Category: खेलकुद

न्युयोर्क

इन्टरनेशनल पावरलिफ्टिङ लिगमा स्वर्ण पदक हासिल गर्ने नेपाली शक्तित्तोलक रुप कार्कीको हृदयघातको कारण ५१ वर्षको उमेरमा भरतपुर अस्पताल चितवनमा निधन भएको छ । नेपालको बुटवलस्थित आफ्नै निवासमा बिहिबार साँझ डिनर खाँदैगर्दा स्वास्थ्यमा असहजता देखिए पश्चात तत्काल नजिकको अस्पताल लगिएको थियो । चिकित्सकले काठमाडौं लैजान भनेपछि एम्बुलेन्समा राजधानी लगिएको हो ।

काठमाडौं लैजादै गर्दा बाटोमा नै थप अवस्था बिग्रिएकोले नजिक पर्ने भरतपुर अस्पताल पुर्याइए पनि चिकित्सकले तुरुन्तै मृत घोषित गरेको पारिवारिक श्रोतले जनाएको छ। लामो समयदेखि अमेरिकाको भर्जिनियामा बस्दै आएका कार्की ५ महिनाअघि नपालमै केही गर्नुपर्छ भनि देश गएका थिए । केही महिना पहिले कोरोनाभाइरस पोजेटिभ देखिएतापनि हाल भाइरसबाट मुक्ति पाइसकेको थियो ।

नेपालदेखि युरोप हुँदै अमेरिकासम्म पनि उहाँले पटकपटक बिभिन्न स्पर्धामा पदक हात पारिसकेका थिए । समाजसेवामा पनि सकृय कार्कीले असहायहरुलाई आर्थिक सहयोग समेत गर्ने गर्दथे ।
अमेरिकाको भर्जिनियास्थित अस्पतालमा उहाँको आफ्नै बुहारी प्रसव व्यथा शुरु भई भर्ना हुने समय र नेपालमा आफैलाई गाह्रो भै “मलाई अस्पताल लैजाऊ” भनेको समय एकै पर्नु नियतिको उत्कर्ष मान्न सकिन्छ ।

काठमाडौं । नेपाली क्रिकेट टिमका प्रशिक्षक डेभ वाटमोर आज औपचारिक रुपमा सार्वजनिक भएका छन् । उनलाई क्रिकेट एशोसिएशन अफ नेपाल (क्यान)ले १ जनवरीबाट लागु हुने गरी नेपालको प्रशिक्षकमा नियुक्त गरेको हो । आज औपचारिक कार्यक्रममार्फत उनले नेपालको एकदिवसीय मान्यता कायम राख्न आफ्नो प्रयास रहने बताएका छन् ।

वाटमोर हालै नेपाल आएका हुन् । नेपाल आउनु आफ्ना लागि विशेष रहेको भन्दै नयाँ चूनौतिका लागि तयार रहेको समेत बताए । एकदिवसीय मान्यता जोगाउँदै वरीयतामा सुधार ल्याउनु आफ्नो लक्ष्य हुने उनले बताए । नेपालले सन् २०२३ को मार्चसम्मका लागि एकदिवसीय मान्यता पाएको छ ।

नेपाललाई विश्वकपमा पुर्‍याउन भने सजिलो नभएको उनले स्वीकार गरे । यद्दपी विश्वकपका लागि प्रयास भने जारी रहने उनको भनाई छ । उनले भने, विश्वकप पुग्न धेरै गाह्रो हुन्छ, किनकी संसारभरका मुलुक यहाँ पुग्न चाहन्छन्, त्यसका लागि हामील निकै सुधार गर्नु पर्छ।

श्रीलंकाली मुलका वाटमोर अस्ट्रेलियामा हुर्किएका थिए । त्यहीबाट उनले नागरिकता मात्र लिएनन्, अस्ट्रेलियाबाट मुलुकका लागि क्रिकेट समेत खेलेका छन् । उनले यसअघि टेस्ट मान्यता प्राप्त श्रीलंका, बंगलादेश, पाकिस्तान र जिम्बावेलाई प्रशिक्षण गरेको अनुभव छ ।

भारतको यु१९ टिमदेखि आइपिएल टिम कोलकता नाइट राइडर्सलाई समेत उनले प्रशिक्षण दिइसकेका छन् । यसबाहेक उनीसँग सिंगापुरलाई समेत प्रशिक्षण गरेको अनुभव छ ।

