Category: समाचार

काठमाडौं । नेपालको प्रधानसेनापतिमा प्रभुराम शर्मा नियुक्त भएका छन् । राष्ट्रपति विद्यादेवी भण्डारीले कायममुकायम प्रधानसेनापति प्रभुराम शर्मालाई प्रधानसेनापतिमा नियुक्त गरेकी हुन् । नेपालको संविधानको धारा २६७ को उपधारा (५) बमोजिम मन्त्रीपरिषद्‌को सिफारिसमा उनलाई सेनापतिमा नियुक्त गरेको राष्ट्रपति कार्यालयले जनाएको छ । अहिले उनी नेपाली सेनाको कायममुकायम प्रधानसेनापतिको जिम्‍मेवारीमा थिए । प्रधानसेनापति पूर्णचन्द्र थापाको तीन वर्षे पदावधि आउँदो भदौ २४ गते सकिँदैछ । पदावधि समाप्त हुने एक महिना अघि अर्थात साउन २५ गतेदेखि उनी घरविदामा बसेका छन् । शर्मा भने जेष्ठताका आधारमा शर्मा कायममुकायम प्रधान सेनापतिमा सिफारिसमा परेका हुन् ।

काठमाडौं । माधव कुमार नेपाल नेतृत्वको नेकपा (एकीकृत समाजवादी) पार्टी सरकारमा जाने भएको छ । पार्टीले आज औपचारिक रुपमा यस्तो निर्णय लिएको हो । आइतबार बसेको एकीकृत समाजवादीको स्थायी कमिटीको बैठकले सरकारमा जाने बारे औपचारिक निर्णय लिएको हो । पार्टीले पाउने मन्त्रालयको टुंगो लागेपछि भने पार्टीले मन्त्री चयन गर्ने भएको छ । अब सत्ता साझेदार दलहरुबीच छलफल पछि मन्त्रालयको बाँडफाँट गरिने भएको छ । त्यसपछि मन्त्रीपरिषद् बिस्तार हुने छ । प्रधानमन्त्री शेरबहादुर देउवाले मन्त्रिपरिषद् बिस्तार गर्न नसकेको भन्दै आलोचना भोग्नु परिरहेको छ । अहिले देउवाले मात्र ५ वटा मन्त्रालयमा मन्त्रि नियुक्त गरि सरकार चलाइरहेका छन् ।

बुटवल । अविरल परेको वर्षाका कारण पहिरो जाँदा नारायणगढ मुग्लिन सडकखण्ड अवरुद्ध बनेको छ । सडकमा पहिरो खसेपछि बिहीबार रातिदेखि नै सडक दुईतर्फ अवरुद्ध भएको प्रहरीले जनाएको छ । भरतपुर महानगरपालिका २९ सेती दोभान र पाँचकिलोमा पहिरो खसेको छ। सडकको पहिरो पन्छाउन शुक्रबार बिहानैदेखि डोजर र जेसिबी प्रयोग गरी काम भइरहेको छ। आज नवलपुर, रुपन्देही, कपिलवस्तु तथा यो आसपासको क्षेत्रमा भारी वर्षा भइरहेको छ । तटीय क्षेत्रमा आकस्मिक बाढी आउन सक्ने भन्दै मौसम पुर्वानुमान महाशाखाले सचेत गराएको छ ।

काठमाडौं । पछिल्लो २४ घण्टामा देशभर २४३३ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार ९७०२ पीसीआर परीक्षणमा २०५२ र २४३३ एन्टिजेन परीक्षणमा ३४१ जना गरी २४३३ जनामा संक्रमण पुष्टी भएको हो ।

योसँगै नेपालमा कोरोना संक्रमितको संख्या ७ लाख ५४ हजार ९१५ पुगेको छ ।

पछिल्लो २४ घण्टामा १९२९ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ५ हजार ८९३ जना पुगेको छ । संक्रिय संक्रमितको संख्या ३८ हजार ३८८ रहेको छ ।

पछिल्लो २४ घण्टामा २६ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ६३८ पुगेको छ ।

