Category: खेलकुद

इंल्याण्डमा जारी आइसिसी एकदिवसीय विश्वकप क्रिकेटमा अस्ट्रेलियाले लगातार दोस्रो जित हात पारेको छ। बिहीबार राति सम्पन्न भएको खेलमा वेस्ट इन्डिजलाई १५ रनले पराजित गर्दे अस्ट्रेलियाले लगातार दोस्रो जीत हात पारेको हो । वेस्ट इन्डिजले भने दोस्रो खेलमा पहिलो हार बेहोर्यो ।

पहिले ब्याटिङ गरेको अस्ट्रेलियाले २८९ रनको लक्ष्य दिएको थियो । वेस्ट इन्डिजले ९ विकेटको क्षतिमा २७३ रन मात्र बनाउन सक्यो । वेस्ट इन्डिजका लागि कप्तान जासन होल्डरले ५१ रन बनाए ।

शाइ होपले ६८, निकोलास पुरान ४०, क्रिस गेल २१, आन्द्रे रसेल १५ र कार्लोस वाथवेटले १६ रनको योगदान दिए ।

अस्ट्रेलियाका मिचेल स्टार्क एक्लैले ५ विकेट लिएपछि वेस्ट इण्डिज जीत नजिक पुगेर पनि हार्न पुग्यो । उनले १० ‌ओभरमा १ मेडनसहित ४६ रन खर्चिए।

टस जितेको वेस्ट इन्डिजले अस्ट्रेलियालाई ब्याटिङको निम्ता दिएको थियो । अस्ट्रेलिया ४९ ओभरमा २८८ रनमा अलआउट भयो। उसका लागि नाथान काउटर निलले सर्वाधिक ९२ रन बनाए ।

स्टेभन स्मिथले ७३ रन जोडे। एलेक्स क्यारीले ४५ रनको योगदान दिए । वेस्ट इन्डिजका कार्लोस बाथवेटले ३ विकेट लिए ।

काठमाडौं । रोहित शर्माले शतकीय इनिङ खेलेपछि विश्वकप क्रिकेट प्रतियोगितामा भारतले दक्षिण अफ्रिकामाथि ६ विकेटको प्रभावशाली जीत निकालेको छ । बुधबार राति भएको खेलमा भारतले विश्वकपको पहिलो खेलबाटै विजयी शुरुवात गरेको हो ।

२२८ रनको लक्ष्य पछ्याएर मैदानमा उत्रिएको भारतले ४७ दशमलव ३ ओभरमा चार विकेट गुमाउँदै लक्ष्य पुरा गर्यो ।
भारतका लागि प्रारम्भीक ब्याट्सम्यान रोहित शर्माले अविजित १२२ रनको योगदान दिए ।

१४४ बल खेलेका उनले १३ चौका र दुई छक्का हिर्काएका थिए । पूर्वकप्तान महेन्द्रसिंह धोनीले ३४ रन बनाए । केएल राहुलको नाममा २६ रन रह्यो । कप्तान विराट कोहली १८ रनमा आउट भए ।

दक्षिण अफ्रिकाका लागि कागिसो रबडाले दुई विकेट लिए ।

इंग्ल्यान्डको साउथ हृयाम्पटनमा टस जितेर शुरुमा ब्याटिङ रोजेको दक्षिण अफ्रिकाले निर्धारित ५० ओभरमा ९ विकेट गुमाउँदै २२७ रन मात्र बनाउन सक्यो ।

दक्षिण अफ्रिकाका लागि क्रिस मोरिसले ४२ रन बनाए । कप्तान फाफ् डु प्लेसिसको नाममा ३८ रहन रह्यो । एन्डिल फेहलुकवाओले ३४ र डेभिड मिलरले ३१ रन बनाए । कागिसो रबडा ३१ रनमा अविजित थिए । रसिइ भान डेर डुसेनले पनि २२ रन बनाए ।