ब्रिसबेन । चौथो तथा निर्णायक टेस्टमा भारतले अस्ट्रेलियालाई मंगलबार ३ विकेट पराजित गरी इतिहास रचेको छ । अष्ट्रेलियाको ब्रिसबेनमा घरेलु टीम ३३ वर्षयता पहिलो पटक कुनै पनि टोलीबाट पराजित भएको हो । आजको जितसँगै भारतले ४ खेलको सिरिज २, १ ले आफ्नो पक्षमा पारेको हो ।

एक खेल बराबरीमा सकिएको थियो । पहिलो टेस्टमा अस्ट्रेलिया विजयी भएको थियो । दोस्रो टेस्ट भारतले जितेको थियो । तेस्रो टेस्ट बराबरीमा सकिएको हो । ब्रिसबेनमा सम्पन्न चौथो टेस्टमा अस्ट्रेलियाले अन्तिम इनिंगमा दिएको ३२८ रनको लक्ष्य भारतले ७ विकेटको क्षतिमा भेटायो ।

भारतको जितमा रिशव पन्त चम्किए । उनी म्यान अफ दी म्याच समेत घोषित भए । उनले दोस्रो इनिङ्ग्समा नटआउट ८९ रन जोडेका हुन् । शुभमान गिलले ९१ रनको योगदान गरेपछि भारतको जग बलियो बनेको थियो । चेतेश्वर पुजाराले ५६ रन जोडे । वासिङटन सुन्दरको नाममा महत्वपूर्ण २२ रन रह्यो । बलिङतर्फ अस्ट्रेलियाका पाट कमिङ्ग्सले चार ४ विकेट हात पारेका छन् ।

मुम्बई । विश्व क्रिकेटका एक महान हस्ती सचिन तेन्दुलकरका पुत्र अर्जुन सिनियर टीममा आएका छन् । २१ वर्षिय अर्जुनले मुम्बईको सिनियर टोलीबाट डेब्यु गरेका हुन् । भारतमा जारी सैयद मुश्ताक अली ट्रफी टी २० प्रतियोगितामा शुक्रबार अर्जुनले हरियाणाविरूद्ध मुम्बईबाट डेब्यू खेल खेलेका छन् ।

उनी बलरको रुपमा टीममा आएका हुन् । अर्जुनले डेब्यू म्याचमै विकेट लिन सफल भए । ३ ओभर बलिङ गरेका उनले ३४ रन दिएर एक विकेट झारेका छन् । उनको टीम भने हारेको छ ।

मुम्बईले दिएको १ सय ४४ रनको लक्ष्य हरियाणाले १७.४ ओभरमा २ विकेट गुमाएर पूरा गर्‍यो । अर्जुनको सिनियर टोलीमा डेब्यूसँगै आइपीएल खेल्ने बाटो खुलेको संचारमाध्यमले लेखेका छन् । अर्जुनले यसअघि भारतको १९ वर्षमुनिको राष्ट्रिय क्रिकेट टोलीबाट अन्तर्राष्ट्रिय खेल खेलिसकेका छन् ।

काठमाडौं । एनएसजेएफ पल्सर स्पोर्टस अवार्ड आज वितरण हुँदैछ । नेपाली खेलकुदको सबैभन्दा ठूलो अवार्डका रुपमा यसलाई दिने गरिन्छ । नेपाल खेलकुद पत्रकार मञ्चले आयोजना गर्ने अवार्ड कार्यक्रम ललितपुरको सातदोबाटोस्थित कराते हलमा आयोजना हुँदैछ ।

अवार्ड कार्यक्रम अपरान्ह साढे ४ बजेबाट शुरु हुने भएको छ । कोरोना भाइरसको महामारीका कारण सेमी भर्चुअलको रुपमा आयोजना हुने अवार्ड कार्यक्रममा विभिन्न १० विधामा अवार्ड प्रदान गर्न लागिएको आयोजक जनाएको छ ।

अवार्डका लागि वर्ष २०७६ सालमा भएका राष्ट्रिय तथा अन्तर्राष्ट्रिय प्रतियोगितामा खेलाडीले गरेको प्रदर्शन र प्राप्त नतिजाका आधारमा खेलाडी र खेलकर्मी मनोनयनमा परेको मञ्चले जानकारी दिएको छ ।

