काठमाडौं । नेपाल विद्युत् प्राधिकरणले आज राजधानीका विभिन्न स्थानमा विद्युत् कटौती गर्दैछ ।
प्राधिकरणका अनुसार बानेश्वर सबस्टेशनमा आवश्यक मर्मतको काम जारी रहेका कारण त्यसअन्तर्गत वितरण भएको विजली कटौती हुन लागेको हो । शनिबार मध्याह्न १२ बजेदेखि २ बजेसम्म विद्युत् आपूर्ति नहुने प्राधिकरणले जनाएको छ ।
यसबाट धोबिखोला, वाग्मती, कोटेश्वर, बानेश्वर, पूरानो एयरपोर्ट, लुभूलगायत स्थानमा विद्युत् कटौती हुन लागेको हो । प्राधिकरणले बानेश्वर सबस्टेशनको ११ केभी बसबारमा मर्मत गर्न लागेको जनाएको छ ।
प्राधिकरणले विद्युत् कटौती हुँदा पर्ने असुविधाप्रति उपभोक्तामा क्षमा माग्दै निर्धारित कार्य समय अगावै सकिएको खण्डमा विद्युत् प्रवाहसमेत हुनसक्ने जानकारी दिएको छ ।