Category: खेलकुद

चेन्नई । जारी इन्डियन प्रिमियर लिग आईपीएल क्रिकेटमा दिल्ली क्यापिटल्सले साविक विजेता मुम्बई इण्डियन्सलाई सजिलै हराएको छ । तेस्रो जित दर्ता गर्ने क्रममा दिल्लीले मुम्बईलाई ६ विकेटले हराएको हो । चेन्नईमा सम्पन्न खेलमा मुम्बई इन्डियन्सले दिएको १३८ रनको लक्ष दिल्ली क्यापिटल्सले ४ विकेट गुमाएर भेटायो । मुम्बई इन्डियन्सले पुरै ओभर खेल्दै ९ विकेट गुमाएर १३७ रन मात्र जोड्न सक्यो ।

दिल्लीका लागि शिखर धवनले ४५ रन, स्टिभ स्मिथले ३३ रन र ललित यादवले नटआउट २२ रन जोडे। त्सअघि टस जितेर पहिले ब्याटिङ गरेको मुम्बईले ९ विकेट गुमाएर १३७ रन मात्र जोड्न सक्यो। उसका लागि ओपनर रोहित शर्माले ४४ रन जोडे। दिल्लीका अमित मिश्राको बलमा आउट हुनुअघि उनले ३० बलमा ३ चौका र ३ छक्का प्रहार गरेका थिए ।

काठमाडौं । काठमाडौंमा जारी त्रिकोणात्मक टी-२० सिरिजमा नेपाल नेदरल्याण्डसँग पराजित भएको छ । मंगलबार भएको खेलमा नेपाल नेदरल्याण्ड्ससँग ३ विकेटले पराजित भएको हो ।

नेपालले दिएको २ सय ७ रनको लक्ष्य पछ्याएको नेदरल्याण्ड्सले ३ बल बाँकी हुँदै ७ विकेट गुमाएर लक्ष्य पुरा गर्‍यो। नेपालले अन्तिम लिग खेल मलेसियासंग बिहीबार खेल्नेछ । दुई जितपछि नेदरल्याण्ड्सले पनि ३ खेलबाट ४ अंक जोडेको छ ।

मुम्बई । जारी आइपिएल क्रिकेटमा चेन्नई सुपरकिंग्सले पञ्जाब किंग्सविरुद्ध सहज जित निकालेको छ । शुक्रबार राती सम्पन्न खेलमा महेन्द्र सिंह धोनीको टीम चेन्नईले पहिलो जित निकालेको हो । धोनीका लागि शुक्रबारको खेल ऐतिहासिक थियो । उनले इन्डियन प्रिमियर लिग (आईपीएल)मा चेन्नई सुपर किंग्सका लागि दुई सयौँ खेल पुरा गरेका छन् ।

चेन्नईले पञ्जाब किंग्सलाई ६ विकेटले हरायो । मुम्बईको वाङखडे स्टेडियममा भएको खेलमा पञ्जाबले दिएको १०७ रनको लक्ष्य चेन्नाईले १५.४ मा ४ विकेट गुमाउद्यै फेला पारेको हो । चेन्नईका लागि मोइन अलीले सर्वाधिक ४७ रनको योगदान गरे ।

टस हारेर पहिले ब्याटिङ गरेको पञजावले २० ओभरमा ८ विकेट गुमाएर १०६ रनमात्र बनाउन सकेको थियो । पञ्जावका लागि साहरुख खानले सर्वाधिक ४७ रन बनाए । पञ्जाबलाई कम स्कोरमा रोक्न चेन्नईका दीपक चाहरले ४ ओभरमा १ मेडन राख्दै १३ रन खर्चेर ४ विकेट लिए ।

मुम्बई । १४ औं संस्करणको इन्डियन प्रिमियर लिग क्रिकेट आईपीएलमा राजस्थान रोयल्सले दिल्ली क्यापिटल्सलाई हराउँदै पहिलो जित निकालेको छ । बिहीबार राती सम्पन्न खेलमा राजस्थानले दिल्लीलाई तीन विकेटले हराएको हो । मुम्बईको वाङ्खडे मैदानमा टस हारेर पहिले ब्याटिङको निम्तो पाएको दिल्लीले २० ओभरको खेलमा ८ विकेट गुमाएर १४७ रन जोड्यो । जवाफी ब्याटिङ गरेको राजस्थान रोयल्सले तीन विकेटको खेल बाँकी छँदै १४८ रनको लक्ष्य पुरा गरेको हो । राजस्थानका लागि सबैभन्दा डेभिड मिलरले ६२ रनको योगदान गरे ।