काठमाडौं । कप्तान लियोनल मेसीको दाजुमयी खेल प्रदर्शनको जोडमा बार्सिलोनाले स्पेनिस ला लिगामा महत्वपूर्ण जीत निकालेको छ । उसले एथ्लेटिक बिल्बाओलाई पराजित गरेको हो । बुधबार राति सम्पन्न खेलमा बार्सिलोनाले बिल्बाओलाई ३, २ गोलले हरायो । टोलीका लागि कप्तान मेसीले दुई गोल गरे । थप एक गोलका लागि समेत महत्वपूर्ण भूमिका खेलेका उनी म्यान अफ दी म्याच चुनिए ।

जीतसँगै बार्सिलोना अंक तालिकाको तेस्रो स्थानमा उक्लिएको छ। मेसी जारी सिजनमा लालिगामा सर्वाधिक गोलकर्ताको सूचिमा बराबरीमा आइपुगेका छन् । खेलमा अग्रता भने बिल्बाओले विलियम्सको गोलबाट लिएको हो । खेलको १४ मिनेटमा बार्सिलोनाले फेड्रीको गोलबाट बराबरी गर्यो ।

त्यसपछि कप्तान लिओनल मेसीले टिमका लागि दुई गोल गरेका हुन् । उनले ३८ औ र ६२ औं मिनेटमा गोल गर्दै बार्सिलोनालाई महत्वपूर्ण जीत निकालेका हुन् । खेलको ९० औं मिनेटमा बिल्बाओका मुनियनले गोल गरेका थिए । बार्सिलोनाले १७ खेलबाट ३१ अंक जोडेको छ। १५ खेलबाट ३८ अंक जोडेको एट्लेटिको म्याड्रिड शीर्ष स्थानमा रहेको दोस्रो स्थानको रियल म्याड्रिडको १७ खेलबाट ३६ अंक छ।

काठमाडौं । नेपाली क्रिकेटर सन्दिप लामिछाने पाकिस्तान सुपर लिग (पिसिएल) को आगामी संस्करणका लागि ड्राफ्टमा पर्न सफल भएका छन् । यस पटक उनको नाम सबैभन्दा बढी मूल्यका खेलाडीको श्रेणीमा छन् । यस वर्गमा विश्वस्तरीय खेलाडीहरु क्रिस गेल, मोइन अली, कोलिन इन्ग्राम, इमरान ताहिर, मलान, क्रिस लिन, रासिद खान, मुजीव उर रहमान समेत छन् ।

पाकिस्तान क्रिकेट बोर्डका अनुसार ड्राफ्टमा सन्दिप सहित पाकिस्तान र अन्य देशका गरी कुल ३ सय खेलाडी रहेका छन् । जनवरी ९ मा खेलाडीहरुको लिलामी हुनेछ । सार्वजनिक गरिएको ड्राफ्टमा प्लेटीनीएम, डाईमण्ड, गोल्ड, सील्भर र ईमरजीङ प्लेयर गरी कुल ५ श्रेणी रहेका छन् । सन्दीप सबैभन्दा महंगा खेलाडीको सूचिमा हटाएका छन् ।

यस लीगमा केटा ग्याडियर्टस, लाहोर कलन्दर्स, मुल्तान सुल्तान, इस्लामबाद युनाइटेड, पेशवार जाल्मी र कराँची किङ्स गरि ६ फ्रेन्चाइज टोली खेल्दैछन् । प्लेटीनम श्रेणीमा अटाएका खेलाडीलाई कुनै टिमले १ लाख १७ हजार अमेरीकी डलरदेखि २ लाख १८ हजार अमेरीकी डलर सम्म किन्न सक्नेछन् । अर्थात सन्दीप छनोट भए भने कम्तिमा सवा करोड रुपैयाँ प्राप्त गर्नेछन् । यो लिगमा सन्दीप सन् २०१८ मा लाहोर कलन्दर्सबाट खेलेका थिए ।

काठमाडौं । स्पेनिस ला लिगा अन्तर्गत गएराति भएको खेलमा बार्सिलोना संघर्षपूर्ण जित निकालेको छ ।

अंकतालिकाको पुछारमा रहेको हुएस्कामाथि बार्सिलोनाले १–० को संघर्षपूर्ण जित निकालेको हो । स्टेडियो एल अल्कोराजमा भएको खेलमा बार्सिलोनाले घरेलु टोलीमाथि जित दर्ता गर्न निक्कै संघर्ष गर्नुपरेको थियो ।

बार्सिलोनाको जितमा फ्रेन्की डी जोङले निर्णायक गोल गरे। उनले खेलको २७ औं मिनेटमा लियोनल मेस्सीको पासमा गोल गरेका हुन्।

