काठमाडौं । नेपाल पत्रकार महासङ्घको नयाँ नेतृत्वको लागि बुधवार सम्पन्न निर्वाचनको मतगणना जारी रहँदा अध्यक्षका प्रत्यासी विपुल पोखरेलको अग्रता कायम छ । ७७ वटा जिल्लासहित केन्द्र स्तरमा भएको निर्वाचनको ६० जिल्लाको नतिजा आइसकेको छ । जसमा पोखरेलले आफ्ना प्रतिस्पर्धी निर्मला शर्मा र गजेन्द्र बुढाथोकीलाई उछिनेका छन् ।
काठमाडौं, ललितपुरसहितका जिल्लाको नतिजामा कांग्रेस, माओवादी केन्द्र र एमाले (नेपाल) समुह निकट पत्रकारहरुको गठबन्धन वियजी भएको छ । यही नतिजा केन्द्रमा समेत देखिएको छ । सबैभन्दा धेरै मत काठमाडौं जिल्लाबाट परेको छ । यहाँ १२ सय ३४ मत खसेको थियो । यो भोट निर्णायक मानिन्छ । सबै नतिजा आउन भने अझै एक दिन लाग्न सक्ने अनुमान छ । बुधबार ७७ जिल्ला, ४२ प्रतिष्ठान र १२ वटा एसोसिएटको चुनाव भएको छ ।