चेन्नई । जारी इन्डियन प्रिमियर लिगमा रोएल च्यालेन्जर्स बेंगलोरले लगातार दोस्रो जित निकाल्दा हैदरावाद भने दोस्रो खेलमा समेत पराजित भएको छ । बुधबार चेन्नइमा सम्पन्न खेलमा बैंलौरले सनराइजर्स हैदरवादलाई ६ रनले हरायो । बैंलौरल दिएको १५० रनको लक्ष्य भेटाउने क्रममा हैदरावाद २० ओभरमा ९ विकेट गुमाउँदै मात्र १४३ रनमा समेटियो ।

हैदरावादका लागि कप्तान डेभिड वार्नरले सर्वाधिक ५४ रनको योगदान गरे । मनिस पाण्डेको नाममा ३८, रसिद खानको नाममा १७ र जोनी बेयर्स्टोवको नाममा १२ रन रह्यो । टस हारेर पहिले ब्याटिङ गरेको बैंलौरले भने ग्लेन म्याक्सेवलको अर्धशतकको मद्दतमा २० ओभरमा ८ विकेट गुमाउँदै १४९ रन जोडेको थियो ।

चेन्नई । इन्डियन प्रिमियर लिग आईपीएल क्रिकेटमा मुम्बई इन्डियन्सले कोलकाता नाइट राइडर्सलाई हराएको हो । चेन्नईमा मंगलबार राती सम्पन्न खेलमा मुम्बई इन्डियन्सले कोलकाता नाइट राइडर्सलाई १० रनले हराएको हो । मुम्बइले दिएको एक सय ५३ रनको लक्षसहित जवाफी ब्याटिङमा उत्रिएको कोलकताले २० ओभरमा ७ विकेट गुमाउँदै मात्र एक सय ४२ रन जोड्न सक्यो ।

मुम्बईलाई बलरले कसिलो बलिंग गरी जित निकालेका हुन् । पहिले ब्याटिंग गरेको मुम्बईका लागि सबैभन्दा धेरै सूर्यकुमार यादवले ५६ रन जोडेका थिए । कप्तान रोहित शर्माले ४३ रन बनाए ।

मुम्बई । १४ औं संस्करणको इन्डियन प्रिमियर लिग (आईपीएल)मा पन्जावले विजयी शुरुवात गरेको छ । सोमबार राती सम्पन्न खेलमा राजस्थान रोयल्सलाई ४ रनले पराजित गर्दै पञ्जाब किंग्स विजयी भएको हो । रोयल्सका कप्तान सन्जु साम्सनले शतक प्रहार गरे पनि टीम भने पराजित भएको छ ।

सामसनले ११९ रनको योगदान दिए । मुम्बईस्थित वाङखडे स्टेडियममा भएको खेलमा पञ्जाबले रोयल्सलाई २२२ रनको लक्ष्य दिएको थियो । राजस्थानले निर्धारित २० ओभरमा ७ विकेट गुमाएर २१७ रन मात्र बनाउन सक्यो ।

सन्जु सामसनले ६३ बल खेल्दै ११९ रन बनाए । उनी कप्तानी गरेको पहिलो खेलमै शतक प्रहार गर्ने आइपीएल इतिहासकै पहिलो खेलाडी समेत बनेका छन् । टस हारेर पहिले ब्याटिङ गरेको पञ्जाबले २० ओभरमा ६ विकेट गुमाएर २२१ रन जोडेको थियो ।

यो स्कोर जारी सिजनकै सर्वाधिक हो । कप्तान राहुलले ५० बलमा ९१ रन जोडे । दिपक हुडाले २८ बलमा ६४ रन बनाएपछि पंजावको ठूलो स्कोर बनेको हो । क्रिस गेलले २८ बलमा ४० रन जोडे ।

काठमाडौं । स्पेनिस ला लिगा फुटबलमा दुई बलियो टीम रियल म्याड्रिड र बार्सिलोनाबीचको भिडन्तमा रियलले बाजी मारेको छ । यो खेललाई एलक्लासिको भिडन्तका नामबाट चिनिन्छ ।

वर्षमा कम्तिमा दुई पटक यी टीमबीच भिडन्त हुन्छ । रियल म्याड्रिडले गत राती सम्पन्न खेलमा बार्सिलोनालाई २-१ गोलले हराउँदै शीर्ष स्थानमा पुगेको छ । रियलको घरेलु मैदानमा भएको खेलमा रियलका लागि करिम बेन्जामा र टोनी क्रुजले एक एक गोल गरे ।

बार्सिलोनाका लागि ओस्कार मिंगुएजाले एक गोल गरेपनि त्यो बराबरीका लागि समेत पर्याप्त बनेन् । खेलको ९० औं मिनेटमा रियल १० खेलाडीमा समेटिएको थियो ।