दक्षिण अफ्रिकालाइ भारतका युजभिन्द्र चाहालको बलिङले निकै समस्यामा पारे । उनी एक्लैले चार विकेट लिए । १० ओभर बलिङ गरेको उनले ५१ रन खर्चिएर चार विकेट लिएका हुन् । जसप्रित बुमराह र भुवनेश्वर कुमारको नाममा समान २\२ विकेट रह्यो ।

लगातार तेस्रो खेलमा पराजित दक्षिण अफ्रिकाले ठूला प्रतियोगितामा अभागी टीमको मान्यता पुनः स्थापित गरिसकेको छ । उसलाई अगाडिको यात्रा अब निकै कठिन भइसकेको छ ।

खेल्न बाँकि सबै ६ खेल या कम्तिमा ५ खेल जितेको अवस्थामा मात्र दक्षिण अफ्रिकाको अघिल्लो चरणको सम्भावना बाँकि रहन्छ । यसअघि दक्षिण अफ्रिका पहिलो खेलमा इंग्ल्यान्डसँग १०४ र दोस्रो खेलमा बंगलादेशसँग २१ रनले पराजित भएको थियो ।

काठमाडौं । चितवनमा निर्माण हुने गौतमबुद्ध अन्तर्राष्ट्रिय क्रिकेट रंगशाला निर्माणमा अवरोध गर्ने व्यक्तिहरु सोमबार छुटेका छन् ।

उनीहरुलाई धुर्मुश सुन्तली फाउन्डेसनले निर्माण थालेको अन्तर्राष्ट्रिय क्रिकेट रंगशाला सुरक्षा गर्न लगाइएको तारबार भत्काएको आरोपमा पक्राउ गरिएको थियो । १८ जना पक्राउ परेकोमध्ये सोमबार मध्ये १४ जना मात्र छुटेका हुन् ।

उनीहरुलाई अभद्र व्यवहार गरेको आरोपमा मुद्दा चलाइएको थियो । उनीहरु हाजिरी जमानीमा छुटेका हुन् । मुख्य आरोपी प्रकाश कँडेलसहित ४ जना भने थुनामै छन् ।

धुर्मुस सुन्तली फाउण्डेसनले विभिन्न दाताको पहलमा यो रंगशाला निर्माण थालेको छ । बाटोको विषयमा स्थानीयसँग विवाद भएपछि रंगशाला निर्माणमा लगाइएको तारबारमा डोजर लगाइएको थियो ।

काठमाडौं

नेपाली महिला क्रिकेट टोलीले हङकङले दिएको लक्ष्य ४ विकेटको क्षतिमा पुरा गरेको छ । आईसीसी महिला विश्वकप छनौट प्रतियोगितामा नेपालको ४ खेलमा तेश्रो जित हो ।

६३ रनको औसत लक्ष्यका बावजूद नेपालले १८.३ ओभर ब्याटिङ गर्दै ६ विकेट गुमाउनु परेको छ ।

यसअघि टस जितेर पहिले ब्याटिङ गर्ने निर्णय गरेको हङकङले निर्धारित २० ओभरमा ८ विकेटको क्षतिमा ६२ रन मात्र बनाएको थियो । टोलीको लागि मरीना लामप्लगले १९ रन बनाइन् भने यास्मीन दास्वानीले १६ तथा बेल्ला पूनले ११ रन बनाइन् ।

नेपालको लागि नेरी थापाले सर्वाधिक ६ विकेट लिइन् । ४ ओभर बलिङ गरेकी नेरीले ८ रन खर्चिदैं हङकङलाई दबावमा राखिन् । त्यस्तै सरीता मगरले २ विकेट लिइन् ।

जवाफी ब्याटिङ गरेको नेपालले १८.३ ओभरमा ६ विकेट गुमाइ ६३ रन बनाइ लक्ष्य पुरा ग¥यो । टोलीको लागि अप्सरी बेगमले ३५ बलमा ३ चौका सहित २४ रन बनाइन् भने सरीता मगरले नथआउट १६ रन बनाइन् ।

