Category: घूमघाम

काठमाडौं । पाहुनाको सेवा सुविधामा लापरवाही गरेको भन्दै दामनस्थित एभरेष्ट पानोरमा रिसोर्ट निलम्बनमा परेको छ ।

संस्कृति, पर्यटन तथा नागरिक उडड्यन मन्त्रालयले मकवानपुरको थाहा नगरपालिका दामनस्थित एभरेष्ट पानारोमा रिसोर्ट तीन महिना बन्द गराउन निर्देशन दिएको हो ।

यस रिसोर्टमा ७ माघमा ८ जना भारतीय पर्यटकको कोठामा निसास्सिएर ज्यान गएको थियो । ग्यास हिटर बालेर सुत्दा भारतीय पर्यटकको ज्यान गएपछि सरकारले छानविन समिति गठन गरेको थियो ।

समितिले घटनामा रिसोर्टले पाहुनाको सेवा सुविधामा रिसोर्टले लापरवाही गरेको पाएको थियो । समितिको सिफारिसको आधारमा मन्त्रालयले रिसोर्टलाई निलम्बन गर्ने निर्ण गरेको हो ।

मन्त्रालयले रिसोर्ट आवश्यक कानुनी प्रक्रिया पूरा गराएर मात्र सञ्चालन गर्न दिने निर्णय गरेको हो ।

मत्रालयका अनुसार माघ २६ गतेको सचिवस्तरीय निर्णयअनुसार उक्त रिसोर्टको स्तर वर्गीकरण नभएको, पर्याप्त सुरक्षात्मक तथा व्यवस्थापकीय कमजोर रहेकाले तीन महिना निलम्बन गरिएको हो ।

पर्यटन ऐन २०३५ अनुसार होटल, लज, रेस्टुरेन्ट, रिसोर्ट तथा बार नियमावलीअनुसार वर्गीकरण, मापदण्डअनुसार प्रारम्भिक वातावरणीय परीक्षण, वातावरण प्रभाव मूल्यांकनसमेत सम्पन्न गराएर रिसोर्ट सञ्चालन गर्न निर्देशन दिइएको छ।

काठमाडौं । मकवानपुरको दामनमा रहेको एभरेष्ट पानोरमा रिसोर्टमा गत माघ ७ मा ८ जना भारतीय पर्यटकको मृत्यु भएको घटनामा पाहुना र होटल व्यवस्थापन दुबैले गल्ती गरेको पाइएको छ ।

रिसोर्टको एउटै कोठामा ८ जना सुतेको स्थानमा ग्यास हिटर बाल्दा निस्सासिएर उनीहरुको मृत्यु भएको थियो । उनीहरुले सुत्दा झ्याल ढोका बन्द गरेका कारण निसास्सिएर ज्यान गएको हो ।

यो घटना हुनुमा रिसोर्टले पाहुनालाई मौसमको जानकारी दिन नसक्नु, पुराना भएका उपकरण नियमित मर्मत गर्न नसक्नु, पर्याप्त सुविधा दिन नसक्नुजस्ता कमजोरी गरेको छ ।

पाहुनाले समेत रिसोर्टका कर्मचारीलाई अटेर गरी जबर्जस्ती गर्नु, बच्चालाई देखाएर रिसोर्टका कर्मचारीलाई तर्साउनु मूख्य गल्ती भएको छ ।

सरकारले यो घटनापछि छानविन समिति बनाएको थियो । समितिको प्रतिवेदन अनुसार दूर्घटनामा दुबै पक्ष सचेत भएको भए क्षति नहुने औल्याइएको छ ।

पाहुना राती साढे ९ बजे रिसोर्ट पुग्दा बाहिर अत्यधिक चिसोले उनीहरु आत्तिकएको, उनीहरुको साथमा बालबालिका भएपनि पर्याप्त न्यानो लूगा नबोक्नुमा रिसोर्टले बेलैमा जानकारी गराउन नसक्नुलाई कमजोरी मानिएको छ ।

रिसोर्टका उच्च तहका कर्मचारी सुतेपछि तल्लो तहका कर्मचारीलाई थर्काएर हिटर कोटा भित्र लगेको पाइएको छ ।

कर्मचारीले भने हिटर बालेर सुत्दा दूर्घटना हुन सक्ने भन्दै सचेत गराएका थिए ।

भारतको केरलास्थित तातो वातावरणबाट आएका पर्यटकलाई दामनको चिसो अधिक लागेको र त्यो सहनै नसकेर हिटर मगाएको पाइएको छ ।

यद्दपी कोठामा विद्यूतीय बेड भने रहेको पाइएको छ । त्यो बेड नतातेको भन्दै पाहुनाले हिटर लगेका थिए ।

काठमाडौं । हिमालय एयरलाइन्सले चीनका सबै उडान स्थगित गरेको छ । चीनमा कोरोना भाइरसको संक्रमण फैलिएसँगै हिमालयले चीनका लागि उडान रोकेको जनाएको छ ।

नेपालबाट चिनियाँ शहरमा हिमालयले मात्र नियमित उडान गरिरहेको थियो । चीनको बेइजिंगलाई नेपालबाट हिमालयले जोडेको छ ।

