Category: समाचार

काठमाडौं । नेपाली कांग्रेसका युवा नेता गगन थापाले कित्ता परिर्वतन गरेका छन् ।

आसन्न महाधिवेशनमा महामन्त्रीमा उम्मेदवारी दिने घोषणा गरिसकेका थापा औपचारिकरूपमा रामचन्द्र पौडेल नेतृत्वको समूहमा खुलेका हुन् ।

सानेपास्थित पार्टी कार्यालयमा संस्थापतइतरको भेलामा गगन पुगेका थिए । यसअघि अनौपचारिक बैठकहरूमा कृष्ण सिटौला सहभागी हुन्थे । तर, आज भने छैनन् ।

थापा १३ औ महाधिवेशनमा कृष्ण प्रसाद सिटौलाको समूहबाट महामन्त्रीमा उम्मेदवारी दिएर पराजित भएका थिए ।

अघिल्लो महाधिवेशनमा महामन्त्रीमा लडेका शशांक, अर्जुननरसिंह र गगन अब एकै ठाउँमा उभिएका हुन् । मञ्चमै देउवा प्यानलबाट महामन्त्री बनेर पराजित भएका अर्जुननरसिंह केसी समेत थिए ।

देउवाविरुद्ध एकल उम्मेदवारको चयन गर्न नसके पनि पौडेल समूहले सहमतिमा एक जनाले मात्र सभापतिमा उम्मेदवारी दिने कार्यक्रममा दाबी गरेको छ।

काठमाडौं । पछिल्लो २४ घण्टामा देशभर २००४ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार १० हजार ६५८ जनाको पीसीआर परीक्षणमा १६१९ र ३९९२ एन्टिजेन परीक्षणमा ३३८ जना गरी २००४ जनामा संक्रमण पुष्टी भएको हो ।

योसँगै नेपालमा कोरोना संक्रमितको संख्या ७ लाख ६४ हजार ९१४ जना पुगेको छ ।

पछिल्लो २४ घण्टामा १८४६ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख २१ हजार १८२ जना पुगेको छ । संक्रिय संक्रमितको संख्या ३३ हजार ९४६ रहेको छ ।

पछिल्लो २४ घण्टामा १६ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ७८६ पुगेको छ ।

दाङ । दाङमा खोलाले कार बगाउँदा चार जनाको मृत्यु भएको छ। घटनामा कारका चालक भने गम्भीर घाइते भएक छन् । नेपाली संचारमाध्यमहरुले स्थानीय प्रहरी स्रोतलाई उदृत गर्दै जनाए अनुसार घोराही उपमहानगरपालिका वडा नम्बर ४ स्थित सिस्ने खोलामा आएको बाढीले ३–०१–०२४ च ४४४० नम्बरको कार बगाएको हो । गतराति करिब १०ः५० मा भएको यो घटनामा चार जनाको मृत्यु भएको हो । खोलाले कार बगाउँदा चार जना महिलाको मृत्यु भएको बताइएको छ । चालक गम्भीर घाइते भएका छन्।

जिल्ला प्रहरी कार्यालय दाङका अनुसार घोराही उपमहानगर १३ की ४० वर्षीया रितामाया पुन, सोही ठाउँकी ३५ वर्षीया सुशीला श्रेष्ठ, घोराही १५ की ३३ वर्षीया राधा कुँवर, सोही ठाउँकी ४३ वर्षीया बिमला केसीको मृत्यु भएको छ । कार चालक घोराही १३ का ४३ वर्षीय नरबहादुर पुन गम्भीर घाइते छन्। खोलाले बगाएकाको शव घटनास्थलबाट तीन किलोमिटर तल घोराही १७ बेलभार भन्ने स्थानमा फेला पारिएको छ ।

काठमाडौं । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ३० जना निको भएका छन्। हालसम्म संक्रमणमुक्त हुनेको संख्या ७ लाख १९ हजार ३३६ पुगेको छ।