बलिङतर्फ हङकङकी ज्यास्मीन टीटमसले ३ विकेट लिइन् भने केरी च्यान, यी शान टो, मारीको हिलले समान १ विकेट लिइन् । शानदार बलिङ गरेकी नेरी थापा प्लेयर अफ द म्याच चुनिइन् । नेपाल ३ खेल जित्दै ६ अंकका साथ अंकतालिकाको चौथो स्थानमा छ ।

स्वस्तिक श्रेष्ठ
बुटवल
रुपन्देहीको ऐतिहासिक २१ औ तिलोत्तमा गोल्ड कपको उपाधि जित्दै क्यामरुनको डफिन्सले यो सिजनमा ह्याट्रिक गरेको छ । विभागिय टिम नेपाल पुलिस क्लबका विरुद्ध यो सिजनमा बुढासुब्बापछि अर्को फाईनल भिडन्तमा लगातार सडेन डेथमा ६–५ गोलको परिणाम दोहोराउदै डफिन्स उपाधि विजेता बनेको हो । उपाधिसंगै डफिन्सले नगद ८ लाख ८० हजार, मेडल, प्रमाणपत्रबाट पुरस्कृत भएको छ । उपविजेता पुलिस भने नगद ५ लाख ५० हजार, मेडल, प्रमाणपत्रमा चित्त बुझाएको छ । प्रतियोगितामा रुपन्देहीका आशिष गुरुङ्ग सर्वोत्कृष्ट खेलाडी घोषित हुँदै यामाहा स्कुटिबाट पुरस्कृत भए । यसैगरि पुलिसका रबि पासवान उत्कृष्ट फरवार्ड, पुलिसकै हेम तामाङ्ग उत्कृष्ट मिडफिल्ड, पुलिसकै अनन्तराज थापा उत्कृष्ट प्रशिक्षक, पुलिसकै विक्रम धिमाल उत्कृष्ट डिफेन्डर, डफिन्सका प्रिसो उत्कृष्ट गोलकिपर घोषित हुदै जनही नगद २५ हजारसहित ट्रफीबाट पुरस्कृत भएका छन ।
शुरुवातबाट नै दुबै टिम आक्रमक खेल पस्केका थिए । डफिन्सका ईकेविमले ५ औ मिनेटमा गरेको प्रहार पुलिसका गोलकिपर शत्रुघन चौधरीले विफल पारिदिए । खेलको १३ औ मिनेटमा राम्रो अवसरलाई पुलिसले गुमायो । भरत शाहको क्रसलाई मान बहादुर नेपालीले भेट्न सकेनन । लगतै डफिन्सका ईकेविमलको क्रसलाई नियाले गरेको प्रहार आकसियो । खेलको ३५ मिनेटमा तेज तामाङलाई लडाएपछि बिलियमले पहेलो कार्ड पाए । पहिलो हाफको अन्तिम समयमा पुलिसका तेज तामाङले फल गरेपछि पहेलो कार्ड पाए । ईकेवेमले खेलको ६३ औ मिनेटमा गरेको फ्रिकिक प्रहार सिधै पुलिसका गोलकिपर शत्रुघन चौधरीले हात पुग्यो । खेलको ६५ औ मिनेटमा भरत शाहको पास मिलन राईको प्रहार आकासियो । खेलको ७६ औ मिनेटमा अजित भण्डारीले पेटन्गालाई फल गरेपछि पहेलोकार्ड पाए । खेलको अन्तिम समयमा अवसर गुमाएसंगै पुलिस उपविजेतामा चित्त बुझायो । खेलको ८७ औ मिनेटमा पुलिसका रबि पासवानले डफिन्सका डिफेन्डरहरुलाई बिट गर्दै डिबक्सबाट दिएको क्रसलाई तिर्थ राना मगरले जाली चुमाउदै खुशी मनाएपनि रेफ्रीले अफसाईड देखाईदिए । गोलले खुशि देखिएको पुलिसका समर्थकमा निरासा बनायो । निक्कै प्रतिस्पर्धात्मक फाईनल खेलमा निधार्रित समयमा गोल रहित बराबरी भएपछि खेल ट्राईबेकरमा धकेलिएको थियो । ट्राईबेकरमा पनि ५–५ गोल बराबरी भएपनि खेलको निर्णय सडेन डेथमा लिईएको थियो । सडेन डेथमा तेज तामाङ्गको प्रहारलाई डफिन्सका गोलकिपर प्रिसोले राके भने नियको प्रहारले जाली चुमेसंगै रेफ्रीले डफिन्सलाई विजेता घोषणा गरे ।
एक कार्यक्रमका बिच राष्ट्रिय खेलुकद परिषदका सदस्यसचिव केशव कुमार विष्ट, अखिल नेपाल फुटवल संघका सहायक उपमहासचिव प्रकाश पंगेनी, यातायात मजदुर भलाई कोष दिनेश फुलेल, नेपाल पत्रकार महासंघका अध्यक्ष यानेन्द्र जिसि, सल्लाहकार महेन्द्र हमाल, संघका अध्यक्ष दीर्घ बहादुर केसीले विजेता, उपविजेता टिम तथा उत्कृष्ट खेलाडीहरुलाई पुरस्कार वितरण गरेका थिए । कार्यक्रममा सदस्यसचिव केशव विष्टले नेपालकै पुरानो फुटवल प्रतियोगिताको निरन्तरता नै ठुलो भएको बताए । यस क्षेत्रमा खेलकुदको आर्कषणलाई बुझेर सरकारबाट लगानी बढाउदै लगेको उनले बताए । नया प्याराफिट निमार्णमा सहयोग गर्ने प्रतिवद्दता जनाउदै उनले पछिल्लो समय यस प्रदेशमा ६ करोड बढी लगानी सरकारबाट भएको बताए । राष्ट्रिय खेलकुद प्रतियोगिता गराउने तयारीसंगै यहा धेरै पूर्वाधार बन्दै गएको भन्दै उनले अब पाच नम्बर प्रदेशको खेलकुदमा जागरण ल्याउने दाबी समेत बताए ।