रियल म्याड्रिडका कासमिरोले खेलको ९०औ मिनेटमा दोहोरो पहँलो कार्ड खाँदै बाहिरिएका थिए । जितपछि रियल म्याड्रिडको ३० खेलमा ६६ अंक भएको छ। दोस्रो स्थानमा रहेको एटलेटिको म्याड्रिडको २९ खेलमा ६६ अंक रहेको छ । गोल अन्तरमा दोस्रो स्थानमा छ ।

तेस्रो स्थानमा रहेको बार्सिलोनाको ३० खेलमा ६५ अंक रहेको छ । उपाधी भिडन्तमा यी तीन टोलीले अब एउटा पनि खेल गुमाउने छूट पाउने छैनन् । ३० खेल खेलिसकेका टोलीले यो सिजनमा अझै ८ खेल खेल्न बाँकि रहेको छ ।

चेन्नई । इन्डियन प्रिमियर लिग (आइपीएल) क्रिकेट सिरिजको १४ औं संस्करण शुक्रबारबाट शुरु भएको छ । शुक्रबार राती सम्पन्न पहिलो खेलमा साविक विजेता मुम्बई इण्डियन्सलाई रोयल च्यालेन्जर्स बैंलौरले रोमाञ्चक भिडन्तमा हराएको छ । मुम्बई इन्डियन्सलाई दुई विकेटले पराजित गर्दै बैंलौरले दुई अंक समेत जोडेको छ ।

चेन्नईमा टस हारेर ब्याटिङको निम्तो पाएको मुम्बईले निर्धारित २० ओभरमा नौ विकेटको क्षतिमा एक सय ५९ रन जोडेको थियो । १६० रनको लक्ष्य पाएको बैंलौरले पुरै २० ओभरमा ८ विकेट गुमाउँदै लक्ष्य भेटायो । उसले अन्तिम बलमा लक्ष्य भेटाएको हो । बेङ्ग्लोरको जितका लागि एबी डेबिलियर्सले सर्वाधिक ४८ रनको योगदान गरे ।

काठमाडौं । च्याम्पियन्स लिगको क्वाटरफाइनल अन्तर्गत दुई बलियो प्रतिद्धन्द्धी पिएसजी र बायर्न म्युनिख बीचको खेलमा पिएसजीले बाजी मारेको छ । बुधबार रातिको खेलमा पीएसजीले च्याम्पियन्स लिगको क्वाटरफाइनल अन्तर्गत पहिलो लेगमा बायर्नलाई उसकै मैदानमा ३-२ गोलले हराएको हो ।

पीएसजीको जितमा केलियन एम्बाप्पेले दुई तथा मर्कुइनोसले एक गोल गरेका छन् । बायर्नका लागि मोटिस र मुलरले एक\एक गोल गरेका थिए । तर, त्यो बराबरी वा जितका लागि पर्याप्त भएन । अब दोस्रो लेगमा पिएसजीको सेमीफाइनल प्रवेशको सम्भावना समेत बलियो भएको छ ।

काठमाडौं । च्याम्पियन्स लिग फुटबलको क्वाटरफाइनलका खेलहरु शुरु भएका छन् । मंगलबार राती सम्पन्न खेलमा रियल मड्रिडले बलियो प्रतिद्धन्द्धी लिभरपुललाई ३–१ गोल अन्तरले हरायो । क्वाटरफाइनलको पहिलो लेगमा स्पेनिस क्लब मड्रिडले घरेलु मैदानमा आफ्नो रवाफिलो प्रदर्शन जारी राखेको छ । रियलका लागि विनिसिअस जुनिअरले दुई तथा एसेन्सिओले एक गोल गरेका थिए ।

लिभरपुलका मोहम्मद सालहले एक गोल फर्काएपनि त्यो बराबरी वा जितका लागि पर्याप्त थिएन । पहिलो लेगमा फराकिलो अन्तरले जितेको रियलको सेमिफाइनल यात्रा सहज भएको छ । दोस्रो लेगमा लिभरपुलले कम्तीमा ४ गोल भन्दा बढीको अन्तरमा हराए मात्र रियललाई रोक्ने सक्नेछ ।

काठमाडौं । स्पेनिस ला लिगा फुटबलको उपाधी होडमा बार्सिलोनाले पुनः आफ्नो दावेदारी प्रस्तुत गरेको छ । कमजोर शुरुवात गरेको बार्सिलोनाका लागि यो सिजन निकै कठिन हुने आंकलन गरिएको थियो । तर, सन् २०२१ यता भने उसले उत्कृष्ट पुनरावलोकन गर्दै उपाधी होडमा फर्किएको हो ।