नेपालमा आज २ हजार ५२ जना कोरोना संक्रमित थपिएका छन्। आज एन्टीजेन परीक्षणबाट ४०४ जनाको रिपोर्ट पोजेटिभ देखिएको छ। हालसम्म सक्रिय संक्रमितको संख्या ३५ हजार ५९१ रहेको छ।

यससँगै संक्रमितको कूल संख्या पिसिआर परीक्षणबाट ७ लाख ६४ हजार २९५ जना र एन्टीजेन परीक्षणबाट ८३ हजार ९०९ जना पुगेको छ।

आज २० जनाको मृत्यु भएको छ। हालसम्म मृत्यु हुनेको संख्या १० हजार ७७० पुगेको छ।

आज १४ हजार ९३५ जनाको परीक्षण गरिएको छ। हालसम्म नेपालमा ३९ लाख २५ हजार ७५८ जनाको पिसिआर र ४ लाख ७३ हजार २६८ जनाको एन्टीजेन परीक्षण गरिएको छ।

काठमाडौं उपत्यकामा आज ७१९ जनामा संक्रमण पुष्टि भएको छ। जसमध्ये काठमाडौंमा ४७१, भक्तपुरमा १४६ र ललितपुरमा १०२ जना संक्रमित भेटिएका छन्।

काठमाडौं । सभामुख अग्निप्रसाद सापकोटाविरुद्धको मुद्धामा आज पनि सुनुवाई हुन सकेन । सर्वोच्च अदालतको संवैधानिक इजलासमा पेशी चढेको मुद्दा हेर्न नमिल्ने सूचीमा राखिएको छ । करिब १० वर्षदेखि सर्वोच्च अदालतमा विचराधिन उक्त मुद्दा हालसम्म २० पटक पेसीमा तोकिए पनि अन्तिम सुनुवाइ हुन सकेको छैन ।

तत्कालीन नेकपा माओवादी द्वन्द्वका बेला अपहरणपछि मारिएका काभ्रेपलाञ्चोकका अर्जुन लामाको हत्यामा प्रमुख दोषी रहेको भन्दै अर्जुनकी श्रीमती पुर्णिमाया लामाले २०६८ जेठ १३ गते सापकोटाविरुद्ध कर्तव्य ज्यान मुद्दामा सर्वोच्चमा रिट निवेदन दायर गरेकी थिइन् ।उक्त रिट अन्तिम फैसलाका लागि संवैधानिक इजलासमा करिब १० वर्ष देखि विचाराधीन रहेको छ ।

संवैधानिक इजलासमा प्रधानन्यायाधीश चोलेन्द्र शम्शेर जबरा, न्यायाधीशहरु दीपककुमार कार्की, मीरा खडका, हरिकृष्ण कार्की र ईश्वरप्रसाद खतिवडा रहेको बेन्चमा सापकोटाविरुद्धको मुद्दा पहिलो नम्बरमा थियो । तर, आज पनि हेर्न नभ्याएपछि सुनुवाई सरेको हो ।

काठमाडौं । काठमाडौँ उपत्यकामा निषेधाज्ञा थप भएको छ । उपत्यकाका सिडिओहरुको बुधबार बसेको बैठकले निषेधाज्ञा थप गर्ने निर्णय गरेको हो।

थपिएको निषेधाज्ञामा सबै प्रकारका सभा, सम्मेलन, पार्टी प्यालेस, सिनेमा हल, डान्सबार, दोहोरी, नाचघर, क्लब, स्वीमिङ पुल, मनोरञ्जन स्थल, संग्रहालय, रंगशालामा हुने दर्शकसहितको खेलकुद र मानिसहरुको भिडभाड हुने अन्य कार्यक्रम सञ्चालन गर्नर गराउन नपाउने जनाइएको छ।