तर, चीनमा तीन साताअगाडीबाट फैलिएको कोरोना भाइरसका कारण हिमालयको उडान प्रभावित भएको हो ।

चीनका विभिन्न ५ गन्तब्यमा हिमालयले उडान गरिरहेको छ । चीनबाट भने नेपालमा ५ वटा कम्पनीले उडान गरिरहेका छन् ।

उता, बेलायतको बिट्रिस एयरवेजले समेत चीनको उडान बन्द गरेको छ ।

पछिल्लो समय चीन आफैले नै धेरै गन्तब्यबाट पर्यटकहरुलाई प्रवेशमा रोक लगाएको छ । जसले गर्दा चीनबाट अन्य मुलुकमा यो रोगको संक्रमण नहोस भन्ने लक्ष्य राखिएको छ ।

काठमाडौं । अब चीनबाट आएका जहाजलाई छु्ट्टै राखेर यात्रुको व्यवस्थापन गरिने भएको छ ।

नेपालको छिमेकी मित्रराष्ट चीनमा फैलिएको कोरोना भाइरसका सम्बन्धमा सोमबार पर्यटन मन्त्रालयले सरोकारवालासँग छलफल गरेको हो ।

छलफलपछि पर्यटन मन्त्री योगेश भट्टराईले त्रिभुवन विमानस्थलमा चीनबाट आउने जहाजका लागि छुट्टै व्यवस्थापन गर्न निर्देशन दिए ।

नेपालभित्र यसको प्रभाव पर्न नदिन प्रधानमन्त्रीज्यूको समुपस्थितिमा आइतबार छलफल भएको थियो ।

प्रधानमन्त्रीले उच्च सतकर्ता अपनाउन आग्रह गरेका थिए । सोहीबमोजिम पर्यटन मन्त्रालयले सोमबार सरोकारवालासँग छलफल गरेको हो ।

नेपाल भ्रमण वर्ष, २०२० को सन्दर्भमा नेपालको पर्यटन क्षेत्र र जनस्वास्थ्यमा यसको नकारात्मक प्रभाव पर्न नदिन अपनाउनु पर्ने पूर्व सतर्कता, जनचेतना र समन्वयका सम्बन्धमा छलफल गरिएको मन्त्रालयका सहसचिव रुद्रसिंह तामांगले जानकारी दिए ।

बैठकमा मन्त्री भट्टराईले सरोकारवालालाई दिएका निर्देशन

• मूलुकको अन्तर्राष्ट्रिय हवाई प्रवेश विन्दुको रुपमा रहेको त्रिभुवन अन्तर्राष्ट्रिय विमानस्थलमाहेल्थ डेस्कका लागि आवश्यक पर्याप्त स्थान उपलब्ध गराउने, समन्वय एवम् सहजीकरण गर्ने
• विशेष गरी छिमेकी मित्रराष्ट्र चीनबाट आएका पर्यटकमा यस भाइरसको संक्रमणको अनुमान गर्न सकिने कुनैपनि लक्षण देखिएमा होटल, ट्राभलरट्रेकिङ्ग एजेन्सी लगायतका सरोकारवालाबाट यथाशिघ्र तोकिएको स्वास्थ्य संस्थामा पुर्याउने व्यवस्था मिलाउने
• नेपाल आउने हवाईजहाजहरु अवतरण गर्नुपूर्व यात्रुहरुलाई हेल्थ डेस्क गई आधारभूत जाँच गराउन गर्ने व्यवस्था तथा विश्व स्वास्थ्य संगठनले तोकिदिएको मापदण्ड बमोजिम अवतरणको समयमा छुट्टै स्थानमा राख्ने व्यवस्था त्रिभुवन अन्तर्राष्ट्रिय विमानस्थल नागरिक उड्डयन कार्यालयले तत्काल मिलाउने
• पर्यटकलाई सेवा दिने निजी क्षेत्रका सवै संस्थाहरुले यस भाइरसको बारेमा अवलम्बन गर्नुपर्ने सजगता एवम् पूर्व सावधानी सम्बन्धमा आफ्ना कर्मचारीलाई तत्काल सु-सूचित गर्ने गराउने
• कुनैपनि स्वास्थ्य सम्बन्धी उल्लेखित भाइरसबाट आउन सक्ने समस्याका सम्बन्धमा स्वास्थ्य तथा जनसंख्या मन्त्रालयले उपलब्ध गराएका सूचना एवम् गर्नुपर्ने आवश्यक सहयोगमा पूर्ण सक्रियताका साथ कार्य गर्ने गराउने
• नेपालमा स्थलमार्गबाट समेत पर्यटक प्रवेश गर्ने स्थानहरु खासगरी रसुवा, यारीनाका लगायत उत्तरी सिमानाकाहरु समेतमा उल्लेखित सतर्कता र पूर्वसावधानीहरु अपनाउने
• उल्लेखित भाइरसको सम्भावना भएका बिरामीलाई तत्काल निगरानीमा राख्नुपर्ने भएकोले यस सम्बन्धमा सबैले पूर्व सावधानी एवम् सजगताका साथ कार्य गर्ने गराउने
• विमानस्थलमा कार्यरत कर्मचारीहरुले कार्यस्थलमा मास्क, पञ्जा र आवश्यकतानुसारका अन्य स्वास्थ्य सावधानीका उपायहरु अवलम्बन गर्ने
• चिनीयाँ पर्यटकको बढी उपस्थिति हुने जस्तै काठमाण्डौ, पोखरा, चितवन, लुम्बिनी जस्ता स्थानहरुमा यस सम्बन्धमा विशेष पूर्व सावधानी अवलम्बन गर्ने गराउने
• कोरोना भाइरसबाट बच्ने र बचाउने उपायका सम्बन्धमा जनचेतना बृद्धि गर्ने किसिमका क्रियाकलापहरु सबैले गर्ने गराउने ।
• मानिसहरुको धेरै आवतजावत हुने धार्मिक, साँस्कृतिक स्थानहरुमा सचेतनामूलक प्रचार प्रसार कार्य संचालन गर्ने
• कोरोना भाइरस सम्बन्धी स्वास्थ्य तथा जनसंख्या मन्त्रालयले तयार गरेका पोष्टर, पम्पलेट, सूचना मूलक अन्य प्रचार सामाग्री पर्यटन विभाग र नेपाल पर्यटन बोर्डको समन्वयमा प्राप्त गरी प्रमुख होटल तथा ट्राभलरट्रेकिङ्ग कम्पनीका कार्यस्थलमा पर्यटकले देख्नेगरी राख्ने व्यवस्था मिलाउने