सोमबार राति भएको खेलमा बार्सिलोनाले रियल भालाडोलिडलाई १-० गोलले हराउँदै दोस्रो स्थानमा उक्लन सफल भएको छ । बार्सिलोनाको २९ खेलबाट ६५ अंक भएको छ । ६६ अंकसहित एथ्लेटिको म्याड्रिड पहिलो स्थानमा छ । तेस्रो स्थानको रियल म्याड्रिड रहेको छ ।

उसको ६३ अंक छ । अब हुने यी तीन टोलीको एक अर्का बीचको खेलले उपाधीको टुंगो लगाउने छ । सोमबार राती बार्सिलोनाको जितका लागि ओस्मान डेम्बेलेले ९०औँ मिनेटमा निर्णायक गोल गरे ।

काठमाडौं\एजेन्सी । प्रिमियर लिगको जारी सिजन अन्तर्गत शनिबारका खेलमा शीर्ष र बलिया टोलीले लज्जास्पद हार बेहोर्न पुगेका छन् । चेल्सीको पोष्टमा वेस्ट ब्रोमले ५ गोल छिराएको छ । आर्सनललाई लिभरपुलले ३ गोल हानेको छ । आर्सनलको घरेलु मैदानमा लिभरपुलले ३–० गोल अन्तरको जित निकालेको छ ।

खेलमा ६४ औँ मिनेटमा पहिलो गोल भएको हो । डिएगो जोटाले टोलीलाई अग्रता दिए । मोहमद शलाहले ६८ औं मिनेटमा दोस्रो गोल गरे । जोटाले नै ८२ औँ मिनेटमा अर्को गोल थप्दै लिभरपुललाई फराकिलो अन्तरको जित निकाले ।

शनिबार नै भएको अंक तालिकाको चौथो स्थानमा रहेको चेल्सी वेस्ट ब्रोमिच आल्बियोनसँग घरेलु मैदानमै स्तब्ध बन्यो । उसलाई वेस्ट ब्रोमले २–५ गोल अन्तरले हरायो । खेलको २७ औँ मिनेटमा क्रिस्टिन पुलिसिचको गोलबाट चेल्सीले अग्रता लिएको थियो ।

२९ औं मिनेटमा चेल्सी १० खेलाडीमा खुम्चियो । दोस्रो पहेँलो कार्ड खाएका थियागो सिल्भा मैदानबाट बाहिरिए । त्यसको फाइदा वेस्ट ब्रोमले उठायो । माथेयस परेराले पहिलो हाफको इन्जुरी समयमा दुई गोल गरे ।

क्यालम रोबिनसनले ६३ औँ मिनेटमा गोल गरे । मबाय डियाग्नेले खेलको ६८ औँ मिनेटमा गोल गरे । मेसन माउन्टले ७१ औँ मिनेटमा चेल्सीका लागि दोस्रो गोल गरे । रोबिनसनले इन्जुरी समयमा गोल गरी चेल्सीलाई लज्जास्पद हार चखाए ।

नयाँ दिल्ली । लोकप्रिय क्रिकेटर सचिन तेन्दुलकर कोरोना भाइरसको संक्रमणपछि अस्पताल भर्ना भएका छन् । पाँच दिनसम्म घरमै आइसोलेसनमा बसेका उनलाई त्यसपछि समस्या बढ्दै गएसँगै अस्पताल भर्ना गरिएको भारतीय संचारमाध्यमले जनाएका छन् । उनी शुक्रबार अस्पताल भर्ना भएका हुन् ।

उनको स्वास्थ्यमा समस्या बढेसँगै थप उपचारका लागि अस्पताल भर्ना हुन चिकित्सकले सुझाव दिएका थिए । तेन्दुलकरबाहेक परिवारका अन्य सदस्यमा भने कोरोना देखिएको छैन ।

अस्पताल भर्ना भएपछि शुक्रबार तेन्दुलकरले ट्वीटरमार्फत आफ्नो स्वास्थ्यप्रति चिन्ता र चासो जनाउँदै स्वास्थ्य लाभको कामना गरेका सबैलाई आभार व्यक्त गरेका छन् ।

उनले चिकित्सकको सुझाव अनुसार आफू अस्पताल भर्ना भएको र चाँडै निको भएर घर फर्किने विश्वास व्यक्त गरेका छन् । भारतका विश्वविजेता क्रिकेटर तेन्दुलकरको नाममा सबै फम्र्याटका अधिकांश विश्वरेकर्ड रहेका छन् । उनलाई भारतीयहरु क्रिकेटका भगवान मान्छन् ।