काठमाडौं । १० बुँदे सहमति कार्यान्वयन गर्दै जेठ २ मा फर्किएका नेकपा एमालेमा सुवास नेम्वाङ र रामबहादुर थापा बादललाई पदाधिकारीहरूको शीर्ष वरीयतामा राखिएको छ ।

माधव नेपाल छाडेर फर्किएका नेताहरूसहितको बिहीबारको केन्द्रीय कमिटी बैठकमा नेताहरूका आसन व्यवस्थापन गर्दा नेम्वाङ र रावललाई केन्द्रीय कमिटीका सचिवहरूभन्दा अघिल्लो लहरमा राखिएको हो ।

नेम्वाङ संविधानसभा अध्यक्ष तथा संसदीय दलका उपनेतासमेत रहेकाले उनी शीर्ष वरीयतामा छन् । त्यस्तै बादल तत्कालीन नेकपाको ९ सदस्यीय सचिवालयमा आठौं वरीयताका नेता थिए भने अहिले स्थायी कमिटी सदस्य छन् ।

पहिलो लहरमा अध्यक्ष, तीन उपाध्यक्ष, महासचिव, दुई उपमहासचिवसँगै नेम्वाङ र बादललाई राखिएको छ । पाँच सचिव र अन्य स्थायी कमिटी सदस्यहरू त्यसभन्दा पछिल्लो लहरमा बसेका छन् ।

काठमाडौं । नेकपा (एकीकृत समाजवादी) पार्टीका अध्यक्ष माधवकुमार नेपालले हिम्मत नभएकाहरु थन्किएर बसेका बताएका छन् ।

बिहीबार काठमाडौँमा पत्रकार सम्मेलन गरेर अध्यक्ष नेपालले नेपालको कम्युनिष्ट आन्दोलनलाई नयाँ रूपमा लैजान आफुहरुले यो बाटो रोजेको बताउँदै हिम्मत नभएका थन्किन्छ्न, क्रान्तिकारी चेत भएकाहरु नयाँ आन्दोलनमा जुटेको बताए ।

‘पूर्व एमालेमा पीडित भएका कार्यकर्ताहरु विद्रोह गरेर आउँछन् हामीकहाँ’, उनले भने। अन्य नेता कार्यकर्तालाई पनि एमाले छाडेर आउन उनले आग्रह गरे। ‘केपी ओली गुट छाडेर आउनुस्’, उनले भने, ‘क्रान्तिकारी धारमा समाहित हुनुस्।’

हामीले अनेकौँ चुनौतीको सामना, अप्ठ्यारोलाई पन्छाएका छौँ । अन्यता सफलताको शिखरमा पुगेका छौँ । नेपाली जनताको हितका लागि नयाँ यात्रा प्रारम्भ गरेका छौँ ।

नेपालको कम्युनिष्ट आन्दोलन, नेपालको राजनीति मात्रै होइन विश्वमै पार्टीको एकता, विभाजनबाट गुज्रँदै गइसकेको नेपालले बताए । ‘हामीसँग सिंगो देशका क्रान्तिकारी कार्यकर्ताहरु छन् । पूर्वएमालेमा पीडित भएका सबै मेचीदेखि काली, तराईदेखि हिमालसम्मका जनसमुदाय, कार्यकर्ताहरू सबै-सबै ठूलो पंक्तिले केपी समूहबाट विद्रोह गर्नु भएको छ ।

नेपालले भने, ‘उहाँहरू नेपाल कम्युनिष्ट पार्टी (एकीकृत समाजवादी)मा लाग्ने बताइरहनु भएको छ । जनवर्गीय संगठनमा आवद्ध भएकालाई म आह्वान गर्छु । तपाईँहरुले केपी ओली गुटबाट छुटकारा पाउनुस् ।’

काठमाडौं । प्रदेश १ का नवनियुक्त मुख्यमन्त्री भीम आचार्यले पद तथा गोपनियताको शपथ लिएका छन् ।

प्रदेश १ संसदीय दलको बैठकबाट सर्वसम्मत संसदीय दलको नेतामा चयन भएका आचार्यलाई प्रदेश प्रमुख सोमनाथ प्यासीले पद तथा गोपनीयताको शपथ दिलाइएका हुन्। ।

