रसुवा पुनः सडक संजालमा जोडियो

१२ भदौ, काठमाडौं । बाढीले रसुवालाई सडक संजालबाट विच्छेद गरेको थियो । आज काठमाडौं–टोखा–छहरे–गड्खार पुल–आप्र–नर्जा–लच्याङ–सरमथली–पाटीखर्क हुँदै बोगटीटार–कालिकास्थान–धुन्चे सडकखण्डको वैकल्पिक मार्ग सञ्चालनमा ल्याइएको छ । पूर्वाधार विकास मन्त्रालयका अनुसार यस सडकमा ४ चक्के साना सवारीसाधन सञ्चालन गर्न सम्भव छ । सडकखण्ड सुचारु भएसँगै रसुवा सडक सञ्जालसँग पुनः जोडिएको मन्त्रालयले जनाएको छ । नुवाकोट र रसुवाको सीमानाका दुबै पक्की पुल बाढीले बगाएपछि यो हिमाली जिल्ला राष्ट्रिय सडक संजालबाट विमुख हुनु परेको थियो ।