त्यसपछि खेलमा बार्सिलोना नै हावि भए पनि गोल गर्न नसक्दा घरेलु टोलीमाथि साँघुरो जित निकालेको हो।बार्सिलोनाको जितमा फ्रेन्की डी जोंगले खेलको एक मात्र गो गरेका थिए ।

डी जोंगले खेलको २७औ मिनेटमा लियोनेल मेसीको असिस्टमा खेलको निर्णायक गोल गरेका थिए ।

योसँगै मेसीले बार्सिलोनाका लागि आफ्नो ५ सयौं खेल खेलेका छन् । मेसीले ला लिगामा अहिलेसम्म आफ्नो ५०० खेल खेल्दै ४५१ गोल गरेका छन् ।

त्यस्तै सबै प्रतियोगितामा भने मेसीले बार्सिलोनाका लागि अहिलेसम्म ७५० खेल खेलिसकेका छन् । मेसी अब जाभीको बार्सिलोनाका लागि खेलेको ५०५ ला लिगा खेल र कुल ७६७ खेलको रेकर्ड भन्दा केहि खेल मात्र पछाडी रहेका छन् ।

यो जितपछि बार्सिलोनाको १६ खेलमा २८ अंक भएको छ र लिगमा पाँचौ स्थानमा रहेको छ । शिर्ष स्थानमा रहेको एटलेटिको म्याड्रिड भन्दा १० अंकले पछाडी रहेको छ ।

त्यस्तै हुएस्काको भने १७ खेलमा १२ अंक छ र लिगमा पुछारमा रहेको छ ।

काठमाडौं । स्कटल्यान्डका काइल कोट्जर अन्तर्राष्ट्रिय क्रिकेट काउन्सिल (आईसीसी) ले सार्वजनिक गरेको दशककै उत्कृष्ट एशोसिएट खेलाडी चुनिएका छन् ।

आईसीसीले पछिल्लो एक दशकमा उत्कृष्ट प्रर्दशन गर्ने एसोसिएट खेलाडीको लागि प्रदान गर्ने अवार्ड घोषणा गरेको थियो । उक्त उपाधिको बिजेता आइतबार घोषणा गरेको हो ।

अवार्ड नेपाली राष्ट्रिय क्रिकेट टोलीका पूर्वकप्तान पारस खड्का यस अवार्डका लागि मनोनयनमा परे पनि अर्वाड भने जित्न सकेनन् ।

यस विधामा पारस बाहेक स्कटल्यान्डका तीन तथा पपुवा न्युगिनी र नेदरल्यान्ड्सका १-१ जना खेलाडी रहेका थिए । नेपालका पारस र विजेता कोट्जर बाहेक स्कटल्यान्डका कलम म्याकलोयड र रिची बेरिङटन, नेदरल्यान्ड्सका पिटर बोरेन र पपुवा न्युगिनी अशद भाला यस विधाको मनोनयनमा परेका थिए ।

सन् २००९ बाट नेपाली राष्ट्रिय क्रिकेट टोलीका कप्तानी सम्हालेका पारसको नेतृत्वमा नेपालले डिभिजन पाँच देखि एकदिवसीय राष्ट्र सम्मको यात्रा तय गरेको थियो ।

त्यस्तै नेपाली टोलीले पारसको नै कप्तानीमा सन् २०१४ मा पहिलो पटक ट्वान्टी ट्वान्टी विश्वकप खेलेको थियो । सन् २०१९ मा नेपाली टोलीको कप्तानबाट राजिनामा दिएका पारसको कप्तानीमा नेपाल बलियो एशोसिएट राष्ट्र बन्न सफल भएको थियो । त्यस्तै स्कटल्याण्डले कोट्जरको कप्तानीमा सन् २०१५ मा अष्ट्रेलिया र न्युजिल्याण्डमा संयुक्त रुपमा सम्पन्न भएको विश्वकप खेलेको थियो ।

दाङ । प्रधानमन्त्री कप राष्ट्रिय महिला क्रिकेट प्रतियोगिता आजबाट दाङमा सुरु हुँदैछ। यो प्रतियोगितालाई लुम्बिनी प्रदेशले आयोजनाको मौका पाएको हो । दाङको लमहीस्थित देउखुरी अन्तर्राष्ट्रिय क्रिकेट मैदानमा प्रतियोगिता संचालन हुनेछ ।

लुम्बिनी प्रदेश क्रिकेट संघका अनुसार प्रतियोगिताको सबै तयारी पुरा भइसकेको छ । प्रतियोगितामा सात प्रादेशिक टोली र विभागीय टोली एपिएफले भाग लिएको छ । प्रतियोगिता दुई समूहमा विभाजन भएको छ ।