यस्तै, चोकरखुला स्थानमा मानिसहरु भेला जम्मा हुन, भीडभाड गर्न, सभा जुलुस, जात्रा, महोत्सव, भोज भतेर आदि गर्नर गराउन नपाउने पनि जनाइएको छ।

भदौ १७ गतेदेखि ३० गतेसम्म लागू हुने गरी जारी गरिएको सूचनामा आर्थिक तथा अन्य गतिविधिहरु सञ्चालन गर्दा स्वास्थ्य मापदण्ड अनिवार्य पालना गर्न पनि भनिएको छ।

स्वास्थ्य मापदण्ड पालना गरेर चाडपर्वहरु मनाउन तथा शैक्षिक संस्थाहरु भौतिक रुपमा सञ्चालन गर्न नपाइने र गर्नैपरेमा स्थानीय तहको समन्वयमा जिल्लास्थित कोभिड व्यवस्थापन केन्द्रसँग समन्वय गरी सञ्चालन गर्न सकिने प्रशासनको आदेशमा उल्लेख छ।

काठमाडौं । नेपालमा पछिल्लो ६ दिनको अवधिमा बाढी, पहिरोजस्ता प्राकृतिक विपत्तिका कारण १५ जनाको ज्यान गएको छ । मुलुकका विभिन्न जिल्लामा भदौ १० यता मात्र यस्तो मानवीय क्षति भएको हो । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार भदौ १० पछि बाढीपहिराका कारण १५ जनाको मृत्यु भएको विवरण आएको छ । राससले लेखेको विवरण अनुसार यस अवधिमा तीन जना बेपत्ता छन् । १४ जना घाइते भएका छन् । क्षतिको विवरण सङ्कलन गर्ने काम जारी छ । अवरुद्ध राजमार्ग खुलाउने प्रयास समेत जारी छ ।

प्राधिकरणका अनुसार जानकारीअनुसार गएको जेठ ३१ पछि हालसम्म मनसुनजन्य घटनामा परेर १०० जनाले ज्यान गुमाएका छन् । उक्त अवधिमा ४४ व्यक्ति बेपत्ता भएका छन् । १०९ जना घाइते भएका छन् । मनसुनजन्य विपद्‍मा परेर ३७ सरकारी कार्यालय, १६ सामुदायिक भवन र विद्यालय, २५ जलविद्युत् आयोजना, ३० मोटरेवल पुल र ३० झोलुङ्गे पुलमा क्षति पुगेको विवरण रहेको छ । पछिल्लो चार दिनमा मात्रै झण्डै एक हजार व्यक्तिलाई स्थानान्तरण गरिएको छ । झण्डै पाँच हजार घर डुबानमा परेका छन् ।

काठमाडौं । दार्चुलामा जानाजान तुइन काट्दा जयसिंह धामी महाकाली नदीमा खसेको घटनामा भारतीय सुरक्षाबल एसएसबीकै उपस्थितिमा भएको पुष्टी भएको छ । यस सम्बन्धमा गठन भएको छानबिन समितिले दार्चुलामा तुइनबाट नेपाली नागरिक महाकाली नदीमा खसेको घटनामा भारतीय सुरक्षाकर्मीको उपस्थिति रहेको निष्कर्ष निकालेको हो ।

तुइन काट्ने काममा एसएसबीको संलग्नता रहे नरहेको सम्बन्धमा भने थप अनुसन्धान गर्न समितिले सुझाव दिएको छ । गृह मन्त्रालयका सहसचिव जनार्दन गौतम संयोजकत्वको छानबिन समितिले ब्याँस गाउँपालिका २ का जयसिंह धामी महाकाली नदीमा खसेको घटना भारतीय सुरक्षाकर्मी एसएसबीको उपस्थितिमा भएको निष्कर्ष निकालेको हो । छानवि नसमितिले एसएसबीको संलग्नतामा पुन अनुसन्धान गर्न र दोषीलाई कारबाही गर्न सिफारिस गरेको छ ।

