काठमाडौं । कोरोना व्यवस्थापन केन्द्र (सीसीएमसी)ले वैशाख महिनाभर शहरी भेग र कोरोना प्रभावित क्षेत्रका विद्यालय बन्द गर्न सिफारिस गरेको छ । आज बसेको सीसीएमसी बैठकले ठूला सहर र कोरोना सङ्क्रमण फैलिएका ठाउँमा बैशाख मसान्तसम्म विद्यालय बन्द गर्न सरकारलाई सिफारिस गर्ने निर्णय गरेको हो । सीसीएमसी बैठकले सहरी क्षेत्रका विद्यालय बैशाख मसान्तसम्म बन्द गर्न मन्त्रिपरिषद्लाई सिफारिस गर्ने र अरु ठाउँमा प्रदेश र पालिकाले निर्णय गरेअनुसार हुने निर्णय गरेको हो ।
कोरोना महामारी फैलनुमा विद्यालयहरुको ठूलो हात रहने र यसले बालबालिकामा समेत समस्या देखिन सक्ने सम्भावना रहेको निष्कर्षमा सीसीएमसी पुगेको छ । भौतिक उपस्थिति बन्द गराएर अनलाइनमार्फत पठनपाठन सञ्चालन गर्नुपर्ने निर्णयको लागि मन्त्रिपरिषद् बैठकलाई सिफारिस गर्ने निर्णय समेत बैठकले गरेको छ ।