समूह ‘ए’मा एपिएफ, प्रदेश २, कर्णाली र लुम्बिनी प्रदेश छन् भने समूह ‘बी’मा सुदूरपश्चिम, बागमती, गण्डकी र प्रदेश १ भिड्ने भएका छन् । उदघाटन खेलमा लुम्बिनीले प्रदेश २ सँग प्रतिष्पर्धा गर्ने भएको छ ।

समूहका शीर्ष दुई टोली सेमिफाइनल पुग्नेछन्। सेमिफाइनलका दुवै खेल पुस १७ र फाइनल खेल १९ गते हुने गरी तालिका तय भएको छ ।

काठमाडौं । स्पेनिस क्लब बार्सिलोनाका अर्जेन्टाइन स्टार लिओनल मेसीले ब्राजिलियन महान खेलाडीले राखेको ऐतिहासिक कीर्तिमान तोडेका छन् । कुनै पनि एउटा क्लवका लागि सर्वाधिक गोल गर्ने कीर्तिमान अब मेसीका नाममा बसेको छ ।

यो रेकर्ड यसअघि पेलका नाममा थियो । मेसीले ला लिगाअन्तर्गत मंगलबार राती सम्पन्न रियल भालडोलिडविरुद्धको खेलमा गोल गर्दै बार्सिलोनाका लागि करियरमा ६४४ गोलको रेकर्ड राखे । यसअघि गत शनिबार उनले पेलेको कीर्तिमानसँग बराबरी ६४३ औं गोल गरेका थिए ।

खेलमा बार्सिलोना ३-० ले विजयी भएको छ । मेसीले ६५ मिनेटमा टोलीका लागि तेस्रो र आफ्ना लागि एक कोशेढुंगा गोल गरेका छन् । सम्भवनतः यो कीर्तिमान तोड्न अन्य खेलाडीका लागि असम्भव जस्तै हुनेछ । किनकी मेसी सन् २००४ देखि बार्सिलोनका लागि मात्र खेलिरहेका छन् । पेलेले ब्राजिलियन क्लब सान्तोषमा १८ वर्ष खेलेका थिए ।

त्यहाँ उनले ६५६ खेलमा ६४३ गोल गरेका थिए। यो रेकर्ड तोड्न असम्भव भनिएको थियो । सन् २००४ मा बार्सिलोनाको ए टीममा डेब्यू गरेका मेसीले अहिलेसम्म उक्त टीमलाई ठूलो योगदान गरेका छन् । बार्सिलोनाका लागि उनले १० लिग उपाधि, ४ च्याम्पियन्स लिग उपाधिसहित ३४ मुख्य उपाधि दिलाइसकेका छन् ।

काठमाडौं । स्पेनिस क्लब बार्सिलोनाका स्टार स्ट्राइकर लियोनल मेसीले शनिबार राती ऐतिहासिक रेकर्ड बनाएका छन् । ला लिगा फुटबलमा भ्यालेन्सियाबिरुद्ध बराबरी खेलेको खेलमा कप्तान लियोनेल मेसीले पेलेको कीर्तिमान भेट्टाउन सफल भएका हुन । एउटै क्लबका लागि पेलेले बनाएको सर्वाधिक गोलको कीर्तिमानसँग मेसीले बराबरी गरेका छन् ।

भ्यालेन्सियाबिरुद्ध बार्सिलोनाका लागि मेसीले करियरको ६४३ औं गोल गरे । यो संख्या महान फुटबलर पेलेले ब्राजिलियन क्लब सान्तोषका लागि गरेको अलटाइम करियर गोल थियो । मेसी सन् २००४ यता निरन्तर बार्सिलोनाबाट खेलिरहेका छन् ।

सोहीकारण उनलाई यो ऐतिहोसिक अवसर प्राप्त भएको हो । जुन इतिहासमा सायदै अर्को खेलाडीले तोड्न सक्नेछन् । मेसीले बार्सिलोनाबाट खेल्दै कैयौं विश्वरेकर्ड कायम गरेका छन् । जसले उनलाई इतिहासकै सफल खेलाडी बनाउन सहयोग गरेको छ ।

भ्यालेन्सियाबिरुद्ध शनिबार राति पहिलो हाफको इन्जुरी समयमा उनले दुर्लभ हेड गोल गरे । होचो कदका उनले हेडगोल एकदमै कम गरेका छन् ।