आचार्यले प्रदेश सभाको बहुमत प्राप्त संसदीय दलको नेताको हैसियतमा धारा १६८(१) बमोजिम मुख्यमन्त्रीको शपथ लिएका हुन्। आचार्यको शपथ ग्रहण हतार हतारमा गरिएको हो । एक महिनाभित्र प्रदेशसभामा विश्वासको मत लिनुपर्छ । प्रदेश–१ को प्रदेशसभा ९३ सदस्यीय हो । विश्वास प्राप्त गर्न ४७ मत आवश्यक पर्छ ।

नेता शेरधन राईले राजीनामा दिएलगत्तै आचार्य मुख्यमन्त्री नियुक्त भएका हुन्। २०७४ माघ २६ गते एमालेका ५१ सांसदमध्ये शेरधन आचार्यसँग २४ का विरुद्ध २६ मत ल्याएर संसदीय दलको नेता निर्वाचित भएका थिए ।

खोटाङका सांसद राजन राईको मत बदर भएको थियो । साढे तीन वर्ष अगाडि गुटको लाइनमा चुनाव लढेका राई र आचार्य एमाले जोगाउने मुद्दामा भने एक भएका छन् ।

प्रदेश १ मा एमालेका ५१ सांसद रहेका छन् । जसमा ६ देखि ७ जना सांसदहरु नेपाल नेतृत्वको नेकपा समाजवादीमा जान तम्तयार रहेका बताइन्छ। यद्यपि नेपाल पक्षले भने कम्तीमा १३ सांसद आफ्नो पक्षमा खुल्ने बताउँदै आएको छ।

५१ सांसदमध्ये अहिलेसम्म ४ जना नेपालको नेकपा समाजवादीमा खुलिसकेका छन्। प्रदेश सांसदहरु राजन राई, राजेन्द्र राई र गणेश काङमाङ नेपालको नयाँ पार्टीका केन्द्रीय सदस्य भइसकेका छन्।

सिन्धुपाल्चोक । सिन्धुपाल्चोकमा बस दुर्घटनामा परि दुई जनाको मृत्यु भएको छ । ४१ जना घाइते छन् । जिल्लाको ठोकर्पाबाट कालिका हुँदै काठमाडौं जाँदै गरेको बस दुर्घटनामा परेको थियो । कोशीपारि यातायातको बा३ख ८०३० नम्बरको बस सुनकोशी–३ छापमा दुर्घटनामा परेको हो । बस ओरालो बाटोको मोडमा आफैं अनियन्त्रित भई दुर्घटनामा परेको बताइएको छ । घाइतेमध्ये १८ जना सिन्धु सदाबहार अस्पताल सिन्धुपाल्चोक, एक जना मध्यपुरठिमी अस्पताल भक्तपुर र २२ जनाको धुलिखेल अस्पताल काभ्रेमा उपचार जारी छ । धुलिखेल अस्पताल काभ्रेमा उपचारको क्रममा ललितपुर ठूलो दुर्लुङ घर भएका अन्दाजी ४५ वर्षका राजन बराम र अन्दाजी २२ वर्षका पुरूषको मृत्यु भएको हो ।

काठमाडौं । पछिल्लो २४ घण्टामा देशभर २४८२ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार ९७११ पीसीआर परीक्षणमा १८६२, र ५५७९ एन्टिजेन परीक्षणमा ६२० जना गरी २४८२ जनामा संक्रमण पुष्टी भएको हो ।

योसँगै नेपालमा कोरोना संक्रमितको संख्या ७ लाख ५२ हजार ८६३ पुगेको छ ।

पछिल्लो २४ घण्टामा १७८१ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ३ हजार ९६४ जना पुगेको छ । संक्रिय संक्रमितको संख्या ३८ हजार २८७ रहेको छ ।

पछिल्लो २४ घण्टामा ४४ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ६१२ पुगेको छ ।

काठमाडौं । नेकपा एमालेका अध्यक्ष केपी शर्मा ओलीले आफू नेतृत्व सरकारले अध्यादेश ल्याउँदा विरोध गर्ने तर, अहिले भने अध्यादेश ल्याउने भन्दै प्रश्न गरेका छन् । आज पत्रकार सम्मेलन गरेर ओलीले आफूले अध्यादेश जारी गर्दाको अवस्था र अहिलेको अवस्था पनि फरक भएको बताएका हुन् ।

