटालीमा अहिलेसम्म एक लाख ९५ हजारभन्दा धेरै संक्रमित भएका छन् ।

विश्वभर अहिलेसम्म आठ लाख ११ हजारभन्दा धेरै संक्रमित निको भएका छन् । जर्मनीमा अहिलेसम्म एक लाख नौ हजारभन्दा धेरै संक्रमित निको भइसकेका छन् ।

अमेरिकामा करिब एक लाख निको भएका छन् भने स्पेनमा पनि ९५ हजारभन्दा धेरै संक्रमित निको भएर घर फर्फेका छन् ।

नेपालमा ४९ जनामा संक्रमण भएको छ । ११ जना निको भएर फर्किसकेका छन् ।

काठमाडौं । नेपालमा कोरोना परीक्षण भएका मानिसको संख्या ४९ हजार नाघेको छ । नेपालमा कूल ४९ हजार ३ सय ३६ वटा नमुना परिक्षण भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार हालसम्म पीसीआर विधिमार्फत ९ हजार ६ सय ६६ वटा र्‍यापिड डाइगोनोस्टिक टेष्ट (आरडिटी) बाट ३९ हजार ६ सय ७० वटा गरी कूल ४९ हजार ३ सय ३६ वटा नमुनापरीक्षण गरिएको छ ।

पछिल्लो २४ घण्टामा मात्रै एक हजार ९ सय ४५ वटा नमुना परीक्षण गरिएको छ । तर, कुनै पनि नमुनामा पोजेटिभ नतिजा आएन् ।

देशभरका सबै जिल्लामा आरडिटी परीक्षण भइरहेको छ ।

अहिलेसम्म प्रदेश नम्बर १ मा ४ हजार १६०, प्रदेश २ मा ५ हजार ४४, बाग्मती प्रदेश ७ हजार ४६७, गण्डकी प्रदेशमा ४ हजार ८७१, प्रदेश ५ मा २ हजार ९५०, कर्णाली प्रदेशमा ४ हजार ९७४ र सुदुरपश्चिम प्रदेशमा १० हजार २०४ वटा नमुनाहरु परीक्षण भएका छन्।

यी नमुनाबाट ४९ जनामा कोरोना पोजेटिभ देखिएको छ । १२ जना भने निको भएर घर फर्किसकेका छन् ।

बाग्लुङ । बेल्जियमबाट नेपाल आउने क्रममा कोरोना संक्रमित भएकी बाग्लुङकी १९ वर्षीय युवतीले समेत कोरोनालाई जित्न सफल भएकी छिन् ।

यससँगै अब नेपालमा कोरोना संक्रमण पछि निको हुनेको संख्या ११ पुगेको छ । धौलागिरी अञ्चल अस्पतालमा उपचारत उनलाई शुक्रबार डिस्चार्ज गरिएको छ ।

चैत ४ मा बेल्जियमबाट कतारको दोहा हुँदै नेपाल आएकी उनमा चैत १५ गते कोरोना संक्रमण पुष्टि भएको थियो।

पछि उनीसँगै बेल्जियमबाट आएकी नाताले हजुरआमा पर्ने ६५ वर्षीया महिलामा पनि संक्रमण देखिएको थियो।

महिला यसअघि नै निको भएर घर फर्किसकेकी छिन् । युवतीको पाँचौ पटकको परीक्षणको नतिजा नेगेटिभ आएको छ ।

यसअघि चारवटा परीक्षणमा भने उनमा कोरोना पोजेटिभ थियो। नेपालमा संक्रमितको संख्या ४९ पुगेको छ। अहिलेसम्म कोरोनाबाट नेपालमा मानवीय क्षति भएको छैन ।

काठमाडौं । नेपालमा ४९ औं व्यक्तिमा कोरोना भाइरसको संक्रमण पुष्टी भएको छ । स्वास्थ्य तथा जनसंख्या मन्त्रालयकाअनुसार झापाका ६२ वर्षीय बृद्धमा कोरोना संक्रमण पुष्टि भएको छ ।

उनको धरानस्थित वीपी कोइराला स्वास्थ्य विज्ञान प्रतिष्ठानमा गरिएको थ्रोट स्वाब परीक्षणमा रिपोर्ट पोजेटिभ आएको मन्त्रालयले जानकारी गराएको छ ।

उनलाई उपचारका लागि विराटनगरस्थित कोरोना अस्पताल लैजाने भएको छ । उनीसँगै नेपालमा कूल संक्रमितको संख्या ४९ पुगेको हो ।

यसमध्ये १० जना निको भएर घर फर्किएका छन् । संक्रमितका छोरा ४ चैतमा दुबईबाट आएका थिए । विमानबाट काठमाडौं ओर्लिएका उनी बस चढेर घर पुगेका थिए ।

विदेशबाट आएकाहरुको परीक्षणका क्रममा उनीसँगै परिवारमा रहेका उनका आमा, बावु र श्रीमतीको टेष्ट गरिएको थियो ।

श्रीमती बाहेक सबैको पोजेटिभ आयो । त्यसपछि सबैको थ्रोट स्बाव संकलन गरेर धरानस्थित वीपी कोइराला स्वास्थ्य विज्ञान प्रतिष्ठानमा पठाइएको थियो ।