मेसीले बार्सिलोनाका लागि अहिलेसम्म १० लिग उपाधि, ४ च्याम्पियन्स लिग उपाधिसहित ३४ मुख्य उपाधि जितिसकेका छन् । उनी सर्वाधिक ६ वटा बालोन डि ओरको उपाधि जित्ने एक मात्र खेलाडी हुन् ।

काठमाडौं । स्पेनिस लालिगामा निरन्तर खराब फर्मबाट गुज्रिरहेको बार्सिलोना क्रमशः लयमा फर्कने प्रयासमा छ । बुधबार राती सम्पन्न खेलमा रियल सोसिडाडलाई हराउँदै बार्सिलोना पाँचौ स्थानमा उक्लिएको हो । सोसिडाड लीगको सबैभन्दा शीर्ष स्थानमा थियो ।

तर, बार्सिलोनासँग २–१ गोलले पराजित भएसँगै उक्त टीम दोस्रो स्थानमा उक्लिएको छ । पहिलो स्थानमा एथ्लेटिको म्याड्रिड पुगेको छ । घरेलुु मैदानमा भएको खेलमा बार्सिलोनालाई जित दिलाउन जोर्डी आल्बा र डी योङले एक–एक गोल गरेका छन् । सोसिडाडका लागि विलियन जोसेले एक गोल गरे।

खेलमा सोसिडाडले २७ औं मिनेटमा जोसेको गोलबाट अग्रता लिएको थियो । तर, ४ मिनेटपछि आल्बाले घरेलु टीमलाई बराबरीमा ल्याए । ४३ औं मिनेटमा डी योङले गरेको गोल नै बार्सिलोनाको जीतका लागि निर्णायक बन्यो । किनकी त्यसपछि कुनै पनि टोलीबाट गोल हुन सकेन । जितसँगै बार्सिलोनाले १२ खेलबाट २० अंक जोडेको छ।

काठमाडौं । स्पेनिस ला लिगामा बार्सिलोना विजयी भएको छ । लियोनल मेसीको एक मात्र गोलमा बार्सिलोनाले आइतबार स्पेनी ला लिगामा लेभान्टेमाथि १–० संघर्षपूर्ण जित निकालेको छ ।

लगातारको खराब प्रदर्शनपछि राहतका रूपमा टिमले यो जित हात पारेको हो । बार्सिलोनाको जितमा लियोनेल मेसीले खेलको ७६औ मिनेटमा निर्णायक गोल गरेका थिए ।

योसँगै मेसीले बार्सिलोनाका लागि १० नम्बर जर्सीमा आफ्नो ६ सय गोल पुरा गरेका छन् । यो जितपछि बार्सिलोनाको ११ खेलमा १७ अंक भएको छ भने लिगमा आठौ स्थानमा रहेको छ । त्यस्तै लेभान्टेको भने १२ खेलमा ११ अंक रहेको छ ।

काठमाडौं । नेपाली युवा क्रिकेटर सन्दीप लामिछाने बिग ब्यास लिगका सुरुवाती ६ खेल गुमाउने भएका छन् ।

नेपाली राष्ट्रिय क्रिकेट टोलीको बन्द प्रशिक्षणमा रहेका सन्दिप अष्ट्रेलिया जान ढिला हुने भएकाले खेल गुमाउन भएका हुन् ।

अष्ट्रेलिया सरकारको नियम अनुसार त्यहाँ पुगेपछि १४ दिन अनिवार्य क्‍वारेन्टाइनमा बस्नुपर्नेछ ।

बिहिबारदेखि अष्ट्रेलियामा सुरु हुन लागेको लिगमा सन्दीपले यस सिजन म्याथिउ वेडको कप्तानीमा रहेको होबार्ट हुरिकेन्सबाट खेल्दै छन् । उनी डिसेम्बर १४ पछि मात्र अष्ट्रेलिया प्रस्थान गर्ने भएका छन् ।

बिहिबार उद्घाटन खेलमा हुरिकेन्सले सिड्नी सिक्सर्ससँग खेल्दै छ । समग्रमा ह’रिकेन्सले डिसेम्बरमा कुल ६ खेल खेल्ने छ । सबै खेल सन्दीपले गुमाउने छन् ।

सन्दीपले जनवरी २ मा पूर्वटोली मेलबर्न स्टार्ससँगको खेल खेल्ने सम्भावना छ । कोरोना रिपोर्ट नेगेटिभ आएमा मात्र उनी खेल्न पाउने छन् ।