उनले माधवकुमार नेपाललाई जति चाहिन्छ त्यतिमै पार्टी फुटाउन मिल्ने गरी भनेर लेखेको भए अझै सहज हुने भन्दै व्यंग्य गरे ।

‘अध्यादेश जारी गर्नु आफैँमा असंवैधानिक होइन । देश र जनताका लागि हुनुपर्छ । एउटा व्यक्ति वा समूहका लागि होइन । अहिले देश र जनताका लागि राति नै संसद् अन्त्य गरेर जनताका लागि के पर्यो र अध्यादश जारी गर्नु पर्‍यो ।

तपाईंको कति प्रतिशत पुग्यो भनेर सोधेर र राखौ कि वा राखौँ भनेर यसरी अध्यादेश ल्याउने । यो त १० प्रतिशतमा पनि झर्थ्यो ,’ उनले भने, ‘माधवजीसँग जति जना सांसद छन् त्यति भए पुग्छ भनेर लेख्या भए हुने । कि अल्मलीनु भयो । माधव नेपालजीले विभाजन गरिसकेपछि यो सोहः रद्द हुने लेखे पनि हुने । यसर्थ पहिलेको र अहिलेको मनसाय, नियमा हरेक कुरामा भिन्नता छ ।’

काठमाडौं । माधवकुमार नेपाल नेतृत्वको नेकपा एकीकृत समाजवादी पार्टीमा ५५ जना केन्द्रीय सदस्य र २९ जना सांसद निर्वाचन आयोग पुगेर सनाखत गरेका छन् ।

नयाँ दल दर्ता प्रयोजनका लागि गरेको बुधबार निर्वाचन आयोगले गरेको सनाखतमा केन्द्रीय सदस्य २७ प्रतिशत र २४.७९ प्रतिशत सांसदहरू खुलेका हुन् ।

दर्ताका लागि दिइएको निवेदनमा हस्ताक्षर नगरेकाहरुलाई आयोगले सनाखतमा सहभागी गराएको छैन।

जसका कारण नेताहरु झलनाथ खनाल, सोमप्रसाद पाण्डेलगायत केही छुटेका छन्। अब कानुनतः उनीहरु एमालेमै रहेको मानिनेछ।

उनीहरुलाइ एमालेले कारबाही गरेमा सांसद पद जानेछ।

निर्वाचन आयोगले सनाखत सकिएर बाँकी काम सके आजै दल दर्ताको प्रमाणपत्र दिने तयारी गरेको छ । राजनीतिक दल विभाजनसम्बन्धी अध्यादेशमा केन्द्रीय समिति वा संसदीय दलमा २० प्रतिशत भए नयाँ दल दर्ता गर्न सकिने उल्लेख छ ।

त्यस आधारमा माधव नेपालको पार्टी नेकपा एकीकृत समाजवादीमा अध्यादेशको प्रावधानभन्दा ७ प्रतिशत बढी केन्द्रीय सदस्य र ५ प्रतिशत बढी सांसद खुलेका छन् ।

केन्द्रीय सदस्य र सांसदमा २० प्रतिशतभन्दा बढी जुटाएकाले निर्वाचन आयोगले आजै माधव नेपाललाई नेकपा एकीकृत समाजवादी पार्टीको प्रमाणपत्र दिने छ ।

काठमाडौं । नेकपा माओवादी केन्द्रले नेताहरुको जिम्मेवारी तोकेको छ । अब पार्टी प्रवक्ताको जिम्मेवारीमा कृष्णबहादुर महरा आएका छन् । यसअघि यो जिम्मेवारीमा पम्फा भुसाल थिइन् । उनी मन्त्री बनेकी छिन् । एमालेसँगको पार्टी एकता भत्किएपछि भने प्रवक्ताको जिम्मेवारी नारायणकाजी श्रेष्ठले प्रवक्ताको जिम्मेवारी सम्हालेका थिए । यता, महरा भने पूर्वसभामुखसमेत हुन् । माओवादीले प्रचार तथा प्रकाशन विभाग प्रमुखमा समेत महरालाई तोकेको छ ।