स्वस्तिक श्रेष्ठ
बुटवल
सिन्धुपाल्चोकमा जारी चौथो नेपाल आईस सिन्धु कप फुटवल प्रतियोगिताको उपाधिका लागि रुपन्देहीको गोर्खा ब्यायज क्लब र ललितपुरको जावलाखेल युथ क्लब भिडने भएका छन । विहिबार भएको दोस्रो सेमीफाईनल खेलमा जावलाखेल युथ क्लबले आयोजक युथ स्र्पोटस क्लब सिन्धुपाल्चोकलाई ट्राईबेकरमा ४–२ गोलले पराजित गर्दै उपाधि दाबेदारी पेश गरेको हो । यता पहिलो सेमीफाईनल खेलमा गोर्खा ब्यायजले विभागिय टिम शसस्त्र प्रहरीको एपीएफ क्लबलाई ट्राईबेकरमा ४–३ गोलले पराजित गर्दै फाईनल भिडन्त पक्का गरेको थियो । फाईनल खेल शनिबार हुने छ ।
प्रतियोगिताको उपाधि विजेताले नगद ५ लाखसहित मेडल, प्रमाणपत्र तथा उपविजेताले नगद २ लाख ५० हजार पुरस्कार पाउने छन । यसैगरि सर्वोत्कृष्ट खेलाडीलाई २० हजार तथा विद्यागत उत्कृष्ट खेलाडीले जनही १० हजार पुरस्कार पाउनेछन ।
प्रतियोगितामा विभागिय नेपाली आर्मीको त्रिभुवन क्लब, शशस्त्र प्रहरी बलको एपीएफ क्लब, जावलाखेल युथ क्लब ललितपुर, फ्रेन्डस क्लब ललितपुर, काभ्रे बोर्डर युथ क्लब काभ्रेपलान्चोक, युथ स्र्पोटस क्लब सिन्धुपाल्चोक र जिरी स्र्पोटस क्लब दोलखा क्लब गरि आठ टिमले उपाधिका लागि प्रतिस्प्रर्धा गरेका छन ।