एसएसबीका सुरक्षाकर्मीको उपस्थितिमा घटेको देखिएकोले निजहरुको संलग्नता सम्बन्धमा अनुसन्धान गरी दोषी उपर कानुनी कारवाही गर्न र जयसिंह धामीका परिवारलाई उचित क्षतिपूर्ति र राहत उपलब्ध गराउन भारतीय पक्षसँग कुटनीतिक माध्यमबाट पहल गर्न साथै आश्रित परिवारलाई नेपाल सरकारका तर्फबाट पालन पोषण र शिक्षादीक्षाको व्यवस्थापन गर्न सिफारिस समितिले गरेको छ ।

साउन १५ गते महाकाली नदी तर्ने क्रममा दार्चुलाको ब्याँस गाउँपालिका– २ का जयसिंह धामी नदीमा खसेर बेपत्ता भएका थिए । प्रत्यक्षदर्शीका अनुसार भारतीय सुरक्षा बल एसएसबीले तुइनको डोरी काटिदिएका कारण उनी नदीमा खसेका हुन् ।

काठमाडौं। पछिल्लो २४ घण्टामा देशभर १६६४ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार ९ हजार ११७ जनाको पीसीआर परीक्षणमा १५२३ र ३१०५ एन्टिजेन परीक्षणमा १४१ जना गरी १६६४ जनामा संक्रमण पुष्टी भएको हो ।

योसँगै नेपालमा कोरोना संक्रमितको संख्या ७ लाख ६२ हजार ६४७ जना पुगेको छ ।

पछिल्लो २४ घण्टामा १७८६ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख १६ हजार ३०६ जना पुगेको छ । संक्रिय संक्रमितको संख्या ३५ हजार ५९१ रहेको छ ।

पछिल्लो २४ घण्टामा २० जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ७५० पुगेको छ ।

काठमाडौं । गठबन्धनले मन्त्रालय बाँडफाँट टुंगो लगाउन नसकेका कारण मन्त्रिपरिषद बिस्तार रोकिएको छ । सोमबार पूर्णता दिने गरि बसेको बैठकले टुंगो लगाउन नसकेपछि मंगलबार गठबन्धनको बैठक पुनः बस्दैछ । गठबन्धनमा आवद्ध दलका शीर्ष नेताले दलहरुले पाउने मन्त्रालयको भागबन्डा गरेसँगै दलहरुले मन्त्रीको नाम प्रधानमन्त्री शेर बहादुर देउवालाई दिनेछन् । त्यसपछि मात्र उनले मन्त्रिपरिषद् बिस्तार गर्न सक्ने छन् । सरकार गठन भएको डेढ महिना बितिसक्दा समेत मन्त्रिपरिषद् बिस्तार गर्न नसकेको भन्दै उनको आलोचना भइरहेको छ । साथमा मन्त्रालयहरु नेतृत्व बिहिन भएकाले काममा समेत अवरोध आइरहेको छ । आज बस्ने बैठकले दलहरुबीच मन्त्रालय भागबन्डा गरेर सहमति जुटाउने तयारी गरेको छ ।

काठमाडौं । पछिल्लो २४ घण्टामा देशभर २२९५ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार ११ हजार ८९२ जनाको पीसीआर परीक्षणमा १९०२ र ४१४१ एन्टिजेन परीक्षणमा ३९३ जना गरी २२९५ जनामा संक्रमण पुष्टी भएको हो ।

योसँगै नेपालमा कोरोना संक्रमितको संख्या ७ लाख ६१ हजार १२४ जना पुगेको छ ।

पछिल्लो २४ घण्टामा १८०८ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख १४ हजार ५२० जना पुगेको छ । संक्रिय संक्रमितको संख्या ३५ हजार ८७४ रहेको छ ।

पछिल्लो २४ घण्टामा १६ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ७३० पुगेको छ ।