माओवादी केन्द्रले केन्द्रीय कमिटी र स्थायी कमिटी बैठकका निर्णयअनुसारप्रदेश समिति, पार्टी विभाग, जिल्ला ईञ्चार्जहरूसमेत तोकेको हो । अब प्रदेश नम्बर १ मा सुरेन्द्र कार्की ईञ्चार्ज बनेका छन् । अध्यक्षमा सुरेन्द्रकुमार राईलाई तोकिएको छ ।
प्रदेश नम्बर २ को ईञ्चार्जमा गणेश शाह तोकिएक छन् । अध्यक्ष तोकिएको छैन । बागमती प्रदेश ईञ्चार्जमा हितमान शाक्य र अध्यक्षमा नारायण दाहाल तोकिएका छन्।
गण्डकी प्रदेश ईञ्चार्जमा हितराज पाण्डे र अध्यक्षमा हरि अधिकारीलाई तोकिएको छ । लुम्बिनीको ईञ्चार्जमा चक्रपाणी खनाल बलदेव र अध्यक्षको जिम्मेवारी ओनसरी घर्तीले पाएको बताइएको छ । कर्णालीमा ईञ्चार्ज शक्ति बस्नेत र अध्यक्ष राजकुमार शर्मा तोकिएका छन् । सुदूरपश्चिम प्रदेश ईञ्चार्जमा खगराज भट्ट तोकिएका छन् ।

यहाँ अध्यक्ष तोक्न बाँकी छ। माओवादीले विशेष समिति ईञ्चार्जमा लिलामणि पोखरेल र अध्यक्षमा लेखनाथ न्यौपानेलाई तोकेको छ। प्रवास समिति ईञ्चार्जमा नारायणकाजी श्रेष्ठ र अध्यक्षमा ओम शर्माले जिम्मेवारी पाएका छन् । अर्थ तथा योजना विभाग प्रमुखमा वर्षमान पुन, कृषि तथा भूमिसुधार प्रमुखमा हरिबोल गजुरेल, निर्वाचन विभागमा खिमलाल देवकोटा, विदेश मामला विभागमा सुरेन्द्र कार्की, संगठन विभाग प्रमुखमा जनार्दन शर्मा, राष्ट्रिय सुरक्षा विभागमा कृष्णबहादुर महराले जिम्मेवारी निभाउने छन् ।

स्वास्थ्य विभागमा कल्पना धमला, स्कुल विभाग ईञ्चार्जमा प्रचण्ड र प्रमुखमा गिरिराजमणि पोखरेल छन्। सहरी विकास विभागमा देवेन्द्र पौडेल, स्थानीय तह विभागमा उर्मिला अर्यालले जिम्मेवारी पाएका छन् । भौतिक पूर्वाधार विभागमा हरि अधिकारी र नीति अनुसन्धान प्रतिष्ठानको प्रमुखमा रामचन्द्र झा रहेका छन् ।

काठमाडौं । नेकपा एमालेमा मध्यधारमा रहेका नेताहरु अन्ततः ओली खेमामा विलय भएका छन् । १० बुँदे सहमति अनुमोदन गभएसँगै पार्टी २ जेठ २०७५ को संरचनामा फर्किएको एमालेले जनाएको छ । मंगलबार बसेको स्थायी कमिटि बैठकले यस्तो निर्णय गरेको हो । आजको बैठकमा माधवकुमार नेपाल समूहमा रहेपनि नयाँ पार्टीमा नगएका १० जना स्थायी कमिटी सदस्य समेत सहभागी भएका छन् । बैठकले विधान अधिवेशन र दशौं राष्ट्रिय महाधिवेशनको मिति तोकेको छ ।