बेइजिंग । चीनले कोरोना भाइरसको संक्रमण बढ्दै गएपछि देशभर हुने विभिन्न पर्यटकीय गतिविधि खुम्च्याउने भएको छ ।

राजधानी बेइजिंगबाट विभिन्न प्रान्तलाई जोड्ने बस बससेवा कटौती गरिदैछ । चीनले सोमबारदेखि सबै प्रकारको पर्यटकीय गतिविधि र अन्तर्राष्ट्रिय ‘टुर’ भ्रमण तत्कालका लागि रद्द गर्ने निर्णय लिएको हो ।

यसले अति प्रभवित प्राप्तबाट अन्य स्थानमा कोरोनाको भाइरस नफैलियोस भन्ने उद्देश्य लिइएको हो ।

आन्तरिक रुपमा पर्यटकीय गतिविधिमा धेरै सुस्तता आइसकेको छ । अब विदेशका पर्यटकलाई समेत प्रभावित क्षेत्रमा जान दिइने छैन ।

चिनियाँ राष्ट्रपति सी जिनपिङले चिनियाँ नयाँ वर्ष ‘लुनार’ को अवसरमा दिएको सन्देशमा चीनले गम्भीर अवस्थाको सामना गरिरहेको उल्लेख गरेका छन् ।

चीनमा कोरोना भाइरसको संक्रमणबाट कम्तिमा ४२ जनाको ज्यान गइसकेको ।

एक हजार चार सयभन्दा बढी सङ्क्रमित फेला परिसकेका छन् । अमेरिका, कोरिया, जापान, थाइल्याण्ड, नेपाल, फ्रान्सलगायत मुलुकमा यसको सङ्क्रमण फैलिएको छ ।

काठमाडौं । चीनबाट फैलिएको कोरोना भाइरसले मानिसहरुको ज्यान जान थालेसँगै विश्वभर पुग्ने चिनियाँ नागरिकको यात्रा प्रभावित भएको छ ।

चीन आफैले ११ शहरमा सबै प्रकारका पर्यटकलाई भ्रमणमा रोक लगाएको छ भने संसारभर विमानस्थलमा चिनियाँ नागरिकमाथिको स्वास्थ्य निगरानी कडा बनाइएको छ ।

खासगरी ठूलो जनसंख्या भएका कारण चीनलाई यात्रामा प्रतिवन्ध लगाउँदा विश्वकै पर्यटन क्षेत्र प्रभावित हुन्छ ।

चिनियाँ नर्या वर्षमा करीव ३ करोड चिनियाँ नागरिक आफ्नो थातथलो छाड्न पाएनन् ।

यसले संसारभरकै पर्यटन व्ववसाय प्रभावित हुने भएको हो ।

चीनको वुहान प्रान्तबाट यो भाइरल फैलिएको हो । यसले ४१ जनाको ज्यान लिइसकेको छ । हुबेई प्रान्तमा १५ जनाको ज्यान गएको छ ।

एक जना चिकित्सकले समेत सोही रोगविस्द्ध अन्य बिरामीको उपचार गर्दागर्दै ज्यान गुमाएका छन् ।

चिकित्सकहरुका अनुसार मानिसबाट मानिसमा यो रोग सर्छ ।

डिसेम्बरमा पहिलो पटक देखिएको यो भाइरस चीनको किन्घी र तिब्बतमा भने अझै भेटिएको छैन । ९ सय जना यस रोगका कारण संक्रमित भइसकेका छन् ।
एजेन्सी