काठमाडौं । नेपाली प्रतिभाशाली युवा दिवेश पोखरेल (आर्थर गन) अमेरिकन आइडलको उत्कृष्ट ७ भित्र अटाउन सफल भएका छन् ।
विश्वचर्चित गायन रियालिटी शो अमेरिकन आइडलको टप ७ मा पुग्न सफल उनले निरन्तर निर्णायकको मन जिजिरहेका छन् ।
भोटिङ र निर्णायकले दिएको नम्बरका आधारमा उनी उत्कृष्ट ७ मा अटाउन सकेका हुन् । उनको पछिल्लो प्रस्तुतीपछि अब फाइनल राउण्डमा प्रवेशका लागि भोटिङ शुरु भइसकेको छ ।
उनले सोमबार बिहानको एपिसोडमा सामुयल इ राइटको ‘किस द गर्ल’ बोलको गीत घन्काएका थिए ।
अब हुने भोटिङ पछि २ जना आउट हुनेछन् भने ५ जना फाइलन प्रवेश गर्नेछन् । फाइनल एपिसोड भने १७ मेमा राखिएको छ ।
काठमाडौंमा जन्मिएका दिवस सन् २०१४ यता अमेरिकामा छन् । नेपालमा प्लस टू सम्मको अध्ययन पछि उनी अमेरिका छिरेका हुन ।
अहिले भने सपरिवार अमेरिकामा बसोबास गरिरहेका छन् ।