सर्वोच्च अदालतको २३ फागुनको फैसलाअनुसार पुनस्र्थापित एमालेको स्थायी कमिटीको बैठक मंगलबार बसेको हो । आजको बैठकमा उपाध्यक्षत्रय भीम रावल, युवराज ज्ञवाली र अष्टलक्ष्मी शाक्य, उपमहासचिव घनश्याम भुसाल, सचिवत्रय योगेश भट्टराई, गोकर्ण विष्ट र भीम आचार्य, स्थायी कमिटी सदस्यहरु सुरेन्द्र पाण्डे र रघुजी पन्त, अमृतकुमार बोहोरा (अनुशासन आयोगका प्रमुख) सहभागी भए ।

उनीहरु माधव नेपाल पक्षका नेता थिए । पार्टीको पक्षमा क्रियाशील हुने केन्द्रीय कमिटी, केन्द्रीय निकाय, प्रदेश समन्वय कमिटी, जिल्ला कमिटी लगायत सबै तहका पार्टी कमिटी र जनसंगठनका सबै तहका पदाधिकारी र सदस्यहरुलाई २०७५ जेठ २ पूर्वको जिम्मेवारीमा क्रियाशील हुन निर्देशन दिइएको छ । बैठकले दल विभाजन प्रक्रिया रोकेर पार्टी एकतामा आउन नेता कार्यकर्तालाई आह्वान गरेको छ ।

आजको बैठकले १० बुँदे कार्यान्वयन गर्न कार्यदल बनाएको छ । सात सदस्यीय कार्यदलमा उपाध्यक्ष भीम रावल, महासचिव ईश्वर पोखरेल, उपमहासचिवद्वय विष्णुप्रसाद पौडेल र घनश्याम भुसाल, स्थायी कमिटी सदस्य सुरेन्द्र पाण्डे र लेखराज भट्ट रहेका छन् । स्थायी कमिटीको बैठकले पार्टीको विधान महाधिवेशन ४–६ असोज र दशौं महाधिवेशन १०–१२ मंसिरमा गर्ने निर्णय गरेको छ ।

काठमाडौं । पछिल्लो २४ घण्टामा देशभर २५२५ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ९ हजार ९०९ पीसीआर परीक्षणमा २०२० र ४९०१ एन्टिजेन परीक्षणमा ५०५ गरी २५२५ जनामा कोरोना भाइरस संक्रमण पुष्टि भएको हो ।

योसँगै नेपालमा कोरोना संक्रमितको संख्या ७ लाख ५१ हजार १ पुगेको छ ।

पछिल्लो २४ घण्टामा २०८६ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख २ हजार १८३ जना पुगेको छ । संक्रिय संक्रमितको संख्या ३८ हजार २५० रहेको छ ।

पछिल्लो २४ घण्टामा ३५ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ५६५ पुगेको छ ।

काठमाडौं । संसदको शिक्षा तथा स्वाथ्य समितिले कक्षा १२ को परीक्षा भौतिक रुपमा गर्न सरकारलाई निर्देशन दिएको छ। शिक्षा तथा स्वास्थ्य समितिको मंगलबारको बैठकले शिक्षा, विज्ञान तथा प्रविधि मन्त्रालयलाई परीक्षा गराउने व्यवस्था गर्न निर्देशन दिएको हो।

‘अन्य तहका परीक्षाहरु संचालन भइरहेको अवस्थामा कक्षा १२ को परीक्षा मात्र पटकपटक स्थगित हुँदा विद्यार्थीहरुमा भविष्यप्रतिको चिन्ता थपिनुका साथै मानसिक असर पनि परिरहेकोले खोपको व्यवस्थापन गर्दै स्वास्थ्य मापदण्ड र भौतिक दूरी कायम गरी यथाशीघ्र होम सेन्टरमै परीक्षा गराउने व्यवस्था गर्ने’ निर्देशनमा भनिएको छ।

कोरोना संक्रमणको जोखिमका कारण साउन ३१ गते तोकिएको परीक्षा सरकारले रोकेको थियो। सरकारले अहिले १२ कक्षाको परीक्षा दिने विद्यार्थीहरुलाई धमाधम कोरोना खोप लगाइरहेको छ।

खोप लगाएकाले अब भौतिक उपस्थितमा परीक्षा सञ्चालन गरेर विद्यार्थीको भविष्य सुरक्षित गर्न समितिले भनेको छ।