परिवारका अन्यको भने नेगेटिभ आउँदा बुबामा मात्र कोरोना देखिएको हो ।

काठमाडौं । नेपालमा कोरोना संक्रमितको संख्या ४८ पुगेको छ । बिहीबार भोजपुरमा थप एक जनालाई कोभिड–१९ को संक्रमण पुष्टी भएको हो ।

यसअघि रौटहतकी एक महिला र जनकपुरका एक किशोरमा बिहीबार नै कोरोना देखिएको थियो । भोजपुरमा भने हथुवागढीका २६ वर्षीय पुरुषमा कोरोना संक्रमण भेटिएको हो ।

उनको थ्रोट स्बावको परीक्षण वीपी कोइराला स्वास्थ्य विज्ञान प्रतिष्ठान धरानमा गरिएको थियो । संक्रमित व्यक्ति विदेशबाट आएको बताइएको छ ।

नेपालमा संक्रमितको संख्या ४८ पुगेको छ भने १० जना उपचार पछि घर फर्किसकेका छन् । ३८ जना उपचारका लागि अस्पताल भर्ना भएका छन् ।

कैलाली । नेपालमा एकै दिन तीन जनाले कोरोनालाई जित्दै अपस्तालबाट डिस्चार्ज हुन सफल भएका छन् । बिहीबार साँझ कोरोना संक्रमित कैलालीकी ५० वर्षीया महिला पनि उपचारपछि निको भएर घर फर्किएकी छन् ।

उनी लम्कीचुहा नगरपालिका वडा नम्वर १ की स्थायी बासिन्दा हुन् । सेती प्रादेशिक अस्पतालले उनलाई बिहीबार साँझ डिस्चार्ज गरेको हो ।

यसअघि बिहीबार दिउँसो ८१ वर्षिय वृद्धा र ५८ वर्षिय पुरुषले कोरोनालाई जित्दै घर फर्किएका थिए । कैलालीमा महिलाको लगातार दुई पटकसम्म कोरोना परीक्षण रिपोर्ट नेगेटिभ आएपछि डिस्चार्ज गरिएको हो ।

यसअघि लम्कीचुहाका २१ वर्षीय युवक, धनगढी उपमहानगरपालिका वडा नम्बर ५ का ३४ वर्षीय पुरुष र कञ्चनपुर बेदकोटका ४१ वर्षीय युवक निको भएर घर फर्किसकेका छन् । पर्साको वीरगञ्जबाट आएर क्वारेन्टाइन बसेपछि उनको स्वास्थ्य परीक्षण गर्दा कोरोना संक्रमण पुष्टि भएको थियो ।

अब धनगढी उपमहानगरपालिका वडा नम्वर ५ की ३४ वर्षीया महिला मात्रै सेती अञ्चल अस्पतालको आइसोलेसनमा उपचाररत छिन् ।

उनी निको भएपछि सुदुरपश्चिम तत्कालका लागि कोरोनामुक्त हुनेछ । किनकी उनीहरुपछि यस क्षेत्रमा कोरोना देखिएको छैन ।

यससँगै अब नेपालमा कूल १० जनाले कोरोनालाई जित्न सफल भएका छन् । नेपालमा कूल ४७ जनामा कोरोना देखिएको छ ।

काठमाडौं । नेपालमा थप तीन जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले यसको पुष्टी गरेका छन् ।

उनका अनुसार २४, ६० र ७२ वर्षका पुरुषमा कोरोना संक्रमण पुष्टी भएको हो । उनीहरु उदयपुरको त्रियुगा नगरपालिका ३ भुल्केको नुरी मस्जिदमा बसेको जमातीहरुको समूहकै सदस्य हुन् ।

यो समुहमा यसअघि १२ जनामा कोरोना संक्रमण भेटिएको थियो । त्यसपछि मंगलबार सोही स्थान वरपर बस्ने थप ११ जनामा कोरोना पुष्टी भएको थियो ।

बुधबार ३ जनामा संक्रमण पुष्टी भएसँगै अब नेपालमा कूल संक्रमित ४५ पुगेका छन् ।

संसारभर कोरोनाले तिब्र फैलाावट लिइरहेको समयमा नेपालमा भने उदयपुरमा आक्रमण बढाएको छ ।

काठमाडौं । मंगलबार उदयपुरको भुल्केमा पुष्टी भएका ११ कोरोना संक्रमितमध्ये २ जना भने विदेशबाट आएको खुलेको छ । यसअघि सबैलाई समुदायमै कोरोना सरेको आंशका गरिएको भएपनि दुई जना भने दिवेशबाट आएको पाइएको हो ।

दुईजना मध्ये एक जना भारत र एकजना दुबईबाट आएको स्थानीय प्रशासनले जानकारी दिएको छ । दुबईबाट आएका एक युवकमा कोरोना संक्रमण देखिएको हो। ती युवक गत फागुन १० मा दुबईबाट नेपाल आएका थिए ।

अर्का एक जना भने भारतको नयाँ दिल्लीबाट आएका हुन् । उनीहरू आएको समयबारे भने खुलेको छैन ।

मंगलबार उदयपुरको भुल्केमा एकैदिन ११ जनामा कोरोना संक्रमण देखिएको थियो। यसअघि पनि सोही बस्तीको एक मस्जिदमा बसेका १६ जनामध्ये १३ जनामा संक्रमण देखिएको थियो ।

अहिले बस्तीलाई सील गरिएको छ । यस जिल्लाका संक्रमित २४ जनालाई विराटनगरस्थित कोशी अस्पतालमा उपचारार्थ भर्ना गरिएको छ ।