काठमाडौं । सत्ता गठबन्धन नेपाली काँग्रेस, नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी नेपाल र राष्ट्रिय जनमोर्चाका शीर्ष नेताबीच मन्त्रिपरिषद्लाई चाँडोभन्दा चाँडो पूर्णता दिने सहमति भएको छ ।

प्रधानमन्त्री एवं नेपाली काँग्रेसका सभापति शेरबहादुर देउवाको संयोजकत्वमा प्रधानमन्त्री निवास बालुवाटारमा बसेको गठबन्धनका शीर्ष नेताको बैठकमा सो सहमति भएको हो ।

बैठकमा समसामयिक राजनीतिक विषयको समीक्षा, मूल्याङ्कन हुनुका साथै गठनबन्धनका शीर्ष नेताहरुले सरकार सञ्चालन सम्बन्धमा प्रधानमन्त्री देउवालाई सुझाव दिएको काँग्रेस महामन्त्री पूर्णबहादुर खड्काले जानकारी दिए ।

बैठकमा काँग्रेसका तर्फबाट प्रधानमन्त्री देउवा, वरिष्ठ नेता रामचन्द्र पौडेल, महामन्त्री खड्का, नेता कृष्णप्रसाद सिटौला, माओवादी केन्द्रका अध्यक्ष पुष्पकमल दाहाल ‘प्रचण्ड’, नेता नारायणकाजी श्रेष्ठ, एकीकृत समाजवादीका अध्यक्ष माधवकुमार नेपाल, जसपा केन्द्रीय परिषद् अध्यक्ष डा बाबुराम भट्टराई र अध्यक्ष उपेन्द्र यादवलगायत नेताहरु सहभागी थिए ।

माधव नेपाल नेतृत्वको नेकपा(एकिकृत समाजवादी) पार्टीले भने मन्त्री बनाउनका लागि मापदण्ड बनाउने भएको छ । रासस

काठमाडौं । नेपाली कांग्रेसका नेता गगन थापाले महामन्त्रीमा उम्मेद्वारी दिने घोषणा गरेका छन् ।

सोमबार काठमाडौं महानगरपालिका वडा नम्बर ३० मा आयोजित क्रियाशील सदस्यहरुको भेलालाई सम्बोधन गर्दै नेता थापाले १४ औं महाधिवेशनमा महामन्त्रीमा उम्मेद्वारी दिने बताएका हुन् ।

‘अहिले हामी १४ औं महाधिवेशनको तयारीका क्रममा छौँ। मैले १३ औँ महाधिवेशनमा पनि महामन्त्रीमै उम्मेदवारी दिएको थिएँ’, उनले भने, ‘मेरो वडाका अग्रज साथीहरूबीच १४ औँ अधिवेशनमा पनि कांग्रेस महामन्त्रीमा उम्मेदवारी दिने घोषणा गर्दैछु ।’

१३औं महाधिवेशनमा पनि महामन्त्रीमा उम्मेदवारी दिएका थापा पराजित भएका थिए । थापासहित उनका ससुरा अर्जुननरसिंह केसी र डा। शशांक कोइरालाबीच प्रतिष्पार्धा भएको थियो ।

कृष्ण सिटौला पक्षका थापा, शेरबहादुर देउवा समूहका केसी र रामचन्द्र पौडेल समूहका कोइरालाबीच भएको प्रतिष्पर्धामा कोइरालाले महामन्त्रीमा बाजी मारेका थिए ।

काठमाडौं । नेकपा एकीकृत समाजवादी संसदीय दलको नेतामा अध्यक्ष माधवकुमार नेपाल चयन भएका छन् ।

आइतबार बसेको संसदीय दलको पहिलो बैठकले अध्यक्ष नेपाललाई सर्बसम्मत अध्यक्ष चयन गरेको हो ।

गठबन्धन सरकारमा सहभागी हुने तयारीमा रहेको एकीकृत समाजवादीमा प्रतिनिधिसभाका ३० सांसद छन् ।